رواية ماذا لو عاد معتذرأ الفصل الرابع عشر 14 بقلم ايته عبدو
فلا مرحباً به ولانحن مرحبون فكيف يعود وهو حين كن نكسر كان مبتهج ونحن وقت بكانا كان يموت ضحك وهل يلدغ الشخص من جحر عقرب مرتان وانت في حكايتي كنت عقرب تلدغوا وتبخ سمها في حياتي وها أنا تاعلجت من سمومك واخذت مصلا ضد لدغك وتقول لي فالنعود فوالله لو كان لي بعودتك كل رفاهيت الدنيا وما فيها فعيد واكرر لامرحبا بك ولانحن مرحبون*
_____________________________
صحيت عيوني مورمات من البكى فجاء جاء ماري قدامي البت الاسمها لنا وكلامه وعدي الما انكر الكلام قمت استحميت لعل النار الفي قلبي تهدى طلعت وقعدته في السرير وأنا سرحانه جات أمي لقيتني في قعدتي دي
ندى: يا بتي حالتك دي ما عجباني اقعدي اتفاهمي مع عدي طيب
نون: أمي عليك الله ما عايزه اتكلم في الموضوع ده اسي
ندى:تمام قومي البسي علشان ماشين ناس خالك
نون:ما ماشه امشي إنتي
يابت بطلي ارح ود خالك جاءعشان نحمد ليه السلامه نون:ود خالي منو الجاء
ندى:جنيتي إنتي عندك كم ود خال وكم خال ما أيمن
والله انبسطه كيف ايمن رجع ما مصدقه لكن فجاء اتزكرته يوم كان مسافر والكلام القالوا لي وأنه قطع علاقته بي
نون:ماماشه أنا أمشي براك
ندى:اجي يا بت جنيتي
نون: أمي عليك الله أنا الفيني مكفيني ما ماشه ليهم لو ماشه امشي بدوني ساي
عاينت لي بغيظ ومرقت مني وأنا قعدته افكر بالجد مخي مشوش بجهه عدي والحصل ومن جهه أيمن الجاء فجاء بعد قرر يسافر ويشوف حياته الحصل شنو الرجعوا فجاء
________________________
_*أيمن::*_
صحيت الصباح بدري اتاكدته من كل حاجاتي وطلعن هدومي وجهزته وطوالي على المطار ما مصدق اللحظه الح قابل فيها نون كلمته عفراء تدق لناس عمتي ندى علشان توريهم ويستقبلوني في البيت قعدته في صالة المغادرة لحدي ما زاعوا رحلتي طوالي اتحركته وأنا سامع ضربات قلبي ماشه قدامي وكأنها بتقول لي اجري عشان نلحق نون الاستولت علينا ركبتا الطياره وأنا خلاص حاسي نفسي من الاستعجال أنا الداير اسوق الطيار عشان اصل بأسرع وقت ممكن أول ما وصلت ركبته ترحال لانه عربيتي موقفه في البيت وصلت وأمي وعفراء الاحضان والبكى وعمتي ندى زاتها معاهم بعد انتهيت من موال السلام بقيت اتلفت بفتش بعيوني عن نون وعمتي فهمتني جات جنب اضاني وهمست لي
ندى:حاولته معاها بس ابت تجي
هزيت راسي وبديت اوزع في الهدايه
أيمن: هندي يا أمي مجموعة العطور الكنتي طالبها
طبعاً عفراء منتظره دورها تعاين لي ساي
أيمن:وده التلفون الهونر لاحلى عفراء ولسه هدية المفاجأة براها
حضنتني وهي بتضحك
عفراء: والله احسن أخو في العالم
أيمن: أي حنكيني كويس
قبلته على عمتي
أيمن: وده طقم الملايات الخامه التركي البتحبيها
ندى:ما بتقصر يا أيمن ولدي ما كان في داعي للتعب وآلله
أيمن:تعب شنو إنتي أم الغاليه
وطبعاً أمي تعاين لي بطرف عينه
