رواية القاصرات الفصل الثلاثون 30 بقلم خديجة احمد
نور_♡_ الفرحه الكانت جوايي ما كنت قادرة اعبر عنها لا قول ولا فعل.. فرحة خلت قلبي يرقص من جواا.. مهما حضنتها ومهما عملت ما ح اقدر اعبر عن الجوايي لانو اكبر من كدا.. فرحتي لمن شفتها ما زي فرحة اخت شافت اختها وبس.. كانت زي فرحت ام شافت بتها بعد غياب.. ♡
سديم _♡_قعدنا باقي اليوم نتونس ونحكي لبعض ومر الوقت بدون ما نحس الساعه كانها ثانيه.. ودخل الليل ونحنا ما شبعنا من بعض.. سلمى اتصل عليها زوجها وقال ليها بجي اسوقك ف اضطرت تمشي.. وقعدنا انا ونور والمراة السمينه اللي عرفت انها شغاله عندهم هنا والمراة الكبيرة طلعت نسيبتها مراة طيبه شديد.. قعدنا في الصاله بعد العشاء وعرفت انو عندهم القعدة دي دائماً فعلا الروتين يجنن.. كنا نتونس ونشرب في القهوة فجاءة سمعنا الباب دقة ونور قالت بكون احمد جاء من الشغل.. اتغطيت.. وشويه ودخل والقى السلام ما كنت عايزة اعاين فيه لاكن فضولي جراني برغم اني مفترض اكون غاضه بصري..بس ما شاء الله تبارك الرحمن ليه هيبة كدا اللهم بارك.. اما في الجمال فايت نور.. رجل بمعنى الكلمه وقلت كدا عشان الحكتو لي نور والسوا معاها بِدل على انه راجل ومكمل الرجوله لانو ماف زول بسوي العملوا مهما كان.. انتبهت لمن نور كلمته وقالت لي معانا سديم اختي وقال لي حمد لله على السلامة.. رديت براحه وقلت الله يسلمك.. وبعدها واصلنا ونستنا ونور جهزت لي غرفه انوم فيها... دخلتها وكانت جميلة وراقيه.. صليت العشاء ونمت مباشرةًودي اول مره انو براحه وسعاده.. واول مره انوم وقلبي مرتاح وفرحان.. والله النوم الزي دا كنت محرومه منه شهور بس فعلاً الصبر جميل.. ♡_
سلمى _♡_ رجعت من بيت نور بليل بعد يوم كان مليان فرح وضحك يوم مستحيل انساه يوم انحفر فقلبي قبل عقلي.. حكيت لي سعد الحصل كلوو وفرح لاني فرحانه.. وأخيراً بعد شهور كانت مليانه حزن ووجع وانكسار.. جاء اليون دا وجبر كسر السنين اليوم الواحد دا نسانا وجع والم السنين الفاتت كلها...((_♡بسيطين لدرجة انه لو زارتنا السعادة مرة نسينا كل لحظه ذقنا فيها الالم ♡_)).. ولي اول مره في حياتي انوم وانا اضحك من جووا قلبي.. ربنا جبر كسرنا وعوضنا صبرنا كانو مافي حاجه حصلت قبل كدا.. لمن يجي العوض من الله يكون جميل فعلآ..♡
نور _♡_ لو في زول لازم اشكره فهو احمد لانه كان سبب في اننا نجتمع من بعد االله سبحانه وتعالى.. لمن بتاعين المرور السالوه ديك.. كانو نفسهم اصحاب زوج سديم فعلآ سبحان الله شوفوا ربنا كيف بدبر الامور.. الليله كانت اكتر ليله مميزة في حياتي نمت وقلبي يتراقص من السعادة.. نمت براحه كنت فاقدها لي شهور وهي راحة القلب.. ♡الصباح قمت بدري وجهزت الفطور قبل خديجة تجي.. واحمد طلع الشغل بدري.. دخلت لي سديم ولقيتها نائم قربت منها وصحيتها عاينت لي وقامت بسرعه وشويه وجمعت حتى ابتسمت.. وقالت كنت قايله نفسي بحلم ضحكت عليها وقلت ليها لا اطمني دا واقع.. قلت ليها قومي صلي واجهزي عشان نفطر قالت لي تمام.. طلعت منها لغرفة خالتي ولقيتها صاحيه صبحت عليها وقلت ليها الفطور جهز.. بعد وقعت اجتمعنا كلنا حتى خديجة لمن جات لقت الاكل جاهز وقعدت نفطر كلنا مع بعض... خلصنا الفطور وقعدنا نتونس ونشرب في الشاي.. فعلاً كل لحظه كانت تستاهل انها تتسجل..
