رواية قوت و يونس الفصل الثاني والثلاثون 32 بقلم بسنت شريف
يونس صحي من نومه بيبص جنبه ذي مامتعود بس قوت كانت مش موجوده ذي العاده قام بضيق وجهز ونزل واول ماشاف قوت قاعده مع زين اتصدم وفرح انها رجعت ليه ونزل
زين:صباح الخير يابوي
يونس:صباح النور
زين:انا جيبت امي عشان تستمحك.علي اللي عملته ونحل الخلاف دي بجي بكفياكم خناج.بقي انتم كبرتم عاد
يونس بصلها باستفهام:ليه ياقوت عملتي اكده ليه
قوت لسه هترد بس انتبهت للي اتكلم
###انا اللي قولتلها تعمل كدا
يونس اتلفت عشان يشوف مين بس الشخص كان صدمه شلته واتكلم بعدم استيعاب:ممممعتز
معتز: ايوه
يونس بيقرب منه وجواه مشاعر كتير مش عارف يوصفها ولاعارف ينطق من صدمته وصدمته ماتقلش عن صدمه زين االلي واقف مش مستوعب اللي بيحصل اصلا
معتز: اي ياخوي هتفضل تبوصلي كدا كتير مش هتاخدني في حضنك ولااي
يونس فتح ايده ليه علي اد ماهو واحشه علي اد مهووحاسس ان هو تايه
معتز بعد. عنه وراح لزين وبصله وابتسم: اي يازين هتفضل بعيد عني كدا
زين بيبصله بصدمه ومش بينطق ومعتز اخده في حضنه وطبطب عليه وبعد عنه وراح لقوت
معتز: واحشتيني ياحوريتي
قوت ابتسمت بحب: وانت كمان واحشتني اووي
يونس غمض عينيه بالم مش عارف يفرح برجوع اخوه ولا يتقهر ببعد مراته عنه وان كل حاجه بناها هتتهد في لحظه
معتز رجع ليونس وبصله بلوم: شكرا انك حميت مراتي واتجوزتها وربيت ابني كنت انا عمري ماكنت اتوقع منك كدا ابدا انك تتجوز مرات اخوك
زين: وانت جاي تلومه دلوق تتحدت معاه كنت فين طول سنين دي عاد وراجع تلومه وتحاسبه
معتز بص لزين وبص ليونس وابتسم.... هتعرف كل حاجه بس لاول كل حاجه ترجع ذي الاول
يونس قلبه طب: كيف يعني
معتز: مراتي يايونس تطلقها انت كدا جوازك منها باطل
زين بانفعال: اي الحديد الماسخ دي يطلج ميين انت بتجول ايه
معتز: هي مراتي وانت ابني انا برجع كل حاجه لاصلها يونس عمك كتر خيره عمل اللي عليه وزياده
زين راح ليونس: اي الكلام المخربط دي انت هتسيب امي يابوي وتطلجها
قوت: لازم يطلقني لان جوازي منه باطل انا مرات معتز وهفضل مرات معتز
يونس بانفعال: انتي مراتي اني
قوت: لا متنكرش الحقيقه
يونس: لع ياقوت لع لع
تستمر القصة أدناه
وصحي من نومه بيزعق وكان عرقان جدا: انتي مراتي انا يا قوت مش هطلجك
2
قوت بصاله ومتنحه: تطلق مين
يونس انتبه لوجودها وفضل باصص ليها لثواني يجمع الموقف ويستوعب اللي حصل بين الواقع والحلم
قوت جبتله مايه وادتهاله.... اشرب مايه انت كنت بتحلم ولااي واي العرق دا كله انت كويس فيك حاجه
يونس اخد نفس طويل وبدون مقدمات شد قوت اخدها في حضنه وكان بيضغط عليها جامدد كانه بيثبت لنفسه انها ليه وهتفضل ليه وقوت مش فاهمه في اي
قوت:يونس
يونس في دنيا تانيه بين الحلم والواقع مش عارف يفضل بينهم بس كل اللي همه ان قوت معاه
وبعد عنها اما الباب اتفتح ودخل زين
زين باحراج : احممممم انا اسف بس كنت متوجع انكم بتتعاركو اما سمعتك بتزعج
يونس بعد عن قوت وبصلها بتعجب وبص لزين نظره تعجب.اللي هو انتم جيتم امتي
