رواية شمس الايهم الفصل السادس والعشرون 26 بقلم شهد الدليمي
_اجرع المر مستعد بس الحچيتة !
_ عليه لو موت ماجرعة شگد بيه
_غصه وعتب وهنانه كل الحچي
_ عارض بزردومي ومو طبعي
اشكي لبشر انه من اطب للصحن
ماسولف همومي بس انه بيا الغلط
وصلتلك لمرحلة تختاريلي هدومي
⸻❁⸻❁✿❁⸻
شمس *
باوعت ع امي بصدمه وهيه تكلهم
بكل برود هاي بتكم اخذوها
اجه واحد من شباب لي واكفين
سحبني من يدي وصاح بيه
_يلا مشينة
نترت ايدي منه ورحت
ابجي واحجي وياها بحركهااا
_ يمه وين مودتني وياهم يمه الله
عليج خليني يمج والله بعد اسمع
كلامج
تقدمت خطوتين يم أمي ركضت إلها
مثل الطفلة اللي بعدني أحسبها
سندي وكل كلمة تطلع من روحي
وجع
_ يمّه فدوة يمه شنو تحجين
وين أروح وياهم ذوله منو شكو
يمه تره لاا تذبّيني بوجه غريب!
يمه صح غلطت علميني من غلطي عقابين مو هيج ذبين مديت إيدي
أريد ألمس ثوبها يمكن تحن
يمكن تلزم إيدي وتگلي تعالي
بنيتي
_ بس هي سحبت نفسها عيونها
كلبها كأنه حجر وتحجي برود ولا
كانوا اني يمها مفرفحه
الأم : ما إلج مكان هنا روحي…
حسّيت بجسمي كله يخدر
بس صوتي بعده يصرخ وجع
شمس : يمه منو إلي وين أروح
الام : روحي زين مني تحملتج كل
هاي السنين وجيتي تحاربي بنتي
حت ع قسمهن…
_ردت ازوجج ابن اختي ما قبلتي
بس من نور رادت إيهم رحتي
أخذتي ليش هيج ماغزر بيج تربيه
شمس : زين اني افهمجج كلشي
وانتي حكمي
_ ما حسّيت بنفسي غير
واني حضنتها إيدي تترجه حضنها
شمس : والله ما أريد شي والله أبقى أخدمج العمر كله بس لا تبعدينه
لا تخليني بيد غرب!
الام : جان حسبتي عدج أم تعبت
عليّج قبل ما أسوين الغلط سويتيه
أنتي
؟؟ : تعالي خويّة ويانه…
التفت بسرعة شفت الشاب يمد إيده
شمس : وين اجي وياكك
_صرخت من كلبي احس كلبي
يعصرني عصر من وجع
_ ولج يمهه كلبج ميوجعجج عليه
والله تندمت والله عاقبيني ضربيني ليش هيج سوين وياي منو ذوله
واروح وياهممم
رفعت راسي أدور رحمة بعينها بس نظرتها كانت مثل سيف يقطعني
نصين تحجي برود
الأم : شمس بعد ما إلج مكان هنانا روحي وگبل لا أمد إيدي عليج
دفعتني بقوة جسمي وكعت بالكاع
و كلامها صار وجع اقسئ من هل
وجع لي اني بي
ألام : لا تكولين يمه مو أمج أني
روحي وياه عمج رجعي للامج
بعد ما يهمني بعد
وراحت الباب بوجهـي سدّته صوت
لحجته آخر شي وسمعته منها مثل
طلقة براسي
واحد من شباب لي واكفين يم سيارة
؟؟ : شوكت تخلص هاي لدراما
يلا كومي ورانه طريق
چنت بعدني كاعده بالكاع دموعي
ع وجهي جسمي ما بي حيل حسّيت
ظل يقرب إيد قوية شدّني من زنودي رفعني غصب من الكاع
_ يلا مشي ويانه
سحبت إيدي وين أروح وياك
منو إنت أصلاً ليش تردون تاخذوني
الرعب وخوف عيوني تدور يم
الباب المسدود:
شمس : يمّه! دخيلچ
ودّيني لأيهم أريد أيهم خابروا
عليـه أني ما أروح إلا وياه!
