رواية احببت وأنا علي ذمة اخر الفصل التاسع والعشرون 29 بقلم نوسه حمد
اخوي اتصل علي الصباح قال لي نوسه عايزك في موضوع لو في زول جنبك زحي منو لانو الموضوع دا حساس شديد كانت جنبي هديه دخلت منها جوه الغرفه واتصلت عليهو قلت ليهو خير ان شاء الله فشنو قال لي خير اكيد عاوز اقول ليك انا قررت اتزوج الزوجه التانيه قلت ليهو لا لا نهاي يا اخوي ما بتمني ليك الجهجهه والعذاب بالاخص مرتك صعبه احتمال تقتلك عديل قال لي ما بتقدر انا محلالات لي اربعه وبعدين يا اختي نفسي في مره تحترمني وتطيعني وتحسسني اني قيم رغم اني بحب زوجتي وعندها مكانه خاصه في قلبي بس ي نوسه م حسستني بالاهتمام قلت ليهو لا لا يا محمد الاهتمام داير بيهو شنو وياهو نصيبك انا م دايره ليك المشاكل ومرتك الشافتا عيني دي اقسم بالله تقتلك قال لي م شغلتك ما تخافي منها انا بس هسي عاوزك تخطبي لي قلت ليهو اخطب ليك منو انت اخترتا يعني قال لي اي اخترتا والاخترتها بتعرفيها قلت ليهو منو دي ان شاء الله قال لي هديه انا لمن راسي لفه واضاني صنت وبقيت سامعه صوتو بعيد وهبطتا عديل قلت ليهو هديه معقولة قال لي اي يا نوسه نفسي اتزوجها واعوضها عن اي الم عاشتو قلت ليهو ح تزيد ليها الالم بسبب الضر وصدقني هديه ح ترفضك وعشان م تحرج نفسك النحكي ليك دا قال لي شنو قلت ليهو مهيد بتتزكرو قال لي اي بتزكرو الكان معانا امس دا قلت ليهو بس يلا دا عاوز هديه قال لي بعرفها من وين وهي عاوزاهو قلت ليهو شافا يوم الاحتفال معاي واعجب بيها وشال رقمها وهي زاتا بتموت فيهو قال لي متاكده قلت ليهو متاكده شنو انا ابصم ليك بالعشره والبركه الكلمتني قبل تحرجك قال لي اي والله الحمد لله م مشكله ربنا يسعدهم ويتم علي خير هديه تستاهل خلقه واخلاق قلت ليهو يارب وخلاص انا بشوف ليك واحده قال لي لا م عاوز انا كنت مستعد. استحمل حرب الدبل بي هديه بس م عندي اي استعداد ادخل في حرب مع مرتي قعدت اضحك قلت ليهو مالك خوفتا قال لي الخواف ربا عيالو وعلي قولك دي قسمتي والحمد لله بركه في بناتي ديل قلت ليهو بس كده عداك العيب ربنا يحفظك ويخلي ليك اولادك وتفرح بيهم
قفلت منو الخط واول مره في حياتي اكذب عليهو وقلت انو هديه عاوزه مهيد بقيت افكر لازم اخلي هديه ترتبط بي مهيد وهو زاتو ساكيني بالتلفون جيت راجعه وكنت سرحانه وهديه كانت تلعب في بتها وفارس مع بعض قالت لي مالك وشك مخطوف كده الاتصل دا منو شيلك هم الدنيا كلو علي الهم العليك قلت ليها والله يا هديه انا الموضوع دا سكتا عليهو كتير بس لازم احكي ليك اسمعيني وما تردي ادي نفسك فرصه قالت لي نوسه لو دا طارق وعاوز يرجع لي والقصص دي انسي قلت ليها هديه طارق اداك ورقتك طارق شنو كمان قالت لي طيب موضوع شنو الانا بفكر فيهو احكي ي نوسه قلت ليها هديه رايك شنو في مهيد الامس قالت لي اجي يا نوسه ياتو يوم بقا عندنا راي في الرجال مالو كمان قلت ليها مهيد معجب بيك وطلب انو يتعرف عليك وكم مره بحنسني تحانيس عشان يتكلم معاك قالت لي نوسه م جاده طبعا انا اهون لي اربي بتي دي العمر كلو ولا