رواية ملك الفصل السادس 6 بقلم غاده نبيل
يوسف : خلاص هانت هظبط كل حاجه ادعيلي يا ملك يا اجمل هديه بعتهالى ربنا
ملك: بدعيلك في صلاتى على طول يا حبيبي والله ربنا يقويك يارب
يوسف : المهم انا ناوى اعرفك على والدتى هتكلم معاها النهارده ان شاء الله
ملك: ماشي ياحبيبتى هسيبك بقي دلوقتى
يوسف : ماشي ياحبيبتى هكلمك تانى ها متناميش يابت انتى علشان وحشنى صوتك اوى وعاوز اكلمك كتير وكده كده بكره اجازه
ملك: ربنا مايحرمنى منك يا حبيبي حاضر سلام
استأذنت ام يوسف بالدخول تحمل الشاى ل يوسف....
يوسف : اتفضلي يا امى تسلميلي ياحبيبتى
ام يوسف: الله يسلمك من كل شر يا حبيبي
يوسف : اقعدى يا امى عاوز اكلمك في حاجه
ام يوسف : خير يا حبيبي
يوسف : عاوز اعرفك على ملك مرات ابنك المستقبليه ايه رأيك ؟!
ام يوسف بفرحه: صحيح يا حبيبي يا ما انت كريم يارب نويت تفرح قلب امك يا بنى
يوسف وهو يضع قبله على يد والدته: ايوه ياست الكل
ام يوسف : طيب احكيلي عرفتها ازاى وناوى على ايه
يوسف بإبتسامه: بصي ياست الكل ..ملك دى كانت زميلتى من ايام الجامعه وبنت جدعه اوى ومحترمه اوى اوى لو عرفتيها متاكد انك هتحبيها وبتحب ابنك اوى كمان
ام يوسف : روح يابنى ربنا يجعلهالك زوجه صالحة ويديمكم لبعض
يوسف : ممكن بقي تقابليها بكره ايه رايك؟!
ام يوسف : اقابلها يا حبيبي يسلام
يوسف : طيب معلش يا امي مش هينفع اجيبها هنا انتى عارفه الناس و علشان بعد كده لما تبقي مراتى محدش يقول كانت بتيجى عنده والكلام الفاضي ده..وهى كمان مش هتوافق
ام يوسف : روح يابنى ربنا مايحرمكو من بعض ويجعلك الخير كله فيها ويجعلك خير ليها شوف عاوزنا نروح فين وانا معاك
يوسف : يارب يا امى وان شاء الله تروحى تخطبيهالى قريب اوى
انهوا الحديث ثم خرجت والدته من الغرفه ثم امسك يوسف هاتفه و..
ملك بصوتها الرقيق الهادى الذي يذيب قلب يوسف حين يسمعه : الو ياحبيبي
يوسف : وحشتينى
ملك: منا كنت لسه معاك من كام دقيقه بس لحقت اوحشك
يوسف : يابت والله بتوحشينى كل شويه الله
ملك: وانت كمان وحشتنى والله بس انت عارفنى بقي اموت لو مرخمتش عليك
يوسف : بعد الشر عليكى يا قلبي ..المهم اعملى حسابك هشوفك بكره ها
ملك بفرحه: بجد يا يوسف ياااه بقالى كتير اوى مشوفتكش
يوسف : وفى مفاجأه كمان ياستى هتعرفيها لما تيجى
ملك: لاااااا يا ادم بقي بلاش ترخم عليا وتعلقنى لبكره او مكنتش قولتلى انك عاملى مفاجاه من الاول
يوسف : لما تيجى هتعرفي ياحبيبتى المهم عاوزك بكره تكونى اجمل بنوته في الدنيا
ملك: ده على اساس انى مش اجمل بنوته في الدنيا يعنى ولا ايه
يوسف : لا طبعا
رفعت ملك حاجبا اعلى من حاجب : نعم
يوسف : منا كنت لسه هكمل وكنت هقول انك اجمل بنوته في الكون كله وان عينى مش بتشوف غيرك في الدنيا
ملك بصوت دافئ: بحبك
ظل يوسف وملك يتحدثون طوال الليل في حضره الحب
يوسف : ياخبر الوقت عدى بسرعه اوى بقالنا اكتر من خمس ساعات بنتكلم حصل ازاى ده
ملك: يااااه محسناش بالوقت خالص وكنت واحشنى جدا و الشغل واخدك منى الفتره دى
يوسف : كله علشانك والله ياحبيبتى بنتحرم من بعض دلوقتى شوى وبعد كده نكون مع بعض العمر كله
ملك: يا له علشان نصلي الفجر وننام بقي
يوسف : ماشي ياحبيبتى تصبحى على خير يا أجمل ملاك ....
ملك: وانت من اهلى يا حبيبي...
الفصل السابع من هنا