رواية شمس الايهم الفصل الاربعون 40 بقلم شهد الدليمي
لمن فقدت الامل جتي محبتك الي تعويض رباني يل تستحق العمر
ايامي كله الك واحد وره الثاني
❖❀❖❀❖❖❀❖❀❖
هسه شغلت السيشوار سمعت
الباب ينفتح بهدوء بالي راح ع
أيهم أبتسمت بدون لا أشوفه
گلت
ـ بعدني ما خلصت ترى ولا تكلي
نزعي ولا تكلي مسحي مكياج
رفعت عيوني من المراية وشفت
انعكاس بالمراية تجمدت اللي بالباب
مو أيهم خطى للباب دخل وقفله
وصوت الباب قفل المفتاح احسها
صارت صدى بالغرفة عيون عليه
حسن هذا
كبل سبحت جرجف چرباية استر
روحي بي وهو عيونه عليه
- شتسوي شلون دخلت هنا
اطلع حسن
ساكت منطق بحرف بس يتقدم
بتجاهي واني روحي راحت خفت
يجي ايهم ويشوفنه بهل وضع
يكتلني ويتكله
- حسن الله عليك لا تتقرب مني
ليجي أيهم ويشوفك و تصير
مصيبةليش سوي هيچ شنو
جابك لهنا
- حسن طلع دخيل الله لا تخرب فرحتهم لا تخرب بيت أخوك
رفع راسة لي يحجي ويتقدم
للبنات نزل راسة باسهن ويحجي
حسن : ما صرتي إلي وشوفچ سعيدة وياه صار عندچ حياة وأنا اتحسر
عليچ كل يوم ليش شنو فرقي
عنه
شمس : حجي هذا راح وقته
وانت تعرف حسبتك اخو لي مفكرت
بيك غير شي
حسن : بس اني افكرت ورسمت
احلامي وياج بيتنا اطفالي حبي
لج حت جنت مخطط اني زرع
حبج لي بس ايهم اخذج مني
شمس : مااخذ شي ايهم انت قربتني
لايهم بتصرفتك بخططك بكل مرة
يجي ايهم يطلعني من سوالفكم
قذرة
تقدم لي اكثر صار يفصل بينا بس
كم خطوة يباوع عليه من فوك
ليجوة وعيونه ع ركبتي
حسن : محد حبج بكدي حت
ايهم لي خابص دنيا بيج محبج
بكدي
مارديت عليه بس بالي موقف ايهم
وردة فعله من يشوف حس عقلي
صار مايسمع كلام منه صرت مافسر
شي من ليحجي
تقرب لي اكثر عيونه بوجهي
رفعه يدة يريد يخلها ع خدي
عطت بي
شمس : ايدك لا تمدها عليه
بتسم ورجع يباوعلي بنفس
نضرات رفع إيده وره ظهره طلع
مسدس وكبل سحب اقسام وياه
سحبت اقسام شهكت ايدي ع
اذني هويباوعلي عيونه كلها
دموع وكال
- اني وانتي خلص عمرنه هنا
شمس :شنو خلص عمرنه شتحجي ذبةهذامن ايدك داتخوفني لا تحچي هيچ كافي وجع كافي خراب شنو
ذنبه أيهم شنو ذنب بنات
حسن : اني شنو ذنبي احبج واحلم
بيج كل يوم وتاليتج بحضن اخوية
رفع مسدس خله بوجهي ونزله
من وجهي لخدي لركبتي يحرك
بي وجسمي مقشعر من ملمس
مسدس والخوف اريد انطق
بكلمة ماكو مكدر
حسن : صرتي له وعلامة حبة لج
بجسمج
- ما چنت أريد أوصل لهاللحظة
بس حبچ خنكني خلاني أضيع نفسي
وياه مخلص كلام بجت رزان
حسن : اي بجوا عليها من هسه
وكعدت روان ع صوت رزان و
بجن سوة ضلن يبجن صوت قوي
ندار عليهن راح لهن واني عيوني
راحت ع جهازي ع ميز تحركت
سحبته وخليته بيدي جوة جرجف
اريد الازم جهاز عدل ايدي ترجف
هو يباوعلي ويباوع لبنات هسه
يريد يحجي باب غرفة ندك
ام حر : يلا يمة شمس وين صرتي
اجة حر وسارة تريدج
مارديت ساكته باوع عليه هو
يباوعلي يحرك بحاجبة معناها
ردي عليها
اريد انطلق كلمة متطلع مني
بس دموعي تنزل وعيوني
ع لسلاح لي بيدة تقدم يمي
بخطوات سريع وحجة
حسن : ردي عليهاا
شمس : اي عمة هسه اجي
ام حر : شبيج يمة شنو داتبجين
شمس : لا عمة هسه اجي
ام حر : فتحي باب خل اشوفج
ضليت ساكته مارديت دكته قوي
شوية وراح صوتها وعلت اغاني
واهلهل
حسن : ماردتج تموتين ع يدي
شمس : شتحجي انت حسن ليش
هيج سوي بروحك
حسن : انتي بلشتي كتلج ماتحمل
تصيرين لايهم
مارديت عليه اريد بس اسيطر
ع رجفت ايدي حت اتصل ع
ايهم لان بلشت حفلة ماراح
يدخل للبيت لحد متكمل
هو يحجي ويفتر بالغرفة اني
نصيت صوت فتحت جهاز
اتصلت عشوائي مادري عليمن
فتح خط او لا مادري بس لي
اعرفة جهاز تصل
رفع المسدس بإيده يده ترجف
وكف مقابيلي صوته مبحوح
- طلقة وحدة شمس وخلص
تخلصين من كل وجع وتخلص
روحي وياج
- حسن لتسوّيها ترى مو هاي
النهاية صدگني مو نهاية تكدر
تعيش حياتك ليش تضلمني
وياك خاف من ربك
قرب خطوة المسدس بعده موجه
عليةيده ترجف وعيونه تتنقل بيني
وبين الكاع
حسن :أني ما ظل بيه شي شمس
انتي أخذتي كلشي وراحتي شتريدين أبقه تعذب كلشي راح حتى روحي راحت وياج
ثواني حسّيت روحي راح تطلع
صوت المسدس يرن براسي حتى
قبل لا يصير شي.
ثواني وسمعنه طگّة قفل الباب
انفتح دخل ايهم أول ما شاف
حسن والمسدس بإيده عيونه
توسعت
أيهم صاح بصوت عالي يهز الغرفة
- حسن شنو تخبلت شتسوي
حسن : طلع برّة لا تخليني أكتلها
كدام عيونك أيهم
أيهم ما رد تقدم عليه خطوة ورا
خطوة
- حسن نزل المسدس مو بعقلك
انت هذا مو إنت اسمعني
حسن : لا تتقدم والله اسويها
أيهم ظل يتقرب وأنا جسمي تجمد بمكاني كأنه رجلي ثبتت بالكاع
وصرت بضهر ايهم هو موجهه
مسدس علينه يدي لازمت قميصه
بقوة
حسّيت أيهم يمد إيده وراي
بصوت هادي كالي
- لا تخافين أني يمّج ما أخليه
يأذيج
حسن صاح بصوته ويدة يضرب
بيها ع صدرة
- حتى بحبّي سابقتني عليه كلشي
تاخذ مني ليش ليش إنت مو أني
ليش اخذتها مني مو اخوك مو
تدري بيه احبهاا مو اجيتك اتوسل
بيك حتى تصير لي
أيهم: لأنّي ما خليت الحقد يعميني
حسن أني أحبك وأخاف عليك بس لتكسر روحك هيج هيه جانت
متريدك اخذها لك شنو
واني ظلّيت وراهم دموعي تنزل
كلشي بالدنيا سكت إلا صوت حسن
وهو يحجي ويلوم باايهم
أيهم ظل يحچي وياه بس بيه
رجفة خوف عليه
- خل نهدى ونحچي
حسن بعده واكف المسدس
بعده مرفوع نص رفعة بوجهنه
صوته مبحوح من كثر ما صاح
- كلكم جذابين كلكم
وانا ضليت ورا أيهم لازمة يده
كل لحظة أتخيل الطلقة تطلع
بهاللحظةدخل حر بخطوات سريعة
وكف ورا حسن بدون ما يحس
بيه
أيهم بعده يحچي حتى يشتته
- حسن انته مو قاتل اسمعني
كلشي نقدر نصلحه مو بوعيك
انت هسه
بلمحة عين حر مد إيده
لازم جتف حسن بقوة وسحب
المسدس من إيده بحركة سريعه
وحسن ما لحگ يفكر انخطف
المسدس من قبضته
حسن التفت بصدمة
- شتسوي
حر سحبه بقوة من جتفه
ويحجي بحركة
حر : لك قن* * بوجه منو
رافع سلاحك
ودفعه برة الغرفةأيهم ركض
وراه وحر يجر بحسن
للصاله وهو بعده يصيح ويبچي
- بس خلوني أرتاح
واني ظلّيت بمكاني
جسمي يرجف دموعي نازلة
بدون صوت بس كلبي بعدها يدك
بعدني اسمع صوت المسدس
طلعوا حسن برة ظل صوتهم
برا يصيحون عليه ويهدّوه اصوات
اخواته يدعن عليه واني بعدني
بنفس مكاني ما كدرت أتحرك
رجلي ما تشيلني كلشي بداخلي
يرجف كعدت بهدوء لميت روحي
إيدي ترجف دموعي نازلة صرت
ماسمع اي صوت ماكو صوت بالدنيا
غير نفسي العالي
حسيت بخطوات جايه بهدوء
رفعت عيوني وشفت حر داخل
وجهه متغير ملامحه متوترة
حر: شمس بيج شي
ما حچى ما گدر
جاني ركض لازمني من جتفي
كبل حضنته بقوة وأنفاسي انكتمت
بصدره
واني مجلبة بيه بااثنين ايده
أبچي وأغص ما تطلع الكلمة
مني
هو هم ما حچى بس إيده تمسح
على شعري بهدوء
- بعدج بخير لا تخافين أني يمّج
والله لطيح حضه لج
❖❀❖❀❖❖❀❖❀❖
سارة *
كلشي صار بسرعة چنت أظن
الموضوع بعده بعيد
آخر مرة جيت لهالبيت
چانوا يريدون يذبحوني
وهسه دا يعقدون بي لي
الدنيا غريبة ما تعرفين شلون
تنگلب بثواني
بس الفرق هالمرة
اني أريد من كل كلبي
أبو حر بعده معاند ما راضي
يجي بالمشية ام حر كالت مريض
حت ماتضوجني بس كلنا نعرف
السبب ما يريدني ما مقتنع بيه
سمعته يحجي وياه ام حر وحر
يقنعون بي علمود يحضر المشية
وياه ابنه ام حر كالت له
ام حر : شعدي ميت واحد هو بس
هل واحد ليش تخرب فرحته
ابوحر: يگدر ياخذ أحسن منها
حر: ما أريد أحسن منها أريدها هي
ام حر : هاي انت عمها وهيج تحجي
شخليت للغريب
ابوحر : ماحضر هيج عقد وهذا
زواج مارضى بي تريد تزوجها
كوة عليه ازوجهاا
حر باوع ع امة وكال
حر : يلا يمة حضري للبنيه خل
