رواية احببت وأنا علي ذمة اخر الفصل الرابع والثلاثون 34 بقلم نوسه حمد
جاني اتصال من هديه وصوتها كان متغير شديد قلت ليها هديه مالك خير انتي كويسه بتك كويسه قالت لي نوسه طارق قتلتو عبله قلت ليها شنو شنو هديه خليك جاده قالت لي مهيد هسي قال انا لمن قالت لي مهيد قال ليها اتزكرت الخطه واتاكدت تماما من صحه الخبر وحيلي ما شايلني وبقيت اكورك باعلي صوت كلهم جو جارين علي بقيت اقول ليهم طارق مات طارق مات اختو سبحان الله ربنا لهما الصبر وقالت انا لله وانا اليه راجعون لا حول ولا قوه الا بالله نوسه طارق مات كيف وطارق مالو قلت ليها م عارفه والله بس طارق قتلتو هديه وبقينا نبكي وانا اشيل واتصل لي رامي م برد علي واعصابي باظت خلاص وروحي طلعت ياربي الحصل شنو اخت طارق اتصلت علي زوجها قال ليها ما عارف والله ماف خبر بالشكل دا قالت لي نوسه كدي قولي بسم الله الجاب ليكم الخبر دا منو قلت ليها دي قصه طويله م بقدر احكيها هسي وبقيت اتصل رامي ردا علي قلت ليهو رامي طارق مات قال لي نوسه قولي بسم الله نحنا معاهو الان في المستشفي الوضع خطير بس لسه م مات قلت ليهو جد قال لي جادي معاك قال لي انتي الكلمك منو قلت ليهو هديه قال لي بكون قال ليها مهيد لانو مهيد خاف طلع طوالي انا كان لازم اقيف اشوف الحاصل والقصه عشان انا الفاتح بلاغ قلت ليهو طيب الحصل شنو قال لي كلو ح احكي ليك لانو انا تقريبا ما فاهم شي لقيت طارق دمو سايح وعبله والمعاها حاولو يهربو بس ربك رب الخير نحنا جينا واساسا كانو ورانا الشرطه ما افتكرت طارق سبقنا مجرد ما لقيت الحال صعبه اتصلت علي صاحبي طلعو قبضو عليهم والشي ي نوسه المفرحني ناهيك عن حال طارق اني شيلت لي لدن حقها وقبضو علي الولد وم ح ارتاح الا يعدموهو ولا يحكمو عليهو مؤبد وعبله لو طلعت منها تعالي قابليني انا رافع فيها ميه قضيه عبله دي بالذات لازم تترجم وكل قصصها مع الرجال لمن كانت في عصمه طارق انا حولتها لي صاحبي لازم عبله دي تبقا عظه وعبره لاي واحده تكون متزوجه وزوجها م محوجها لي حاجه وتمشي تلعب وراهو وهو المسكين اكون واثق فيها ما عارف اجيبا ليك كيف بس ي نوسه كل البنات المشغلاهم عبله نصهم متزوجات بخلن الراجل المسكين في الشغل ولا في البيت ويجن شقه عبله ودا غير بنات الجامعه الاصلا من اهلن فاكات ودا غير البجن الجامعه مطبلات واستغلوهن ويضعفن زي م حصل لي لدن ربنا يرحمها انا شخصيا ي نوسه بطني طمت من حاجه اسمها بنات انا فتحت حساب عبله عشان اعرف حقيقتها ليك من ناحيه اتندمت ومن ناحيه مرتاح نفسيا اني اتخلصت من شرها نوسه الزي عبله ديل ما بقعن قدام رجالن الناس كلها تكون عارفه قصتهن الا رجالن والبوجعني نظره الناس لي رجالن ياخ م اوصف ليك بتكون عامله كيف احسن منها الراجل يموت والمجتمع ما ينظر ليهو انو ديوث وانا عارفه طارق كان غصبا عنو لاني كشفت كل اوراقها حتي مع الدجالين وهسي ي نوسه خشمك ما تفتحي قلت ليهو لا م بفتحو بس لازم افهم اخت طارق لانها انخلعت قال لي تمام وقال لي افتحي الكميرا النوريك الاموره المعاي فتحت الكميرا وكان شايل بت طارق وشكلها خايفه شديد قال لي نوسه دي بتي قعدت اضحك قلت ليهو ان شاء الله بتك تكون من حلالك قول امين قال لي عقبال حلالي ما يرضا علي قلت ليهو رامي صدقني انا جواي كسر ما بتعالج قال لي نوسه انا ربنا جابني ليك عشان اداوي كل الكسور وما طالب من غير انك تديني فرصه ولا انا شكلي ح اقعد م متزوج كده قلت ليهو ليه ي رامي لازم انت تتزوج بت صغيره وحلاتا والله لو نور بتي كبيره كان عرستها ليك قال لي انتي عويره نور