رواية ماذا لو عاد معتذرأ الفصل الثالث عشر 13 بقلم ايته عبدو
كنت قاعده في الصاله بحضر لمن الباب دقه فتحته كانت بت شباب حلوه بس لبسه شويه منفتح كانت لابسه بنطلون جينز ومعاه هاي نك بدون طرحه وفاكه شعرها سلمت على
لنا: كيفك أنا لنا ممكن اتكلم معاك وتديني مويه
نون: طبعاً اتفضلي طوالي
دخلتها وقدمته ليها مويه وعصير وبقيت قاعده ما عارفه اقول ليها شنو أنا حتى م بعرفه اتزكرته كلام عدي إنو ما افتح الباب لزول غريب بس دي بت يعني ما ح تعمل لي شئ كانت بتشرب في العصير لمن عاينت لي لقتني بعاين ليها
لنا:عارفك اكيد بتقولي دي منو وكده تمام حاسه بيك ح اتكلم أنا لنا حبيبة عدي
طبعاً أنا هنا عاينت ليها مسافه كيف عينها قويه جايه بيتي وبتقول حبيبة عدي
نون: يعني اسي إنتي جايه بكل عين قويه في نص بيتي علشان تقولي لي أنا حبيبة عدي
ضحكت وهي بتقول
لنا:بيتك حلوه والعفش اخترتي إنتي والالوان برضوا متناسقه دي اختياراتك
طبعاً أنا البيت لحدي الآن ما عارفه الاختار العفش منو إذا عدي أو غيره
لنا:شكلك ما إنتي وإلا كان رديته طيب حابه اقول ليك إنو عفش البيت الالوان وكل ابره في البيت من اختياري حتى غرفة عدي أنا اخترته اللون البحبه باللون السماوي وعندي مكتبه عملتها لاني بحب اقرأ عدي كان دايرني أنا بس إنتي دخلتي وخربتي كل شئ وهو في لحظة زعله مني واقف يتقدم ليك لانه اهله كانوا ضاغطنوا ما حبا فيك
ما بكذب اقول كلامها ما أثر فيني لكن ده كان قبل ما أنا وعدي نعرس وده ماضي مستحيل ازعل منه بسببه
نون:ما فرقت إنتي ماضي عدي حبيبته وكنتي ح تكوني مرته لكن أنا حاضر ومستقبل عدي ومرته الحاليه يعني ما في شئ حصل زمان ح يأثر علينا
ضحكت باستهترار استفزاني
لنا: والله انك مسكينه يانون الكلام ده ما في الماضي أول يوم ليكم مع بعض عدي قال ليك إنو زواجكم ح يستمر لمدة سته شهور صح
طبعاً انصدمته لو هي صح كانت حبيبة عدي العرفه بالكلام ده شنو
ضحكت لمن شافت ردة فعلي
لنا:ايوا ما تخليك غبيه عدي قال لي إنو ح يقعد معاك سته شهور علشان الناس ما تتكلم عنك ويطلق ويقول ليه ما اتفقنا ويا ترى ح يعمل شنو بعد داك ح يجي لي أنا حبيبته ماضيه زي ما قلتي ويعرسني عرفتي الخطه كانت ماشه كيف يا حلوه وأنتي قاعده هنا شابكني بيتي وحاضره ومرته
رديت عليه بصوت عالي نسيبا
نون:عايني أنا مادايره معاك كذب وتلفيق اطلعي بره
لنا: اهدي اهدي يا نون ما كده براحه على اعصابك ما أنا عشان عارفاك ميته في دباديب حب عدي مستحيل تصدقي واحده غريبه تقول ليك الكلام ده أنا جبته معاي دليل تسجيل صوتي لعدي وهو حبيبي بوعدني انو ح يطلقك بعد سته شهور ويعرسني أنا
فتحته وأنا بعد كنت واقفه رجليني ما شالوني بسمع في التسجيل زي الحلم طلعت غبيه وطول الوقت مضحوك علي وأنا القلت عدي بقى بحبني وأنا كنت كل مره بعمل كل شيء علشان بحبه وسامحته كم مره على اهانته لي بس المره دي هو اصلا ما عمل لي اعتبار هو كان أول يوم لي في زواجي خلاني ببكي من الخوف عشاني يمسح دموع حبيبته هي ربتت على كتفي ومشت خلتني في وجعي خذلاني الاتعودته عليه من اقرب الناس لي في كسرتي وقهري يديني كانوا برجفوا من الوجع الجواي ما في زول بقدر يحس بي كل مره بقول الدنيا ضحكت لي بجيني الوجع من اقرب الأقربين لي في قعدتي دي جاء عدي ولقى الباب فاتح جاء علي وهو برجف من التوتر ومن حالتي الما بتبشر بالخير عاينت ليه وقمت على غرفتي وهو كان ماشي وراي
عدي:نون اهدي خلينا نتفاهم
نزلته شنطتي الصغيره وشلته معاي بس الحاجات الجبتها من بيتنا اما اي حاجه جابها عدي خليتها في مكانها وهو بقى يوقف فيني
عدي:نون المشاكل ما بتنحل كده هي مشكله صغيره ما تكبريها
لزيته وبقيت اصرخ في وشه
نون:مشاكل ما بتنحل كده يا استاذ عدي ها وريني أنت بتنحله كيف ومشكله صغيره أنت شايف خيانتك لي مشكله صغيره وأنا بكبرها صح ما أنا الغلط كنت دائماً بمشي ليك وبسكت على اهانتك لي لحدي ما اتغيرته بمزاجك ف اكيد اي غلط أنا السبب فيه وأنا البكبر المواضيع أنا يا عدي كنت بواسي نفسي إنو في يوم ح تحبني وتحس بي وبسكت لو احرجتي وأنت من ورأي كنت بتخطط مع حبيبتك خليتني ببكي علشان تمسح دموعها هي صح