خزرني وضربني راجدي طير
خدي وصاح بيه
_ ولججج
اجه ولد ثاني جر وخازره
_نفهم موضوع شنو يلا نتصرف
_ شنفهم وهي تكول وديني كو.. د
هي شايفتنه عارات وهيج تحجي كدامنا
_اسكت اسكت هيه شمعرفه منو
احنه خايفه منه
الأول مسكني من ذراعي يريد
يجرّني وياه بس الثاني مد إيده
ومنعه
_ لااا… لا تضربها
_ولك فضحتنه
_لا تضربها البنية خايفة
_ظلوا يتجادلون ثواني وأنا أخذت الفرصة وانسلت من إيد الأول جسمي يرجف ركضت بكل ما عندي للباب
إيدي تدك عليه بقوة كأنه هالباب
الوحيد اللي باقي يحميني
شمس : ولج يمهةةةة
طلعييي لا تذبيني بيدهم يمه
افتحي الباب!
حجه رجال جبير جيبوها وتعالوا
وراي بسرعه يلا فضحنه ناس
طلعت ع صوتها
إيده سحبتني بسرعة ما لحگت
أقاوم غير بصريخ
شمس : يمممه لا تخلينيي
لا تذبيني وياهم يمممه!
جرّني مثل لعبة فتحوا باب السيارة وغصبوني دخل دفعني بكتفي
صعدت غصب واني ابجي واصيح بحركه
شمس : لاااا ودوني لابوية
_عيوني تنظر للباب اللي انسد
بوجهي دگّ برجلي من حركت
كلبي ع كراسي راسي بالجام
أبچي بصوت
شمس : يمممهه ليشججججج ليششش تخليني أني بنتج!
_ كافي راح تموتين ليش تبجين
هيه متريدج نعوفج بشارع
سكتت مارديت نزلت من السيارة
كلبي يدك بسرعة و رجلي كوة واكفه كدامي بيت غريب بيت متروس كله صوت أطفال وهوسه
دخلوني على الاستقبال الغرفة
جبيرة بس الجو خانق ريحة البيت
ثكيلة
رجال جبير حجه وياي
_ أني عمچ أخو أبوچ؟
_ ذوله ولدي حر وسلطان
حر : خوية لا تخافين ماكو شي
احنه ولد عمج
كعدت هناك عيوني ترقب كل حركة
منهم واكفين يمي كل كلمة تطلع
منهم تكطع كلبي
ابوسلطان : أمج خابرت كالت تعالوا
أخذو بتكم مو كد حملها
_ أبوچ بيته صغير وعده عائلة
ميكدر يخليج يمه جبتچ يمه
وعيشي وياه وبناتي.
سمعت صوت حر من بعيد
حر : يابه نخليج ع راسنه لا تخافين
سلطان : غير نفتهم شمسويه
وشمرتها هيچ شمرة
أبو سلطان نظر ليّ بابتسامة
خفيفة يحاول يطمنني
أبو سلطان : خل ترتاحي ونفهم
منها كلشي
حر : يمامه! خليها وياج بغرفتج
يمامه : خليها بعيوني
اجتي يمي ضحكه شاكه حلكها
وحجت انتي شمس
حر : لا خيالها
خزرته يمامه وحجت اهوو بكلشي مدخل نفسه
حر : ترة اكوملج عليمن اهو
يمامه : بابا تعال له
ابو سلطان : عوف اختك
حر : سكتنه احنه نكدر نحجي
خل تاخذ بنيه ترتاح شبعت بجي
عفيه دموعي شادة ماطوور وترش
علينه بهاي لدموع ميخلصن
ابتمست لا ارادي
حر : يالله ضحكتت
يمامه : تعاي حبيبتي هذا هسه بس تنطي مجال يضل يحشش عليج
اجتي يمامه مسكتني من إيدي
وياها للغرفة بس حسيت شوي أمان يمامه عيونها كلها حنية.
