رواية شمس الايهم الفصل الثامن 8 بقلم شهد الدليمي

رواية شمس الايهم الفصل الثامن 8 بقلم شهد الدليمي

مِن اجَيبك عَسلف تسوه السلف

كُله والمفارك عيونك بالسلف شِله

شمس

ايهم : بعدج ما تعرفين منو إيهم

عيوني بعينه والدنيا كلها انمسحت ما أسمع شي ما أشوف شي

بس صدره يصعد وينزل بغضب وأنفاسه بوجهي وإيده ما تنوصف على خصري 

ومثبتني چنه يريد يزرعني  بالحايط

ضل يباوعلي هو ساكت بس عيونه تصيح و تغلط عليه وعلى عشيرتي 

ايهم : شعجب هسه ساكتة

يحجي وينزل باللثام عن وجهه 

يحجي بغضب قبل مارد كمل 

ايهم : مو تضحكين مو تحچين مو تبسبسين ويه حسن مو نايمة بحضن كامل 

روحي من خوف ماعت ماعرفت شجاوب بس دموعي نزلت

قرب لي صدره صار يضرب ع صدري وعيونه ركزت بعيني چنه يحفر بيهن

ايهم: أحچي شمس قبل لا أخليچ تحچين غصب 

اريد أحچي والله بس حلگي نشف وگلبي يدك ع گلبه من كد مالزك بية حتى نفس احس اخذة منه

حجيت بصوت كوه طالع مني 

شمس : ايهم 

مارد بس قرب راسه قريب راسي وكال

ايهم : منو گال راح أرحمج

تعاندين وتضلين نايمه بحضن كامل ولج شلون يعني منعج من اخواني واحد واحد يابشررر افهممميني

ماريدج يم جنس رجال حتى ظلچ وحيد اريده اريدج تضلين بعيد عنه ماريد اشوفج يم بشر ماريد احد يتنفس نفسج غيري وضلج مايمر عليه ضل غيري دتفتهميني ماريد احد يحجي بيج كدامي ولا وراي 

هزيت براسي بـ اي من خوف مو ايهم غير بشر واكف يمي يضغط بيدة حيل وإيده على

خصري ضاغطني چنه يريد يخليني جزء من لحايط لو يكمل بيه نص واكع 

شمس :اي بس ايدك داتاذيني 

ايهم :ما أشوفج يم أحد ولا أحد يحچي وياچ 

هزيت راسي بـ اي صفن بعيوني شويه مثل لي ذكر

شي جر شعري بيده جره خفيفة

ايهم : وهذني عطوبج قسم بالله اذا لكيتهن طالعات كدام احد خاصة حسن انتفهن بيدي

لج وخليهن بيدج وشنو طالعه لهنا بدون حجاب متحجين خرسيتي 

شمس: انت تنطي مجال واحد يحجي بس تصيح متشوفني كوة واكفه ع حيلي خوفتني

شلون هيج تسوي متخاف اموت من الخوف 

شو انت كل ساعه شخصية قبل شوية شكل هسه تصيح شبيك نوب تحجي وتجاوب متنطي مجال احجي 

باوع عليه خازرني  

ايهم : يابه لا تفكرين تسمعين شخص غيري تمشين ويه غير 

ضلي اني اعرف شنو احجي  انتي بعدج متعرفين شي اني اريدج تبعدين عن كلشي اذيه وهاي تصرفاتج أكبر اذيه الج

شمس : شلون يعني 

ايهم : يكولون كل حلو بي لولة وانتي بيج هذا غبااء يعني لا تقربين ع احد معليح بااحد 

ولا تسمعين من احد بكدي اني اريد مصلحتج وخايف عليج من امج وحسن 

شمس : وليش بس الك انت ابن خالتي وهما هم شبيك تتحكم حتى بنفس لي اتنفسه وتعالي حجيلي عليه شبيك انت

