رواية شمس الايهم الفصل الثالث 3 بقلم شهد الدليمي
شماتي مو شمات
شماتي اخوتي
حتى امي ياهل ناس
تدعي على موتي... 🥀
صوت الباب ينفتح فجأة بقوة
فاطمة تدخل
فاطمة :هاي شنوو أنتم شتسووون
حسن بسرعة يبتعد يحاول
يسيطر يمرر إيده ع شعره
ويرد بنبرة باردة
حسن :لكيت شموسة تبچي ما
تريدتروح وجنت أقنع بيها تروح
وهو يحچي يغمزلها غمزلي ضليت
صافنه ع جذبة شدايحجي
هذا سحبت نفس من يمه
شمس : لا حبي فاطمة هو أصلاً افتهم غلط إني جان عندي موضوع براسي وضايجة عليه مو على روحتي
فاطمة : ييي بس بعد لا تعيدون
هالحركات أنتم مو جهال سامعين
وأنتي هم كبرتي مو مثل قبل صغار
وعادي هذا تقرب بينكم عيب
هالتصرفات بعدچ ما تعرفين
الناس شتگول اذا شوفوكم هيج
حسن :طبهم مرض ناس شكو
صيحين عليها انتي واني ولكل
يعرف شمس شنو
ندار عليه وهمس بصوت ما
يسمعه غيرنا رفعت عيوني
لفاطمة خازرته لحسن
حسن :: شموسة بعدني ما
خلصت وياچ
يطلع ويطبك الباب بقوة صوته
طبكه بكل البيت يخلي الجو كله نار ومشحون فاطمه بقىت واكفة عيونها الف سؤال بس بيها
كبل حجيت اريد ابرر موقفي لها
شمس : فطوم صدگيني افتهمتي
غلط ماكو شي والله العظيم
فاطمة : شمس أني شفت بعيني
شلون تريديني أصدگچ
شمس :إيييي أدري والله أدري
شلون افهمج بس أقسم لج يا
فاطمة ماكو شي بيني وبينه
نهائيا
جنت ضايجة وجنت أحچي
وياه على سالفة براسي هو يهدي بيه ما أعرف شلون صار الموقف هيچ كدامج
سكتت تظل تباوع عليه
شمس : تقربب لها ولمست إيدها
بخوف فطوم لا تفتهميني غلط
أنتي غالية عليه مثل أختي وما
أريدأتصور تنقهرين مني أو تظلين
شايلة بخاطرج أعتذر والله العظيم
أعتذر إذا خلاچ الموقف تظنين بيه
شي مو حلو
باوع لها تتنفس بعمق تنزل عيونها
شوي وبعدين ترد بنبرة هادئه
فاطمة :شمس أني بس ما أحبچ
توكعين بمشكلة وأنتي تعرفين
الناس شلون تحچي وخالتي
ماتسكت حت لو موقصدج
كبري شمس
شلون تسمحيله هيج يتقرب منج
إذا تكولِين ماكو شي أني أصدگچ
بس ديري بالج هاي تصرفت تخلي كل يشك بيج
هزيت راسي بسرعة مسحت
دموعي بخجل ستحيت منها
كلش الله لا يوفقك ياحسن ع
هذا موقف
شمس :والله ماكو شي وأوعدچ
ما أخلي هالموقف يتكرر شكراً
لأن صدگتيني والله ما أتحمل
أخسرچ ولا أخسر ثقتچ
شفتها بتسمت ابتسامة خفيفة
حسيتها فقط مجامله لي تهدي
الجو بس عيونها بعد بيها علامة
شك وحسيت بعدها مثگله من
الموقف وباوعت لي وحجت
فاطمة : روحي أهلچ ينتظرونچ
بالسيارة ترى صارلج هواي هنا
لا تخلينهم يشكون
شمس :إي حبي أدري شكراً فطوم
والله آسفة إذا ضوجتچ
فاطمة :خلص حبي بعد ماكو شي
بس ديري بالج وأنتي تعرفين
خالتي شنو خليج ذكية وابتعدي
