رواية سم هادئ في كأس ذهبي ج2 الفصل الثالث 3 بقلم يارا محمد
خيانة مشروعة
عدا تلات ايام و دليلة ساكتة مش بتتكلم مع حد حتي جنينة المستشفي بطلت تقعد فيها و رواد كل يوم يزورها يتكلم معاها لكن هي قاعدة عند حافة السرير باصة للحيطة و بس الدموع مش بتفارقها .
رواد رجع بيته و أمه كانت قاعدة مستنياه اول لما شافها راح و نام ع رجليها وهي بهدوء و ابتسامة ملست ع شعره بحنية .
أميمة بحنية
مالك يا وحيد قلبي شاغلك أية فضفض ل أميمة حبيبتك .
رواد بحب
مش تشغلي بالك بيا يا امي دي بس حالة ف المستشفي شغلاني مش عايز ادوشك .
أميمة بابتسامة
لو مكنتش هشغل بالي بيك شغل بالي بمين يا وحيدي احكي ليا يمكن نلاقي حل .
رواد بهدوء حكي ليها حكاية دليلة من اولها و لما خلص بص ليها بتعب .
رواد
انا مش عارف اعمل اية علشان تحكي ليا انا عايزها تطلع طاقتها السلبية و الا حالتها هتبقي خطر و هيضطر المدير يحطها ف اوضة منعزلة .
أميمة
رواد اهدي المشكلة هتتحل حاول معاها بلين جرب الحنية ف الكلام معاها حاول مش تكون دكتور و مريضة كون مثلا دكتور و زميلته .
أميمة قامت و كان معاها طبق فاكهة وراحت ناحية المطبخ .
مش قولتلي اسم البنوتة أية اللي شاغل تفكيرك دي .
رواد بهدوء
دليلة أظن أن اسمها الكامل دليلة عمران صفوان المراغي اه هو ده اسمها الكامل .
الطبق وقع من ايد أميمة ودموعها ع خدها و رواد جري عليها كانت مصدومة و مش حاسة بحد حتي رواد اللي جه جري عليها .
رواد بخضه
امي انتي كويسة مالك في أية متخافيش اطلعي و انا هلمه.
أميمة راحت غرفتها و كانت متخشبة و أيدها بتترعش ف ثانية كانت بتبكي بقوة بس من غير صوت علشان رواد مش يسمعها و لا يضطر يسألها .
أميمة
معقول بعد كل السنين دي الاسم يعدي علي ودني تاني ماصدقت نسيتهم و نسيت اللي حصل جت هي تفتكرني يا تري ظهورها صدفة و لا زي ما رواد حكي ليا لا مش هسمح بده انا حبيت سري لسنين مش هسمح للسر ده ينكشف حتي لو كلهم ماتوا و محدش فيهم عرف .
فتحت خزنة دولابها السري وجابت صندوق ذكرياتها اللي التراب مغطيه وطلعت منه صور قديمة و فضلت دموعها تنزل لغاية ما نامت .
تاني يوم رواد صحي متحمس علشان يقابلها وفطر بسرعة بس والدته كانت سرحان و التفكير واجع دماغها بقوة.
رواد
انا نازل هطبق كلامك بالحرف هخليها صديقة ليا و هتحكي ليا كل حاجة اكيد .
سابعا ف تفكيرها وحيرتها وهو وصل المستشفي دخل غرفتها بس اتصدم لما لقاها حاطة السكينة ع أيدها و بتبكي بقهر علي نفسها و كانت هتسحبها بس هو أنقذها .
رواد بعصبية و زعيق
انتي اتجننتي و لا جرالك أية لو مش كنت انقذتك كنتِ هتموتي يا غبية .
دليلة بصراخ
بعد عني محدش ليه دعوة بيا انت فاهم انا مينفعش افضل عائشة هما بيطاردوني أصواتهم لسه ف دماغي ارجوك سيبني .
الممرض دخل و شاف منظرهم و نادي المدير اللي أمر الممرضين ياخدوها اوضة الكهربا مسكوها بأحكام وهي كانت بتفلت نفسها منهم بس هما كانوا أقوياء .
دليلة بترجي
لا. لا سيبوني مش تدخلوني نفس الاوضة انا تعبت منها لااااا دكتور رواد الحقني ارجوك .
رواد
دكتور ارجوك سيبها مينفعش دي حالتي و انا مش موافق ع ده .
سانتير بصله بطرف عين و طلعه برة اوضه الكهربا أما جوة الاوضة دليلة كانت بتعاني مش بس من الكهرباء لانهم بيحطوها ع فولت عالي و ده لانه مدير المستشفي شخص متحرش بينتهز فرصة اوضة الكهربا علشان يعمل كده ف دليلة .
بعد ساعتين مدير المستشفي ظبط نفسه و خرج أمرهم ب أنهم يرجعوها الاوضة .رجعوها غرفتها وهي مش واعية ابدا حاسة بتعب شديد و بتبكي .
سانتير
رواد لو كنت شفت فيها تحسن مش كنا دخلناها الاوضة دي تاني زي ما قلت قدامك ست شهور يا اما تحسن يا اما هتروح ف عنبر منفرد .
رواد بصله بعجز مش عارف يساعدها لأول مرة مش قادر يساعد حد دخل ليها و كانت بتهلوس كتير مش مجمع كلامها لكن جسمها كان بيتنفض و ده اللي خلاه يصحيها صحيت بفزع و بعدت لورا.
رواد
اهدي يا دليلة متخافيش ده انا ارجوكي اهدي .
