رواية أسير الأحلام الفصل الخامس 5 بقلم جمال المصري
بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
تحياتي_لكل_اصدقائي_ومتابعين
امريتا .. مالك يا سنان بتفكر في ايه
سنان .. مش عارف لو جنثار معرفش يوصل لمكان السيف هنعمل ايه
امريتا .. انا معاك ومش هسيبك تبعد عني تاني
سنان .. ما فيش عندك اي معلومات عن قائد الجيش اركون راح فين بعد ما انا اختفيت
امريتا .. اخر مره شوفته قالي انه لازم يختفي عشان لو سارومان قبض عليه هيقتله
سنان .. لازم اوصل لي اركون هو كمان عشان كده لازم اخرج من القصر يا امريتا
امريتا .. بس خروجك فيه خطر كبير عليك
سنان .. طول ما انا هنا مش هعرف اوصل لحاجه
امريتا .. خلاص هكون معاك
سنان .. لا لما اكون لوحدي هتكون حركتي اسرع
امريتا . بس
سنان .. بيقاطعها ما فيش بس انا مستحيل اعرضك للخطر
امريتا .. هترجع امتي
سنان .. مش عارف انا هحاول اوصل لي اي شئ
امريتا .. وانا هستناك بس علي الاقل خد لمي معاك هي حافظه المملكه وكل المخارج والمداخل
سنان .. انتي ناسيه الجسم بس هو جسم جاسر انما العقل والروح ليا انا يعني انا اعرف في المملكه اللي ما فيش حد يعرفه انا هتحرك
امريتا .. خالي بالك الحركه بجسم الادمي مش هتكون سهله
سنان .. قولتلك ما تقلقيش ويختفي
امريتا .. بتقعد حزينه
لمي .. تقرب منها مولاتي النبوءه هتتحقق والامير سنان هيقتل سارومان وكل اعوانه وترجع مملكتنا تنور بنور الشمس وترجع السعاده وصوت الاطفال في كل مكان و تنتهي اللعنه الي فضلت الاف السنين
امريتا .. بس انا خايفه اوي يا لمي ومش عارفه ليه حاسه ان في خطر علي سنان وكمان الشهر قرب يخلص ووقتها هيموت جاسر وسنان وجسده هيختفي ومش هنعرف نرجع سنان تاني
لمي .. انا واثقه في قدرة مولاي الامير سنان وان نهاية الشر بقت قريبه اووي
امريتا .. لمي من غير ما سارومان وجيش الظلال ووحوش الجحيم يحسو استدعي جنود النور من عالم النسيان ولكن لازم يكونوا حذرين وهما بيتحركه ويجو واحد واحد ويدخله في سرداب القصر
عالم النسيان ده العالم كل الي يدخله ينسى نفسه ويعيش بدون ذكريات ولا حاضر ولا مستقيل وهو تابع للمملكه كان اي حد يخطئ في المملكه او بيتمرد علي الملك بيترمي في عالم النسيان ولما سارومان اتمرد وقدر يمسك الحكم و مقدرش يخضعهم لحكمه حبسهم كلهم في عالم النسيان وبكده انتهت المقاومه في المملكه
لمي .. بس يا مولاتي لو سارومان حس ان جنود النور دخله المملكه دي هتكون نهايتنا
امريتا .. عارفه لكن انا لازم اكون جاهزه لكل حاجه مش هسمح لسارومان انه بس يقدر يمسك سنان
لمي .. بس جنود النور مش هيتحركوا غير بامر من الامير سنان وكمان قوتهم اقل من قوة حراس بوابة سيف النور المقدس
