رواية جواز بالاكراه الفصل الخامس عشر 15 بقلم مجهول
محروس ......... انت كنت قاسي عليهم قوي يا مصطفي بيه
مصطفي ........... دول يا عمي جواهم بذرة الخيانه الي انا عملته ده يا اما يرجعهم يا اما هيكملو في طريق الغدر الي هما ماشين فيه
محروس ......... ربنا يستر من سنين وهارون عايز يكون الكبير وما يعرفش انه هو الوحيد الي ما يصلحش لكده
مصطفي ........... والله انا اكتر واحد محتاج حد يشيل المسئوليه دي عني عايز اعيش زي اي شخص طبيعي
محروس ......... ده نصيبك يا ولدي وقدرك
مصطفي .......... الحمد لله علي كل حاجه
محروس .......... نسيبك ترتاح السلام عليكم
مصطفي ........... وعليكم السلام ورحمة الله وبركاته
هاني ......... جيهان بنت خالة حضرتك وصلت السرايا
مصطفي ......... ودي ايه الي جابها دلوقت
جيهان ........... عامله ايه يا خالتو
سعديه ......... الحمد لله يا بنتي انتي عامله ايه ليكي كتير ما جتيش الصعيد
جيهان ......... الظروف بقا الجامعه وكده بس انا جايه و ناويه اقعد هنا
سعديه ......... تنوري يا بنتي السرايا سرايتك
جيهان .......... امال فين البتاعه
سعديه .......... بتاعة ايه
جيهان ......... البنت الي مصطفي اتجوزها
سعديه ......... اسمها تيسير يا بتاعه انتي
جيهان ........... تيسير ماشي يا خالتي
سعديه ........... تيسير يا بنتي
تيسير .......... نعم يا امه
سعديه ......... تعالي سلمي علي جيهان بنت اختي
تيسير .......... اهلا بيكي يا جيهان نورتي السرايا
جيهان ........ وهي بتبص لها من فوق لتحت شكرا
نعمه ......... ست الحجه هنعمل ايه علي العشاء
سعديه .......... انا جايه معاكي تيسير خليكي مع جيهان لحد ما اجي
تيسير ........ حاضر يا امه
جيهان ......... مصطفي بيه يتجوزك انتي
تيسير .......... اه ليه عندك مانع
جيهان .......... احب اقولك اني مصطفي قلبه مشغول
تيسير ......... تحاول تسيطر علي غضبها و مشغول بمين
جيهان .......... بيا انا ولا عمره هيقدر يحب حد غيري
تيسير .......... مش مهم المهم هو مع مين ومين مراته وعلي اسمه
جيهان ......... في النهايه هكون انا ست السرايا
تيسير ......... ست مين يا .....
مصطفي ....... حمدالله بالسلامه يا جيهان
جيهان .......... الله يسلمك يا مصطفي ومبروك الجواز
مصطفي ........ الله يبارك فيكي و عقبالك
جيهان ........ ما انت عارف مش اي حد يلفت نظري
مصطفي .......... هههه عارف عشان كده انتي مش لفته نظر حد
جيهان ....... وعلي كده يا تيسير واخده دبلوم ولا مش متعلمه
تيسير .......لسا هتتكلم قطعها مصطفي
مصطفي ........ عمري ما حد بيوص لك يا برنسيسه جيهان انتي دخلتى جامعه خاصه عشان ما جبتيش مجموع اما تيسير مراتي دكتوره قد الدنيا ومن الاوائل كمان
جيهان ........ اتحرجت من كلام مصطفي كلامك صح وكده كده بابي عنده فلوس كتير
مصطفي .......... لما الدكتوره تيسير تكون فاضيه تبقا تأخذك تفسحك في الجناين والارض بتاعتهم
سعديه ....... واقفين ليه ما تقعدو
مصطفي .......... لا انا هطلع انا وتيسير يا امه عشان نرتاح
سعديه ............ ماشي يا ولدي ربنا يسعدك
مصطفي .......... مسك ايد تيسير وطلع فوق واول ما دخل الاوضه ساب ايديها معلش انا اسف عشان مسكت ايدك
تيسير ........... لا عادي ولا يهمك هو في حاجه بينك وبينها
مصطفي .......... بين مين
تيسير ........... الي اسمها جيهان
مصطفي .......... دي حكايه قديمه وخلصت
تيسير ............. كنت بتحبها
مصطفي .......... كنت صغير في السن وكنا متربين سوا
سعديه .......... اقعدي يا بنتي
جيهان ........ وعينها بطق شرار لا يا خالتو انا اطلع امشي شويه بالعربيه
سعديه .......... برحتك يا بنتي بس ما تتأخريش
جيهان ........... حاضر
سعديه ........... علي
علي .......... ايوه يا ست الحاجه
سعديه ......... اطلع وخليك قريب من جيهان لحسن حد يعترض طريقها بس ما تخلهاش تحس انك ماشي وراها