_وصلنا الغرفة كانت بسيطة بس
مرتبة فرشة نظيفة على الأرض
ستارة خفيفة على الشباج تسمح
لضوء الشمس يمر بالزاوية ريحة
البيت
يمامه : ارتاحي شمس
سكتت مارديت باوعت عليه وكعدت يمي وحجيت لمست يدي بيدها ضحكتلي بخفة وكالت بصوت هادي
يمامه: شمس احسه بيج
ان شاء الله تتعودين علينه
راح عرفچ عن العائلتنه
امي مره حنونة وطيبة وبابا هم. متزوج لخبيثة هيه ام سلطان
أما حر أخويه من ماماوبابا حنين
حباب أخو لكل
أما سلطان غثيث ومنافق
بابا ساعة زين وساعة لا بسبب
الكلام والنسوان
ابتسمت بخفة وگالتلي:
يمامه: وأني يمامه ادرس
صف ثالث متوسط
يمامه : وهذا البيت .بيتج راح تركج تاخذين راحتج وماكو داعي تخافين كلشي راح يكون تمام
_كعدت أصغي لكل كل كلمه
أحس قلبي صار أخف شوي
وكأن الدنيا راحت عني جزء
من الخوف والوجع
يمامه : يلا راح أطلع لج ملابس
سبحي ونامي
_هزّيت راسي وأنا بعدني ضايعة
بين تعب ما عندي قوّة أحچي.
طلعت يمام لي ملابس نظيفة مدّت إيدها وانطتني إيّاهن وكالت
_بدّلي وتعالي للمطبخ تغدّي
وتتعرفي ع ماما وبعدين نامي
أخذت الملابس منها بيدي حسّيت
بشي غريب بيها دفّة حنية بس
صرت اخاف من احد يعاملني
زين خاف بعدين يكسرني مشيت
للحمام سبحت
_ وبدّلت لبست ثوب ولفّيت
شال ع راسي نزلت عالدرج بخطوات ثكيلة أشم ريحة أكل من المطبخ وضحكات تتوزّع بالبيت.
أوّل ما دخلت عيوني وكعت عـ حر
شايل يمامة ويضربها بخفة ع
راسها وهيه تضحك
بس من شافني نزلها وكف بالباب
وصار جدّي رفع حاجبه وكال
بصوت عالي وياه ابتسامة خفيفة:
حر : هلا بشمس تعاي يابه لا تبقين
هيچ البيت بيتج
بتسمت له وباوعت ع يمامة.
يمامه لازمت إيدي تجرني بحماس
يمامة : ماماا هاي شمس تعالي
شوفيها
دخلت عالصالة شفت عمي وإمّه
مقابيلنا حر ورانه يباوع عليّ بنظرات غريبة بس عيوني راحت ع حرمة
كبيرة، ملامحها هادئة بيها طيبة
مطبوعة بوجهها
أم حر ابتسمت بوستني وكالت
_هلا بيج يمّه سبحان الله تشبهين
أمچ كلش
_هلا بيج خالةأوّل مرّة واحد يگلي تشبهين أمج
هيه حركت راسها باستغراب:
ام حر : ليش إنتي وين شايفتها
بالي رجع لكلمة أمي الأخيره
_إنتي مو بنتي
_معقولة صدگ مو تجذب
شنو يعني؟! وين شايفتها؟"
_ إذا مو أمي
اللي ربتني منو أمي الحقيقية
⸻❁⸻❁✿❁⸻
ايهم **
_أول ما شفت شمس طالعةوالله
حسيت صدري انشلع يا ريتني
مخلص روحي برصاصة ولا أوصل
لهل لحظة أشوفها منهارة وتخاف
مني هذا مو عذاب هذا موت بطيئ
_شفتها طالعة برةراسها نازل
خطواتها گلبت روحي
_ركضت وراها ماردت أخليها
برةخاف توكع وماحد يدري بيه
