بقلم نجلاء فتحى
أمام منزل العروسه توقف سيارة عبدالله وأسرع وأنزل أمه برفق وزينه نزلت من السيارة هى ونور،،،،،على الجانب الأخر نزل العريس من سيارته هو وأخواته الصبيان
_______
[داخل غرفة الضيوف ]
زينه بلويه بوز مش بطال٠
عبدالله/ لم عينك ٠
زينه بتفحص المكان/ إللى يشوف المكان والعمارة ميشوفش الشقة ٠
عبدالله/ الشقة حلوة
زينه بتفحص/ مش بالشكل
راضية/ أخفضى نظرك
أنس/ الخدامه حكايه صاروخ أرض جو يطير النفوخ
عبدالله بين أسنانه/ 😡😡😡 حرف زيادة أقطع لسانك
بهاء/ أرجوك يا والدى أحنا عند الناس،،وأنت يا أنس أحترم نفسك وبابا وأحنا
عصام/ حسابنا بعدين
نفخ أنس/ زيارة سودة
راضية/ ليه الفال دة ،،عصام مش مرتاحه قلبى أنقبض أول مدخلت
عصام/ ليه كدة كنتى فرحانه
راضيه/ حسيت بخنقه
زينه/ وأنا يا صاصا
عبدالله بضيق/ لمى لسانك يا جزمه مدلعيش راجل غيرى
زينه بعدم أهتمام/ مفيش فايدة فيك
بهاء/ باس فى حد جاى ،،
أتت الخادمه التى يأكلها أنس بعيونه وهى تدفع عربه خشب دورين عليها واجب الضيافة مشروب وحلويات
زينه بضيق/ فشخرة كدابه
راضية/ من أولها يشمخوا علينا
زينه بضيق/ الواد عايز البت ،،أموت وأشوفها رافض يوصفها
نور/ صوتك يا مامتى ،،بيت ذى دة ممكن يكون فيه كاميرا
زينه/ أووووف عبدو أتأخروا هما مش عارفين أحنا جايين
عبدالله بضيق/ قله ذوق،،قولتلكم بلاش نجى
عصام/ أصبر يا معلم عايز البنت
نفخ عبدالله وسكت
أنس/ أكيد مزة
بهاء/ أحترم نفسك
عبدالله/ إللى يخرصة دة،،ثم لسعة قلم على قفاة،،،،،دلك أنس مكان الصفعة وقال:- تسلم إيدك يا سييييد المعلمين
زينه/ إيدك مش تتمد على الواد فى وجودى
راضية تدخلت ومنعت عبدالله من الأنفعال وشدت أنس يجلس بجوارها وأمسكته مثل الطفل الصغير الشقى
أتى راجل يرتدى بدله وصوت حذائه على الأرض يطرقع وخلفه سيده ترتدى ملابس مكشوفة و جلسوا
أبو العروسه/ أهلا
عبدالله نظر لهذا المتعالى الذى يضع قدم على قدم وزوجته التى تجلس أمامه حاول يتجنب النظر ليها فهى تجلس أمامه بهذا الوضع وقال/ أهلا
مرت دقايق من الصمت والنظرات
راضية قطعت الصمت/ طبعا عارف يا بيه أحنا جايين ليه
الأم بتعالى/ أكيد
راضية أستغربت من الرد المفروض تكلم أبو العروسه والعرف يقول أى اتفاق مع الرجاله وليس الستات نظرت لعبدالله فهم نظرتها وقال/ أعرفك بنفسى
أم العروسه بتعالى / عارفين ،،عبدالله عصام عطار وساكن فى حارة شعبيه فى الحُسين فى حته شقة دور أول
عبدالله/ بكلم سيادة المستشار
أم العروسه/ كلامك معايا
زينه ساكته وكاتمه غضبها أحترامآ لزوجها
عبدالله/ وأنا راجل معلم وأبن بلد وكلامى مع راجل البيت ثم نظر لأبنه عصام وقال :- ولا إيه يا عريس
عصام / إللى تشوفه يا معلم
عبدالله/ حلو ،،يبقا الأصول الرجاله تتكلم لما تعدم أبوها أمها تدخل ،،تعبان يا سيادة المستشار مش قادر تتكلم
تنحنح المستشار/ المدام من حقها تتكلم
عبدالله/ براحتها بس بعد كلام الرجاله ،،،
المستشار/ قول إللى عندك