عن هل امور
هزيت راسي بـ اي أوعدچ بعد
ما يتكرر و كتلها ع جهاز نطته لي
وسلمت وطلعت اركض للسيارة أخذت الجهاز وكبل طلعت
وصعدت بسياره ومديت أيدي
لأمي
شمس : هذا جهازج يمهه
الام : شنو نمتي صالج ساعه
شمس : مالكيته على التلفزيون
فاطمه دورته إلي
سكتت وبعد ماحجت واني
هم سكتت وبعد ماحجيت
وقررت بعد بعد ماجي البيت
خالتي لانو حسن زودها
بتصرفاته وياي واني اخاف
من المشاكل واخاف فديوم
يسويلي مشكله حسن متخبل
اذا احد شافه من خوته هيج
يسوي وياي والله يكسرونه
وصلنا للبيت دخلت لغرفتنه إلي
بيها إني وخواتي بيتنا غرفتين
رحت سبحت وبدلت ملابسي
ورحت اقرا واشوف الدروس
إلي غبت عليها تقريبآ5 أيام
اسبوع يعني وياه جمعه وسبت
بلشت ادرس وادرس وارجع ليورا
فايتتني كومة دروس ونور ساعه
ادبي ساعه علمي متثبت على رئي واحد بس بلاخير اختارت العلمي
خلصت من لدراسه ورحت للمطبخ
شفت زينب مرة اخويه
شمس :زينب شمسويه عشه
متت جوع
زينب :سويت نواشف أنتي
حضري الصينيه وزلاطه علمود
بس نخلص كبل نودي
شمس : يي
بلشت اسوي الزلاطه
سويت الزلاطه وحضرنا العشه
وودينه وتجمعنه كلنا وتعشينه
رحت غسلت لمواعين وهمه كلهم
راحو للغرف واني خلصت ولحكت
خواتي ونمنه
كعدنه الصبح على صوت المنبه
بدلنا اني ونور وسارة وتريكنه
وخلصنه اجه أبو الخط ودك هورن
الام : يلا اجه الخط بلباب
نور : بس اسوي شالي
سارة :خل ألبس حذائي (تكرمون)
أول ما طلعت يبلش صوت البوق
مال الخط
أصعدت للخط ما سلمت لان
هو اول شي احنه ياخذنه
وصعدت ورايه نور وسارة
_هو كاعد على الكرسي الأمامي
لازم الستيرن بإيد قوية عروگها
بارزة والوشم مالته النجوم الثلاثة
بصفحة ايده
ما يعرف يضحك أربع وعشرين
ساعة وجهه معبس حاجبه معقودة
مثل علامة X وإذا بالصدفة ضحك
تحس الضحكة ما إلها مكان بحياته
شوكت ماباوع له الكاه صافن
بيه جنت أحاول أباوع من الشباچ
أشغل نفسي حتى ما أنحرج بس
والله كل ما أحس أني بأمان يجي
إحساس نظراته يلاحگني كأنه يعرف
بشنو أفكر
چنت أكول براسي لاتلتفتين
لا تلتفتين بس الفضول أقوى
نظرت والكيت عيونه تباوع عليه
مستقرة ما تهتز كأنما يكول بلا
صوت گعدي عدل ولا تتحركين
وإيدي تلزم الجنطة وصوت
صوت الأغاني ماعرف شنو
يحجي بيهن قلقلاني اكثر منه
_السيارة تمشي والجو ثگيل
غير صوت المحرك والأغاني
وصلنه للمدرسة أول ما دخلت
لكيت غزل واكفة يم الباب
غزل :هااا حياتي وينچ چانت
المدرسة ضوجةمن غيرچ
ركضت عليها حضنتها بقوة
وبوست خدودها
شمس :مشتاقتلج موت عندي
سوالف اليوم تكسر راسج
ضحكت نظرت بعيوني بذكاء
غزل :أشوفج حامضة وماتنبعلين
صاير شي
شمس :أني حامضة لج حقيرة.
