رواية شمس الايهم الفصل السابع 7 بقلم شهد الدليمي
أعرف إن الدمَع لا يسّعف
ولا يدّاوي
مع ذلك
شمس
ايهم :: شمسسس...
منووو كلنااا ؟!
صوته مو مجرد عصبية صوته گصني نصين نص
تبرير ونص خوف هو صاير نار حرفيا جنت ارجف من خوف رجلي كوة شايلتني خنست
گبل لا يكمّل الجملة گلت بيني وبين نفسي إذا فتحت حلگي راح أجفص بعد وخرب الدنيا كله وتصير مشاكل
إيهم :: شمسسسس...
منووو كلنااااا
حسيه يريد يملخني ومصبر نفسه كوه واني
لساني نربط شحجي
ايهم:مو احچي وياج متحچييين منووو متقرب منج
خاف مايصدك بيه خاف ياخذ نضرة غلط عليه مترددة احجي وخايفه احجي وكل سوالف تبخرن من عقلي شحجي وقنعه بصوتي الضعيف المرتجف
كبل كتله
شمس :: حسن بس اني والله مادري كبل ضربته وخفت أحچي
چنت خاف تصير مشكله خاف انتو تتعاركون خفت محد يصدك خفت امي تبطلني من
دراستي وتزوجني لحسن والله احجي صدك ماداجذب خفت حتى من صوتي وهسه ماأدري شلون طلعت من حلكي وحجيت بيها
وكف سحب نفس تحسه يهدي بروحه كوة ع نفسه صاك على سنونه ويحجي
ايهم :: منووو بعد احجييي
شمس ::والله محد
ايهم ::احجي شمس راح استخدم اسلوب مايرضيج
شمس :: لارد
ايهم ::لججج احجي شنو قصدج بكلكم متحجيننن
شمس ::والله بس هو حت كمت اخاف منه أضل وحدنا
ايهم :: ششسوووالج حسن
شمس :لارد
ايهم: داكلج شسوووى احچييي
شمس ::ما سوه شي والله بس آخر جيّة أمي دزتني أجيب جهازها من غرفته دخلت ولكاني سد الباب وگلي وافقي خل نرتبط ونعقد واذا
ما وافقتي خليج توافقين بطريقتي
صوتي اختنگ من خوف مادري من ذكرت موقف بس حجي كوة يطلع مني چفوف يدي ترتعش جسمي حتى اسئل
فاطمة دخلت فاطمه وشافتنه أسئلها
أسئلها والله ما لمسني ما سوة شي غير
الحچي بس أني خفت منه من تقربه لي
ايهم : بسسس هيججج
روحي طلعت كافي تصيح والله راح تطلع أمي تذبحني تموتني اذا شافتني هنا لو تسمع بهل حجي الله عليك إيهم أني مو غلطانه هو غلط يركض وراي
تعبت أخاف من مشاكل والله ماسويت شي
ايهم : ليش يركض وراج اذا ماشايف منج مجاااال
_كافي ايهم موتتني بصوتك داتخوفني بصوتك مكدر حت افهمك وانت هيج تصيح
كبل جرني من زنودي يـضغط عليهه حسّيت إيده وصلت العضم نَفَسي نكطعت
من خوف يحچي بحركة عيونه تشب نار
ايهم :: إذا شفتج أو حتى لمحت خيالج يم حسن لو غيره تشاقين تحچين تضحكين حسبة أخويه ابن عمي ابن خالي لو راضعين
سوه أحركج انتي و وياهم افتهمتييي
يحجي وتحس نار تطلع من جسمة ايدة حسها
شلت جسمي اهز براسي اي من وجع يدي بس يهد يدي إيهم بعده ضاغط على إيدي
وفجأة وسمعت خطوات سريعة طبت نور
نور :: ايهم شبيك شنو شبيها شسوت شمس ليش تصيح عليها
شمس :: ولا حتى خافت علي بس تريد تسمع كلمة تجلب بيها وتروح تروجها
رفعت عيني له
إيهم تنفس ببطئ وفك إيده من زنودي
بردت نظراته وكأنه يطفّي النار كدامها
ايهم : ما سوت شي بس لكيتها كاعدة هنا بالمرجوحة وحذرتهابعد لا تطلع وخلص
نور رفعت حاجبها شبه مبتسمة بس مو ابتسامة طيبة لا ابتسامة حقارة وحدة
فرحانة صادت شي وكالت
نور :: شنسوي ماتسمع حجي نعتذر
يلا تعاي ندخل لجوه
وما انتظرت حتى أرد
سحبتني من إيدي تمشي كدامي بخطوات
سريعه بس نياتها أوسخ من الطين وهمست وهي تمشي
نور::والله ما أسكتلج يا ست شمس هاي لازم أمچ تسمع بيها
دخلتني للغرفة وهي تسحبني سحب ما لحگت آخذ نفس شمرتني بالنص وسدت الباب بقوة وگبل حجت
نور: شنو هاي الحمره شنو هالكحل نص الليل وانتي حاطّتهن ومولية المرجوحة
تريدي تصيدين منو
ها حسن مريض مايفيدج أيهم موجود لو جايبة عينج ع غيرهم وتفترين بالحديقة
شمس :نور شهل حجي والله ماكو شي طلعت شوية چنت مختنكة ما شفت أحد ما حچيت ويه أحد أيهم لكاني هناك والله ما سويت شي...