اني طلع شفت كامل سئلني مستغرب
كامل : وين بهل ليل
ايهم : شمس طلعت وحدها خاف
عليها
_باوعلي هز راسه ومشى هو لها
گعدت أنتظر يم الباب
_لحد ما شفتهم جايين كامل وياها
أول ما دخلوا رحت غرفتي ونمت
كعدت صبح هوسة بالبيت خالتي
تريد تطلع كامل مجلب بيها يريدها
تبقى حت نحجي بالموضوع
ونفهمه بس هي قافله ألا تروح
_وكفت برة احجي وياها وسيارة
جايه عليهم
– خالَه فدوة اروحلج اليوم أصعد
للدوام وأول منزل أجي أخطبها
رسمي وأرفع راسج بيها
_إي أني غلطت وحچيت لج كلشي
بس اتمنه تقدرين وضعي انتي
ربيتينه وتعرفينه شمس أحبها
_خالتي ضلت ساكته عيونها عليه
وعلى كامل
خالتي : زواجكم بس حچي
لو دخلت عليها
ما چنت أگدر أگول لا لأن كامل
حجيتله حته يستعجل بخطبتها
– إيي يمّه زواجي كامل منها أني
غلطت هي مالها ذنب
خالتي حجت كلام مثلا سم
– إيهم ما عديلك هذا موضوع ع خير
جنت واكفة مثل التمثال لا صوت
يطلع لا نفس صدمت بيها حقه بس
اني داصحح غلطي
باوعت ع كامل شفته مصدوم
نفسي
إيهم : خاله فدوة اروح لج
لا تكسرين كلبي اني غلطت
والله أعترف بس شمس شنو
ذنبها ليش تتحمل غلطي
_انتي ربيتنه وتعرفيني شلون
متربي مو غريب مو واحد جاي
من الشارع شمس روحي وإذا
تردين راسي تحت رجلج آني حاضر
بس لا تخلين الناس ياخذونها بكلمة
– الموضوع مو سهل كلام الناس
نظرة العالم تدري بيه آني شگد
تعبت حتى أبعدها عن الحچي
والسمعة وجاي اطلبها رسمي منج
– خاله والله أشهد الله لو ما أحبها
ما وكف يمج هسه اني غلّطت
وشرحتلج بس لا تظلمينه أني
أريد أصلح أريد أرفع راسج بيه
كامل : إذا نريد نحچي ع إيهم مو
ع شمس نگول هو تهور ورجع صلح غلطةبس هي لا نحميها وجع لا انتي
تخلينها تضيع
كامل حاول وياها واني احجي
بحرگة گلب وهي ماتأثر شي
بيها شي لحدما حجيت وياها
– خاله أقسم بالله بعد ما أخلي
دمعة تنزل من عينها أني أريد
أجبر كسرها
_مو أزيده والله لو شمس تطلب
روحي أعطيها بس أريدج تخليني
أصلح موضوع كله
– خوش من تنزل من دوام تعال
اطلبها
حسيت مثل ما أطير طرت من
الفرحة أخيراً شفت بصيص أمل
شفت شي يرفع روحي بعد كل
هاللي صار
_خالتي راحت وبيدي امل صار
عندي شعور غريب شعور أمان
وراحة ما حسّيت بيه منذ أيام
_بديت أحضر جنطتي أرتب كلشي
أحس كل خطوة أعملها كل حركة
مثل استعداد جديد لحياة يمكن
أخيراً تكون لي فيها حنان وفرح
أحضر ملابس دوام وسمعت صياح فاطمة
– شنو صاير
ركضت من خوفي دخلت للديوانية وعيوني وكعت على منظر كامل
وكف وحسن وفاطمة
كامل لازم صوندة وجهه حاد
مليان غضب
كامل : ولك ردت تموت للبينه كل هذا منك حسن
