عادت صفيه.. إلى القاهره... وهاهي تدخل مكتبها.. صباحا
صفيه:صباح الخير يا ايمان.
ايمان:صباح الخير يا دكتوره
صفيه:لو سمحتي يا ايمان ممكن تندهيلي نهى
ايمان:حاضر يافندم
رحلت ايمان...لتبلغ نهى طلب صفيه.
رؤيتها.. نهى محاميه تعمل هي وزوجها منير.. في مكتب صفيه
لتحضر نهى بعد قليل
نهى:صباح الخير يادكتورة.. طلبتيني
صفيه:صباح الخير تعالي... يانهى..... عملتي اي في قضيه الجامعه
نهى:اخذت توكيل من د. محمود.. وحضرت معاه التحقيق ولسه هدرس القضيه
صفيه:برافو... خلي بالك دي قضيه تح*رش.. والمتهم دكتور جامعي.. وداخل الحرم الجامعي.. يعني قضيه حساسه.. واحتمال كبير تبقه متلفقه . لدكتور محمود.. وتكون البت دي عاوزه تعمله شوشره.. او تنتقم منه.. وتمس سمعته... انا سمعت انه سمعته ممتازه...
نهى:فعلا ياصفيه.. الكل بيشكر فيه.
صفيه:خلاص انت شاطره واد المهمه دي.....
نهي:متشكره يا دكتوره... دا كله بتشجيعك
صفيه:بس استنى... ايه البوز دا.. على الصبح مالك.. منير برضو.. انت مش بتتعلمي يابنتي
نهى:ماهو ياصفيه بقى حساس اوي... وكل ما اتكلم.. يقولي دا مش كلامك.. دا كلام غاده
صفيه:وهو عنده حق يا نهى انا الف مره قولتلك. متخليش.. طرف تالت يأثر على علاقتكم حتى لو كانت اختك...
وانت مفيش فايده فيكي
نهى:وانا بعمل اي يعني ياصفيه... لما متكلمش مع اختي اتكلم مع مين
صفيه:دا لو كانت اختك..بتسمع وبس.. مش بتخرب...متزعليش مني يا نهى غاده.. بتخرب بيتك... وانت بتسمعي... يا نهى جوز غاده مش زي منير.. مش معنى... ان جوزها.. خانها. يعني منير كمان خاين او هيخون... منير.. بيحبك.. وشكك دا .. الغير مبرر دا... هيخلي ينفر..لا وكمان فاكره ان الطلبات اللي ي فوق طاقته هتقصص ريشه.. وتمنعه انه يخون... انت بتضغطي عليه بشكك... ولو ماشكتيش.. بتطلبي منه طلبات فوق طاقته.... اعقلي يانهى وحافظي على جوزك... منير بيحبك... متخسريش.. الحب دا
حياتك.انتي حاجه وحياه غاده حاجه تانيه
كانت صفيه تحادثها.. عندما سمعا طرقات الباب ليدخل.. منير
منير:صباح الخير
صفيه:صباح الخير يامنير
نظر.. منير إلى زوجته التي لم ترد عليه
وقطب جبينه.. وقال
منير:هو الجو لسه غائم ممطر ياصفيه
صفيه:ههههه... الظاهر. هناك عواصف.. قادمه.. هههه... بت يانهى ارفعي قضيه خلع.. دا بدر يقدر
ياخذلك فيها حكم في أسبوع.... خلي الراجل... تشمس عنده بدل جو الغيم.. والمطر.. الي هو عايش فيه
منير:لا خلع اي... ياصفيه .. كده برضو
صفيه:يابني مش انت الي مش عاجبك المطر
منير:انا... دا انا بعشق المطر... هو فيه احلى منه
صفيه:اهو شوفتي الراجل طيب ازاي
نهى :اه هتتفقو عليا.. انتو الاثنين... على العموم ياصفيه... انا كمان طيبه.
وميهونش عليا.. يعيش في المطر على طول هنخلي الشمس تشرق من جديد... وهو انا عندي اغلى من موني..
منير:يسلملي حبيبي
صفيه:ههههه طب والله اتنين مجانين.....خلاص خلصونا من جو الحب دا.. وخلينا نرجع لشغلنا... عملت إيه يامنير
منير:رحت لوالده قمر وقلتلها ان انت متكفله. بنفقات اولاد.. قمر بس تخلي بالها منهم.. وان مصروفهم هيوصلهم كل.. شهر.