يشعر عبدالله بخنقه غير طبيعية ،،يشعر مكسور عينه،،،شعور الخزى من الماضى يخنقة ،،خايف يكسر خاطر أبنه فقال/ أبنى المحاسب عصام ٠٠
المستشار/ عارف كل حاجه عن العريس
زينه / شكلك رافض العريس حقك يبقا من الأول مكنتش وافقت وحددت ميعاد
نظر لتلك السيدة التى تلمع بشرتها مثل الأطفال ليس مكياج بل رباني من أثر الحمل الذى لم يظهر بسبب وضع شنطتها تحجب بروز بطنها كم هى أنيقة محتشمه تجلس بثقة رغم جلوسها عادى لم تضع قدم على قدم عكس زوجته،،، أشتعل عبدالله بالغيرة وقال بين أسنانه/ كلامك معايا يا بيه
تنحنح المستشار/ الهانم أخت العريس
عبدالله بغيرة/ مراتى وأم العريس وخط أحمر
قطع الحديث ظهور فتاة سمراء ترتدى ملابس محتشمه للغاية
أم العروسه / بنتى لاما العروسه
أتسع عين الجميع فهى سمراء ما هذا نظرت زينه لأبنها وجدته أبتسم ،،كيف تكسر بخاطرة لكن أولادها سيكونون لونها ما العمل
لاما/ هاى
زينه وراضية بتعلثم/ وعليكم السلام ورحمة الله وبركاته
لاما/ مين فيكم مامت العريس
زينه بأبتسامة مصتنعة/ أنا يا حبيبتى
لاما/ حضرتك صغيرة ما شاء الله
زينه / تعالى أقعدى جنبى إيه القمر دة
لاما بفرح/ قمر إيه ،قولى ليل
زينه بحنان أم ربتت على ظهرها/ وماله الليل وحش الليل دة الحلو والدلع كله بالليل ،،راحة وسكون وهدوء
شعرت لاما بحنان غير طبيعى فقالت/ حضرتك أسمك إيه
عصام/ ماما زينه و تبقا دكتورة أطفال
لاما/ بجد
أم العروسه/ أزاى دكتورة وأتجوزتى معلم
زينه/ القلب وما يريد يا حبيبتى المعلم دة عندة إللى مش عند رجاله العالم
أم العروسه نظرت لعبدالله بتفحص ورفعت حاجبها ،فهم عبدالله نظرتها وقال لنفسه :- مرا بنت ***** ناقصة ربايه زوزو بتتكلم فى حته والمرا دماغة سرحت فى حته
أبو العروسه/ أحنا طلباتنا غاليه عليكم
عبدالله بضيق/ كل ما أملك قصاد سعادة أبنى
أم العروسه/ طبعآ شايف وضعنا الآجتماعى أنا سيدة أعمال
وبابها مستشار أقصد متقاعد على المعاش والشقة والخدم
زينه بين أسنانها/ قولى طلباتك على طول
أم العروسه/ شبكه سولتير وفيها فصوص ألماظ حر ،،وفيلا فى التجمع تتكتب بأسمها وتغير عربيتها بمديل جديد حديث وتكتب بأسمها فلوس مليون جنيه بالبنك مش معاك مش مهم ذى بعضة محل العطارة والهايبر بأسمها والبيت بتاعكم فى الحُسين يكون بأسمها ويبقا كرمنكم ذى بعضة دة غير المهر خمسه مليون جنيه والعصمه فى إيدها كفايه تناسبوا سيادة المستشار و أنا
أنس/ وليله الدخله على مين على العروسه وتقوم بدور العريس و******
أم العروسه/ أنت مين
أنس بعشوائيه أطلق صوت بفمه بحركه غير لائقه وقال:- دة عندها يا أم فتكات
أم العروسه بقرف/ فتكات اوووو بلدى مين فتكات
أنس/ لبانه العروسه
شهقت أم العروسه/ أنا بنتى لاما تبقا لبانه وفتكات يا جربوع
عوج أنس بقه وقال بهماجية/ أتعدلى يا مرا ولمى رجلك فتحاها لييييييه شيفانا ذى إللى جنبك فووووقى جربوع مين دة أنا أبن المعلم عبدالله عصام ي****** إللى جبوكى هنا
زينه بهدوء وقد عجبها الكلام/ عيب يا أنوس دى ولية كبير برضو
