رواية فتاة الإشارة الفصل التاسع والعشرون 29 بقلم اسماعيل موسى
توقفت ثلاث سيارات سوداء دفعة واحدة أمام برج شركة صقر المرشدى بصورة جعلت رجال الأمن ينظرون نحو البوابة بقلق فورى،الأبواب فُتحت فى نفس اللحظة تقريبًا
وترجل منها رجال بملابس داكنة ووجوه جامدة يتحركون بسرعة وثقة كأنهم يعرفون المكان جيدًا،ثم نزل يامان أخيرًا
كان يسير فى المنتصف بخطوات سريعة بينما معطفه الأسود يتحرك بعنف مع الهواء وعيناه مثبتتان على أبواب البرج الزجاجية دون أن يلتفت حوله،الرجال خلفه تحركوا تلقائيًا يشقون الطريق أمامه حتى قبل أن يصل إلى المدخل
حاول أحد أفراد الأمن الاقتراب،حضرتك مين ومعاك تصريح؟
لكن الرجل الذى كان يسير على يمين يامان دفعه بكتفه جانبًا دون حتى أن ينظر إليه،بينما استمر يامان فى طريقه كأن المبنى ملكه هو،بدأ التوتر ينتشر داخل البهو بسرعة
الموظفون توقفوا عن الحركة،والفتيات خلف الاستقبال تبادلن النظرات بارتباك بعدما أدرك بعضهم هوية الرجل الذى اقتحم المكان،همست إحداهن بفزع،ده يامان السويدى.
لمحت بسنت يامان فى كاميرات المراقبه حينما ركب المصعد
تنهدت بضيق وطلبت من مدير الأمن ان يطلب النجده
حطم يامان كل شيء فى طريقه حتى وصل مكتب صقر المرشدى ،كانت بسنت تجلس على مقعد الاداره بلا مبلاة
فين تالا ؟ صرخ يامان ويده تضرب الطاوله بعنف ،
عارفه يا بسنت لو تالا حصلها حاجه قتلك وحده مش هيشفى غليلى.
يامان ؟ هسمت بسنت ،انت عارف ان إلى بتعمله دا اسمه إجرام
جريمه يعاقب عليها القانون؟
وكان فين القانون لما خطفتو تالا ؟ صرخ يامان بصوت أقوى
انا مش عارفه انت بتتكلم عن ايه يا يامان
لكن احب اقلك ان الشرطه فى طريقها للشركه وان موقفك هيبقى بايخ جدا لما النجده توصل هنا.
انتى طلبتى الشرطه طيب كويس ،خلينا نخلص كل حاجه هنا، وصلت الشرطه كان يامان أجرى أكثر من اتصال مهم
قبل وصول الشرطه وتمكن من استخراج تصريح بتفتيش الشركه
عندما وصلت النجده تفاهم يامان مع الضابط ،اخبره ان هناك تصريح قانونى لتفتيش الشركه هيوصل حالآ
حتى لو فيه تصريح يا يامان بيه، مش انت إلى هتفتش الشركه، دا شغل الشرطه، من فضلك اتفضل بره
وسيب الشرطه تشوف شغلها.
القوة التى حضرت إلى الشركه لم تجد اى أثر لفتاه مختطفه
لا وجود لتالا.
سعيد كان واقف تحت الشركه وعارف النتيجه قبل حدوثها
صقر مش غبى، ويامان متهور وكل إلى بيعمله هيزيد الطين بله، صقر هياخد حذره اكتر
بس هو فين صقر؟
كان سعيد يعرف ان لديه فرصه واحده لا غير
طلب من يامان ان يصر على حضور صقر إلى الشركه
صقر هو الخصم فى الشكوى وليس بسنت
بسنت قالت بسيطه انا هخلى صقر يجى بنفسه
أخرجت هاتفها وكلمت صقر ،بسرعه طلب سعيد من تفنى
خارج عن القانون استخدام رقم صقر لتحديد موقعه
كان سعيد حاول أن يتصل بصقر أكثر مره لكن هاتفه كان خارج الخدمه، التقط التقنى الأشاره وحدد الموقع.
سحب سعيد احد حراس يامان وقاد السياره إلى الموقع
ايقظ صقر تالا
انا اسف لكن مضطر امشى ،حبيبك يامان قالب الدنيا
فى الشركه ومصر ان يشوفنى
حبيبى ؟ همست تالا، يامان مش حبيبى، ثم يامان فاقد الذاكره اصلا.
ارتدى صقر معطفه، طلب من تالا تاخد جرعات الدواء بعد نصف ساعه ، الشقه ملكك لكن انا هقفل الباب.
لاحظ سعيد وجود سيارة صقر لما وصل الزقاق الضيق
انتظر دقائق حتى تحرك صقر بسيارته
بعدها تحرك بسرعه، فتح الشقه القابعه فى الطابق الأول
كانت غير مأهوله
ثم اقتحم الشقه فى الطابق الثانى ووجد تالا جالسه على المقعد تشاهد التلفاز وبيدها طعام.