عدي: أنا آسف يا نون أنا غلطان بس آسف اهدي وخلينا نتفاهم
نون:مافي اي تفاهم بينا عدي أنت ما دسته على رجلي علشان تقول لي اسف وأنا اقول ليك خلاص معليش أنت خنتني فاهم معنى الكلمه ولا مافاهم التفاهم الوحيد بينا ح يكون ورقة الطلاق لي سته شهور اربع شهور كفايه جدا انا ح احررك مني وأنت امشي عرس حبيبتك و ح ادعي ليك ماتخاف يا عدي ما ح ادعي عليك ح ادعي ليك تتهنى وأن شاء تلقى واحده تحبك نص الحب الأنا كنت بحبك ليه وبس
طلعت على الباب وكانت دايره امرق بس هو سبقني وقفل الباب ووقف فيه
عدي:لا لا يا نون أنا ما ح اخليك والله غلطة وندمته ما تعاقبيني كده ازعلي وأنا براضيك بس اطلقك لا ما تقولي كده
أنا هنا خلاص كل القوه الكنت راسمها انهارت اتكلمته معاها وأنا ببكي
نون:ما تخليك اناني يا عدي لمره واحده خليني أنا اختار اسامحك ولا لا ما تاذي وتفرض السماح خليني أمشي يا عدي يمكن الشئ ده يغفر ليك عندي
زحه وهو بعاين لي بكسره وأنا طوالي طلعت ركبته ركشه وأنا ببكي من القهر بتاع الركشه كان عمو كبير قال لي
بتاع الركشه: الله يصلح حالك يابتي ياها دي الدنيا كلها ابتلاء من ربنا وبعدي وبجيك العوض البنسيك الابتلاء ده
لحدي ما وصلته البيت وحاسبته ونزلته دموعي ما وقفت دقيت الباب وفتحت لي امي لانه أبوي بكون في الشغل لمن شافت حالتي دي دخلتني وهي مخلوعه وبتسال فيني
ندى:نون يابتي بسم الله الحاصل شنو ما تقطعي قلبي عليك عدي كويس مالكم في شنو
دخلنا الصاله لقيت عفراء قاعده قعدته وحضنته أمي وأنا ببكي وبتنهد
نون: عدي خاني يا امي عدي كان عايز يطلقني بعد سته شهور علشان حبيبته يا أمي عدي ضحك على كان معرسني علشان يرضي اهله وبعدها يطلقني أنا عايزه بس اطلق
عفراء استأذنت ومشت بيتهم وامي هدتني ودخلتني غرفتي نومته من البكى
________________________
_*أيمن::*_
بعد عفراء كلمتني إنو نون دايره تتطلق أنا مشيت احجز بس للاسف ما لقيت حجز إلا تاني يوم وأنا نفسي امشي اسي لميت كل الحاجات الكنت طول سفرتي بشتريها ليها كان نفسها من زمان تجي تركيا وتشتري الحاجات دي وكل مره توريني صوره وتقول لي أنا لو مشيت تركيا ح اجيب ديل وديل وأنا حفظتهم وجبتهم ليها كلهم مليت شنطه كبيره ليها وشنطه فيها حاجات لي امي وعفراء وعماتي وشنطه لي أنا وجهزته هدومي الماشي بيها من بليل وأنا لو علي اقوم امشي هسي بس مافي مشكله يوم واحد وأنا ح اكون معاك يا جنو يوم واحد بس نمت لأول مره وأنا مرتاح بعد اربع شهور نمت وأنا حاسي روحي اتردة لي اكيد نون زعلانه لأنها بتحب عدي لكن أنا ح انسيها كل شئ راجع ليك يا جنو
________________________
_*عدي::*_
بعد نون مشت البيت بقى زي المافيه حياه نون كانت حياته يوم كامل بدون نون بقيت اسمع صوتها في كل مكان في البيت في المطبخ وهي بتغني وتغسل العده ولمن تعمل كيكة الشكولاته ولمن تكون بتحضر في الصاله ما قدرته اقعد في البيت وهي مافيه مشيت بيتنا فتح لي عدنان وهو بعاين ورأي
عدنان:هي برو نون وين هي بتكلم معاك
بس أنا ما فيني طاقه ارد عليه بس عايز اصل لي أمي هي الوحيده الح تفهمني مشيت ليها لقيتها بتقرا في قرآن لمن شافتني قفلته وختته في الطربيزه مشيت قعدته جنب رجولها وختيت راسي في رجلها
هاديه: عدي حبيبي أنت كويس مالك ماله نون ماجات معاك كويسه هي
عدي: أمي نون قالت دايره تطلق مني
ماذا إذا عاد معتذراً1؟.
والله لا اسفا عليه ولا نحن لاسفه متقبلون وثم والله ولو عاد وآسف الدنيا كله على ثقليه م كونه راضين به ولا باسفه بل نحن المتاسفون على كل شيء وكل وقت لن نقول قضينه معه بل وقتنا ضاع سدا معه اسفون ومتاسفون لكل لحظه كنا مخلصينه بها معك وانت لم تكن الا ضياع زمن فاذهب انت واسفك ولا تعود حتى لو كنت معتذراً ...
يتبع..
لقراءة جميع فصول الرواية من هنا