أم العروسه/ اووووووو مش معقول جرابيييع
عبدالله مصدوم من أبنه فقال بهدوء/ أكتم ياااض
أنس/ بيبيعوا ويشتيروا فينا لية متخلوش الواحد يعترض على خلقه ربنا على بنتكم،،،،،
عصام بحدة/ باااااااس يااااااض حسابنا بعدين،،،على العموم أنت خسرت راجل بجد لبنتك، أعجبت بيها من أول مرة علشان أخلاقها ودخلت البيت من بابه وطلبتها بينى وبين نفسى بالحلال قبل معرف أسمها وهى مين وبنت مين كنت فاكرها من بيت أصول أظاهر المظاهر خداعه ، أنا أسف يا معلم عبدالله أسف يا دكتورة زينه أسف يا حاجه راضية أنتى وأخواتى بهدلتكم ٠
نظرت زينه ل لاما الحزينه
أم العروسه/ برا بيتى يا أوبااااااش
لاما بعصبيه/ بكرهك ثم دخلت غرفتها تبكى
زينه/ ونعمه التربيه دى بتغلط فى أمها ، يلا يا معلم ولا مستنى تطلبك البوليس بلا قرف نسب يقرف ،،،ست كسر نصف كم ثم شدت عبدالله للخارج وسند عصام جدته وهو حزين ومحروج٠
(وفى الشارع )
زينه/ مسمعش صوت حد فيكم قال مستشار قال خليها جنبك خللها أمال لو حلوة شويه دى طولت لسانها على أمها وأنا أنخدعت فى برائتها
بهاء/ ثانية واحدة العروسه سودة وأبوها وأمها بشرتهم فاتحه فى حاجه غلط
عبدالله/ مش ناقصاك يلا على البيت ولا كلمه كفايه فضايح وأنت يا أنس
أنس/ عارف عقاب
عبدالله/ لا يا أبن ال🐕 المرادى سماح وبعد كدة تحترم وجودى
أنس براحه/ تسلم يا معلم
أيهم/ مش عاكست أمها ليه
أنس/ فخادها مكرمشه أنما الخدامه عود قصب عايز ٠٠
عبدالله لسعة على قفاة/ أختك وافقة يا ع**، يلا على البيت
زينه بيأس/ مفيش فايدة فيك طالع لأبوك
عبدالله/ هو أنا بعاكس
زينه/ متقدرش وأنا موجودة هو واخد لسانك الطويل مع التجديد بقا كدة
عبدالله بضيق/ لولا إللى فى بطنك كنت
زينه بحدة/ كنت إيه يا عبدالله قول سماعك مخلاص مليش كلمه شايفني عيله صغيرة قدامك
راضية/ باااس يا بنت أنتى وهو
عبدالله/ شايفة بنتك
زينه/ شايفة أبنك مفترى عليا كاسر بخاطرى بهدلنى فى الشارع والله العظيم ما أنا راكبه معاك العربية وبكت وجريت لعربيه عصام
عبدالله بصدمه/ يابنت ***** ضربنى وبكى سبقنى وأشتكى ماشى يا جزمه أنا معرفتش أربى وحيات راضية لتتربى يا روح أمك على الحركه دى
راضية/ مليش دعوة بيكم دماغكم صغيرة إيه إللى جبنى معاكم
بقلم نجلاءفتحى عاشقةالكلمات
___________
(فى روما )
يقف الخدم أمام سيف الذى يعنفهم
أتت آيه/ موقفهم كدة ليه أحنا فى قسم شرطه
سيف/ كسروا كلامى
آيه/ يعنى كسروا بيت ألماظ سبهم
سيف/ ملكيش دعوة، ، إللى غلط يتحاسب
وقفت آيه أخر الصف بجوارهم
سيف/أطلعى برا الصف
آيه/ عملوا إيه وأنا أطلع
سيف/ فتحوا الشبابيك ،،شغلوا التلفزيون و٠٠
آيه بتسرع/ البيت بقا فيه حياة وانت عايزة تابوت مقفول،،،، وجدته أعطى لها ظهرة شاورت للخدم بالأنصراف
