رواية ماذا لو عاد معتذرأ الفصل التاسع 9 بقلم ايته عبدو
نون
رجعنا البيت وأنا بس سرحانه معقوله للدرجه دي أنا مزعجه وخليت أيمن يكرهني فعلاً أنا كرهته عيشته إذا جزمتي حقت المدرسه هو البربطه لي ما يزهج مني قعدته في الكنبه وجاء عدي جنبي عاينت ليه وأنا عيوني مليانات دموع وما راضين يوقفوا خته يده في كتفي وأنا هنا انهرتها بقيت ابكي بطول حسي واتكلم كلام مقطع من البكى
نون:مونه مشي خلاني هونته عليه أنا والله بحبه ده اخوي أنا ما عندي غيره كيف يمشي قال عني انانيه صحي الكلام ده يا عدي أنا انانيه أيوا مونه قال كده معناته أنا كده هو بقول الحقيقه دائما بس هو لي مشي كان يقعد أنا كنت وقفته ازعجه كنته والله ح ابقى ما انانيه وح اسمع الكلام بس ما كان يمشي أنا سيئة صح أنا واحده غبيه وكل الحوليني ما بحبوني اكيد هو إذا مونه الكان هو أقرب زول واكتر زول بحبني كرهني معقوله باقي الناس يكونوا بحبوني اهااااا ياعدي قلبي قاعد يوجعني حارقني شديد قلبي حاسه نفسي ما قادر اتنفس من الالم أنا تعبانه شديد متألمه شديد
عدي حضني وهو بحاول يهديني
عدي:هو الخسران والله هو الخسرك ما إنتي وبالعكس إنتي الكل بحبك حتى اهلي شوفتيهم بحبوك حتى اكتر مني والله كل الناس بتحبك هو الغبي
بس كلامه ده ما كان مؤثر معاي أنا بس كنت داير ايمن يرجع ويقول هو ما كان قاصد والله كنت نسيت كل كلمه قالها وسامحته بس كنت عايزه الحصل ده يكون حلم بكيت اكتر لدرجة حسيت بألم شديد وعيوني براها غمضت
________________________
_*عدي::*_
والله قلبي وجعني عليها بكت بطريقه تقطع القلب كرهته أيمن ده شديد أنا اصلا بطبعي بكره الزول البتنافسني في الناس البتخصني والشئ ده انطبق على أيمن صح أنا لسه ما بقول حبيت نون لا بس كمان بقيت متعلق بيها وحركاتها وجنونها كل شيء فيها عاجبني برئ وبتحب الكل حاولت اهديها بس فجاء حسيت براسها تقيل على حاولت اتكلم معاها ما بترد لا هي ماله
عدي:نون نون لا ما تعملي كده هو والله ما بستاهلك نون اعمل شنو اعمل شنو ياربي ساعدني
عقلي اتوقف عن الحركه طوالي مشيت على شقتي جاري مرتضى أنا اصلا دي شقتي من زمان ف بعرف سكانها دقيت الباب وأنا حاسي نفسي تائه وعلى حسن حظي إنو الليله الجمعه وهو قاعد وفتح لي الباب
مرتضى:يا هلا بعدي الناسينا
عدي: مرتضى ساعدني مرتي تعبانه أنا ما عارف اتصرف ما معاي زول ساعدني
مرتضى:كدي استهدى بالله وينه هي اسي
عدي: في الشقه قاعده في الصاله
مرتضى: تمام اهدى أنا بمشي ادور العربية وبمشي معاك المستشفى وانت امشي نزله يلا أنا نازل قدامك
فعلاً هو نزل بعد اقنع مرته الاصرت إلا تمشي وكيف تقعد ونون تعبانه وتقول لي مافي زول بحبها والعالم كله واقع بحبها وأنا شكلي أول واحد مشيت شلتها ونزلت ركبتها وراء وقعدته معاها وأنا خاتي راسها في رجلي أنا طول الطريق ادعي أنها تكون بخير والله ما بقدر ما ماممكن تجي وتعودني عليها وفي النهاية يحصل ليها حاجه لا لا أن شاء الله بخير مرتضى عاين لي بالمرايا وهو بقول
عدي:يا زول استهدى بالله ما كده ح تكون بخير أن شاء الله
