رواية شمس الايهم الفصل التاسع عشر 19 بقلم شهد الدليمي
واجه يطكني
واخوته حاجه بينه
واسمعه يكول
مالك حاجه بينه
خزرني وسيف صارن
حاجه بينه وصرت مثل
الصنم من هد عليه
⸻❁⸻❁✿❁⸻
إيدي دگيتها عالكرسي بقوةو جسمي
يرجف من عصبيه .
صحت عليه بصوت
- لككككك انت زودتهااااا هواي
شتريدددد تريدين اكسرك وگعدك
يم نسوان
حسن : سيارتك شايفيها جماعتي
يم بيتهم.
حسيت راسي يريد ينفجر ما
سيطرت ع نفسي ضربته بوكس وكع
عالأرض دم طفر من خشمه والناس
كلها هجّت تركض
كامل يصيح : شبيككككك إيهم ليش
كل هاي عصبيه خل نفهم شكو
شبيككك
جسار : عيبببب عليكم شبيكم
تضاربون كدام العالم
بس اني ما أسمع أذني تصفر ما
أشوف غير وجه حسن وهو يگلي
حسن : شنو مسوي نفسك شيخ علينه
وانت
ماكمل ضربته بعد بوكس ثاني وكعدت
فوكةأضرب بيه بكل حيلي ولد شالوني
من عليه كوة
- أني من أعصب أفقد هو مايسكت
مايسد حلكههه
كامل : ولكك ايهم تخبلت شبيككك
ايهم: مااسمعه شيحجي شسوي اني
يم خالتي ساعه واحدة شعدي يمها
اروح خايفه منه اني
حسن : لا ماخايف جماعتي مارين
وشايفين سيارتك شويه عن بيتهم
ايهم : بس اني عندي هيجججج
سيارة مووو
حسن :هسه اني شنو كتلك شبيك
ترجف هيج هاي عصبيتك توحي
كلام صح
كامل : شبيكم تخبلتوا علينه
شنو تضاربون كدامي
جسار : عوفهم صايرين فلا
يحترمون لا صغير ولاجبيركبت
عيطتهم ويضربون واحنه نتفرج
ايهم :ماتشوفنه شلون يصيح صوتهه
اعلى من صوتي مايحترم لكلب
لحقيرررر
حسن : احترم ليش ماحترم بس لان
حجيت سوالفك مسوي عليه روحك شيخ
وانت
ايهم: بعد ممكل لطمته بوكس ثاني وكعدت
عليه كل رجدي انطي له يصح الف سنه ولد
يشيلوني وياه ويكعدوني وياه موته كوة
وخروا مني اني من عصب افقد وهومايسكت
حسن : شسوي رحت شعدككككك
ايهم :ماحسيت غير بوكس اجه بوجهي من
حسن اريد اشوف كدامي من عصبيه وحركه
حرت شسوي دنيا لتمت علينه اخوتي يحيرون ياخذون منو يعوفون منو اخواتي تخبلن بس
يصيحن اخذوني ولد ع صفحه
كامل : اشش كافي راح تنجلط كافي
اكعد جيبولي مي بسرعه
لمن هاي عصبيه كلها غير نفتهم ليش
هيج هسه واذا كالك شفتك بفرعهم
ليش كل هذا صياح فهمني
ايهم : ماتعرف شيمسلت هذا شيقصد
له قصد بهاي سوالفه والله كسر ايدة
مدها عليه يضربني بسيطه سهلله
جسار : كافي ترة زودتها وضحكتوا
علينه عالم
كامل : موضوع لهنا وينسد كافييي
مااسمع حس واحد منكم
سجاد : شبيك يااخويه عود انت جبير
عقلك وياه هذا عوفه خل يولي عليمن
هيج فضحتونه
صفنت مادري شبيه ليش هيج عصبت
ودمي فاررر مادري ليش صحت بيهم وخروا
عني اريد نام دخلت للغرفة نمت ماكعدت
لضهر حتى صلاة ماحسيت عليها كمت
فتحت باب غرفه سمعت صوتهم بصاله
-السلام عليكم
كلهم ردوا بوقت واحد:
- وعليكم السلام.
عيني على كامل
- ليش ما گعدتني وياك ع فجر
أول مرة تفوتني...
ضحك كامل وكال
كعدتك يابه إنت نايم مثل الميت
گلت خلي يرتاح تعبان صلّيها قضاء.
رحت غسلت وتوضيت وصليت
وگعدت هادي شوية بعدين صحت:
- فاطمة جيبي الغدة وتعالي يمي
عندي حچي وياچ
ردت من المطبخ وهي تعلي صوتها
- صار
شوي ودخلت صينية بيدهاحطتها
يمي وكالت
- بشنو تريد تحچي وياي
- موضوع كتلج بي كملتي حچيتي
ويا خالتي
- إي حاجيتها وكتلها أيهم ما يريد نور
مفتهمين غلط بس هيه گالت حسن
يريد ويلح واني منطيته تعالوا خذوها
- شنو تعالوا خذوها شنو نشتري
طماطة لو شنو غير لبنية متريده!