وباوع ع فاطمه وحجيه
_انتي شجاج حسن يحبها إنتي
ليش تخبلتي
_بخطوات مترددة رحت عليه
بسرعة مديت إيدي وخذت
الصوندة من يمه قبضتي عليها
قوية بس نفس الوقت
حاولت صوتي يكون هادي
– كامل هدي نفسك
كامل ظل واكف عيناه ما تفارق
حسن وشوفته مثل البركان المشتعل
حسن صار يتهدد صوته كله غضب
حسن : شلون تضربني
كله من وراه هذا واكف يمك
كامل : هذا ماردته يصير وسوتي
اثنيكنم غصب عليه
_أنا واكفة بيناتهم شعوري كلش
مشوش كلبي يدك وأحسّ كل دقيقة ممكن ينفجر الموضوع ما أريد أشوف
أي شي يتأزم ما أريد أحد ينجرح فهديت كلشي لازم أسيطر وخلص
من هل موضوع
طلعت فاطمه وضل حسن وكامل
يحجي وياه يفهم بي خلص يسد موضوع
بعد ما هدّيت الجو شويه رجعت
لغرفتي حضرت جنطتي للدوام
الوقت فات تأخرت بس ما جان
همّي غير أطلع وأرجع طلبها
اتصلت ع خطها اريد احجي وياها
يطلع مغلق
مرّت 15 يوم كل يوم بحسّه كأنّه
سنةأنا بالدوام أحسب يوم ورا
يوم كل ثانية أفكر بيها بشمس
بضحكتها بخوفها لي شفته بعيونها
أرجع لازم أخطبها رسمي لازم صير
يمي حت عوضها عن كل وجع
كامل حضر الموضوع مال بنت لي
عقدت عليها حرك الموضوع ويا
أهلها كلشي صار قريب من الترتيب
بس كلشي
لازم يكون مضبوط ما أريد أخلي
أي مشكلة أو خلاف يكبر لان هما
نسابت جسار
وكامل فهمهم انو اني مزوج وجانت وصله للطلاك وهسه رجعنه وبنت
رافضه تكون ثانيه ارتاحيت لان
خلصت وبنفس وقت ضجت لان
بنت ضحيه صارت وفصخ العقد
بس رجع وحسن تقريبا تقبل
لموضوع
_أفكرشلون أقدر أكسب رضاها
شلون أصير الشخص اللي تثق بيه
اللي ما يجرحها شلون ارجع شخص
لي بس تشوفه عيونها وكلشي بيها يصيح اني اريده
_ لو ما قبلت ما كدر اكمل كلشي
هذا الشي يخلي كلبي مشحون
يخليني أنام وأفكر بي خاف تصمم
ع نفصال
نزلت من الدوام كلبي كله فرحة
وحماس شعور ماحسه صار فتره
_جنت متفقه وياه كامل قبل يومين يحضّر كلشي واريد كلشي مرتب
حتى حت نروح نخطب وخالتي تبلغ أبوها حت نروح نطلبها رسمي وكل شويه اتصل كامل أكد عليه
_أخيراً كلشي يمشي مثل ما
أريد كلشي تمام
كامل : كلشي تمام بس تعال
_الوضع كان دوام بوقتهاخطر بس فرحتي جانت طاغية على كلشي
بس ردت اوصل احس الدنيا كلها ضحكتلي وكأن كل التعب اللي
صار قبل ختفي بخطوة وحدة
_وصلت للبيت سلمت على الكل
بس الجو كان مو مثل اللي
أتخيلته أكو شي غريب
ماكو فرحةحتى الهواء حسته
ثكيل تحضيرت للخطوبة ماكو
عيوني وكعت على كامل حسيت ضام شي عليه مكدر يحجي
– كامل بيها شي شمس
هز راسه بلا ما نطق كلمة
احساس غريب يضغط على
صدري.