طبعاً لمن انتبهت لقيت دمعتي جاريه مساحتها وأنا بحاول اهدى
عدي: أن شاء الله أن شاء الله
وصلنا المستشفى ودخلنها الطوارئ ركبوا ليها درب وقالوا ضغطها نازل ومهبطه جاء الدكتور وقال
الدكتور:ما تخافوا المريضه شكلها كانت زعلنا وضغطها نزل شديد لمن جاها هبوط لكن اسي بعد الدربات ح تكون فل الفل الف سلامه عليها
عدي: شكرا يا دكتور الله يسلمك
مشيت عليها لسه كانت مغمضه عيونها لمته نفسي أنا السبب أنا السبب في الحصل ليها ده رجعت بالذاكرة ليوم امس
_*فلاش باك::*_
تلفونها كان بدق جنبي في البداية طنشته بس هي لمن كوركت جاني فضول اعرف ده منو الداقي عليها لمن لقيت زفت مونه ده عليت صوت الشاشه علشان تقول ما سمعتها بس هو ما وقف اتصال في المره التالته رديت ليه وفضلته ساكت عايز اشوف داير يقول ليها شنو سمعته صوته التعبان ومبحوح وهو بقول كلامه كله دفعه واحده
أيمن:نون نون الحمد لله أنك رديتي أنا داير اتكلم معاك في موضوع ما عارف اقولوا ليك كيف ولا أبدا من وين بس ما قدرته والله ما قدرته امسك الكلام ده جواي اكتر من كده حاسي نفسي ح اموت لو ما قلت ليك كلامي ده نون أنا بحبك هو في الحقيقة أنا ما بحبك لا أنا بعشقك عارف انك متزوجه بس والله تعبته تعبته شديد وأنا بجاهد نفسي وامنعه منك بس فكرة انك مع زول تاني ومرتو قاعده تسحب روحي وتقتلني قتل ساعديني شوفي لي حل أنا قاعد اموت والله يانون إنتي لي ما قاعده تردي أنا عارف انك مصدومه ومعتبراني اخوك بس أنا ما اخوك ولا اهلنا واحد أنا ما اخوك يا نون أنا بحبك
حسيت رأسي داير يطرشق من البسمع فيه هو قاعد يعترف لمرتي أنا انه بحبها لا ده ما جادي رديت ليه وأنا الغضب عاميني
عدي:لا والله وتاني أنت مجنون بتقول لمره متزوجه بحبك يعني ح تعمل ليك شنو ما بتخجل من نفسك أنت كيف وسخ كده وعندك نفس تعترف تعترف بشنو ولمنو لمرتي مجنون أنت عايزها تعمل شنو يعني تطلق ترجع ليك إذن أنت غبي كمان لانه نون بتحبني أنا ومستحيل تفكر فيك غير اخو بس أنت النفسك عفنه لكن أنا بحذرك يا أنت احسن تبعد عن مرتي لاني ما ح اسكت المره دي إلا عشانه لكن المره الجايه ح أتصرف بطريقتي واواعك تتصل تاني ليها فاهم
وقفلت التلفون في وشه ومسحته المكالمه الرديت عليها وختيت التلفون جنبي وهديت نفسي علشان أنا عارف نون بتحبني بس ما متأكد إذا اتختيت في مقارنه مع أيمن أنها ممكن تختارني
*_نهاية الفلاش باك::_*
نون صحت وعاينت لي مسكته يدها وأنا بطمن عليها
عدي: إنتي كويسه حاسه بشنو أنادي ليك الدكتور
وكنت داير اقوم بس هي مسكت يدي وهزت رأسها
نون: أنا كويسه يا عدي كويسه اسفه أني خوفتك بسبب ناس ما بستاهلوا بس خلاص مافي حاجه زي دي ح تحصل لأنها صفحه واتقفلت وبتمنى ما اسمع اسم الزول ده تاني عمري كله
كنت بعاين ليها لو عرفت ح يحصل شنو ما عايز اتخيل لانه الفكره براها مرعبه بدون شئ بعد الدرب خلص رجعنا البيت هي كانت بتحاول تظهر أنها كويسه وأنا كمان بس فجاء تلفوني دقه برقم الزول الما كنت خاتي ليه حساب ..
يتبع.....