سديم _♡_ الصباح حسيت بحركه جنبي افتكرتها متاب ولمن شفتها نور عرفت انو كل الكنت عايشة امس واقع فعلآ.. بعد ما طلعت دخلت اتوضيت وصليت وشكرت ربنا على النحنا فيه.. نزلت.. وفطرنا وشربنا الشاي واكتر حاجه بتعجبني فيهم لمتهم الحلوة.. ♡
بعــــــــــد. ايــــــــــــام ♡
سلمى_♡_احلى ايام انا عشتها في حياتي مع سديم ونور كنت كل يوم امشي ليهم وارجع منهم المساء.. ونسة وضحك وهظار كاننا بنحاول نعوض الايام الكنا فيها بعاد عن بعض.. كنت كل ثانيه اشكر ربي على فضلو علينا.. ما كنت مفتكرة انو الحياة ح تضحك لينا تاني بس كان لازم اعرف انو ربنا دائماً معانا وما يبتلى عبداً الا ليسعده وييسر امره..
سديم _♡_كل لحظه عشتها وانا جنب اخواتي محفورة جواا قلبي.. ايام بس معاهم نستني وجع السنين كلها.. نستني دموع حارة نزلت نص الليالي نستني ضرب لسه اثاره في جسمي نستني وجع فراق بكييت منه شهور.. نستني كل حاجه وكأن حاجه ما حصلت.. ولا ذقنا وجع ولا الم قبل كدا.. وانا قاعدة في الصاله جاتني المراة الشغاله وقالت لي في واحد منتظرك برا في البداية استغربت لاني الصراحه نسيت اي حاجه.. المهم طلعت ولقيته طارق سلم علي وكان عيونه زايغات ووشه واضح عليه التعب من شنو ما عارفة.. قال لي لازم نرجع الخرطوم قلت لي وانا مصدومه ليييه!.. قال لي كيف ليه!.. وبعدين اتصلت امي وقالت ابوي ح يصل بكره ولازم ننتظرو ف البيت.. سكتت وما عرفت اقول شنو.. ما. دايرة امشي خاالص عايزة اقعد هنا جنب اخواتي.. طارق عارف اني ما عايزة امشي وقال انا عارف انك دايرة تقعدي مع اخواتك اكتر بس الوضع ما بسمح ولازم نمشي.. انربط لساني وما رديت بس هزيت راسي بس.. قال لي تمام بمر عليك بعد شويه عندي شغله اقضيها واجيك..ورجع ركب عربيتو وفات ودخلت راجعه وانا مكسورة لاني ختيت احتمال اني لو مشيت ما ح اجي راجعه.. لقيت نور قاعدة في الصاله قالت لي سلمى ماشه علينا بتصل بعد شويه.. ما رديت عليها والعبرة مسكتني وبقيت ابكي قامت علي ومسكتني وهي مخلوعه وقالت لي مالك يابت.. قلت ليها وانا ابكي.. ح نرجع الخرطوم بعد شويه.. انصدمت اكتر وقالت.. لييه؟.. وحكيت ليه القالو طارق.. قعدتني وقعدت جنبي وقاالت لي طالما قالك كدا ف لازم تمشي.. قالت لي وتاني ح تجينا اتفقنا.. هزيت راسي وقلت ليها بس خايفه تاني ما اشوفكم.. قالت لي لو حصل كدا ف نحنا الح نجيك..
نور_♡_ خبر انو سديم ح ترجع صدمني شديد انا كنت عارفه انها ح يجي يوم وترجع بس ما اتوقعت بالسرعه دي كنت مكسورة من جوايي وما عايزاها تبعد من عيني بس حاولت اكون قويه قدامها وقدرت اخليها تهدئ لانها كانت تبكي بطريقه غريبة... قدرت اواسيها ورضيتها حتى وقفت بكى..
اللهم صلِّ وسلم وبارك على نبينا محمد 🎀❤️🩹
#يتبـــــــع _♡_
الفصل الواحد والثلاثون من هنا