غزل : يلا تحجين لي هسه
شمس : لا وراه درس تعاي
كااعادة دروس واحد فوك واحد
ملحكت احجي شي
وطلعنه من طريق مدرسة والسيارة
تمشي مثل كل يوم البنات يضحكن
الجو عادي بس أني عيني ثابتة
عالشباچ أباوع من بعيد للمحل مال
المواد الغذائية والحلويات المحل الي
أخو صديقتي يشتغل بيه وهيه تنزل
لان بيت بصف محل كل مرة نمر
الفضول يذبحني شبيه شيسوي
حتى بدون ما أحس صارت عادة كل يوم أباوع
واليوم السيارة وكفت كبال بيتهم
وكالعادة عيني راحت صوب المحل
فجأه الباب انفتح وطلع هو
وكف وبلمح البصر لف عينه عليه
وتقرب شبابجي لي اني كعده يمه
عيوني علگت بيه ما حسيت غير
السيارة طارت مهند دوس بنزين
وانطلق بسرعة جنونية الكل بنات
خافن
البنات صارن يصحن بكل الصوتهن
::هاااا شبيك مهند على كيفك
راح نموت هو ولا رد وجهه
متحجر عيونه بالمراية كلها نار
ماأفتحت حلكي گلت يمكن صار
شي خطير أو هو مستعجل بس إحساسي
غير وأيده ماسكة الستيرن
بكل قوته
وصلنا كدام بيتنه نزلن سارة
ونور بقيت أتهيئ أنزل فجأة
صوته نززني
مهند :بصياح أگعدي
رجعت وكعدت مثل الطفله بدون
تفكيرالباب انسد السيارة هادية بس
صوت أنفاسه يثگل الجوالتفت علي
واني عيوني ع اخواتي لي دخلن
مهند :قرب شوي نبرته نزلت بس
بيه حدة عجبج
شمس :عفوا هو شنو إلي عجبني
يحجي بنبرة كلها غضب
مهند: ليش كل ما نجي لهنا
تباوعين إله هااا شنو عجبج
بيه ليش كل عيونچ عليه
حچيته بصوت
شمي : خل نزل اخواتي
نزلن لاتصير مشكله رجفتي خوفي
واضحة قطعني صوته
مهند :بعد ما أشوفچ ترفعين عينچ
من مكانها مفهوم
حچيت مصدومة
شمس : شيخصك انت رفعت عيني
اولا فتح باب انزل يلا
هو رجع استند عالكرسي نفخ
بقوة وبصوت آمر
مهند :انزلي بس تذكري عيني عليچ
بكل خطوة
باب نفتح لي
نزلت رجلي ترتجف كلبي يدك
وما بقى براسي غير امي واخواتي
لي دخلن واني ضليت
نزلت من الخط رجلي ترجف من
الخوف كلبي بعده يدك من سياقته
المجنونة ومن عطيته بيه
مديت إيدي عالباب فتحته وأول
ما نزلت صارت بوجهي نور واكفة
وعيونها علينه بغضب
نور:هااا شبيييج ليش بعدج
بالخط وشبي يصيح هيچ
ظل ساكت ولا هو حچى ضل لازم
عصبيته ويطلع دخان من عيونه
رفعت راسي عليه أشوفه بعده
يباوعلي بنظرات نار
قبل ما يجاوبها سبقتها بحچي
شمس :يكلي عجبج ما أعرف
على شنو يقصد
نور ظلت تباوع علي بخزرة
واني بعدني مخبوصةعقلي يفتر
ما أفهم ليش هالكلمة وليش هو هيچ
حجه دخلت للبيت وأنا عيوني تمشي
ورا نور كلبي يگلي رح يصير شي مو
زين
أول مادخلت البيت ركضت نور
على أمي بكل ما عندها من حقد
نورر : يمممه أني بعد ماداوم
من وراها بتج فضحتنه
تجمدت حسيت روحي طلعت
من صدري
شمس : شنووو
أمي جت بسرعة عيونها كلها شرر
الأم : احچي نور! شبيها شمس
شمسويه حتى أكسر راسها هسه
نور :يمه توكف بباب المدرسة
تتمضحك ويا أهل الخطوط ويا