ايهم : شمس ترة احركج واحرگ  رس هل مله الخ...رة بويه فهمي حجي عوفي

العناد اكلج عوفي صخمان تنام بحصن كامل

حجي مغلسه خرب بااهلج اذا الكاج يم بشر الا بيدي احركج

شمس : اي كافي تصيح خوفتني افهم ليش متريد احجي وياه اخوتك 

قرب اكثرصار هادي هذا تحول الي عده يخوفني ساعه نار عصبي وساعه حنين 

ايهم : شمس بتعدي اخر مرة احذرج سمعتي لو اني ابعدج بطريقتي وماضنها تعجبج وحسن الف متر بينكم شمس 

حسن ماريدج يمه انتي مو ما تريدي بتعدي شكو جايبه عين لج 

شمس :هزيت راسي  بـ اي 

ايهم : يلا دخلي جوه 

ومشيت شلت السطل وركضت للبيت واني كلبي يدك 

كأنه جرس ماعرف هذا خوف لو فرحه لو شي ثاني مخربط

تفكيري بس لي مرتاحه له حب هذا اهتمامه بيه لو بس 

يبعدني عن حسن لان طلبت منه 

دخلت للمطبخ حطيت السطل ورا لحظات سمعت صوت فاطمه تصيحني

فاطمه: شمس تعالي كومي نسوي غده 

وكفت يمها بس بعده وجهه ما فاركني

اني وكفت باب مطبخ واحجي وياه فاطمة الي اجت تمشي وكفت بنص وصارت ترجع ليوره وگامت تصيح 

اني هنا خفت التفت شفت ايهم وهي تصيح

فاطمه : اسم الله اسم الله

ايهم ضحك بصوت ونزل اللثام 

ايهم : شبيج شفتي جني

فاطمه : لا شلون هيج تدخل يمة وكف كلبي انت مو رحت سوي جنسيتك شرجعك 

ودخلت عليه هيچ مثل حرامي

چنت واكفه بمكاني اسمع كلامهم بس خفت عليها شلون خافت باوعت ع ايهم يخزر بيها

لان تصيح عليه ايهم خزرها سكتت

ايهم : لا مارحت صديقي ياخذها من المركز ويشيل اسمي من الحاسبه

فاطمه :حمدلله خلصت جنت شايله هم روحتك 

ايهم : حمدلله خلصي بوية غده وحضري شهادة وفاه ابويه اريدها اليوم

فاطمه : صار 

راح ايهم سويت غدة

فاطمة متكدره من راسها گعدت والخوفه ضلت بيها 

سويت غده تشريب دجاج  ريحته ترست البيت الدجاج استوى والمركه ثخينه وتفوح منها ريحه تجنن

رتبت المواعين سويت زلاطه من كلشي موجود

خيار طماطه فلفل حار شوية دبس رمان عصرة ليمون وكمون وگمت خلطتهم 

فرشت السفرة بنص الصاله رتبت المواعين جهزت كلشي حتى الگلاصات چبتهن وحطيت مي بارد ولبن 

هم بعدهم بالصلاة چنت أسمع صوتهم ماطولوا خلصوا صلاة وسمعت صوت باب 

الصالة ينفتح دخلوا واحد واحدكامل جسار حسن ووراهم ايهم چانوا يضحكون يحجون سوه بس أول ما عيونهم وكعت عالسفرة