ارتبط بيهو ولد صغير ومهندس ومجتهد سبب واحد بخليهو يرتبط بواحده مطلقه زيي ماف قلت ليها اي شي بيد ربنا ومافي شي بعيد هسي انتي كنت بت فتاه وقبلتي انك تتزوجي طارق عشان تربي معاهو اولادو ودا كان سبب طارق في الزواج منك قالت لي غلطه قلت ليها لا م غلطه ع فكره يا هديه في اقدار مرتبطه ببعض زي هسي قسمتك مع طارق عشان تلاقيني وانا اكون شغاله في شركه وزميلي يعجب بيك ويتزوجك قعدت تضحك قالت لي يتزوجك نوسه انتي بتحلمي صاح ولد صغير زي دا يتزوجني قلت ليها ع فكره مهيد هدفو انو يتزوجك ما اعجاب ويصرح ليك اسمعيني اديهو فرصه وهو قاصد خير نفع معاك تمام م نفع معاك اعملي العاوزاهو سكتت م ردت قلت ليها هديه انتي بت صغيره ما تدمري نفسك وقالت لي وانتي الكبيره قلت ليها هديه انا بختلف انا زواجي من طارق ما ساهل انسا واتزوج لانو عشره سنين وعشان احرك مشاعري قصاد راجل تاني دايره معجزه وانتي مده زواجو منك ما كتيره وبطنك طمت منو شديد يعني ما صعب انك تحبي وطبعا انا بقول ليها ف الكلام دا عشان تقتنع قالت لي نوسه صدقيني انا ما بالساهل ارتبط ولمن اجي ارتبط ح ارتبط بي راجل يحتويني ان شاء الله متزوج م عندي مشكله قلت ليها تغلطي نفس الغلط لقيتك ما جاده يا هديه بقيت احنس فيها وبعد تعب قدرت اقنعها فجاه جاني احساس في وصفها لي شريك حياتها الجاي لو عرضت عليها طلب اخوي ح توافق لانها شايفه فيهو الجدعنه والمروه عشان انا عارفه درامات الضرات ديل اصريت اني اخليها ترتبط مع مهيد بعد وافقت اتصلت عليهو قلت ليهو زولتك دي تعبتني عديل والله وكانت رافضه عديل سيره الرجال بس قدرت اقنعها تاني انت وحنكك قال لي طبعا انتي شفتي مهيد الجادي الجنو شغل بس ح تتفاجئ وبعد تجي من السعوديه ح تلقينا خلاص حبينا بعض ومنتظر رجوعك بفارق الصبر عشان اتم المراد قلت ليهو ما شاء الله كده ميه ميه ان شاء الله ربنا يهون ليك ويسعدك قال لي امين اديتو رقمها بتاع الواتساب وطلعت من الموضوع دا
اتصل علي رامي قال لي ورقك وكل شي جاهز يا نوسه واتسرعت ليك عشان موضوع بحكي ليك لمن تجي وخلي بالك من اولادك لغايه ما تصلوني تمام قلت ليهو حاضر كلمت اخوي وجهزتا حالي ولا بلغت طارق اصلا انا ماخده منو الاذن وجهزنا حالنا وسافرتا الحمد لله لمن وصلت السعوديه ما قدرت اصدق لقينا رامي منتظرنا في المطار رحب بينا ونزلني في المكان الح اقعد فيهو وقال لي انا قريب منك شديد عشان م معروف الظروف والشركه بتاعتنا قريبه ليك قلت ليهو تمام بس تسمح لي اول حاجه اعمر واصلي كم ليله في الحرم واشيل هموم الدنيا الحا تقتلني دي قال لي تمام انا اخدت اذن عشان اوصف ليك واكون معاك اول بي اول