- والله يا أخويه ذيج ختها وروح
إكول لها وذاك أخوك و كلله ليش
مخليني بنص ياهي مالتي
تفهمي الاخوج يسد هذا الموضوع من
أساسه البنية رافضته أني وأخونه مستحيل
نوافق على عقد ببنيةنعرف ما تريده حياتهم
شلون تمشي
- يجوز بخطوبة بزواج ترغبه
- وإحنا نضل ننتظر شوكت ترغبه
مثلاً ما فهمتج ما أريد شي زايد
يله حجي وياه وصحيلي نغم وياچ.
فاطمه : صار
طلعت وظليت بالي يضرب بكلام
خالتي عقلـي كله يمها شراح يصير
وليش الأمور صايرة بهالشكل المعقد
دخلت نغم بعيونها فضول:
- هاصايحني
- إي أخويه فوتي أريدچ بحجايتين
نغم :احچي أسمعك.
احجي إلها وأنا متحكم بأعصابي كوة.
- تعرفين حسن طالب إيد شمس
منكم وامچ موافقة
نغم ردت ببرود گالت:
- وين تلكه أحسن منه
- رحمه الله والديچ أخويه بس اختچ
ما تريد أني ما أعقد لخوني عقد باطل
وبنية ماراضية
نغم : مادري بالي موافقة
- إلا ما موافقة وحچي وياه خالتي
تفكر زين وتسد هذا الموضوع
نغم نزلت عيونها للأرض گالت
- ها هي هسه أحاچيها واعتبر
الموضوع انتهى
كامت وسدت الباب وراها بس بالي
ما انغلق ظل مفتوح ع شمس.
چنت أضحك ع بنفسي وأكول مراهقة
متحب يمكن بس إعجاب طفلة صغيرة.
بس يوم عن يوم عيونها تفضح لهفتها
نظراتها إليّا تصير غير ولهفة تطلع من بين
عيونها كأنها تكلي شي ما تكدر تحچي بيه.
وأني ويا كل صلابتي ويا كل رجولتي
اكتشفت روحي طحت ع وجهي.
حب يسحبني إلها سحب يخلي كلبي يدگ
كل ما تبتسم كل ما تگلي إيهم" بطريقتها
بس شنو أسوي شلون أفسر لنفسي
ولحسن وشلون أفسر الاهلي انو
شمس مرتي ..
كل ما أتذكر شمس ابتسم لا إرادياً... أحس
كلبي يدگ بسرعة نفسي حيل تريدها بس
عقلي يكول لي
:لا تكسر أخوك وبنفس وقت لا تسمح لأحد
يحجي عليها بشي غلط شلون أوصل لهاي
النتيجة بدون ما جرح أحد كل خطوة أفكر
بيها لازم بحذركل ردةفعل أخواني متوقعة
بس أني محتاج أتحرك بحكمة
- سمعت جهازي يرن اتصال من
صديقي فرحني كأنه هو كان دافع
عني من ضغط اليوم
- صحت ع فاطمه تكعدني باجر من وكت
منطين موافقة ع طلب أصير بمكان والدي
فاطمه :خوش خبر الله يفتحها بوجهك
_آمين يابه شعور بالراحة شويه بس كلبي
ما يزال مشدود على شمس كل لحظة أفكر
بيها أحس كلشي يمر ثكيل كلشي يحتاج حذر
- صار المغرب صليت وتعشيت عفتهم ونمت
من وكت لأن عدي كعده الصبح عيون
مغمضة بس كلبي ما يهدأ كل
مرة أفكر شمس كل خطوة أفكر بيها
لازم أوصلها بدون ما أكسر أحد بدون
ما أجرح أي احد
نمت كعدت صبح ع منبه يدك عود اني
وصيتها تكعدني جانت ساعه
6 هم يلا احلك
سبحت وغسلت وتوضيت صلي اجتي فاطمة
تريد تكعدني دكت باب وتحجي
فاطمة : ايهم ايهم كاعد
_وجع حتى وجع فوتي كاعد
هاي معتمد عليج اني وهيج
فاطمة : لا والله مادري شلون فاتني
فاطمه :اسويلك ريوك
_لا راح طلع بعد ملحك جعفر كالي
ريدك اول ناس علمود تخلص بسرعه
يوقع لك
فاطمه : بسلامة وديربالك ع نفسك
_كولي كامل خل يرجع حسن للبيت
فشله ضال يم عالم
فاطمه : صار من يكعد اكوله
_يلا استودعتج الله
فاطمة : بالف سلامه خويه
طلعت من البيت نطلقت لبغداد
اكمل معاملتي وان شاء الله خير
وصلت لمكان... دخلت ليجوة ستنسخات
وامور معروفه وصور وصلت للمقابله وفحص
كله تمام ونطوني موعد صعود بي لي هو بعد اسبوعين
واني طالع تلكيت جعفر وياه اياد وياه
اصدقاء طفوله ذوله ومشاغبتي واسراري
كله يمهم جنه تيم احنه ثلاثه
رحت حضنته ضلينه واحد يتعب ع
ثاني لحد معرفنه كلمن ملتهي بضروفه
هما هنا هم مقدمين ع تعين ع شهاداتهم متخرجين ادارة واقتصاد وجعفر وساطه
مالتهم وهم شغلتهم تبشر بخير واني
فرحت كلت بلكت تدومون وياي
ونصيرة سوةرحنه لمطعم نتغده
وبده كلمن يتذكر خياسات ثاني
اياد : اي علمود حتى لي يتنفس
كدامك تسجنه لو بيدك
جعفر : تذكر قبل شلون جان
مسيطرع مدرسة
اياد : شتريدة يصير ساعه مطرب
ساعه مراد علم دار ساعه شيخ
ساعه كوا...