سكتوا شويه وحجه 

كامل : هااا شنو هذا عاشت ايدج شموس 

جسار گال وهو يضحك

جسار :: لااا ترى هالترتيب ما يصير إلا بإيد حرمة خوش ترتبه

ايهم ما گال شي بس نظرلي نظره طويله

ضلو يمدحون الأكل وترتيب

فاطمه : والله شمس رفعت راسي غداها خوش غده 

نغم : شو من اسوي غدة ما تمدحونه هيج 

الكل: لا خطية نسويلها واهس 

حسن : شايفين منج غير تمن دشوفي ترتيب 

فاطمة: الله عليج صيري مرت اخويه وخلي غده عليج 

حسن : سمعي كلامها 

صاح ايهم 

: الاكل برد مايصير تحجون فوك نعمه

ويباوع عليه ويخزر بيه زين اني شعليه

اني حجيت

خلصوا الغده دالم بالماعين

ويه لبنات وفجأة حسن بصوته العالي

حسن : شموووستي جااااي

كامل :  ضربه ع حلكه ضربة سريعه وصاح بي

وجع اسكت لا اكسرك 

ايهم بقه يضحك ضحكه طلع بيها صوته 

ايهم : حيييل والله

جسار جان يباوع على حسن وكال

: سنونه وكعن والله طارله ثنين 

سجاد : سويتله فرمته هههههه

ضلوا يضحكون ساعه ع حسن محد يزعل

من ثاني شي كلش حلو بيهم جو عائلي دافي 

سوالف نكات وضحك ما بي نهاية ومحد يضوج من ثاني واني چنت دا أباوعلهم ضحكهم يشرح كلبي حسيت كأني وياهم من سنين كأن هذا بيتي أني

وسط الهوسة والضحك كامل رفع عينه لي 

: سوي جاي بويه شمس 

شمس : رحت جهزت جاي  حطيت الشكر وحضرت وحطيت الهيل وشويه خليته يفور على راحته و بالصاله ضحكهم مستمر اسمعهم

حسن : سجاد لو تدري بيه بطفولتي چنت أگص شعري بالسجينه 

جسار : آني چنت أكص شعري بإيد كامل 

كامل : ايييي هذي سوالفكم لو تنكتب تطلع مسلسل كامل اسمه جرح الطفوله

فاطمة دخلت للمطبخ تضحك وتحجي

فاطمه :كامل إذا الجاي مو طيب آني ماسوي لان هم ما يسوونه مثلنه 

شمس من المطبخ حجيت بصوت عالي  

شمس : جاي عنبر وحلو مثل روحج فطوم 

حيدر

خرجوا غزل من مستشفى اخذها حسين واهلي وطلعوا واني اخذت علي وحيدر رحنه

لبيت غيث مشتري بس مابي احد مخلي بي رائد رابطه دخلتله لكيته سابح بدمه 

رائد : يبصق دم يحچي بصوت ثگيل

كافي بعد شنو تريد چنت وياها 

برضاهه رسائل بينا ما جبرتها

حيدر : بــرضاها بــرضاها وانت خانگها بايدك هااا ومطلع روحها 

15 سنة رائد ضعيفه انت خنكتها وبيها ربو 

غيث : انت مو رجال انت ما عندك ذرة شرف

انسى تطلع عايش منا وبيدك طاخ عرضنا نفصل عشيرتك فصل جلب ومات بشارع 

رائد: ولكم هي چانت دزلي رسائل من ايدها أخذهم وگامت تجيني للمكان لي اطلبه احچي تريدون لو اسكت 

علي : نجب نذل اشرف من الشرف اختي 

اشوف غيث هو يحچي وهو ركض عليه بوكس وكعه هو وكرسي 

غيث : شلون لمستها هااا شسويتلها بيدك شلون گدرت تمسها وانت تعرف بت منو 

يتنفس بثگل يرجع يحچي

رائد : ما سويت شي غصب چانت تجيني وهاي الرسايل تگلكم شوفوا بخط يدها

بجيب سترتي 

حيدر : سحبت رسايل من سترته وجان تطلع من عنده مجموعة رسايل ورقية 

مغلفة بأظرف

حيدر: نزلت عالركبي وافتح وحدة اقرها 

"أحبك بس خايفة ماكدر نلتقي بعد ما ينام حيدر 

غيث باوعلي شافني مصدوم عافني وطلع بره لحكته بسرعه اعرف هو يريدها وطلبها مني بس فرق العمر وعدم توافق بينهم جنت أرفض

غيث : أروح وأجي عليك وأمنع حتى هوا يندك بيها واحد نكس مثله يلوثها يلمسها ويدخل 

حياتها شلون 

حيدر : شبيك غيث جذاب هذا ماسوي هيج غزل اختي ماسوي هيج شي 

غيث : تدري بيه اريدها كتلك خل اخطبها كتلي خل تكبر مو سهله عليه اسمعه هيج يحجي عليها كدامي 