قلت ليهو م بتقصر ما عاوزه اتعبك والبسال ما بتوه قال لي معقولة تسالي وانا موجود الكلام دا ما صاح منك شكرتو شديد ومشينا الشقه وكنا تعبانين من السفر مسافه صلينا بس نومنا من غير م نشعر وبعد صحينا استعدينا عشان نمشي نعمر لقيت رامي مرسل لي قال لي لمن تصحي ارجعي لي انا عندي شغل مهم عاوز اخلصو عشان اجي اسوقكم بعد شربنا الشاي اتصلت عليهو قال لي انا جاهز بس منتظركم قلت ليهو نحنا كمان جاهزين م عدينا دقايق ورامي جا ساقنا وكان اعظم لي انتصار بعد توفيقي في شغلي اني الان امام الكعبه وبحقي الشعور الجاني قادر يمسح اي توتر وقلق وضغوطات كانت محاصراني والحمد لله بتي ساعدتني شديد واتفرقت تماما للعباده وحسيت كاني اتولدت من جديد وفي سري قلت يارب ترزق اي مسلم والاحساس الجاني نفسي كل الناس تعيشو وقلت ان شاء الله المره الجايه ح اجيب معاي هديه لانها تستاهل واتصلت ليها مكالمه من داخل الحرم وادعيت ليها كتير شكرتني شديد قالت لي الحاجه الوحيده الممكن اشكر عليها طارق انتي ي نوسه البقيتي لي اخت وسند وربنا مايحرمنا من بعض قلت ليها امين برجع الشقه ونتكلم رايك شنو قالت لي منتظراك اتصلت علي رامي جا رجعنا وشكرتو وقلت ليهو انا خلاص عرفت اي شي تاني م تتعب نفسك تجي معانا قال لي مافي تعب ي نوسه ولو انتي عاوزه تاخدي راحتك م عندي مشكله ولو احتجتو لي اي شي انا موجود وصلنا الشقه ورجعت لي هديه وبقت تحكي لي وشكلو مهيد وقع شركو قالت لي نوسه م عارفه اقول ليك شنو بس جد نحنا ما عرفنا راجل حنين وما عارفه زمان الكان عاجبنا فيهو شنو قعدت اضحك قلت ليها النوريك نحنا العجبنا في طارق شنو اول شي انتي وانا طبيعتنا م عندنا لف ودوران واحتمال م نكون عرفنا اولاد كتير اتزوجنا طارق واكتفينا بيهو هديه ساهل انك تتزوجي بس صعب انك تكتفي ومن الطرفين انا وانتي اكتفينا وبقينا شايفين انو طارق ماف راجل زيو عشان ما عرفنا رجال في حياتنا كتير وقدر المشاعر البسيطه الكان بدينا ليها كنا بنشوفها كتير عكس لو كنا بنعرف غيرو والله لو عمل السبعه وزمتا ما بنشوفو عمل لينا شي وح نكون عينا طايره وما ح نكتفي بولد احتمال في الشهر الواحد نعرف اتنين ولا تلاته وعادي مافرقت قلبنا بموت وح تبقا لينا عاده اعوذ بالله واصعب عاده واكعب عاده انك تكوني متزوجه وتتعودي تعرفي غيرو وتحبي غيرو قالت لي فعلا يا نوسه كلامك صاح تتزكري عباس والله يا نوسه لمن بدا يتغزل فيني قلبي بقا يدق وحسيت احساس حلو ورغم الاحساس الحسيتو كان ضميري كل لحظه بأنبني وبقول حتي لو ما بادرتو تعتبر خيانه بس كان الشيطان بوسوس لي وبقول لي راجلك شغال بيك وجادعك حبي ساي وكنت في صراع داخلي مايعلم بيهو الا ربنا ووقعت في الوضع دا غصبا عني والله من يوم اتزوجت طارق ما فكرت زاتو انو اعاين لولد بس هم الاولاد بفتشو ليهم استغفر الله منهم قلت ليها هديه النحكي ليك سر واعتبري عظه وعبره ما عشان تمسكي علي حاجه وانا نفسي الحصل لي اي زول يعرفو هديه انا قبل ما طارق يتزوجك كان هاجرني وماسح بكرامتي الارض وامو كانت بتكرهني وبتحرشو علي وكان متغير مني وفي وشي م بعاين لي كنت بحس بي نفسي م مرغوبه وفي بالي الف سؤال هل انا مهمله في نفسي هل انا شينه بس الحمد لله انا م كده لغايه م اكتشفت انو متزوج علي وبعمل في كل المشاكل دي عشان يخلق مشاكل ويطلع يخلي لي البيت وهو مالو لو اتزوج الراجل محلالات ليهو اربعه بس يخفي عرسو ويحسسني اني زي اختو الاحساس دا كعب الله لا ضوقو لي