واحد هناك نصحتها مرة ومرتين
ما أخذت بنصيحتي أبد متوقعت
توصل بيها هاي لمواصيل
جنت أباوع عليها ومصدومة
والله العظيم كله جذب
شمس : يمه والله اتجذب نور
ماكو هيچ شي ولا ضاحكة
ويا أحد نور انفجرت بصوتها
العالي ومليت الجو صياح
نور : خوووش يعني أني جذابة تعالييي سارةةة
جت سارة تركض عيونها مليانة
فضول
سارة : هاااا شكوووو ليش تصيحين
نور
نور :يوميييه وين نلكه شمس
سارة : بالباب توكف
نور تگطع الحچي بحدة
نور:هااا يمه شكتلج منو
الجذابة هسه
شمس :يييمه أني أوكف علمود
أتانيجن ما بالي شي والله
نور ضربتني بالكلمة الأخيرة جملة
مثل السم
نور. :الله يسلمج عيني باعي
لج إذا بعد أشوفچ بباب المدرسة
متلومين إلا نفسچ
سكتت چنت أرتجف من قهر وججيها
سم بس سكتت لأن عرفت ما يفيد
الحچي وياها خاصة وهي متقوية
بأمي
ردت أطلع من السالفة وأسحب
روحي بس صوتها عاله اكثر
نور :خلي أنطيج بعد معلومة
أبو الخط اليصح عليه كلها من
وراه لكيته يصيح يگول إلها
عجبج لأن حضرتها تبوع عالولد
وهو نبهها ورزلها زين شنو موقفي
أني هااا أختي تباوع عالولد
هنا أمي انفجرت
الأم :يمههه!! عزااا بعيني ولج
فضحتينه وبعدج بكد نع*****ل !!
شمس :يمه والله العظيم ماكو
هيچ شي مامسويه شيييي
ما حسيت غير رجدي نزل عوجهي
مثل نارصوت أمي صك أذني مثل الرصاص
الأم :هاي آخر فرصة إلك إذا ما
تبطلي سوالفچ أبطلچ المدرسة
وأخليچ خدامة الخواتچ
دموعي انزلن بدون إذن چنت
أحچي وصوتي يختنك
شمس :يمه ليش ما تسمعين مني أبد ليش ما تصدگين
الأم :أصدگج تردين أجذب الكل وأصدگ حجيج وأنا روحي طلعت من صدري
شمس :يمه بس اسمعيني
روحي و أسأليه خليه يحچي
وياج أكله شنو قصدك بحچي
الكلته شمس
أمي لفت بوجهه نظرة كلها غضب
صوتهه نار يجدح
الأم :ترديني أروح أسأله حتى
الناس تحچي علينا حتى يكولون
امها تكوااا**اا بنات فلانه راضين
ببتهم تباوع عالولد
هزيت راسي بلااا
صرخت بصوت وتحجي عليه
وتاشر
الام :لاااا بعد اليوم ما أشوفچ
وياه الخط أبد أشوفلج غير خط ولا طلعة ولا سوالف خل اشوف خلص من سوالفججج
هنا سكت ما عاد بيه حيل للحچي
عفتها ومشيت كل خطوة مثل جبل
فوق روحي دخلت غرفتي أخذت
ملابس ودخلت الحمام
فتحت المي نزل ع وجهي بس
حرگة رجدي وكلام بعده تلسعني
كعدت عالأرض حضنت ركبي خليت
صوت المي يغطي صوت حركتي
ضليت أبجي لحدما عيوني ورمن
گلت ويا نفسي بصوت مخنوك ليش
هيچ ليش كل مرة الغلط يصير بيه
ليش محد يصدكني ليش أمي كلش
قاسية ليش حتى أقرب الناس إلي يطعنوني
غصة وكفت بنص صدري تعبت من المعاملة تعبت من الظلم تعبت من تفرقه
ما چنت أعرف هاي بس البداية
بعدني ماشايفة شي لأن الي
جاي أثگل وأصعب
سبحت وكملت طلعت من الحمام
شعري يقطر مي جسمي كله تعبان
مشيت للغرفة مثل الميتة رميت
روحي عالفراش بلا غده بلا قرايه
بلا ولا نفس چنت نار من القهر من