حيدر : تعال نفتهم اكثر اهدئ غزل تربية ايدي وكتلك قبل متصير لغيرك 

غيث : لا رد 

اخذته ودخلنه يم رائد وعلي وسئلت رائد

حيدر : شوكت هذا صار بينكم 

رائد يضحك ويه الدم ينزل من خشمه

ما چنتو تدرون بيها بس أني عرفت شلون أخليها تحن وأنتو نايمين أني گاعد أستلم

رسايل شوك منها 

حيدر: باوعت ع غيث وعيونه تشهگ نار

غيث : كافي يانكس لا تجيب اسمها ع لسانك خل دفنه هنا  ونسد السالفة هذا بعد ما يمشي عالكاع 

علي يحچي وهو يحاول يلزم غيث 

علي : لا غيث مو هيچ خليه ينفضح خلي ينداس على كرامته مو نوسخ إيدينا بشي ما

يسوى

طلعنه وعفناه بمخزن

وقرروا عمامي موعد كعده ويه عمامه 

حيدر : رجعت للبيت واني افكر هاي غزل هيج سوت شلون 

دخلت للبيت كبل غرفة غزل صعدت 

حيدر : أريد أسألج شي وانتي جاوبيني صدگ ماريد چذب

غزل باوعت بعيونه حسيت بالخوف حچيت بس خايفة

أسأل

غزل

حيدر كعد عالكرسي مقابيلي طلع ظرف صغير من جيبه نزله على ميز وحجه

حيدر : هاي رسايلج بخط إيدچ أنطيني تفسير واحد قبل ما أموت بالشك

غزل : دموعي نزلت كبل وحچيت كوه اني چنت غشيمة چنت أصدگ أي كلمة رائد لعب بعقلي وما چنت أعرف شلون هيج سويت مادري شوصلني هل طريق 

بس ما گلتله يلمسني والله ما چنت أعرف الأمور توصل لهنا طلعت اكوله عوفني بحالي 

حيدر صاح وهو يضرب ميز

حيدر : غلطچ چبرني أسمع من نكس شسوه بيج وبجسـمج وكدام ابن عمي 

منو إنتي حتى ترسلين وتكتبين هيج من شوكت تحجي مثل حچي  هذا إنتي اختي چنت أشوفچ ملاك بس لا خربتي هاي الثقه ليش هل ضياع غزل جيت طريق كله ادعي تنكرين أني ضعت غزل والله ضعت

غزل : نزلت عالركبي بچي كدامه

سامحني حيدر ماگدر أرجع الزمن بس أني والله نضيفه والله ما گلتله يمسني لاخذاني برضاية لا لمست إيده برغبة

حيدر : صدكج انتي نضيفة بس متخلصين من عالم 

حيدر : راح أرجعلچ كرامتچ بس اول شي لازم اثبت لكل انتي نضيفه مكدر اسلمج لغير غيث راح أزوچچ له لا تكولين لا هو طلبج مني قبل سنه واني رفضت