نور گطعت حجايتي بنصها وضربت صدرها
نور:يا چذابِة انتي وحدة ما تستحين شلون تگولين ما سويتي شي وانتي طالعه بهاي الكحلة ترى ما جنت نايمة شفتچ وانتي طالعة وكل حجي سمعته
شمس ::لارد
صفنة ع كلامها واكول بيني وبين نفسي معقوله هاي اختي
نور ::خليچ هنا وأمچ تكعد من الصبح وخليها تصرف وياج وتشوفين شراح تسوي بيچ والله أخليها تلعب الصوندات ع ظهرچ يا قندرة انتي طلعتِ من الطريق بس آني أرجّعچ بيدي
شمس ::نوركافي لا تكولين هيچ أني مو مثل ما تتصورين صدگيني ما سويت شي غلط أيهم لگاني وصاح عليه مارضه بس چان يحذرني مو أكثر ماكو شي ليش تربطين امور
ضحكة وردة بنبرة حادة
نور :: زين إذا ماكو شي ليش هو يصيح ويگول منو لمسچ ليش شاك بيج شاف شي عليج وهيج حجه
شمس : لا والله ماشاف شي شنو يشوف يعني
نور: حقه يحجي طالعه وانتي وكحلتج حمرتج كاعدة على المرجوحة بنص الليل انتي مو طفلة انتي مرة شراح يكول عليج يعني
تربيه أمچ شكلها محتاجة تنعّاد من جديد
عافتني وطلعت وركعت باب حيل كل نايم
بالحديقة برة واني احس باجر يومي الاخير امي من غير كلشي ترسم مو نوب نور شافت بعيونها
شلون للصبح وتفكير اكل مخي ضليت بغرفة ماطلعت مع علم حارة موت بس محسيت بشي غير وجع كلبي وخوف وشنو الي راح يصير بعد ساعات وياي
حسيت باب نفتح نزيت وكفت ع حيلي خفت بالي نور جابت
امي واجتي
بس نصدمت من دخل ايهم ويأشر ع حلكه اشششش
قفل باب وتقدم
لي چان واكف كبالي ساكت يباوعلي
نزلت ع كاع وكعدت ما بيّه حيل أوكف هو هم نزل وياي صوته هادي كَلي
ايهم :: شبيچ شمس بيچ شي جاوبيني بويه سولفي شو بعد ماطلعت ضل بالي يمج
شمس : أطلع مني كلشي بصوت مكسور
حچيت وأنا أبچي
إيهم نور تحچي تگلي أريد أصيدك من ورا حمرتي وكحلتّي تگلي أني لازم أرجع أتعلم تربيه من جديد شفته ضاج بس چان يحاول يضبط
أعصابه كملت وأنا أنحب صوتي يرجف
والله أمي تذبحني إذا درت بيّه
ونور ما تسكت عرفها راح تروح تكوللها وتخليها تگطعني أني ما سويت شي
هو مد إيده لا مو مثل قبل هالمرة مدها بحنية مسح دموعي وكَال بصوت هادي
صوت بيه رجفة بس رجفة حب وخوف
إيهم : شمس لا تبچين ما راح أخلي أحد يمسّچ لا نور ولا غيرهاخالتي يمّي أني أحچي وياها أني وياج سمعيني بويا أني ما چنت أريد يصير هيچ
بس ردة فعلي هي الي خربت الأمور أني استعجلت انقهرت ونور سمعت بس لا تخافين
أني أرجّع حقچ وأحلّها من جذورها
أنا وياج حتى لو ما چنت أعرف شلون أعبر بس والله أني وياج ماعوفج
باوعتله اهز براسي كلامه شويه طمني
ايهم :: بويا شمس ما چان لازم أصيح
ولا چان لازم نور تسمع بس أني خايف عليچ
فهميني ماأريد أضوجچ بس كلشي غصب طلع مني وانتي كل تصرفج غلط
بويا أني وياچ ما أعوفچ حتى لو كل الناس وكفت ضدج أني أظل ظِلچ وسندچ
رفع راسه عيونه صاروا حمر قرب من باب الغرفة قبل لا يفتح گال
ايهم :: شمس صلي صلاة الفجر ونامي وأني أحل السالفة لا تهتمين ولا تفكرين
خليها علي
وطلع سد الباب وراه بهدوء
ما صار أي صوت بس إحساس ثكيل مخليني أتنفس بصعوبة نزلت عيني عالسجادة گمت
بهدوء توضيت وصليت ونمت...
بس مو نوم راحة چان نوم تعب بس بداخلي صوت يكول أكو أحد وياي راح يدفعلي إيهم وياي
صحيت من نومتي الثكيلة عيوني بعد بيهن ورم من التعب بس صوت فاطمة وهي
تكعدني إيدها بلطف هزتني
فاطمة :: شمس حبيبتي كومي سوينا ريوگ تعالي اكلي ويانا
هزيت راسي وما چنت أريد أتحرك بس گلت خل أنزل لبست شال ونزلت وياها
نزلنا للمطبخ مفروش حصير ريحة چاي دارسين وريحة خبز الطاوة
نور كاعدة يم أمي تحجي وياه وصوتها ناصي أمي سكتت فترة بعدين حجت
الام ::فاطمة يمه حسن وينه
فاطمة ::خاله راح يضمد جرحه بعده متأذي وسجاد وياه وكامل و جسار طلعوا ع شغلهم من الفجر
أمي هزت راسها چانت نظرتها مخلتها بعيني ولحظة حجت
الام :: أيهم وينه
فاطمة: بعده نايم بس من أكوم أروح للزرع اكعده يروح ويانه هو يفتح المي ع زرع
والحديقة
أمي سكتت ما باوعت عليه بس سئلت عليهم شويه واجتي نغم
نغم ::صباح الخير
لكل :: صباح نور
نغم :: يلا خلصي فاطمة كامل وصاني ع زرع نشوفه وايهم يسكي زرع وحديقة وشجر
الام :: تريكي يمة وروحي
نغم :لا يمة تريكت ويه كامل صبح
باوعت عليه وحجت عفيه شمس سوي غدة خاف نتاخر وايهم راح يروح ويانه بدون ريوك
شمس :: صار هسه اغسل ماعين وسوي
فاطمة:: والله عاد شمس متقصر لو الله يهديها وتصير مرت اخويه
شمس ::اسويلج غدة بدون مازوج اخوج
ضحكت وكامن لبسن عبيهن وطلعن واني شلت صينه وشردت للمطبخ بس مايفيد
هاي لحضة منتضرة امي ونور بس حسيت بيهن دخلن الاستقبال وشويه نسد باب
الاستقبال وراحوا يعني ايهم راح
اجتي تصيح
الام :: ولججج شمسسس
شمسسس!!
