رواية شمس الايهم الفصل السادس عشر 16 بقلم شهد الدليمي
أنا العايش على عيونك
انا المايدرِي وين يروح من
دونك بعيونك شفت العُمر
وبعيونك حبيت الحياة
غزل
بعدني داحاول افهم لي داتحجي
عقلي ضايع من كلمة يعقد عليج
بعدني دا أستوعب هي شتريد ما
حسيت غير بإيدها تدفعني
وطيحتني
صوتها چان مثل الصاعقة يفجر
كل شي
ام غيث :: بني ما تصيرين مرته
انتي الله أعلم شنو لعبوا بيج
وذبوج براس غيث ابوج واخوج
جبروا ابني يتزوجج يستر عليج
كلنه ناخذج بعقد شيخ حالج حال فصليه وخلص عقد لمحكمه لمن شتريدين من ابني مو زين ستر
ع خيستج
كل كلمة طلعت من حلكها چانت
مثل سجن انغلق عليّ سجّجتني
حچيها صار مثل سلاسل يربط
روحي ويگطع نفسي. دموعي نزلن لساني نضب اريد انطق ماكدر
ما سمعت غير صوت يدگ مثل
الطبل شفته حيدر وكف متقدّم
عروگه نافرة وجهه نار ويحجي
بصوت
حيدر :: لحَچچجج وحچيي
عدل تاج راسج راس وراس
غيث هاي أختي اخت حيدر
كل كلمة چان يرميها بوجهها مثل
حجر يگطع الصمت ويهز الجدران
حيدر :: لا تعيدين هالحچي لا
تحجين بسم أختي و أنتي
تدرين شنو أني إذا واحد نزل
كلمة ع غزل
طلعت امي ع صوت حيدر
شافت ام غيث راحت لها
وصاحت بحيدر
الام: : ولك حيدر تصيح ع مرت
عمك تخبل يمه
ام غيث: : كل تربيه ولدج ماعدج
بس من صارت مصيبه عدك يتوسل بولدي يسترون ع اخته
امي كبل شهكت وخلت ايدها ع
حلكها وصاحت
الام :: استغفري ربج يسترون
ع اختهم شنو انتي ابنج قبل هذا موضوع نايم بيتنه ويحجي بيها
واحنه نرفض لان صغيرة.
ام غيث :: ومن سوت سويتها
شمروتها ع ابني مووو وماكتفت
أني شتريدون بنتج تلعب بعقل اوتريده يستر عليها
الام :: ماجبرين ابنج ولا جبرنكم
انتم طلبتوا وانتم ردتوا وع هذا
كلامج ماعدكم بعد مراه يمنه
حيدر :: واذا اسمع حرف ينحجي
ع غزل منج وحق سبع كنطرة ادفنج وادفن شكوا واحد يمسها بالهوا
بعد ما خلص حيدر كلامه الجو
صار أثگل من الرصاص. الدموع
بعيني وإيد حيدر ممدودة إلي
يكومني وأم غيث بعدهه تحجي
باعلى صوتها
فجأةالباب انفتح بقوة وصوت
دفعة ودخل غيث يلهث ولازم
صدرة كوة يتنفس وجهه محمّر
غيث :: يممممه شجابججج هناااا
أم غيث ::سويت صح و أني أمك
أني أعرف شسوي هاي البنية مو إلك
چنت واكفة مرعوبة كل كلمة تصير
نار وشرر بيناتهم خايفه من اخواتي ياذون غيث او تصير مشكله
غيث خطه خطوة لكدام ويحجي
بحركة
غيث :: كتلج اني ماااخذ غير غزل
ليش مصرة ع شلعان كلبي
وحق الامير علي و بكل الأئمة
والأولياء ما آخذ غير غزل وإذا
الدنيا كلها ضدي هيه تبقه مرتي
وتبقه غزل حلالي
ام غيث :: غيث شبيك أني أگلك
ما آخذها وأنت تحلف تاخذهاااا
حيدر صاح
حيدر :: مالك مرة يمنه بعد اخذ
امك وروح يلا
ام غيث :: كون صدك تسوها وعدكم
كرامه مو تلطشون
غيث :: يمممهههههه
التفتت على غيث شفت إيده
ترتجف وهو يباوع عينه بوجه أمه ويحجي
غيث :: يمه ما أريد عيش أني ميت بلاها يمه لا تجبريني أطلع من بيتك مكسور لا تحطيني بموقف لخسران