دخلت للصالة وهم بعدهم يضحكون كل واحد متّكي بطرف سوالفهم خفتت بس 

ضلت الابتسامات عالوجوه وصلت صوبهم گلت بصوت ناصي

شمس : يابه جاي راح يبرد مدّوا إيدكم

كامل : احله يابه من أيد شموسه 

بتسمت مديت أول گلاص  كامل وجسار وبعدين لحسن ووصلت يم أيهم چنت رايده

أمده بيده وأكمل بس من نطيته الجاي صارت شغله غريبه

هو ما أخذ الجاي بسرعه إيده لمست إيدي بغلط كبل سحبتها گال بصوت خافت

بس اني اسمعه 

أيهم : تعبتي اليوم بس خوش غده وخوش جاي عاشت ايدج طلعتي مرة حوك 

ما رديت بس ابتسمت بس عيني گالت هواي

كامل كال 

: إييي شمس هذا الجاي خوش ختام

غداج إذا عدچ كيكة هم طلعيها ههههههه

حسن : مد إيده يتمغط وكعد يسحب نفس آني حروح صار وقت الشغل يلله دزوا عليه

كامل:اااه والله كسرت الجو شبيك حسن مو هسه الميانه اشتغلت

حسن : لا تذكروني دوامي شفت ليل وإذا أتأخر بعد المدير يدزلي ورقة طرد

مشي من الشغل للبيت

جسار ضحك وكال قابل أنت عميل سري حتى تدوم بليل

أيهم :هاي شغلة المسؤولية خله يروح شغله

فاطمة :خذ وياك بقايا التشريب لا تدگها لفات 

حسن : لا تعالوا تشوفون فطومة اشبيها صارت تهتم الله يحفظچ

فاطمة :ما اهتميت إلك اهتميت للتشريب لا يخرب حرامات 

الكل يضحك حسن كام لبس طلع وصل للباب وحجه

حسن : دعواتكم يمعودين الجو حلو اليوم خاصه شمس 

كامل: ولك اكوم لك 

حسن: ههههه اودعنكم

سلام وراح 

مر النهار بسرعه من طلع حسن وظلينا 

سوالف وضحكنه شويه والبيت رجع هادي 

سويت چاي ثاني أكثر بيت يصرف جاي 

المغرب جان البيت ساكت كأنّ الكل بدا يدوّخ نعسنه واني حسيت روحي تنسحب 

اجه الليل فاطمة سوت عشا خفيف بيض وطماطه وجبن وجاي 

تعشينا سوى وكلمن كام يتمدد جسار 

بالصالة كامل طفى التلفزيون ودخل غرفته 

وايهم مادري وين راح فاطمة دخلت غرفتها تمددت

يناموون بحديقة من تطفي كهرباء واذا جانت كهرباء زينه ناموا بالبيت 

بس أني حسيت بخنكه حسيت نفسي ضايجه صرت أريد اطلع من البيت

لبست شال هيج شمرته ع راسي وطلعت للحوش الگمر واضح خفيف ونسمه بارده 

تلعب بشعري رحت للمرجوحه جنت أريد أتوب منها بس جذبني صوت السكون لها 

احبها 

برجلي ادفع المرجوحه شويه وعيوني عالسما گعدت أفكر بنفسي وبأيهم 

معرف ليش ع بالي دائما 

حضنت روحي بيدي مادري ليش حسيت بهوى بس مو بروده حس كلبي فز كأنّه داينتظر شي ومايعرف شنو

رفعت راسي للسما أعدّ النجوم أحچي ويه نفسي أحاول أبطل افكر بي فجأة

صوت ناعم جاي من زاوية الحوش مثل الريح جابت وياها لحن بس هذا صوت أيهم جان يغني بصوت هادي رحيم نازل من صدرة مباشره بدون موسيقى بدون شي 

لا تطلع بهذا الليل اخاف أنا

لو ينجرح كَلبك خاف أموت أنا

يا عمي أنا خايف حيل

ما آمن بدرب الليل

خوفي يصيبك مكرُوه أموت أنا

ضليت ثابته حتى نفسي نسيت آخذه صوته جان يضرب بصدري بكل كلمه صوته هادي يجنن چنت مصدومه 

دخل ايده جوا الجاكيت وگطع الغنيه وكأنّه حس بيا

سكت باوعلي وحجه 

أيهم : دايماً المرجوحه تسحبج هاا شمس ماتوبين بويه انتي

قتربلي لابس تيشرت غامق وبنطرون رياضي يباوع عليه ويقرب بهدوء واني مثل ثولة صافنه بي كعد على حافة المرجوحة ورجع يغني بصوت خافت يغني وهو يباوعلي 

" لا تطلع بهذا الليل

أخاف أنا لو ينجرح كَلبك

خاف أموت أنا "