نعقد المشية دانتضر
ام حر : ابوها يجي لهنا
حر : اي لهنا يجي
وبلشت مشية و الشيخ
صوته يقرا وأنا أحاول أركز بكل
كلمة أحس روحي تطير من الخوف والفرح بنفس اللحظة
من خلص الشيخ واخذ موافقتي
وموافقت حر
أم حر حضنتي وگالت
- مبروك يمة الله يتمملج بخير
ما عليج بااحد اني امج واهلج
كلهم
ابتسمت وبدلتها لحضنه ماردت
ابجي بس دموعي خانني وبجيت
احساس خذلان وجع موتني ليش
اهلي مو وياي ليش امي مو بهيج
وقت وياي تفرحلي مثلا اي ام وبنتها
خليت ايدي ع كلبي احاول اخفف
ع نفسي احساس لي داحسه
حمدلله ع نعمة لعوض ام حر
وشمس وايهم ماقصروا وياي
حت لي اسمة ابوية مابارك لي
حت جيته كوة عليه خوفة من
حر وايهم اجة مجرد قضاء
واجب
بس من فكرة شلون أگدر أعيش
ويا حر والكل ضدي صح امه
زينه هو بس ابو مكان مامتقبليني
خلصت مشية أخذتني أم حر
للصالون سوّتلي مكياج بسيط
چنت أباوع بالمرايةما مصدگة
صار رسمي صرت مرته اجة
حر اخذنا للبيت مايرفع عيونة
عليه ولا يباوعلي ماعرف ليش
ضجت لان مايباوعلي
رجعنه للبيت ويا كل خطوة
دأحس بالتوتر يزيد هو ساكت
سكوته موتني وأني كل اللي ببالي
دعاء واحدصار
_يا رب لا تخليني أندم
چانت عيوني تدور على شمس
بكل مكان من شفتها ضلت عيوني
عليها اريدها يمي
البيت هوسة وهي تركض من
مكان لمكان تحضر تجهّز تحضيرات
لخطوبة
أخوات أيهم وأخواتي كلهن جايات
مثل الخطارحتى الفرحة ماكو
كأنهن مو جايات على خطوبة
جايات ع نار بقلوبهن
أنا كل لحظة أباوع صوب الباب
أنتظرها تطلع أريد شمس
بس شغلها ما خلص
إجتني أحن أغلى بنسبه
إلي أم حر
بابتسامة خفيفة گالتلي
كملت شغلها راح تبدل وتجي
هزيت راسي ب اي اباوع ع
اختي نغم واخوات ايهم كاعدات
وحدهن اكو وحدة بيهم مو من
اخوات ايهم شايفتها بس مادايميز
كل شوية تكوم تخابر وترجع
اني ضليت وحدي توتر وخاف
خانكني احس نفسي اريد ابجي
وشمس لسه ماكو اشرت الام حر
تصيح شمس
ام حر : صار يمة
راحت شوية ورجعت كالت بناتها
يبجن تسكتهن وتجي سدت باب
لي يدخل ع البيت واخذت مفتاح
وطبكت باب وطلعت
احسيت صاير شي مبين خوف
ع ملامح ام حر بنات بلشن يركصن
ويهوسن كرايب ام حر
اعلت صوت اغاني تهوس بيدها
شوية وراحت لاخوات ايهم كومتهن
وطلعن سوة اني ضل بالي يم شمس
اريد اطلع واستحي تحرك مررت
دقايق ودخلت لبسة فستنان دلعه
من صدر وفتح جبيرة بضهر ولفئ
ع ركبتها ربطة شكلها مرتب وياه
فستان مكياجها بسيط شعرها
يتحرك وياها كل مدير وجها لتمن
نسوان يسلمن عليها
وكلهن يكولن ماتشابه اخواتها
لمهم حركت لها بعيوني تجي يمي
وصلت يمي تحاول متخلي عينها
بعيني
شمس : ها اسو شبيج
سارة : وينج مختفيه
شمس : بنات خبلني بس يبجن
خليتهن يم ايهم وشردت
سارة : احس بيج شي تعاركتي
وياه ايهم
شمس : لا خية شطلبتني بارحة
راضيته
سكتت بس احس بيها شي وجها
حزين تضحك بس متخلي عيوني
بعيونها شوية وام حر حجت راح
يدخل حر كبل باوعت ع شمس
اجتني
شمس : عليمن هو كل حر شنو
ماشايفته شبيج ترجفين
سارة: مادري بطني توجعني
شمس : عوفي بطنج وركزي بهل
يوم بعد ماينعاد لا تخلين توتر
يحرمج من فرحة
تحجي وتعدل بيه دخل حر وياه
ايهم و ام حر بالباب وكفه تهلهل
وتصفك تهوس له
ام حر : عريس وربعه يزفونه
وكل كام يهوس وياها وشمس نست
روحها لتهت تحجي وياي نست حر
ونست تلبس شي فوك فستانها
واكيد ماراح تضيع هاي لحضة
ع ثور مالتها ع كولت غزل
اول ماشافها خزرها وهيه مثلا
ثولة تصفن عليه هو ياشر بحواجبة
يردها تشنلع من كدام حر وهيه
ماتستلم اني ستلمت وهيه كلشي
ماكو صافنه لحد ماصاح وهيه
مثلا نزت
ايهم : شمسي
شمس : ها
ايهم : تعاي بوية
طلعت واني توسل بيها بنضرتي
تجي بسرعه ماتتاخر
دخل حر مغير ملابسه لابس قاط
أسود مرتب
كعد يمي وكل النسوان بدن يهللن ويصفكن أم حر نطته حلقة وكالت
له بصوت عالي
ام حر :لبسها بيدك يمة
قرب مني ويده ترتجف شوي لبسني الحلقة وبنفس اللحظة نطتني أم حر التراجي
_هاي وراه التراجي وراه لكلادة
هو باوع ع امة وامة بتسمت بوجهه
اخذهن قرب أكثر صار نفسه ع
بركبتي أحس بحرارة أنفاسه ع
جلدي يده تبطئ، كأنه متعمد
يطول اللمسة
لبسني التراجي وبقت على الكلادة
نظره نازل على وجهي وابتسامة
خفيفة زاوية شفايفه كال بهمس
حر : رفعي شعرج
رفعت شعري بإيدي لبسني لكلادة
ساعدته امة بيها لان معرف شلون
يسدها
وام حر نطتني حلقه لبسها لحر
مدّيت إيدي ولبسته الحلقة
أحس إيدي ترجف وحر يباوعلي
نضراته صرت احسها تختلف مو
باردة
الهوسة علت و كلهن يصحن
_حبها ولك حبها لا تخاف من أمها
صوت يمامة بارز بكلبي اسب ابيها
وأني صرت أباوع بالكاع من كد
الخجل وحر انحنى علي باسني
براسي همس
_ربي يسعدج وياي واكدر أسعدج
كلمة صغيرة بس كأنها نزلت ع
روحي برد وسلام
ضل شوية اشر وطلع يستحي
وجه ينطي الوان صار
وشمس اجتي وراه طلعته يمي
لابسة لبس غير فستان وردي مغلق طويلة شعرها مفتوح وع ركبتها
شال
الكل باوع عليها وحدة من اخوات
ايهم صحت
ريم : ها شمس غيرتي لبسج
شمس : اي
ريم : ليش ذاك احلى
كبل جاوبتها ام حر
- أيهم يغار عليها مني مو نوب
فستانها مكشوف حيل ومدلعه
يمامة : زين سوة سوى أيهم يخاف عليج بس صدگ انتي حتى بلبس
بسيط تطلعين گمر
فاطمة : بعد هاي شمس إذا ما يغار
عليها ايهم منو يغار
ام حر : ماكو أحسن من غيرة نظيفة الغيرة اللي بيها خوف وحب مو شك
إذا الموضوع يخص شمس يغار حتى
من الهوا اللي يمر عليها
شمس ماردت بس مبتسمة وتحسها
كوه عليها مر وقت وجو صار ملل
كلشي ماكو بس كاعدين بالك
دانعزي اني مليت
دقايق ودخلت غزل اول مادخلت
حجت علينه
غزل : شو كاعدات كومي يمامة
نئدي الواجب الاختنه سارة
تحجي وتباوع ع اخوات ايهم
واختي
شغلن اغاني وبلشت تركص هية
ويمامة وشمس كل ساعه عايطة
بيها
شمس : كعدي بطنج
راحت ع شمس سحبتها شمس
كوة تحرك بروحها نزلت راسها تشور
بيها مدري شحجتها شمس نطلقت
تركص بضمير
واجتي عليه كومني اركص وياهن
بداية جنت استحي بعدين ندمجت
وياه اجوائهم وصرت اركص بنص
وهنا مسويات دائرة
لعبن لعب غيرين جو حت اخوات
ايهم اجني يركصن للمغرب كلها
طشت راحت للبيوتها
رحت بدلت وغسلت طلعت لكيت
غزل ويمامة وشمس داينضف
بالبيت كبل رحت وياهن كملنه
تنضيف سوينه عشاه وشمس تصفن
لحينه عليه كالت
شمس : تعبانه بسس لبنات
مرر وقت وخلصنه عشاه وغسلنه
ماعين ورتبنه للبيت وراحت غزل
للبيتها وشمس راحت لغرفتها
وحر واهله راحو
تمددت بفراشي ميته تعب ضليت
ساعه بس تكلب مدري شبيه بكلشي
افكر تفكير موتني
شوية واتصل عليه حر ضليت
صافنه بجهاز شرد شكله دك
مرة ثانيه بنهاية رديت كبل
حجة
حر : وين جنتي
سارة : ماجنت
حر : ليش متردين
سارة : مادري بي
حر : ليش وين انتي
سارة : بالبيت
حر : صدك تحجين
سارة : اي والله
سمعته يستغفر اني ضليت ساكته
هو شوية وكال
حر : طالعه حلوة
ضليت صافنه مادري شجاوب
سارة : شكرا
رجع حجه
حر : تدرين بية اخذتج وخليتج
باسمي لان اني اريدج ماكو سبب
ثاني
ضليت ساكته معرف شرد ومعرف
ليش هيج حجة كمل كلامة
حر : داكلج حتى يكون عدج علم
اني ممخذج علمود شي اني اخذتج
كلبي هاويج
مارديت بس اكل بضافيري
حر : شني تسمعين لا
سارة : اي اسمعك
حر : اي اني اريدج
سارة: اي
حر : وجعي شنو اي
سارة : لعد شكول
حر : هاي انتي هيح دائما تصفننين
لو بس وياه حضي
سارة : شبيك تصيح عليه
حر : ياهو مصيح عليج
سارة. : هسه انت داتصيح
حر: يمته مصيح ولج
حجيت متنرفزة من كل كلبي
سارة : شو انت زرفت حت مخي
وتصيح مامصيح
احس يحجي وحاصر ضحكته
حر : يابوية نفس طينة انتي وايهم
تتبلون ع فقرة
سارة : ياهو فقير
حر : انه
سارة : انت فقير لعد وسيارة