دي بتي وبعدين انا وريتك فقدت الثقه الله اعلم اثق في بت انا عايزك انتي وما عايزك تردي بس خليك عارفه انا غرضي شنو بقا اتجاهك وقفل الخط فرحت شديد انو طارق م مات طلعت من الغرفه قلت ليهم طارق م مات بس طارق عيان وفي العنايه ادعو ليهو نور قطعت قلبي فرشت المصلايه ولبست الطرحه وبقت تقول يارب بابا ابقا كويس يا رب اشوف بابا عمتها حضنتها وقعدت تبكي وبقت توصف علي طارق وعلاقتنا وتقول ليها احي من ابوك المات مجرد ما فكر يبعد منكم احيا من ابوك الشال يدو طبز بيها عينو احيا من ابوك العين وقعت فيهو كان طاير بيك السماء بس الحمد لله قلت ليها طارق هسي محتاج دعواتنا وصدقيني لخير ليهو الطلاق م معروف البحصل شنو قالت لي نوسه فشنو هو قلت ليها ح احكي ليك هسي خلينا ناكل وندخل الغرفه جوه افهمك قالت لي طارق اخوي معاهو منو قلت ليها معاهو رامي زميلي قالت لي وين هم قلت ليها في المستشفى الفلاني اتصلت علي زوجها قالت ليهو امشي ليهم قالت لي نوسه امي براها ح تكون انا لازم ارجع بكره قلت ليها ترجعي كيف تمي ايامك وارجعي قالت لي لا لا م بقدر امي براها واخوي محتاج لي قلت ليها اخوك معاهو رامي وزوجك وامك معاها ولدك اتصلت لي ولدها كلمتو انو خالو عيان انو يخلي بالو من حبوبتو قال ليها المحل البمسكو منو وحبوبتي دايره مره تساعدها قلت ليها دقيقه شيلت تلفوني اتصلت علي هديه قلت ليها ممكن بكره تمشي لي حبوبه نسيبه وتقعدي معاها لغايه م بتها تجي قالت لي جدا ي نوسه والحصل شنو قلت ليها طارق ما مات انضرب وهسي في العنايه قالت لي ربنا يرفعو ويقوم منها بالسلامه ويضم اولادو عليهو قلت ليها امين يارب
قلت لي اخت طارق انحلت من عندو قالت لي الحمد لله انا م موجعني شي كان طارق فقدك وفقد هديه قلت ليها قسمه والله ومشيت عملت الاكل واكلنا واتصلت اطمنتا علي طارق رامي قال لي كويس بس انا في حاجه لازم اعملها قلت ليهو شنو قال لي البت الشغاله هي البتدلنا علي مكان الدكتور او عيادتو وراجع الشقه لكن براي م برجع بشوف صاحبي الضابط قلت ليهو تمام ربنا يوفقك قفلت منو اخت طارق كان بتعاين لي قالت لي نوسه ممكن تشرحي لي انا ما فاهمه شي رامي دا منو وقصتو شنو قلت ليها رامي دا اكتر انسان وقف معاي من لحظه الاتهامات الواجهتني في الفيس لغايه ما عبله اتفقت علي قالت لي عبله الله انتقم منها حق اخوي يخلص الماقصر منها وما خلا ليها شي قلت ليها انتي عارفه هسي عبله اتقبض عليها عارفه بتهمه شنو قالت لي بشنو قلت ليها بتهمه انها فاتحه بيت دعاره قالت لي انا كان قلبي حاسي وراجلي قال لي المرا دي م كويسه انا م صدقتو قلت ليها موش هي ضرتي والله اخر حاجه كان افكر فيها انها خاينه انا م عارفه اقول ليك شنو بس انا عايزه اسالك وتجاوبيني بصراحه قالت لي قولي العارفه بقولو ليك قلت ليها لدن الله يرحمها مالا مرضها كان شنو قالت لي والله يا نوسه بين يوم وليله اتصلت علي صاحبتها القاعده معاها قالت لدن عيانه وعندها ملاريا وابوها لحقها ما عدت ايام ولدن ماتت قلت ليها لدن مع صاحبتها كيف قالت لي والله يا نوسه اكون معاك واضحه لدن كانت بتشكي من حبوبتها وتعاملا ليها انتي براك عارفه امي صعبه كنت بقول ليها يا لدن استحملي نحنا م عندنا قدره لي جامعه وداخليه وبراك ي نوسه شايفه الحال وياريتني ي نوسه قلت ليها تعالي برا جامعه برا كلام فاضي قلت ليها صاحبتها دي منو قالت لي اسمها ساره قلت ليها بتقرا معاها في نفس المجال قالت لي لا بس ف نفس الجامعه قلت ليها انا م عارفه بس لازم احكي ليك الحقيقه قالت لي حقيقه شنو يا نوسه حسيت قلبها بقا