رواية شمس الايهم الفصل الثالث والثلاثون 33 بقلم شهد الدليمي
بويه عيونك صادت المحد يصيده
وكابل عينك الحلوه واغني وكل اليوجعنك يوجعني اذا تنجرح
انا انجرح وياك مثل ماانا منك
انت مين
اول مادخلت الاستقبال رفعت
راسي وجان اشوف شمس
واكفة وشايله بيدها جيس
جكليت تهوس وتطش عليه
أول ما رفعت راسي بالاستقبال
جانت شمس واكفة كدامي شايلة
بيدها جيس جلكيت تهوس وتطش
منه علية صوتها يعلو باهلاهل هيه
ويمامة
- يييييمة فرحتي ما تنوصف اليوم
اليوم عرسچ حبيبة روحي!"
اني اول ماشفتها عيوني كامت
ترش دموع شمس كبل خزرتني
شمس : بس تبجيني هاي عباتي
وارجع
بتسمت لها ودخلت هيه تلكتني
بوستني هيه ويمامة باركن لي
وعدلن مكياجي وكعدني ومكاني
راحن بنص الاستقبال يمامة
وشمس بنص الهوسة يركصن
شعرها كصير مغير شكلها متماوج
بخفة ويطشر يمينه ويسارة وهي
تركص
لابسة فستان وردي فاتح قماش
ناعم لزك ع خصرها وبطنها مبين
شوية من الحمل بس جمالها مغطي
على كلشي تهوس بإيدها
يمامة لازمة إيدها تركص وياها
صوتهم يعلو مع الهلاهل
النسوان التفن حواليهن يهلاهلن ويصفكن يباوعن ع شمس
ويضحكن
- شكد حلوة وهاي تركص
_ام شعر القصير
ندست أمي نغزتها بخفة.
ماما التفتت بسرعة
- ها يمه
گتلها وأنا أباوع ع شمس اللي
وسط النسوان تركص ونسوان
ملتمه عليها
- روحي كعدي يمه إذا صار بيها شي شيخلصنه من ثور مالتها
ماما: ياثور
غزل : رجلها يمةة
ماما : ولج متستحين هيج تحجين
ع رجال
غزل: يمة لا ترزليني لبسة بدلة
ماما ابتسمتلي ابتسامة كلها حنية
راحت مشت لشمس تحاوطها
بنظرات خوف وفرح بنفس الوقت
شمس ما ملت بعدهه تهز وتصفگ
راحت امي حجت وياها هيه
كبل ندارت عليه وهزت جتفها
امي ضحكت باستها ومشت
اجت شمس ويمامة يمّي لازمني
من إيدي
- غزل يلا كومي خل نفرّح سوا
اني ما صدكت گمت مثل الطفلة
ذبيت كل لحم وياهن بلشت أركص وأهوس وأضحك.الجو كله فرح
النسوان يصفكن ويهوسن ويمامة
ويانه بالك صار سنين تعرفنه وامها
صارت صديقة ماما دك سوالف
وشمس مندَمجة ضحكته مافارقت وجهها ناسية نفسها حامل تركص وتصفگ بكل قوتها
أمي شافتها اجتي عليها كوة كعدتها
يمها واني كعدت مكاني وهنا يمي
اسمع امي تكول شمس
- يمه استريحي لا تتعبين روحچ
شمس : يمه آني زينة
غزل : استجني مرت ثور
يمامة : يايمةة شلون جابتها
بلكصه
غزل : خل يولي حت حيدر خابرة
يسوي مريضه ماتجي شو زاكطين
جنج حصان
شمس : ماتسكتين غير شبعت
بجي وزعل يلا قبل واخر شي
كالي تلبسين صاية وجواريب
وشال شرط لونهم اسود
يمامة : عزة بعينج مايدري بيج
هيج لبسه
شمس : لا منين يدري إلا انتي
تروحين تكولين له
يمامة : شفته هو وحر وحيدر
غزل : اي بله وين شفتي حيدر
يمامة : شسمه رحت اجيب مي
شمس : ايهم برة
غزل : عزمه حيدر حت يجيبج