أم غيث :: أني خايفة عليك خايفة تعيش وياها وتنكسر
حيدر :: لا خسران ولا ينكسر ولا تعيشون لحضه يمي ابنج يطلكها
و لا انتي ولا ألف مثلا غيث يغير
كلمتي مايمكم مراة يمنه يلا توكلوا بدون مطرد ولا تحلم بيهه ما طول اني عايش
ام غيث طلعت بس سمعت كلام
حيدر بعدني مصدومة من حچي
أم غيث كلشي ما دا أستوعب
ودموعي تنزل بلا وعي فجأة غيث صرخ بأعلى صوته
غيث :: حيدرررر! لتفرض كلمتك
عليه غزل إلـــــي واني أحلف بالعباس ما أگدر أعيش بلاها وطلاك ماطلك
حيدر :: غيث ما عندكم
مرة يمنه اني انطيتك ياها خوف
من حجي عليه طلع اساس نفاق
وحجي يمكك
غيث اندفع عليه و يحجي
غيث :: إنت تريد تگص جناحي
إنت جاي تاخذ حياتي من إيدي
معليك باامي منطيها لي
حسين :: شبيكم!! شبيكم انتو تره فضحتونا بصياحكم. شكووو
وأني ما تحملت أشوفهم يتعاركون بسببي جسمي ركضت بنصهم صوتي
غزل ::كافــــــي! كافي تره تموتوني
ليش أني السبب بكل هذا
حيدر بلمح البصر مد إيده سحبني
إلــه بكل قوةولزمني من ذراعي
خاني التوازن بس حسيت بروحي انسترّت خلى نفسه حاجز بيني وبين غيث صوته مثل النار
غزل ورايي ما أريد أسمع اسمها
ع لسانك بعد.ولا لسان اهلك
غيث :: غزلللل لا تخليني أني أحبج لتخلين حيدر يحكم يخلي جهنم
حياتنه
واني جسمي كله رجف أباوع
بيناتهم صوتي محبوس گلبـي
يتفتت خطوة ويا غيث تعني
أبيع حيدر وخطوة ورا حيدر
تعني أنحر غيث
كلشي صار دخان بعيني غيث
يريد يندفع بعدوحيدر ماسكني
وراه مثل حايط يلزم إيدي بكل قوته
حسين ::حيـدر شبيـــــــك تخبلت
ضربه حسين بيده على صدره
هزّه ليورَه ويحجي بحركة
حسين :: عيب عليك مرته
غزل مرته هيه وانت شتسوي هااا
غيث :: اي حسين هي مرتي وما
أرضى غير بيها عوفه هذا يحجي
بكيفه
حيدر يكز أسنانه رافع صوته بحدة:
حيدر ::لااا حسين غزل ما تصير
مرته ما دام أني عايش ولا يخليها
بصفه لحظه
حسين انفجر بوجهه يصفگ بيده
على كتفه
حسين :: تريد تفرض روحك غصب
إنت منو إذا غزل تريـــد تنفصل هيه تختار مو إنت ولا غيرك يجبرها بعد
لا أسمعك تحلف ولا تهددهيه تفهم وتختار تنفصل لو لا
فصلت عن صواتهم وحسين يصيح
غيث يصرخ حيدر يزم إيدي وورا
ضهري صرت ما أسمع غير دگات
صدري
غيث موجه صوته لحيدر
غيث :: ولك تحلف وتصيح شتريد
هاي مرتي امام الله والناس
ما أخليها!"
حيدريدفع غيث
حيدر :: لا مولك و غزل ما تصير إلَك واذا أسمع اسمها ينداس بلسان واحد اهلك وغيره أدفنه تحت التراب
حسين ::ولــــــــك حيدـــــــر صِاحي
انت عقلك بي شي تضرب وتصيح
هاي مو لعب هيه مرته واذا تريـــد تنفصل هيه تختار مو إنت تفرض
داتفهم لا تلحححح حيدررر
احس جسمي خدر حسيت
روحي تنسحب نفسي ثگل
حنجرتي تنشف صدري ينهار
مديت إيدي على صدري أتنفس
بصعوبة بس الهوى ما يدخل.
غزل :: مـ... ما أگدراني أختنك
حاولت أتنفس، كل نفسي يطلع
صفر من صدري إيدي ترجف
عيوني كلها دموع
غيث::ينفلت من حسين ويركض لي
"غــــــــزل!!!"
