رواية ملك الفصل السابع 7 والثامن 8 بقلم غاده نبيل
الفصل السابع
____________
في صباح يوم جديد ومع بداية اشراقة الشمس بخيوطها الذهبيه لتعلن عن بداية يوم جديد على ابطالنا ومع كل يوم بيعدى يقترب الحبيبين لبعضهما ..
تستيقظ يارا وكعادتها هاتفت يوسف لتوقظه ..
يوسف: صباح الخير على أجمل ملك في الدنيا
ملك: صباح الخير ياحبيبي ياله أصحى بقي كفاية نوم وقوم علشان تصلي وتروح مشوارك وترجع بدرى علشان أشوفك النهارده بقي
ابتسم يوسف في حنان: تصدقى تنفعى تشتغلي سكرتيره
ملك: ياريت واكون السكرتيره بتاعنك كمان
يوسف : لاياحبيبتى انتى الى زيك تقعد كده ملكة متوجة والكل يشتغل من حواليكى ..ياله يابت امشي بقي عاوز الحق الصلاه
ملك: ماشي يا يوسف لما أشوفك النهارده هوريك بجد
يوسف : انا مش هقولك غير كلمه واحده أنتى مش هتعرفي تتكلمى النهارده وانا واثق من كده كويس اووى ..خليكى فاكره كلامى ها
ملك: يسلام ليه بقي ان شاء الله بلاش تخلينى أعند معاك يا استاذ وانت عارفنى
يوسف بعند: أنا متأكد وهفكرك بكده اول ماشوفك ياله ياحبيبتى هسيبك هنزل أصلي وأروح مشوارى اخلصه بسرعه وهرجع اكلمك تانى
نهض يوسف من الفراش ليغتسل ويستعد للصلاه وكعادته يتناول الفطار مع والدته ثم يتجه للمسجد ..وبعدها يتوجه للبيت ليبدل ملابسة ..رن هاتفه ليعلن ان المتصل علاء....
يوسف : حبيبي نازلك حالا
علاء: ماشي يابطل مستنيك سلام
وصل يوسف بعد نصف ساعه وقابل صديقه علاء وبعد عناق وسلام بلهفه بينهم
علاء: واحشنى ياض والله من ساعه مااشتغلت في البنك ومبقيناش نسمع صوتك حتى
يوسف :معلش والله ياعلاء مافيش وقت خالص وخصوصا الفتره دى لانى هشتغل شغل إضافي جنب شغلى
علاء: ليه يابنى انت مش محتاج لكل ده
يوسف : لا طبعا محتاج لانى نويت اتجوز خلاص
علاء بفرحه: ايوه ياعم يابختك ..وطبعا العروسة تبقي ملك الى كانت معانا في الكليه
يوسف : هو انا عمرى حبيت غيرها
علاء: الله اكبر عليكو مشوفتش قصه حب زي قصتكو دى ده كل مكان في الجامعه يشهد على حبكو
تذكر يوسف تلك الأيام وظل يضحك في سعاده مع صديقة ..
علاء: كنا بنحقد عليكو ديما أنا والعيال بصراحه وكنا ديما بنسأل ليه بتحبوا بعض أوى كده وانه اكيد وقت وهيعدى
يوسف : وديما ماكنتش بعرف اجاوب لان انا نفسي معرفش ازاى بس متاكد ان قلبي اتخلق علشانها هى وبس وعلشان يحبها ويحميها
علاء: بدعى ربنا يرزقنى بالحب بتاعك ده ..ربنا يسعدك ياصاحبي انت اجدع راجل قابلته والله
ظل االصديقين يتحدثون وبعد مرور الوقت هاتف يوسف والدته وطلب منها انها تستعد لانه سوف يذهب اليها بعد نصف ساعه ثم انهى المكالمه مع والدته وهاتف ملك ..
يوسف : حبيبتى ياله اجهزى بس ماتنزليش غير لما اكلمك ها
ملك: حاضر ياحبيبي
يوسف : الواد علاء بيسلم عليكى
ملك: سلملى عليه ومتتأخرش عليا ها سلام
بعد نصف ساعه استأذن يوسف من علاء وتواعدا على لقاء اخر وتوجه يوسف نحو البيت ليجد والدته في انتظاره يعلم جيدا ان والدته تحب الجلوس على النيل وملك حبيبته ايضا وبعد قليل وصل هو ووالدته ثم هاتف ملك يخبرها بأن عليها الخروج من المنزل واخبرها ان معه المفاجأه التى ستسعدها كثيرا ....
الفصل الثامن
____________
وقف يوسف بعيدا عن والدته وبعد عده دقائق وصلت ملك ..