– لعد شبيكم وجوهكم متتفسر
كامل باوعلي عيونه غارگة بشي وحچى
– شمس شردت وما أحد ي
شمس **
شفت ام حر تريد تحجي وعمي
خزرها نداريت عليها وكتلها خاله فدوة اروحلج فهميني
باوعت ع عمي وحجيت
ام حر : حبيبتي امج توفت وربتج
مرت ابوج لي هي ام عدي
_ابوج من نفصل عن امج طلب منها
ضلين وياه بناتها ويدزلج مصرفج
كل شهر لان لي تزوجها ابوج
ماجنت تريد اطفال يمها
من كالت مو أمج مجرد مرت أبوچ
ربتج حسّ كلبي ينكسرشعور
ما ينوصف كلشي صار مظلم وكأن
روحي تُعصر بين صمتي وكلماتهم
_چنت لعايشة كله جذبة كلشي
شعوري مكسور مو بس حزن شعور بالخذلان بالظلم شعور مثل ما أحد بالعالم
ام حر : لا تضوجين اني امج من
اليوم وهذا عمج حسبي ابوج
بتسمتلها ومعرفت احزن ع امي
ابجي ماعرف صرت اسمع باشياء تهد حيل وعبر
سألت خالة بصوت متردد
– شلون توفت
ام حر باوعت إليّ بحزن وكالت
– توفّت عمرج أشهركلبها صار
ضعيف الله يرحمها
شعور غريب خليط بين الصدمة والحزن والخوف ما أدري أصرخ أو أبجي
چنت أفكر يمكن إذا أشوف صورة لها يمكن يحسّسني بشي
سألت
– عدج صورة له خالة أريد أشوفها
هزّت راسها بلا وترحمو لها وغيروا
_موضوع بسرعه حر ناصب ع لكل
ويضحكون واني وياهم بس فاصل عن العالم شوية ويمامة كالتلي يلا تعاي نروح نام
مرّت 15 يوم وكل يوم أحس
الدنيا تصغر بعيني
_يحاولون يحسّسوني بوحدة منهم
بس سلطان وامه ما جانوا يحبون
كنت أفهم من كلام يمامه هما هيج حقودين على كلشي وخاص سلطان احسه يريد ياكلني بسونه
ووسط كل هالشي يجي سؤال
واحد يظل يعذبني:
ليش إيهم ما يسأل عني
ليش ما يحاول يعرف أخباري
_چنت أعرف الجواب بس أكرّر
أحاسيسي لنفسي
– معقوله ما يهمه هو متزوج وعاش حياته تركني بعد كلشي صار هسة
أني مجرد ظلّ
بس رغم كلشي رغم كل الوحدة
رغم كل الغضب شعور بكلبي بعده
إيهم ما راح ينتهي كل يوم أحسّه بداخلي كل كلمة كل ذكرى كلشي
چنت واكفة بين هالوجع أفكر
أحاول أتنفس أحاول ألگى طريقة
أعيش بهاد الواقع رغم أن روحي
كله محتاجه إيهم وبنفس وقت
ماريد قربه
_كل ما أكول خلص كلشي يمي
يذكرني بيه حتى شعري حتى
ريحته اللي اتعودت عليها كل
تفصيلة صغيرة تصير علامة
تصير جرح تصير ذكرى
_چنت أحس كلبي يتكطع كل مرة
أفكر بيه كل مكان كل كلمة كل
حركة تذكرني بيه وكلشي جوّه
روحي صايرة عبارة عن هو
حتى لما أغمض عيوني أشوفه
حتى لما أحاول أنسى
_هو موجود وما يرحم كلبي
_آخر فترة صرت آكل قليل كلشي
چنت نايمة وفجأة دخلت يمامه
يمامة : ولج كعدي حياتج بس
نومه نايمة من وكت هلكد
كعدت مصدومة من نفسي أربع
عشرين ساعة نعسانة جسمي كلّه
تعبان مادري روحي تعبانه
نهضت رحت غسلت بدلت ملابسّي ونزلت وياه صبحنا ع خالتي وعمّي