يمسكني من وجهي ينحني
بوجهه كله خوف
غيث ::حبيبتي تنفسي يمي
أني يمج هااا تنفسي سحبي نفسي
حيدر يريد يسحبني بس
حسين دفعه دفعة قوية
حسين :: ولك أترگها ما تشوف
البنية تختنك بسرعه جيب بخاخها
صوت غيث ملهوف
غيث :: وينه وينه بخاخها حسين
وين صار حيدرر
حيدر ركض جابه وغيث بلحظة
فتحه وطلع البخاخ إيده ترجف
وهو يحاول ينطني علاج
غيث: : وعلي وحق دموعج
هاللحظة ما أذيج وما أتركج ما
أريد غيرج غزل
تنفست بأول بخّه حسيت الهوى
رجع شويه لصدري دموعي تسيل جسمي يهتز بس عيوني ما فارگت وجه غيث
گلت بنفسي بس ليش بالوقت لي يفكرت ابني بي حياتي رجعت للصفررر... ..
⸻❁⸻❁✿❁⸻
شمس **
حسن يباوع عليّ ويباوع ع
إيهم بعصبية
حسن : شنو مرتك؟
إيهم ضل ساكت عيونه مثبتة
على حسن وما واني كلت بسرعة
حتى أخلص من الموقف
شمس: أمي كالت أشوفله مره واني
كتله مرتك ضل يمنه تصير جنه لنه
وهو يخاف ع مرتة كال مرتي
ما تضل
إيهم رد بنبرة واثقة وهو بعده
يباوع ع حسن
إيهم: :: جا غير مرتي شعدها
ضالة يم أمج
حسن هز راسه وكال
حسن :: غير هيه زوجتك لي أفهمه
من حچيجكم انو وافقت ع نور
إيهم: يـا نـعـال
أنا عيوني تروح بيناتهم كلبـي
يركض مثل الطبل من توتر وخوف
انو سمع شي اباوع ع ايهم ع نفس وكفته بكل برود ولا كانوا راح تصير مصبيه
حسن تقدم وكعد يمّي ع الجرباية
عيونه بعيوني وصوته حاد
حسن : يلا قنعي حتى نزوج سوه
بيوم واحد
الجو ثگيل وإيهم نبرته صارت
نار وهو يباوعنا حسيت راح
تصير مصيبه
أيهم : كافي لا تاكل خ**رة
اني كبل حجيت لازم اروح متقبل
اضل سهران يلا تصبحون ع خير
عفتهم واحد يخزر بالثاني ما گدرّت
أبقى أكثر دخلت لجوه رحت غرفه
كلشي هادي بنات فرشت فراشي
مددت جسمي تعبانة شويه مادري
شلون غفييت
فزّيت حسيت بحرارة راس ثكيل
نازل ع صدري كمزت بقوة وصرخت بخوف عطّيت! بس هو بسرعة
لازمني سحبني من رجلي
ورجعني ليمه غصب يلمّني لحضنه.
خله إيده ع حلگي صوته ناصي
وخشن بأذني
أيهم :: خرب بروححح أبوج شبيج
شمس :: شسوووي هنا شجابك.
ايهم :: سگتي لا تحچين
قرب اكثر حسيت نفاس تحرك
أذني حچى بخفوت
أيهم :: الباب قفلته وإذا أحد يجي
أطلع من الشبابك لا تخافين
هزيت راسي بـ إي .
گالي بنبرة مبحوحة
أيهم :: لا تخافين مسوي لج شي
بس احسابج ع سويتي مانسى
إثاري
قربت ببطئ على أذنه همستله
شمس :: مو حجينه شكو بعد
إبتسم بخبث رد:
أيهم :: لا بويه
وبهدوء نزل راسه على صدري
حسيت بثكله يغمرني لازم إيدي
رفعها وحطها على شعره خلى
أصابعي تمشي بيه وگلبه يدكك
مثل طبول بصدري هو يحچي
ايهم :: لچ گلبي روحي انتي چم
مره أكلتج لاتحركين كلبي
إيدي بعدها غارگانه بشعره
وگلبه يدك ع گلبي مثل طبل
وهو يحچي بنبرة هادية
أيهم :: راح أروح باجر شمس لا
تخليني بالي يمچ سوي كَتلك بي حسن إبتعدي عنه لَف متر
شمس :: اممم شسوي رايح ظل
أيهم :: لا بويه زحمة من أمچ
ومعاملتي باجر بلكت تمشي
وتخلص بيوم
قرب أكثرلزم وجهي بإيده عين
بعين وصوته بيه شي يهديني
أيهم :: لا تعاندين كَتلج بي سوي
هزيت راسي بـ إي
حسيت ارتخى بس بنفس الوقت
گلبه يركض قرب اكثر صوته بأذني
أيهم :: أريد أخذ وياي جرعة من
ريحتچ هناك أظل لوّب عليچ
ضليت متيبسة كل جسمي يرجف حسيت بيه يدفن وجهه بشعري
أيهم :: رفعي ركبتچ شويه بيتي هذا
شمس :: لا يقشعر جسمي
مد إيده لشعري لفه ع إيده بقوة
سحبه راسي ارتفع غصبن عليه
وكل نفس ياخذه من ركبتي
گأنه يسحب وياها روحي
أيهم :: بويه يا ريحتچ خبلتيني
حسيت حرارة نَفَسه تنزل بخدي
دموعي تنزل من توتر وخوف
بس ما گدرت أحرك إيدي كأنه
ربطني بسحبة شعره
أغمضت عيوني حسيت إيده تنزل
شويه تمرر أصابعه ع وجهي وهو يضحك ضحكة بيها وجع
أيهم ::خبلتيني والله خبلتيني
كلشي بيچ يدوخني.
