رواية شمس الايهم الفصل الرابع 4 بقلم شهد الدليمي
چا هيج الأهل عثره الاهل
على الكلب راحه بال اهلنه
شبيهم ويانه وصارو ع الكلب
حسره ومن شافونه مكسورين
ماجبروا كسرنه ولا حجو كلمه
⸻❁⸻❁✿❁⸻
شمس **
مهند : شمس ليش بطلتو من
الخط شنو السالفة
شمس : عزةة شداتسوي أنتَ مخبّل شلون هيچ تصعدلي تريد تسويلي مصيبة الناس تباوع علينه شارع
هذا شجابك انت
مهند :اسمعيني زين شمس راح
أجي أخطبج من أهلج وافقي والله أفرحج وأسعدج وكلشي أگدر عليه أقدمه إلج ماراح تندمين صدگيني
شمس : ما هتميت لحرف من كلامه
حتى ما سمعت شدايحچي بس بالي
يم اخواتي وشلون أنزله يا ربي
سترك لا تطلع نور ولا تشوف هالمنظر
أنزل فدوة أنزل ما إلي خلك مشاكل
بس أنزل بعدين نحچي راح تجي
أختي وتصيرلي سالفة فدوه مهند
انزل بس هو ببرود يحجي
مهند : خلي تجي أصلا أريدها
تشوفني إني جاي أخطبج
شمس : ييي يي خوش خطبة
بنص شارع حجيت بدون تفكير
هلا بيك بس فدوة أنزل والله تعبت كافي أنزل
وصرت أحچي بكيفي ما أدري
شداكول
اخذ موافقتي ونزل مبتسم
ببرود
نزل من الخط بس والله چنت
حاسه روحي كوه أتنفس خنكة
وجسمي يرجف وأحس عيوني
ثكلت وكلبي يدك مثل الطبل
شويه حسيت ع نور وسارة جايين
يمي نور كعدت أول ما شافتني
كشرت وصاحت بنبرة
نور : انتي شسوين هنانا
شمس :شنو شسوي يعني مو انتي گتلتيلي بعد لا تنتظرين بالباب مال المدرسة روحي كبل للخَط
نور :وغير تصخمين تتحچين
صار ساعة واكفة نتاني حضرتج
شمس : غير البارحة انتي گلت
بعد شنو
نور : يلا خوش اسكتي كافي لغوة
اني هم سكتت مالي خلكها
اجني البنات وتجمعنه ومشينه
جسمي وياهم وتفكيري بمكان
ثاني مهندشنو يعني يخطبني
شنو يعني يدز أهله شنو يريد
رجعنه للبيت دخلت مباشرة غيرت ملابسي سويت غدا تغدينه غسلت مواعين فرشت وگلت أنام شوي
للعصر أقره
كعدت العصر مسحت البيت وكعد
وقريت شكم صفحةوالبنات هم
كعدن يقرن
رجعت سويت عشه أخواتي بعدهم يقرن وجهزت وتعشينه
داغسل ماعين وافكر بوضع بيتنه
واهلي مو مثلا اي بيت لااا كلشي
بارد كلشي صامت بي
بيتنا…
ماأدري شلون أشرح بس تحسّه
ينقصه شي ينقصه حضن صوت
أم حنينه أبو
مرت أخويه ما تجي إلا نادرا
عايشين قريب بس مو يمنا
أني جنت أقنع نفسي كلشي
طبيعي بس بالحقيقه تختلف
رجعت أقره واختي نور ملتهيه
تلعب بالموبايل ذاك الوقت جان
برنامج اسمه گوگو منتشربيه
كروبات وسوالف وهي چانت
حيل مندمجة بي تضحك وترد
تكتب
وأني أشوفها بس أبد ما أحچي
ما أحب أتدخل خصوصاً ويا نور
لأن أحچي وياها كلمة تردلي بعشرة
وأني بعدني عقلي مشوش والبيت
هادي بس عقلي مليان دوخة
مرت الأيام
كلشي چان ماشي نفس الروتين
صبح دوام وقريه طبخ و رگض
وتعب وامتحانات
ورجعت للبيت ذاك اليوم
بدلت ملابسي سويت الغده تغدينا
غسلت المواعين فرشت وگلت
أخلي أنام شويه
كعدت لعصر مسحت البيت قريت
وأخواتي نايمات گعدتهن يدرسن
واني كلت احضر شنو اسوي عشا وكمل دراسه
