رواية فتاة الإشارة الفصل الثامن والعشرون 28 بقلم اسماعيل موسى
اقف مكانك !! لف يمين، طلع تليفونك وافتحه كأنك بتتصفح الاخبار، متبصش لورا بكرر متبصش لورا مش فى مصلحتك
_حاضر سمعت من اول مره
خليك ثابت من فضلك ،دلوقتى تقدر تتحرك امشى عشر خطوات جنب العربيه، وطى كأنك بتحكم رباط جزمتك المعفنه آلتى نبهتك عليها اكتر مره حط الجهاز، اتحرك.
سعيد انا مس قادره اتخيل انى اعرفك من عشرين يوم وحلوتنى بقدرت اقدر لمخبر سرى
انت شايف ان علاقتنا ممكن تنجح فعلا ؟
ريهام ،ممكن نأجل الكلام دا شويه، اعتقد انك ملاحظه انتا فى مهمه سريه ؟
مشت ريهام على الرصيف وبعد خمس دقايق لحق بها سعيد
جهاز تحديد الموقع شغال؟
بص سعيد على تليفونه شغال ذى الفل
تنهدت ريهام طيب كويس ،يكون فى علمك دى اخر مره هشتغل معاك انا مليش دعوه بشغل البوليس بتاعك ده
ابتسم سعيد، إلى بيعجبنى فيكى حسك البوليسى يا ريرى
ودا مفيد جدا فى الحياه!
رفعت ريهام حاجبها، ليه هشتغل فى الشرطه ان شاء الله؟
لا همس سعيد، لكن بكده تقدرى تضمنى انى مش هعرف اخونك، انتى حسك البوليسى شبه حاسة الشم عند الكلاب
بصراحه فظيعه
تشبيهاتك زفت زيك على فكره يا سعيد، هنعمل ايه دلوقتى؟
انتى تقدرى تروحى عارف انك مطبقه ورديتين ورا بعض
وانا هقعد فى المقهى اتابع العربيه، متخفيش مش هعرض نفسى للخطر
مين قالك انى خايفه عليك؟ انت حياله مجرد خطيبى
قبل رحيلها همست ريهام خلى بالك من نفسك يا سعيد
ابتسم سعيد، شعور ان فيه شخص مهتم بيكى مش حاجه سهل تحصل عليها اليومين دول وريهام من اول يوم بتخاف عليه.
تابع سعيد العربيه لمدة يومين ولاحظ انها بتقف فى مكان
ثابت كل كام ساعه ،هو دا المكان إلى صقر مخبى فيه تالا
كلم سعيد يامان، انا حددت الموقع ولازم نتحرك فورآ
خليك مكانك هجيب الرجاله واكون عندك حالآ.
&&&&&&&&&&&
ارجوك انا مش قادره استحمل اكتر من كده، هعمل كل إلى انت عايزه، همست تالا بصعوبه
كانت جروح ظهرها بدأت تتقرح ،الان فظيعه بتضرب كل جسمها حتى رجليها مش قادره تقف عليها
قال صقر كويس ان الانسان يعرف قدرته ويعترف بيها
انا مقدر صراحتك يا انسه تالا
احنا كان المفروض نتحرك بكره، لكن طاعتك الامتناهيه سرعت العمليه على غير توقعى
حل صقر قيود تالا، حاولت تالا تمشى مقدرتش ،رجليها لم تستطع حملها.
ابتسم صقر، قبض عليها من وسطها وحملها فوق كتفه
وضعها داخل السياره وأمر الحارس ان يفتح الباب
فتح الحارس الباب وانطلقت السياره فى الشارع
بعد لحظات توقفت ثلاثة سيارات آمام المكان ونزل منها يامان ورجاله وسعيد، اقتحم المكان بالقوة ولم يجد فيه سوى حارس واحد، ضرب يامان الحارس بكل قوته
الحارس لم يتأخر اعترف بأختطاف تالا وتعذيبها
لكن قبل دقائق صقر نقل تالا لمكان اخر والحارس لا يعرف إلى أين.
واصل يامان ضرب الحارس إلى مكنش على لسانه غير كلمه واحده معرفش، معرفش.
سيبه أمره سعيد ،انت هتقتله، لو كان يعرف مكانها كان قال عليه ،ثم انا ظاهر عندى فى التليفون ان عربية صقر
بتتحرك فى شارع أحمد صبرى، خلينا نتحرك وراه مش عايزين نضيع وقت.
يا باشا انا شفت كل حاجه ذى ما بقلك كده، فيه تلت عربيات وقفو عند المخزن وبعد شويه طلعو من نفس الطريق إلى انت مشيت فيه.
أغلق صقر هاتفه واوقف السياره عى جانب الطريق ،اكيد انا مراقب، لازم فيه جهاز تنصت فى العربيه فتش العربيه كلها
وبعد ما انتهى وهو واقف بيدخن سيجاره شاف بالصدفه جهاز تتبع ملتصق فوق العجله الخلفيه
نوع صقر الجهاز، تأمله للحظه وقبل ان يسحقه بقدمه
قبل أن يتوقف فى اخر لحظه.