شمس :: أيهم لا تسوي هيچ
داتخوفني
بس هو ما ابتعد بالعكس سحبني
إله حضني راسي على صدره
گال بحدة وهو يدفن وجهه بشعري
أيهم :: لا تخافين بويه أني لو تنكطع أنفاسي ما أأذيچ بس ردت اترس
ريتي من ريحتچ لو لحظة قبل
لا أروح
حضنني بقوة صوته يهمس بأذني
أيهم :: مأذيچ أني عايش عليج
ع نفاسج إنتي وحجاياتج
ماتهزني غير ريحتچ
دموعي نزلت و اني امسح دموعي
كطع عقلي شي ذكرت نغزتني مثل سچينه خطوبة نور سوالف أمّي
كلام البيت.
سحبت إيده من شعري بعصبية
عضيتها بكل قوتي وهو نزل راسه
يتلوه من الوجع.
أيهم ::خرب بااهلجججح ليش
ولج صوته تعبان موجوع بس
عيونه عليه
شمس :: شنو تخطب نور
أيهم ::ليش تخليني ناكل نعل
يانور واني حالي حالج كلشي
مادري
شمس :: كول والله والله ما أدري
هو ظل خازرني عيونه تحركني
قرب وجهي عيونه تثبت بعيوني
أيهم :: تغارين
شمس :: لا
رفع حواجبه وضحك ضحكة
مستفزه ويده بعدها بشعري
يلعب بي
أيهم :: إي لعد خلي خالتي تخطب
لي مراه
چنت أحس كلبي انخنگي غصّة
شمس :: إيهمممم
انهارت دموعي نزلن عشرة عشرة،
كأنه يطعن بيهن وگلبي يصرخ عكس
ضل يباوعلي حاير شلون يسكّتني... شلون يرد دموعي
سحبني لحضنه بكل قوته خليت
راسي يندفن بصدره وصوته ينزل
بحنية غريبة
أيهم :: ولج بويه ليش تبجين
لا تبچين ما أتحمل دموعچ
قسم بالله غيرج متدخل لحضني
مدإيده يلعب شعري كل شويه
يطبع بوسة على خدي بوسة تخلي جسمي يرجف وبين كل بوسة
يغمض عيونه ويشمني يشمني
بحسرة كأنه يخزن ريحتي بروحه
صوت أنفاسه تحيط بيه حرارته
تسري بجلدي واني انطيت
ما قاومت ما ظل عندي طاقة
أبتعد.
أقنعت روحي خلي أظل بحضنه
حضن أيهم الأمان الوحيد.
وما حسّيت غير جفوني ثگلن وبس سمعته يحجي وياي يوصي بيه
أيهم :: لا تطلعين لا تخليني أغيب
عن بالج وأنا خايف عليچ بويه
ديري بالج ع روحج
صَبحت فتحت عيوني ما لكيت
أيهم يمّي بس مخَلي فلوس كلت
يجوز نساهن مكانه جرّيت نفسي
نزلت أريد أسوي لريوك چنت
أقطع جبن وأسوي چاي.