إنتى هنا والدنيا مقلوبه عليكى همس سعيد فور رؤيتها
نهضت تالا ،اتأخرت كتير يا سعيد انا كان ممكن اموت
ساعدنى نمشى من هنا.
فى الشارع ارسل سعيد رساله نصيه ليامان يخبره فيها ان تالا معه.
نقل سعيد تالا إلى مشفى يامان وهناك خضعت للفحوصات الطبيه المركزه.
فى الشركه نجح مسؤلى الأمن ابرام صلح بين صقر ويامان بعدم التعرض.
بعد أن خلت الشركه من الصخب ورحلت الشرطه ويامان
بسنت قالت إنها مش مطمنه
صقر انت اكيد مقتلتش تالا ؟ انا متأكده
همس صقر طبعا لا
صمتت بسنت يبقى إلى بفكر فيه صح يامان عرف مكان تالا
اصل مش معقول الدخله العنيفه إلى دخل بيها وبعد كده يوافق على الصبح اكيد فيه حاجه ناقصه
همس صقر، متقلقيش تالا مفيش حد هيعرف مكانها
صرخت بسنت ومالك واثق كده اوى ؟
بقلك يامان مش غبى، اقطع دراعى لو مكنش عرف مكان تالا وزمانه دلوقتى معاها.
مفزوع نهض صقر ،بقلك مستحيل يعرف مكانها
مش هسمحله ياخدها منى ،ساحقا الباب خرج صقر نحو المصعد وبعد لحظات كان داخل سيارته
قطع الطريق الطويل بسرعه ولما وصل شاف باب الشقه المهشم.
ضرب صقر الجدار بأيده عملتها يا يامان ؟
&&&&&&&&
تأكد يامان ان تالا تخضع للعنايه الفائقة وتعامل معاملة الخمس نجوم
كانت تالا ممدده على السرير بعد أن نظفت جروحها
يتجرع جسدها المحلول المحلى ،كان جسدها النحيل
فقد ربع وزنه
قعد يامان جنب تالا، رمقها بنظره مطوله كأنه يحاول تذكر ملامحها
همس بعد مده، بصى انا مش فاكرك ولا قادر افتكرك
لكن حاسس انك مهمه جدا للشركه
كلام سعيد عنك وفردوس وكل إلى شغالين فى الشركه ملهمش سيرة غير تضحياتك من أجل الشركه وانقاذك لها
صمت يامان مره تانيه، ضغط على وجهه بيده، مش عارف انا كنت ندل ازاى وسبت شركتى بتنهار وهربت ؟
مش قادر اتصور إى انسان سيء كنت فى الماضى
انسه تالا ،انتى والحج عبده انا مدين ليكم بحجات كتيره اوى
بسببكم الشركه لسه واقفه على رجلها
واسمها رجع تانى يسمع فى السوق ،انا بطلب منك تستمرى فى رئاسة الشركه ، نامت تالا على جنبها واطلقت صرخة وجع ،لا يا عم كفايه لحد كده اوى، شركتك معاك
انا اوت، الضغط إلى اتحملته الشهور إلى فاتت قضى على اعصابى.
ضم يامان قبضته وضرب ركبته بقسوه ،صقر لازم يدفع التمن
انا هبلغ الشرطه وانتى هتعترفى بكل حاجه ازاى خطفك
وازاى عذبك ،لازم يدخل السجن.
رفعت تالا ايدها ،لا ،انا مش هشهد ضد صقر ملوش لازمه
انا كمان عملت فى صقر حجات كتيره وخسرته مليارات
انا نفسى مش متخيله انه سابنى عايشه لحد دلوقتى
كنت متوقعه انه هيقتلنى اول ما يشوفنى.
مش لازم يهرب بعملته يا انسه تالا ،خليكى شجاعه
صقر واضح انه مش سهل وممكن يكررها مره تانيه
لا ،مش هيعمل حاجه صدمته تالا
سألها يامان ليه ؟
شردت تالا ،انا واثقه انه مش هيعمل حاجه، صقر جواه حجات كويسه انا سامحته، وانت كمان حاول تسامح
المشكله كلها فى بسنت هى إلى أثرت عليه بسنت دى من صناعتك انت يا يامان.
سعلت فردوس كان حاضره من اول اللقاء ،غمزت ليامان بعنيها ،كانت طلبت منه يتقدم للجواز من تالا
رفع يامان ايده، انا مش عارف هتتقبلى كلامى دا ازاى
وهل ممكن تقبلى بشخص فاقد ذاكرته ؟
انا بطلب ايدك انسه تالا
ترددت تالا دقيقه بعدها قالت بنبره ثابته لا..