للعصر اندك الباب راحت أمي تفتح
باب دخلوا ناس أول مرة أشوفهم
غرب وجوههم مو مألوفة أبد لي
ماشايفتهم قبل
قربت على أمي وهمستلها
بصوت خافت
شمس : يمّه منو هذوله
أمي: بيت جيرانه أهل أبو الخط
إلي جان ياخذچ كبل
اذكرت حجي مالته كلبي بدا
يعصرني حسيت نفسـي ضاك هسه
وكتك انت هسه امي تكلي عندچ
علاقة بي
أمي :حـضـري مي وجاي بسرعه
رحت عالمطبخ وگدامي كل أنواع الخوف تتراكض قلق توتر رجفه غريبة ماعرف شلون چنت أتحرك
بس چنت أحضر الجاي مثل روبوت
خايفة نوب أمي تفتهمني غلط دائما
تعبت من السوالف إللي توجع تعبت
من تبرير الناس
صبيت الجاي شلت الصينية سميت ودخلت بيهاوكلبي يدگ
شمس : السلام عليكم
النسوان : وعليكم السلام هاي بتچ
أمي : يي هاي بنتي شمس
نزلت جاي وقدمت لنسوان كعدت
شويه قريب بين نسوان وامي
چنت أحس كل عيونهم علي
كلامهم وهمساتهم توصل لي
وحدة منهم بصوت ناصي واضح
يي هاي إلي حچى عليها مهند
رادها اسمها شمس
حسيت حرارة بوجهي باوعت على
أمي جانت تباوعلي بنظرة بيها ألف
معنى
خليت الصينية بسرعة يمهن وطلعت رحت للمطبخ وحجي وياه نفسي
ياربّي بس لا تبطلني من ورا
هالموضوع خلي تضربني تصرخ
عليه بس مو الدوام تبطلني من
المدرسة
شلون أقنعها ماكو شي بيني وبينه
هاي مو مصيبة هاي قنبلة طاحت
على راسي وأنا بعدني نوب موصي
ع اسمي خرب شهل حض لي عدي
نص ساعه مرت وسمعت صوت
أمي جان عالي من الصالة
أمي :أشوف أبوها وأخوها
وردلكم خبر
سمعت صوت الباب وهو ينغلق
سكون بعدها وصوت عالي
أمي :شششـمممـس
شمس : هااا يمّه
الام : وغمه التغمچ كون شنو أنتي
ناويه تفضحينه شنو هذا الحچي
منين يعرفچ ومنين يعرف اسمچ وموصي أمّه عالصغيرة شمس
شمس :يمه غير أحنه گبل ويه
أبوالخط شي طبيعي يكون سامع
أسمي من أحد وشلون ماينعرف غير وياه
أمي : احچي ولا تجذبين عندج
علاقة بيه
شمس : لا والله العظيم ماعندي
علاقة بيه هو ياخذنه ويرجعنه
ماكو حچاية ولا سوالف ولا كلمه
زايدة مو اخواتي وياي
وگالت بنبرة صارمة
أمي : خلي يومين وأرجعلهم خبر
گوليهم إنج ما تريدين تتزوجين
تريدين تدرسين وانتي خليها
براسچ مو كلشي على مزاجج
تريدين تتزوجين حتى لو وزير
أنـي بعدني عايشة بكيفي انطيج
إني بس چنت أريدها تسدالموضوع
ما چنت راضيه من الأساس بس
إذا كلت لها ماريد راح تنطيني
شمس : هاي هي بكيفچ
أمي :شنو چن ما عاجبچ
شمس : لا يمه شنو ما يعجبني
غير أنتي أكبر وأفهم
وإني دراستي أهم عندي وبعدني صغيرة مو مال مسؤولية ولا زواج
ألام : يي عفيه هيچ أريدچ
بس إذا رجع وطلب نورأنطيها
لأن هي واعية وأكبر منج وتستاهل
ناس مثلهم إنتي لو نطينج لهم
تـفشلينه يمهم
ضجت مو على الخطبة بس لأن كل
مرة تحچي نور أحسن وأني إلي
دوم الغلط بيه الضعيفة الما تنطيها
وجه لاحنيتها لا حبها ماتحسسني
بالحب ولا هي امي معقوله كل
امهات هيج ما گدرت أرد بس گلتها
شمس : هاي هي إلي تشوفيه
سويه يمه
