رواية بين الحاضر والماضي الفصل الرابع 4 بقول ايته عبدو
لمن رفعت رأسي وعاينت لقيت ده مجتبى وكالعادة مبتسم لي بسذاجة مقرفه أنا قدر ما احكي أني بكره ما ح اوصف الكميه ياخي
مجتبى:اووو بت العم ما مركزه مالك ولا بتفكري فيني
وضحك مبسوط من كلامه الاهبل ده
لميس:خيالك واسع أنا وافكر فيك أنت لا كترته المحلبيه شديد عليك الله اختاني
طبعاً ردود فعله هي البتخليني اتحرق أنا بنبذ وبستهتر منه على أساس هو يتغاظ بس لا في النهاية ردة فعله بتخليني اتغاظ أنا ضحك لي طبعاً
مجتبى:مقبوله منك يا بت العم الساكنه البال
لميس:يلا احسن تحترم نفسك وزح من وشي عليك الله ده شنو ده
مشيت وخليته لقيت أخوي مصعب بعاين لي بنظرات في شنو
مصعب:مالك مجتبى ده مالو داير شنو
هزيت رأسي بمعنى مافي شي
لميس: الأكل جاهز اسي ح يجيبوا ليكم
قلت كلامي واتخطيته بالجد زهجته دخلته لقيت لبنى طلعت والغرفه فاضيه بس مع زهجتي دي احسن أمشي شجرتي شلته الدفتر وطوالي طلعت على الشجره وصلت وقعدته اخدته نفس عميق بحس إنو حتى النفس مسموم في البيت بعدها عاينت لي الدفتر بحماس
لميس: خلينا نشوف حبوبه ستو حصل عليها شنو
________________________
*_في الماضي::_*
لمن دخلنا طوالي اخوي ايواب جاء علينا وهو هايج زي التور أنا خفته وادسيت وراء سعاد الكانت بتعاين ليه باستهتار وده الشئ الخلاه يهيج
أيوب:اكسري عينك دي يا عفن
قال كلامه ده بصراخ خلاني ارجف براي بدون ما اشعر بس سعاد ولا اتهزت ليها شعره كانت ثابته وهي عارفه إنو العقاب لثبوتها ده ح يكون وخيم مع أننا ما عملنا شيتا يقولوا عليه لكن حتى لو ضربنا بدون سبب مافي زول ح يقيف في وشنا ويساعدنا لمن هو شاف سعاد ما نزلت عينها وانصاعت لامره ضربها كف لمن وقعت وأنا نزلته جنبها وأنا برجف انفها نزفت من شدة قوته وأنا خلاص انهرته وبقيت ببكي بس هي ضحكت ايوا ضحكت وايوب هنا اتحرق من ضحكه لأنها المفروض بعد الكف ده تبكي بس لا سعاد وتبكي البكى ده خلوا لي أنا
سعاد:ده الفالح فيهو تتراجال علينا نحن الحريم لكن الرجال البره ما بتقدر عليهم صح
يلا كلامها ده قفدو اعصابه جاء علينا وعيونو من الغضب لمن حمراء وأنا خلاص قربته اعمله في نفسي من الخوف سعاد زودتها كيف تتكلم معاه في رجولته أنا متأكد عناد وثبات أختي سعاد ده ح يجيب اخرتها
جراها من شعرها بكل قوته لمن حسيت ح يقلعه ليها في يده وهو بصرخ فيها
أيوب:قصدك شنو اااااا يعني انتي شايفاني ما راجل طيب أنا الليله بوريك رجولتي الانت ما شايفها
أنا بقيت ارجف عايزه اساعد اختي بس أنا خوافه والله أنا بكره خوفي ده البخليني اشوف أختي بتتعذب وتنضرب وما قادره حتى اساعدها
كان داير يضرب رأسها بالحيطه بس أنا وقفت بسرعه ومشيت عليه وأنا بقول ليه بصوت متقطع من الخوف
ست البنات:ايوب أيوب لا لا ما تعمل كده والله كنا بنسرح بالبهايم ابوي هو القال لينا سعاد ما عملت شئ معليش خلاص خليها
نفضني من يدو المساكاها لمن وقعت على ظهري ونفض أختي سعاد لمن ضربت وشها وانجرحت وكبت الدم أمي جات جاريه مع اصواتنا وهو كان طلع لمن شافت حالتنا بقت تتحسبن ترفع فينا أنا قمت معاها بسرعه ومشينا على اختي سعاد عاينت لي وابتسمت ودمها كابي
سعاد:كويسه كويسه أنا شديد الناقص ده ما عمل لي شئ ما تخافوا
أمي ضربتها في ظهرها وهي بتقول ليها
نور الهدى: إنتي لسانك ده هو العامل فيك كده شوفتي تاني لو كتلك ما بجي عليك جنيتي صح تقولي عليه كده احمدي ربك إنو مافي وما سمعك كان كتلك طوالي
سعاد:ناقص ومئة مره بقولها رجالته دي ما يعملها للرجال القبل اسبوع اتحاوطوا ودقوا العفن مغيوظ يعني علشان اديته الحقيقة صح
أمي عاينت ليه بغضب ومشت وأنا رفعتها وسقتها الراكوبه وجبته مويه غسلت وشها بس الدم لسه كابي الحمد لله الضربه كانت فوق الحاجب كان قده عينها مشيت فتشته بيت عنكبوت وختيته ليه حتى الدم وقف دخلت الغرفه نامت طوالي وأنا بقيت افكر نحن لحدي بتين ح ننضرب كده واخواتي العرسو قلنا ارتاحوا بس اتاري رجالهم اكعب من ابوي بس أنا المطمني أني ح اعرس راجل بمئة راجل ود خالي البلوله بدورني وبدوره وعشان ابوي دخل مع خالي في مشروع مئة بقره يشغلوهم بيناتهم لمن جوا اتقدموا لي طوالي واقف والحظ ضرب معانه أنا وحسب الرسول
________________________
رفعت راسي بصوت منار وهي بتقول لي
منار:لميس أسماء قالت لي اقول ليك باقي للمغرب زمن بسيط ما تتاخري علشان ما يشاكلوا
هزيت ليها رأسي وهي قامت جاريه فجاء حسيت بحركه وراء الشجرة القصادي هي بعيده شويه لكن يعني ما شديد هزيت رأسي على التوهمات اكيد دي طيره ولا حاجه ده منو الفاضي يلعب معاك غميضه ضحكته مع نفسي وقمت علشان امشي البيت بعده وأنا عايزه اعرف حسب الرسول ده منو لانه جدي اسمه موسى ما حسب الرسول ولي ما عرسوا الحصل شنو الناس ديل مزعجين خلاص بس يلا النمشي البيت واتم الباقي وأنا ماشه لقاني في وشي مجتبى يارب لي أنا بيحصل معاي كده مزاجي كان رايق اسي كلمه واحده منه ح اكره حياتي أنا عارفه بس اعمل شنو قدري كده مشيت سريع واتجاوزته قبل ما يتكلم ويوقفني ما ناقصه أنا وآلله سمعته ضحكته بكل قوه اهدي يا لميس وما تمشي تقتلي اهدي ..
يتبع.....