______________________♡
جميلة بحنان ودموع: انهارده كان يوم مهم في حياتي، كان نفسي تبقي موجودة معايا، تفرحي بفرحتي وترقصيلي زي ما كنتِ تقوليلي.
عارفة اتجوزت مين؟ عز.
كنت خايفة أفضل لوحدي طول حياتي، بس هو جه طمني وحماني وسندني ووقف في ضهري.
أنا مبسوطة أوي، وهفرح أكتر لو بقيتي جنبي يوم فرحي. بحبك أوي، قومي بقى. (بكاء)
إيد فيروز بدأت تتحرك ببطء.
جميلة بصدمة وفرحة: فيروز بتتحرك! فيروز سمعاني؟ قومي يلا! يا دكتور! (توتر)
وخرجت تنادي.
عز بقلق: في إيه؟
جميلة بلهفة: فـ فيروز بتتحرك.
عز بفرحة: بجد؟ طيب خليكي جنبها، هنادي الدكتور بسرعة.
في الغرفة:
الدكتور دخل: ممكن تتفضلوا برا لو سمحتوا يا سها.
خارج الغرفة:
عز بهدوء: إن شاء الله هتقوم بالسلامة.
جميلة بدموع: يارب يا عز، يارب... بجد الحياة وحشة أوي من غيرها.
(وحياتك والرواية كمان صح يا بنات 🥲)
عز طبطب عليها.
حبيبة بلهفة: إنتِ اللي قولتي في الفون ده بجد؟
جميلة: أيوه بجد اتحركت.
حبيبة بدموع: يارب تقوم بجد، وحشتني أوي.
عمار: هتقوم إن شاء الله.
الممرضة سها: المريضة فاقت، بس هي بتنادي على اسمين. حد معين؟
جميلة: مين؟
سها: جميلة وحبيبة.
جميلة وحبيبة: إحنا.
سها: طيب، إنتوا تقدروا تدخلوا ليها بعد ما ننقلها أوضة عادية.
جميلة: تمام ماشي.
حبيبة بفرحة: أخيرًا فاقت، وهنرجع زي الأول من تاني.
جميلة: الحمد لله.
عمار بعد شوية وهو ماسك هاتفه: فيروز فاقت، وإن شاء الله هتبقى كويسة.
مراد بلهفة: إنت شوفتها؟
عمار: لا، شوية والبنات هيدخلوا يشوفوها.
مراد: تمام، سلام.
في غرفة فيروز:
جميلة بحضن: حمد لله على سلامتك يا روحي، وحشتيني أوي.
حبيبة: وحشتيني أوي، حمد لله على سلامتك.
فيروز بتعب: وإنتوا كمان أوي... هو أنا بقالي قد إيه في الغيبوبة دي؟
جميلة: شهر كده.
فيروز: طيب مازن ومعاذ واللي كان معاهم، حصل إيه؟
حبيبة: خدوا جزاتهم، متشغليش بالك... المهم إنك بخير.
عز دخل: حمد لله على سلامتك يا فيروز.
فيروز: الله يسلمك يا أستاذ عز.
عز بابتسامة: أستاذ إيه؟ قوليلي عز عادي، أنا بقيت جوز أختك.
فيروز بصدمة: إيه؟ أختي مين؟
جميلة بإحراج: أحم... أنا يا فوز.
فيروز: إزاي وإمتى؟
جميلة: اهدي، إنتِ لسه متحسنتيش وهحكيلك كل حاجة بعدين.
فيروز: ماشي... المهم مبروك يا حبيبتي.
جميلة: الله يبارك فيكي.
عز: يلا بقى قومي بسرعة عشان نحدد معاد الفرح، معاكي بدل مراد ده طلع عيني.
فيروز بتوتر: مـ مراد؟
حبيبة: مراد اتولى يكون ولي أمر جميلة، وعز طلبها منه.
فيروز: أمم... كويس.
الممرضة: حضرتك، البوكيه ده عشانك.