إجت أمي بصوتها:
الأم :: روحي كعدي أيهم عنده
شغل وشوفي حسن هم
هزّيت راسي طلعت أشوف حسن
لكيتَه كاعد بالصالة وطلع يغسل
وجهه وصوت مي الحنفية يشتغل
گلت خلي أگاعد أيهم أشوفه
بعده موجودفتحت الباب بهدوء
لكيتَه نايم.ندسته اكعده
فجأة مد إيده سحب إيدي بسرعة
وباسها حسّيت نار صارت بيدي
فتح عيونه الثكيلة من النوم
ابتسم صوته مبحوح من النوم
أيهم ::كون كل أيامي صبح بوجهجج
ابتسمت و سحبت ايدي وكتله
شمس : يلا يكوم سويت ريوك
طلعت من يمه رحت للمطبخ اكمل
جهزت الريوك كعدت أمي ويا حسن ياكلون واني أرتب السفره
سمعت خطوات أيهم وهو يجي
لابس قميص أسود ساعته بإيده
يضبطها بهدوء بس يا ربي شكد
طالع يشع بهاللون چنه ضاوي
البيت كله
أيهم :: بوية شمس جاي
قبل لا أرد أمي حجته
الأم ::تعال يمة أكل لك لكمة
هو هز راسه وهو يلبس حذاءه
أيهم :: لا يمة مستعجل
الأم :: إن شاء الله تخلص
اليوم وترجع بالسلامة
أيهم ::ما أعرف إن شاء الله
خير
اني چنت د أصب چاي مدّيت
له الاستكانه هو أخذها بس ضل
يباوعلي نظرات طويلة كأنه يريد
يحچي شي وما يگدر كدامهم.
شرب رشفة بسيطة وبعدها طلع بره
ما گدرت شويه طلعت وراه أشوفه
واكف يم الباب الخارجي يباوع
لبعيد.من شافني ابتسم بخفة قرب
مني وكال:
أيهم :: شمسي خليت لج مصرف
خاف تحتاجين شي وديربالج
ع نفسج
شمس :: شسوي بيهن وين طالعة
اني
أيهم :: ميخالف خليهّن يمج مثل
ما وصيتج
هزّيت راسي أي
قرب خطوة صوته صار أثكل
أيهم :: أريد حضنج قبل ما أروح
انصدمت عيني عالباب وحجي
شمس :: يا عزه تريدهم يشوفونه
رفع حاجبه بحركة تحدي
أيهم :: تعاي وراي
راح للباب بره عندنا بردة جبيرة
مخلينها على الباب من داخل
حتى إذا ينفتح ما يبين أحد منا
مشت خطاي وياه ما حسيت
إلا وهو يسحبني يلمّني لحضنه
راسي ثبت على صدره وهو نزل
شوي دفن راسه بركبتي إيده
ماسكة خصري بكل قوة
صوته وهو يهمس
أيهم :: بوية شمس لو يعرفون
شكد تعنيلي لو يدرون شمس
شنو لايهم چان خلوني أتنفسج
بدال الهوى
اني خايفه ومتوترة ما گدرت
أحچي بس حطيت إيدي عكتفه
ما أريد يروح وما أريد يعوفني
حضني بكل قوّته چنت أسمع
دگات كلبه أسرع من نفسي من عيني نزلت دمعة حس بيه رفع راسه و مد إيده بلطف مسح دموعي بأصبعه
أيهم :: بوية لا تبچين كل فترة
أجي يمج بس لحد ما أرتب أموري وخليج يمي
چنت أباوعله عيوني كلها رجفه
وخوف ما عرفت شلون أرد
إيده لزمت وجهي وكفوفه دافية
كل شويه يمسح دموعي ويگلي
أيهم :: لا تنزل دمعة منج ما
أتحمل شمسي ديربالج ع نفسك
ولا تنسين إنتي إليّ
شمس :: إيهم لا تطول ما أتحمل
غيبتك
هو ابتسم ابتسامة حزينة
حضني أكثر گالي بصوت خافت
أيهم :: وعد ما أطوّل بس صبري
عليّ كلشي راح يتغيّر وذچ الساعة
ما أخليج تبچين بعد
لم يدي رفعها لشفايفه وباسها
ببطئ هسه حسّيت كلبي چنه
يطلع من صدري.
هو تركني غصب يباوع للباب
وگلبه يريده يرجع بس رجع خطوة لمحني بعدني أدمع أشرلي بأيده
أيهم :: بوية ابتسمي خلي آخر
شي أشوفه منج ابتسامة مو دمعة
انقهرت بس ابتسمت له ابتسامة
نصها وجع ونصها حُب هو تنفس
بعمق، چنه يريد يحفظ صورتي
بعينه وطلع وأنا بعدني واكفة
ودموعي تنزل أحس الدنيا كلها طفت وراه اريده يمي...
