رواية أسير الأحلام الفصل الثاني 2 بقلم جمال المصري
بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
تحياتي_يا_اجمل_اصدقاء_ومتابعين
جاسم يدخل المغاره عشان يوصل للنور ده جاي من فين لكن مش يلاقي اي مصدر له ويقول في نفسه خلاص انا لازم اعرف ايه حكاية الحلم ده حتي لو هيكون اخر يوم في عمري كده كده لا بقي عندي شغل ولا حتي معايا قرش واحد اكل بيه وهو ماشي يلاقي علامة كف علي صخره كبيره يقرب منها ويحط كفه علي الكف ده وهنا المغاره تزلزل وجاسم في لمح البصر يلاقي نفسه في مملكه غريبه مظلمه ويقول بصوت مسموع هو انا فين و يقوم من علي الارض و يشوف كل حاجه كان يشوفها في الحلم وحوش وتنانين طايره وسط سحاب اسود وناس شكلهم زي البشر لكن مش بشر وهنا يجري جاسم و يحاول يستخبى لكن فجأة صوت الرعد يزلزل المملكه والبرق من وراء السحوب السوده بينور وبيدي امل لسكان المدينه انه ممكن في يوم يشوفوا الشمس و تصحي الاميره امريتا علي صوت الرعد
امريتا .. بتنده علي الوصيفه بتاعتها لمي
لمي .. بتدخل علي الاميره وهي مزهوله وبتقول بفرحه دي البشره يا مولاتي المخلص جه
امريتا.. انتي بتحلمي يا لمي مستحيل يقدر يوصل هنا وانتي عارفه انه حتي لو قدر سارومان مش هيسيبه يعيش
لمي .. انا عايزه اعترف لك بحاجه يا مولاتي
امريتا .. قولي يا لمي عملتي ايه اوعي يكون الي انا بفكر فيه
لمي .. بصت في الارض انا من سنين كنت بطوف الارض و ببحث عن الامير سنان وأخيرا لقيته ومن سنين وهو عايش معانا بس في احلامه وعشان اقدر اجيبه بعت كبيرة السحره وبعد الي حصل في مملكة جَنوريث انا تأكدت انه فعلآ هنا
امريتا .. انتي ازاي تعملي كده اعمل ايه فيكي انا ضحيت بنفسي من سنين عشان سنان يعيش ومن الاف السنين لما سارومان غدر بسنان وطعنه غدر بالخنجر المسحور وقتها انا وكبير السحره قدرنا ننقل روح سنان لعالم الانس وبعد الالف السنين رجع سنان في جسم جاسم
لمي .. يعني انتي كنتي عارفه مكانه طول السنين دي
امريتا .. ايوه طبعا وما كانش بيغيب عن عينى لحظه وهو الي كان مهون عليا سجن سارومان وكنت بستمد قوتي منه بس ازاي انا معرفتش كل ده
لمي .. مولاتي انا طلبت من كبيرة السحره انك ما تعرفيش وهي ضحت بنفسها عشانك و دلوقت هى في عالم البشر ومش عارفه ترجع
امريتا .. مش عارفه اعاقبك ولا اشكرك بس دلوقت لازم احمي سنان باي تمن حتي لو كان التمن حياتي وتقوم من علي السرير وتتحرك وتلمس درع سنان ولبس المحارب بتاعه لكن مره وحده الدرع يتحرك ولبسه كمان ويطير في الغرفه ويكسر الشباك ويطير في السماء
لمي .. بتنزل علي ركبها العفو والسماح يا مولاتي
امريتا .. ده مش وقت العقاب لازم نتحرك بسرعه اكيد سارومان حس بكل اللي حصل ولازم سنان يختفي بسرعه لحد ما ترجع له قوته وجيشه
لمي .. انتي ممنوعه من الخروج من القصر بامر سارومان انا هختفي وفي لمح البصر هخفي الامير سنان و جيبه علي هنا
امريتا ..بسرعه يا لمي وخلي بالك حراس الظل في كل مكان لو حد شافك او حس بطيفك وقتها كلنا هنكون في خطر
لمي .. حاضر يا مولاتي وتختفي
امريتا .. معقول بعد البعد ده كله نتجمع انا والامير سنان قلبي سعيد وفي نفس الوقت خايفه ارجعي بسرعه يا لمي و معاكي الامير سنان