تلفتله عيوني بيها دهشة مو مصدكه

يا عمي أنا خايف حيل

ما آمن بدرب الليل

خوفي يصيبك مكرُوه أموت أنا

سكت شوي صوت المرجوحة يكمل نغمة الأغنية وياه واني قافلة عليه صافنه بوجهه رجع حجه بصوت هادي

إيهم :صدكيني مو طامع بيچ خايف عليچ

شمس : هاي أول مره أسمعك تغني هيج

إيهم : أول مره حتى لي 

كعدت يمه ع مرجوحه هواه هاي ضل يحجي

واني صفنه بي اصلا ماذكر شنو حجه سكت

شويه صار الجو هادي تذكر وكفته لي وياه امي وكتله

شمس : إيهم شكرا ع كلشي سويته

واعتذر عن كل كلمه سمعتها 

ايهم : انسي بوية لا تخلي بالج 

هزيت براسي بـ اي انسى بس عيني دمعت 

من غير ما أحس بس هو كبل انتبه لخنكتي 

مد إيده وسحبني لحضنه من خلاني بحضنه 

مثل الي كالي يلا ابجي فرغي همومج كلها

بجيت لحد ماكمت ناشغ من البجي مادري شبيه مهضومه 

قرب راسه همس بصوت 

ايهم : ااششش يا روح ابوج انتي لا تبجين ترى دمعتج تذبحني

بجيت بس لان چنت محتاجة هل شي محتاجه احد يحضني ويكلي شبيج اذكرت كلشي وكل الوجع القديم گعد فجأة يضرب براسي ضلّيت أبچي

بچيت بصمت بالبداية بس بعدين طلعت شهگاتي چنت دا أحاول أكتمها بس خانتني 

روحي واني حاول سكت بنفسي

مكدر إيهم حضني أقوى شوي وكأنه يريد يضمني من دنيا

كلها بإيده ظل يمسح على ظهري وبصوت مخنوك ويحجي 

 : ششش بوية ع كيفج ع كلبي  بس كافي لا تبجين مو هاي أني يمج مو انتي بأماني

ليش تبجين  

چنت دا أبچي مثل طفلة رأسي مدفون بصدره وإيدي لازمة قميصه لي يجي يشوف ايهم

يفكر كاعد وحده ضايعه بحضنه وهو لمني بحضنه مختفيه ما چنت أعرف شلون أسكت بس چنت أريد أطلع كل التعب كل وجعي 

ايهم : يابه مو حقچ هيچ تبچين والله العظيم مو حقج تعبتي وتعبتيني وياج 

هو دا يحچي صوته عصبي ويججي بحركة 

ايهم : لو گدر آخذ الوجع منج جان أخذته كله ورضيت بيه ليش هيج شايله هم دنيا 

مو اني يمج 

گلتله بصوت رايح من بجي 

شمس : إيهم ما أتحمّل تعبت من اهلي حياتي مو حياة بنيه بعدها باول عمرها 

ضمّني ورفع راسي وبابهامه مسحه بلطف دموعي

كافي بجي و رجعني لحضنه    

ايهم : ماكو وجع بعد اليوم اني يمج 

سكتت واني دفن راسي بصدرة كمية الامن وحنيه الي بيه خلتني انعس ضعت وظل بس 

يحرك ايده ع راسي وإيده ثانيه بعدها تمسح ع جتفي

ضلّيت بحضنه حسيت الدنيا كلها حضنه

إيده تلعب بخصلات شعري كأنه متعمد يهديني شوي شوي كأنه يطبطب على تعبي مو بس ع جسمي لا على وجع السنين كال هو يلعب بشعري بصوته الهادي

ايهم : شعرچ أحبه

سكت شوي حسيت نفسه قريب من أذني

ايهم : لا تخلين أحد يشوفه لا احد يشم ريحته 

چان صوته بيه شي مو ايهم  تغير صوته ضمّني أكثر كأنّه يريد يصهرني بيه وهمس بشعور ثكيل

