رواية شمس الايهم الفصل الثاني عشر 12 بقلم شهد الدليمي
وأخليك ع نضره شوگ تتحسر
وأراويك الوجوه شلون من تتثگل
خلصت حفله كلمن راح البيته بس
اني عقلي وضل وكف ع كلام غيث
شيريد من حجه هيج حيدر كال
زواحكم مجرد ستر تركت وفكيري ررحت
سبحت وتمددت ع جربايه شعري بعده
رطب مخدتي نصها مي صار
بس عيني ما غمضت كِلشي بيه صاحي عقلي
وروحي حتى ضلوعي چأنها متخوفة تتنفس
اتذكر شلون
تقرب مني خفت مجرد يجبرني
فكره تموتني مكدر اعيش وياه اذا
يجربني وحجايته تردد بعقلي بعد
ماكو نوم من غيري…
ظلت الكلمة تدور ببالـي رفعت عيني
للسكف ماكوشي بس سواد وظلمة
وسكوت صوت عقلي احجي وياه
بس لأن روحي بعدها ما تعافت
لأن جسمي بعدها ما يثق بأحد
لأني بَعد ما راغبتك ويوم اقدم
نفسي شخص لازم اكون احبه
مرتاحه وياه وغيث ماحس ذني
وياه أريد أحبك أريد أحس وياك
بالأمان تركت كل افكري وغطيت
بالنوم
فتحت عيني حسيت ضوء الشمس
داخِل من الشباك وصوت ماعين
من المطبخ صوت ضحك
ريحة چاي…
كمت ببطئ جسمي ثكيل من
التفكيروبعدني ما قررت شلون
أحچي وياه
شنو أبدي شلون أصيغها
بدون ما أحرجه بس أعرف شي
واحد لازم أحچي لبست تراك
خفيفة وسرحت شعري عالسريع
وطلعت من الغرفةبالمطبخ
حسن : صباح الخير نوم العوافي
يا لمخطوبة المدللـة
غزل : صباح الورد حبيبي
حيدر :ريوك ملوكي مناسبة
خطوبة أختنا ولازم ندلله.
علي : لو تشوفين غيث البارحة
شلون خوش ولد جان بارحة
غزل :: شسوه
كبل باوعت حيدر يخزر علي
حيدر : فرحان شسوة يعني
غزل : حيدر ليش تضم عليه شسوه
حيدر : تعاي اكلي شضام هسه
حسين : غزل عيونج حمر بيح
شي صاير شي
غزل: لا بس تعب
لتمينه كلنه ع سفرة اخواني وماما
وبابا وجودهم مصدر حنان وامان
حيدر : غزوله عدج تواصل وياه
شمس صديقتج.
غزل. : لا وين عدي ماتاخذني لها
وربي مشتاقتلها راح اموت ع شوفتها
حيدر :اسم الله ليش تكولين
اموت تندلين بيتها
غزل : اي فرق حي بس تاخذني
يعني حيدرورتي
حيدر : اي غزولة تروحين عصر
ورجعلج وراه ساعه متفقين
غزل. : متفقين
حيدر : كولي رجلج
غزل : شنو رجلج
حيدر : شنو؟؟؟
غزل : اقصد ليش اكول له
حيدر : ياعيني مايصير ع ذمته
بعد صرتي لازم يعرف كلشي كوليله
حيدر وياي مايكول
غزل : ماشي
خلصنا ريوگ ضحكنا شوية خاصه
من حيدر راح ياخذني لشمس
فرحت صعدت فوك گعدت
چنت أفكر…
شگد أني غريبة مخطوبة ومن
المفروض أفرح بس أني دا أدور
حجايه أفتح بيها موضوع حتى
أحچي ويا خطيبي بعدني ما فاهمة
شلون أبدي وياه.
سمعت موبايلي رن رقم غريب
ما محفوظ نزلت بسرعة گبل لا
يكطع لكيت حيدر كاعد بصاله
نطيته الموبايل
غزل : رد عليه رقم غريب
اخذ حيدر جهاز وفتح سماعه
وكال
حيدر : الو؟ منو
بصوت هادئ بس نبرة واضحة
غيث. : صكارك... وصكار أختك
حيدر :حرامات هيه يمي جان
رديت عليك بنفسي بس لو تدري
شكد متحسف هيه موجودة أسبوع
ماتگدر توكف يمها شصار هسه
مشتاق شكو تتصل
غيثث : لا تزعجني نطيني اختك
حيدر يباوعلي ويرجع يباوع للجهاز
بغضب وصاح
حيدر : شنوانطيني اختك شو
متعرف تحجي
غيث : تِرَه مرتي شبيك نسيت
دنطيني مرتي أشوفها مشتاق لها
والله.