علي .......... حاضر يا حجه
جيهان .......... اه ماشي يا مصطفي بيه انا هخليك تطلقها و تترجاني عشان اتجوزك
فتحيه ........ جيهان انتي جيتي امتي
جيهان .........انتي مين
فتحيه .......... انا خالتك فتحيه مرات الحاج هارون
جيهان .......... ايوه يا طنط افتكرتك
فتحيه ........... شوفتي البت الي اتجوزها ابن خالتك
جيهان ............. اه شفتها
فتحيه ............. في حد يسيب الجمال ده و ياخد الجربانه دي
جيهان ............ النصيب بقا هنعمل ايه
فتحيه ........... ولي يقولك تعملي ايه عشان يزحف وراكي
جيهان ........... ازي
فتحيه ........ الكلام مش هينفع هنا تعالي نروح نشرب الشاي وانا هقولك تعملي ايه
جيهان ......... ماشي يا طنط يلا بينا
فتحيه ........... اتفضلي
جيهان ............ شكرا
عاطف ........... اه يا بوي انا يحصل فيا كل ده
هارون ............ حقك انا هجبهولك وهدفعوا تمن كل حاجه عملها
جيهان ............ مين الي بيصرخ ده
فتحيه ............ ده عاطف ولدي وقع علي ايده
جيهان ............ الف سلامه عليه
فتحيه ............ بعد اذنك
جيهان ............ اتفضلي
فتحيه ............ وطي صوتك انت وهو
هارون ............. جبتيها
فتحيه .......... عيب عليك
هارون .......... انا كنت عارفك هتعرفي تجبيها عشان كده واحنا طالعين من السرايا اول ما شوفتها قولت هي دي الي هتقلب الموازين
فتحيه ............ انا هخليها زي العجينه في ايدي
هارون ............ روحي وزي ما اتفقنا
فتحيه ......... اتفضلي يا حبيبتي انا عملتلك عصير احسن من الشاي
جيهان ........... تسلم ايدك يا طنط قوليلي هعمل ايه
فتحيه .......... تيسير دي عشان تتجوز مصطفي عملت له سحر
جيهان ........... معقول ده بيقول انها دكتوره تعمل الحاجات دي
فتحيه ........... وتعمل اكتر من كده وكلنا عارفين انه بيحبك انتي بس بسبب السحر اتجوز بنت بيت الصباح
جيهان .......... والعمل ايه
فتحيه ........... السحر مالوش غير السحر وانا اعرف شيخ واصل اخدك ونروح له
جيهان ........... خلاص وانا هاديه الي هو عايزه
فتحيه .......... الفلوس سهله و المصلحه وحده
جيهان يلا بينا
جيهان .......... ايه الريحه دي
فتحيه .......... ده ريحة الاعمال يلا و تقلي قلبك
جيهان .......... حاضر
الساحر ......... ادخلي يا فتحيه انتي وجيهان
جيهان ........... انت عرفت اسمنا ازي
فتحيه ......... مش بقولك واصل احنا عايزين
الساحر ............ عايزين تعملوا سحر لي مصطفي بي المحبه عشان يحب جيهان
جيهان ......... هو بيحبني بس هي الي عملت له سحر
الساحر ......... مش هتفرق المهم عايز ١٠ الاف جنيه و تجيبى لى حاجه من اتره يعني شال منديل اي حاجه من لبسه
جيهان .......... ودي اجيبها ازي
فتحيه .......... سهله خلاص اتفقنا ودول ٥ الاف مقدم والمره الجايه هجيب الخمسه التانين
الساحر ........ هستناكم بكره وقت غروب الشمس
فتحيه .......... خلاص ماشي
جيهان ........... هجيب الي هو قال عليه ازي
فتحيه .......... في اي وقت يكونو بره الاوضه ادخلي وهاتي اي حاجه من هدومه
جيهان .......... خلاص ماشي
فتحيه ........ هاتي الحاجه و هستناكي عشان نروح سوا جيهان .......... ماشي انا هرجع السرايا
سعديه ......... كنتي فين ده كله
جيهان .......... كنت بلف في البلد
سعديه .......... تعالي اتعشي معانا
جيهان ......... اغير هدومي وانزل
سعديه ......... كلي يا تيسير يا بنتي انتي مكسوفه
تيسير .......... لا يا ماما اهو باكل
جيهان ........ دي فرصه كلهم بياكلو وفتحت باب اوضة مصطفي ودخلت
فى أرض الصعيد الدم ما بيرجعش الا بالدم والعادات اقوى من القلوب
وحين يعلو صوت الدم فوق صوت القلب يقيد المصير
رفضت فى البدايه لكنها ما كانتش تعرف أن وراء القسوه قلب ممكن يحتويها
هى قصه زواج بالاكراه بدات بالغصب وانتهت بالحب