ادق واتوترت قلت ليها لا لا مافي شي قالت لي لا في احكي لي ي نوسه انا عندي البنات غير لدن نوري عقلي الله ينور عقلك قلت ليها كده كده انتي ح تعرفي بس انا لازم احكي اول شي البت صاحبه لدن دي م صاحبتها دي بت مشغلاها عبله بتكون لافه في الجامعه وبتصطاد ليها البنات قاالت لي شنو قلت ليها دقيقه ولدن كانت قاعده في شقه عبله المشبوهه وللاسف بتك غشو عليها ولد شغال مع عبله غشا عليها وحملت ولمن بتك حملت بقت تهدد فيهم وحاولو اتخلصو من الحمل وشكلها بعد العمليه جسمها اتسمم وماتت وياريتني ما حكيت ليها المره بقت تبكي وتكورك ودخلت في حاله عديل انا لمن بقيت ارجف ورانيه م قدرت تمسكها انا اتصلت علي دكتور جا اداها حقنه مهدئه وقال لي الحاصل شنو قلت ليهو هي بتها اتوفت ومرات بتجيها الحاله دي وطبعا انا بقيت مخلوعه اتصلت وريت رامي قال لي نوسه دا كلام شنو انتي جنيتي نوسه في زول عاقل بقول لي واحده بتك حملت بالحرام وعملو ليها عمليه وماتت نوسه بالغتي والله هسي الحاصل شنو قلت ليهو اديناها مهدي قال لي اتصرفي قولي ليها بكذب قولي ليها اي شي كفايه انا هسي شايل ذنب طارق اتندمتا اني وريتو قلت ليهو طارق كان لازم يعرف ولازم يشوف الشبكه العاملاها مرتو عشان لو قام منها ياخد درس قال لي ان شاءالله يقوم منها ع العموم انا مشيت الشقه ومعاي صاحبي لقينا ورق كتير لميتو من ضمن الورق لقيت فحوصات ومتابعات بتاعتها ولقيت شيكات بي حساب الدكتور وعرفنا الدكتور منو والشئ المؤسف ي نوسه الشيكات دي علي اساس انو بتها بعد تكبر تبيع كليتا اخدت المقابل والشي المؤسف التاني فتحنا الخزنه بتاعتها وملانه قروش ودهب ما عارف فهم عبله كان في جمع القروش دي شنو ح نسلم كل المبالغ دي لي طارق بعد يبقا كويس وهسي انتي شوفي اختو دي ما تخليها تدخل في نفسيات قلت ليهو طيب في اثناء ما بتكلم معاهو اخت طارق صحت جيت جنبها قلت ليها عليك الله اهدي لدن محتاجه دعوات حسيتا هاديه بس دموعها نازله قالت لي عبله قطعت حشاي الله انتقم منها وحسبي الله ونعم الوكيل فيها قالت لي كل من امي دخلتا حياتنا ودمرتنا كلنا واحد ورا التاني بدتو فيك انتي وكنا بنعاين وساكتين وما وقفناها في حدها وشايفين حياتك بتدمر قدام عيناوانتي صبرتي وربنا بعدها منك والدايره تدور وكما تدين تدان وصلتنا نحنا وضربتنا كانت قاضيه الحمد لله ي نوسه دا درس عمري ما انساهو من هنا ولقدام بكون علي حق الصاح عندي صاح والغلط غلط لو ختو في راسي سيف انا بكره لازم امشي اعمر ولازم بعد بكره ارجع السودان حنستها عشان تقعد قالت لي لا يا نوسه انا عندي مسؤوليه اولادي محتاجين لي وامي وطارق لازم ارجع وبدت تلملم في شنطها وانا الليل كلو احنس واترجا فيها طلبت منها تموت بالسر دا قالت لي انا مالم اشوف العمل في بتي كده محكوم عليهو بالاعدام م ح ارتاح قلت ليها اكيد وانا لحظتها الح ابلغك بس ما طالبه منك غير تموتي بالسر دا
تاني يوم مشينا عمرنا وجددت الحجز وسافرت تالت يوم
رامي قال لي وديت بت طارق للبت الشغاله مع امي وكويسه شديد ومبسوطه كل حركاتا بتزكرني بي نور وريتا صور نور قلت ليها دي اختك قالت لي هي احلي مني وسالتني منها قلت ليها بجيبا ليك نوسه البت بريئه تقولي م بت المره الشيطان دي قلت ليهو طارق كيف قال لي كويس اختو وصلت وقعدت معاهو وانا اتفرغت للقضيه وعايزك تديني رقم اخوك عاوز اصلو اكفر ليهو لي مرتو قلت ليهو تمام قفلت منو وما قفلت سمح اتصل علي اخوي رديت عليهو قلت ليهو هسي في سيرتك حسيت نبره صوتو كعبه قال لي نوسه اتصلت عشان اقول ليك الدنيا قضت غرضا …………يتبع..