صفيه:واتأكدت.. يامنير من انها.. استلمت الوصايه؟
منير:ايوه انا استلمت أوراق الوصايه.. اطمني.. وكلفت حد يرتب ليهم الشقه زي ماقلتي عشان نكسب الخال كمان.. بس يارب. يصدقو ويعاملوهم كويس
صفيه:لا احنا لازم نفضل متابعيهم يا منير
منير :اطمني ياصفيه انا هتابعهم كل شهر
نهي:والله جزاك الله خير ياصفيه
انك فكرتي في ولاد قمر
صفيه:والله يانهى انا متعاطفه معها جدا
واهو بنعمل الي نقدر عليه
************************************
بعد مرور شهر.. دخل. معتز إلى منزله.. يحمل مجموعه من الأكياس... وجد جميله تتحدث عبر الهاتف.. انتهت من اتصالها وقالت
جميله:حمد الله على السلامه يا ابو عامر
معتز:الله يسلمك ياجميله كنتي بتكلمي مين؟
جميله:كنت بكلم خالد.. بياكد علينا إننا نحضر.. فرح على ابن سعاد.. لا ن صفيه.. طلبت منه ايأكد علينا تاني
معتز:جميله هو خالد بيحب صفيه؟
جميله:وليه بتجول اكده
معتز:لهفته عليها يوم خناجتها مع سعاد.. مش لهفه ابن عم على بت عمه.. لهفه حبيب على حبيبته
جميله:بس صفيه مش حاسه بيه... صعب جوي انك تحب حد مش حاسس بيك... كانت.. تتكلم.. وكأنها ترسل له رساله
معتز:لو هو بيحبها صوح.. يبجى اكيد هيجي اليوم الي هتحس بيه..
بس هي محتاجه. وجت..
متنسيش فارج السن
جميله:بس هو مش فارج معاه السن. وبيحبها جوي
معتز:بس صفيه فارج معاها ياجميله
بس جايز مع حبه ليها هيجدر ينسيها الفارج ده
جميله:يارب.. انا نفسي.. تعيش حياتها.. وتحب.. وخالد اكيد يعوضها
معتز :يارب... شوفتي نسيتني... انا جبتلك عبايه يارب تعجبك...
اخرج لها العباءه... التي كان لونها يشبه لون عيناها
جميله:الله حلوه يابو عامر تسلم ايدك
معتز:طب متجومي تجربيها عاوز اشوفها عليكي..
امتثلت الامره... وذهبت تقيسها وفردت شعرها..
دخل عليها معتز... فسحرته بجمالها عندما رائ تناسق لون العباءه مع لون عيناها...فقال
معتز:بسم الله ماشاء الله
جميله:حلوه
اقترب منها.. ورفع يده يداعب خدها وقال
معتز:تجنني كيف البدر لليله تمامه
ولم يشعر بحاله.. الا هو يغرق معها. في لحظات. أيقنت فيها. جميله انه فيها ليس بارد.. كما اعتادت عليه.. بل كانت مشاعره جياشه.. ذاقت هي حلاوتها.. حتى قطع تلك اللحظات رنين هاتفه المتكرر.. ابتعد عنها متذمرا.. واجاب
معتز:الو ايوه يا مجدي فيه اي
مجدي :اي يامعتز مالك.. لا كون بتصل بوجت مش مناسب
معتز:لا ياخويا..
مجدي :بلغت جميله اننا هنسافر.. قبل يومين. من الفرح عشان نفسح الولاد.. وعشان يشترو هدوم الفرح
معتز:هبلغها يامجدي ماتخافش
أغلق الهاتف.. وعاد إليها.. سحبها لاحضانه..متشبث بها.. يمسح على خصلاتها بحنان... أما هي فمازالت متعجبه من تغيره..شارده بافعاله
حتى قطع شرودها وقال
معتز:مجدي عاوزنا أروح قبل الفرح.. بيومين ونفسح الولاد.. ونشترو هدوم الفرح من هناك
جميله:بس انا مش محتاجه هدوم
معتز:لا ياجميله انا عاوزك تشتري هدوم جديده.. عاوزك تبجي احلى وحده في الفرح
****************************
وفعلا ذهب الجميع إلى القاهره لحضور فرح علي.. ولم يبقى في قصر القناوي سوى حامد وزوجته التي لم يستطعو الحضور لصعوبه الامر فالطريق طويل وصحتهم لم تتحمل
وصدق مجدي ومعتز.. فقد قضو مع زوحاتهم واولادهم ايام جميله.. واستمتعوا بوقتهم.. قبل أن يأتي يوم الفرح الذي تجمعت فيه العائله.. في قاعه كبيره.. جدا.. وحضر الكثير من المعازيم.. كان على سعيدا جدا... عروسه التي لطالما. تمناها...