اسمي طلع مثل الطلقه ما چان نداء چان حكم إعدام أني چنت بالمطبخ ألملم الماعين
ايدي چانت ترجف ماعون نزل من يدي مالحگت عليه ونكسر عفته بالكاع وطلعت لامي
للصاله نور چانت واكفة ورا أمي بس عيونها كلها شر تباوعلي وكأن دا تكول هسه بديت انفذ بلي حجيته لج نوب ايهم طلع منو راح يوكف امي منو راح يفهمها
چانت تدور ع شي تضربني بيه نظراتها تتعلگ بالكراسي بالماسحه بأي شي توصل إيدها عليه
الام :تعوفيني نام وتطلعين تتختلين ولج اني صرت مكدرلج فد مرةةة
شمس : لا يمه مو هيج خل افهمج
ونور صاحت بصوت مشحون
نور :: اي يمه شوفيها نوب فوك كل هذا بعدها تجذب اني شفتها بعيني شفت ايهم يضربها يصيح عليها منو لمسچ يمه شنو يقصد هو شاف شي عليها وهيج سوة اجي احجي اكلها مثلا اختج اني احجي ماتحجي تمثل طاهره مضلومة تخدم الكل
شمس :: أني بقيت بمكاني حسيت رجلَي تجمدن أريد أگول شي أريد أصرخ أشرح أبرر بس صوتي جان يعرف ماكو فائدة وانكتم بحلكي كوة نطقت وامي تريد شي تكطعني بي
شمس : يمه هو ما احد لمسني نور سمعت غلط هو شافني بالمرجوحه بس صاح عليه گلي دخلي والله العظيم
ماكو شي بس نور كلش تبالغ
يمه اني بنتج مو عدوتج اسمعي وفهمي مني لا تضلميني
نور كامت تصيح بعلو حسها
نور:اني أبالغ لو لأن ماسترلج فضايحچ يمه هاي بنتج اذا ما تسوَن حل لها اني اسويلها هاي لازم تتربى من جديد
خابروا أبويه ياخذها ويشوفلها حل هاي جابت العار لبيتنه راح تفضحنه يوميا سالفة
أمي بهاللحظة اشتعلت النار اللي زرعتها نور بحچيها
بـ حركة سريعه سحبتني من شعري كله صار بيدها
دخلتني غرفة نغم وسدت الباب وراحت لحظات فتحت الباب ورجعت بيدها الصونده
يا ربي چنت أرجف خفت مو من الضرب خفت من أمي
ضربتني وما حچيت چنت أعض على شفايفي كتم وجع بس بعد ما ظل حيل گمت أصيح
بصوت من وجع روحي
شمس : يمه رحميني ولله العظيم ما سويت شي يمه وربي ماكو شي اسئلي ايهم
الباب انفتح سارة چانت تبچي
سارة :: يمه دخيلچ لا تضربينها كافي راح تموتيها
وراها اجتي سيلا
حضنت سارة كلهم يبجون أمي مستمرة كامت تصيح
الام :: اني ما عرفت أربي خلي أربيچ من جديد
صوتي طلع من وجع
شمس : والله ما سويت شي
وما تسمع صيحتي ظلت تضرب بيه مثلا يعاقب بمجرم
جلدي اشتعل نار من ضرب
كأنما گلبها چان حجر مو كلب ام
فجأه باب الغرفة اندفر ونفتح بقوه
أيهم واكف عيونه نار
صدره يعلو وينزل سارة وراه واكفة
ركض أيهم وصلي خلاني وراه وگام يحامي عليه نصب ضهره كدامي اني ضعت وراه ماصدكت لكيت شي احمي نفسي يي جلبت بضهرة بقوة
وصاح بصوت
ايهم :: خاله ليش هيچ شسوت تضربيها هيچ وين گلبچ شبيچ مجرمة هيه حاطتها وجلدين بيهااا
امي صار صوتها عالي
الام :: وخر عني لا تدخل
ظليت أسكت وأصبر بس هسه خل أربيها
إيهم: لا والله ماكو تربية بهاي الطريقة شمس مو حيوان حتى تنضرب بالصوندة وع شنو تنضرب هيججج اكو سبب
إنتي ماتعرفين شي ليش تضربيها هيج
الام : اعرف كلشي انت ليش طاردها لعد
ايهم : بس كاعدة ع المرجوحة وكتلها دخلي وانتهت القصة واني لو شفت شي غلط اسكت قابل بس محبيتها تطلع بليل
صحت بيها ورجعتها ليش تضربينها وكأنها جابت العار لو مسويه مصيبه بنتج هاي
مو مجرمة وتعاقبيها هيج
أمي استدارت بحدة والصوندة بعدها بإيدها تريد تضربني بس متكدر تلحوني ضعت بضهر ايهم وتگله بصوت
الام :يمة إيهم عوفها أنت تدري شسوت خلني أربيها هاي بعد ما تستحي
إيهم وبنبرة حاااادة مثل السيف گال
ايهم :: أقسم بالله إذا ضربتيها بعد راح أنسى إنت خالتي
اللي يظلمها حتى لو إنتي يصير خصمي شمسويه هي وهيج تضربين بيها كلبج مايوجعجج عليهااا
نور وكفت و دخلت تحچي
نور:: ع شنو تنسى هي خالتك ودافع عنها مو شفتها بحمرتها ورزلتها أمس وگلتلها لا
