رواية ماذا لو عاد معتذرأ الفصل الاول 1 بقلم ايته عبدو
عقدو دي الكلمه الاترددة في مسمعي فجاء دموعي نزلوا مامصدقه أخيراً كنت مفتكره حلم بعيد بس اتحقق الصراحه تعاملوا معاي هو الخلاني اشوفه مجرد حلم مستحيل يتحقق فجاء لقيت البنات بباركوا لي وبطلعوا باستعجال وهم بقولوا العريس جاء يبارك للعروس اطلعوا بقيت براي في الغرفه جاء داخل عاين لي بعدين قال
......:ألف مبروك لينا يلا علشان الناس منتظرانا برا ما نتأخر عليهم
طبعاً انصدمت صدمة عمري وأنا الخاته سيناريوهات للحظة العقد دي لكن ما مشكله قدامنا العمر كله المهم هو معاي مستحيل اخرب فرحتي علشان موضوع هايف زي ده جاء مسك يدي وقال لي سرحانه وين يلا واااي ياجماعه ما بتصدقوا إنو جسمي كله برد لمن مسك يد صح هو أخو صحبتي وبمشي ليهم في البيت بس كنت كل ما امشي امد يدي علشان اسلم عليهو يحرجني وما يسلم علي علشان كده اختصرته نفسي وبقيت كل ما أمر جنبه بس اقول السلام عليكم وحتى كده ما برد علي ما عارفه هو كان بيكرهني لي وأنا والله بحاول أكون لطيفه معاهو بس هو ولا حاسي بي اهلو كلهم عارفين إلا هو يمكن هو ما منتبه لي أو بيتغابه وما داير ينتبه لي ما عارفه المشكله وين صحيت من سرحتي دي بيهو هو وبقول ابشر ابشر مع أصحابه جاء ناحيتنا صاحبه المقرب الروح بالروح بس هو عكسه صاحبه عمر ده زول بشوش وحبوب ولطيف مع الكل وبحب الضحك والونسه وأنت أول ما تتكلم معه بتحس انك بتعرفه من سنين وما بتمل من ونسته عكس زولي ده صاري وشه اربع وعشرين ساعة واخلاقه ضيقه التقول قاتلين ليه قتيل ما عارفه اتصاحبوا كيف واي واحد من اتجاه مختلف خالص في كل شئ رجع انتباهي بعمر وهو ببارك لي
عمر: ألف مبروك والله مع إنو صاحبي ما يستاهلك
وقعد يضحك بعد عدي حمر ليه قلت ليه وأنا بضحك
...........: الله يبارك فيك وعقبالك كده
رفع يدينا فوق شديد وكان بعمل حركات دراميه بوشه خلتني اضحك بدون ما اشعر
عمر:اميييين عليك الله ادعي معاك لاخوك المسكين ده شديد
بالجد هنا ضحكت شديد عمر ده عسل والله هو ضحك معاي وقال لي
عمر:ربنا يهنيكم أن شاء الله
ومشي وقف مع باقي اصحابوا عاينت لي عدي جنبي واااي يخواني كل ما اتذكر إنو خلاص بقى راجلي بطير من الفرح بتذكر يوم اتقدموا لي ده أنا بس طلعوا بجاي لسه بيتهم ما وصلوا قلت لامي
*فلاش باك::*
...........: أمي قولي لابوي اني موافقه
أمي نططت عيونه وهي بتقول لي بخلعه
..........:جنيتي شكلك الناس بيتهم ما وصلوا ليه يقولوا عليك خفيفه وبعلي ح يقولوا البوره قاتلها ما صدقت لقت زول اتقدم بري منك
قلت ليها
.......:على العموم أنا وريتك أني موافقه كلمي ابوي لمن يسألك من قراري
بقت تضرب يدينها في بعض وهي بتقول علي
.........:زي خفتك ما لاقاني أنت ناويه تشليني مش
ضحكته ومشيت غرفتي
*نهاية الفلاش باك::*