جاسم .. وهو بيبص علي السماء والبرق بيشق السحب السوده لقي شئ جاي من السماء ناحيته ولحظات وكان لبس لبس المحارب والدرع الذهبي
سارومان قاعد علي العرش ومع اول صوت رعد العرش اتشق نصين و سارومان قام مفزوع وهو بيصرخ مين الي اتجراء ودخل مملكتي بدون اذني
كبير السحره .. دي مش علامة خير يا مولاي معقول تكون النبوءة هتتحقق
سارومان .. نبوءة ايه يا كبير السحره
جنثار .. بيترعش لا يا مولاي انا بقصد نبوءة جوازك من الاميره امريتا واستمرار اللعنه علي مملكة جَنوريث بجوازك منها مستحيل اللعنه تتفك و هتفضل المملكه تحت سيطرتك والظلال والوحوش بتحميها و هيبدأ عهد جديد يا مولاي
سارومان .. لكن امريتا عنيده
جنثار.. الرعد ده علامة انتصارك والعرش الي انشق نصفين ده علامة زوال مدينة جَنوريث القديمه لتبدأ عصر جديد تحت حكمك
سارومان .. رغم كلامك لكن انا حاسس بخطر ولازم اطمن ٠٠٠٠ يا قائد الظلال
جهور .. اوامرك يا مولاي
سارومان .. انشر جنود الظلال في كل المملكه و اتاكد ان مفيش دخيل علي المملكه
جهور .. امرك مطاع يا ملك ممالك الظلام و بيختفي وفي لحظات بيكون وحوش الظلام وجيش الظلال منتشرين في المملكه واهل المملكه في خوف و زعر والكل بيختفي في لمح البصر ويلزم بيته والخوف ملا المكان جاسم بيبص حواليه يلاقي الناس كلها اختفت مره وحده ويتحرك ويمشي في شوارع المملكه ويلاقي السحب السوداء نازله من السماء وتحيط بيه و لمي تظهر وفي لمح البصر بتاخده من وسطهم لكن ما بتقدرش تبعد و بتستخبى وهي عارفه انها هيتقبض عليها وان جيش الظلال مش هيسيبها وفعلا السحب السوداء تقترب من لمي وجاسم
جاسم .. انتي مين وانا فين وايه الي بيحصل ده انا مش فاهم حاجه وسكت لحظه انا شوفتك في حلمي
لمي .. اسكت يا امير سنان جنود الظلال لو مسكونا هتكون نهايتنا احنا والاميره امريتا
جيش الظلال يقرب اكتر من المكان اللي فيه لمي وجاسم
وهنا يظهر جنثار ويصرخ في جنود الظلال انته بتعمله ايه هنا الملك سارومان يأمركم تدوره في جبال تركان الجيش بيقولوا الامر المطلق للملك سارومان و بيختفى و جنثار يقرب من لمي اظهري يا لمي
لمي .. تظهر انت اخر شخص كنت انتظر انه يساعدنا يا كبير السحره جنثار
جنثار .. معاكي حق لكن بعد ما خبر موت الامير سنان انتشر كان لازم اخضع لسارومان وإلا كانت المملكه هتنتهي لكن بعد رجوعه هتكون للامير سنان وينزل علي ركبه تحياتي يا مولاي الامير سنان
جاسر .. انا مش فاهم حاجه انا مين وايه سبب وجودي هنا وليه حاسس اني اعرف المكان و اعرفكم انت كمان رغم اني اول مره اشوفكم
جنثار .. ده مش وقته يا مولالي المهم دلوقت اخفيك بعيد عن الوحوش وجيش الظلال وعيون الخاين سارومان
لمي .. مفيش مكان امن غير قصر الاميره امريتا
جنثار .. فعلآ كلامك صحيح يلا وانا هخفيكم عن كل العيون
لمي بتمسك ايد جاسم و تختفي جاسم يلاقي نفسه في قصر غريب الشكل الارض زجاج وتحتها مياه وسمك عايش تحت الزجاج شاف طيور غريبه شكلها عجيب وجميل وفي اخر الممر شاف الاميره امريتا اول ما شافها افتكر الحلم لما كانت مسجونه و تستنجد بيه وبدأ يفتكر جزء كبير من الماضي لما سارومان طعنه بالخنجر المسحور واخد الاميره امريتا و اختفي ونزل علي ركبه وهو حاطط ايده الاتنين علي راسه و بيصرخ وعقله في صراع بين الماضي والحاضر
عباد_الله_وحده_الله