والبيت ذني شنو
ماسمعت غير ضحكته ضحك
بصوت حت اختنك ضل يكح
ضلينه نحجي بهواي امور لحد
ماوصلنه للدرسة واخر شي
حجة وراه زواج ارجع اكمل
اني جنت رافضه فكرة ماحبها
بس هو من اكول محب ادرس
يتعصب
حر :اعرف موضوع ابوية مضوجج
اخذت قطعه يم ايهم شوية شوية
ابنيها ونزوج
كلامة ريحني خلصني من تفكير
هواي ضلينه نحجي لحد مانايمة
ماذكر شلون نمت اصلا
كعدت الصبح ع صوت بُنية تبچي
طلعت للصالة وأنا بعدني نايمة
لكيت أيهم شايل وحدة من بناته
يفتر بيها
باوعت عليه وكتله
_وين شمس
رد وهو يهز البنية بحضنه
ايهم : عوفيها لليل كلّه ما نامت
يبجن تعبت وياهن طلعت لهنا
حتى متكعد
ضحكت وگلتله
_انطيني ياها وروح ارتاح انت
باوع علييه ورفع بنته يبوس
بيها ويحجي
ايهم : ها تريدين تاخذينهن مني
گلت له
_إي طبعًا خالتهن
هو كال لا اخذه ومشى باتجاه المطبخ
ضحكت وگلت له
_الله يساعدك صاير مربية
ابتسم وضل يسويلها ممه اباوعله شلون مخبوص بيهن حسّيت بشي دافي بهالبيت شمس حنينه وتحب
لكل رب العالمين رزقها بزوج نفسها
حنين وإيهم رغم الغيرة والعناد
بس كلبه جبير وحنين ما يرتاح إلا
وهو شايف شمس مرتاحة
كعدت أباوع عليه شايل بناته ويفتر
بيهن حت تنام صوته ناعم يحچي وياهن بكلمات ما تنفهم
بس بيها حنية حنية الأب اللي
يخاف على أنفاسهن قبل لا يطلعن
لحظتها حسّيت بشي يخنكني
وكلت بيني وبين نفسي صح ما
حسّيت بحنية الأب ما عشت بحضنه
ولا سمعت كلمة بنتي تطلع من كلبه
بس من شفت أيهم ومن شفت شلون يتعامل ويا بناته
_صرت أتمنى لو عدي أب مثله
وشفت شلون نظراته لبناته بيها
حب حقيقي مو مجاملة مو واجب
هو يحبهن لأنهن جزء من روحه مو
من اسمه
ظلّيت كاعدة أتابعهم وأنا مبتسمة
إيهم بعده شايلها يضحك وياها
سمعت صوت باب الغرفة ينفتح
طلعت شمس
لابسة ثوب كصير شوي فوك الركبة
وشعرها مفكوك مبعثر يطيها شكل
تعبانه من سهر بس حلوة
نص نايم ونص مصحّصحة تمشي وتحجي كوة من النعاس
شمس : هاا شسويت بعدهن ما نامن
إيهم ضحك وهو بعده شايله وحجة
_ها شسوينه قصدج لوهنا شيسوّين بيه
ظل يشرح لها شلون ظل وراها
يبدّل ويطبطبلهن وهو يحچي
عيونه ما تفاركهايباوع بنظرة كلها
تعب وحنيةبس بيها شي غريب
نظرة حب إعجاب بنفس الوقت
هو ابتسم وقال
ما أگدر تصحينهن أكثر خلي أني
أتعذب
ضحكوا سوى وأني والله ظلّيت
مثل الصنم ماعرف شسوي كلشي
بيناتهم طبيعي يخلي الواحد
يستحي نزلت نظري للكاع حسّيت
وجهي احمر ماعرف ليش بس
استحيت من نفسي
يمكن لأنّ جنت بنص لحظة تخصهم
لحظة بين زوج وزوجته تعب وحنان وعيون تتكلم أكثر من كل الحچي
كمت بهدوء چنت أريد أطلع من الصالة بس سمعت شمس تكولله
_زين خليهن يم سارةخلي نام
والله ما ظل بيه حيل
إيهم ضحك وكال
_اي خالة سارة صِارن مسؤوليتج
نذبهن يمج ونروح ننام
وگبل لا أفتهم شمر وحدة بحضني
وشمس هم حطّت الثانية يمّي وكالت وهي تضحك
شمس : ديري بالج عليهن إذا بَچن لا تكعديني
إيهم غمز ويحجي
حتى من يكبرن أحجيلهن عل خالتهن
شلون تحبهن
ضحكت ايهم وكال له
_يلا تعالي قبل لا يبدن البنيات
بحفلة جديدة
راحوا سوا للغرفة
ضلّيت أني يم البنات واحدة نايمة
الثانية لازمت أصابعيها لعب وياها
باوعت عليهن حسّيت بدفا غريب
ظلّوا البنيات نايمات والبيت كله هادي
وأني كمت أغسلت أبدلت الملابسي أسويت ريوك ونضفت البيت وهن نايمات
كلشي يمشي بنظام غسلت الماعين
رتبت المطبخ وبين شغلي أروح
اباوع عليهم كل شوية نايمات
صدورهن ترتفع وتنزل بهدوء
والنفسية
مرّت أشهر والبيت كله مليان حب
رزان وروان كبروا شوي صار عمرهن
سنة
بس اللي صار أكثر شي يفرح كلبي
أخذن حنيّة أمهن وأبوهن بالكامل
لأن البيت كله حب ودفئ وكل كلمة
وكل ضحكة تتردد بالبيت مليانة
حياة وحنان وهذا شي خلاهن
كلش حنينات مثلا شمس
حتى أيهم من يسمعهن يحچي
_بابا مودة يطير
يضحك يبوسهن ويحچي وياهن
بحب صوت ضحكهن وصياحهن
يملأ كل زاوية يخلّي كل تعب ينسى
وكل لحظة تعب تتحول فرحة صرت
احب حياة بسببهم بسبب حبهم
صرت اشوف دنيا بعين ثانية حلوة
مثلهم
حب أيهم لشمس يوم عن يوم يزيد
أحسه مو بس حب لا هوس شي فوق الطبيعي
مثلا الدنيا كلها صارت بس إلها
ما يشوف غيرها ما يسمع غير
صوتها يغار حتى من نظرة من كلمة
من نسمة تمر عليها حت مني يغار
مرات شمس تكعد تحچيلي
_ ماعرف شبي حتى من غزل
يغار علية من تلفوني من كلشي
وأني أكعد يمها أسمعها
أهز راسي بـ إي
أعرف إن حب أيهم حقيقي بس
قاسي حب يملك مو يشارك
وهيه صارت كلش حذرة وتخاف تغلط بكلمة تخاف تنظر غلط تخاف حتى تفرح بزيادة
كل مرة تكعد تحچيلي
_هو يحبني بس مرات حبّه
يخنكني سارة أريده يهداما أريد
اخاف من حبه لي
وأني بس أباوع عليها أحچي وياها
يمكن يحبج أكثر من اللازم
ويمكن نسى إن الحب إذا ما بيه
راحة يصير وجع وحب مثل حب
أيهم حلو بس الله يستر اذا يوم
يصير وجع
وأني ويا حر علاقتنا تمشي طبيعي
يوم عن يوم أحس حبي له يزيد
ما يصير يوم يمر بدون ماشوفه
وسمع ضحكته صوته اللي يهدّي
روحي وعيونه اللي تحچي بدون
كلام
أحس أحيانًا بس أباوع على وجهه
احسه يعرف كلشي عني كل شعور
كل فكرة حتى قبل ما أحچيها
وأنـي وياه أكتشف إن الحب مو
بس شعورالحب أفعال اهتمام صبر ومشاركة الحياة بكل تفاصيلها
وصار يفكر بالمستقبل بالأمان
بالحياة اللي نريد نبنيها سوا
بلّش يبني بيت خاص بينه قريب
من بيت أيهم حتى قريب ع شمس
وجان خايف ع نفسيتي من حجي
اهله عليه وام حر وياه تشجعه بكل
شي
أحيانًا أوكف أباوع على المكان
أشوف البيت الجدران الشبابيك
اللي حطها بيده وأضحك أحس كل طابوكة يحطه وكل تفصيل بالبيت يحچي عن حبه وعن التزامه وعن
أمانه لنا
رجعت للمدرسة عدت ثالث ويمامة صارت رابع علمي وأني وياها بنفس المدرسة حر نقلني يمها وغزل هم
نقلت تدرس سادس
بس تمنيت شمس ترجع ويانه
بس بناتها وأيهم رافض الفكرة
يريد يحافظ على روتينها وما
أحد يتعدى على خصوصيتهم
نقهرت عليه هيه تركت دراسة
بسبي بس اكو امل تقنعه وترجع
ان شاء الله تكدر تقنعه وترجع تدرس
محمد من يرجع من الشغل أول شي يسويه يجي عليه يفوت علينا مبتسم يباوع وجوهنا وحده وحده
ويضل يمنه يكعد يحچي يضحك
ويسولف عن وضع البيت شلون
الأمور وشصار جديد
بس هالفترة صاير كل حديثه عن نور
زوجت بسرعة مقهور من امي لان
جان رافض زواجها وهي مهتمت
رفصة ما أحد افتهم شنو صار
لا خطوبة طويلة لا تجهيزات لا شي فجأة صارت متزوجة وإحنا كلنه
بعدنا مصدومين لان نعرف نور تحب
تبالغ بكلشي مستحيل تسوي عرسها
هيج وبسرعه
محمد يحچي وهو صافن
ما أعرف شنو صار بيها شنو العجلة
ما حد يعرف شنو اللي خلاها توافق بهالسرعة
صار عدنه روتين كل ما ينزل أيهم
من شغله نلتم كلنه سوه حر واني
يمامة حيدر غزل غيث شمس أيهم ومحمد نكعد بحديقة البيت الهوا
حلو والجاي وكيك وغزل تجيب
وياها تاكلهن هيه وابنها ورجلها
والجو كلش حلو الهوا عليل
والحديقة منوّرة بلمبات واللمة مثل
كل مرةغيث و حرو حيدرو محمد
وأيهم مجتمعين عادومنة مفروشة وصياحهم مطشر الدنيا
وإحنا أنـي شمس يمامة وغزل
كاعدين يمهم نسولف ونباوع شلون
كل واحد داخل جو المنافسةكأنها
حرب مو لعبة دومنة
حيدر يضرب حجر على الطاوله دومنه ويصيح
- شوكت تتعلم تلعب ايهم
أيهم يباوعه بنص عينه
- احركككك حيدر صدگ تريد تفوز
عليه
محمد ضحك وكال
محمد : لااااا بعد لحد يحچي أيهم
إذا خسر يعلن حالة طوارئ
حر : والله أيهم لازم يلعب وحده لأن
ما يتحمل الهزيمة
أيهم رمى الحجر بقوة عالطاوله وكال
- شنووو بعدك ما شايفني من أفوز شوف شلون أسد عليكم اللعبة كلها
غيث : يابة هاي مو لعبة دومنة
هذا فيلم أكشن