أمي : يلا كومي سوي عشا
شمس : يي هسه أسوي
عافتني وراحت بس أني چنت
أحترك بس شسوي تعودت مشيت للمطبخ وأنا أقنع روحي أبلعها بعد
مثلا كل مرة
سويت عشا نور كل النهار ملتهيه بالموبايل وسارة گاعده تقرأ وسيلا تلعب هيه تؤمها
مرت يومين
وأمي رجعت خبر للناس بعدها صغيرة وتريد تكمّل دراستها
وچانت هاي الجملة مثل ورقة
اعتذار مكتوبة عن لساني
وأني حتى ما چنت جزء من القرار
بس وافقت لان جنت اريدة هذا شي
بس هيه ماسئلت عن رغبتي قررت وخلص واني ما چنت أريده يدخل بحياتي أصلاً
من يومها ما شفته مهندولا حتى
لمحته من بعيد كأنه الحچي كله
مرمن صدگ واختفىوآخر مرة
شفته بيها وهو بالخط
يومية نفس الروتين
كعدت الصبح مثل كل يوم بدلت
وتريكت چم لكمه عالسريع إجه
الخط وصعدنه الطريق چنه
ساكتين حتى سوالفنه مبيها
روح
وصلنه للمدرسة نزلت من الخط
عيوني صارت عليه واكف مهند
يم سيارته يدخن
غلّست نزلت عيني ومشيت
ما أريده يحس شفت ولا حتى
ماباوعت بوجهه كافي ذيج المره
لمن طالعلي جان سوللي مشكله وصارتلي سالفه
أريد أمشي اليوم عادي بهدوء
دخلت المدرسةولگيت غزل واقفه على صفحة يم الباب
باوعتلي وعيونها بيهن سوالف
بس ماچنت بالي اسئلها كل همي
ماريد أشرح ولا أسمع شي ضحكتلها غصب ومشيت لها كعدت يم غزل
چنت متوترة كلبي يوجعني من
تصرفات امي گلتلها كلشي صار
وياي من دكوا الباب لصوت أمي
للنسوان وحتى مهند
غزل ماعرف شبيها امي شنو ذنبي بكل هالسالفة
غزل :أحسها تضوج منج
شمس ::حتى إني والله أحس
نفسي ثكيلة عالكل تخيلي حت
ع امي
غزل :وضلين هيچ يعني
شمس : ماعرف الله كريم
كومي خلي ندخل للصف لا نترزل
دخلنه وگعدنه نكمل الدروس
بس والله ماگدرت أركز
عيني على السبورة وعقلي تايه
صوت مدرسة چنه بعيد كلشي
گاعد ينعاد براسي
خلص الدوام طلعنه والشارع گله
زخم شمس وحارة أحاول أمشي
عادي بس خطوتي بطيئة وثكيلة
گبل لاأوصل للخط
حسّيت بصفي حركة خفيفة أنفاسي انحبست وكأن الهوا ونفس وكف
چانت خطوتين وراي چنت أريد
ألتفت بس گلبي كلي لا تباوعين
نزلت عيني وكملت أمشي
بس حسي وكل حواسي چانت
وراي وبين صمتي سمعت
صوته سمعته
صوته چان واضح وگلبه قبل
لسانه يحچي
مهند : والله أخليچ تكمّلين دراستچ وآخذچ وياي واردچ ووصلچ لحلمچ
إني لعد خواتي يدرسن ليش حتى احرمج بالعكس أفرح بيچ وأفتخر
بيچ
الكلمات نزلت مثل المطر بس
ما بردتني چانت حلوة بس ثكيلة
ما رديت عليه لا بكلمة ولا بنظرة
مشيت وظهري إله
بس كلبي چان يدگ مو خوف منّه
خوف من الناس من سوالفهم من نظراتهم
خصوصاأمي تكيف تصير سالفة حتى تلگه حچّه تبطلني بيها وتگول چنت أدري راح يصير هيج كملت
مشيت للخط
كأني شايلة همي بيدي مو
جنطتي گلت بيني وبين نفسي
اللهم سترك لا أحد يشوف لا
أحد يفسّر ولا أحد يحچي
كلشي بهالبيت يصير عادي تقبل
سالفة بس دراستي ما أريدها
تنتهي بحچايه
ضلّيت كاعدة بالخط ساكتة صوت البنات يعلى ويختفي بس راسي كله طنين