ثم وضعت إيدها على ظهره/ سيف البيت بيه حياة و روح،،،،، الشمس نور تبلع الظلمه لية عايز الظلمه تبلع النور أنا حبيته كدة حاول تعيش الحياة على مزاجى أدى نفسك فرصة على فكرة عملت حاجه حلوة ليك جيلى فواكه بالطريقة المصريه مش بتاعة الطباخ الأجنبي دة وعلى الله تقول وحشه أرشق الشوكه فى لسانك ثم ندهت على الخادمه لتجلب طبق الجيلي، ،رفضه سيف بالبدايه لكنها ضربته فى رجله فجلس على الكرسى وأطعمته معلقة غصب وحين تناولها أخذ الطبق بهدوء وبدأ يستطعم الطعم وقال/ فاكرتينى بالدادة بتاعتى كانت بتعمله ليا وأنا صغير تسلم إيدك أنا بحبه أوووى
أبتسمت آيه وربتت على شعرة بحنان/ بألف هنا ،،شوفت المصرى لا يعلى عليه ولسه دى بدايه حياه سعيده لينا
لم ينتبه لها سيف فقد غرق فى ذكريات طفولته السعيدة مع طبق الجيلى
بقلم نجلاءفتحى عاشقةالكلمات
________
(فى روما )
قررت زوجه بهاء النزول لمصر بدون آذن أخوها حتى لا تعرف زوجته فهى أخت بهاء فهى متعودة النزول للقاهرة بمفردها لزيارة الأقارب ،، ،، والآن الإقامة فى منزل بهاء القديم الذى كان يسكن فيه مع آيه فى الحارة المجاروة لحارة عبدالله
____________
مرت أيام كذبت زينه وخرجت من البيت بحجه تشترى ملابس خاصة لنور أبنتها والحقيقة ذاهبه للفتاة التى شغلت عقل أبنها أنس لم يعلم أحد بالموضوع على أعتقاد أنس تركها بعد عقاب أبيه له ٠وصلت زينه بسيارتها الخاصة أمام مدرسة فنيه للبنات ودخلت للداخل وسأل عن أسم الفتاة ،، وجدتها مفصوله من أولى ثانوى لسوء سلوكها الغير أخلاقى ، حاولت بصعوبه تحصل على عنوان منزلها حتى وجدته
،وكان فى شبرا الخيمه وصلت بصعوبه لا تنكر خوفها من عبدالله يرعبها لكن خوفها على أبنها أكتر وصلت للمنزل وتأكدت من أحد الجيران آن هذا منزل الفتاة المرغوبه لم تصتدم من كلام الناس عن سمعتها ، ثم صعدت لشقتها حاله المنزل سيئه للغايه تكاد آن تنقطع أنفاسها وهى صاعدة الدرج وتمسك التراب بعبايتها السمراء طرقت الباب فتحت لها سيدة مسنه للغايه
زينه/ بيت سوسن الشهيرة بسوسو مشاوير
السيدة/ الله يلعنها أيوة بيتها، ،لو سرقت منك حاجة عندك القسم
زينه/ أنتى أمها
السيدة/ جدتها
زينه/ ممكن نتكلم جوا
السيدة/ أنتى مين
زينه/ الدكتورة زينه مرات المعلم عبدالله عصام تاجر عطارة فى الحُسين وصاحب هايبر زينه فى وسط البلد
السيدة/ أهلا وسهلا يا بنتى متأخذنيش إللى ميعرفك يجهلك يا دكتورة أتفضلى البيت مش قد المقام
زينه/ البيت بناسه يا حاجه مش بالعفش إللى فيه
السيدة/تعيشى يا بنتى طلباتك
زينه/ حفيدتك ضحكة على أبنى دة عيل فى ٣ أعدادى بس صلاة النبى علية رجلية شيلاه وطول بعرض
السيدة/ بتتريق عليه معلشى
زينه/ لاء،،دى واكله عقله حلاوة وعايز يتجوزها أبنى مبقاش منتبه لدراسته أبوه لما عرف مكدبش عليكى عمل إيه حفيدتك سمحتله يبوسها ويحضنها كتفه على السطح عريان ليله كامله وزحف على بطنه على السطح ولحس علبه الطيور غير الضرب
السيدة/ فى حد فى الزمن دة يعمل كدة فى ضناه
زينه/ عيالنا كنزنا أرجوكى مش عايزة أبنى يضيع منى أنا جيت علشان أتكلم مع البنت لاقيتك ست طيبه حفيدتك تتجوز أبنى أزاى دى ثانوى فنى لقتها مرفودة
السيدة/ جواز إيه يا هانم دى عندها ٢٥ سنه وأبنك صغير عليها هو أنتم أغنية