وايهم كل ما يفوز أحد يصيح
احركككك
عزل تباوع وتكول
- وشوف ثور وجهه من يخسر كأنه
صارت له مصيبة
يمامة تضحك وتكول
- إذا خسر بعد شويه يكوم يكسر الدومنة كلها ع روسهم
أنـي ضحكت عليهم وكِلت
- إي والله أيهم لازم يسوي دورة
تحكم بأعصاب
شمس ماراضية احد يحجي عليه
كالت
- لا تحچن ع زوجي ترى هو صدگ
يحترك كلبة عوفوا
محمد وهو يحط لحجر دومنة بقوة
وصاح هو يعيد بكلام ايهم
- احرككك أيهم فزت عليك
الكل سكت لحظة وأيهم رفع راسه
وكال
- شنووو فزت عليه بكيفك هي
حيدر ما كدر يلازم نفسه من الضحك
غيث يصيح
- لاااا أيهم لا تكسر طاولة دومنة ع راسة
يمامة:هاي النتيجة الرسمية محمد
فاز وأيهم انسحب من البطولة
أيهم: لاااا الجولة الجاية غير راح تشوفون شلون أفوز عليكم كلكم
يمامة ترد عليه بخباثة
- احركككك أيهم
الكل انفجر ضحك الحديقة صارت
مليانة اصوتهم ضحك سوالف
الكلب يحنلها حتى لو تمر سنين
وابن غزل بعده صغير ينكرط
ويزحف صوب أيهم أيهم من شافه ضحك مد إيده وشاله بحضنه
أيهم: هااااا حبيبي تعال شنو هاي الخدود أشكد حلو انت وليدي
صار يلعب وياه ويضحكه وبناتة
واكفات يتفرجن روان ضمت روحها
بحضنه ويحاولن يقتربن ويدفعن
باابن غزل يمددن أيديهن يدفعنه
ويضمن روحهن يم أيهم بدون كلام
أيهم ضحك وكال
- هاااا باباتي أوخرة من حضني
رزان تهز راسها بـ اي
أيهم ضحك من تصرفهن وكال
- هااا باباتي غرتن من ولد خالتكم
أيهم يضحك فرحان لان يغارن عليه
- أوخرة من حضني يله روح الابوك
شاله وذبّه بحضن غيث وكال له
- خذه خذه انعل أبو ابنك والله
البنات راح يذبحنه من الغيرة
غيث يضحك وهو يهز الولد بإيده
يلعبه ويحجي
غيث : منو ابوهن
حر : اي والله منو ابوهن
كل حجاية وكال مرتي باله ميت
عليها اني
ايهم : لا تخليني اكوملك هسه
اجي اخطب وتصيح عاقد عليها
حر : غير اريد اخلصها
ايهم : روح بيك بخت بوقتها بسلطان
جان حركتك بيتكم
غيث : يلا كوم احركة هسه
ايهم : لا بعد صار نسيبي
حر : لحمدلله
غزل تباوع ع شمس وتحجي
-يمةبنات الثور بعد شوي يعلن
حرب على ابني
شمس :الله يساعده ماعده حض
صار بيد البنات ايهم وأبوهن
كمت واني اضحك ع سوالفهن
رحت للمطبخ اسوي جاي وكيك
الهدوء مالي المكان إلا من صوت
الملاعق والچاي يغلي حسّيت
بحركة وراي نَفَس قريب دافي
ع ركبتي نداريت كبل
حر : اسم الله لا تخافين هذا أني.
- حر شجابك وراي
ابتسم گرب أكثر ونزل راسة لي
يمرر شفته ع خدي ويحجي
- اشتاقيتلج
سارة: حر لحد يجي ويشوفك
حر : شنو يعني رجال ومرته محد
عده يمنه شي
سارة : اي بس مو هنا
دفعته بصدرة وحجي بسرعة
احس كلبي راح يطلع من صدري
- يلا ساعدني خلي نرجع قبل
لا يبرد الجاي
هو أخذ الصينية من يدي وكال
- جيبها آني أشيلهاما أريدج تتعبين
للليل كله رجعت لبيوتها
أنـي وشمس ظلينا نضفنه البيت
وبعدين شمس راحت تنوم بناته
وأنـي دخلت غرفتي
شوية اتصل حر ظلينا نحچي شوي بنص كلام كله هدوء وحنين
حر: كلش ضل بنفسي حضنج
سكتت مارديت على طول
تذكرت قبل مدة حاول يتقرب مني
وجنت خايفة هو بعد ما أرجع تقرب
لي نقهرت عليه وحجيت بدون تفكير
سارة: من شوفك حضنك
حر : هاي المسافة طريق
خلني بصدمتي وسدة وراح
اتصل وما يرد ضليت كاعدة اكل بأضافيري مم توتر قلبي وعيوني
تتابع الساعة و أيهم بالبيت
مرت نص ساعة اجاني اشعار كاتب
بره فتحي الباب رحت فتحت بوجهه
عيونة تلمع ولابتسامة شاكة حلكة كأنه ممصدك أخذني من يدي ويمشي بي صوب غرفتي وكل خطوة يصير كلبي يدك أسرع
وصلنا الغرفة وكف دقيقة يباوعلي
كأنه يحاول يقرأ كل شعور بداخلي
بدون كلمة حسّيت أمان وحرارة
لهفته لي حتى وأنا خايفة من كلشي
أول ما دخلنا الغرفة كبل حضني بقوةإيده ع خصري ورأسه ينزل
على ركبتي حسّيت بدفئ حضنه
وكل توتري يخف شوي شوي كأنه
ملاذي الوحيد بالكون ضمّني بقوة
وأني ساكتة أسمع دكات كلبه تقارب كلبي وكل لحظة تمر تحسّسني بالأمان والحنان اللي ما لاكيته من قبل
مررت إيدي على ضهره بدلته لحضن وهو أقوة سحبني لحضنه أكثر كأنّه
يريد يثبتلي إنه هنا وما راح يتركني
صار يوزع بوسات متفرقة على ركبتي على وجهي و أحسس دكات كلبه
أكثر زادت
آخر شي باسني براسي وهمس
حر : الله لا يحرمني من أمان لي
أحسه واني يمج
ضل يمي يحجي لي عن اليومه شغله وبيتنا حسيت روحي نعست شوي
كمت أغفه هو لاحظني
حر: نعستي أسو
هزيت راسي بـ إي
هو تمدد ع الجرباية وفتح إيده
وأني ضليت متصنمة مكاني ما
أتحركت
حر: بس هل مرة نامي بحضني
رحت مددت بحضنه وهو إيده ع راسي يلعب بشعري ويحجي وياي
بهدوء
صرت أغلق عيوني غصب عني
وجسمي يسترخي بحضنه كل همومي
م شعرت بدكات كلبه تدفيني ولمسته الخفيفة على شعري تهدئ كل توتري
هو ظل يحجي همس عن اليومه
عني وعن بيتنا صوتو صار نعمة
على أذني وأنا أذوب بالهدوء اللي
بينا
مرالوقت بدون ما نحس وأني
بحضنه وهو يده على شعري يحركه
بهدوء
حر : نامي أني دوم يمج ما أتركج
ولا افكر اتركج
حسيت بالأمان كامل روحي ارتاحت كأني رجعت للبيتي الحقيقي بيتنا
مكان مابي خوف ولا وجع بس
إحساس الدفو الأمان والحب
حسّيت كلامه يذوب بيه أمانه
ما حسيت غير صوت الباب ينفتح
فجأة ودخلت شمس شايلة بناتها
فتحت الباب وتحجي
شمس: نوميهن ذني يمج
حر باوعها وكمز من الجرباية
شمس كبل شهكت بصوت
حر:شمس سكتي لا يسمع أبو
حواجب ويجي يخبصنه
شمس : اني أكول عليك فقيرماعده
هاي سوالف شجابك هنا
حر باوعلها وضحك
حر :اني هم جنت أكول عليج فقيرة ولكيتج بالحديقة وياه
شمس فتحت عيونها بصدمة باوعت
لي
سارة. : معليه هو أجه
حر:شكوشامر بناتج يم سارة
شمس :هنا يردنهايبجن عليها
حر رفع إيده سحبني له وحجه
حر :اخذيهن مو بس انتو تريدون تاخذون راحتكم
شمس كبل ضربته ع جتفه
وصاحت بي
شمس : اخلاقك راحت نتهت
حر : اي تعبت صار هواي امشي
بيهن خربن
شمس : لا طول روح لان اذا شافك
سنه ماينساها لنا
هز راسه ب اي لها وهيه تباوعلي
بمعنى اني اعلمج بعدين طلعت
وسدت باب وراها واني احس
دخان يطلع من وجهي من خجل
لان شافتنه هيج
راح حر قفل باب واجة يمي
حر : نكمل
سارة : وين وصلت
حر : للشبابيج
سارة: روح بعدين نكمل
حر : لا هسه مادام عدي واهس
ابني ع سريع وروح
قربني لحضنه ما أدري شنو صار بيه
بس حضنه كان يهدني كأنه كل
خوفي ينكسر من ينزل راسي على
صدرة ضل يمي يمكن ساعة ولا
حسّينا بالوقت صوته هادي يحچي
همس وأنا أسمعه وأغفى بعالمه
من طلع حتى ما كدرت أطلع وراه
لباب برة اخاف ايهم يشوفنا ضليت
إيدي بعده تحس بحرارة حضنه
وكلشي داخلي يرجف جنت خجلانة
بس بنفس الوقت ما أريد وقت وياه يخلص
❖❀❖❀❖❖❀❖❀❖
غزل **
رجعنه من خطوبة سارة تعبانه من
ركص ولفرحة بوجوهنا أول مادخلنه للبيت عمتي تلكتنا بمشكلة غيث
سكت وأنا صرت أغلس ما ريد
أزيدها وتتعكر الأجواء بعد يوم
حلو
مرت الأيام حياتي بدت تمشي
بطبيعتها بس بيها شي جديد حب
غيث إلي يزيد كل يوم واني هم ما أخفي تعلّقت بيه أكثر صرت أغار من كلشي عليه حتى من تلفونه من نظرته
من أي أحد يحجي وياه أغلب
مشاكلنه من غيرتي وهو بس
يضحك ويكلي
غيث : غزل انتي لو تغارين بخبال
لو ماتغارين ابدا
الأيام تركض وكوه عبرت سنة
نجحت وصرت سادس بس جسمي
بدى يتغيّر بطني يكبر يوم بعد يوم
أحس بحركة البيبي كل مايقرب
موعد ولادة أفكر بولادتي فكرة الطبيعي تخوفني موت أريد عملية
بس غيث رافض كل مرة أحچي وياه بهالموضوع يسكتني ويكلي
غيث :غزل لا تخافين الله كريم
كلشي يصير سهل بوقتها
حركتي صارت بطيئه كلشي بيه
يتعبني حتى كعدة أحسه حرب
غيث فوك راسي ما يفكني
صدع دايم وضيجة بكل جسمي و الله يخلي أهلي ما يخلوني وحدي
أبد.