طبعاً كلموهم بموافقتنا بعد يومين لأنو أمي قالت ح يقولوا ماصدقوا زول جاهم لي بتهم والبوره قاتلها وكده وأنا أصلا ما هاميني المهم أنه عدي قال عايز يعرسني وبس صحيت من سرحتي بزول بحضني شديد طلعت دي خالتو هاديه أم عدي كانت حاضناني شديد والله أنا خالتو هاديه دي أحنه واحده على بعد أمي قالت لي
هاديه:مبروك علي يا مرة ولدي الحلوه
بادلتها الحضن وقلت ليها
..........: والله أنا ما عرسته ولدك ده إلا عشانك انتي ياحبيبتي
زحت مني وهي بتضحك وبتقول لي
هاديه:خلي الكذب يعني ما وافقتي علشان ولدي حبيبك
نططت عيوني وقبلت على عدي بس لقيته ما مركز معانا وبتكلم مع ابوي ومندمج شديد يعني ما سمع والله خالتو هاديه دي حالفه تفضحني مع ولدها ده مسكتني هديه مغلفه وهي بتضحك وبتقول
هاديه:ماتشيلي هم ماسمع حاجه يا مرة ولدي
ومشت برضوا جات غنون وحضنتني وباركت لي والله بحبهم كيف اليوم كان حلوه وما حسيت بي نفسي إلا وأنا جنب الباب وبودعي في اخر ناس والي هم ناس خالتو هاديه ودعوني ومشوا نظام يخلوني براي مع عدي وكده وأنا كالعادة سرحته فيه لونه الحلبي شعره السبيبي انفه الحاده عيونه السود بس حلوين وكبار يا الله صحيت من سرحتي بصوته وهو بقول لي
عدي:نون إنتي كويسه الليله دي المره الكم تسرحي
قلت ليه بتوتر
نون:كويسه كويسه بس مع التعب ودي وقفت الصباح وكده سكته بس هو المره دي السرح لمن وترني كان بعاين لي من غير ما يرمش لمن اتلبشته بس الحمدلله جات غنون وانقذتني قالت ليه
غنون: عدي أمي دي قالت ليك يلا لانها تعبت من الوقفه وابوي وعدنان مشوا قبيل علشان عدنان عنده مدرسه بكره بدري ارح علشان توصلنا فعلاً قال لي
عدي:يلا في أمان الله
ومشوا دخلته جوا غرفتي علشان اهرب من اسالة بنات اهلي الحصل بينك وبين عدي شنو لمن جاء يبارك ليك وطبعاً لو قلت ليهم ولا شئ بذات بت عمتي ح تشمت فيني بس للأسف هم لحقوني قلت ليهم
نون: أنا تعبانه جدجد يابنات ما قادره احكي ولا شئ شبت بت عمتي الكريه ديك وقالت لي
شاديه:بس نفسي أعرف عدي ده اتقدم ليك على شنو والله ولا جايء معاك بس احتمال اهله جابرنوا طبعاً أنا كان عندي الاحساس ده برضوا وهي لمن قالت كده زي ما بيقولوا لمسة الوتر الحساس طوالي دموعي بس بت خالتي قالت ليها
منه:مالو شافع علشان يجبروا وبعدين ماله نون يايمه حلاة الدنيا عليها والف واحد يتمناها الله أداه أنها وافقة بيه
طبعاً هي اتغازت من منه وطلعت وباقي البنات طلعوا معاها بقت معاي منه بس والله منه دي من بنات اهلي الوحيده البتفهمني علشان كده بريدها ريده خاصه المهم قعدته تحنيس فيني وقالت لي
منه:هي ولا تبكي نفسك هي بس غيرانه منك علشان خطيبها بشبه القعونجه (الضفدع لغير الناطقين بها)
أنا هنا اتفقعت ضحك فيها على التشبيه الشبهته لي خالد خطيب شاديه قالت لي
منه:ايوا كده ما تخلي واحده حاقده عليك ساي تزعلك
وتخرب عليك فرحتك
ابتسمته ليها على كلامها وبقينا نتونس للصباح حتى نمنا...........
يتبع...