لحد ما وصلنا للبيت دخلت ما
لحگت أرتاح صاحت أمي بصوت
الام :أنتي شلون ويّاچ شكو كل يوم جايين عليچ مو كتلهم ما عدنه
نسوان للزواج بعد شتريدين
من الناس
وكفت أحاول أتماسك بس صوتها وكلامها يجرح
شمس : يمه ما أعرف غير إنتي
تتفاهمين وياهم
الأم :يعني مو إنتي إللي تدزيهم
نور. : لو مو انتي تنطين امل للولد
مايلزك هيج
شمس : يمه شنو أني أدزهم شلون منين أعرفهم أساسا ليش مصدگين بيّه كل مشكله تربطوني بيه ونوب علاقه
حتى لو أكو شي هو إجه ويريد
يخطب ليش ليش تحچين وياي بهالطريقه غير تفرحين إلي مو
تحكمين عليه وكأني مذنبه
سكتت أمي محسيت غير راجدي
فرّت راسي الجهة الثانية لزمت
خدي من الوجع عيوني دمّعن من
القهر مو من الضربة باوعت عليها وعيوني تسأل ليش
الأم بصوت عالي أدبسزز
تريدين العالم تحچي علينه
تكول بنتهه تتمعشك بالمدرسة
وتدوّر زلم هاي التربية هاي
المدرسة
شمس. :يمه المدرسه تراقبنا
أكثر من البيت شلون أتمعشگ
شلون تصدگين هيچ
نور : ههههه يمه جذب كلشي اكو بالمدرسة ودليل جابت لنا هذا
مدكدك
الأم تصيح بعصبية
شنو من بشر إنتي خلّيتي حسن
ابن خالتچ يحبچ وكاتل نفسه عليچ ونوب هذا مادري منين دزيتي عليه
إنتي صرتي ما كدر عليج بعد
هنا حسيت الدنيا تدوركل حرف
منها مثل سهم مو بس تتهمني
دا تنزعني من نفسي
شمس : يمّه ما أعرف على شنو
جاي تحچين بس حسن
حسن أخو بنسبه لي والله ما شفت بي غير الأخ ولا يوم خليت راسج كدام واحد نازل وانتي تفكرين بيه هيج
الأم ::لا أخو ولا بطيخ إني انطيتچ اله وبالعطلة خطوبتكم
وكفت مكاني حتى كلمة خطوبتكم
نزلت مثل الحديد على صدري
منو قررمنو سألني
صرت ورقة يمررونها من إيد لإيد
ماريده ماريده أريد أعيش حياتي
أريد أكمل أريد أفرح مو كلشي زواج
هم ريف وحياتهم صعبه ضيم وأني بعدني طفله ما أتحمل هيچ حياة
شمس : يمه فدوه اروحلج ليش تسوين بيه هيج والله ما أشوفه غير أخو والله
الام ::مو على مزاجج تدرين إني أمج وأعرف بمصلحتج انطيتچ اله وخلصت وراح تتزوجين يلا روحي صبي الغده لخواتچ
ورا لحظة دخلن نور وسارة شافن
الوضع مشتعِل ونور حاولت تهدي
بس بدل التهدية صبت زيت على
النار
نور: :تره حسن خوش ولد شمس
وأحنه نعرفه شريف ومحترم يحبچ ومخلص شبيچ ما تقبلين بيه
سارة: حتى ماما ما غصبتچ بس
من حقها تزعل كل يوم ناس جاية
على بابنا وأنتي تسكتين محد يعرف
شنو اللي تريدينه
شمس :إنتو تحچون كأنو آني مرتاحة
بس إنتو سامعين يوم رغبتي عرفتوا شحس مو كافي خوش ولد ولا كافي يحبني آني ما أحس روحي إله ولا
أريده
يعني إذا ما أحب أحد أكون غلط
وإذا ما أقبل أكون موخوش شلون گولولي شلون أعيش وگلبي مو إله أعيش وجروحي تتخيط كل يوم
بكلمة خوش ولد إني مو شي
تنطوني لأي أحد
وتكولون يليق بيچ إني إنسانه
وأريد أحد أختاره مو أفرضه
على روحي بس ترضون علي
مااريد حسن يمه لا تكسرني
بهاي خطوبة
عافتني ومشت ولا كانوا داتشوفني اموت مشيت وگليبي مشتعل نار