&&&&&&&&
على بعد خمس كيلو همس سعيد قربنا نوصل خلاص، العربيه واقفه بقالها اكتر من تلت دقايق
همس يامان لكن المكان دا طريق مفيهوش بيوت على ما
افتكر قبل ما افقد ذاكرتى الا لو كانت الدنيا اتغيرت فى الشهرين إلى كنت فاقد فيهم الوعى ؟
همس سعيد يا باشا الجهاز مش بيكدب حتى بص كده
حتى العربيه بدأت تتحرك تانى
&&&&&&&&&&
ركب صقر سيارته تعمد ان يبطيئ بها فى الطريق، افتعل شجار مع سائق سيارة نقل لصق جهاز التتبع بها
ثم عاد على سيارته وعلى وجهه ابتسامه ،انطلقت السياره فى ازقة القاهره وحواريها وصقر ممسك بهاتفه يتابع لقطات تسجيل الفيديو آلتى وصلته على هاتفه
يامان يقتحم المكان مع رجاله، يامان يضرب الحارس
يامان يصرخ فين تالا ؟
الظاهر ان يامان مهتم بيكى اوى يا انسه تالا رغم انه فاقد الذاكره
ارتعش جسد تالا لما سمعت اسم يامان، همست فى سرها يامان خرج من المستشفى يدور عليه رغم مرضه ؟
ارجوك بلاش تأذى يامان ،انا معاك اهو اعمل فيه إلى انت عايزه بس سيب يامان فى حاله.
غريب امر الحب همس صقر، الحب الحاجه الوحيده فى الحياه بعد حنان الأم إلى ممكن تخليك تتمنى الألم لنفسك وتفدى بيه شخص تانى، رغم انه ممكن يكون شخص تافه، ابن كل_ب ولا فارق معاه تضحياتك وكل الكلام الفارغ ده
عارفه يا انسه تالا إلى يفهم الحياه صح لا يحب ولا يتحب يقعد كده كافى خيره شره ،لا يربط مصيره بأحد ولا يحمل على عاتقه مصير أحد ،الحب ينبع من شعور مضاعف بالضعف يا تالا وإلا برأيك ليه الإنسان يبحث عن شخص آخر عشان يكمله ؟
مستغرق فى أفكاره ضغط صقر دواسة البنزين مرت خلال شارع ضيق قبل أن تتوقف
حمل صقر تالا فوق كتفه وصعد بها درج السلم فتح باب شقه فى الطابق الثانى اشعل الاضأه وارقد تالا على السرير
وقف لحظه كأنه نسى حاجه مهمه قبل ما يتحرك
كانت المره الأولى من ايام جسم تالا ينام على حاجه مريحه
لسعها ظهرها بقسوة ،أطلقت صرخه خافتة
وظهر صقر يحمل علبة اسعافات أوليه، نامى على بطنك لو سمحتى؟
استجابة تالا للأمر ،مزق صقر ما تبقى من ملابس على ظهرها
ارتعش جسد تالا ورقصت قدميها ثم نزلت يده على جروح ظهرها بالمعقم
صرخت تالا اكتر من مره
لازم انضف الجروح همس صقر بصوت واطى ،جروحك قربت تتعفن ،استمر صقر فى تنظيف جروحها
كان قاعد جنب السرير على الأرض ببساطه يمارس عمله بدقه ،حست تالا انها مش اول مره يعملها، حركته مكنتش عشوائيه
انت عملت كده قبل كده صح؟
كانت أول مره تالا تتكلم معاه من غير صراخ او شتم
همس صقر تقدرى تقولى انى متعود، انا خلصت تقدرى تنامى على جنبك وخدى ابلعى القرصين دول
عايز اديكى حقته لكن عارف انك مش بتثقى بيا
اصل ازاى تثقى فى الشخص إلى خطفك وعذبك ؟
ادينى الحقنه! همست تالا بنبره ثابته انا بثق بيك على الاقل دلوقتى.
ارتعش جسد صقر، الكلمه جعلته يترنح ،توقف عن الحركه اكتر من دقيقه بلا كلام
تزعزعت ثوابته، ان الثقه عنده كلمه فارغه هذا ما كان يعتقد به على الاقل، لكن الآن يشعر ان لها وقع خاص على روحه
خلصنا همس صقر وهو بيرمى الحقنه الطبيه فى سلة المهملات، رفع الغطاء فوق جسم تالا ،دلوقتى تقدرى تنامى
ولما تفوقى هتبقى كويسه.
&&&&&&&&&&&&&
صرخ يامان هى العربيه دى هتمشى لأخر العالم ولا ايه؟
انا حاسس ان فيه حاجه غلط
رفع سعيد شاشة الهاتف، الجهاز شغال يا يامان بيه ذى ما انت شايف
اسكت انت صرخ يامان وأمر السائق ان يقود بأقصى سرعه
هى دى العربيه صرخ سعيد، الجهاز بيقول كده
امر صقر السائق ان يعترض طريق سيارة النقل.
عرف يامان ما حدث ،خناقة السائق مع الشاب المجهول
صاحب السياره المرسيدس، صرخ عملها صقر المرشدى
كان ابتعد عن القاهره ويحتاج اكتر من ساعه للرجوع
كده كفايه صرخ يامان اطلع بينا على شركة صقر
الكلام مبقاش منه فايده.
كان يامان تحفظ على الحارس إلى قبض عليه فى مخزن صقر فى مكان يملكه لحين تسليمه للشرطه
الحارس معانا ،هيعترف بكل حاجه وصقر مش هيقدر ينكر
هنطالب بافراغ الكاميرات ورحمة آمى لدخله السجن.
&&&&&&&&&
تمام يا باشا ،كل إلى أمرت بيه اتنفذ ،الحارس تخلصنا منه
وكل الكاميرات تحطمت والشريط ولعت فيه بنفسى
رمى صقر التليفون جنبه ،اشعل سيجاره بوجه مبتسم
وتابع تالا الراقده تتنفس بوتيره ثابته..