ايهم : ما أحب أحد يلمحج هاي ضحكتج الطفولية ولا تفاصليج 

چنت ساكته ما گدرت أرد

بس جسمي كله ارتخى بين إيده وإيده الثانية بعدها تمشط بشعري

چنت بحضنه وگلبه ينبض بأذني صوته أنفاسه حچيه كله صار مثل موسيقى تهدّي للتعب لي بصدري

بس ما أدري شصار فجأة

رفعت راسي ببطى چان شي بداخلي يجرني مو عقلي مو فكري إحساس شي أكبر مني

رفعت راسي وعيوني بعيدة عن عيونه

ما كدرت أباوعله ما كدرت أگوله شي وبحركة غريبة لا محسوبة ولا مفهومة حتى إلي قربت راسي وبسته من ركبته

اي رگبته مو خده مو إيده رگبته ماعرف شنو شي الي حسيته وخلني اسوي هيج

فجأة بصوت مصدوم مو غضب بس باستغراب حاد گال

ايهم : بوية شبيج شتعلوا اهلچ مو وقتها

رفعت راسي شفت وجهه مصدوم ما حچى بس نظراته نار مو غضب مو حُب كمت ما گدرت أبقه شردت هرولت للبيت

ورجلي ترجف ودموعي تنزل ع وجهي من فشله مادا أفتهم شبيه يا ربي شسويت

بسته بركبتـه شلون هيج سويت هسه شيكول عليه 

دخلت يم فاطمة بعدها وطني وغرفة باردة نمت يمها مادري شلون غفيت 

كعدت صبح كبل ذكرت عفيه عقل ماينسه بس بهل لحضه والله تمنيت ما أصحى من 

نومي 

شلون أطلع شنو راح أگوله صباح الخير إيهم آسفة بستك

غميت روحي وكمت 

كمت لبست أول شي لگيته وگلت لنفسي

يابه خليني أختفي ما ريد أشوفه ولا يشوفني ما مستعدة لنظرته ولا لسكوته إذا حچي

نحرج وإذا سكت أنحرگ 

طلعت من الغرفة خاتلةأمشي عالسريع 

رحت بالمطبخ مابي شي  لا بس أتهرّب

فتحت ثلاجة ما بيها شي أريده

ماعرف بس گمت أشتغل بإيدي أسوي چاي اغسل الماعين أغسل شي هو مغسول أصلاً

أهم شي ما أشوفه ولا اطلع شويه ودخل

ايهم صوته هادئ بس خطواته ثكيلة

إيهم بصوت طبيعي

: صباح الخير أريد جاي وين فاطمه 

ضلّيت مبحلگة بعيوني عليه نصطرت 

شمس : إي صار مادري كعدت مالكيتها 

ما رفعت راسي بس يدي چانت ترجف حتى خاشوكه وكعت من إيدي الماعون وطلعت صوت صغير

إيهم سكت لحظة بعدين قرّب وگعد عالكرسي 

يم الباب وسوّى روحه طبيعي ما حچـى بس ساكت نظراته تراقبني

كلت بكلبي ياا ليش يسوي هيچ

ناسي لو ديطنّش لو دا يعاقبني بسكوت

سمعت صوت يحجي 

ايهم : كِلت نلتهي بجاي احسن من سوالف تحرج واحد منّا

شمس : إذا تريد ننسى ننسى

سكت لحظة بعدين رفع عيونه وبصوت أخف من النسمة گال

:ما نسيت بس إذا أنتي ندمانة آني ما راح أزيدها عليچ

حاولت التهي بشي اسوي ريوك لنفسي محد بالبيت وسمعت يحجي 

إيهم : مدام محد بالبيت كلهم بالكاع رايحين تعالي نروح للبستان عندي شغلة هناك تجين وياي

شمس : هسه البستان

إيهم : اي هسه لعد شوكت باجر جو حلو وانتِ تحتاجين تطلعين تغيرين جو وهمين ما أريد أروح وحدي ومكدر خليج وحدج هنا  