مريم: أنت يا ايمن ولدي الشنطه الكبيره ديك حقت منو ما فتحتها
أيمن: لا لا ديك امانه وزاتوا ماشي اوديها لاسيادها
مريم:يا ولدي أنت اسي تعبان جيت من السفر اسي اقعد ارتاح حبه اسيادها ديل ما بتنظروا
أيمن: والله يا أمي أنا الما بقدر انتظر
ندى: أنا يا جماعه استذن بعد ده
مريم:هي صحي يا ندى ما عجبني لنون والله
ندى:ما يعجبك شين يا مريم نصيبه عاد نسوي شنو
طبعاً كلام أمي لعمتي نهاي ما عجبني لكن ما مشكله أنا جيت علشان احل كل الحاجات دي قريب بس
أيمن:ارح يا عمتي بوصلك في طريقي
طلعنا وعمتي فهمتني أني ماشي معاها وصلنا البيت ونزلته الشنطه عمتي عاينت لي باستغراب
ندى:دي شنو دي المنزله عندنا دي مشى امانه حقت ناس
أيمن:اي ما وصلته بيت ناس الامان دي حقت نون
ندى: والله يا أيمن بتبالغ دي كلها لنون
أيمن:ولا ببالغ ولا شئ بس خلي نون تواقف بي والله اكتر مني وأكبر لو دايرها اجيب ليها عشرين واحده
ندى: الله يهدي سركم يا اولادي
دخلنا وأنا بفتش عمتي مشت على المطبخ وهي بتقول لي
ندى:نون في غرفته امشي وأنا اجيب ليك العصير واجي
فعلا طوالي مشيت على غرفتها دقيت الباب قالت اتفضل دخلته لقيتها فاتحه كتاب وقاعده في نص السرير ريحتها في كل مكان يادوب حسيت نفسي عايش أنا كيف حرمته نفسي منها اربع شهور والله كنت ح اموت هي لمن حست الزول الدخل ده ساكت رفعت رأسها واتخلعت لمن شافتني وقفت وبقت تعاين لي ودموعها جاريه لمن حسيت السكوت طال حاولت اكسره بكلامي
أيمن:اشتقت ليك يا جنو
هي دموعها زادت أول ما كنت ماشي عليها وأنا بتكلم
أيمن:شوفي جبت ليك كل القائمه الكنت كل يوم تسجيليها في مذكراتي علشان ما تضيع في الشنطه دي ما اشتقتي لي ولا شنو
كأنها استوعبت نفسها جات على ولزتني برا ومعاي الشنطه وقفلت الباب بدون ولا كلمه كأنها حالفه تحرمني اسمع صوتها بقيت ادق الباب وأنا خلاص بديت أنهار
أيمن:جنو أنا مونه معقول تعملي فيني كده خلاص افتحي الباب خلينا نتفاهم أنا آسف علشان مشيت وعلى كل كلمه قلتها نون عليك الله ردي علي
جات عمتي وختت يدها في كتفي
أيمن: عمتي اتكلمي معاها خليها تفتح لي ونتفاهم
ندى:خليها اسي مضغوطها ومع موضوع عدي أنت عارف لكن اول ما تهدى ح تجيك دي نون يا أيمن ما تنسى أنت اسي أمشي ارتاح وشيل حاجاتك ديل
أيمن: مستحيل اشيل حاجه جبتها لنون حتى لو هي ما دايرها خليها برضوا متى ما ترضى تشيلها لكن أنا ما ح اشيل اي شئ
طلعت ومشيت بيتنا وأنا حالف إنو المره دي نون ما ح اضيعه زي المره الفاتت كفايه الحصل لي بعد ضيعتها مني
________________________
_*نون::*_