_لك هاي عليمن هيج تحجي
جعفر : تعال خل اذكررك
اياد : وليش هو شبي ما يذكر
ولك تذكر لولا سوالفك
اي تذكر شلون ماتذكر جنه اني واياد
وجعفر ومحمود احنه الربعه اكبر
شعبه يعني جنه محلين الشبعه
ضحك
وتصنيف والمدرس الي يجي جديد
يهج من ورانه ف جان عدنا مدرس رياضيات
جبير بالعمر اسمه استاذ عيسى وهوا ابن ريف ومعقد واني طبعي احب اغني الاغاني القديمه وأصدقائي الاربعه دائماً يسولي واهس فيوم من الايام اني اغني
والولد ماخذهم الواهس وياي ويطبلون على الرحلات واني هم ماخذني الواهس والشعبه
صارت هدوء محمود كالي
أيهم وراك التفتت لكيت استاذ عيسى وراي
وهوا كصير وضعيف ودائما رافع بنطرونه
ومتعصب ف كالي كمل ليش سكتت كتله
استاذ اني اسف واعتذركال لا بابا لا الاسف
والاعتذار ما يفيد نعالي اني ضليت صافن
شنو نعاله
بديت اباوع على حذاء المدرس
ورجع اباوع على وجه كال شبيك
كتله استاذ شبي نعالك كال لا تغش
بنفسك نعالي لو اخذك للمدير اني من
الصدمه ما عرفت شنو جان يقصد
رحت للمدير وجانت عقوبتي
8 صوندات رجعت للشعبه بطريقي من رجعت للشعبه عرفت انو المدرس جان يقصد نعالي يعني اكمل له موال
المهم وصلت للشعبه لكيت الولد يضحكون
عليه واني بديت اضحك
وياهم عل نفسي قبل الدرس الاخير
اني طلعت من المدرسة هروب دخلت
لكوفي الي هوا نقطه التقائنا احنه
الربعه دخلت للكوفي قبلهم كوني طالع قبل
الدرس الاخير لكيت شباب يلبعون بليارد
واحد من الي يلعبون ضربني بالكره البليارد
بدون قصد بس جانت الضربه قويه اني
تعصبت وبديت اغلط عليه صارت مشاده
كلاميه لحد ما صارت مشكله اني واحد
وهم ٤ عليه بهل اثناء
اضرب ونضرب دخلو اياد ومحمود وجعفر
وصارت المشكله جبيره بحيث طلعو الي
تعاركو وياي مكسرين اجت الشرطه وخذونا
للسجن اجه ابو ايادكال الابنه انت مالك علاقه
راح اخليهم
يتنازلون منك ولا تحجي شي اياد
اياد : من كل عقلك بابا اعوف اخوتي بهيج
موقف
ابواياد : بابا تنسجن
اياد : حت لو انسجن ما اعوفهم
وكعدنا احنه الخمسه نضحك ونشاقه بسجن
اخر شي طلعنه كفاله ونحلت المشكله اجو
الشرطه يضحكون ويانهه واحد من عدهم كال صداقتكم ماكو
جعفر : ابن... عبالك مو سجن
فرحان يضحك ويشاقه بي
اياد : وراها حصلت كتله غسل
ولبس
جعفر +اياد : صدك ايهم بعدك تطرب
موواويل
ايهم : لا كبرنا
اياد+جعغر : حرامات صوتك حلو
_بس محمود وين هسه مشتاق له
تعرف اخباره
جعفر : مادري بي بس احاول
واتوصل وياهم
اياد : يلا شباب اني ترخص عندي
شعل لازم ارجع
ايهم : يلا كلنا نروح سوة
جعفر : لا بسيارتي
اياد : بسيارتي
ايهم : كلوا...... كلمن يروح بسيارته
يلا
ضحكوا وراحو اني صعدت سيارتي
وتوكلت لبيتنه وصلت دخلت للحمام
كبل سبحت وصليت عصر وتمددت
وسمعت فاطمه اجتي
فاطمة : اسويلك اكل
_لا شكرا مااكل
فاطمة : الف عافيه بشر شسويت
_ان شاءالله خير سبوعين وباشر
فاطمه : الف حمدلله يلا ارتاح نام
غمضت عيوني تذكرت شمس بهاي
ثناء وصلني صوت رساله ع فابير من رقم
غريب بالي واحد من ولد ناصبين عليه لان
اعرف سوالفهم لحد ماكلتي بت خالتي بالي
نور بس من كالت
شمس عقلي طار من فرحة وبنفس وقت
خفت عليهاماريدها تشيل تلفون بيهج عمر
خاف عليها وخاص كلهم متشددين عليه
خاف تصير سالفه ويورطنها بيها اني ادري
بيه فاهيه وتصرف وراه حجي بطيبه
متعرف شسالفه وصيتها متحجي
احد وشلعت كلبي يلا تعلمت تسمح
محادثة ودز بصمه
نوب دزتلي بصمه صوتها جرة جرحسيت
اشتاقيت لها اريد اروح هسه اكعد وكبالها
احجي وياه نفسي ساعه كول ثكل
يابه ساعه كول ياثكل طك كلبي
عليها شمسي
قررت لتحق للدوامي ومن نزل
وأعزم خالتي يمنه وهم اشوفها...