ملك: اتأخرت عليك
يوسف ممازحها : بتكلمينى انا يا شاطره
ملك بحركة طفولية رفعت حاجبا عن الأخر كعادتها ايوه يا أمور بكلمك انت
يوسف: هههههه الله يسهلك مافيش فكة
ملك: انت وحش ورخم ومش هكلمك تانى انا ماشية بجد سلام
يوسف : أستنى يامجنونه رايحه فين خلاص متزعليش
ملك: يسلام مانت عمال ترخم عليا من الصبح
توجه يوسف نحو والدته وبإبتسامه ..
يرضيكى كده يا أمى الى بتعمله مرات ابنك ده
وقفت ملك متفاجاه ولم تتحدث بأي شيئ..
والده يوسف: ماانت الى رخمت عليها يا بنى ..تعالى ياملك تعالى جمبي حبيبتى
يوسف يضحك ضحكه طويلةمليئة بسعاده ثم قال: يابت مالك في ايه ماتتحركى كلمي حماتك
ملك بكسوف توجهت نحو والدته وسلمت عليها في خجل
ملك: والله يا ماما يوسف مقاليش ان حضرتك معاه وهو الى ديما بيدايقنى كده
ضحكت والدته في فرحه وهى تقول: ربنا يحميكو لبعض ويحمى حبكو يارب ياحبيبه ماما ..يوسف بيقولى دى بنتى الصغيره وحب يورينى ده فعمل الحركه الطفوليه دى معاكى
يوسف : ايه رايك بقي في المفاجأه دى ..دى بقي ياستى امى أغلى حاجه في حياتى كلها
ملك: ربنا يخليكى لينا يا ماما و حضرتك
اتربي ولادنا ان شاء الله وتجوزيهم كمان
أم يوسف : انا دلوقتى مطمنه وهموت وانا مرتاحه ومتاكده انك هتاخدى بالك من يوسف ابنى كويس
يوسف وملك: متقوليش كده يا ماما ربنا يخليكى لينا
أم يوسف: ربنا مرزقنيش ببنت لكن الحمدلله عوضنى بيكى ياحبيبتى وهتكونى بنتى الى مخلفتهاش ويمكن اكتر كمان
يوسف : يعنى هنبقي أخوات ومش هنعرف نتجوز ..لم يكمل حديته الا دعست يارا قدمه فصاح في مرح : يامجنونه
ضحك الكل من موقفها الطفولى ..قضت ملك اجمل يوم بصحبه يوسف ووالدته وكانوا سعداء
يوسف : يا له ياهانم وقتك خلص
ملك بإبتسامه: حاضر
أم يوسف : علشان متتأخريش على البيت وحد يكلمك ياحبيبتى
ملك: حاضر يا ماما عن اذنكو ..
يوسف : لما تروحى تكلمينى ياحبيبتى ها وخدى بالك من نفسك
ملك: حاضر
اشار يوسف لسائق التاكسي واستقلته ملك ثم انطلق هو ووالدته وبعد نصف ساعه وصل كل منهم لبيته
يوسف : تعبتك النهارده يا امى
أم يوسف : نفسي اتعبلك يوم فرحك يا حبيبي
اقترب وهو يضع قبله على يد والدته : انا فرحان اوى يا امى ربنا مايحرمنى منك أبدا
ام يوسف : أنا مش طالبه من ربنا غير أنى اشوف عيالك بيجروا حواليا قبل ما اموت ياحبيبي
يوسف : والنبي يا امى متقوليش كده انا ماليش غيرك متزعلنيش منك وتوجعى قلبي
ام يوسف: عرفت تختار يا يوسف عروستك قمر ماشاء الله ..وباين عليها بتحبك وانا ارتحتلها
يوسف : وانا بحبها اوى والله يا امى وانتو الى ليا ربنا مايحرمنى منكو ابدا
ام يوسف : ربنا يخليكو لبعض ويكتبلك الخير فيها يا حبيبي ..هقوم احضرلك العشا على ما تغير هدومك
يوسف : ماشي يا امى ربنا مايحرمنى منك ولا من حنانك
ثم توجه لغرفته للاطمئنان على ملك واخرج هاتفه
ملك: كنت لسه هكلمك دلوقتي
يوسف : كنت قلقان عليكى ومتردد اكلمك علشان الى في البيت
ملك: احلى مفاجاه عملتهالى من يوم ماحبيتك
يوسف : انتى عامله زى القطط بتاكلى وتنكرى يابت انتى
ملك: انا بتكلم بجد وماما طيبه اوى انا حبتها اوى ربنا يخليها لينا
يوسف : وقريب اوى هنبقي كلنا مع بعض بس انتى قولى يارب هانت ياملك خلاص ......
الفصل الثامن من هنا