زين:انت زين يابوي
يونس هز راسه وقام وخرج.من الاوضه راح اوضته
زين:هواي اللي حصل
قوت بعدم فهم :مش.عارفه
يونس دخل الحمام ووقف تحت المايه بيحاول يهدي مجرد كابوس شقلب حاله تخيل انه بجد وفي لحظه كل حاجه ممكن تنهار وتضيع منه كدا وهووممكن معتز يرجع تاني يطالب بابنه ومراته وغمض عينه...مستحيل مستحيل
وبعد مده خرج كانت قوت واقف منتظراه وماسكه في ايديهاالجلباب بتاعه ذي العاده
قوت بحزن:انا اسفه سامحني
يونس بصلها ومن غير تعبير اخد الجلباب ولبسه
قوت:يونس رد عليا
يونس:انا عندي شغل كتير ومش فاضي وسابها وخرج.وقوت تابعته بحزن ونزلت وراه
في احدي الاماكن البعيده عن ناس يكون رايح محمود يقابل شخص
محمود: عايز ايه ياض انت جايبني من انجمه اكده ليه
الشاب: خبر هتشكرني عليه وتديني فلوس كمان
محمود: خير ياغراب البيت انطج
الشاب: انا سمعت كلام اكده ان الست قوت طفشت
محمود تنح: وه وه كيف عاد جبت منين الحديد الماسخ دا
الشاب: انا كنت عند الترعه وسمعت جدع بيحكي لزين بيه ووسافر علي طول
محمود: وجاي تجولي دلوج زمانه رجع
الشاب: كيف دي دا مسافر الفيوم عاد يعني 6ساعات رايح وزيهم راجع
محمود ابتسم بخبث: والكلام دا كان مِتي
الشاب: كان ساعه4اكده
محمود بص علي ساعته كانت 8:طيب بوص بعيد عنك اكده الخبر يروح لستات البلد وضحك وسيب الباجي عليهم
تستمر القصة أدناه
الشاب ضحك : ياوجعه مربربه دا هتبجي فضيحه بس ماشي فين الفلوس بجي
محمود طلع فلوس من جيبه واداهالو
وراح وصل كلام. للستات وفي خلال مده قصيره كان البلد كلها بتتكلم ان قوت. هربت
يونس قاعد علي راس التربيزه ومنتظرهم يتجمعو
ساره بتوتر: صباح الخير يابابا.
يونس ابتسم: صباح الخير من بعيد اكده كيف دي
ساره راحت ليه بسرعه وحضنته بسعاده ولسه هتتكلم شافت امها خارجه من المطبخ..... اه عشان كدا بقي
يونس: عشان كدا ايه
ساره: قوت هانم نورت البيت عشان كدا رجعت تضحك تاني الله يسهلو بقي
يونس بصلها فساره عرفت انها عكت الدنيا راحت علي مامتها وحضانتها.... واحشتيني اوووي
قوت: وانتي كمان امال فين فريده
ساره: نازله
قوت: طيب روحي عشان تلحقي جمعتك
ساره: ماشي
ياسين: صباح الخير وبص علي اكل بتعجب لان داا بطريقه قوت ودعي ربنا انها تكون فعلا رجعت وفرح اماشافها خارجه من المطبخ وكلهم قعدو عشان ياكلو
يونس: امال فين زين
بدر: نايم فوج
يونس بتعجب:لحد دلوج ليه عاد
بدر: كان عنده شغل كاتير فضل سهران وماخدش باله من الوقت
قوت: انا هطلع ليه اكل وسابتهم ودخلت المطبخ عشان ترتب ليه وبعد كدا اخدته وطلعت لزين خبطت عليه...
زين: ادخل
قوت داخلت ومعاها الاكل وكان زين بيتكلم في الموبيل...
زين: ماشي ياجدي سلام
قوت: انت كنت بتكلم بابا
زين: اه كنت بجوله اني جتلك واتحدت معاكي واخدتك عاشن الموضوع يتلم وهو كان نايم
قوت بصتله بحب وزعلت من. نفسها.... طيب كل
زين: انا هنزل افطر معاكم تحت
قوت: اطمن بدر قال انك نايم عشان عندك شغل كتير نام واما تصحي كل
زين: ماشي
قوت: ماتزعلش مني حقك عليا انتم كلكم ليكم. حق عندي انا غلطت في حقكم.