بعد أمي طلعت حاولت أني اتناسى الموضوع شلته كتاب وقعدته وأنا بقرأ الكتب دائماً ما فشلت تنسيني همومي بدخل في عالم الكتاب وبنسى كل الحولي لحدي سمعت صوت باب الشارع عرفته أمي جات وبعد شويه باب غرفتي دقه استغربته قلت أمي من بتين بدق الباب بس قلت يمكن دايرهأكد أني نايمه ولا صاحيه قلت ليها اتفضل وأنا مركزه مع الكتاب علشان ما تفتح لي موضوع ايمن أو عدي بالجد أنا ما قادره وبحاول اتناسى فيهم الاتنين بس لمن سكاتها طال رفعت راسي اشوفها ماله اتفاجاته أنه ده أيمن معقوله أنا كنت شبه متوقعه يجي بس ما في نفس اليوم بس هو لي عامل كده اتغير ضعف شعره كتر وكمان و خالي بطريقه عشوائيه وهو عمرو ما عمل كده بهتم بشعره اكتر ما أنا بهتمه بشعري والله بكيت عليه معقوله أيمن بقى عامل كده ولمن قال لي
أيمن:اشتقت ليك يا جنو أنا بكيت اكتر والله أنا كمان اشتقته لايامنا سوا مع أني زعلانه منه لكن ده مونه في النهاية ح اعاقبه واخلي يندم لكن اكيد في النهاية ما بقدر ما اصالحه لمن كان بتكلم أنا طلعته برا مستحيل اسامحه بالسرعه دي بعد مشى أمي جات داخله تحمر لي وهي جاره الشنطه الجابها ايمن لي وبتقول لي
ندى: والله ما يستاهلك لكن نقول شنو بس
طبعاً ما فهمته حاجه وطلعت وخلتني أنا والشنطه بعاين ليها وخلاص نص ساعه ما عارفه صبرتها كيف طوالي جريت عليها وفرشتها في نص سريري شئ مكياجات لبس عبايات استقبال وجزم وشكولاتات وورد وعطور حتى التلفون لقيت لافي لي في لبسه عشان ما يتكسر والله اليوم ده قضيته قصاد الشنطه بس وامي وابوي لمن جوا يفقدوني ولقوني قاعده في نص الحاجات مرقوا خلوني
________________________
_*عدي::*_
لمن قلت لامي كده ما اتخلعت وقالت لي
هاديه بعد عملتك البطاله دي ليها حق البت تطلب الطلاق أنا ما بلومه
عدي: أمي عليك الله ما تزيدي على أنا ما ح اطلقها ساعديني يا أمي
هاديه:ح اساعدك بشرط لو هي رفضت وبقت مصره على الطلاق أنا ما بقدر اجبرها وأنت ح تطلقها
رفضته بس أمي قالت لي هاديه:ده قراري موافق ح أمشي معاك غير كده ما عندي اي شئ اعمله
انجبرته اوافق وأنا بدعي من كل قلبي حب نون لي يشفع لي قدامها وما تصر على الطلاق
أمي قالت نمشي بكره وأنا بكره دي شايفها بعد دهر عديل من الأنا فيه ده لكن ما مشكله *"أن غدا لناظره قريب"..............* *
*ماذا إذا عاد معتذراً 3؟. *
*بعد كل الكره والغل الذي كنت احمله في قلبي بعد حبي لك ها قد عاد حبي لك واستوالى على قلبي من جديد بعد كل هذا الهم الذي اغرقتني به غرقه قلبي بك مغرم بعد اهمالك لي اقبلك بعد عدم حبك لي اقبلك وبعد كرهك لي ها أنا اقبلك وبعد ان قولت والله ان عاد معتذراً لارده بخيبات الامل ولكن ها انت عدت معتذرا ورد قلبي عقلي الذي خطط لي كسرك هو بخيبت الامل وها انا الان اركض اليك كفتاة رات والدها عاد وهو محملواً لها باللاعب وها أنا حين ريتك لم احمل ان اقف وانتظر وصلك وركضت لك كالطفله وانا من قلت إذا عاد معتذراً لا مرحبا به ولا نحن مرحبون ها أنا اركض الي احضانه ترحيبا وتهليلا به كملك عاد من معركته منتصره وها انت عدت معتذرا وها أنا لك منكسره...
يتبع.....