شمس والبنات يسئلن عليه وعلى البيبي
ذاك اليوم جنت بغرفتي غيث دخل بهدوء باسني بخدي وابتسم خلى
إيده ع بطني وقال بنبرة كلها حنية
غيث : شلونه ابني
ضحكت وكتله
_زين حبيبي
سحب إيدي باسها بهدوء وكال
غيث : كومي لبسي محضرلج مفاجأة
كمت بسرعة بدلت من الفضول لبست صاية لفيت شالي وطلعت وياه
ما سألته وين رايحين بس حسّيت
شي حلو جاي
نزلنه يم بيت وكف طلع مفتاح من
جيبه فتح الباب ودخلنه للنص البيت
مد إيده خله بيدي المفتاح كال
بابتسامة مملوءة حب
غيث : غزالي هذا بيت إلنا نربي بي
ابنا بعيد عن الحقد والمشاكل نربيه بحبنا ونبني بي عمرنا من جديد
بوقتها سكت عيوني دمعت حسيت نبضي سبقني وكل فرحتي عبّرت عنه دموعي
غزل : هذا الحلم اللي ما گدرت
أحچي عنه حققته إلي
ضمني لصدرة وكال
غيث : بحياتج اني حت لي تحلمين
بي يتنفذ لج
من الحماس كمت أكمز مثل طفلة
ما حسّيت بروحي غيث بسرعة
صرخ عليه
غيث : يابه بطنج مو هيج
دخلنه جوه وگام يشرحلي شنو راح نخلي بكل زاوية هناغرفتنه وهنا
غرفة ابنا وهنا كعدتنا يحچي وعيونه تلمع
أمشي وراه وأبتسمه شاكة حلكي
بس فجأة حسّيت بوجع بظهري
غلست ما ريد أقلقه ضلّينه شويةبس الوجع صار أقوى بطني شد بقوة
البيت فاضي وصوتي صار بي صدئ
غزل : غييييث
ركض إلي وجهه تغير صار أبيض
يحاول يهديني وهو تايه ما يعرف شيسوي
حاول يتصل يركض يفتح الباب
يجيب مي يغسل وجهي طلع بره لسيارة وأنا مغص متلوية من الوجع
رجع يركض وعيونه عليه ضحك
ظل يضحك واني من أشوفه يضحك بوقت غلط بودي أموته
غيث : تدرين شغلت سيارة وطلعت
گلتله بعصبية وأنا أتوجع
غزل : غيث ودّيني لحيدر أشوف بعد
ياهيهه تصير مرتك بعد
اجه يمي ماشني وصعدني بسيارة
وجع يروح دقايق ويرجع اقوة خابر
ع اهلي واهله واني صيح عليه
غزل : خابر شمس
غيث : اي
الهوا ديدخل من الشباك وأنا كاتمه صوتي كل شوي وصيح بعلو صوتي
من وجع يزيد ماينقص
ظل يسوق وهو كل دقيقة يباوع عليّه
إلى أن صحت من الوجع
غزل : غيث وجع مو طبيعي
غيث : هاي ولادة
غزل : يمكن يمكن أي
زاد السرعة
غيث : لا تخافين بعد شوي نوصل
بس الوجع يزيد دموعي نزلت
غزل : غيث لا تخليني أريدك يمي
مد إيده لازم إيدي وكله خوف وارتباك
غيث : اعوف روحي ومااعوفج
بهيج يوم
وصلنا للمستشفى كوة نزلت امشي
خطوة واكف تلوة دقايق
لحد ماوصلت لصالة ولادة
ذاك اليوم يوم ولادتي ما راح
أنساه لو أعيش عمر ثاني
ما بيه حيل حتى أحچ دخلتني
دكتورة للصالة صالة الولادة
وبس شفت النسوان كلهن ممددات ويصرخن احس جسمي كام يرجف
من خوف وصار نفس كوة سحبه
طلعت اركض شاردة من خوف
وأني كلبي يدك شفت غيث
بالممر مال صاله لتفت ع غيث
وصحت بأعلى صوتي
غزل : غيييث شنو هالمكان
وين جبتني كل النسوان يصيحن
اجة يمي حاول يحجي وياي
بهدوء
غيث : تحملي فترة وتنسين
كلشي
غزل : رتاحيت كتلك ماريد طبيعي
هذا جهنم مو مستشفى غيث والله أكرهك ليش ما سويتلي عملية مثل
ما گلت لك
هو ظل يهدّي بيه وامي يمي
وياها ام حر
ام حر : بس هسه من الوجع تكلب
عليك
گلتلها وأنا أتنفس بصعوبة من وجع
غزل : لا أحب ولا شي يودي الواحد للموت ويكلي طبيعي صوجي اني
صرت حامل منك
غيث يباوعلي كوة لازم روحة
مايضحك رغم الخوف لبعينه
غيث : هااااخل أشوف بعد الولادة
منو تكول احبك وتخبصنه بغيرتها
ما لحگت أرد الوجع زاد كل شي
اختفى من عيني وصرت أصرخ
وأدعي ودموعي ع خدي من وجع
ماما وبابا حيدر حسين وغيث كلهم
يمّي اجو بس ضل غيث وباقي
طلعوهم وجعي يكطع النفس
وخوف تارِس كلبي مسيطر عليّ
لدرجة ما أسمع شنو يحچون
كلشي بعقلي يصيح
_ما أريد أولد ما أريد أدخل الصالة
كمت أفتِر بالممر دموعي نازله
ماما لازمتني من إيدي تكلي وهي
تحاول تهديني
_يمّه لا تخافين الله وياج كل النسوان تولد وتكوم بالسلامة
ام حر : غزل ليش خايفه شنو راح يسوون لج يعضّوج
بس غيث ظل ساكت
عيونه بيها دمع ما يعرف شلون
يطمنّي قرب منّي خله إيده ع وجهي گال
غيث :غزل يلا حبيبي لاتسوين
هيج روحي راحت عليج
بس الوجع أقوى من كل حچي حس بطني شد صرخت بأعلى صوت
غزل : غيييث وجع دخيلك خلّصني
هو من يسمعني هيج اصيح يرتبك
وحير شيسوي والممر كله سمع صوتي
ام حر : راح تروح روحها من وجع
هيه تصيح باسمه مو بوجعها
غيث :: حبيبتي دخلي للصاله حت
تخلصين
من شفت نفسي خلص الوجع صار
قوي ماينحمل حسّيت بعد ما بقت
بيّه قوه
گلتلهم دخلوني خل أخلص ما بقى
حيل يتحمل وجع
دخلت للصالة ريحة المعقم أصوات النسوان كلشي غريب ومخيف
أغمضت عيوني وبديت أقرأ آيات
من القرآن كل ما يجيني مغص أعض شفايفي وأسب غيث
غزل : الله لا يوفقك غيث كله من
وراك! لو سامعني وسويتلي عملية
جان ما صار بيّه هيچ
الدكتورات يضحكن وحده كالتلي
دكتورة. : لاتدعين عليه دعاء
مستجاب بوقت ولادة وبعد شوي تشوفين البيبي وتنسين الوجع
گلتلها بدون تفكير
غزل : إذا نسيته ذكروني بي
مرت تقريباً ساعة بس كانت
أطول من عمر لحد ما سمعت
أول صيحة صغيرة تمزق الوجع
كله سكت صوتي ولوجع اختفى
دكتورة : مبروك ابنج نور الدنيا
بوقت واحد حسّيت الدنيا وكفت
نسيت كل الألم كل الصياح
جابوه وحطوه بحضني شوية
هو يبجي بقوة ويصيح
اخذته ممرضة تغسله وتبدل له
وهو خبص صاله بالبجي مالته
طلعوني بعد التعب كله لغرفة
خاصة راسي ثكيل وعيوني تقفل
من تعب اريد انام كل اللي أريده
هو أغطّ بنوم بس جابولي البيبي
لأرضعه
شافته شايلته ماما يا إلله شكد
حلو كل تفاصيله تذوب الكلب
حسّيت الدنيا كلها ضوء
أهلي كلهم يمّي فرحة لا توصف
ماما وام حر يمي يعلمني
شلون ارضعه وغيث واكف يم
السرير فرحتة بوجهه واضحه
ماما اخذته من حضني خلته بحضن
بابا رفعه بيدة اذن بااذنه وكال
وكال
_اسمك ... سند
ابتسمت قبل ما زوج جنت خابصة
أهلي اول طفل لي اسمي سند
واخواني يحششون عليه يكولولي
_سند طابو لو زراعي
بس بابا وعدني اول طفل اذا الله
طول بعمرة وشاف هذا اليوم هو
راح يسمي وحمدلله شفت هذا يوم
واني جنت ناسبة اصلا موضوع
الاسم بس الحمدلله اسمه وصل
وبيده وياه ولادته
حيدر وحسين طلعوا وام حر
راحت للبيت وياه حيدر وحسين
امي مددة يمي ع قنفة وبابا راح
وياهم للبيت ميكدر يضل
غيث اجة باسني براسي
غيث : حمدللة ع سلامتج غزالتي
محد نطاني مجال اتقرب منج
بتسمت له هو كعد يمي وخله يدة
ع جتفي وكال
_انتي دنياي غزالي وهذا سندنا
غزل : يحفضكم الله لي
غيث : منو جان يدعي عليه
غزل : عوفني اريد نام اخذة
ودي لفراشة
غيث ::اخاف
غزل : اخذة ميخوف خلي يدك
جوة ضهرة
شالة هو متوتر يحس راح يوكعة
خله بفراشه وجه يمي عدلي فراشي
نومني بس غمضت عيوني رحت بنوم
كبل
نمت وما حسّيت بالوقت من التعب
بس سمعت صوت شمس فوق راسي تكعدني
شمس : يمة غزولتي صارت ام
كعدت فازة باركت لي وياها
سارة ويمامة كل وحدة تكلي
_الحمدلله ع السلامة رب يحفظة ويخلي الج
ضلن يمّي ساعه سوالف ويضحك
وبعدها راحن الان بنات ضالت
يم ايهم ميقبل يجن للمستشفى
يخاف عليهن شمس قبل ما تروح
گالتلي بابتسامة
شمس : نجيج للبيت ويانه هدايا
سند
غزل : حبيبي جيتج كافيه
