رواية سم هادئ في كأس ذهبي ج2 الفصل الثاني 2 بقلم يارا محمد
خيانة مشروعة
ماراي دخلت المطبخ عملت ليها عصير ليمون و طلعت اوضة دليلة بهدوء ف الوقت ده هي كانت ف الحمام بعد ما بكت كتير و ماسكة تست الحمل بتدعي أن المرة دي تظبط معاها فضلت مغمضة عيونها دقيقتين و لما فتحتها ابتسمت بفرح وخرجت بعد ما سمعت صوت والدتها خرجت و قربت منها و ابتسمت ماراي اتخضت من حضنها فجاه لدرجة أن العصير و قع وهي لعنتها ف سرها لأن العصير ف حبوب منع الحمل .
ماراي بخضه
في أية يا دليلة مالك بتجري كده ليه وقعتي العصير اللي جبته .
دليلة بابتسامة اخدتها لتحت و نادت ع ايتوري و جدها .
ايتوري
في اي يا دليلة بتندهي ليه بصوت عالي.
دليلة قربت منه بتحفز و ابتسامة و ورته التست
انا حامل يا ايتوري هتكون اب و انت يا جدي هتشوف حفيد حفيدتك .
الكل اتصدم من الخبر اللي قالته و التلاتة بصوا لبعض بصدمة و انطوان بصلها .
انطوان بفرح مزيف
مبروك يا ڤينسيا اكيد انا فرحان بحفيدتي لأنها هتجيب وريث لأملاك اندريسا ويكمل شغلهم .
ايتوري حضنها وباس راسها و مشي أما ماراي ابتسمت ليها و باركت لها بس هي حست بأن في حاجة غلط و أن الجو مشحون بالتوتر مركزتش هي مركزة مع حياتها مع البيبي.
أما ايتوري استني عمته ف العربية و هي جت و ساقت بسرعة و وصلوا عن الدكتورة اللي بيتعاملوا معاها .
ايتوري بغضب
ريانا انتي قولتي أن الحبوب دي تمنع الحمل دلوقتي هي حامل ازاي انا مش عايز الحمل ده .
ريانا
اهدي يا ايتوري الظاهر جسمها مش متأثر بالأدوية دي و طردها ف حملت المهم مش لازم تجهضوها بالطريقة التقليدية بطريقة تانية و تكون قاسية شوية .
ماراي بخبث
انا عرفت ازاي من تلات اسابيع قتلت سيانا كورتيس بنت ديرمر كورتيس الوحيدة وهو بيدور ع اللي أمر بقتلها و هي متعرفش .
ايتوري
بلاغ من مجهول يبلغه بمين اللي حصل كده وكمان هخليها تيجي هنا تكشف علشان يبقي الأمر طبيعي انا موافق هبلغها اول ما نوصل .
طول الطريق و هما متعصبين و مش مستوعبين الحمل اللي ظهر فجاه .
ايتوري
انا هتجنن احنا دخلناها وسطنا ليه من الاول علشان تاخدي أملاك عيلة المراغي قررتي تاخديهم عن طريق بنتك الوحيدة اللي عمرك ما حسستيها بحبك وصفوان ف اليوم ده هددك بس قررتي تخلي حياتهم جحيم بعد ولادة دليلة .
ماراي
ايتوري حد قلك اني مش عارفة انا عملت كده ليه خلاص الشركات و بعت نصها أملاكه من أسهم و فلوس باسم دليلة صفوان المراغي هددني زمان ف حياته و استخدمت دليلة علشان تجيب ليا حقي و طلعتهم كلهم وحشين ف نظرها و خليتها قاتلة مأجورة تنفذ اوامرنا انا ام سيئة اه انا مش كنت أتوقع أن يكون في حمل من عمران الكل اخدوا جزائهم زمان .
دليلة كانت فاكرة بعيشتها معانا هتدوق النعيم وهي ف الأساس عائشة ف جحيم خلاص بقي نوريها الجحيم ع أصوله .
وصلوا البيت و ايتوري دخل الغرفة لقتها مبتسمة بتدور ع اصغر التفاصيل ف الحمل و الكتب اللي ممكن تساعدها هو شاف ده بس مش اهتم بسعادتها .
ايتوري
انا حجزت ليكي عن دكتورة العيلة معاكي ميعاد بكرة الساعة عشرة الصبح تروحي و ترجعي علشان تنفذي الشغل الجديد .
دليلة
انت مش فرحان يا ايتوري خلاص هتكون أسرة و نعيش ف هدوء و كمان انا بفكر ف أمر بقالي شهور و عايزاك توافق عليه .
ايتوري
و أية فكرتك بقي اللي قررتيها من غير رايي .
دليلة
لا هنفكر مع بعض انا بعد ما قتلت اهلي و رجعت معاك لقيت أني مش عايزة اكمل ف أمور التصفية عايزة اركز علي الشركات اللي اخذتها و انت تساعدني أية رايك نسيب العالم ده و نبدا من جديد.
ايتوري بصدمة اتعصب من كلامها بس حاول يتكلم بهدوء .
غريبة زمان كنتي بتحبي العالم بتاعنا فوقي يا دليلة مينفعش اللي يسيب الشغل ده فجاه يبقي مجرد خاين و اخرنا مجرد رصاصة و بس انسي الفكرة دي روحي ميعاد الدكتورة بكرة و ترجعي علشان تنفذي مهمتك .
ايتوري سابها وهي مصدومة من كلامه المفروض يكون موافقتها نامت ع السرير جنبه و بصتله بتفكير
لي تغير فجاه لي الأمور اتغيرت وبقي كل شئ فاتر و هي مش عايزة تبق يجزء تاني من حياتهم.
.....
رواد
كملي يا دليلة سكتي ليه حصل أية بعد كده
دليلة بدموع و بصتله بتعب
اطلع برة مش عايزة اكمل سيبوني ف حالي بقي .
رواد اضطر يمشي علشان مش يحصلها نوبة خرج بهدوء بس هي مش هديت فضلت تبكي و تسمع أصواتهم ف ودانها و كانت بتصرخ بقوة مسكت الحجر و فضلت تشخبط ع الحيط و هي ف حالة هياج و عصبية .
دليلة
اطلعوا من دماغي بقي حرام عليكم انتوا استحقوا القتل انتوا دمرتوا حياتي بعدوا عني .
ووو يتبع
خيانة مشروعة الجزء الثاني من سم هادئ في كأس ذهبي.