سديت الباب ريحته ع ملابسي
رحت عالمطبخ غسلت المواعين
رتبت المطبخ بديت أنضف للبيت كله
بس كل خطوة أسويها عيوني تدمع وأتذكر حضنه وكلامه
من كملت دأسوي غده صوت
الباب اندك.
طلعت أشوف
لكيت نور وساره داخلين
سارة ::هاا شمس ليش عيونج حمر
شمس :: مسحتهن بسرعة لا
البصل عيني حرگتني منه
ساره كعدت ع الكرسي ظلت
تباوع عليّ بتمعّن
سارة :: والله مو بس دخان بصل
شكلج صاير شي امي حجتج
اني غيرت السالفة بسرعة
اني بالمطبخ واكفة أكطع خيار
وأحرك بالمرگ صوتهم واصل ليمي
أخواتي التنضيف مو شغلهم أبد
كلشي علي ولا طبخ أمي شده
حيلها ع نور تريد تعلم بيها
الأم :: يمّه تعلمي والله سودة عليه
أيهم شياكل غير جبن وبيض
يخلصها وياچ
نور :يمّه مشكلته كتله يتزوجني
بعدين. أني ماريده هسّه أريد أخلص دراسةزوج بكلية مو هسه
الأم : آششش سكتي لج لا أم ولا أب
وين تلكين هيج سعيدة وحدچ
بعدين، الزواج ستر يمّه
نور عصبت چانت تحچي بسرعة
گالبة عيونها
نور :يمّه معقد ما تشوفين أخواته
24 ساعة حجاب وصلاة وقال الله
كال الرسول حچيها كله بدين أحس كاعدة بجامع مو بيت
اني كاعده أسمع كلبي ينچوي من كلامهن بعدهاتحجي وياها صوتهه يرن بگل البيت
الأم :: تتعودين يمّه هذا زين أحسن
نور :: لا يطلعني والا يونّسني
ميخلوني أشيل تلفون ولا دراسة
شراح يگعدني مثل خدامة
الأم :: خَل ياخذج بس سمعي
واني أعلمچ وخليچ تخلي يوديج
لقمر وتتعلمين كم طبخة حت يكول عليج مراه
نور :: هو بوجهي ما يباوع شوكت
كَال يريدني
الأم :: بعدين أفهمج يلا كومي
تعلمي كم طبخة لازم تحفظيهن
اني من مكاني بالمطبخ أسمعهن چان كلبي يحترك قهر فوق قهر واني بذاك
وقت اللحظة حسيت نفسي متكسرة
أثق بكلام أيهم يوم كال: ماريدها
ماخذها بس خوفي يظل ينهش بي
شلون إذا تاليها هذي العلاقة تنكسر
إذا نصير طرفين يتأذون لأن كلشي
يگول مستحيلة
من عرفت إنو يحبني وصرت
مرته همومي ضاعفن مو بس حب
لا صرت شايلة هم اهلي وهم أهله
وهم كلام الناس
وحسن مكابل أمي يقره براسها
واني عايشة بالنص تعبت جنت أفكر شلون أگدر أصير مرته وهسه شلت هم اهلي واهله واختي وامي تعبتت
كملت غده وتغدينا كلمن راحله
بزوايه اني رحت بغرفتي تمدد
للعصر
خنكتني الجدران مليت من غرفه
گمت طلعت للحديقة العصر جوه
غير هوا عليل يحچيلك بلسان أمل. سويت جاي وكعدت عالكرسي اني
أدوّر عالهدوء ما أدري شلون بس ابتسمت تذكرت حچي أيهم ضحكت بلا وعي
فجأة هزني صوت:
نور : اسم الله شبيچ تخبلتي
ليش تمضحكين وحدج
گلت بهدوء:
شمس: لا هيج ذكرت شغله
نور :: ها أگولچ شمس أني أختچ
وأعرف مصلحتچ و أريد أحچي
وياچ كم كلمة اسمعي.
شمس : أي حچي
نور :: ليش ما توافقين باحسن
مثل ما اني وافقت بأيهم ونصير
سوى ببيت واحد أحسن ما يجي
غريبه وتخرب حياتي أنتي يمي
ها أحسن مو فَكري بيه أني وياچ
سوى شكلتي
اني بوقتها صفنت بيها حچيها ظل
يدور براسي كلبي كام يوجعني
هنا مربط الفرس نور تردني
خدامة إلها مو أخت.
هيه تفكر بمصلحتها مو بمصلحتي
أمي هم نفس الشي تفكر بس
بسعادات بناتها.