تطلعين مو چانت عالمرجوحة نص الليل صاير ما عدها احترام مو احنه وياها كاعدين وساكتين
إيهم عض شفته باوع صوبها خطف الصوندة من إيد أمي وسحبها بقوة گال
ايهم ::أنتي خربتي الدنيا خلي آني أربيچ لج تعاي
إنتي آخر وحدة تحچي ع شمس منو الي تنقل حچي وتفتر عالبيت مثل الذبان
منو الي تزرع فتنة شمس أحسن منج وإذا بعد مره تگربين صوبها أقسم بالله أنهيججج بنفسي
وانهال على نور ضربها ضربة ويصيح بعلو صوته حتى اني خفت منه
ايهم :: هاي منچ أنتي الي كاعده تحركين الدنيا بشغلات ما صايره بعد لا تفتحين
حلكج انتي اللي لازم تتربين انتي محد مربيج
نوركلبت دنيا بالصياح وأمي كامت تصيح
الام ::إيهم لا تمد إيدك هي شعليهاا عوفهاا
وتجر باايهم واني صافنه وسارة تتفرج بس بس هو ما سمع أحد
جسار دخل يركض وحسن وراه صار صياح يردون ايهم يعوفها موتها كوه حسن سحبها وجسار سحب ايهم
حسن طلع نور وامي لحكتهم وجسار هز ايده وسد باب وطلع
بقيت لحظة دافهم شدايصير رفعت عيني بعيونه
مد إيده بهدوء أشرلي
ايهم :: تعاي
بس هاي الكلمة جانت أقوى من كلشي ركضت من كل كلبي وشكلي وأنا أركضله
مثل البنية الصغيرة تركض تحتمي بأبوهه
من الحلم الخايفه منه حضنته وغصيت من البچي حسيت هو اللي شالني من الهاوية وصار
حضنه أمان لي كلشي بيه يصرخ
شمس :: أنكسرت يا إيهم.. ليش تأخرت
حضني بقوة ويحجي باذني
روحي بابا غسلي وجهج وارتاحي انتي بأمان بعد ما أخلي أحد يمد إيده عليج لا خالتي ولا غيرها
قسم بالله ما أدري بيج حتى ما رحت وية البنات گلت أضل يمج بس ما سمعت صوتچ
همزين اجتي سارة والله يا شمس ما أدري بيج
بوية سودة عليه جعل إيدي تنكسر وصوتي يختفي قبل ما أصيح عليج وتسمعني نور
حسيت حضنه زاد كأنه يريد يمحي الأثر كأنه يحاول يلمني ضليت ساكتة
بس دموعي چانت تحچيله عن
الوجع والخوف والوحدة
بهدوء باس راسي وهمس بصوت كلش خايف وموجوع
ايهم :: روحي بابا سبحي غسلي نامي وخلي كلشي عليه آني آخذ حقچ وحق كل دمعة نزلت من عينچ وحق رجفة صوتچ وحق صمتج وحق
الوجع لي سكتي عليه
صوته مو مثل قبل كمل وهو خله إيده على خدي برقة
ما أريد أشوفج تبچين بعد نامي وإنتِي مرتاحة وجع خلي عليه بعدج صغيرة هل وجع هذا أنا كدها والله العظيم كدها
طلعت من حضنه وعافني ما گال شي بعد بس خطوته من طلع وترك بيه ريحة الحنية
الغايبة من حياتي
گعدت كأن جسمي مو إلي روحي ثكيلة وجسمي متيبس مشيت للحمام برجلي تعبانة كأني شايلة الدنيا فوق ظهري
فتحت الماي نزل ع جلدي بس ما راح الوجع من روحي غسلت وجهي بس دموعي
من عيوني ما نشفت نظفت جسمي بس كلبي بعده موسخ من الخوف من الضرب من صوت أمي من كلام نور
طلعت وشعري بعده رطب لبست شي خفيف وما كدرت أروح غرف بيها اخواتي
رجلي ودتني غصبًا على غرفة فاطمة هاي الغرفة الوحيدة إللي بيها ريحة أختي حس بيها حنينه عليه
مديت نفسي بفراشي
ماكو شي ما يوجعني جسديًا ونفسيا بس النوم ما يريد يجيني
دخلت فاطمة
:: ولجج شبيهم وياج
سكتت مارديت
رادت تمشي حجيت كوة ع روحي
:: فاطمة مسكن الم شي اريد نام
فاطمة : اي كلبي صار هذا مسكن الم وبي نسبة نوم اخذي واني خلص غدة واجيج
انطتني مسكن وشربت مي وشوية نمت
ما حسيت بشي جسمي مكسر وروحي تعبانة عيوني ما تفتح وحتى النفس طالع بثكل حسيت بفاطمة تكعد بيه تحركني بهداوة
فاطمة : كومي ولج شبيچ هلكد نمتي أيهم يسأل عليچ الولد برة يريدوج واختج نغم مرتين كعدتج
كمت كوة گلتلها بصوت كوة يطلع مني
شمس :: هم حچوا شي شصار كامل حجه ع ايهم لان ضرب نور
فاطمة : لا محد حچى غير أيهم من نمتي لسه مهوس ع خالتي يسألها شمس شسوت ليش ضربتيها
وخالتي زعلانة منه تكله ليش يضرب نور وهو يكلها نور مرض مثل فيروس شنو تنقل فتنه هل طبع مو حلو كوة كامل راضاهم وسكت ايهم عن خالتي