⸻❁⸻❁✿❁⸻
غزل **
چنت ضايعة بحضن غيث مغمضة
عيوني من الخوف أحس نبضه عالي
الهوا بالغرفة ثگيل فجأة الباب انفتح
التفت شفت حيدرأخويه.
عيونه مصدومات ووجهه مجمر من
الغضب يدة تضرب الباب الغرفة بعصبية:
حيدر : غزللل!! شنوو هاي
تجمدت كل دمي صعد لوجهي
عيوني نزلت للأرض ماگدرت أنطق.
غيث سحبني وراه، سترني بجسمه
يباوع لحيدر
غيث : حيدر لا تسرع افهم أني
اجيت هيه ما عليها لا تضربها
حيدر باوع له بنظرة حادة
صوته مبحوح
حيدر : غيث شنو انت وتدخل عليها
بهالطريقة تدري شكد غلط هل شي
الازمت ظهر غيث بكل قوتي و
دموعي حركت عيوني ما أريد
أخويه ينهان ولا غيث ينجرح
صوت حيدر يزلزل الغرفة:
حيدر : شديصيررر هنهاا
چنت أرتجف أرد أشرح أرد أحچي
بس لساني مربوط غيث حط إيده
بيني وبين حيدر صوته ناصي
بس نبرته ثگيلة
غيث :: حيدر هيه ما عليها
أني اجيت داكلك ليش تصيحح
حيدر تقدم بخطوة عيونه بعيون
غيث ويحجي
حيدر : اجيت وتكسر عيني بحضنها
لان كتلك مانطيها لكك
ما حسيت غير إيده تندفع بوكس
قوي بوجه غيث
صرخت:
غزل : حيددددررر لا تضربه
فدوة
غيث تراجع خطوة الدم نزل
من شفته بس ما تركني ظل
لازمني
غيث : تضربني إلي ماكو مشكلة
بس هيه ما خلي أحد يلمسها
حيدر يصيح بقهرة:
- أنته آخر من يحچي هاي أختي
واني حاسبهااااا
دموعي نزلت صرت أضرب بگتف غيث
حتى يبتعد وأبوس إيد حيدر يهدئ
بس لا غيث يتراجع ولا حيدر يرضى.
ظلوا اثنينهم واكفين واحد ديدافع ب
جسده والثاني واني داموت من
قهر لأن شافني بهالموقف ودايتعاركون
بسببي
حيدر تقدم بخطواته بغضب جرني من وراه
غيث بقوة وسحبني له بعنف قبل ما أستوعب حسيت راجدي نزل بوجهي
اللحظة چنت أحس وجهي نار
حركت خدّي دموعي نزلت بلا إرادة
غيث : حيددررررر
اباوع ع غيث عيونه اشتعلت اندفع ع حيدر
صوته يهدد وهو يبعده ويدفع حيدر عني
غيث : كتلك لا تمدد إيدك عليهـــــــا!
الهوسه و صياح تدافعوا صوت
كلشي مخربط غيث وحيدر متشابكين
أصواتهم تعلى
والباب نفتح كل أهلي دخلوا!
بابا أول واحد واكف مصدوم عيونه متحجرة
واكف يرتجف ماعرف يمده يفرقهم لو يضربني
إخواني صياحهم مثل الرعد
حسين :شديصيييرررر هنهاا
علي : غزللل!!"
الموقف فشلة يفشل ويخوف
حسيت الأرض تنبلع وتخفي جسمي
إيدي على وجهي دموعي ما متوقفت
وغيث بعده يصرخ يباوع عليهم كلهم
ويحجي بصوت
غيث : أنــي اجيت أني اجيت هيه ماتدري
سكتة رعب نزلت بالغرفة صوت
أنفاسي وعيون أخواني تحركني
گلت بيني وبين نفسي خلص
دمرناها ماكو رجعة بعد
إجاني بسرعة وبدون ما يفكر
وكف غيث كبل كدامي
حسين : غزللللل!!!"