هو مو كال بدوام
شمس : قبل ساعتين كالي نازل
لا تتاخرين وهسه بحديقة
غزل : متاكده صاحي
شمس : اصحه منج
شوية وامي جابت صينه بيها كيك
وورد وشمع وحنه وبياضات وشوية
ويجي غيث يحنيني
دخلو هوسه اخواته واهله كرايبهم
يهوسون وهنا كلشي ماكو امه واخواته
بالك عزميهن كوة
حاولت ماضوج ولا خليها بالي
تكفي فرحت اهلي دخل غيث
كلها لبست شالاتها وكعدت هو
اجه حناني وكعد شوية يمي
وطلع يستحي من نسوان وجهه
كام ينطي الوان
ضلن نسوانهم يهوسن ويركصن
يخلصن حفلة حنه وياي ويرحن
للحنة مالت غيث تبلش وراة حنتي
وبيت غيث قريبا علينه راح يسونه
بساحة لي يم البيت
تقريبا خلصت حفله وراحت لبست
فستان ارتاح بي وشمس انتبهت عليها
يمكن ميه والف ردت ع جهازها
غزل : شكد تخابرين
شمس : شخابر ايهم خبلني كل خمس دقايق يتصل
غزل : ليش
شمس : يكلي كعدي بالزواية
معليج بااحد
طكيتها بضحكة
غزل: راح دزله تصويرج من تهزين
شمس : لا فدوة هو لمن ركص غير لج
غزل : يلا قنعتيني
راحنه كعدنا يم ماما نسوالف
ويمامة وامها ويانه شويه واجتي
مراة كعدت يمنه سلامت وحجة
_وين ام هاي بنيه
ام حر : اني امها حجي عيني
_والله بنيتج حلوة وعجبتني اني
واخواته هو ابني مامدحلج بي
خوش ولد وكلها تعرفه
امي تباوع عليه واني ابوع ع
عليها بالي يمامة هسه ردت
اجفص وكول لا خطبيهالاخوية
مراة دنكت ع شمس تمسح ع جتفها
وتكلها يدللج هو يريد هيج مراة
حيلوة مثلج ماشاء الله
كبل كتلها خاله نشور اخوها
ونردلج خبر مراه هزت راسها
حصلت لطمة ع راسي وحجت
ام حر
ام حر : عيني بنيه مزوجة
وحامل
لمراة من سمعت متزوجه
اعتذرت وكامت
ماما كبل حجت
_ ليش متلبسين حلقة بيدج
ام حر : غير مخبلة رجال هيه
وحرشالعين باب كلبه
غزل : كفو منهااا
حصلت لطمة من امي
باوعت ع امي وحجيت
غزل: عروسه يحترموها بيوم
عرسها الا انتم ياهو جاي كافخني
ضلينه نضحك ماماوام حر راحن يحضرن لعشاه ونشاقه لحدماحضرو
عشاه كل ماتكوم شمس تريد تساعد
ترجعها ام حر
ام حر : رجعي وستر علينه
رجعت شمس تضحك وكعدت يمّي
ظلت يمي كاعدة لحد ما بلش المطرب يدك جوبي الجو كله تغير الهوسة
علت والنسوان يهوسن كل الفضول أخذنه كلهن صعدن فوك حتى يشوفن الحنّة
اني ويه شمس ويمامة صعدنا هم
دحسنه نفسنا بينهن وأصوات
هلاهل تملأ البيت
اول مامديت راسي شفت
حر وحيدر وغيث واكفين واحد
بصف ثاني لابسين دشاديش
حر وحيدر وغيث كلهم لابسين
دشاديش بيض ناصعة وياهن
جفيات لفيها ع روسهم ونازلة
ع كتوفهم تخلي الطلة هيبة
الهوسة والجو مشتعل والناس
كلها متونسة وهما
يضحكون ويلعبون جوبي
الناس كلها متجمعة الهوسة ما تهدأ وصوت المطرب يغطي على كلشي
الموسيقى تعلى والكل يضحك
حر وغيث وحيدر واكفين يجوبون بحركات سريعه خط واحد
دنباوع وشمس كبل حجت
