رواية بين الحاضر والماضي الفصل الخامس 5 بقول ايته عبدو
عبد الكريم
كنت راجع البيت وأنا سرحان في البت الشوفتها دي منو كنت بتمشي في الجنينه لمن شوفتها وخفته لمن تشوفني تمشي ف بقيت اعاين ليه من وراء الشجرة كانت ماسكه دفتر وسرحانه فيه اظن بتقراء في حاجه مهما لدرجة ما انتبهت لي لحدي ما جات شافعه ونادتها اسمها لميس حلو زيها اف خلي الغباء يا كريم ده شنو البتقول فيه ده هو بتين شوفتها لمن بتتغزل فيها وصلت البيت قابلتني أمي وهي بتقول
سعديه:مشيت وين يا ولدي يادابك جاء من بلاد بره دي
كريم: والله يا أمي اشتقت للبلد وقلت اتمشي لكن اسي ماشي ارتاح
سعديه: اي امشي
_*وقفه::*_
أنا عبد الكريم وبقولو لي كريم كنت في امريكا حضرته الدكتورها في الأحياء الدقيقة واستقريت هناك واشتغلته ولي زي خمسه سنه من البلد عشان كده نزلته زياره أمي اسمها سعديه وابوي الله يرحمه أنا الماسك البيت اسمه جاد الله عايشين مع جدي وعندي أختي واحده ومتزوجه وهي وزوجه قاعدين معانا علشان امي وجدي براهم ما بتقدر تخليهم وأنا مع الشغل والاغتراب اختي اسمها سماهر وعندها بت اسمها سناء ودي اسرتي الصغيره البناها جدي بحنيته علينا وعلمنا كيف نحب وننحب أنا بالجد شاكر ليه
_*نهاية الوقفه::*_
دخلته الاوضه وأول ما غمضته عيوني اتزكرتها خصلاتها المتمرده من تحت طرحتها الزايدها جمال
قمت على حيلي وأنا بستغفر ده شنو البتفكر فيه يا كريم اخير ليك نوم نومك ساي رقدته مسافه وما اكذب أنها ما ظهرت ليه بس عصرته نفسي لحدي ما نمت
________________________
_*لميس*_
وصلت البيت ودخلته طوالي الاوضه ما عايزه اقابل زول واسمع فاضي بالجد حالياً مزاجي رايق حبوبة سعاد دي قويه أنا عرفته لي حبوبه ستو كانت بتقول لي إنتي بتشبهي اختي دائماً بالجد أنا مبسوطه إنو طلع في زول زي في الاسره كنت حاسه نفسي نكره والله بس حالياً حبوبه سعاد هي قدوتي بس هي وين يا ربي نفسي اعرف بالجد دايره افتح الدفتر نادني اخوي وجدي اف يا يعني ما اقعد بمزاج في البيت ده طلعت وأنا بحاول اكون حذره ده وجدي ما مصعب وأنا ما عايزه مزاجي يتخرب ويحصل موضوع لانه وجدي بحب المواضيع
وجدي:يا زفته إنتي وين ساعه اكورك ليك نايمه على اضنيك
لميس:ما سمعتك معليش عايز اسوي ليك شنو
عاين لي باستغراب لأني متعوده على أني ارد وانضرب وشكله كان داير زول يضربه والناس كلها بتسمع الكلام معناتها منو اكيد لميس حمار الضرب حقهم البتفشو فيه
وجدي:اكوي لي القميص والبنطلون ديل
شلتهم وأنا بقول ليه
لميس:حاضر عايزهم اسي طوالي
وجدي:امال بكره يا غبيه
عاينت ليه ومشيت ما ح ارد عليه ح امسك نفسي مع أني ما بعرف دخلته الغرفه بعد مشيت جبته مكوة الفحم لقيت اسماء زي المنتظراني اجي من شافت القميص والبنطلون طوالي شالتهم مني وقالت
اسماء:جيبيهم أنا بكويهم ليه
طوالي اديتها ليه ريحتني العويره قايله كده ح يعاين ليه وبعدين وجدي اخوي ده أنا لو ادوني فيه مليار وكيلو دهب وقالوا لي حبيه مستحيل ياخي ما بطاق حياته كلها نهير وكواريك واكتر زول ما بحترم النسوان وبنبذ زي ما نبذني واسماء شخصيا اخدت ليها كم نبذه قبل كده بس ما عندها كرامه تعمل شنو المسكينه بتحبهُ هو ولا معبره اصلا هو ما عنده علاقه بالبنات علاقته بيهم زفت شديد قلت مادام الله ريحني اقرأ من الدفتر وفتحته الصفحه الوقفته فيها قبيل وبديت اقرا
يتبع....
لقراءة جميع فصول الرواية من هنا