فيروز: من مين؟
الممرضة: معرفش، واحد ادهولي ومشي من غير ما يقول اسمه.
حبيبة: تمام، شكرًا ليكي.
جميلة بفضول: مين اللي جابلك ورد ها؟
حبيبة: في كارت.
فيروز: وريني كده.
وأمسكت الكارت وقرأت:
"أنا آسف، محدش قالي اللي حصلك. سلامتك يا فوز، قريب هكون معاكي."
جميلة: إنتِ تعرفي حد من ورايا؟
فيروز بتوتر: ولا في وشك... وحياتك أكيد واحد بعته بالغلط.
عز: طيب هستأذن أنا، لما تخلصوا رني عليا يا جميلة.
جميلة: حاضر.
الدكتور: ها، إيه الأخبار؟ حاسة إنك أحسن؟
فيروز: الحمد لله يا دكتور، هقدر أخرج إمتى؟
الدكتور: ممكن كمان أسبوع عشان نطمن إنك في حالة كويسة أكتر.
جميلة: شكرًا يا دكتور.
الدكتور: العفو، عن إذنكم.
حبيبة بحماس: شيك شوك، وفيروز قامت لينا تاني! شيك يا حبيبي وشيك شوك!
جميلة: البت اتجننت.
فيروز: هي مجنونة أصلًا.
في مديرية الأمن:
اللواء: مبروك يا وحوش.
مراد وعز وعمار: الله يبارك فيك يا فندم.
اللواء: أنا كنت مستني يتنفذ الحكم عشان أبارك ليكم، وأهو اتحكم على كمال بالسجن المؤبد، ومايا سبع سنين.
مراد بارتياح: الحمد لله إن كل واحد في البلد دي بياخد اللي يستحقه.
اللواء: عشان كده القانون موجود. تقدروا تتفضلوا وتاخدوا استراحة من الشغل شوية.
الجميع: عن إذنك.
بعد مرور أسبوع بدون أحداث:
في سكن البنات:
حبيبة: يعني هم عايزين يتفقوا على معاد الفرح؟
جميلة: أيوه.
فيروز: تمام، هنقابلهم في كافيه.
جميلة: مراد قال إن ممكن نروح الفيلا عادي.
فيروز ببرود: كلام مراد يمشي على مراته، مش عليا.
جميلة: إنتِ متعرفيش ولا إيه؟
فيروز: معرفش إيه؟
جميلة: أنا نسيت أقولك... مراد طلق مايا.
فيروز بصدمة: بجد؟ قصدي... ليه؟ حصل إيه؟
جميلة: اللي عرفته من الصحافة وكده إن هي وأبوها تجار آثار.
فيروز: أمم... طيب مالناش دعوة. برضو هنتقابل في كافيه.
جميلة: اللي يريحك، هتصل بعز أقوله.
في أحد الكافيهات:
عز: عاملة إيه دلوقتي يا فيروز؟
فيروز: الحمد لله، أحسن شوية.
مراد بجدية: المهم يا آنسة فيروز، إحنا عايزين نحدد الفرح.
فيروز: إمتى؟
مراد: الخميس الجاي.
فيروز باستفزاز: وإنت مستعجل ليه؟
مراد: عادي، هم متفاهمين وكله تمام، ليه نأجل؟
فيروز بعناد: عشان أنا عايزة كده.
جميلة: فيروز، اهدي أعصابك بلاش عند.
فيروز: اسكتي إنتِ.
مراد بحدة: وأنا قولت الخميس الجاي.
عمار لحبيبة: تفتكري هيولعوا في بعض إمتى؟
حبيبة: خمس دقايق بس، استنى.
عز: اهدوا يا جماعة، مش كده.
فيروز: أنا هادية.
مراد: وأنا كمان هادي جدًا.
عز: اشربوا حاجة طيب ونتكلم ونتفاهم.
مراد: قهوة مظبوطة.
فيروز: حلبة باللبن.
الجرسون: مش متوفر يا فندم الطلب.