شمس : عزه هذا ايهم شجابة
غزل : عازل روحه ثور خلي
كاعد خلصنه عالم من شرة
ضربنتي كبل ع جتفي متقبل
واحد يحجي عليه
غزل :يستاهل ثور ضربيني ع مودة
هزت راسها اي وخلتني بصدمي
وحجت
شمس : ميحب هاي امور وهوسة
بس هنا اجه علمودي يخاف عليه
شعجب متصل عليه
غزل : راح اسامحها هذا ثور خاطرج
لان يحبجج
شمس : دولي خل نشوف
نضري كبل راح ع ثور
لابس داشدشه بيضا وجتافه
عريضة لف جفية سوده ع راسه
ونظرته تحسها حادة كأن يريد
يعارك جفيته ملفوفة بطريقة
مرتبة
شويةحر يترك الركصة ويروح
يسحب أيهم صاروا بنص الدائرة
ويصيرون واحد بصف واحد
ويلعبون جوبي بكل حيوية شكلهم
هيبة ويجنن كل حركة إله وزنها
وتأثيرها ضلينه فوك لحد ما
حنوا غيث وناس طشت
وثور دز ع شمس وحر برة ملتهي
وياه حيدر
غزل : ضلي شمس وياه حر
روحي
شمس : ستري عليه يمعودة
من غير كلشي هو متخبل بس
اكله هيج مايجبني للعرس
غزل : لعد روحي وياه نسيبي
وديربالج عليه وع اطفاله
شمس : شكد اختلافيه ولي
نطيني صاية مالتي امج ضمتها
لي
اخذت صاية من كنتور ماما دخلت
للمطبخ لكيت شمس تطلم وامي
مندمج وتحجي الايهم ع مراه
خطبت شمس
وهو يباوع ع شمس سحبها له
من وكفت بصفه ضاعت نزل
راسه ع راسها باسها من راسها
وكال
ايهم : ام ولدي وبسمي شمسي
امي غير تسكت ماتسكت امي
ماما : لا يمة كلت لها تعاي منطيج
مراة
هو كبل خزر شمس وهيه شوية
وتكوم تلطم
ايهم : خاله مرتي وين تنطيها
ماما: وين مرتك لا عرس لا حلقة
بيدها
ايهم : محضر كلشي بس تكول اي
رحت انطيت صاية لها لبستها
وحجت
شمس : اذا ماجابني باجر لاتكولين
زعلت وضامتج كتله بس ندوام
غزل : واني شكو كلت لامي تحجي
شمس : غير توصيهاااا
غزل: شدراني
لبست وضلت واكفه يمي شوية
وصاح بسمها راحت له ورجعت
شمس : يلا راح روح غزل
غزل : غير تنتضرين ام حر
شمس : يكول هما يجون وراج
غزل : متخافين تروحين وياه وحدج
شمس : يااا غير رجلي شخاف
شو ولي
ضحكت وراحت واني هم شفت امي
وبنات وام حر سئلتني كتلها راحت
وياه ورجلهاا حر دز عليهن بدلن
وطلعن شوية واجتي يمامة عليه
يمامة: متاكدة ايهم اخذها شو مايرد
ع حر ولا هيه ترد
غزل : عزة بعيني لا بس موت بنت
يمامة : نجبي شيموت منها
صارت هوسه و صوت برة لي
فهمته حر مايدري باايهم ماخذ
شمس وياه ويتصل عليه مايرد
وجهاز شمس مقفول
شمس
أي واحد سمع بخبر لحمل يفرح
ويوصون بيه الحمل بتوم مو شي
عادي صعب
بس أيهم بعده ممصدك كل شوية
يتصل ويطمن صوته يبين بيه رجفة والفرح كأنه الدنيا كلها انشالت
من عليه وصارت خفيفة ابتسامة
من الفرحة حسيت الكون كله ما
يكدر يحتويه من شدة سعادته
كل ما يصيرله مجال يتصل
ويوصي بيه اديربالي ع نفسي
واذا ماحصلني يتصل ع حر
وعمة ويلح ع حر موضوع
زواج حر كالة
حر : من تنزل نتفق
مرت ايام ...