راحوا وراهم اهل غيث ضلوا شوية يباركون ويطمنون بعدين راحوا هم
جابولي عشاء كوة أكلت شوي وبعدها
رجعت نمت وسند طول الليل بيجي
وامي حايرة بي
صبح طلعوني للبيت رحت بيت
أهلي افضل من بيت اهل غيث
وغيث يجي يمّي بالليل
وغيث بدى يجهز البيت الجديد
اخوتي وقفوا وياه وساعدوه بالأثاث كأنها هدية من كل واحد منهم للبيت فرحت من حبهم ودعمهم لي دائما
هما سندي
مرت الأيام ووصلت الأربعين وقررنا ننقل كلشي للبيتي تجهيزات وكل التفاصيل
أهل غيث بالبداية ما قبلوا بس غيث حلّ الموضوع وياهم كلشي صار تمام
والبنات كلما يريدن يجن لي
واني اجلها
غزل : نتضرني شوي خل أروح لبيتي
وأرتب كلشي بعدين تعالوا
أخيراً أول ما استقريت وكلشي
صار مرتب دزيت عليهم وخابرتهن
وعزمتهن
غزل : هسه تكدرون تجون البيت
حاضر
شمس : باجر يمج ام سند
أجني للبيت كلشي جان تمام
ضحك وسوالف الجو يموت من
الضحك يوم يجنن جان وسند
خلصها نوم خلني اخذ راحتي
وياهن
بس آخر شي صار خربها ثور علينه
لأن شمس ما ردّت على اتصالاته والجهاز جان صامت
والبناته مثله بس جمالهم يخبل
شكلهم تحبهم غصب عنك من
دخلن لحد ماررحو اني ابوسهن
لو اعضهن وخليهن يبجن صارن
يكرهني بس يشوفني يبجن كبل
شمس : لا غزل مو هيج سويتي
بخدودهن هسه ايهم يضل يحجي
عليه
غزل : قحط بنات ثور
شمس : اي قحط
غميتها و طلعن كلهن للباب شفته
و كف يطلع دخان من راسه وعيونه بكصته من غضب واكف بصف غيث
گلتله
غزل : شسالفه ما كالهنا ترة
أيهم : عوزج تاكليه حت أطلعها
سم عليج
باوعت ع غيث وكتله غيث يرد
عليك هو ندار غيث
غيث ضحك وكال
غيث : غيث غادر للمكان
دخلت متفشله وبنات راحن وياه
ثور دخل غيث وسند كعد ضل يلعب
بي واني رحت اسوي عشاه
مرت الأشهر بسرعه وابني صار عمره
أربع شهور حياتي صارت بين البيت والدراسة
رجعت للدوام ولازم أدرس صف
سادس وكلشي صار تحدّي بالنسبة
لي بس غيث مثل كل مرة داعم
لي
خليته ينقلني للمدرسة لي بيها سارة ويمامة يسوون لي واهس للدوام
بسوالفهم يحاولون يخففون عليّ
توتري
أما سند لازم أوديه يم ماما قبل
ما أروح للدوام واذا ابو بالبيت
هو يضل يمة غيث حيل تعلق
بسند صار اول مايدخل يدوربي
كل يوم الصبح صاير عبارة عن
روتين حضن سريع لسند سلام
لأهل ونزّلني غيث للمدرسةرغم كل
الضغط والتعب وجوده يخليني
أتحمل كلشي
حياتي صارت تمشي بطبيعتها
وما تخلو لحظة من حب غيث إلي واهتمامه الدائم بيّه وبسند كل يوم أحسّ بوجوده مثل الأكسجين يخليني أتنفس بسهولة
صف سادس جان صعب واجهت تحديات كثيرة بس مع تشجيع غيث مرت عليه نص سنة وطلعت منها
بخير بعد ما خلصت نص السنة
عطّلة صارت شوية فرصة أرتاح
حيدر قرر يستغل هاي العطلة ويعمل حفلة زواج لأن الخطوبة طولت
وصرنا كلنا ننتظر اليوم عرس
حيدر ويمامة
أول أسبوع بالعطلة كان مختلف
جسمي كله كان يرسل إشارات
غريبة تعب دوخة ونحول مو طبيعي حسّيت شي ما يمشي عدل كلبي صار يوجعني شكي بدأ يزيد فقررت أسوي تحليل وطلع فعلاً جنت حامل
الصدمة جانت لي عدت الاختبار
اكثر من مرة واكفت دقيقةنتظر
نفس للنتيجة دموعي نزلت
صرت أبجي بلا شعور وكل خوف
وقلق وعجز تراكم عليه
دخل غيث وعيونه تنظر عليه
بخوف وقلق شافني أبجي ضل
يحاول يفهم شنو صار وياي
ابجي وحجي
غزل: حامل اني
غيث ماصدك بالك اول طفل فرحان
رجع يحجي وياي مستغرب مني
غيث: ليش لبجي ع شنو
غزل: دراسة وطفل الصغير وحمل
شلون أكدر أتحمّل كلشي
لحظة صمت بعدين قرب إلي لازم
إيدي برقةحط ثانية على خدي
وابتسم ابتسامة وگال لي
غيث : هاي نعمة من الله ما يصير
هيچ نحچي أنا وياج بكلشي راح
نربيهم سوة وبالدراسة وبكل تفاصيل حياتنا لاتخافين اني وياج
بديت أتقبل فكرة الحمل شوي شوي
كل يوم أصحى وأحس الحياة تتغير حسّيت بنور جديد يدخل بحياتي
عن قريب
و سندصار كلشي بضحكته كل حركة
إلو كل صوت يطلع منه يذوب كلبي أحس الدنيا كلها حلوة بس بسبب وجوده شعور الامومة لا يوصف
يشبه غيث ب مو بس بالوجه لا
حتى بالطباع والحنية كل حركة
يسويها كل نظرة كل ابتسامة أحس
كأني شايفة غيث صغير يمشي
ويضحك كدامي
حتى غيث نفسه لاحظ يضحك
وگال:
غيث :يابوية هاي شكد تحبيني
وجبتي لي نسخة مني هيج
غزل : اي وربي اموت عليك
وصاروا الإثنين غيث وسند مثل
تحالف صغير كلشي يعملوه سوى
سند يضحك وغيث يقرب منه بحنية يلعب ويعلمه ويحاول يزرع فيه كل الحب والحنية مثلا تصرفته
وأني اكعد وأباوعهم كلبي كله فرح
حتى كل مرة يسوي سند حركة تشبه غيث أضحك وأگول له
غزل : تحالفكم شغال أنا محاصرة بالحب من كل جهة
وغيث بحبه واهتمامه إلي كل يوم يزيدني أمان وسعادة حضنه كلامه ضحكته حتى بس نظرته كلشي بيه يخلي قلبي مرتاح ويعرف إن كلشي
راح يكون بخير هو وياي
حياتنه صارت طبيعية فيها تفاهم
وحب حتى الصعوبات صارت أخف
وكل يوم أدعي ربي بكل كلبي يحفظ هذا الحب لأن هالحياة بهذا الحب
صارت أجمل ما يكون
مرت الأيام وأنا أنتظر نتيجة الدور
الثاني لسادس وتربية كل ساعة قرار يجي وطولها علينه
أني وغيث كعدين سند يمّي
يلعب بالعابة ويضحك وبطني
كبرت وحسّيت الحياة صارت
كاملة إحساسي بالغربة والخوف
كله راح وصار مكانه حب وفرح
ما يوصف بالكلمات
راح تنور حياتي بنوته دائما
جنت ادعي تكون تشبة شمس
بكلشي
غيث خلى يده على بطني وأنا
خليت راسي على كتفه باسمه
وبحنانة أحس الأمان يغمرني
بوجودة
گال بصوت هادي ومليان حب
غيث :احلى شي بحياتي أنتم بيها
❖❀❖❀❖❖❀❖❀❖
شمس**
جنت حاضنة حر بنص سكون الغرفة
سمعت صوت أم حر يمّي ومليان
حنية
فتحت عيوني شفتها واكفة
مدّت إيدها بهدوء أخذتني من إيدي خلتني بحضنها
تحچت ة كلامها كله طيبة تحاول
تهدي بيه انكسر صوتها لما گالت
ام حر : كومي يمّه خيتج تنتظرج
عيونها عالباب محد إلها غيرج
واللي صار نِسي
هزيت راسي بـ اي وكمت رتبت
شكلي بس عيوني فاضحتني
التعب والحزن باين بيهن
رحت للاستقبال الهوسة عالية
أغاني ضحك فرح من شافتني سارة ابتسمت ابتسامة كلها حب ولهفة
سألتني بنظراتها قبل كلامها وأني
جنت اتهرب من نضراتها قبل سؤالها
بس لحت بإيدي عليها ما گلت شي
ما ريد أخرب عليهم فرحتهم خلت ابتسامتي تغطي وجعي
شوية ودخل حر واني لتهيت ارتب بسارة نسيت لبسي ايهم واكف
ماقابيلي واني عيوني شاردة بغير
مكان لحد ما سمعت صوته نززني
ايهم : شمسي
اخذني من إيدي وطلع واني أمشي
وياه جسمي وياه بس بالي فاصل
كلشي جاي يتكرر براسي لي صار
كلام حسن وياي
الوجع الخوف الموقف كلشي بعده
بذاكرتي
هو حس بيه شافني تايها ما حچى
ما سئلني شي بس وكف سحبني
لحضنه بقوة ويدة ع ضهري شدني
بقوة
ايهم: لو صار شي وياج ما جنت
راح أسامح نفسي أبد
غمضت عيوني دخلت بحضنه أكثر
الدموع نزلت من غير ما أحس صرت أشهك من لبچيأحس كل نفس يطلع
ويا وجعي روحي توجعني
راسي على صدره حسّيت شي ثكيل
نايم جوة صدري مادايطلع خانكني
شي اريد طلعه دفعة وحدة باببچي
وهو ظل ساكت إيده تمسح ع شعري
يهمس
ايهم : هدي بعد ماكو شي أني يمج
وأبد ما أخليج وحدج
ضليت أبچي وهو مخليني ع كلبة.