دموعي ينزلن وجهي انكسرن أكثر
وصوتي ختفى
حسين يصيح ويصيح يلوح بإيده
بوجه غيث
- جاييييييني جاييني مثل الحرامي
غيث ما تراجع ودم ينزل
من شفته عيونه ثگيله
غيث : مو حرامي مرتي
رد عليه حسين بصياح
- مرتك زين مرتك ولك كومه زلم بالبيت
مو بعينكككك
انكمشت بمكاني إيدي على وجهي
الدنيا كلها تنظر إلي باب متخشبة
أمي مصدومه إخوتي ضايعين بين
وغضب وصدمة
غيث : إي حسين مرتي ومعناها أني
أوكف له وأموت قبل لا أخلي أحد
يهينها
اللحظة مثل نار الكل يصيح الكل
متشنج وأنا واقفة بالنص، منهارة
أحس حياتي كلها دُمّرت بثواني
وخنت ثقة اهلي صارت مرتين
اسويها بيهم ..
الهوسه بعد ما هدّت حسين بعده
يغلي غيث متمسك بمكانه كل
البيت واكف صوت نفسي بس
أسمعه
باباحرّك عيونه باوع بيّا بنظرة
كأنما سهم دخل صدري صوته
ثكيل مخنوك
_غزل ما توقعت هالشي منج
انكسرت دموعي نزلن بحرار حاولت
أفتح حلگي وأحچي بابا سامحني
بس صوتي ما طلع.
بعدها بابا حوّل عيونه على غيث
- غيث تعال خذ مرتك الخميس...
⸻❁⸻❁✿❁⸻
شمس **
اجاني صوت اشعار بجهازي
بالي اخواتي فتحت جهاز
رقم كتبلي
هلاو شمس
صفنت برقم خايفه رد ضغطت
ع صوره تحمل رجع كتب
ها شمس شلونج
اريد اكتب وبطل اكول خاف
دايختبرني ايهم هو وصاني
مارد ماراح ارد
رجع كتب خالتي شلونها بنات
شبيج خايفه حسن اني
كبل كتبت له لا هلا اخلص منك
بالواقع تجيني ع مواقع
رد عليه بضحكه وكتب
_ شمس انسي لي صار اني مريت
بفترة ضغط من ناحية مشاكل وشغل
وطلعت اخواني من سجن ودين عليه
لان طلعوا بكومة فلوس كل هذا ثار بيه
وانتي جنت يمي وتخففين عني حسيت
نفسي احبج بس هو لا مجرد جنت ارتاح
يمج ومشاعري تضاربت
اني حسيت كلامه مقنع وفرحت
بنفس وقت انو راح يشوف حياتي وينطيني
فرصة اشوف حياتي وياه ايهم
رديت عليه
_اي صح الله يساعدك جانت فترة
صعبه واني وكفت وياك لان انت وياي
بكل ضرف وساندني واعتبرك اخ لي تمنيته
يصير لي
حسن : ان شاء الله عد حسن ضنج
وماخبية ولا ندمج ع رجعت علاقتج
بيه
_ان شاءالله جنت حاسه راح ترجع
حسن لي اعرفه صديقي وبير اسراري
حسن: والله مشتاق سوالفنه جنت
غبي وخسرتج من وراه سوالفي
_لا ماكو خسرة مهم حسيت ع
غلطك وهاي هيه
حسن : اعتذر اني ع كلش اتمنى تسامحيني
ع سويته وياح
_كافي شهل رسميات سامحتك
حسن : تعاي خطبي لي
_ياهيه تريد ولك
حسن : بت عمي نجمة
_وهاي شوكت عرفتها
حسن : من اجوها خطابة حسيت
ع نفسي اريدها
شمس : حمدلله من اجو بوقتهم
حسن : ليش علمود تخلصين
_لا شخلص بس صحيت ع نفسك
واني فرحنا برجعتك
حسن : عندي طلب
_تفضل
حسن : نرجع مثلا قبل سوالفنا
وضخكنا وكلشي سوة هاي فترة من
اشوفج من تشوفيني تشردين اموت
نقهر لان وصلت لهاي مرحلة
_لا بعد ماشرد
حسن : ماخيب ضنج بعد
_لا ماتخيب ضني انت بيت
اسراري وسندي
وراه هذا يوم رجعت علاقتي باحسن طبيعيه
سلام وبينه ويحجيلي ع علاقة انو راح تتوصل
وياي ويعلمني اعلمها ع اطباعه واني جنت
استمع له بتركيز واريد اساعدة يوصل لحبة وماصدكت نسه سالفتي وخلصني
بدون جهد
ايهم مكدرت احجي وياه اغلب وقت اخواتي
يمي و هو هم مايحجيني محبيت الح عليه
عفته بس كلبي نار مشتاقتله
بنسبه لحسن عادي يتصل لان يعرفون طبيعة
علاقتي بي بس ايهم جان ميحب انو احد يدري نتوصل ابدا
مرر يومين طبيعي مثلا كل ايام
لباقيه تقريبا ساعه 11
سمعت نور تحجي وتضحك بجهازها اخذني
فضول للصوت اتقرب اكثرصوت مو غريب