زين: مفيش حاجه
فريده: هي ماما عجبتها القاعده مع زين ولااي
يونس: كلي عشان تلحجي جامعتك
فريده: حاضر
وهما قاعدين جيه محمود: صباح الخير
انس بتريقه: حماتك بتحبك
تستمر القصة أدناه
محمود بص علي فريده: ياريت
يونس: اقعد كل يامحمود
محمود: خيرك سابج يابيه امال هو زين فين كنت عايزه في شغل
بدر: نايم
محمود: لحد دلوج غريبه دي
بدر: اي اللي غريب في كدا انت مش بتنام ولااي علي طول صاحي يعني محمود بصله وماردش، وفجاه دخل واحد من الغفر بيجري علي يونس
يونس: في اي عاد ياماغوري بتجري اكده ليه
ماغوري بينهج: اصل اصل
يونس: اصل اي ماتنطج
ماغوري: البلد كلها بتحددت ان الست قوت اا
يونس بانفعال :مالها ماتطنج ياض
ماغوري: طفشت منك الفجر وفي كلام كتير من دي بيتجال
يونس بحده.: كيف الحديد دي مين اللي جال اكده
انس بتعجب: اي التخاريف دي هي حصلت لكده
يونس ييخبط بالعصايه بتاعته في الارض بغيظ
ماغوري: انا اللي سمعته جولته ليك و
يونس: اعرف مين اللي جال الكلام دي ولو مرجعتوش، وهو معاكم ماترجعوش اهنه تاني
محمود ملاحظ تعابير وشهم وبيحاول يمثل الصدمه زيهم ولسه هيتكلم بس العمده كان وصل ومعاه شيخ البلد ومعاهم شاب
العمده: كيف يايونس بيه
يونس: زين
شيخ البلد: كيف الحديد اللي بيتجال دا في البلد
يونس قام وراح ليهم:حديد ايه اللي بتتكلم عنه
العمده بتعجب:انت ماعرفش اللي حصل
يونس:في ايه ماتنطجو
الشاب بتريقه ضحك:يعني طلعت اسم علي فاضي ومش عارف اي اللي بيحصل في بيتك
انس هجم عليه ومسكه من هدومه:اتحشم ياض انت واعرف انت بتجول ايه وبتتحدت مع مين
شيخ البلد برعب بعد انس عنه:حجك عليا ياضاكتور اصله لسه معاود من مصر مايعرفكمش اتحشم يامكرم
انس:يبجي يعرف هو بيجول ولو ناجص ربايه يتربي
مكرم:احترم تفسك انا متربي الدور والباقي عليكم روح علم الادب دا للست والدتك اللي....وقبل مايكلم كان صفعه صدها رن في المكان
شيخ البلد رجع مكرم وراه:انا اسف يايونس بيه هو مايحصدش و
يونس زعق:يجصد ايه وميجصدش ااااايه انت جننننيت كيف يجول اكده
العمده:هو اصغير لسه والتعبير خانه يايونس بيه
انس:تعبير ايه وزفت ايه علي دماغكم دانا هدفنه مكان مهو واجف كيف يجرا يجول كلام العفش دا علي قوت مارت يونس الجوهري
تستمر القصة أدناه
مكرم:مش انا اللي بقول يابيه البلد كلها ملهاش سيره غير امك
شيخ البلد زقه خوفا عليه من غضب يونس:اخرج من اهنيه دلوق انا غلطان افتكرتكك راچل اخرج
مكرم:لامش هخرج غير اما احكيله كل حاجه ويعرف انه اسم علي فاضي ومش عارف حتي يحكم بيته ومراته طفشت منه
وكل انتبه علي صوت شد الزينات
زين:انت غلطت في اللي ماينفعش يتغلط معاه وغلطك مايتغفرش غير بالدم
الشيخ البلد جري علي زين:لع يازين بيه هو مش جصده بس هو
زين:انت تخرص خالص
قوت بخوف: زين اهدي بس
العمده: يازين بيه هو
زين ماردش علي وشد مكرم وخرج بيه وكلهم وراه واول ماخرج وقف قصاد البيت والناس كانت واقفه
زين بصوت عالي: الحديد العفش اللي اتقال علي امي كله كلام كدب امي اهيه جدامكم خارجه من دارها واللي طلع الكلام العفش دي عليها اما اعرفه هخليه عبره ليكم كلكم عيله يونس الجوهري خط احممررررر سامعين يابلد خط احمرر وزق مكرم في الارض ضربه رصاصه جت في رجله ودي عشان تفكر مليون مره جبل ماتجول كلمه علي ست البلد وحزاري اشوفك جدامي تاني وبص لشيخ البلد انا اشتريت خاطرك وانه في بيتي لو لمحته في البلد تاني هطخه وهبعتهولك متكفن
شيخ البلد هز راسه بسرعه برعب
زين: يالا كل واحد علي داره خلصنااااا