مراد: مستني إيه؟ وفره دلوقتي يلا.
الجرسون: حاضر يا فندم، طلبات حضرتكم إيه تاني؟
كل واحد طلب مشروبه.
مراد: هاا... الخميس الجاي؟
فيروز: برضو...
جاسر بحماس: فيروووز! وحشتيني!
---
جاسر النحاس: شاب وسيم، رياضي، متوسط الطول والجسم. كان في الملجأ مع البنات، وبعدها اتبنته أسرة وربته لحد ما بقى دكتور جراحة. يحب فيروز منذ أن رآها. عمره 29 سنة.
---
فيروز ببرود: ها؟ مين حضرتك عشان أوحشك؟
مراد بغيرة: لا تعالي هنا بقى، وسايباني ليه؟
جاسر: في إيه يا حضرت؟ دي زميلتي من زمان.
فيروز: زميلتك منين؟ معرفكش أصلًا.
جاسر بتذكر: يا بنتي أنا جاسر، كنت معاكم في الملجأ.
فيروز بعد ما بصت لمراد: جسووور! وحشتني أوي!
جاسر: وإنتِ كمان، كنت بكون نفسي في أمريكا، وأهو رجعت وعرفت طريقك، قولت لازم أشوفك.
جميلة: بـ...
وقاطعها عز وهو يمسك عنقها بخفة.
عز: رايحة فين؟ اقعدي هنا، مسمعش صوتك.
جميلة: بـ...
عز: هششش.
حبيبة: يا حبيبي أجـ...
وقاطعها عمار بغيظ.
عمار: حبك برص، تعالي هنا.
حبيبة: وإنت مالك؟ إنت كنت خطيبي ولا كنت جوزي ومعرفش؟
عمار: والله؟ طيب اعتبريني قاري فاتحتك مع فيروز، واقعدي هنا.
حبيبة: ده إحنا أوامر ماشية على الأرض تؤمر يا حلوة.
مراد ببرود: سلمت وخلصت؟ اتفضل مع السلامة.
فيروز: إيه قلة الذوق دي يا أستاذ مراد؟ جاسر زي أخويا وهيقعد معانا عادي.
مراد: أمم... تمام.
عز: خليك ريلاكس خالص.
مراد: ماشي.
جاسر: إزيك يا جميلة؟ عاملة إيه؟ هاي يا بيبو.
جميلة: بخير بخير.
حبيبة: بخير برضو، هكون إيه؟ بطاطس محمرة؟
جاسر: دمك خفيف زي ما إنتِ دبش.
حبيبة: الله يخليك.
عمار: قوليلي قصة الواد ده.
حبيبة: جاسر أرخم خلق الله في الملجأ، كان بيحب فيروز جدًا ويهتم بيها عن أي حد ويحب يلعب معاها.
عمار: لعبوا عريس وعروسة؟
حبيبة: لا، إحنا بنات، متعملش كده.
عمار: كده ضمنت إن... مش مهم، مراد هيموته أصلًا.
حبيبة: هو ابن حلال ويستاهل كل خير، سيبوه.
مراد: اتفقنا.
جاسر: على إيه؟
فيروز: جميلة هتتجوز، وعايزين الفرح الخميس الجاي.
جاسر: بجد؟ مبروك يا جوجو، هتتجوزي مين؟
عز: الله يبارك فيك يا عسل، أنا جوزها ومبحبش حد يدلعها.
جاسر: أووو، بيغير! طب حلو، أنا أكيد معزوم صح؟
فيروز: ده أكيد يا جاسر، إنت بتقول إيه؟
جاسر: خلاص، الخميس الجاي حلو... حتى عشان تشوفي حياتك إنتِ كمان مع اللي يستاهلك.
عز لمراد: هادي غير العادة، وده مقلقني منك.
مراد: اسكت يا عز، تعرف تسكت؟ أنا على آخري.
مليكة بحضن: مراددد! اععع وحشني أوي! فينك من زمان؟
مراد بعند وهو يبص لفيروز: مليكة! عاملة إيه؟ اتغيرتي أوي.