زينه/ الغنى هو الله
السيدة/ بدعى عليها تموت كل دقيقة
زينه/ مربتهاش ليه
السيدة/ بنت أبوها رماها ليا وأتجوز وأمها مش عايزاها تكون أزاى
زينه بأنفعال/ ملهاش علاقه، ،التربيه ملهاش دعوة أعرف واحدة ظروفها قريبه من ظروف حفيدتك ولاقت الأهتمام فى بيت عمها ومراته وبقت حاجه تشرف وسط الخلق
السيدة/ النصيب بقا
زينه/ والحل ،،جوزى لو عرف حفيدتك وأنتى تروحوا ورا الشمس
السيدة بخوف/ معرفش جوزك،،بس أسمع معلمين الحُسين صعبين أقولك أبوها ابنى و عايش روحيله جايز يلمها
زينه/ أنتى بتقولى رماها
السيدة/ لما عرف ببلاويها كان يقتلها بس الناس أتدخلت
زينه/ وأكون السبب فى موتها خلينا ستات مع بعض أرجوكى لما عايزة فلوس ،،دهب تحت أمرك بس البنت تبعد عن أبنى ،،دة طايش عامل ذى المتعلق بلعبه
السيدة/ علشان أتكلمتى معايا براحه وأحترمتى شيبى أساعدك أنا فقيرة مش طماعة يا هانم ،،،،وهنا أنفتح الباب ودخلت فتاة
السيدة/ دى سوسن
نظرت ليها زينه بتفحص وقال/ لايق عليكى لقب سوسو مشاوير أكتر من سوسن
سوسن/ أنتى مين يا حبيبتى
زينه/ أم أنس
سوسن/ أممممم الدكتورة يا مرحب جايه تطلبينى من جدتى
زينه/ عبيطه يا روح أمك أرميلك أبنى يا عجوزة مش عيب بت ٢٥ سنه تبص لواد مبلغش ولا طلع بطاقة غلطتى مع حد وتلبسيها للواد
سوسن بعشوائيه/ أحترمى نفسك يا ماما بدل م أفرج عليكى الشارع يا ***** جايه بيتى تطولى لسانك وأسكتلك دة أنا أخرجك حامل من منطقتى
السيدة/ اتلمى يا ناقصة ربايه السماح يا هانم السماح يارب تموتى يا سوسن وأخلص منك
زينه بعشوائيه وقد ظهرت تربيه عبدالله صح / لاااااااء يا عين أمك متفكريش دكتورة أسكت ودينى أربيكى بالشبشب يا ناقصه ربايه فكرانى أسيبلك تعب وشقى سنين بتحلمى دة أبن المعلم عبدالله عصام يوم ميتجوز ياخد بنت ناس حسب ونسب
سوسن بعشوائيه/ وأبن المعلم دة مربتهوش لية
زينه/ إللى زيك فيروس لولاد الأصول وباء يفسد تربيتهم
سوسن/ أبنك ملكى غصب عنك وعن عين أبوه
زينه/ أبعدى عن أبنى
السيدة/ خرجت للبلكونه وندهت عيل من الحارة ينادي أبنها من الورشة
بعد دقائق أتى راجل غليظ الصوت وحكت زينه ما فعلته أبنته بأبنها
الراجل/ حقك عليا يا ست الدكتورة ،،،أنا عارف المعلم عبدالله أسمع عنه وعن الخير إللى بيعمله لله دة خيره واصل شبرا هنا رغم عمرى مشوفته خطوتك عزيزة وإذا هو ربى أبنه وبهدله الدور عليا فى بنتى
سوسن/ بنتك. بأمارة إيه،،بأمراه رميتنى لجدتي، ،أنت وأمى كل واحد عايش حياته لحد مبقيت سوسو مشاوير بقا مزاج عندى أضحك على عقل الشباب الصغير ذى م أضحك عليا وأستغليت
رق قلب زينه للفتاة بقلب أم فقالت بلين/ عجبك اللقب بتاعك لية ضيعتى نفسك
سوسن أبعدت إيد زينه من عليها/ أنت لو عيشتى ظروفى مش تقولى كدة يا دكتورة ،،،ثم نظرت لأبيها وأخرجت من جيبها مال رمته فى وشه وقالت:- دول فلوس عارف منين كنت بايته مع واحد رفضت تصرف عليا ودى النتيجة بنتك بقت مشاوير وليا ملف عند الحكومه أدااااااااب أقول تانى ولا كفايه