زين أني شنو
مو من ضمنهن
ليش تشمرني بمكان أني ما أريده
ليش لازم أكون الورقة اللي يبيعوها حتى هنا يگعدن مرتاحات
نور : شبيج صفنتي حسن حباب
مو جنتي تحبي تكولين حباب
نيالها تاخذه
شمس: اي بس مو اني حسبته
اخويه ماكدر ماعندي رغبة تقبل
ماشوفه غير اخ اتمنى تفهمين انتي وامي هل شي وتفهمي كافي
تنطوا امل
نور : امي تحلف تكول اذا مقبلت مازوجها نهائي اخليها خدمة اخوج وجهاله ولي
شمس: اي عادي بس ماخذ حسن
نور: هسه من ازوج ايهم تشوفيني مزوجه تغارين وتريدين رجل وراح تكولين خل حسن يخطبني وهو بذاك وقت مايكلبج
شمس : هههههه حبيت خيالج
واسع هسه زوجي والله كريم
شمس :: نور اكلج
نور : ها كولي
شمس :تحبي ايهم
نور : جنت اضوج منه حيل لان
كل مايشوفني يرزلني لان لازمه
موبايلي ولان مالبسه حجاب ويكلي شوفي شمس وتعلمي عود انتي الكبر منها حيل كرهته بس من امي حجتلي عليه وكالت اريدج وتحجيلي عليه وع شخصيته احس حبيته وتقبلته واريده من ازوج اجيبج يمي تسويله برياني يحبه لان اني مابيه حيل اتعلم يتعب
شمس : تحجي واني كلبي وجعني
حيل امي شداسوي داتحرك بروحي ليش تٱملها بي هو مامفكر بيها
وتحرك روحها ورحي قاطعت
تفكيري من تكلي سوي برياني
ضحكت كتلها ان شاء الله
نور: هلا بجيتك ضلع
حسن: هلا بيج ضلعتي منورة
نور: هاي سوالف برنامج كوكو
حسن :: خل يسمع ايهم منزله كوكو
يكسر جهاز ع راسج وراسي
جان يندر ويغمزلي وهيه ضحكت
نور: احلي شي برجال غيرة خل
يغار
لي فهمته وحسيت بي حسن سوة
كل هذا علمود انجبر بي لان اختي
هسه تحبه وامي مستحيل تكسر
بااختي وتنطيني لايهم ردفت بصوت ناصي شكد شفت حقراء بس مثلك
عابر مرحله ماشفت
حسن :: 'ها شمس وياي
شمس ::لا مو وياك بنزعاج
نور :كومنا حسن كروب لي دخلتك
بي بارحه كلها تسئل عليك تعال
اعرف ع نفسك خل نتونس شويه
حسن : اي ضلعه روحي هسه اجي
وراج موبايلي ع شحن
نور : يلا انتضرك تعال خل نضحك عليهم
اني اهزيت ايدي هذوله شدايحجون
زين مايعلمها تبعد دايشجعها عجيب ماكو غيرة ع عرضك
حسن: شموسه
شمس :ها
حسن : كعدي وين كمتي اريد
احجي وياج
شمس :اني ماريد احجي شي وياك
اريد دخل
حسن : شبيج ليش هيج تصرفين
وياي صايرة متحبين تكعدين يمي
خمس دقايق وين قبل كل نهار سوه
شمس : اي هاي من جنت حاسبتك سندي واخويه وابن خالتي لي احبه واحترمه وهسه اشوفك مجرد شخص ماعده كرامه ولزكه ومتحرش وخاف
ع نفسي منك
حسن : لا شمس والله مو هيج
ذاك يوم بالبستان مادري شلون هيج سويت اني هواي لمت نفسي عليها
توبه بعد متنعاد
شمس: نفس شي مايغير شي
اعتذراك اتمنى تبتعد عن لي داسوي
ترة راح تخرب علاقتنا وتخلي خاله متحب ولد اختها بهاي سوالفك شابك ناس بناس شنو معناه هيج داسوي
مخلي امي تقنع نور باايهم وتحبه
حسن : كتلج اذا ماصرتاذا ماصرتي
لي يحلم ياخذج له ف لو لي لو
اخرب كلشي واضن وصلت فكرة شنو
شمس :لا شنو لي يخليك تتاكد
هو يريدني
حسن : شفته يشوفج بطريقه لي
اني اشوفج بيها نفس نضررتي لج
هو ينضر لج واني احرك بروحي
خويه يدري بيها نفس لي اتنفس