مليكة: بس للأحلى صح؟
مراد: طبعًا للأحلى.
فيروز بغيرة: بس للأخلى... إيه الرخمة دي؟
جميلة: ريلاكس يا قلب أختك، حافظي على أعصابك.
فيروز: اسكتي إنتِ.
اتفقنا يا أستاذ مراد، هستأذن ورايا حاجات مهمة.
مراد: أوكي، وأنا كمان مشغول أوي.
فيروز قامت وحست بدوخة بسيطة.
جاسر بسرعة أمسك إيدها: فيروز! إنتِ كويسة؟
مراد اتجه ناحيتها: إيدك من عليها! مالك؟ حاسة بإيه؟
جميلة: فوز! إنتِ كويسة؟
فيروز: مـ مفيش حاجة... بس دوخة بسيطة. يلا نمشي.
جاسر: أوصلك طيب؟
فيروز: مفيش داعي، شكرًا.
بعد مرور أسبوع، كانت كل التحضيرات جهزت للفرح:
جميلة بتوتر: شكلي حلو؟
فيروز بابتسامة: إنتِ من غير حاجة قمرة، اللهم بارك. جميلة وإنتِ فعلًا جميلة اسم على مسمى.
حبيبة بحماس: وسعولي كده! أختي حبيبتي يعني الحلوة والشياكة والموزة الجامدة!
جميلة بضحك: بيئة أوي يا بت إنتِ، بتجيبي الكلام ده منين؟
حبيبة: من قلبي يا قلبي، يلا عز شوية وجاي.
في غرفة عز:
مراد: مبروك يا عز، وأخيرًا شوفتك عريس.
عز: الله يبارك فيك يا مراد، عقبال فرحتك باللي على بالك.
عمار: مبروك يا زوز.
عز: الله يبارك فيك، عقبالك.
عمار: يارب يا عز، بقى ادعيلي.
مراد: انشف شوية، متبقاش واقع.
عمار: ولا إيه؟ وقعة دي وقعة من الدور العاشر.
سيدة بدموع فرحة: مبروك يا حبيبي، ربنا يسعدكم ويكرمكم بالذرية الصالحة.
عز: حبيبتي يا أمي، يارب.
مراد: يلا، المعازيم مستنيكم.
في غرفة جميلة:
عز أول ما شافها: بسم الله ما شاء الله... يبختي بيكي.
جميلة بخجل: بجد؟
عز قبل رأسها: بجد أوي... يلا يا أميرتي.
وبدأت الزغاريد والاحتفال بيهم في الأوتيل.
جاسر: ألف مبروك يا جميلة، مبروك يا عز.
عز وجميلة: الله يبارك فيك.
جاسر: فين فيروز؟ مش شايفها.
جميلة: هناك أهي.
جاسر: تمام.
واتجه لفيروز.
جاسر بابتسامة: إزيكِ يا قمر؟
فيروز: جاسر، عامل إيه؟
جاسر: هبقى عامل إيه وأنا شايف القمر؟ أكيد بخير.
فيروز: شكرًا.
مراد بصوت عالي: فيروووز!
فيروز: نعم؟
مراد: عايزك.
فيروز: استنى شوية طيب.
مراد شدها وأخذها خارج الأوتيل.
فيروز بعصبية: عايز إيه؟ مينفعش كده!
مراد بغيرة: إنتِ لازم تبعدي عن الشخص ده.
فيروز: شخص مين؟
مراد: جاسر.
فيروز: بجد؟ وأنا أسمع كلامك ليه؟ ده صديق طفولتي.
مراد: بصي، أنا لسه معرفش عنه حاجة، بس اللي أعرفه إن وراه حاجة كبيرة أوي، ولازم تبعدي عنه للحذر.
فيروز بعناد: مش هبعد عن حد، وإنتَ ميخصكش مين في حياتي ومين لا.
