رواية أسير الأحلام الفصل الرابع 4 بقلم جمال المصري
بسم الله ولا إله إلا الله وحده لا شريك له له الملك وله الحمد وهو علي كل شئ قدير
تحياتي_لكل_اصدقائي_ومتابعيني
لمي .. شكرا يا كبيره السحره ما كنتش اتوقع اننا هنتحد من جديد
جنثار .. بعد رجوع الامير سنان كل حاجه هترجع زي الاول المهم ما يتكشفش وجوده حاليا لحد ما يقدر يستعيد قوته
لمي .. انا هعمل المستحيل عشان ده يحصل و نتخلص من ظلم الملك سارومان
جنثار .. هسيبك دلوقت وزي ما قولتلك جهور مش سهل
لمي .. شكرا يا جنثار
جنثار يختفي ويرجع علي قصر سارومان يلاقي جهور مستنيه وقاعد علي سريره
جهور .. كنت فين يا كبير السحره
جنثار .. كنت ببحث في المملكه و بتاكد ان مفيش دخيل في المملكه
جهور .. انا عايزك تطمن مستحيل اي دخيل يقدر يدخل المملكه بدون علمي
جنثار .. اتمنا يكون كلامك صحيح يا جهور
جهور .. الوحيد اللي معرفش بيختفي فين هو انت يا جنثار
جنثار .. بدل ما تراقبني راقب اعداء الملك سارومان
جهور .. الكل تحت عينى إلا انت يا عجوز ويقوم من علي السرير اتحرك الملك عايزك
جنثار .. بيقول في نفسه نظرات جهور مش مطمئه زي ما يكون عارف حاجه لازم احمي نفسي وإلا كل شئ هينتهي
جهور .. هتفضل واقف كده يلا الملك مستنيك
جنثار .. يلا يا جهور ويروح عند الملك مولاي الملك طلبت حضوري
سارومان .. اختفيت مره وحده يا كبير السحره حتي جهور معرفش يوصلك كنت فين وزاي اختفيت عن الانظار
جنثار .. جهور ومن سنين وهو شاكك فيا رغم خضوعي التام لمولاي سارومان لكن جهور بيتبعني في كل مكان عشان كده انا بخفي نفسي عشان يعرف انه مش قدي يا مولاي
جهور .. قريبا ايها العجوز هرميك بايدي لوحوش الجحيم
سارومان .. رفع ايده عشان جهور يسكت
جهور .. امرك مطاع يا مولالي
سارومان .. كنت فين يا كبير السحره
جنثار .. كنت بطوف المملكه و بتاكد ان مفيش دخيل جوه المملكه
سارومان .. و تأكدت
جنثار .. انا حابب اسال قائد الجيوش الاول هو اتاكد
جهور .. بص لسارومان اكيد يا مولاي مفيش دخيل
جنثار .. لا فيه
سارومان .. مين يا جنثار
جنثار .. لسا بتتبع اثره يا مولاى واول ما اوصل له هجيبه تحت رجلين مولاى
سارومان .. وانا في انتظارك يا جنثار تقدر تمشي
جنثار .. بيطلع من عند الملك و بيروح علي اوضته
سارومان .. لسا عندك شك يا جهور جنثار خلاص بقي اخلاصه وطاعته ليا انا وبس
جهور .. لا خلاص يا مولاى بس لازم نوصل للدخيل ده في اسرع وقت انا وكل جنودي مش عارفين نوصله اكيد في حد من المملكه بيدعمه والدخيل ده مش شخص عادي وإلا كنا قبضنا عليه بمجرد ما دخل
سارومان .. انا متاكد ان جنثار هيوصله
جهور .. وانا هحاول اوصله يا مولاي اسمح لي بالانصراف
سارومان .. بيشاور له عشان يمشي و بيقعد لوحده ويقول معقول يكون سنان قدر يرجع تاني انا متاكد انه لسا عايش عشان سيف النور لسا نوره بياخد الابصار لو سنان مات بعد ما طعنته بالخنجر السحري كان نور السيف اطفي علي طول امتي هتظهر يا سنان عشان يكون موتك علي ايدي انت من غير سيف النور ما تملكش اي قوه كان لازم اتجوز الاميره امريتا من زمان لكن كبير السحره قال ان الزواج ده لازم يكون بموافقتها و اديني مستني يا اما توافق او هتموت يا حراس يلا هنروح قصر الاميره امريتا و بيتحركه