وبعدها بثواني دخل حسن
حسن: هااا شموسة شلون صرتي
رفعت عيني عليه
شمس :: زينه
كعد يم فاطمة
حسن: :: ليش طلعتي ذيج المرة شكتلچ على كعدة المرجوحة
خزرتله ما رديت بس عيني راحت ع فاطمة شفتها چانت تباوعلي وتباوع حسن نظرتها بيها شك كأن صوت نور دا يدور براسها
اني محجيت غير شلت شالي وخليته ع راسي كمت فتحت باب غرفة كلهم بصاله
كامل صار مقابيلي وصاحني
كامل : تعاي شمس ماشايفه نوم بيت وحشه عليج
جسار: لا تعاي يمي اريدج تسويلي مساج ويضحك
سجاد : هي روحها طالعه رايحه خلصانه شوفها شكلها مال شمس هاي ليل
كامل ياشر بيدة تعاي رحت يمه كعدت وهو خله يدة ع جتفي وسحبني له ويحجي مثل لي يطيب خاطري
كامل: لا تزعلين من خالتي هي تخاف عليج وضربتج لمصلحتج صح مو لازم بهاي طريقة وهنا بس بعد كلب ام
ابتسمت مارديت وصاح ع نغم
نغم: ها صحتني حبيبي
كامل: اي عيني سوي شموسه شي تاكل لو راح نتعبج
نغم :شلون صرتي شمس
شمس :حمدلله
نغم :: يلا امج وتخاف عليج لا تشيلن بخاطرج منها
شمس : بتسمت ومارديت
وكالت لا اصلا داسوي لايهم من صبح لسه كلشي مااكل بلكت ياكل هسه راح ينجلط
ع هاي عصبيه هز راسه بـ اي
ورجع يحجي ويكلي امج تحملي
جسار وسجاد سوو نفسهم ملتهين بغير موضوع مايردون يحرجوني
صوته چان هادي چنت كوه لازمة نفسي والله ما أريد أبچي بس دموعي خانوني نزلن
عشرة عشرة متفقات يوكعن سوا بوقت واحد عيوني بالسجادة ما گدرت أباوعه بوجهه
بس هو ظل يحچي يفهمني يحتويني صوته بيه دفو
كامل:تعرفين شنو انتي كبرتي شمس مو بعدچ ذيج الطفلة صرتي مراة هل سبب خالتي مشددة وياج
شايف كلشي بعيوني حبابه وطيبة وتسمعين كلام و شلون تخدمين لكل طيبة كلب شلون تسكتين شلون ما تحچين حتى ما تزعلين من أحد
حجي بداخلي كافي تحچي أكثر ما أريد أبچي مو كدام أحد انتبه عليه كامل ابجي
كامل :: ليش هل بچي والله حجيت وياه خالتي وهاي نور طيحت حضها وانتي شفتي أيهم ما قصر
سحبني لحضنه ظل يطبب ع ظهري گلي
كامل :: ما أرضى أحد يحچي ع شمس لا نور و لاغيرها الي يحجي كليلي اكسر ضهره والله لو جنت هنا اني اكسر نور ع هاي فتنه شعجب خالتي منطيتها مجال هيج
مثل الي فتح جروحي گمت أنهَد دموعي
كامل حطني بحضنه كلشي مكسور بداخلي وگمت أبچي وأحس الدنيا صغرت علي
سمعنا صوت إيهم دخل
ايهم :سلام عليكم
كل موجودين وعليكم السلام ورحمة الله وبركاته
كبل سمعت صوته يحجي وياه كامل
ايهم: شنو شبيها ليش مخليها بحضنك شكو كومي شمس غسلي وتعالي اكلي وياي
شمس :: مارديت
كامل :: كانه مايسمع اخذ جهاز ريمونات ويعلي تلفزيون اكثر
ايهم :: يابه اگولك عوفها شبيها شنو مفوتها بحضنك شكو كومي شمس مو دا أحچي وياج غسلي وتعالي يلا
كامل :: وسَم ما تاكل شبيك انت
إيهم :: عوفها شنو مجلب بيها خل تجي تاكل وياي شبيك انت مجلب بيهاا متهدها
شمس :: أريد أگوم وكامل يشدني لحضنه اكثر ويمسح ع راسي واسمع يحجي بحرگة
واخوانه ميت ضحك يحجون بشقه بس هو حيل جدي
ايهم :: كومي شمس غسلي وتعالي وياي شبيچ نايمة بحضنه غفت خرب بااهلججج كومي
شمس : اني خنست حتى مكدر ارد واريد اكوم ما گدرت أتحرك جسمي صاير صنم
وكامل بعده حاضني وكأنه عناد مو حنية واني لان ساكته مارد هو تخبل بزايد
كامل بكل برود ويحضني اكثر
لاما تكوم خيلها ترتاح تعبانة اني اوكلها
جسار يضحك ويحچي ويغمز لكامل
جسار :: دزها لي شوية خلي تحضن واحد وسيم مثلي
سجاد :: لعد لا تنسون آني هم أخوها وآني أحن واحد بيكم
صاح بي ايهم
ايهم :: اكل خ***رة انت إنتو كلكم تحچون صدك جسار كامل شهل حجي
ايهم:كومي شمس شنو نمتتي بحضنه شبيج ولججج
رفعت راسي لكامل توسل بي بنضراتي يعوفني اكوم
كامل يضغط عليه يحضني أكثر
عوفها مرتاحة بحضني روح اكل وحدك واخذ نور تاكل وياك