ايام مرت والفرحة بعدها بقلوبنه
يوم غزل عزمتني على عرسها اهل
حر ماعدهم مشكله يرحون بس
أيهم ضل يعاندني مرّة يكلي لا
تروحين ساعة أخاف عليج ومرّة لا تلبسين هيچ ولا تحطين هيچ كل
ما أحد يتصل عليه ويلح ما يقبل يجاوبهم بعصبية
ايهم : أحرككم بس تطلعونها واني
مادري
محد گدر عليه لحد ما عمه حجت
وياه وأخيراً قبل رجع لي وكال
ايهم : إذا تردين تروحين تلبسين
صاية وبس وشال اسود وتكعدين
وحدج وماتشاركين بشي
اني بس اريد اروح كتله هاهيه
اني هم اخاف ع نفسي
ايهم : اي عفيه شمسي خلص
واجب ورجعي
شمس : من عيوني
صح گتله إي بس هيه مو أي
صدك بس حت سكتته عمه أخذتنه للسوك ظليه ندور لحد ما وكع نظري
ع فستان وردي يجنن من شفته
حسّيت ع جسمي رح يطلع غير
شكل اشتريته ورجعنا يمامةاخذت فستان اسود سوّينا شعرنا صبغت
بس اطرافة هو وگذلة طلع يجنن
كل هالوقت ما گلت شي لغزل ولا
نطيتها خبر وماخليتها تحس بشي
أريدها تكون مفاجأة لها
إجا يوم العرس البيت كله مخبوص
بالك لعرس بيتنه هوسة وضحك
واني فرحانة من كل كلبي صديقتي
راح تزوجج
لبسنا ويمامة ظلت تخليلي مكياج
ضحكت وهيه تكلي
يمامة : شدعوة هيچ حلوة
شمس : موبجمالج
إجت أم حر صاحت علينا
_ يلا بنات
_طلعنه للباب هم شي صايات
وصه عليهن أيهم
يمامة : خل يشوف شلبسة جوة
صاية إلا يحرم عليها صاية بعد
شمس : امشي هسه
صعدنا ورحنه للبيت غزل وصلنه
قبلها وجتي عمة نطتني جيس
جلكيت بيدي
كعدنا نتضر ست غزل سمعت
جهازي يرن أيهم يتصل فتحت
خط صوته متغير مخنوك كوة
يحجي
شمس : ايهم شبيك شبي صوتك
ايهم : اني نازل أوصل بالليل
شمس : هلا بيك طريق سلامة
سكت شوية وكال خلي حر يرجعج
من وكت أريد أشوفج ما أتحمّل بعد
اريد اشوفح اذا تاخرتي اجيج للعرس
شمس : متاخر بس توصل نطيني
خبر
سدة وراح دقايق واجتي غزولة
وماقصرنا خوش ستقبلها بس هي ام دميعه بس تبجي خلصتها بجي
اول شي وراها ندمجت ويانه
من شفت ايهم لسه احس نفسي
اريد اشوفه بس هوسة و هو بعد
متصل عليه
خلصوا حفلة اني رحت اغسل
داغسل وجهازي دك ايهم
ايهم : باب بدلي وتعاي
شمس : وحر يدري
ايهم : لا تخليني اسبجج واسب حر
لبسي زين لفي شالج عدل زلم تارسة
دنيا
شمس : دقايق لبس واجي
كلت غزل تجيبلي صاية واكف بالمطبخ
سمعت صوته يحجي وياه ام غزل
مدت راسها شافتني بس اني بالمطبخ
وحجت
ام غزل : تعاي يمة بس مريتك هنا
جتني صدمة اريد اشرد هو دخل بسرعة
لمطبخ ضل يباوع ع لبسي وع ام غزل
ميكدر يحجي
ايهم : تعاي بوية شمسي شلونج
رحت له سلمت عليه وضليت واكفه
يمة هو يحجي وياه ام غزل ولازم
يدي يضغط عليه حيل ويرجع يرخي
ام غزل حجت ع سالفة عرس
لتمت علية شطمطم شعوف شصخم
كبل جتني لوية بطني من خوف
لبست صاية وطلعت وياه صعدنا هو ساكت واني خاف احجي شوية شغل
اغنية