نار تحركني من جوّه ما مصدگه
راح تسويها
شلون ترضى عليه أمي شلون
تنطيني لإنسان ما أريده
كتمت همي وخليته يتحول لحچايه بعيوني ساكته صبيت الغده
وصحتلهن بنبرة مزروعة بالتعب
شمس : يلا تعالن الأكل جاهز
اجن البنات تغدينه وكلشي طبيعي
بس كالعادة المواعين توكع براسي
گمت لميت الماعين ورفعت الصينية دخلت عالمطبخ وأخذت اغسل
المواعين ونور گعدت يمي
كلشي ما چنت أريد أسمعه چنت
بس أريد أخلص بس نور لازم
تخليني أنهار كله بالمطبخ
نور :سويلي چاي راسي يوجعني
شمس : لا رد
نور ::مو أحچي وياج جاوبي
شمس ::تندلين الطباخ لو أدليج بي
نور :لا اني راح ربيج اصبري
نور بصوت مصطنع يييمههه تعالي شوفي شمس شنو تحچي عليچ وعلينه
ما لحگت رد حتى عليها إلا وأمي إجتي على صوت نور وهيه تمثل ع امي
الام : شبيچن شكو ليش الصياح
نور وهي تمسح عينها
نور : شمس تكول أني مو خدامه عدكم بس گلتلها احمي الجاي لامي راسها يوجعها تكلي مو خدمة عد امج اكلها امج هاي لا تحجين هيج عليه تسويلي هيج بيدها طلعي يعني
اني ضليت فاكه حلكي من جذب وتصفيط
ندارت أمي عليه بنظرة لو گدرت تذب نار من عيونها چانت حرگتني
الأم :الظاهر انتي مشتهيَه كتله
شنو هالصلافة بعدني ماتكرمت وهيج ما تحترمين تتطاولين عليه
بغمضة عين مدت إيدها وسحبتني من شعري حسيت شعري انشلَع راسـي ينشد للورا نزل عليه اشكال غلط وسب ما دافعت عن نفسي
ولا حتى حاولت لحد متعبت
وأني گعده مثل حجر بزاوية حايط
ما نطقت بحرف لان مايفيد ولا راح يقدم شي عافتني مشت وكأنها ماسوت شي سحبت نفسي من الأرض
ما چنت أشوف بس دموعي چانت تحچي عني وجعي وگبل رحت على فراشي بعدها نمت مو نوم هذا هروب
چنت أهرب من وجعهم من ضربتها من نظرة نور وهي تشمت بوجعي ومن سوالف الخطبة
ماحسيت الا ع صوت امي
الام. :كومي كومي لج مو أحچي وياج
رفعت راسي بعدني مامصحصحه عدل وشفتها واكفة
شمس :هااا
الام ::كومي ذني النسوان اجن
روحي دخلي عليهن وكولي إلهم ما أريده ما مفكره بي ولا بلزواج كله
عافتني ومشيت
وكأنها عطتني أمر مو طلب وكأني جندي لازم أنفذ حتى لو كلبي يمه غسلت وجهي وعدلت ودخلت عالضيوف
شمس :السلام عليكم
أم مهند: : وعليكم السلام هله يمه
تعالي كعدي يمي گعدت يمها
ريحتهه طيبه وحجيها دافي
يلمس روحك قبل كلبك
أم مهند :يمه ليش ما تردين مهند والله يعيشچ ملكة هو بنه بيت وشكبره وراح يرجع وضيفته
شمس :خالة ما أگدر أني أريد
أكمل دراستي
أم مهند :يا يمه كمليها منو مانعچ هو تِخَبل من گلناله متريد تريد دراستها
كَال بس أعقد عليها وأسجلها
باسمي ورتاح أنتظرها العمر كله
شمس :خالة أني بعدني صغيرة ما مفكرة بزواج أحسه مسؤولية جبيرة
أم مهند : يمه ما تتزوجون بس
يعقد عليچ ومن تكبرين ياخذچ
ظليت ساكتةاستحيت منها وهيه داتخجلني بحجيها وطيبة كلبها
رفعت راسي
شفت أمي دا تخوزرني نظرتها
معناها تكول احچي كمت أريد