دليلة بهلوسة
اعتدوا عليا زي ما عملت ف ليليان اللي عملته في عيلة ابويا بيحصل ليا دلوقتي لكن هما مش رحموني برضه هما ابشع منهم ب مراحل .
رواد مسك أيدها بهدف أنه يسيطر عليها
دليلة اهدي ممكن و احكي مفيش حاجة هتساعدك غير انك تحكي حصل أية بعدين .
دليلة بصتله بدموع و بدأت تفتكر اليوم المشؤوم بتاعها .
Flash back
دليلة كانت فرحانة وهي بتسوق عربيتها ورايحة للدكتوره تشوف حملها استقبلتها نفس الدكتورة اللي قابلها ايتوري كشفت عليها بهدوء .
الدكتورة
يبدو أن حملك هادي لدرجة أن مش حسيتي بأعراض انتي ف الشهر التاني اصلا اهم حاجة الفيتامين تواظبي عليه .
دليلة كانت فرحانة اوي وشكرت الدكتورة خرجت من عندها وهي بلغت ايتوري .
ايتوري بابتسامة
تمام انا هنفذ الباقي .
ايتوري اتصل ب سيلينا مونتانيبرو اللي اخدت مكان ابوها بعد موته اتصل عليها من رقم مجهول و بلغها أن ڤينسيا اللي اخدت أمر بقتل ابوها هي حاليا ع الطريق السريع لو عايزة تديها عقابها لقتل ابوها دي احسن فرصة .
سيلينا ابتسمت بشر ليها وبعتت حد من رجالتها اللي نفذ بسرعة .
ع الطريق كانت بتسوق بهدوء و ع معاها هي مش عايزة اذي لنفسها و لا ابنها كانت مبتسمة و بتسمع اغاني هادية فجاه ظهرت عربية دفع رباعي يودا و كانت بتكسر عليها حاولت تتفادي العربية لكن معرفتش طريقها انحرف و العربية لسة بتكسر عليها فجاه عربية من الاتجاه المعاكس دخلت فيها بقوة و هي أغمي عليها العربيتين مشيوا اختفوا تماما و ايتوري كان منتظر ده راح ناحية العربية شالها و كانت بتنزف بغزارة رجعها لدكتورة العيلة اللي شغلها كله مشبوه ودخل غرفتها اللي بتمارس فيها العمليات دي حطها و هي بنجتها بهدوء .
ايتوري
سيانا مش عايز اثر للحمل ده و كمان مش عايز الرحم بتاعها يبقي سليم فاهمة .
سيانا
ايتوري اهدي دي مش اول مرة اعمل كده انا هنضف الرحم من البيبي و كمان هعملها عملية تدمير رحم و مش هتكون قادرة تحمل تاني في حياتها .
بعد اكتر من تلات ساعات دليلة كانت ف اوضة عادية فاقت و هي حاسة بوجع تاوهت وهي بتتحرك و ايتوري راح ناحيتها .
ايتوري بلهفة مزيفة
حبيبتي انتِ بخير متتحركيش ع مهلك .
دليلة بوجع
حصل أية انا مش فاكرة حاجة انا كنت نازلة من عند الدكتورة و فجاه مش فاكرة تقريبا عربية خبطت فيا .
ايتوري بأسف
اه يا دليلة ف عربيتين خبطوكي بقوة و جريوا .
دليلة
بلهفة و البيبي هو كويس صح طمني يا ايتوري ارجوك .
سيانا دخلت ف اللحظة دي بهدوء
للاسف يا دليلة اجهضتي الحادثة كانت جامدة أدت ل اجهاضك وكمان رحمك تهشم كليا ف بقيتي عاجزة عن الإنجاب مرة تانية .
دليلة سمعتها بصدمة و فجاه كانت بتبكي بقهر. ووجع كبيرين.
روحت البيت و دخلت اوضتها و هي منهارة مكسورة و حزينة ماراي كانت واقفة بدون مبالاة ليها .
ماراي
سيانا أكدت عليك أنها مش هتخلف مرة تانية .
ايتوري متخافيش يا عمتي هي دلوقتي فقدت جزء كبير اوي من روحها المهم بعتي الشركة .
ماراي
اه بعتها لما بصمت وهي فاقدة الوعي الشركة دي من اكبر شركات صفوان اخدتها ليا و دلوقتي بقت باستخدام لتهريب السلاح.
ايتوري
تمام انا عندي شغل مع صديق ليا.
ايتوري ساق عربيته ل برة الفيلا خالص و بعد ساعة وصل بيت فخم رن الجرس و فتحت ليه المساعدة تبع البيت .
ايتوري
فين الهانم .
سمع صوت أنثوي رقيق نزلت و هي لابسه فستان سهرة شيك اوي و اتكلمت .
ايتوري و حشتني اوي .
ايتوري بحب صادق
سينيوريتا سيلينا مونتانيبرو اشتقت لكِ كثيرا عزيزتي شكرا لانك ساعدتني اليوم .
سيلينا
وحشتني اوي حبيبي تعالي مجهزة السهرة النهاردة .
Back
رواد
كان بيخونك طيب امتي عرفتي ده .؟!
دليلة بصتله بتوهان و أدت ضهرها ليه و نامت أو بمعني اصح بتهرب من واقعها الأليم .
ف بيت رواد أميمة اتصلت بحد و طلبت يجي فورا .
حسن
خير يا أميمة جيباني ع ملي وشي ليه ف الليل .
أميمة
مصيبة يا حسن و حطت فوق راسي و مش عارفة اتصرف .
ووو يتبع
خيانة مشروعة الجزء الثاني من سم هادئ في كأس ذهبي
تفتكروا أية اللي بين امينة وعيلة المراغي خلاها تخاف ..