يباوع عليها ليشش خلصت نسوان
شمس : انت فاهم غلط هو سئلني
كتله ماريدك اني حسبتك اخو ليش ماتفهم تعبتني اني شنو ذنبي بكل هذا
حسن : ذنبج اني احبج
شمس: انت مايفيد وياك حجي
ماداتسمع شنو حجي وياك داكلك
بابا ماريدك
حسن :: تريديييي شمسسس
تردييي ليش هااا ليش من شفتي
رتي واني سنين كبال عيونج ما
رتيتيني ليش هااا لان هو يضحك
عليج يضحك بعقلج كل ضنج ياخذ طفلة وهو شايب بابا جابج عليه وانتييييي
شمس :: سم ومرض نصّي صوتك
أمي هنا! تريد تسوي مصيبة سدّ
هاي المواضيع كافي شوف حياتك
أني تعب نفسيتي انتهت آخر
هالمواضيع واگعه براسي
حسن :: ههه حلم إبليس بالجنة
أعوفج بحالج حتّى لو أستقر وأتزوّج
أرد ألچ هذا شعور وإحساس لي حسستيني بي أضعاف
شمس :: ولي منا بسرعه
سحبني من زنودي قبضته مثل
الكلبشة ضغط حيل لدرجة حسّيت العظم راح ينكسر صرخت بوجهه
شمس : وخر إيدك آااخ إيدييي راح تكسرها شبيك
ضحك بخباثة نزل وجه لوجهي
صوته ناصي بس يلسع أذني
حسن :: هااا شبيچ صبح شفتج
بحضنه ساكته ليش ما رديتي عليه
ليش ما نزعچتي لو يمي بس تبيعين شريفات ها
جنت أريد أزيح إيده بأي طريقة
بس هو مثل الوحش
خفت يكول الامي هو يعرف
وأسلوبها وياي والله جنت
احجيله كلشي ماعرفت راح
يستغل ضعفي وخوفي من امي
حسن رجع يتقهقه ضحكة قاسية
رفع حاجبه ويحجي بخباثه
حسن ::إي إذا تخافين من أمچ
خليج تخافين مني أضعاف لا تنسين
آني أعرف شلون آخذ حقي منج ومن ذاك ك**واد مسوي روحه شيخ دين بروسنا هههههه"
چنت أسمع كل كلمة مثل مسمار
ينغرس بصدر شيخ بروسنا
يقصد أيهم كلبي ثگل إيديه بعدها
على دنودي والله لو أيهم يشوف
يحركه حرك
حسن قرّب وجهه كلش وصوته
صار مثل السم
حسن :: إذا أسمع نفسچ تطلعين كلمة آني أراويچ شلون أنهيج أنتي وهو
وبلحظة حسّيت ضحكته السامة
تذبحني أكثر من قبضته ماعرف
ماعرف شأرد خوف جان محتلني
توتر مو طبيعي حسّيت عقلي وكف
حتى لساني مانطق و الكلام ما طلّعته
لا دفعت إيده ولا أنكرت هو شاف وضعي شاف الخوف يبتلعني
وتمادى أكثر وأكثرصار يشوفني
نقطة ضعفه وگبل يشتغل على
وجعي
إبتسم بخباثة ويحجي
حسن. :: يلا كلبي، شموسه خلّي
أنسى كل شي اعتبرج طفله و
نضحك عليها واني أعرفچ زين
من الطفوله ما أريد أكسرچ بس
اسمعي صبح لي صار انساه
ولا أحچي لخالتي و نور كل هذا
ينتهي إذا إنتي تسوين اللي أگتلج
عليه
مد إيده يلمس خدي بخباثة
حسن :: شرط واحد تروحين
مثلا لحبابه تكوليلها خالتي أني
قبلت أزوج حسن ونرتب العرس
ويا أيهم كدام عيون أيهم تخلين
كلشي يصير رسمي كلشي يصير
يمه وكبال عيونه وتالي أيهم ما
يگدر يحچي ولا يرفع عينه وينكر
ويحس بنفس وجعي
إنتفضت كل شعرة بجسمي
گلبت روحي صوبه بذهول
عيوني مليانة رعب
شمس :: إنت إنت تخبلت
حسن: : اي خبلتيني انتي ماريد
غيرج شمس أنتي إلي وغصباً
عنج وعن أيهم
شمس :: ولك وحق دمعتي وحق
كسرتي وضعفي كدامك ما تگدر
تفرض روحك عليّه أني شمس
وما أحد يمسني ولا يقرر لي مصيري
هو تجمّد بلحظة عيونه تفاجئت وأنا أول مره حسّيت إني أگدر أواجه...