ركزت اكثر صوت ايهم يحجي وياها
ويكول لها
ايهم : لا بوية حشاه تخبلين انتي
سمعته يحجي وياها واحس معدتي كلبت
بطتني لوتني مشاعري بطني
بس اضوج لو اخاف توجعني
اسمعه شلون يضحك ويشاقه وياها واني
مكلف نفسه بتصل او يدز مسج حيل ضجت
دخلت للغرفة سويت روحي اريد اخذ شي منها
هيه كاعد وكنتور يصير وررها طلعت بالكامرة
شافني جان يكول
ايهم :هاي منو حلوة لي عدكم اليوم
نور : ياحلوة هاي شمس معرفتها
ايهم :شلون اعرف بس ضهرها طلع
اني كبل رديت
_صح شلون تعرفني قابل اني نور ونعرف
بسرعه
هو كبل طكها بضحكه
ايهم : اي يابه غير نورجنها اني بس اني
طول شويه منها نفس شي
نور : عزه هاي اني هيج ترة اوصل جتفك
ايهم : اي بوية طول ضخامة مبينه من بعيدا
اما شمس ناعمه يمي ضيع وضعيفه موضخمه ماتبين من بعيد مثلج ويضحك
_حسيتها ضاجت متحب احد يحجي
ع شكلها وحقها طبعا محبيت ردة
ولي عجبني ضلت تحجي وياه طبيعي
ماضجت منه قبل بس يحجي شي وياها
تكلب دنيا بعركها شكبرها حسيتها تريد
تكسبه لها
رجعوا ندمجوا اني كلبي اشتعل نار اسبيته
اشكال سب من حركت كلبي روحي محتركه
هو يتمضحك نص ساعه يلا سدته
جاني اشعار ع فايبر سمايل غاضب
كلمة سر لي بينه عود دزيتله قلب
وكتبت له همزين شفتني وذكرت
اعدك احد تسئل عليه
ايهم : بوية خل افهمج اني اتصلت
ع امج هيه شكو جلبت ترة كام متصلين
مو صوت
ايهم : غير هي كبل فتحت
_ما كدرت ترفض تحجج لها
ايهم : مو بالي بس ردت خالتي
- مو هنا شويه تجي
ايهم : لا تزعلين
_خوش
ايهم : عفيه
مسحت محادثه وبالي يم سوالفه وتصرفاته
صايرة تضوجني صار ايام مسائل عني قطعت
تفكيري وياه نفسي من سمعت صوت امي
الام : سوي غدة يمة
_اي صار
نور : يمة ايهم اتصل يريدج كال من تجي
اتصالي يمج هو اتصلي عليه عيب منه تصلي
عليه
الام : تعاي اتصلي وين اعرف اشوفها اجتي
تركض اخذت جهاز واتصلت اول ماكال الو
نطته لامي اسمع امي تحجي وياه
الام ; وعليكم السلام هلا
يمه حمدلله وانت شلونك
اي كالت نور
_ها خير ان شاء الله
_انت ماكو شو مختفي
_ها صدك
_ماكلت فاطمه شوكت لتحقت
_هاهيه صار يمه
سدة وباوعت ع نور
وكالت
الام. : ايهم يكول معزومنين يمنه
سبوع جاي .من ينزل من دوامه
نور. : يادوام هذا ع شنو عزمنه
الام : غير صار بمكان ابو
نور : يعني صار عكسري
الام: اي
نور : يمه ذوقي العسكري شكد تمنيت اخذ
عسكري ولبس له جلد نمر
شمس : حت تصيرين حية حقيقه
نور : ترة والله اجيجج اكسر راسج
شمس :بيج حض انتي وتجيني كل
همج تذبين سمج
امي صاحت بينا
الام : شمس روحي كملي غده
ورجعت تحجي وياه نور
خزرتني واني اشر بيدي لها
شمس : يمه يمه رجفتتت منج عفتهن
ودخلت للمطبخ و اسمع حجيهن
الام : على غدة يكول مشتاقلكم
اريد اشوفكم
نور : ها هو هيج كال
الام :ضاهر جاب نتيجه
نور : يمة طيح حضي يلا جاب نتيجه
الام : متفائله خير احسه راح يطلبج
مني
نور :ان شاء الله يمه دعيلي موتني
جامد
الام : احسن ثكيل يستحي مني لان
اثق بي
نور : يلا ابلش احضر نفسي من هسه مساكات ترتيبات اريد اطلع حلو كدامه نروح لسوك
نشتري كم دشداشه ذنيج شايفني بهين
الام : اي عفيه خوش فكرة
اني صافنه عليهن ذني صدك يحجن
هل درجه وصلت هنا يحجن هيج واني
احسهن يدوسن بكلبي دوس دموعي وقهرتي
منه مادري من لي داسمعه هواي ع كلبي
رحت اسوي غدة بالمطبخ طلعت بانيه داحضر
بيها سمعت جهازي يتصل جابته لي نور وبتسامه شعرضها بوجها