ما حچى ما گال كافي ظل ينتظرني أفرغ كل الوجع كل التعب كلشي
جوّه صدري دموعي نزلت لحد ما
تعبت مسحت وجهي بيدي
وحجي من بين شهكاتي
شمس: ما لعبت عليه هو اللي لعب بحياتي مفكّرت أكسر خاطر إنسان
بس هو اللي كسرني كسرني وخلاني أشوف روحي غلط كتله لاتحبني
احسبك اخوو
ايهم ظل ساكت لحظة بعدين مد
إيده خلها ع خدي نظراته وكال
ايهم :أعرفج أنتي أطيب بشر وأحن
بشر عرفته وحسن ما حبج مجرد
تعلق لأن اللي يحب ما يأذي واللي
يخاف ع كلب لي يحبة ما يكسره
ايهم:واني جنت أشوف أمّج كلشي
عكس وياج وكفَت وياج وقت الكل
ضدج محسّيت غير إنه واكع بيج
وبحبج ما فكّر لحظة كسر أخوية
بس القدر اختارنه والقدر ما يستأذن أحد
سحب راسي لصدرة كأنه يريد يخلي وجعي يذوب بصدره طبع بوسات ع راسي
صوته وهو يحچي كله وجع
ايهم :حسن مو بوعيه شمس حسن
مشى بطريق غلط
اني ما أگدر أأذي أخويه والله ما أگدر
تمنّيت غيره مسوي وياج هيج چان حركته بيدي
بس هذا خويه ولو چان بوعيه
ما چان سوّى هيج
ضل يمسح ع شعري ونفسه متقطع
صوته مخنوق بين وجع الخذلان
وحيرة الأخ
بوقتها حسّيت بيه مو بس يحچي
عن أخوه يحچي عن نفس موجوعة
بين والوجعة ع اخو وبين وجعه عليه
بين حبّه لي وخوفه على أخوه
ايهم: يلا نسي لي صار واني يمّج
محد راح يوصل لخيالج بعد هل
مرة وعد
صوته بس بيه دفى كأنه يحاول
يطمنّي بكل حرف كمت رحت غسلت وجهي رتبت شعري وكفت كدّام
المراية أحاول أشوف بيها شي
غير التعب اللي ما فارگني
وهو وراي كال
ايهم: ها وين
شمس : رجع يم سارة خطيّة
هو كبل وگال
ايهم: قسم بالله لو ما صار اللي صار
وشوفجج هيچ مصلّخة كدام حر
جان انتي بهاللحظة تحيّرين وين تشردين مني
باوعتله عيوني بيهن ألف كلمة
بس ما طلعت منهن ولا كلمة
رحت فتحت الكنتور طلعت فستان مرتب ومستور ولفيت شال ع ركبتي
رتبت نفسي وطلعت وهو بعده بنفس مكانه يراقبني بكل تفصيل
رجعت يمه كلشي ساكت بس نظراته تحچي أكثر من أي حجي گلتله وأنا أمشي صوب الباب
شمس: للبنات دير بالك عليهن
رحت يم سارة كعدت يمها بس بالي
مو يمها هي تحچي وأنا بس أهز راسي ابتسامة باهتة على وجهي
اجت غزل وبناتها البيت صار كله
حركة وضحك من دخلت غزل سوت
جو لخطوبة غزل تضحك وتتحرك بكل مكان تنثر فرحها علينا بس خفت
عليهاحامل وتكمز مثلا قرد
وجهها نكلب من شافتني ضايجة
كمت وياه يمامة وغزل شوية وياهن غيرت
خلصت الخطوبة ضلت سارة
تضحك وعيونها تلمع كلشي طبيعي
رتبنا اني وياها للبيت سوينه عشاه ولبنات راحن
دخلت للغرفة البرد سابقني والظلمة ماخذة المكانمديت إيدي وشغلت
الضوةباوعت ع بناتي نايمات
متغطيات وأيهم مسويلهن مَمه
نظرت صوبه ممدد ع الجرباية
بفانيلا داخليةإيده حاطة ع صدره ملامحه هادئة بس بيها
رحت غسلت بدلت لبسي
رجعت بهدوء تمددت قريب عليه
ما ريد أزعجه بس قبل ما أغمض
حسّيت بيه تحرك
ثواني وحسّيت إيده سحبتني من خصري قريبة منه لدرجة إن ضهري
صار بصدره
نفاسه الدافي تضرب بخدي صوته همس قريب من أذني
أيهم :كلبج ينطيج تنامين بعيده عليه
همست له : لا
مرت الأيام و اشهر وكل يوم يمر حبي له يزيد أكثر
هو هم حبه إلي مختلف
ما يحب بس من كلبه يحب بعقله بحكمته بحذر كأنه يخاف من هواه
من أي خطأ ممكن يصير
بس هالحذر هالوعي خلا حبه
لي أقوى وأثقل بالمعنى
وهالحب ما وكف عليه انتقل لبناته
رزان وران صار يحبّهن بنفس الطريقة
يعني حتى هو صار يزرع بيهم نفس الحنية والاهتمام اللي عنده إلي
رزان وران يوم ينزل أبوهن من
الدوام بالنسبة إلهن عيد
يجون يركضون للباب ضحك وصياح
كل خطوة إلهم احتفال رزان تحاول توصل قبل روان
أيهم يفتح الباب ابتسامته واسعة
عيونه تلمع من فرحة يشوف بناته
وهنا فرحانات بجيته
يوم عن يوم يمر أحس نفسي
أتعلق بعائلتي أكثرصاروا هُم كل
دنيتي كل همّي وفرحتي بناتي
دا يكبرن كدامي
كل يوم أشوف بيهم نسخة صغيرة
منّي ومن أيهم ضحكتهم سوالفهم
وحتى زعلهم كلشي بيهم يرد لي
حياة جديدة
أيهم ماخذ دور الأب والأم والأخو
بنفس الوقت ما خلني أحتاج أحد
وجوده وياي ستر ودفى وطمأنينة
أوقات أباوع عليه وشوفة وياه
بناتة اغار منهم عدهم اب مثلا
ايهم
أيهم يروح اهله كل ما ينزل من
الدوام مرات ياخذ وياه رزان روان
لكامل واخوات هما كل فترة يجون
يمنه
أما حسن بعد ما عرفت شي عنه
صار بعيد وما صار بينا تواصل
وأيهم ترس البيت كامرات
كلشي مراقبة حتى نحس
بالأمان
وسارة وحر كل يوم أشوف حبهم
يكبر يكبر مثل شجرة قوية
ضحكهم مع بعض كل حركة تبين
أنهم قريبين من بعض وهالشي يفرح كلبي أشوف الدنيا مليانة حب وصلة
بين الناس اللي يهموني وخاصه سارة
تستاهل شخص يعوضها مثلا حر
رجعت سارة تدرس بكل قوة
وكلشي حوالينها صار دعم من حر
إلهاجنت أفرح كلش من أشوف
الأمور تتعدل بالطريقة اللي كلبي
يتمناهاكل خطوة صغيرة إلها كل
نجاح كل ضحكة تفرحتني
سارة خلت بالي أرجع أدرس
تذكّرني بالواجب والهدف لي جنت
اتمنى اوصل لهم بس أيهم قافل ما يريد شي يبعدني عنه يريدني له
ولبناته بس
حضوره حوالي اهتمامه كلامه كلشي واضح يريدني جزء من حياته بشكل كامل
محبيت أخرّب استقرار عائلتي
حتى لو كلبي يميل أحياناً أرجع
للدوام والدراسه
وهاي المسؤولية حبّه واهتمامه
علمتني شلون أوازن بين كلشي
بحياتي
وأيام تمر كلها حلوة ما بيها غير حب
صار كلشي بعيد عن حقد كل يوم
كلوبنه مليانة رضا وسلام
وأخيرا صار عرس منتظري بلشت
العطلة وكلهامتحمسه حدوا موعد
زواج يمامة وحيدر وكل مخبصوص بالتحضيرات حت رزان وران
صارت جزء من كل خطوة اسويها
صبح كله مخبوصة كلها مشغوله
وأنا شردت ويا يمامة للصالون
سارة وام حر مشغولات بكلشي
واني شردت وخايت بنات عد ايهم
يمامة تباوع عليه خايفة تحچي
يمامة: شمس الزواج يخوف
شمس: ششوفين انتي
هي مسحت وجهها بنص ورجعت
ع تفاهتها ونست الخوف
يمامة :اذا عليجن ياهيه تزوج
منجن تفح بزايد
ضحكتني وضربتها ع جتفها
شمس : يلا لعد صار دورج تفحي
ويانه
جان بالي بس ضل وياها بس لحت
عليه خليت مكياج وياهامحبيت
أكسر خاطرها خليت وياها
مكياجها بسيط بس مميز يبرز
جمالها بدون زيادةبدلتها بياضها
يجنن يخلي كلشي حواليها يلمع
تسريحتها بسيطة مرتبة تنزل خصل شعرها بشكل طبيعي
يعطيها هدوء وأناقة بنفس الوقت
جنت باوع لها كل تفصيل يسحرني
ماشاءالله اية من جمال
بتسمت إلي وتقربت تحچي وياي
تحاول تقنعني أروح أسوي تسريحة بسيطة اني ردت أعوفه مفتوح بس
كل كلمة تكولها جنت أسمعها وأبتسم
يمامة: عروس لا تكسرين بخاطري
شمس: ترة احترمتج هواي هسه
اسبيج
يمامة : يلا بس سوي تسريحة
هسه
راحت تحجي وياه عامله هزت
راسها وقربت إليّ وكعدتني وبلشت تسوي لي تسريحة بسيطةخصل شعري تمشي بهدوء كل حركة بيدها محسوبة
كملت عاملة شفت روحي بالمراية
صدك شي حلو ومرتب كلشي بمكانه شعري مكياجي
شوية بعد دخلت ام حر شايله بيدها جيس مال الفستان بتبسمت بوجهي
وكالت
ام حر: جبتلج فستان ع ذوقي
شمس: ليش تعبتي روحج عمه