مراد: يعني إيه؟
فيروز: زي ما سمعت كده... إنت من طريق وأنا من طريق.
مراد سابها ومشي.
جاسر من خلفها: أنا آسف.
فيروز: أنا اللي آسفة بجد، متزعلش... هو أكيد مش عارفك.
جاسر: أنا اتسببت في مشكلة ليكي، ولازم أمشي.
فيروز بسرعة: جاسر أرجوك ماتمشيش، ممكن؟
جاسر: بس...
فيروز: مفيش بس، هتقعد هنا.
جاسر حضنها فجأة: بحبك أوي يا فوز.
فيروز اتخضت وزقته: جاسر! مينفعش كده!
جاسر بندم: أنا آسف... مكنش قصدي، معرفش عملت كده إزاي.
فيروز: تمام... أنا هدخل عشان المعازيم.
جاسر وهو ينظر لطيفها: هتكوني ليا قريب يا فيروز... أوعدك.
داخل الأوتيل:
عز وجميلة كانوا بيرقصوا سوا.
بعد دقائق:
عمار وهو يأخذ حبيبة أمام الجميع: بما إن النهارده جواز أخويا، فأنا حابب أبدأ حياتي مع الإنسانة اللي بحبها... واللي عرفت توقعني من بين كل المزز، قصدي البنات اللي شوفتهم.
حبيبة... أنا بحبك.
وركع على ركبته وأخرج خاتم.
عمار: تقبلي تتجوزيني؟
حبيبة نظرت لفيروز وجميلة، وهم دعموها بنظراتهم.
حبيبة بخجل: موافقة.
عمار لبسها الخاتم ووقف: بحبك.
حبيبة: الله يحفظك.
عمار: بقولك بحبك!
حبيبة: خلاص، الله يسترك.
عمار سابها ومشي.
حبيبة: خد يا لهوي! لقى يطفش!
أماني: فيروووز! وحشاني أوي!
فيروز: وإنتِ كمان أوي، كنتِ فين كل ده؟
أماني: كنت عند أهلي في البلد، وأول ما جيت سألت عليكم عرفت اللي حصل وجيت على طول. إنتِ كويسة دلوقتي صح؟
فيروز: الحمد لله أحسن بكتير. شفتي جميلة؟ بقت عروسة.
أماني: قمرة اللهم بارك. هروح أباركلها وأسلم على بيبو.
فيروز: اتفضلي.
وبعد وقت انتهى الفرح، وكل منهم ذهب لبيته.
في فيلا العمري:
غرفة عز:
جميلة بتوتر: عز... أنا...
عز بهدوء: أنا هنام على الكنبة، وإنتِ براحتك على السرير. مش هضايقك ومش هجبرك على حاجة مش عايزاها دلوقتي.
جميلة بسرعة: لا.
عز: لا إيه؟
جميلة بخجل: أنا موافقة... أنا عمري ما هلاقي حد يحبني زيك يا عز، ولا يخاف عليا.
عز بتأثر: بجد يا جميلة؟ ولا بتقولي كده عشان ترضيني؟ أنا مش عايز أضغط عليكي، هبقى مرتاح أكتر لما تبقي براحتك.
جميلة: أنا تمام، متخافش... ومش مضغوطة عشانك، أنا راضية بده ومش رفضاك.
عز: متأكدة؟
جميلة: متأكدة.
في صباح يوم جديد:
في فيلا العمري:
سيدة: صباح الخير يا عرسان.
عز وجميلة: صباح النور يا أمي.
مراد: صباح الخير.
واتجه لعز وحضنه.
مراد: مبروك، رفعت راسنا طبعًا.
عز: متخافش، أخوك راجل.
مراد: ده كده كده يا وحش. هستأذن أنا، سلام.
سيدة: يا ابنـ... دايمًا مستعجل كده وشايل هم الكل. ربنا يفرحني بيك، وقتها هتقعد في البيت ومش هتخرج.
عز: مراد؟ مظنش خالص يا أمي، ده يسيب الفرح ويروح شغله عادي.