هو حجه واني حيدر يخزر بيه
بغضب زين اني شعليه بلحضه
تمنيت تبخر
حيدر :بطلنَه ماعدك يمنه مراه
سد الخط بوجهه ويشمر الجهاز
عالميز بقهرة وطلع شويه ورجع
رقم نفسه اتصل شلت التلفون
بسرعة بعد ما شافت الرقم رجع
يتصل ترد بصوت متوتر
غزل : ألو…
غيث : هلا…… شلونج
غزل : هلا بيك الحمدلله إنت
شلونك
غيث :بس سمعت صوتچ صرت
احسن
ضليت ساكته معرف شرد كبل
كتله تجي علينه اذا ماعدك شي
غيث بضحكة خفيفة
غيث : هااا زين يعني شتاقيتي
غزل : لا اريد حجي وياك موضوع
لازم تسمعه
غيث : هسه ألبس واجيچ بس
كولي لحيدر ع جيتي لان مايفتح
خط
غزل : تمام
غيث : جهزيلي چاي
غزل: : تمام
ركضت صعدت لغرفتي حضر نفسي
لان بيت مو بعيد عنه كلت خلي
ألبس شي حلو بس لبست داشداشة
مخصرةشوية بس عجبتني سويت شعري
بسرعة وخليت شوية عطر شويه سمعت
صوت الباب يندك..
نزلت بسرعه أول ما تفتحت الباب
غيث وغيث صافن عيونه نزلت عليه
بنظرة طويلة
حت ماسلم كلت خل اسلم
غزل ::: هلا… تفضل
قبل لا يرد صوت حيدر من داخل
البيت حيدر بصوت عالي
حيدر : خير شو الجياتك كثرثن
علينه
غيث : جاي ع أختك مو عليك.
علي طلع من باب ويحجي بحركه
علي :غيث تره ذليتنه شسالفة
بعد شوي أشدهن استيل داحس
اني گ… .واد
حيدر : فوتي غزل الستقبال أغسل
وأجي
دخلته للاستقبال وغيث دخل
وراي اول مادخلنه عاط بيه
غيث : غزل شهل ملابس هاي كل
تفاصيل جسمچ واضحه
غزل : لا مابيها شي واني بس
اخواني يمي ماكو أحد غريب
غيث : عوفي العناد روحي بدلي
روحي واذا اخوانج مايصير
ما بدلت ضليت واكفة بمكاني عيونه
بعدهم علية كلشي بيه دا يحچي بس
مانطقت بشي
بس عنادي مدفون بيه وخجل
غريب رابطني ميخلني احجي
متعجبه من نفسي غيث نزل
عيونه نفس عميق طلع من
صدره وبعدها كانه يحاول
يهدي نفسه
بهاي اللحظة دخل حيدر وجهه
بعده مبلل من الماي بس أول ما
شاف غيث كاعد بدأ يحچي بضحكة
حيدر : شبيك مخنتك شكو
غيث ابتسم وضل ساكت
رحت جبت جاي وكيك وكعدوا يضحكون
يشاقون منظوني مجال احجي وياه حيدر
جرني بحنية وسحبني بحضنه قوه راسي على
صدره مباشرة ريحته ودفو حضنه يطمن
عيني ع غيث بعدها عليه تره حاضنه اخويه
شبي هذا ما كال شي بس نظرته كلها حچي
من شفت عيونه حسيت نار بكلبي
اخاف من شكله يوحي لك مارضي
حيدر متقصد يضوجه من السكوته
فهم ضمني أكثر ويحجي
حيدر : هاااااا غيث! تغار هاي اختي عيب
تغار هيج شيل عينك
غيث ابتسم بس ما جانت ابتسامة
مرتاحة كال
غيث : أغار لا بس ما احب أحد
يتقرب ع شي يخصني
حيدر: : لا تخصني هاي غزولتي
غزل: حيدر ترة ضجت شسالفه لعبه
اني رايحه اني غرفتي
غيث. : مو تريدين تحجين وياي بموضوع
باوعت ع حيدر وع غيث حيدر
حس و كال اني راح اروح اشوف بابا
وين صار كال يسلم عليك شو ماجه
طلع حيدر اول مطلع اجه يمي كعد وكال
غيث. : يلا احجي اسمعج اني
غزل : اني اريد احجي وياك بشي
اتمنى تسمعني
غيث : اي احجي
غزل : شوف هو عرس خلي يطول
شويه سنه هيج حد متعود عليك
غيث : لا تجين يمي تتعودين
غزل: : مكدر
غيث : شنو مكدر
غزل :يعني مكدر هذا شسمه
غيث : شسمه متحجين
من شفته صار عصاب كبل كمت
كتله ماكو شي سحبنتي عت من
يدي خازرني داحجي لا تختبرين
صبري شصاير وياج احجي
غزل : هد يدي شبيك داتوجعني
هدني
غيث : ليش متريدين نزوج
غزل. : مو مانزوج بس ناخر
عرس
غيث. : ليش ناخرة اكو شي
غزل: لا بس اني ممتعودة عليك
اريد تعود
شو هذا تقرب عليه اكثر وحجه
غيث :شتعودين شراح اسويلج اني
مثلا مااهسه كعدين نكعد هناك
ماكو شي تتعودين
غزل :لا ناجل عرس شويه
غيث :احجي غزل رائد مسويلج
شي وخايفه مني
من حجه هيج حسيت كلبي نشك دموعي
كبل نزلت يشك بشرفي عفته ورحت هو
صاح
غيث : تعاي غزل مو دانحجيي
طلعت ما چنت أسمع شي لا صوت
غيث كلشي تحول ما گدرت أباوع
وراي
وصلت غرفتي دخلت وسديت الباب كعدت
شيقصد من حجه هيج وياي ليش طلبني
اذا شاك بيه سمعت صوت
التلفون يهتز
مرة…
مرتين…
ثلاثة…
الاسم على الشاشة
غيث...