ايهم : يانور تاكل سم الحيه
كامل : عيب من خالتي شهل حجي
ماحسيت غير سحبني من يدي كومني ونغم جابت اكل وصاحت لايهم راح جسار
يم صينيه ويضحك ويحجي
جسار: ايهم تعال اكل وينچ شموسه تعاي اوكلج
الكل يضحك واني كعدت يمهم مالي نفس اكل بس ماريد احد يلح عليه
ايهم اكل شويه وكام شالت نغم صينيه رحت غسلت ورجعت
كامل اشرلي رجعت كعدت يمه وشويه
وأمي تطلع من المطبخ وتصيح ع نور تجيبلها
جاي كامل نزل راسه ويحجي باذني
كامل : روحي اعتذري منها وكليها اسمع كلامج واني حاجيتها
شمس :استحيت اعاند او ارده كمت رحتلها كعدت كدامها
يمة اني ماقصد شي وانتي فهمتي غلط ان شاء الله متنعاد
سحبت ايدها بستها وبست وراسها
الأم: خوش روحي اعتذري من نور هم حصلت كتله من وراج بلا سبب
رحت اعتذرت منها وكالعادة ردت عليه ببرود وكانه مسوية لي فضل
•┈┈┈••✿❂✿••┈┈•
حيدر **
شلتها واني حيل مهدود اشوفها ميته بيدي اجتي الاسعاف خليتها وصعدنا اني وحسين
علي تعارك وياهم كوة صعدوا ويانه دنكت عليها احجي وياها
حيدر :: غزولتي بنيتي ياروح اخوج لا تروحين لا تخليني بس افتحي عيونج لو شويّة حسسيني إنج تسمعيني
علي صوته مبحوح
:: والله لو صار بيج شي ما نسامح نفسنا ليش طلعتي وحدج شلون طلعتي شجابه عليج
حسين يقرب راسه
:: غزل أني حسين
كلبيي فتحي عيونج آني ماعرف أعيش إذا ما سمع صوتج بالبيت يلا كومي تعاركي ويانه
المسعف يگول وهو يراقب الجهاز
الضغط ضعيف بس مستقر الوعي بعده ما راجع احتمال صدمة احتمال مهدئات بس لازم توصل للمستشفى بأسرع وقت
غزل تتحرك حركة خفيفة رمشة بعيونها وجفنها يرتجف
علي :: حيدر عيونها تحركت والله رمشت
حسين: غزل شو شوفيني بعيونج تسمعيني أني حسين لا تروحين أمانة لا تروحين
حيدر دنك عليها صوته يرتجف من الفرح والخوف
غزولة حبيبتي
أني وياج كلنا وياج ما نتركج فهمتي لا تخافين انتي بأمان بس لا تسكتين
غزل فتحت عيونها شويه تنظرلهم بنظرة ضايعة
غزل :: حيدر وين آني
حيدر ::انتي يمنا انتي بخير وأحنا نحرسج ما نخلي حتى الهوى يضربج بعد
وصلنا للمستشفى دخلنا ممر طوارئ مستشفى عام الإسعاف توصل بسرعة وتوكف بابها ينفتح فجأة ويطلع المسعف يصيح للطوارئ
المسعف بصوت عالي:
بنية عمرها تقريباً 15 سنة عندها ربو مزمن تعرضت لخنق يدوي فاقدة الوعي تنفسها ضعيف
حيدر :: يطلعون غزل عالسريع ممددة عالسدية وجهها مزرگ شفايفها مائلة على زراك عيونها مسدودة صدرها يتحرك بثقل وبطئ والاوكسجين على وجهها جسمها ناعم وضعيف كأنها وردة ذابلة
وعلي وجهه متغيّر صوته يتقطع يسنده حسين لأنه ما دايكدر يمشي دخلت للطورائ احجي بحركة
حيدر :: دكتور هاي أختي هاي غزل عدها ربو
الربو يذبحها بسرعة لا تأخروها
دخيلكم
الدكتور يمشي ويا الفريق الطبي بسرعة
خلوها على الاوكسجين جهزوا البخاخ والنبولايزر افتحوا المجرة الوريدية
علي يلزم كتف حيدر بقوة
يا ناس غزل هاي بعدها طفله ليش هيچ يصير بيها
يدخلونها غرفة الانعاش الباب تنسد بوجهنا
حيدر :: شوي جتي تركض أمي عليهم عبايتها كوة مثبته وجهها شاحب وتصيح من كلبها
الام :: وينها وين غزل
علي بصوت مبحوح عيونه حمر
علي ::يمّه جوا بالانعاش
أمي نصدمت حطت إيدها عصدرها كعدت عالارض
الام :: يمّه هاي غزل هاي روحي يمه بنتييي
علي كعد يمّها يمسك إيدها
يمّه الدكتور موجود دكاترة يمها بس انتي إدعي ربج يمكن يرجع نفس بجسمها
لوقت يمر وكل دقيقة تصير ثكيلة
بعد شوي يطلع الدكتور من الغرفة يتقدم علينه ببطء
الدكتور: منو أهل غزل
الكل ينهض وعيونهم كلها عليه
حيدر :: آني أخوها شنو صار بيها
الدكتور: :: بصعوبة رجعنا النفس إلها كانت مختنقة بقوة الجهاز التنفسي تأذئ الرئة تعبانه والربو زاد الطين بلّة بس الحمدلله تجاوزت مرحلة الخطر وطلعنها غرفتها لا تعبوها بحجي