كانت سعاد. جميله جدا.. بفستانها.. المحتشم.. الذي أظهر جمالها
اتجه إليها سراج وقال
سراج:المعازيم تايهين.. مش عارفين يفرقو بينك وبين العروسه.. كانو فاكرين.. انك انت العروسه
سعاد:هههه حبيبي عيونك الحلوين. هما الي بيشوفوني حلوه
سراج :وهتفضلي. احلى ست شافتها اعنيه.. وهفضل أحبك.. لاخر نفس
يا ام العريس.. مبروك ياسعاد
سعاد:الله يبارك فيك يا حبيب عمري ونور عينيه
اما في جانب اخير... كان معتز.. ينظر إلى.. جميله.. التي تزينت بحجابها وفستانها الرقيق الذي. زادها براءه.
جلس بجانبها.. وهمس في اذنها
معتز:جمر.. والله جمر.. واحلى وحده في الفرح..انا بفكر.. نسيب الفرح.. مش هستحمل نظرات الناس ليكي
جميله:هاااا... أي
معتز:هههه... الفستان جميل جدا..
جميله:متشكره
لقد سمعته في المره الأولى .. لكنها لازالت متعجبه وتسألت في نفسها ترى ماسر هذا التغيير
وفي مكان ليس ببعيد. عن جميله ومعتز.. نجد ذلك العاشق..خالد وعينيه..تتبع.. حبيبته.. اين ماذهبت
كم كانت جميله.. بفستانها البسيط الذي رغم بساطته.. لكنها كانت رائعه.. كم يتمنى لو كان هو مكان على.. وكانت هي بجانبه... توجه إليها وقال..
خالد:ماشاء الله تبارك الله... طالعه قمر النهارده ياصفيه
صفيه: اي دا انت بتعاكسي ياخالد.. هههه
خالد:هو.حد يطول يعاكس القمر
صفيه:بس خلي بالك انا ممكن اقدم فيك محضر تح*رش.. هههه
خالد:هههه مدام كده كده محضر .. يبقى قمر وتجننيي واحلى من العروسه كمان.. ههههه
صفيه:هههه مجنون.... متشكره.. ياخالد... وعقبالك
خالد:يارب..بس هي ترضى... وانا اتجوز ها تاني يوم..
صفيه:ياا دا انت حالتك صعبه اوي ربنا يشفيك.. هههه
خالد:عندك حق انا قربت اتجنن
قطع هذا الحوار. قدوم سعاد.. إلى صفيه....
سعاد:صفيه.. تعالي عاوزاكي
صفيه:عن اذنك يا خالد
صفيه:اي ياسعاد.. مالك
سعاد:شفتي ياختي الخايب. لازق جنب السنيوره مش دا فرح اخو مش يقوم يقف مع ابو... مش بقلك كلت عقله
صفيه:يووو ياسعاد.. انت مافيش فايده فيكي.. سيبي الواد.. فرحان.باخوه.. . لازم تنكدي عليه.
ومالو يعني لما يقعد جمب امراته
وكمان ابيه.. سراج مش محتاجه اخوه جاسر معاه.... والنبي لتسيبي الوالد فرحان.. وبعدين.. بصي لعلي ازاي فرحان شوفتي ازاي كنتي عاوزه تحرميه من الفرحه دي.
سعاد: احرمه...طب ياختي.. خليكي كده.. محامي الدفاع بتاعهم.. الا وانا اللي جايه اشتكي لاختي
صفيه:افرحي ياسعاد افرحي وخلي ولادك فرحانين.. وانسى انك حماه ولو ليوم واحد... افرحي ياسوسو ياقمر انت يلي جمالك واكل الجو
سعاد:كلي بعقلي حلاوه ياصفيه.
صفيه:يلا يأم العريس... يلا بتتكلمي على ابنك الي لازق جنب مراتي اهو ياختي. ابيه سراج بينده عليكي.. مش قادر يبعد عنك... هههه
رحلت.. سعاد.. نحو زوجها.. الذي.. كان ينادي عليها.. لتتنهد. بعدها صفيه وتقول
صفيه:مافيش فايده فيكي ياسعاد ربنا يهديكي
انتهى الفرح الذي جمع شمل هذه العائله التي لم تجتمع وتفرح بهذا الشكل من وقت طويل
*******************
مر اسبوعين على زواج علي ومن المفترض.. ان تعود صفيه مع خالد. إلى النجع..بعد يومين. لكنها تفاجئت به يدخل المكتب بوجه غاضب..
صفيه:خالد فيه اي مالك.
خالد:مفيش حاجه
صفيه:على صفيه ياخالد. مالك ياخالد قلقتني
خالد:صفيه..... عاصم. رجع النجع....