شمس :  ابدل ملابسي واجي 

ايهم : شالج لفي كصيبتج ضميها لبسي عريض 

شمس : ملابسي نفسهن شلبس يعني 

عفته ورحت بدلت وطلعت وإيهم جان واكف بباب البيت بس من شافني وكف بمكانه

رفع حاجبه وبنظرة نصها صدمة ونصها عصبية وگال 

ايهم : هاي شنو

شمس : شنو لبست دشداشة شبيها

ما رد ظل يباوع عليه من فوق ليجوه وبنظرة كلها كلام

إيهم : هاي حدچ بيها للمطبخ حتى مو للصالة لأن يكعدون بيها ولد هسه هاي دشداشة

شمس : اي والله داشدشه

ايهم : روحي بدليها وروحي لبسي من فاطمة هي اسمن لبسها اعرض عليج 

رحت بدون نقاش لبست من فاطمه طلعت هم مامقتنع بس محجه طلعنه وقفل باب وخله بمكان لي يندلوا

من دخلنا البستان حسّيت كلبي يركض مثل الطيور اللي فوق النخل الهوا عالي والكاع ترابية بيها حطب وسعف مرمي وكل خطوة أسويها 

تطلع طقّه أو تزلك رجلي شوي

  

چنت أمشي ورا إيهم وهو يفتح الطريق لنا ايدي على صدري وعيوني ع كلشي يمي بس أكثر شي جذبني إنو هو ماشي بهدوء بس كلش منتبهلي

كل ما أريد أوكع يمد إيده بدون ما أحچي يسويلي طريق ويكلي 

تعالي بوية راح تتعورين 

وهاي الكلمة بوية ما أدري ليش كل مرة ينطقها كلبي يرفرف بيها چنت أمشي مثل

الطفلة وأباوع بخوف تحت رجلي وكله هسه تطلعلنا حيه وهو يضحك 

وكأنه كل العالم مو مهم غير خطواتي وهاي الحفرات اللي تخليني أتعثر كل شويه

أتعثر كبل وكعت ع ركبتي ضربت كاع ليابسة

إيهم ركض مكومني من يدي وسحبني بسرعة

ايهم  :الله الله شبيج 

سحبني شوي أقرب عليه كومني وكفني يمه ومد يده الي وكال بهدوء

ايهم : نطيني إيدچ لا تتعثرين بعد وتاذين

خليت إيدي بإيده إيده چبيرة تغطّي على إيدي الصغيره خشنه شوي بس بيها دفو

دفو يخلي صدري يبرد روحي تهدأ

چنت وامشي وياه بس فرق الطول بيناتنا

يا ربي چنه جبل واقف يم غصن أضطر أرفع راسي حتى أشوف وجهه 

وكل ملامحه تَكول

" آني سند آني أمان "

هو ما باوع عليه بس آني چنت أذوب بيه 

نظرة ورا نظرة هو يباوع ليكدام

بس إيده بعدها بيدي وآني بمخي احجي 

لو آني أظل طول عمري بهاليد ما أريد شي

ثاني هو يمشي وياي ولا زمني  هيج 

وآني أمشي وياه بس چنت ضايعة بيه

كلشي بيه چان أكبر منّي ما خفت لأول مرة چنت افكر بشي غيره  

حتى لو ما گال أحبج بس كل خطوة كل لمسة چانت تكولها بطريقته بخوفه بحنيته عليه 

بس فجأة واني امشي 

نزل شي من رجلي مثل نار

صرخت بدون شعور

شمس : إيييي

حسّيت بإيد إيهم لزمتني فوراً بقوة وكال بصوت 

ايهم : صوتج

بس قبل لا يكمل كلمته انكسر صمته والتفت عليّ وشافني مدنكه أباوع على رجلي

من الوجع كعد يمّي وعيونه كلها خوف مد إيده على مكان الألم ولمس رجلي 

صرخت  : " أخخخخ يمّه "

رجلي ...

                 الفصل التاسع من هنا 

           لقراءة جميع فصول الرواية من هنا 

تعديل المقال