كلهم دخلو ويونس باصص بفخر لزين
ساره: اوعي بقي ياجماعه اخويا هيرو ولاابطال هوليود ياتي قمر
فريده: اي زيزو دا انا خوفت منك بس جدع اووي
انس: انا بقي كنت حاسس ان ابوي اللي بيتحددت من قعدتك معاه بقيت نسخه منه
قوت: ربنا يحميك ياحبيبي
يونس استكفي ببتسامه: يالا كل واحد يشوف حاله
انس: انا رايح الجامعه تعالي ياساره اوصلك بالمره
ساره سقفت: اوووعا بقي يالا ياعسليه
يونس ضحك. عليها
انس اخد ساره ومشي وفريده خرجت راحت جامعتها باردو
يونس اخد زين ودخل اوضه المكتب
يونس: امال بدر فين
زين: في القاهره انا طلبت منه يسافر عشان يطلب دكتور بيطري زين وكمان في إجراءات للمزرعه محتجاه تخلص هيكون هنا علي عصر اكده
يونس: ماشي انا طبعا مش هرچعك في اللي حصل بس انا مش حاابب انك تدخل الدم في اي عاركه
زين: كيف يابوي انت مش سامع كان بيقول ايه
تستمر القصة أدناه
يونس: سامع طبعا واناكان هيبجي ليا تصرف معاه هو وجده
زين: هو شيخ البلد يبجي جده
يونس: ايوه
زين: اهو اتربي انا اصلا كان نفسي اعمل اكده من زمان
يونس: عشان ام ساميه اللي كان عايز يطردها
زين ضحك: هوانت مفيش حاجه بتخفي عليك واصل
يونس: لو في حاجه بتخغي مش هيبقي اسمي يونس الجوهري ولااي
الوقت بيمر وكل واحد مشغول باللي بيعمله
فريده خلصت محاضراتها وخرجت تشوف السواق بس مش موجود وبتتصل بيه مش بيرد وسمعت حد جنبها بيكلم... تحبي اوصلك انا
فريده فضلت باصه في الموبايل ومش بترد
الشاب: انا عايز اساعدك مش اكتر
فريده مش بترد بس مشيت وهو ماشي وراها عمال يرخم عليها ودا خوفها ومش عارفه تعمل ايه وراحت عشان توقف تاكسي
الشاب: انتي خايفه مني ليه انا مش هكلك يابنتي انا هوصلك بس بدل ماحد يخطفك وانتي ذي القمر كدا
فريده بتمسك. في شنطتها عشات تتحكم في خوفها واول ماشافت محمود جريت وشاورت ليه
محمود وقف بتعجب وفريده ركبت علي طول وكان وشها اصفر وباين عليها رعب
محمود بتعجب: مالك في ايه
فريده بتهز راسها ومش بتتكلم
محمود: في حد عملك حاچه حد ضايجك
فريده: هااا لالا بس انا عايزه اروح ممككن
محمود: ممككن.
محمود مشي شويه ووقف بعدها
فريده:انت وقفت ليه
محمود:هجيب حاجه من الكشك دا وجاي ثواني بس
فريده: ماشي
محمود نزل جاب ليها العصير اللي بتحبه وشكولاته ورجع ادهالها
فريده: ايه دا
محمود: عارف انك بتحبيهم وواضح انك مضايقه
فريده شافت الحاجه ضحكت وبصتله بسعاده:: انت عرفت اذاي اني بحب اللبن بالشكوته
محمود: انا اعرف كويس ايه اللي بتحبيه المهم اشربي العصير
فريده طلعت الحاجه وابتدت تاكل باستمتاع ومحمود متابعه
واخدها ووصلها
فريده: شكرا اوي تعبتك معايا
محمود: هو لو كل تعب حلو كده انا موافق
فريده اتكسفت من كلامه ومردتش
محمود: بتبقي حلوه اووي وانتي مكسوفه بتبقي ذي اللوحه الفنيه المرسومه بريشه فنان و وسمع صوت خبط علي عربيه محمود اتلفت كان بدر واقف وعينه كلها غضب
بدر: انزليييييي
فريده نزلت ودخلت علي بيت علي طول ومحمود نزل ببرود
بدر: مش شايف انك استحلتها عايز منها ايه
محمود: انا جابلتها صدفه مش اكتر
بدر: اممممم صدفه.... وقرب منه بشر... بس لو قابلتها صدفه تانيه ابجي جول للصدفه دي غوري من جدامي دي ابعد عني من نجوم السما دي مستحيل تبجي ليا وافتكر زين انك مجرد سواج اهنيه كيف ابوك زين وماطتمعش في اكتر من اكده فاهم
بدر مشي ومحمود سند علي عربي وبيخبط عليها بغل.... بكرا كل حاجه هتتغير وبكرا مش بعيد يابدر واول مين هيجي راكع هوانت اصبر وهتشوف هدفعك تمن كل كلمه جولتها
يتبع....