غزل :: غرفة بيها ريحة دوا وهوى بارد الغرفة سكون إلا من صوت جهاز النبض فتح شوي شوي جفني ثكيل ونظراتي تايهة
أمي كاعدة يم راسي تمسح بإيدها لشعري وتبچي بصمت حيدر واكف كبالي ما مصدك إني فتحت يراقب كل نفس تنفسه
غزل: : يمة
الأم :: حطت إيدها عوجهها وتبچي بصوت عالي
يمّه يمّه حبيبتي رجعتيلي رجعتيلي الله لا يحرگ گلب أم ع اطفالها يمّه والله جنت أموت عليج
حيدر يتقرب يمي ويكعد عالجهة الثانية لازم إيدي بهدوء
حيدر ::غزولة فتحي عيونچ عدل شوفي شلون دنيتي سوّدت بدونج
غزل :: احاول ابتسم بس دموعي تنزل صيحكم ماچان أكو حد چنت أحاول أصيح بس صوتي راح من خوف
علي :: لتتعبين روحچ بالحچي بس احچي شوية وگوليلي تحسين بشي وجع دوخه طمّنيني غزولة رجعينا للحياة وهذا نگس اني اعلمه
حسين يكوم يكعد يم رأسي وعيونه حمر
حسين :: غزل أني چنت أدعي ربي گلتله خذ عمري ورجعها بس لا تموت ليش طلعتي من البيت ليش ما گلتيلنا
غزل: : دموعي تنزل حاول اتنفس ما چنت أعرف خفت ما حسبت هيج يصير
الام تحضنها من فوق تحچي وهي تبچي
:: يمّه ما يهمني شسوى ولا شصار المهم أنتي هسه بينا وأنفاسچ ترجع شوي شوي
يمّه لتخافين أمچ سور وأخوانج حصن لج
حيدر يبوس إيدي من هاللحظة ما تبقين لحظة وحدچ لا تطلعين لا تروحين
غزل :: صوت خافت مليان حنية
أني أحبكم گلت راح أموت وما أسمع صوت واحد منكم
حيدر وعلي وحسين :: اششش تموتين شنو يومنا قبل يومج
اجو عليه وحضوني
الباب ينفتح يدخل بابا أول واحد وجهه كله بالحزن والحرگة وراهم اثنين من اعمامي وبعدهم غيث ابن عمي ملامحه حادة صوته هادي بس نظرته تحمل شي أكبر من الكلام
بابا يمشي بخطوات ثكيلة وكف كدامي صوته مبحوح
بابا :: غز ل بنيتي بخير
غزل: اي بابا الحمدلله
يباوع عليه بعمق يحاول يمد إيده بس يرجعها ببطء صوته متماسك بصعوبة
بابا :: چنت راح أدفن بنتي واني عايش راح أگطع بيه الفاتحة وانتي مو يمنا تدرين چم مرة طلع كلبي من مكانه
غزل ::اسم الله عليك بابا
عمي الأول ابو محمد:: ليش عمي تطلعين بالليل بنية بعدج صغيرة الدنيا صارت تخوف منو گال تطلعين بروحچ
العم الثاني ابو غيث :: انتي مدللة ابوج شايلچ بكفوف عيونه وهيچ تروحين من غير علمه شنو چنتي تفكرين بيه
غيث واكف وراهم ينفخ يحچي بنبرة مستفزة
غيث :: ما چنت أتوقع منچ هيچ الي يشوف هدوئج بنية مدللة محد گصر وياها بس حبت تسوي فلم دراما مراهقة وما حسبت حساب شرف أهلها أبوها اسمها تالي عمرنا عرضنه يلعب بي واحد نكس وناس تحجي اشكال ع ابوج هسه ارتاحيتي
غزل رفعت راسي ودموعي بعيوني حچي بصوت ضعيف
غزل ::اني ما چنت أقصد ما چنت أعرف راح يصير هيچ
غيث :: يقاطعها بضحكة ساخرة
تتنفسين موو انتي عدج ربو لازم الشارع وبالليل تطلعين يلا تنفسين مو إللي صار بيج جان ممكن يكون آخرتج ونهايتج بيد هذا نكس
حيدر راح يمه يحاول يهدي صوته بس بيه حدّة
حيدر ::غيث كافي
علي :: البنية جانت تموت انطيها فرصة تشهگ هوا مو تزيد وجعها
غيث :: يهز راسه يحچي ببرود
اني گلت إللي بكلبي ولي لازم انتم تكولوا كبلي خلي أهلك يربّوها عدل
حسين :: اطلععع برة غيثث
طلع الغرفة بدون كلمة زيادة جو الغرفة يرجع ثكيل نفس يخنك
بابا :: بنيتي أني ما أعاتبچ بس وجع الفگدان صعب وما أتحمله مرّه ثانية
أنتي كلشي عندي غزل بس صار وقت تتغيرين تفكرين قبل لا تخطين خطوة مو طفله بعد انتي واذا ع عالم طبهم مرض اهم شي انت بخير
غزل: :: هزيت براسي بـ اي
اي بابا اني ندمانة خلي بس أرجع للبيت وما أكررها
لحظة صمت
حيدر :::صوت الأجهزة مستمر بس هالمرة مطمئن غزل بخير وشوي رجعت تتنفس وافكر بحجي غيث لي حجاه كله صح تطلع وافهم منها ومنه هو ببيت عمي مربط
هنا ولد يدكون عليه وراح نفصلهم وسالفه بدت تطش بين ناس واختي صارت سالفه بحلوك العالم