_تعالو بعينكم شوفوني اشلون
_ بعدكم ماغفن لحضات العيون
_لليالي تمر كل ليله ما انام
باوع عليه ويحرك يدة ع ستيرن
ويحرك شفايفة ويغني وياها
_ شوفتكم حلم ضاع ويه الاحلام
_ كل العاشكين ايام افراح وانا
_على الخد تسيل دموع عيني
طفى وندار عليه وحجه
ايهم : شوكت تبطلين هذا لعناد
اني متفق هيج وياج
اني ماعدي شي ابرر بي شكله
جذبت عليك ضليت ساكته
عاد عليه نفس كلام
مارديت عليه كبل ضرب لسترين
بقوة ويصيح بحركة
ايهم : عاجبج هيج تحركينن كلبي
شمس: هو عرس شلبس لعد
ايهم : لازم نصلخ للعرس مو
وياه كل حجايه يدك بيدة ع ستيرن بحركة ويسوق سريع احس كلبي طار
انتبهت هذا مو طريق بيتته
شمس : وين موديني مو بيتنه هذا
ايهم : سكتي سكتي
شمس : شنو سكتي ماسكت وين موديني
ايهم : انت من شوكت هيجح شو
مجنت هيج اعاند شخبلججح عليه
شمس : ايهم رجعني للبيت
ايهم : يابيت ماتروحين بعد هناك
اذا ضلين بعد انجلططط حسي بنار
لي بصدري عليجج ليش هيج تحركين
بكلبي فوك بعدج عليه نار غيرة تاكل
كلبي
شمس : بس نسوان هو منو اكو مو شفت انت بس نسوان
ايهم : حت نسوان ماريدهم يشوفنج
ومو كعدت توصف بيج لابنها
تريدججح لابننهااا
شمس : ايهم داتخوفني ليش
هيج تسوق راح نموت
ايهم: واني اموت كدامج الف مرة ماشفتييي
توتر وخوف مشاعري بطني احس
معدتي كلبت
شمس : نزلني ايهم اريد استفرغ
كبل وكف سيارة واني نزلت اركض
احس روحي طلعت هو حار شيسوي
ساعه يغسلي ساعه يشربني مي
سندني للسيارة ودني
غمضت عيوني ماحسيت لحد ماهو
شالني وطبك باب سيارة برجله
دخلني غرفة نزلني ع جرباية بهدوء
واني ضليت مغمضة مافتحت
نزعني شالي وصاية وحذاء وغطاني
وهو مدد يمي مخلي راسة بركبتي
حس بحرارة نفاسه راسه محاوطة ركبتي وصوته مثل ليحچي بكلبة
سمعته يهمس:
شوكت تعرفين اني ما أگدر بدونج شوكت تحسين بالنار اللي بكلبي
چنت أحس بكل كلمة يخليها بگلبي
غيرته عليّه مثل سيف مرات يجرحني بس والله أحس بيها حب حب يخوف حب يغمرني ويخلي روحي مرتاحة
_أغار عليج حتى من الهواحتى من نظرات الناس يمكن أظلمج بخوفي
بس ما عندي بدنيا غيرج أنتي حياتي أنتي النفس اللي أتنفسه
كل كلمة داخلة لصدري ويجي
بكلبي نفسي أحچي
ليش تحرق روحك بهاي الغيرة ليش تحس رح تخسرني أني لك ما عندي غيرك ليش بعدك ما تطمئن
حسيت إيده تمر عشعري دفاها وصل لجسمي كله وأنا مغمضة عيوني
وأسمع كلامة
حسيت بيه يسحبني إلحضنه
چفوفه ملفوفة عليّ كأنه يريد
يخفيني يدفني بصدره ويشم
شعري ويحضني حيل مر وقت
حسيت بيده تنزل ببطء عبطني
يحط راحته عليهاهو يحچي ويا
بطني
_بابا تدري شكد أحب أمك تدري هي حياتي وروحي تدري أني من غيرها
ما أساوي شي لا تخلونها تحبكم اكثر
لا تاخذوها مني خلوهاإليّ بابا أمكم موتنتني ما أگدر بعد ما بقى عندي
غيركم أفضفض لكم عن ضيمها