الأب/ أمى كانت بتربيكى
سوسن/ وأنت مش ربتني لييييييه بشوف بنتك من مراتك التانية حاجه تفتح النفس وأنا لاء،،،وأمى عيالها كدة ،،،محدش يلومني خلاص دخلت طريق ودوقت طعم الفلوس والعز لايمكن أرجع للفقر تانى، ،،،أنت مش أبويا أنت واحد أسمك وراء أسمى فى البطاقة وبس ساااااااااامع
زينه/ أى كان يا بنتى عندك فرصة تبتدى صفحة جديدة على نظافة الحلال صعب فى أوله خصوصآ لواحدة زيك بس فى النهايه ،ربنا يكرمك أعتبرينى ذى أمك
سوسن/ بكرة كلمه أم مش بطيقها
زينه/ أعتبرينى واحدة بنصحك، ،توبى لله توبه خالصة من قلبك وأبعدى عن الحارة إللى عرفوا فيها سوسو مشاوير وعيشي فى مكان سوسن البنت أم ٢٥ سنه وأطلبى الحلال والستر من ربك ربنا يسترها عليكى ليوم الدين ثم قالت بحدة:- أنس خط أحمر لو عارفت لسه على علاقة بيه صدقينى أسلمك للموت بنفسى مش الحكومه مفيش أعز من أبنى ثم تركتهم وهى تسمع أشتباك سوسن مع جدتها وأبيها
بقلم نجلاءفتحى عاشقةالكلمات
________________
توقفت سيارة زينه أمام المنزل وركنتها ثم ترجلت لمحل العطارة ونظرت للداخل وجدت زوجها يتحدث مع سيدة ترجلت لمكتبة الخشبى وسط المكان وجلست على كرسى وعيونها مركزة مع عبدالله
أتى عبدالله / جايه ليه
زينه/ بلاش أجى
عبدالله/ أرجعى البيت عندى شغل
زينه/ هى الستات بقت شغل
عبدالله/ أنتى سبتينى ومشيتى فى الشارع وركبتى العربيه مع أبنك
زينه/ عادى
عبدالله/ أتأخرتى برا
زينه بكذب/ الشوارع زحمه وأنت قايلى سوقى براحه
عبدالله/ من أمتى بتسمعي كلامى
زينه/ ومن أمتى عبدو بيخاصم زوزو
عبدالله/ عندك عيالك فى بالك وأنا بقيت على الرف
زينه/ على الرف جوا قلبى يا عبدو
تنحنح هو/ زعلان مش بكلمك بينا خصام
زينه أقتربت منه/ قلبى بيحبك يا روح الروح وميقدرش على بعدك كفايه خصام من أمبارح،،،، الليل برا حضنك برد يا عبدو
عبدالله بعتاب/ عندك عيالك رجلتك يدفوكى ما أنا كبرت وراحت عليا
زينه/ أنا بتاعة عبدو ولعبه عبدو هو يدفينى أنت الأول وهما التانين يا بودى خلاص بقا صفيه لبن
عبدالله/ حليب ياجشطه
أبتسمت زينه/ زعلان يا عشق الروح
عبدالله بصدق/ عمرى مأزعل منك أبدآ
أمسكت زينه طرف شاله تلعب بيه وقالت بدلع مهلك/ عبدو
عبدالله بهيام وقد نسى أنه فى المحل/ أمممممم
زينه بدلع/مين الست إللى كنت واقف معاها
أبعد هو إيدها وجلس على كرسى مكتبه / ملكيش فيه
ضربت بكفوفها على المكتب/ يعنى إيه مين دى
عبدالله بحدة/ شغل يا روح أمك
زينه بغيرة/أفرج عليك الحارة ،،الست حلوة وعينها ملونه وشعرها
عبدالله بهدوء/ محجبه
زينه/ والخصل إللى نازله من الطرحة مدام عجباك أعملها
عبدالله بحدة/ وطى صوتك يا بنت ***** على البيت يا جزمه معرفتش أربى
زينه ألقت فى وشه حفنه كمون حصى أخذتهم من الشوال وقالت:- تربيه سودة ماشى يا عبدالله تلف تلف وتجى البيت حسابنا بعدين وبرضو أنا أحلى منها
عبدالله/ غورى يا جزمه يارب تجى تاااااانى هنا أطحنك فى مطحنه الكمون
أسرعت زينه للمنزل وهى متغاظه