امريتا .. عارفه كل الكلام ده يا لمي وسنان كان رافض يستدعيهم لكن بعد خروجه من القصر لازم يكونوا موجدين تحسبآ لاى اي حاجه اما حراس بوابة سيف النور المقدس مش بيتحركوا غير تحت نور السيف المقدس عشان كده مش هنقدر نستدعيهم لحد السيف ما يظهر وفجاه يظهر ختم ذهبي في ايدها وتكمل كلامها لكن جنود النور و بختم الامير سنان هيطيعوا الاوامر خدي الختم وفي لمح البصر تبلغيهم الرساله بنفسك ولازم تكوني حذره في كل خطوه بتخطيها في عالم النسيان وطول ما الختم معاكي انتي في امان
لمي .. الامر لي الاميره العظيمة وتختفي وتطير في الفضاء الواسع وهي تحاول تهرب من جنود الظلال ووحوش الجحيم لحد ما بتوصل حدود عالم النسيان الي اي حد يدخله بينسا نفسه لكن ختم الامير سنان بمجرد دخوله علم النسيان وظهوره الكل ترجع له ذاكرته لمي وقفت قدام بوابة عالم النسيان وهي مستخبيه وتراقب حراس البوابه عشان تلاقي فرصه تخترق البوابه وبدأت تستخدم قوتها السحريه علي حراس البوابه لحد ما سيطرت عليهم وفي لمح البصر اخترقت البوابه ودخلت عالم النسيان
سنان .. بيبحث في كل السراديب الي كانت خاصه بجيشه وكل الكهوف في المملكه عشان يقدر يوصل لقائد الجيش لكن للاسف لم يجد اي اثر وتعب من البحث ووصل كهف الحكمه وقرار يدخل يرتاح شويه وبعدها يكمل بحث
لكن وهو داخل الكهف شافه احد جنود الظلال وانطلق بسرعة البرق ونزل في قصر الملك سارومان
سارومان .. ازاي تخترق بوابة القصر وتدخل بدون استئذان اقبضو عليه و ارموه لوحوش الجحيم
الجندي .. مولاي الملك الامر خطير
سارومان .. اتكلم
الجندي .. وانا بحرس حدود مملكتك لقيت شخص بيدخل كهف الحكمه وجيت ابلغك
سارومان .. قام من علي العرش مفزوع بتقول ايه كهف الحكمه ده ما حدش يعرفه غير سنان و القاده المقربين منه ويصرخ جهور
جهور .. يظهر قدامه امر مولاي الملك
سارومان .. جهز الجيش هنتحرك علي كهف الحكمه
جهور .. الجيش جاهز يا مولاي
جنثار .. بيسمع كلامهم وفي لمح البصر بيكون في كهف الحكمه قدام سنان
سنان .. انت ازاي عرفت اني هنا
جنثار .. ما فيش وقت يا مولاي سارومان هيوصل في اي لحظه لازم تهرب
سارومان .. بيتحرك ويختفي ويظهر قدام كهف الحكمه
جهور .. بيبص للجندي ويومر انه يترمي لوحوش الجحيم عشان بلغ الملك قبل ما يبلغه
الجندي .. يصرخ ويطلب الرحمه
جهور .. يختفي ويظهر جنب الملك سارومان
سنان .. يقوم لكن وقبل ما يتحرك بيكون سارومان قدام البوابه وجنوده وحاصره جميع المداخل والمخارج
جنثار .. هنعمل ايه
سنان .. هنهرب من السرداب السري
جنثار .. سارومان وصل لكل المخططات العسكريه وعرف كل الاماكن و السراديب السريه
سنان .. عشان كده وصل لهنا جنثار
جنثار .. امر مولاي
سنان .. اقبض عليا و قيدني بسرعه
جنثار .. مستحيل يا مولاي انا هحارب معاك لحد الموت
سنان .. انت لسا ما استجمعتش قوتي ولو حاربنا كده هنموت و المملكه هتفضل تحت حكمه للابد نفذ امري
جنثار .. امرك يا مولاي و بيقيده بسلاسل اللهب
سارومان .. بيشم ريحه وملامحه تتغير
جهور .. في ايه يا مولاي
سارومان .. سنان هو الدخيل يا جهور وموجود جوه الكهف لكن ضعيف عشان سيف النور المقدس معايا ادخلوا و اقبضوا عليه