غيري ومع مرور الزمن اكتشفت انو معرس صحبت عمري وما كده انصدمتا والصدمه خلتني افتح قلبي للمدير الشغاله معاهو ووقعت في غلط عمري كلو ح اقعد ادعي ربنا يغفرو لي وبقيت احكي ليها وهي بتقول لي نوسه لا انتي قدوتي قلت ليها ماف انسان م بغلط خليك عارفه الناس دي كلها جواها اسرار لو طلعت م عارفه العالم دا ح يكون عامل كيف بس انا حكيت ليك عشان تعرفي الشي الوصلني ليهو طارق الله يسامحو وما كده وبس طمم بطني من الرجال هسي بكرهم والله مانفسي اشوف لي راجل في حياتي قالت لي تبقي غبيه انا هسي بحكي ليك عشان اقول ليك انا حاسه نفسي مبسوطه مع مهيد وكلمت اخوي اخوي قال م عندو اي مشكله ومهيد زاتو قال لي بعد تميتي العده بتاعتك اخليك تخلصي سنتك البديتها دي ونوسه تكون جات ونشوف ح نعمل شنو وصحي انتي عندك شغل هناك قلت ليها اي والله بس لسه م مشيت الشركه واتفقت معاهم عشان انا شغلي الفي السودان ماجزه وساديهو لي مهيد وانجبرتا جبت معاي لابتوب الشغل عشان ادير الشغل هنا قالت لي تمام ربنا يوفقك حبيبتي ويسهل طريقك وزي ما سندتيني كل الناس تسندك قلت ليها العفو حبيبتي تستاهلي كل خير قفلت منها ورسلت لمهيد قلت ليهو عاد وريتنا رسل لي ضحكه وبعديها رساله اتصلت عليهو قال لي حاجه نسيبه مبروك عمرتك هديه كلمتني قلت ليهو الله يرحم زمن كنت بكلمك انا قال لي العفو ياخ بس والله الشغل مبلول فيهو بل وهديه لو ما اتعودت اتكلم معاها وانا في الشغل صدقيني زاتا م ح تلم فيني قلت ليهو يا واحد الله وصلتو للدرجه دي قال لي كيف اخوك معلم يا زوله انا اتكلمت مع اخوها عديل ومنتظرين حضرت سيادتك قلت ليهو م جايه قال لي بنجيك نحنا ولا يهمك قلت ليهو والله لو كنت في السماء اجي احضر عرسكم قال لي ما بتقصري ي نوسه قلت ليهو مهيد انا اتصلت عشان اقول ليك م تكسر قلب هديه ومن هسي لو اهلك عندهم مشكله في انها مطلقه وبي بتها عليك الله ما تعشمها قال لي اهلي اهلي نوسه انا امي وابوي متوفين مربيني خالي وخالي دا م قصر فيني وكان بقول لي فكر عرس ان. شاء الله لو ندي القلعه بعرسا ليك لو دايرها يعني هو بس منتظر مني اشاره اخدي راحتك واطمني من الناحيه دي وانا قلت عاوز هديه عشان لقيت فيها الام قبل كل شي قلت ليهو الله يطمنك ويسعدكم قال لي امين
مرت الايام وكل يوم كنت بمشي الحرم حسيت نفسي انسانه جديده وبقا عندي دافع اني اشتغل وانفع المجتمع وحته الحب والرجال ديل رميتهم وراي حتي ماضي طارق وعبله وامو وسامحت طارق وامو بس عبله نهاي م قدرت اسامحها لانها سبب في خراب بيتي بس كلو لخير ما يعلمه الا الله انا متاكده لو كنت في عصمه طارق كان اكون شغاله اداء واجب بس م بكون عندي شغف للشغل زي هسي والحمد لله ❤️
مرت الايام ورامي قال لي نوسه انا نسيت احكي ليك طبعا عبله شكلها متورطه ليها في قصه قلت ليهو ياتو قصه حسبي الله ونعم الوكيل فيها قال لي في بت متواصله معاها وشكلها من اهل طارق والبت صغيره يا دوبها في الجامعه وشكلها عبله عرفتها علي ولد والولد غشا البت وعمل فيها حاجه وهسي البت بين الحياه والموت ……..يتبع