جنثار .. بقا كده يا سارومان و بيبص للسماء ويقول يا طير النار وصل رسالتي لقصر الاميره امريتا وانا هعطل الملك سارومان ويظهر قدام الملك سارومان مولاي طلوعك من القصر واحنا لسا ما مسكناش الدخيل في خطر عليك
سارومان .. يبقا لازم تلاقوا الدخيل بسرعه يا جنثار
جنثار .. الامر لمولاي اسمح لي اكون معاك
سارومان .. تعالي و بيختفوا كلهم
لمي .. بتشوف طائر النار و بتاخد الرساله واول ما تقراها تختفي وتظهر في اوضة الاميره و بتصحيها مولاتي
امريتا .. في ايه يا لمي
لمي .. سارومان جاي علي هنا
امريتا .. بتبص علي سنان وتقوم من جنبه بالراحه وبتقول تعويذة عشان سنان يختفي
لمي خليكي هنا
لمي .. حاضر يا مولاتي وتشعل البخور اللي ادهولها جنثار
امريتا .. بتقعد في جنينة القصر
سارومان وجنوده و جنثار بيظهره قدام الاميره و يقرب منها سارومان وهو يصرخ صبري اقترب من النفاذ يا امريتا
امريتا .. انا قولتلك الموت عندي اهون من اني اتجوزك
سارومان .. وانا خلاص هديكي الموت الي بتتمنيه و يرفع سيفه عشان يقطع راسها
جنثار .. يقرب منه ويقول بصوت واطي مولاي الاميره امريتا هي اخر وحده في سلالة الاميرات و جوازك منها معناه استمرار كل الممالك تحت حكمك بما فيهم مملكة جنوريث وقتلها دلوقت هيخلي الممالك السبعه تتمرد عليك ووقتها ندخل في حرب طويله لكن طول ما هي عايشه الكل هيفضل تحت حكمك اديني شهر واحد وانا أقنعها بالزواج بيك
سارومان .. يرجع السيف في غمده هسيبك تعيشي يا امريتا لكن مش هصبر كتير
امريتا .. انا معنديش كلام اقوله غير الي قولته و جاهزه للموت في اي وقت
سارومان .. حتي الموت لازم يكون بامري انا وذي ما قولتلك انا صبري له حدود ويختفي
جنثار .. بينزل علي ركبه مولاتي
امريتا .. اوقف يا كبير السحره لولا رسالتك وصلت في الوقت المناسب مش عارفه كان ايه اللى هيحصل
جنثار .. انا خادمك المطيع يا مولاتي لازم نستعجل شويه الوقت بيضيق ولازم نعرف مكان سيف النور وإلا سارومان هيقضي علينا كلنا
امريتا .. تتوقع يكون السيف في قصر سارومان
سنان .. بيظهر مره واحده قدامها لا مستحيل يكون في القصر
لمي .. فعلا لو في القصر كان علي الاقل حد شافه
سنان .. السيف تحت الارض عشان لو فوق الارض كان نوره نور المملكه كلها
امريتا .. كلامك صحيح يا سنان وكده مهمتنا اصعب
سنان .. انا هعرف اوصل له
امريتا .. بتوقف انت فكيت التعويذه ازاي يا سنان
سنان .. انا الامير سنان يا امريتا حتي لو السيف مش معايا لكن قوتي موجوده السيف يزيد قوتي ويجمع جيشي وعشان كده لازم اوصل له
جنثار .. انا من سنين بسمع ان سارومان بيختفي مره كل سنه تحت الارض اكيد هو ده المكان الي مخبي السيف فيه بس ما حدش يعرف بيختفي فين
سنان .. دي مهمتك يا جنثار لازم تعرف اليوم ده بيروح فين
جنثار .. امرك مطاع يا مولاي الامير اليوم ده فاضل عليه عشر ايام وانا هعمل كل الي اقدر عليه عشان اعرف المكان الي بيروح فيه
سنان .. يلا تقدر تمشي عشان سارومان ما يشكش في حاجه
جنثار .. امرك مطاع ويختفي
امريتا .. الفطار يا لمي
لمي .. بتشاور بايدها وبيظهر الاكل قدامهم
امريتا .. اتفضل يا اميري
سنان .. يمسك ايديها و بيبوسها
لمي .. تختفي
امريتا .. انا هاكلك بايدي يا حبيبي و بتاكله
سنان .. بياكلها بايده وبعد ما بيفطره سوا
امريتا .. بتاخد سنان وبيتمشوا في جنينة القصر
سنان .. وهو ماشي معاها يفكر هيعمل ايه لو جنثار معرفش يوصل لمكان السيف
عباد_الله_اذكره_الله