ضحك عبدالله وطلب شيشه يروق باله بيها من الصبى وقال:- بعشق عصبيتها أاااااخ يجدعان الحمل زايد البنت حلاوة عايزة تتاكل وبرضو ميتشبعش منها مربى مربى بس لسانها دة مش عارف طالعه سا*فله. لمين ههههه
بقلم نجلاءفتحى عاشقةالكلمات
________________
وصل بهاء وزوجته وأبنتهم المنزل لا تنكر المكان صعب
زينه/ البيت وحش أووى
الأم/ دة بيت بابا أتولد وأتربى فيه أول مرة تشوفيه،،، نوظبه ويبقا حلو زيك
زينه/ فى حشرات
الأم/ مقفول سنين ،،ساعدينى ننظف الأول الأوضه علشان بابا يرتاح فيها والحمام وبعد كدة نتسلى فى باقى الشقة لو بتحبى بابا متحسسهوش بحاجه
زينه/ تعبان أوووى
الأم/ فترة وتعدى الحمد لله أمتحنتى وخلصتى أمتحانات نقضى كام شهر ونرجع السعوديه تانى أهم حاجه مفيش نت على التليفون مش عايزة تكلمي عمتك وجوزها
زينه/ بس جوزها يبقا أخوكى
الأم/ عايزين نستجم ونعالج بابا تعبه مش عايزة حد يحس بيه لو عمتك وخالك عارفوا بابا مش يتعالج والفترة دى ممنوع تقفلى الباب على نفسك وبابا معاكى
زينه/ دة بابا
الأم بلجلجة/ عارفة وعارفة بيحبك أوووى وأكتر منى
زينه/ تعبان عندة إيه
الأم/ حنجرته ،، صوته
زينه/ أممم علشان كدة صوته بيتغير وبخاف منه
الأم/ دة بابا أوعى تخافى ليس على المريض حرج، ،سامعة بابا مريض وبأذن الله نقف جنبه ونعالجة تمام
زينه/ تمام يا ماما
تنهدت الأم/ يارب حبيت بهاء أوووى ساعدنى ألاقى حل لمشكلته علشان خاطر بنته وأحميها من شيطانه وحافظ عليها يارب
بقلم نجلاءفتحى عاشقةالكلمات
____________
(فى روما)
سيف أغلق شاشه التليفون الذى يراقب بيها آيه يشعر تسرع فى خطبتها فهى شخصية طيبه القلب للغايه ونقيه رغم حدتها فى أول لقاء بينهم وأدرك المعلومات التى جمعها عنها مجرد ستار تدارى بيها ضعفها فليس كل شدة داخلها شدة بل شدة ستار لضعف وحزن. طرق الباب دخلت أخته التى تحسن ذاكرتها ومودها بكتير
سمر/ أبيه
سيف/ فى حاجه
سمر بلجلجة/ أنا بحب آيه أوووى
سيف/ متعلقة بيها ذى أى حاجه عندك عادى
سمر/ تعرف قالتلى إيه
سيف/ مش عايز أعرف كلها شهر أقصد أيام والبيت يرجع ذى مكان هدوء وقواعد ونظام وأنتى تنامى من الساعة ٦ ،،، وناكل و٠٠٠
سمر بمقاطعة/ مش عايزاها تمشى
سيف بحده / من أمتى تعاندى ،،من أمتى تجادلى
سمر بتوتر/ عارف آيه قالتلى إيه عنك
سيف بضيق/ شتمتنى أكيد معروفه
سمر/ قالت أوعى تحزني وأخوكى معاكى ، ،،لو مدايقة أجرى وأحضنيه أكيد حضنه حلو لو خايفة هو أمانك لو نفسك تتكلمى مع حد هو موجود إللى عندها واحد ذى أخوكى تكون ملكه الدنيا هو طيب وغلبان وو
سيف بأهتمام/ وو إيه كملى سامعك
سمر/ وراجل بجد يارتنى كنت عندى واحد زيه هو السند الحقيقى والداعم متزعليش منه لو زعلك من خوفه عليكى، ،،،،ثم حضنت سمر أخوها بشدة وقالت:- آيه عندها حق فى كل كلمه بحبك يا أبيه سيف أوووى ربنا يطول فى عمرك
تجمد زراع سيف بشدة وفسمر أخته ذاكرتها ضعيفة للغايه ولا تستطيع تتذكر جمله من كلمتين الأن تتحدث بجمل مرتبه،،،وكل كلام آيه عنه صدق ،،،،ربت على شعرها بحنان فياض/ وأنا كمان بحبك يا سمر دة أنتى أعز حاجه عندى فى الدنيا