الظلم من الحچي الي ظل يرن
براسي كلام كسرني
دموعي بدا ما نشفن وماحسيت ع
بنفسي ع غفله رحت بالنوم
كعدت عالعصر صدگ حسيت
الزمن كله ضدي گمت غسلت
وجهي رحت حضرت كتبي جنت
ناوية أفتح كتاب الرياضيات
كعدت بلشت أكلب الصفحات
فجأة الباب انفتح دخلت نور
نور :كووومي نظفي ويا زينب
مخلصتها نوم وأحنا نخدم بيج لو شنو
رفعت راسي شفت عيونها
المليانة سم
شمس :يا خدمه هاي غير جنت بدوام وهسه دا أقر
سحبت نفسها وحجت
نور : إي واني چنت أركص مثلا
غيرهم بدوام يلاااا كووومي
گمت مالي خلكها عفت كتابي
ورحت بالي چان يغلي ليش دائما
أمي تصدگ بيها ليش دائما أنضرب
بسبب جذبها ليش دائما أني المذنبة
نضفت البيت كله مسحت رجعت
أريد أفتح الكتاب بس الوقت كله ضاع
جنه نفرش نلتم كلنا نقره حتى نساعدهم
تقريباأني سارة نور وسيلا والباقي خواتي
مزوجات يجن خطار ويرحن
كعدنه ندرس نحل واجبات وبعدها
كمت سويت العشا وتعشوا كلمن
راح لفراشه ينام لأن ورانا دوامات
كعدت على المنبه اليوم الثاني يوم
جديد قررت أنسى بس الدنيا ما
تخليني
طلعنه للدوام بس هالمرة مو ويا
الخط القديم غير خط وأني چنت
أحچي ويا نفسي يمكن هيچ أحسن
يمكن بعيد عنه لي يهمني حاليا خلص
دراستي بس أحيانا القدر يحب يگلب
الموازين خاص وياي
أبو الخط الجديد رجال جبير شكله طيب
.كيفت گلت بگلبي
أخيرا خلصت من كل هوسة مهند
خلي أركز على نفسي خلي أدرس
لأن غير الدراسة ما أريد شي
بس يا دنيا ليش انتِ ما تحبين
الهدوء ليش المشاكل تركض
وراي حتى وأنا هاربة من النار
تجريني للهب
صعدنه بالخط وصلنه المدرسة
شفت غزل واكفة بضحكتها إلي
تنسي الدنيا
ركضت عليها حضنتها نسيت
وياها همي چانت سبب بكل تغير
نفسيتي جانت عوض عن أخواتي
جانت الأمان الوحيد بوسط هاي العاصفة
كعدنا نسولف نتشاقه حرفيا حسيت
روحي تضحك من جديد
دوام خلص الدروس كومه نهد
حيلي صارت روحي تريد تطيح
گلت أسرع اروح للخط وأركب قبل
لا تلگاني نور وتبلش سوالفها إلي
ما تخلص لأن چنت بعد ما أتحمل
مشكلة وحدة بعد
صعدت للخط ابتسمت وأنا أحچي
شمس :السلام عليكم عموو
أبو علي : وعليكم السلام هلا بنيتي
ابتسمت دخلت للداخل گعدت
عالكشن وگلبت جنطتي يمي
گلت أسند روحي أريح عيوني
شويه لأن صدگ اليوم تعب موت
غمضت عيوني خليت راسي يرجع
للكشن والهدوء غطاني للحظة
بس فجأة
سمعت صوت باب السيارة ينغلق
بهدوء غريب حسيت أحد گعد يمي.
ما اهتميت گلت بنفسي أكيد نور
إجت من الصفها بعدهم دا يطلعن
ظليت
مغمضة عيوني إلا إحساس غريب
سرى بجسمي إيد خشنة دافية
مسكت إيدي
انصعقت كلبي طفر من صدري من
خوف عروگي جمدن صوته حاد
رجولي
؟؟ : هواي لعبتيها صح چنتِ تظنين
راح تخلصين مني
شمس : إنت شتسوي هنا
ضحك ضحكة مبحوحة تقرب
أكثر همس بگربي
؟؟ : دنيا كلها لي لو مو تهربين
تلكيني يمج يا شمس مفهــــــــوم .....