ما رديت دك مرة ثانيةما رديت
بدت تجيني رسائل غزل احچيلي
ليش ساكته تره مو هيچ والله مو
قصدي جاوبيني غزل
لزمت جهاز وغلقته ورحت لفراشي
بعدني يم أهلي وهو يحچي وياي بهالطريقة
يحچي بغيرة بعصبية تههجم يذكر رائد
واللي بيني وبينه جان كابوس أذكره تنختنك
روحي
إذا هو من هسه يشك بعده ماصار
شي شلون راح أعيش وياه شراح
أسوي لو باجر غلطت غلطة صغيرة
يعني حياتي كلها راح تصير تحقيق
وهواي شغلات بداخلي بعدها
منكسرةما مداويتهامسحت دموعي
بس ظلن ينزلن
روحي اللي جاي أفكر أقدمها للغلط
مرة ثانية ضليت بغرفه مدري كم
ساعه مررت
فتح باب حيدر ويحجي
حيدر : تعالي غزل العشا جاهز
گلتله بصوت خافت
غزل : من جوع نزل
باوعليي بنظرة طويلة حنونة سألني
حيدر : شبيج منو مضوجج
بس آني مثل كل مرة كتمت.
ماكو شي لح عليه راد يعرف اكثر
ماخذ شي مني
حيدر : نزلي اكلي مو ضلين جوعانه
هزيت راسي ب اي نزل وسد الباب
وراه
ضجة الدنيا هدت بس صدري ما
هدة مددت روحي على فراشي
وغمضت عيوني يمكن أهرب ما
أعرف شلون بس نمت فزيت
على صوت شباك يـنـفـتـح وينسـد
ويه نسمة هوا باردة ضربت وجهي
والغرفةكلها ظلمة كمت خطواتي
ثگيلة
وصلت يم الشباك جانت الستارة ترف
وگلت يمكن نسيت أسده قربت مدت
إيدي عالشباك اسديته
بس لحظة حسيت إيد تلزمني من
وراسحبـتـني بقوةوچفة ينحط ع
حلگي
ما گدرت أصرخ مو لأن الصوت ما
يطلع بس لأن روحي راحت قبل
صوتي
عيوني دمعت جسمي يبردحسيت
كلبي وكع من صدري وما گدرت
أتحرك من خوف
أيد على حلگي احسها تخنكني
كلشي بده يرجع للذكرتي رائدايده
لمسته لي عيني غوشت وكلشي
ضباب كلشي صار أبرد من موتة
بس فجأةحسيت نفس دافي يمر
بأذني صوت أعرفه
غيث : ااششش لا تخافين هذا آني
روحي غزولتي شبيج آني غيث ليش
هل خوف هذا اني
حضنته بدون تفكير گلت بصوت
مكسور وأنا داأرجف بحضنه
احجي وابجي
غزل : عبالي رجع عبالي رجع
ياخذني رجع يخنكني رائد رجع
بالي هو
إيديه كبل لمتني ويحجي وياي
غيث : ع كَيَفج هدي تنفسي
أني يمج أني مو غيري
كل جسمي يرجف وكل نفس دايطلع
مني يخنكي گلي وهو يمسح ع شعري
غيث : شحدچ يوصلج ذاك النكس
والله أموتـه بيدي بس إنتي ارتاحي
گعدنا ع الحَرباية شويةوخلاني
بحضنه رأسي على صدره ويده
تمر بشعري
همس بأذني بصوت خفيف دافي...
دكَ الباب…
مشيت وانا أسحب ثوبي اللي بعده
ينكط مي من الغسل
فتحت الباب…
وشفت المنظر اللي رجعني اشهر
ليورةجان واكف مقابلي أيهم.