⸻❁⸻❁✿❁⸻
شمس **
رجعت لمكاني مثل الغريبة جسمي يدفعني أمشي چنت أحاول أتصرف طبيعي
حسن كاعد يمي
حسن :: شموسه آكل وياج
شمس :: اي متاكل لعد وشلون صرت
حسن ::حمدلله احسن شونچ بعدچ ضايجة لا تضوجين امج هاي
هزيت راسي بلا ماضايجه منها
حسن :: شموسه صبيلي تمن
قرب صحنه مني چنت استحي ما أحب اكول لا مديت إيدي چفچير چفيتله تمن وكبل ما أرجع إيدي كال
حسن :: خليلي ملح ع المركة
هنااا رفعت راسي عيوني على إيهم گاعد مو بذاك القرب بس حسيت نظرته من حواجبه نازلات عيونه مظللة يگصني بنظرة وحده كأن يحچي بعيونه
شنو دا تسوين ليش تضحكين ليش تگعدين يمه ليش تمدين إيدچ شنو موصيج اني
اني كبل طفرت
شمس :: الحمدلله شبعت رايحه أسبح
فاطمه :: وين شبعتي انتي كعدي اكلي خلصتيها تصبين تمن
ضحكت ضحكة مصطنعة
شمس :: لا حبي شبعت خل أسبح وأرجع
صوت سوالف وضحك من ورا ظهري وگطعها صوت أمي من الصالة
الام ::كل ما نريد نرجع للبيت وحده من بنات ما تقبل وتخليني ابطل فاطمة يمه اني اروح اليوم لا تكولين لا طولنه
فاطمة :: خالة شبيچ ضلي متوازيه
الام: :: اي يمة عدي يريد يروح للدوام وتبقى مرته وحدها هناك خليني اتوكل
فاطمة :: بسلامة خاله بس خليهه تبقى ويانه شمس تضل يمي تساعدني وحدي مالحك
والله نغم مريضه ومرت جسار مترضه تجي زعلانه
الأم: خالتي بيتنا مسدود هناك ومنو يشتغل
فاطمة :: خاله خليها يمي تضب وياي الخطار وإذا تحتاجينها أخلي ولد يجيبها
الأم :: يلا خاله ها هيه بس ديري بالج عليها ما أوصيچ اذا سوت شي خابريني أو گولي لإيهم يكسر راسها
نور :: يمه ومنو ينضف بيتنا
فاطمة :: انتي كلبي شبيچ ليش أنتي صرتي من ضحايا الحرب
نور مشت دخلت الغرفة وأنا واكفه تصفن ولا اعرف ارد ماريد اضل واريد بنفس وقت
كلش منحرجة شلون اعوفها وهن خطيه وحدهن شلون أتهرب من إيهم وأتحمل
جنت بوحدة صرت باثنين إيهم من صفحة وحسن من صفحة
مرت ساعات العصر خمسين مرة أسوي جاي ناس طالعة ناس داخلة سمعت صوت
سيارة أهلي يرجعون للبيت حت ماكلولي رايحين طلعت أشوف نص أولاد خالتي صعدوا يرحون وياهم مسافه
نصهم ظلوا كاموا يودعون الخطار وأنا واكفة يم الباب كلت خوش فرصة اروح مدد انام
ما حسيت بنفسي غير الشمس ع وجهي فتحت عيوني وگمت راسي ثكيل عيوني متنفخه سمعت صوت فاطمة من الصالة تضحك ويه نغم وصوت لمواعين وصوت چاي يفور باوعت ساعه 7 صبح عززاا شكد نايمه طلعت للصاله
صباح الخير
فاطمة + نغم : صباح نور
ليش مكعدتوني هاي شكد نايمه
نغم: اي احسن خليج نايمة اني خليتج حسن كل ساعه يجي يكلي خاف ماتت هاي
بتسمت جابت فاطمة ريوك تريكنا وكالتلي
شموسة غسلت ملابس شريهن لي فدوة
شمس :: اي كلبي اكلج وين ولد شكو ماكو احد
فاطمة :: راحو للشغل وايهم عده معامله علمود جنسيته وحسن نايم بستقبال
طلعت كبل للحمام اخذت سلة رايحه أشر الملابس گبل لا أحد يجي مالبست شال
چنت بس أريد أخلص بسرعة شمس سطرتني
المكان چنه مزرعة وحبال مشدودة ريحة تراب وحتى صوت الديك خابصنه
وصلت فرشت الغسيل ع الحبل
يد تعصر وعيوني بعد مكدر افتحهن شمس سطرتني وهنا يوجعني من بجي
داشر ركزت ع حضيره مال البقر واني اشر شفت واحد وكف ورا الحضيرة ملثم بس عيونه طالعه عيونه
كبل ضيعت نضرتي سويت نفسي ما شفته كلشي كملت طبيعي بس كلبي صار ببطني وضرباته تطب بأذني چنها
طبول مو دگات
شريت آخر قطعة شمرت السطل خطيت خطوتين اريد افلت متت من خوف
انسحبتتت
سحبة وحدة طگ ظهري ع الحايط
طحت ع ركبتي بيده ثبتني كومني ع حيلي
لزم چتفي وجان قريب درجه أنفاسه طاخت بركبتي
رفعت عيني نفس العيون نفس النظرة مو غريب وحچي مايطلع صوتي من خوف
بس هو حچى بصوت هادي
؟؟ :: تعاي الله جابج لي هسه أشوفج منو .....