أبتعدت سمر عن حضنه/ بليييز أتجوزها دة الحل المناسب علشان تكون معانا
سيف/ جواز ،،عرفتى الكلمه دى منين عقلك نقى
سمر/ آيه وقالت فى حب وأطفال هو أنا مش عندى أطفال ليه
تنهد سيف كل مرة يقول السبب أنها عملت حادث وشالت الرحم ويخفى الروايه الحقيقية وتنسى وعادى أما الأن فى تحسن فى حالتها يخشى عليها من رد فعلها فقال/ مفيش نصيب أنتى فعلا كنتى متجوزة
سمر/ مين هو ،،، شكله إيه،،،، ليه سابنى ،، هو مصرى ولا أجنبى،،،، بليييز يا أبيه عايزة أعرف
سيف/ أرجعى أوضتك دلوقتى
سمر بأعتراض/ حقى أعرف
سيف بأنفعال/ آيه خربت مخك لعبت فى إعداداتك وجودها هنا غلط وخراااااب لينا ،، ثم أمسك أخته المنهارة وفتح باب المكتب وجد آيه أمامه عيون تبكى وصدرها يعلو ويهبط من الشهقات
______________
على الجانب الأخر زينه نايمه على كنبه الركنه فى الصاله أمام التلفاز وعلى بطنها طبق اللب
أتى أيهم/ مامتى
زينه/ لو عايز حاجه أعملها لنفسك تعبانه
أيهم/ أنتى كويسه وتأزئزى لب
زينه/ لازم أموت علشان أبقا تعبانه ، عارف لو قولت لأبوك باكل لب أضربك
أيهم/ هو غلط عليكى
زينه/ لاء مش عليا علشان الحمل
أيهم/ يبقا عليكى
زينه/ مكنتش تعرف
أيهم/ لاء
زينه/ يخربيت غبائى ،،المهم عايز إيه
أيهم/ فاكرة البيت إللى كنتى بتقولى فى واحد هنا ساكن صاحب بابا وأنتى بتعتبريه أخوكى مش فاكر أسمه
زينه بملل/ أبيه بهاء ماله أختفى من سنين وأبوك قلب الدنيا وعرف بعديها سافر برا مصر معرفش فين،،،وأنت تعرفه منين هو سافر بعد مولدت أخوك عصام قبل نور وبهاء وأنتم متيجوا الدنيا
أيهم/ كنت عند صاحبى فى الحارة هناك وقال فى واحد جاى من السعوديه هو ومراته وبنته ذى القمر أسمها على أسمك وساكن فى نفس البيت إياه
زينه/ صدفة جايز باع الشقة لحد
أيهم/ البنت على أسمك
زينه/ هو أسمى أنزل تشابه أسماء ،،واد الفار بيلعب فى عبى ،،أسمع روح المحل وقول لأبوك لو أبيه بهاء يبقا يا فرحه أبوك بيه
أيهم خطف منها طبق اللب وأفرغه من البلكونه ثم وضع الطبق على الكرسى / كفايه عليكى كدة على رأى بابا مش عارفه مصلحة نفسك،مفكيش مخ وفر هاربآ لمحل العطارة
اتنفضت زينه لكنها جلست بسرعة بسبب حركتها المفاجئه ألمت بطنها و قالت/ اةةةة بطنى ،،خد يا أيهم عيب كدة طب هات حبه ،،حبه إيه الواد رماه ،،إللى فى بطنى عايز مش أنا أووووف ماشى يا زفت هو مين أمهم العيال بيعملونى طفله قدامهم أنت السبببببب يا عبدالله لما تجى البيت وهنا تذكرت السيدة التى يقف معاها فقالت/ تلاقيه هايص عارفاة يموت فى العبايه الملزقه زوقه بلدى أوووف ثم أنحنت وراء الكنبة وألتقطت كيس اللب الذى أخفته كمخزون أحطياطى ليها وألتقطت علبه كانز وكيس مقرمشات مملحه وشكولاته كبيرة من تحت الكنبه وبدأت تأكل وتشرب برواقه فهى غير ملتزمه بأوامر الطبيبه وأمام عبدالله الألتزام بعينه وفى غيابه تأكل وتشرب على مزاجها كالعادة مش تحب آن تحرم نفسها من شئ