أروح
بس صوتها أمي ردني
الام :والله يا أم مهند هاي السوالف
ما تنضم بس هيه رايده ابن خالتها وهو رايدها وراح يعقد عليها بالعطله
أم مهند : كولوا هيچ من البداية
ليش تذلون بينارايحين رادين عليكم وأنتم تنطونه أعذار تافهه
الام :أنطيچ بنتي الأكبر منها
أم مهند: :خايبة ما تسكتين هيه
طماطة وأنا جاي أختار
الام :هههه لا عيني بس إنتو ناس
ما تفوتون ورِدت أنطيكم مرة
أم مهند :ما أگدر أتصرف أشوفلچ مهند وأنطيچ خبر
وطلعت
حتى ما باوعت بوجهي حقها
لو اني بمكانها اسوي ازيد
ما فهمت ليش حجت أمي هيج ليش هيچي ضحت بيه كانهاا ما دا تحچي عني كان تحچي عن سلعة ولا عن سمعتي
مرت الأيام وجاها الرد
أم مهند : لا ميريد غيرها وانسَد الموضوع
مهند ما شفته بعد ولا مره انتهى
مثل صفحة تنسد بكتاب طفل
ميحب دراسه
مشت الدنيا ومرت أشهر نفس
الروتين فترة امتحانات امتحنه اخر امتحان بالمدرسة طلعت من قاعتي
جانت غزل بعدهه وراه شويه لحگتني
بس چان شكلها غيرصوتها ساكت بس عيونها تحجي تشرد مني متخلي عينها بعيني
شمس :غزل تعالي وياي شويه
غزل :هاا حبيبتي شنو
شمس :غزل آني أحس بيچ شي
صارلج يومين مو طبيعيه
ساکتة تصفنين هواي تفكرين شبيچ
غزل : لااا شبيه تعبانة امتحانات
وتعب والله بس هذا
شمس :لا مو تعب ضامه شي عليه
غزل ::شمس بالله لا تخليني
أشرح ماكو شي صدگيني
شمس ::غزل آني مو غريبة احچيلي
إذا بيچ شي كوليلي.
غزل ::آني أحبچ موكلت لج بس أني محب اخر يوم امتحان بعد ماشوف
اقل شي اربع اشهر راح اشتاقلجج خليني ساكته هسه راح تبجيني
ماريد ابجي
شمس. : بس هيج
غزل : اي والله
شمس : مقتنعت بجاوبها
أوكي بس إذا بيچ شي لا تضمين
عليه آني وياچ دوم اختج امج
ودعتها وطلعت
اجه لخط نور تنضرني سارة بالبيت وزاري غزل خبله حضنتني الف مرة ههههه احبه حيل هاي بنيه اني
إجت النتائج
نجحت نور بدرسين اكيد امي
تواسي بيها وسارة بعدها لأنو
وزاري
بس أني ما حد گالي "مبروك".
وصارت عطله لي ااموت منها
اخلصها مشاكل وياه امي ونور
أمي متغيرت معاملتها بعدها مثل
ما هي ما تغيرت وياي ولاشويه
نفس البعد نفس الجفاف نفس
القسوة اللي تعودت أبلعها وأسكت
صرت أبتعد ما أحچي ما أحتك
أخلص شغل البيت وأروح للغرفه
لو أرسم لو أنام وأتمنى الوقت
يركض وترجع مدرسة بس هيه
اغير جو
مرت جم أسبوع كلشي بيها ميت
مثل المي البايت لا طعم لا روح
يومها چنت كاعدة بالغرفة
هادية بس سامعة صوت أمي
تخابرما ميزت ويا منو ولا فارق
وياي
بس فجأة سمعـت هلهوله
طلعت من غرفتي
لكيتها تضحك وتكول بصوت
فرحه
الام :عل خير ولبَرَكةيي
يي جاينكم هسهههه
سدت التليفون وباوعت عليه
وگلبت وجهها ناحيتي
الام : شـمـس
شمس : ها يمه
الام:: روحي انتي وخواتچ حضرن غراضچن راح نروح لبيت خالتچن
بس تجي سيارة وكولي عدي
رايحين شوفي يجي ويانه هو
مرته
شمس : ليش يمه شكو
الام : أيهم طلع من السجن...
لقراءة جميع فصول الرواية من هنا