رواية نسختي الأخرى الفصل الاول 1 بقلم حبيبه سامح
كانت تقف وهي تقوم بالبيع للزبائن وهي تبتسم لهم
لينار : فاكهه طبيعيه بس طعمها يجننك
ضحكت لينار على كلامها لتأتي امراه لها
لينار : اتفضلي حضرتك محتاجه ايه ؟
نظرت المراه لينار بابتسامه
المراه : شكلك حلو اوي
لينار بخجل : شكرا لحضرتك
المراه بتساؤل : انتي متجوزه ؟
نظرت لينار لها بهدوء لتقوم بهز رأسها يمين و يسار
المراه بابتسامه : اسمك ايه ؟ و عندك كام سنه ؟
لينار : اسمي لينار و عندي ١٩
المراه : ساكنه فين
كانت لينار سوف تتحدث لكن قاطعتها
نور : هو في حاجه حضرتك ؟ حضرتك من اول ما جيتي و بتسأليها اسئله شخصيه ؟
لتقوم المراه بهز رأسها يمين و يسار بابتسامه
المراه : عايزه كيلو تفاح يا لينار
نظرت لينار لها بابتسامه لتقوم بوضع التفاح داخل الكيس
نظرت نور للمراه بشك وهي رافعه حاجبيها
لينار بابتسامه : اتفضلي
المراه : شكرا يا جميله
ذهبت المراه بعيدا و لينار كانت تبتسم لتنظر نور لها
نور : انتي اتجننتي يا لينار ؟ هو اي حد يقولك اسمك ايه و ساكنه فين تقوليلوا على طول كده ؟؟
لينار بهدوء : مكنتش عايزه اسكت و احرجها
ضحكت نور بسخريه
نور : والله خساره العالم ده يبقى في واحده بريئه زيك
ابتسمت لينار لها باتساع
نور بضحك : بتفرح با اقل كلمه تعالي ياختي تعالي اه والله انتي اختي مش صحبتي
لتبتسم لينار لتضع نور يديها حول لينار و ذهبوا بتجاه منزلهم
بعد ساعات
كانوا يجلسون في منزل من خشب متواضع و صغير الحجم
لينار : احنا كده معانا ١٠٠ جنيه
نور بزهق : لازم نتصرف عشان نجيب ايجار الشقه
لينار : احنا ناقصلنا كده ٩٠٠ جنيه
نور : معرفش طيب نعمل ايه تاني ؟ شغل و بنشتغل اكتر من شغلانه انتي بتبيعي فاكهه الصبح و بليل خضروات و انا ببيع سمك و مربات
لينار باستغراب : مربات ؟
نور بزهق : جمع مربى ياختي
لينار بضحك : تمام مكنتش اعرف بس أن ده جمع مربى
نور بابتسامه : ولا يهمك
لينار : صحيح كنت عايز اسئلك على حاجه ؟
ذهبت نور و جلست بجانب لينار على الأرض لتقول
نور : قولي ؟
لينار : هو ايه حكايه الغابه الي الكل مانعين الناس تخشها
نور بصوت عالي : لينااااار اوعي تروحي هنااااك سامعه ؟
لينار بصدمه : طيب طيب براحه بتزعقي ليه ؟
نور بعصبيه : عشان عرفاكي فضوليه و بسكوتايه في نفس الوقت ده انتي بتخافي من النمله الي قد كده
لينار : متقلقيش مش هروح انتي عرفاني اصلا أن انا بخاف من خيالي
نور بحده : بتخافي بس فضوليه اوي و لازم تعرفي كل حاجه
لينار بفضول : طيب هو في ايه في الغابه دي
نور بصوت عالي : شوفتي اهوا اهوا
لينار بتمثيل البراءه : مجرد سؤال
نور : لا مش مجرد سؤال انتي بتسألي بعديها هتروحي
لينار : لا لا بجد مش هروح قوليلي بس
نظرت نور لها بشك لتنظر لينار لها نظره القطط
غمضت نور عينيها وهي تضع يديها الاثنين على جانبيها وهي جالسه
نور : طيب طيب هقولك
فلاش باك
كانت تركض فتاه صغيره وهي تقوم باللعب
الام بصوت عالي : متبعديش كتير يا هنااا
لم تسمع الصغيره صوت والدتها لتكمل طريقها وهي ترقص لكنها توقفت عندما ضلت الطريق
لتجد نفسها وسط غابه كبيره و الوقت كان ليلا
نظرت الصغيره بالارجاء بخوف لتقوم بالسير و الهواء يحرك ورق الاشجار
نظرت الصغيره أمامها لتجد مخلوق غريب قام بسحبها لتصرخ
انتهاء الفلاش باك
لينار بخوف : يلاهوي و البنت ايه الي حصلها ؟
نظرت نور للينار بهدوء لتقول
نور : طالما جبانه اوي كده عايزه ليه تروحي ؟
لينار : زي ما قولتي فضول
لتقوم نور بهز رأسها لها لتقول
نور : بس و في ناس بيكدبوا القصه و في ناس بيقولوا لا دي الحقيقه و البنت لغايه دلوقتي مش موجوده و في الي بيقولوا قصص تانيه مختلفه عن الغابه دي تماما
لينار بصدمه : كل ده البنت مختفيه ؟ قصص تانيه ؟
نور : ايوه في الي بيقول كده و اه في ناس قالو قصص تانيه عن الغابه دي و الله اعلم انهي قصه هي الصح و انهي الغلط و هل الكلام ده حقيقي ولا لا
لينار : طيب قوليلي القصص التانيه
نور : هقولك
يتبع...
سبحان الله وبحمده سبحان الله العظيم 💖...