اني كبل حجيت دموعي بعيني
_شمسوية لك أمهم شمسوية
غيرأحبك غير أني صرت إلك
شتريد أكثر آني زوجتك آني بكلبي
ماكو غيرك ليش تحرك روحك بهاي الغيرة
سحبني أكثر چنت أحس بعظامي
تتفتت من حضنه قريب اذني
يحجي بهمس
_ما أريد أسمع حتى الهوا يمر يمچ
_ ما أريد أشوف نظرة حدا إلج غيري
_أنتي إلي أنتي روحي وما أگدر
أتنازل عنچ حتى للحظة
_اعرف شكد تحبينني اعرف شكد
شفتي وجع منّي وشفتي أذايه بس
بعد كلشي حبچ إلي ما يموت
شمس : اني أحبك
صحيح آني شفت منك أذية صحيح
آني نجرحت منك بس كلبي بعده
إلك ما أگدر أتركك ما أگدر أعيش
بدونك
ابتسم وقربني أكثر بحضنه
صدري ع صدرة
ايهم : فرص لي نطيتها لي
ماراح أخليچ تندمين عليهاكلشي
صار ويانة ثبت لنا ان الحب اللي
بيننه هو الأقوى رغم كل الجروح
رغم كل الأذية حبچ إلي أقوى
من كلشي.
ما أتركچ ما أخليچ تندمين أنتي
إلي وراح أظل وياچ كل حياتي
حسيت كلبه يدك سريع ع صدري
أيديه تضمني من جديد يضغط
ع ظهري وبطني بحذر همساته
كلها رجفة وحب
ايهم : آني كل يوم أموت بدونچ كل لحظة أنتي بعيد عني أريدچ دائمًا
يمّي ريدچ تعرفين شكد أني
محتاجچ شكد أحبچ
چنت نايمة بحضنه هو يلعب بشعري
بكل هدوء كل شوي يطبع بوسة ع خصلاته
شمس : راح شعري لي تحبه
ابتسم وگرب راسي أقرب لي
همس
ايهم:حبيت شعرج لأنه لج وشعرج
يرجع يطول أهم شي أنتي بحضني كلشي غيرچ ما يهمني
ابتسمت من جوابه فرحني
ما توقعت هيج جوابه ما حجيت
بس كمزت بستة هو ظل مصدوم
فهم من غير كلام أني أريد أقربة
أكثرتقرب لي سحبني له واني
شمس: ايهم... لا
ايهم : لا تخافين إذا ما تريدين
قربي اي بس لا تخافين مني
رجعني لحضنه بعد حسيت جسمي
كله يرجف مو خوف بس ذاك شعور جديد شعور بالانتماء بالحب اللي صار عميق وجذري هو يحركني بلطف كل حركة كل لمسة كأنه شي هشّ مثل الزجاج يخاف ينكسر يخاف يجرحني
همس لي وهو يقربني أكثر
_هاي الليلة إلنا كلشي يخصنا اذا متحبين قربي كولي لي
وگلبّي يدق مثل الطبول كل مرة
يلمس شعري يطبع بوسة مليانة
حب وحنية مو مجرد كلمات بس
وعد أمان وعاطفة ما حسيتها كبل
چنت أحس أنه تختلف عن ذيج
مرة مو مجرد حضن مو مجرد كلام
حب حنية ما حسيتها كل حركة محسوبة بعناية
أنفاسه تغمرني حضنه صار مثل
الجدار اللي يحمي والدفا اللي
يغطي كل خوفي منه وكل حركة
منه تحجي لي آني أحبچ وماكو أحد يكدر يفرق بينني وبينچ
كل ثانية وياه كل لمسة تكول
هاي بداية حياتنا هاي اللحظة اللي
راح نعيش بيها حبنا بكل صدق وحنية
همس لي ويده تمسح شعري
_أنتي إلي كلشي غيرچ بهل دنيا
ما يهمني
غمضت عيوني شعور ما ينوصف
شعور أني أخيرًا بحضنه وآني بحبه
بلا خوف بلا قيود بلا حدود هاي الليلة صارت ذكرى محفورة بالروح ليلة اللي بدت بحب صادق وحضن يحمي كل شيء بيننا ...