جميلة وسيدة ضحكوا.
سيدة: عندك حق في دي يا واد. يلا هات مراتك عشان نفطر سوا قبل ما تسافروا.
في بيت بمنطقة بعيدة، لا يوجد به أحد:
في غرفة مظلمة، كان جاسر جالسًا على كرسي مكتبه يتأمل صورة فيروز.
جاسر بهوس: من وإحنا صغيرين في الملجأ وأنا بحبك... بشوفك فأنسى كل حاجة.
أنا عملت كتير عشانك، أولهم قتلت اللي كانوا السبب إنهم ياخدوني منك وورثتهم، وعملت حاجات كتير... أولهم البيت ده عشان نسكن فيه سوا ونفضل مع بعض ونجيب عيال شبهنا.
أنا مهووس بيكي يا فيروز، وقريب هتبقي في حضني للأبد.
وأمسك هاتفه.
جاسر: نفذ اللي اتفقنا عليه.
الشخص: اعتبره تم يا باشا.
جاسر: مش هقدر أبعد أكتر من كده... كفاية السنين اللي عشتيهم بعيد عن عيني. جه الوقت اللي تبقي قدام عيني يا فيروز.
في سكن البنات:
حبيبة: صباح الخير.
فيروز: صباح النور يا بيبو.
حبيبة بحب: كل يوم بفرح إني بقيت أشوفك زي الأول، بجد وجودك مهم أوي في حياتنا. أوعي تسبينا تاني يا فوز.
فيروز بابتسامة: قاعدة على قلبكم، مش هسيبكم أبدًا متخافيش.
حبيبة: حبيبتي، يارب دايمًا على قلبنا. هو إحنا نطول أصلًا؟
فيروز: طيب يلا عشان نشوف الشغل اللي لينا، كتير. سيبنا من ده.
حبيبة: ده تلاقي مستر سامي شاط أو الله يرحمه من الغيظ.
فيروز ضحكت: هيشيط أكتر لما يشوفنا قدامه، يلا بينا.
في مطعم العمري:
سامي: أهلًا، نورتوا المكان.
حبيبة باستغراب: هو بيكلمنا كده ليه؟
فيروز: إنت كويس يا مستر سامي؟
سامي: كويس جدًا، إنتوا فوق راسي. ممكن تشتغلوا وممكن لا.
فيروز: أكيد هنشتغل، هنقعد يعني؟
سامي: اللي يريحكم... بس إنتِ هتروحي شغلك هناك سكرتيرة مستر مراد.
فيروز: تمام، هروح أنا يا بيبو.
حبيبة: ماشي.
مراد دخل المطعم واتجه لمكتبه.
مراد: صباح الخير.
فيروز لم ترد.
مراد بغيظ: القهوة بتاعتي بسرعة.
فيروز: حاضر يا فندم.
بعد خمس دقائق، دخلت فيروز المكتب بالقهوة.
فيروز: اتفضل قهوتك.
مراد كان ممسكًا هاتفه ومصدومًا.
فيروز بهدوء: اتفضل قهوتك.
مراد وهو ماسك موبايله ومصدوم: إيه ده؟
فيروز باستغراب: في إيه؟
مراد بعصبية: إيه الصورة دي يا محترمة؟
فيروز بعصبية: إيه دي؟ إزاي وصلتلك أصلاً؟ مين مصورني كده؟
مراد بغضب: ده كل اللي فارق معاكي؟ انتي مش شايفة حضنك إزاي؟
فيروز بتوتر : أنا بـ بس...
مراد بحدة: بس إيه؟ ها انتي طلعتي رخيصة أوي يا فيروز.
فيروز بغضب وهي بتضربه بالقلم: أنا أشرف من عيلتك كلها يا مراد. وخرجت وهي بتبكي.
في بيت جاسر:
الشخص باحترام: جاسر بيه، كله تمام.
جاسر بابتسامة خبث: آخرتك في حضني يا فيروز.
يتبع