جهور .. ظهرت عليه علامات الخوف
سارومان .. اتحرك يا جهور
جهور .. حاضر يا مولاي ويتحرك بحذر
الجنود كلهم بيبصه لبعض والخوف مسيطر عليهم و سارومان شايف الخوف في عيونهم و بيتعصب ويقرر انه يدخل قدامهم عشان يكسر الخوف اللي جواهم
سارومان .. يدخل الكهف وفجاه يوقف
جنثار .. مقيد سنان وطالع بيه واول ما يشوف سارومان مولاي انت هنا انا قبضت علي الدخيل ورغم تغير ملامح وشه إلا اني عرفته
سارومان .. قاطعه الامير سنان الضعيف اللي دخل مملكتي في جسد بشري ضعيف
سنان .. سارومان الخادم الخاين الي من طبعه الغدر والطعن من الخلف
سارومان .. بيسحب سيفه عشان يقطع راسه و بيضرب بكل قوته
جنثار .. مولاي
سارومان .. مع صوت جنثار يوقف السيف عند رقبة سنان
جنثار .. لازم الخائن ده تتقطع راسه امام الجميع عشان ننزل الخوف فى قلوب الجيش وكمان عشان الاهالي يستسلموا لحكمك والكل يعرف ان الامير القوي خلاص بقي ضعيف لا حول له ولا قوه
سارومان .. كلامك صحيح يا جنثار من اليوم هتكون كبير الحكماء في القصر قدرت توصل قبلنا للخاين ده مش زي جهور الي شكله خلاص كبر و مبقاش قادر يوصل لشخص ضعيف زي سنان
جهور .. مولاي
سارومان .. يقاطعه اخرس وخد سنان علي سجن القصر وشدد الحراسه عليه فاهم
جهور .. امرك يا مولاي الملك خدوه
الجنود بيقربه بحذر منه و يمسكه و بياخدوه علي سجن القصر
سارومان .. تعالى معايا يا كبير الحكماء
جنثار .. امر مولاي و يرجعه علي القصر
سارومان .. يجلس علي العرش ازاي عرفت توصله يا جنثار
جنثار .. لما انشق العرش عرفت ان الامير سنان دخل المملكه
سارومان .. بس وقتها انت طمنتني
جنثار .. عشان انا خادمك المطيع وكنت متاكد اني هوصله وبعد بحث وتحري بدات اراقب كل الاماكن السريه لقائد الجيش الهارب اركون عشان كنت متاكد ان سنان هيحاول يوصله و فعلآ حصل كل الي انا خططت ليه وقدرت اقبض علي الامير بسهوله لضعفه
سارومان .. هسامحك لحسن نواياك لكن بعد كده ما تخبيش عني حاجه
جنثار .. امر مولاي سارومان
سارومان .. كنت عايز منك استشارة في امر قطع راسه علي الملا وامام الشعب مش ممكن حد من اتباعه يحاول ينقذه
جنثار .. مولاي جنود النور في عالم النسيان ومستحيل يطلعوا من هناك ومولاي عارف كده اما حراس سيف النور المقدس مولاي عارف انهم مش هيتحركه إلا تحت نور السيف المقدس والسيف معاك بس لازم يتنقل لمكان امن يا مولاي الملك
سارومان .. السيف في مكان امن لكن في اتباع من الشعب ومن الجنود الهاربين ممكن يحاولوا ينقذوه
جنثار .. دول ضعفاء وقتلهم سهل ولو حصل وحاولوا يبقا نظفنا المملكه منهم والكل هيستسلم لقوة مولاي سارومان
سارومان .. فعلآ تستاهل منصب كبير الحكماء بجداره جهز كل المراسم لقطع راس الامير سنان و زيع الخبر في المملكه وكل الممالك المحيطه عشان الخوف يتغلغل في قلوب كل اعوان الامير سنان
جنثار .. امر مولاي الملك مطيع
عباد -الله- اذكر -الله