نور : هذا جهازج يتصل حسن
_اي وشبيج انتي
نور : شبيه لججج شو تنترين عليه ماتحترمين
_اهووو انتي منو يمج
نور: ردي هسه وبعدين يصير خير
_عافت واخذت جهاز نطيته رفض
كتبلي هاي ليش هيج
_كتله داسوي غده مكدر كتب
حسن : تمام كملي وتعاي عندي
خبار تفرحج
ذبيت جهاز ع كونترا واحس اجتي
نور وكفت يمي وتحجي بحركه ماحسيت
غير رجدي منها اشتعل خدي نار وتحجي
بحقارة وحقد
نور : هاي علمود بعد ماتعلين صوتج عليه
بعد وتحرمين وماتردين بوجهي
اني مادري شبيه خنست ومو طبعي
اضرب احد ومد يدي ع احد طلعت
واني دموعي تنزل عشره عشره
ماحسيت ع نفسي غير ماجذه جهازي
واتصلت ع ايهم اشكيله شلون ضربتني
وحجي بحركة
هو رد عليه برود
أيهم : شنو سوت لجج
_ضربتني راجدي وتعيط عليه ماسويت
شي لها
عاط بيه بعصبيهه
أيهم : اي ضلي ماسويت شي
وماسويت شي شوفي تروحين له
هسه وترجعين راجدي لها واذا
تزيدين منج مقبلات بعد حسن
_يا اني اضربها يمه والله امي تموتني
أيهم : هيه اذا ماضربتج امج اجي
اني اكسرج واريحح كلبي ع هاي
فهاوة ومخلصتها عليه مامسويه شي
شمس : ايهم مكدر اضربها والله
أيهم : نتضرني انزل من دوام
وقسم بالله اكسرج تكسير وارجع
راجدي نور لج بعشره اصبري لي
_يحجي بحركه نوب حلف لا محال
من يجي يموتني كبل كتله لا راح
روح
أيهم : يلا بويه اني هنا مخلي رجل ع رجل
اريد اسمع صوت راجدي مالتج
_ياا عوف خط مفتوح
أيهم : اي يلا بويه توكلي
_أيهم حباب
أيهم : شمممممسسس
_هاهيه رايحه
خليت جهاز بصدري سحبت نفس
قوي دخلت بغرفتها لكيتها مندمجه
بتفلون شافتني رفعت راسها وحجت
نور : ها جايه تتمسكنين وتعتذرين
باوعت عليها استحقرت نفسي صدك
اني هيج تضربني واجي اعتذر دائما حنت
اسويها كلت لها
_لا عيني اجيت اردهن لج حتى تحسبين الف
حساب قبل ماتفكرين تمدين ايدج عليه
شفتها خزرتني وكامت اجتي لي
اني كبل لزمتها من شعرها هيه نشلت
حركتها متكدر تضربني شو اني ماصدكت
نجلبت حرت شلون اضربها وهيه لمت دنيا
عليه بصياحه يبو مايبووو
اجتي سارة توخرني عنهااا
سارة : ولج شمسس تخبلتي عوفيهاا
تقربت عليه توخرني من فوكها اني من
عصبيتي وحركت كلبي نومتها فوكها وضرب
بيهن وسارة من خوف
سارة: ولج شمس اني شعليههه والله داضرب
بيها وياج شوفي
هيه من خوف لزمت نور مخلتها ونور تحير
تضرب منو ودخلت امي علينه واحنه ملخين
نور تمليخ نوب امي جابت صوندة لنه كتلتنه
بيها امي من تعصب هم تنسى روحها نور
تريد تجي تضربني وياه امي وتصير كدامي
وتحصل صوند وتكوم تكمز وسارة تلطم اني شعليههه
صح نكتلت بس احس براحه نسيت تلفون
وايهم دخلت اسبح ذكرت جهازي
ولطمت ع حلكي عزههه
طلعت ركض ادور ع تلفون ماكو
رحت سئلت سارة كالت
سارة : من جنتي جنجج ثور شفته بالكاع
وخليته فوك ثلاجه
رحت اخذته من فوك ثلاجه دخلت
ع محادثه شفته كاتب لي
أيهم : ذباحة اول مرة تعجبيني
بعرامتج طلع عندج خيط مني
ضحكت ومسحت محادثة ورحت سبحت
وبدلت وصينه غدة نور وجهه مورم وامي
تخزر بينه واني سارة كوه لازمين ضحكتنه
رحت اغسل ماعين وشفت مسج
من حسن كاتب
حسن : ماخلصتي
شمس : لا ماعين
حسن : تعاي اتصال وشتغلي
شمس : شلون لازمه د اشتغل
حسن : مو وياه هتفون خلي بي
وخلي بااحم... ونحجي ولهتفون باذنج
_ياا ادبسزز يا متستحي
حسن : يلا عندي اخبار تفرحج
_سويت كالي بي وجبت هتفون
وضل يحجي ع نجمة انو هو رايح طالبها
من اوبوها رافض بس بعدمعاناة موافق