وكلشي جان طبيعي
جنة دانسوي ريوك
مرت دقايق دخل سلطان شايل باچه
سلطان : ام حر سوينه هاي ع
عشاه خلاها على السنك ومشى
من خالها عالسّنك حسّيت روحي
ما عدها طاقة معدتي ما تحملت
ركضت للحمام ضليت أتقئ
يمامه : طلعليها يمه من صبح شنو
أكلت خلاها يمنه هي وريحتها
أم حر : طلعتها بره راح طبخها
_ كلشي صار غامق احس بدوخه
لساني خدر اريد اصيح يمامه مكدر حسّيت غير بضلام يلفّني
كعدت هناك أحس جكت إبرة
بيدي ودكتورة تحچي وياي بهدوء
– لازم تنتبهين على أكلج نقص بالفيتامينات جسمج ضعيف كلشي لازم مراقبه
فجأة صاحت
دكتوره : جيبوا تحليل مريضتكم
جابهن سلطان
_الدكتور تباوع عليه وعلى سلطان
وگلت:
الدكتور : انت زوجهاا
هو ضل ساكت يباوع عليه وهيه
حجت كبل
الدكتورة باوعت ع سلطان
وگالت:
– جسمج ضعيف لازم تنتبهين
زوجتك حامل دير بالك عليها
جسمها ضعيف كلشي لازم يكون
مراقبه صحتها وصحة الجنين
أهم من كلشي
_من كالت حامل نزيت بخوف كل
جسمي نمل حاسة روحي ما عدها
طاقة أحس كلبي راح يوكف من
شدة الخوف
شفت سلطان أبوع عليه خازرني
بغضب عيونه كلها نار وغضب
تقدم خطوة مد ايدة سحبني
بقوة من سديه سلطان خزرني
جرّني بكل قوته
دكتورة : مو هيچ
أخذني من يدي ويجر بيه جر
واني اكوم وأكع كل طاقة بجسمي
ماكو عبرنا طورائ
وفجأة شافتنه أم حر
ام حر : ها يمه! خلصتو
دفعة قوي ومشى وضلت تصيح وراه
ام حر : ولك سلطان وين ماااخذ
لبنيه
_صعدني بسيارة روحي تعبانة كل
شعور بالارتباك والخوف يضربني
من كل جانب
أول ما صعدت بالسيارة ضربني
على راسي صاح بيه بصوت قوي
– ولججج! منين حامل؟
من شدة الخوف حتى حجّي نسيت
كل الكلام صار ضايع كلشي صار
أسود كل إحساس داخلي انهار
–چنت أحس روحي صغيرة
محاصرة مو كادرة أتنفس حتى
جسمي يرجف كلبي يدك بسرعة
كلشي حواليي صار ضباب ما أدري
وين راح ياخذني
_تلفونه اشتعل بتصالات اشوف
الاتصالات من حر
هو يغلط عليه ويسب حر
_ضليت ساكته ما گلت كلمة
هوساعة يضربني ساعة يفشر
ويغلط ما أدري شلون أتحمل
شعوري كله خوف ألم وارتباك
_وصلنا للبيت دخلني بيت قديم
ودخلني الغرفه دفعني وقفل الباب
ومشى
_عرفت راح يموتوني راح يذبحوني خصوصًا من عرف سلطان كلبي
يرفرف من الخوف
– وينك إيهم هيچ كلبك نطاك
ذبني وماسئلت عني
كل ثانية تمر كأنها ساعة كلشي
يمي صار مظلم كل إحساسي
صاروجع
_ظلّيت ساعات كاعدة بالبيت
وحدي الحياطين تخنكني والسكوت
يصفّر بأذني كل دقيقة تمر مثل
سنة جسمي يرجف وعيوني ما
تنغلق من الرعب
_ فجأة صوت المفتاح بالباب
انفتح الباب دخل وهو شايل
بإيده الصوندة عيونه يذبن سم
نظراته مثل نار تحركني صاح
بصوت
سلطان : شَمممصخمة ولججج منين حامللل ...
لقراءة جميع فصول الرواية من هنا