مو اشتريت اني
ام حر : لا لبسيه على ذوقي
فتحت جنطت طلعت فستان أبيض طويل أردن من يم صدرة خرز ناعمة على الصدر بياضه ناصع مو كلش
مو بالغ بي كلشي بي ومتأنّي يعطي شعور بالبساطة والأناقة بنفس الوقت
احس مختاري ع ذوقي صفنت عليه شفت تفاصيله
شمس : ما لبسه عمة هذا مال
العرايس ما يصيرمستحيل ألبس
أبيض ويا يمامة وبعرسها كأن اللون
عادي لبس بس ابيض له مخصص
لها بس وما يصير أشاركها بهالشي
وسحب الانضار عليه وبعرسها
ام حر : لبسي يمة لا ترديني
حجايتي
مكدرت أكول لا لها لبسته وساعدتني هيه باللبس كلش جاه على قياسي
كل خط مضبوط طلع يجنن
شكله خصوصا بالبس حسيت اكو شي مختلف بطريقة غريبة
كملنه أنا ويمامة بس مافرق شي
عنه اجه حيدر اخذ يمامة وراح
باوعت ع ام حر اسئلها ليش
محد راح وياها منو ياخذنه احنه
شمس : عمة ليش مارحنه وياهم
ام حر : يردون ياخذون صور يطولن
ايهم بطريق جاي ياخذج
شمس : ايهم جاي عمة وين يقبل
اطلع هيج لازم لبس جادر مايفيد
وياه بس شال
ام حر : اي هاج هذا برنص خلي
ع راسج افضل من شال
خليته ع جتفي وشديته شوية
وكالوا عريس برة ينتضرج
ضليت مكاني مارديت اجتي عليه
عامله وكالت
_ عريس برة يصيحج
شمس : تقصديني
_ اي
ام حر : طلعي يمة هذا ايهم يمكن
هما مسوين عازل بين صالون
ومسافه بين الباب صالون وشارع
هاي للعريس من يجي ياخذ عروسته
مديت راسي من بردة اتاكد صدك
ايهم هذا
شفت أيهم واكف لبس قاط أسود وقميص أبيض شكله يجذب النظر
ما أگدرت أبعد عيوني عنه ضليت أصافنه عليه
باوع عليه ابتسم ابتسامة
أيهم: شلونها عروستي
رديت بسرعة
شمس: لا أيهم لاتكولها
أيهم : ما خليتي لي طريقة غيرها
كل مرة أفتح موضوع نسوي عرس ترفضين واني انطيتج وعد ما أحب أخلف وعدي وياج
مد يده إلي وكال
ايهم : يلا نروح
خليت إيدي بيده قربني له نزل
راسه على راسي باسني على رأسي
ضل يباوع ع وجهي وبعدين سحب البرنص و غطى وجهي كله
كلشي ماشوف القيطان اللي بي
ضبّه اكثر
شمس: أيهم خنكتني ترة
أيهم: أي خنّتكي انتي ولا اختنك أني
من أشوف أحد يباوع لج
شمس : صبرك ياللهي
ايهم: ماعجبج حجي
شمس : عاجبني مولاي
مشينه سوا إيده مشابكه بإيدي
خطوة بخطوة للسيارة
قبل لا أصعد ذكرت أم حر
وگتله
شمس: إيهم جيبها وياك ام حر
جوة
إيهم: أخذوهالا تخافين سيارة راح
طلعت بيها
صعدنه بالسيارة بس ماگدرت أظل ساكته أحوس بمكاني وگتله
شمس:شيله فدوة خله ع الجامة
لي يمي مثلا عازل مال شمس
وخلني أقدم البرنص
سحب البرنص شوي من وجهي بس عينينه بعدها عليه السيارة مشت
للطريق شفت غير طريق مو طريق البيت
شمس: وين رايحين
ابتسم بنص وجهه وكال بهدوء
إيهم: إلج صافي
ضل لازم إيدي والسيارة وكفت
التفت علية وكال
إيهم: غطي وجهج راح ننزل
صوته جدي بس بيه حنيةأغطيت
وجهي ما أعرف شراح يصير
بس أعرف ويا إيهم ماكو خوف
فتح لي باب ونزلني دخلنه من باب
جبيرة صعدنا مصعد فتح باب غرفة
مجهزة مال عرسان ورد وشموع
وبرة سوت مثلا حديقة مكان لصور
وياه دخلتني ندك باب فتحة دخلت
بنيه شايلة كامرة
ايهم : يلا شمسي نصور كم صورة
نشوفهن لبناته
بتمست وهزيت راسي بـ اي
نزعت البرنص والمصورة تربتني
شوي وأنا أحاول أضبط نفسي
أخذنه لمكان تصوير مرتب فيه
خلفيات أضواء
أيهم ضحكته تخفف التوتر عني بس مرات يسوي لقطات تخلي خجلي يتضاعف المصورة تمشي بيننا
تضغط على زر الكاميرا وأنا
أحاول أتصرّف طبيعي
كل لقطة جانت تحجي قصة ابتسامة خجولة نظرة سريةحركة بسيطة من أيهم الوقت مر بسرعة بس كل لقطة جانت محفورة بالذاكرتي كل صوره تحجي مشاعرنا قبل ما تتوثق بالعدسة والأهم كل لقطة جانت بيني وبين
أيهم لحظة حقيقية ما يكدر أحد
يحس بيها إلا إحنا
كملنه تصوير والمصورة راحت
وضلينا سوا بالهدوءاجة أيهم يمي
قربني له حط إيده على خصري
ونزل راسه على جتفي باسني وكال
أيهم: أحبج بكل نبضة دك بكلبي
شمس: وأني حبك بكد أحبك لي
عيونه كانت مليانة لمعة فرحة
غريبة ما تنوصف بالكلام همس لي
بهدوء
أيهم :تعالي نعيش ليلتنا
وصار وراي يفتح سحاب فستاني
شوي وبحذر وهمس
أيهم: الملابس بالحمام البسيهم وتعاي
لبست وطلعت لكيته ماكو بألغرفة دايسوي أكل ضلّيت أباوعه من بعيد ابتسامته شلون فرحان حركاته كلها طبيعية ودافيه
كمل عشاه وخلصنه
اجة سحبني من يدي رفعني من
الكاع شالني يمشي بيا ويطبع بوسات على وجهي برقة كل بوسة مليانة
حب وحنية ولهفه
صح مو أول مرة تمر الليلة وياه
بس هالمرة حسيتها غير مختلفة
مميزةكل حركة منه كل لمسة كل ابتسامة جانت تخلي كلبي يدك
أسرع
بادلته بنفس لهفة الاهتمام كل
حركة مني كانت تعكس مشاعري
وصوت كلبي
صح ما جان عرس مابي ضجة
بس يكفي وجوده حبه واصراره
على الوفاء بكلمته لي
عشت وياه عشرة أيام صدك
حسيتهم كأنهم أول أيام زواجي
كل يوم جديد بحبه لي واهتمامة
وكل لحظة تقوي الرابط بينا
وتخليني أحس شكد هو عاشكني
رجعنا للبيت وكلبي طاير ع رزان
وران وهناتلكناه من الباب واكيد
لوليه واهتمام كل الابوهن
طلعت للحديقة يلعبن بيها كعدت بالمرجوحة أتذكر كل آخر فترة من
بداية هذا اليوم كل لحظة كل
ابتسامة كل شعور بالحب وخذلان
ولوجع
لحد ما حسّيت أيهم كعد يمي
خليت راسي على جتفه وعيوني
تراقب لبنات هنا من شافنه اجه
هجمن علينه
هو خلى رزان بحضنه وانا خليت
روان بحضني نحرك بالمرجوحة
شوي ونضراتنا لبعض لحظة صمت
وسلام بس مليانة حب
وقلوبنا كلها ارتباط
نهاية يوم بداية حياة جديدة وكلشي حوالينا صار مكمل
كل واحد منا بطريقة أو بأخرى
تعوض عن كل شي فات عن كل تعب
عن كل ألم إيهم بعنايته وحنانه عوض
لي عن اهل عن خذلان
غزل عن خوفها وأيامها الصعبةلي
مرت بيهم
وسارة بالحب والدعم اللي ما تركها
يوم
عشنا مع بعض لحظات فرح ما تنسى
ولحضات حزن ناخذ منهن درس
والعوض ما جاء مجرد اجه بهيئة أشخاص حقيقيين كل واحد صار
ملاذ للثاني
وبيهم صارت حياتنا كاملة مليانة حب ونهاية لكل شي صارت بداية جديدة
❖❀❖❀❖❖❀❖❀❖
وصلنه لنهاية قصتنا... ❤️🦋
مثلاً ما نعرف لكل بداية نهاية
واليوم وصلنه لنهاية قصتنه
شمس لأيهم
عشنا وياهم فرحهم وحزنهم لحظاتهم الحلوة والمرة بس صار وقت نفاركهم نسد بابهم ونتركهم يكملون حياتهم
وان شاء الله نكون تعلمنه وأخذنا درس من قصة كل واحد بيهم
صح راح نسد بابهم بس يبقى بالنه هوس أيهم لشمسه
وحبه ما ينتهي ألها
غيث وغزل وعوض وسارة وحر
كل واحد عاش حبه صبره وفرحه بطريقته
أتمنى لهم السعادة اللي يستحقوها اللي يملي حياتهم
وألكم متابعيني الأعزاء تذكّروا
الحب والصبر والوفا هم لي يخلون أي قصة تبقى بالذاكرة خالدة
اتمنى اكون وفيت حقها بسرد
وماقصرت جانت تجربة حلو
ويه ابطالي…
بقلمي
#شهد_الدليمي... ❤️
🎀 لْـلْـحــكُـايُة بَقـيُة 🎀
#تنويه
السلام عليكم
شلونكم فراشاتي
بنات اني مكدرت اكتب كل احداث
حسيتها هوسة اذا اختصر كلشي
بعد بارتين نكمل احداثهم
ويكون مكمل للنهاية
اشكركم ع وقتكم واتمنى اكون
وفيت حق القصة بالسرد ......