وكايله لا تحجي بموضوع لحد مايخلص
عرس اخوهم
-اي وشوكت هذا يعرس
حسن : ماضل شي ويعرس تقريب اسبوعين
هيج
_ها صدك هنا يمكم بعد سبوعين او اسبوع
حسن : كولي والله
_والله
حسن : يلا لعد اجتي عدله وفستانج عليه
مال عرس اعتبريها هدية صلح
بينه
_لا عيني ماخذ شي امي متقبل واني ماريد
شي قبلت اعتذراك ليش تلزك
حسن : اني لزك واذا ع امج
اني احجيها معليج
ماناقشت غيرت موضوع بغير شي حجيت
وجابها حجي ع اخوانه شدايسون ويحشش
بس لي انتبهتله مايذكر اسم ايهم ولا يحجي
بي كتله سوال بله
حسن : اي عيني جواب
_شو تحجي بخوانك كلهم الا ايهم
حسن : ها ضجتي ع حبيب لكلب
_ياا ادبسز لا تحجي هيج من
ناحية فضول بس
حسن : والله زعللان منه اني
_ياا ليش
حسن : ضربني وكسر فجي
موراجدي ضيم
_ليش ضربك هههههه
حسن : اي ضحكي بلكت تضوكين
منه
_غير يحجي شكو
حسن : لان سمع متعارك علمود نجمه
كفخني راجديات بويه مو ايد حديد
_ضحكت من نص كلبي
حسن : فدوة لهل ضحكه عود هاي عالم
هم تضحك
_سكتت كتله ها خيررر
حسن : لا كلت اجرب مشاعرج
يشتغلن خربان
_لا جرب شي خربانه مشاعري
سمعت صوت كامل يمه يسئله ويامن
تحجي صار ساعتين سطرت راسي
كاله هاي شمس
كامل : ها ولججج شمس شلونج
_حمدللله وانت
كامل : رحت بعد مسئلتي كطيعيه
هههههه لاوالله غير انت تسئل انت
جبير
كامل :بهاي حككج
_ان شاء الله يمكم اسبوع جاي
كامل : اي هلا بيكم
حسن : كافي وخر خل احجي
اشتاقيت له
كامل : ثكل ولك شهل خفه
شمس : تحجي كدامه والله عيب منه
شيفكر هسه بينه
حسن : نجبي لا تلحين يدري انتي
مثلا اختي واحب نجمه وخاطبها
هو يدري
_ها حمدلله يلا اروح اني تعبت وساعه
واحدة ونص خل اروح نام شويه
حسن : يلا عيني الله وياج
مررت ايام وأيهم يسئل ويرجع يقفل جهاز
مايقبلون يضل مفتوح لي فهمته يضل عشره
وينزل سابعة ايام حسن توصله وياي مستمر يحجيلي ع حبيته وشلون راح يخطبها وشلون
يريد يسوي بيته واني كلش فرحانه له لان صحى
ذاك اليوم سويت عشاء للامي وبنات رايحات
يم مرت اخوية وضلن هناك وكلبي كله يمه
مشتاقه كول لنفسي ايهم ما أفكر بيه
رحت لازمت تلفوني وراسلت إيهم
كل كلمة أحجيها، كلبي يدك من التوتر
كال
أيهم : تعاي اسمع صوتج مادام ماكو أحد يمج
كبل اتصلت
أيهم : الو...
شمس : هلا شلونك
حسيت الدنيا صارت صغيرة
بس كبر كلشي جوه كلبي
من سمعت صوته
إيهم : بوية شكد مشتاق صوتج
خرب بااهلج ليش هيج حرامتني
منه
كلبي صار يرفرف أكثرجانت كل كلمة تعبر
عن إحساسه عن حنيته بس
- كل كلمة منه تخلي كلبي يريد يطير من
الصدري
شمس : مشتاقتلك هوايي
أيهم : لا تحركين كلبي لان مكدر اجي
شمس : يلا سكتت
إيهم. : ماضل شي ع اجازة وتجين اشوفج
ضلينا نحجي ما حسيت بنفسي عيوني تقفل
شوي شوي وانغمست بالراحة وبالحنية نمت
وأني ع اتصال حاسة أنو حتى بالنوم حضوره يمّي وهمسه بعده يمي كلشي حواليه صارت الدنيا
ناعمة وهادية
- حسيت بالليل ع صوت خطوات
تمشي يم راسي كلبي ع لحظة راح يوكف
فتحت عيوني شويه شويه واني
أشوف الظل يلعب بالحايط وكل نفس
أخذة. أحس كأن كلبي رح يوكف رجعت
غمضت عيوني بقوة من الخوف
حاسّة أنو صار قريب يعرف أني
كاعده أسمع كل تحركاته كل صدى
وكل لحظة تمر كلبي يريد يوكف من خوف
ضلّيت أسمع الخطوات قريبة يمّي
كلبي يدق بكل قوة وأنا متمددة وما
جرؤ أحرك راسي اسمع الباب نسد حسّيت
فتحت عيوني شويه شويه وبسطال شخص
واكف مقابيلي.....