عيونه أول شي باوعت من راسي لرجليه
أطراف ثوبي ارسم بوجهه ابتسامة وكال
أيهم :السلام عليكم
ومن الثول مالي الزايدطلعت
كلمتي قبل لا أفكر…
شمس. : شجابك هسّه
باوعلي بنضرة طويله وحجة
أيهم : خرب باأهلج شهل منظر
شمس : يامَنظر
ثبت نظره عالثوبي وكال
بصوت ثكيل
أيهم : هاي حسن يمكم وانتي هيج كدامه
شمس شنو نسيتي روحج بس رجعتي هنا
شوصيتج اني شهل منضر
شعرج طالع ركبتج وثوبچ لازك عليج
وتطلعين تفتحين باب وانتِ بهل شكل
نظراته تسحب الهوا من يمي
وگال بنبرة تحگم ناسي انو وجع
كلبي وهسه جاي يدخل بكلشي
ويكلي مراهقه
رفعت عيني عليه كلشي داخلي
محترگ بس مايبين ضعفي وحبيت
اشوفه مراهقه صدك
گلتله بصوت ثابت حتى لو
كلبي يريد يحجي غير شي
شمس :ألبس ليعجبني وافتح للباب
لليعجبني وشوكت ماريد وبعدين
مو أوكف أختار لبس يرضي غيرتك
لي بدون سبب حتي افتح الباب
عيوني بعينه ما نزلتهن حسيته يريد
يدفني بس ضليت احجي ماهتمت
شمس : واذا ثوبي مشبّع مي شوفت
عينك داغسل برة اما حسوني جوة
نايم مايطلع
سكت هو…
بس سكوته صرخه بوجهي حسيته
يريد يدفني بحديقه
گلت له وآني اريد اروح درت
ظهري
شمس : مو كل شي تشوف ما
يعجبك من حقك تعلق عليه اني ماخصك
بشي اما اذا ع قبل جنت بيتكم عكس
صورتكم هسه شيخصك
اباوع له واني ارجف من خوف
بس مسويه روحي كوة اني قوية و
ملامحه تتبدلت بغمضة عين احسته
راح ينفجر
أيهم :يخصّني وغصب عليج
يخصّني هاي عايزه شوف عرضي
بهل حاله
وتطلعين بهل شكل بثوب لزك عليج
دحاولي تطلعين هيچ مرة ثانيه
بعد شوفي منو ما يكسر رجلج
اني بس صافنه عليه وع عصبيته
لي بدون سبب ورجع صاح بيه
ايهم : شنو راح تخليني باب سوي
طريق خل ادخل
رحت أريد أگول لامي إنّوإجه
ماسمع غير عاط بيه
ايهم : أمج تصحيلها و تدخلين ع
حسن بهل منظرخرب بااهلج شمس
قسم بالله بيج راجدي اعيد نضامج
من جديد
امشي بدلي وإذا بعد أشوفج
كدام أي واحد بهل حالة أني راح
أسوي شي أندم عليه واندمج وياي
ما رديت عليه…
چنت أعرف إذا رديت راح يدفني
بكد ماتنرفز مشيت بهدوء للباب
الجانبي
ممر يفوت ع للمطبخ رحت لغرفتي قفلت
الباب چانت حرب بداخلي من حچي
أيهم من نظراته من الغيرته يسو كل هذا
ويكول ماريدج
بدلت لبست داشداشه مخصره
اعاند بي ورفعت شعري وربطته
رجعت للبرة
كلت اشرحصير وسد مي بس أول
ما طلعت لكيت حصير شارها وماي
سادة وهو لكيته مرتجي عالسياج
الحديد مال الحديقة مرتجي عليه
بستم ابتسامة غريبةابتسامة بيها
هدوءوبيها شي ثاني مو نفس اللي
قبل ربع ساعة چان يصيح ويتوعد
هسه كأنه نسى كأنه ما صار شي.
كلت بداخلي
هذا خبل ساعه يضوج ساعه
يبتسم گلتله واني مترددة أقرب
شمس :ليش بعدك هنا
أيهم :بوية ما سلمت عليچ
تعالي
شمس :وين أجي واذا ع سلام
عادي منا اسلم وعليكم السلام
حمدلله وانت
بصوت هادي ضحك وحجه
ايهم : تعالي شمسي أريد أحچي
وياچ
ماچنت أعرف أرد لو أهرب بس
رجلي مشن وحدهن مشيت
قربت ووكفت يمه.
مد إيده…
سحبني بهدوء للحديقة عيونه ما
بعدت عني صمته يلسع بغمضة عين
ماحسيت غير مد إيده
وسحبني سحبني لحضنه مثلا
واحد گضه عمره يدور شي وهسه
لگاه صارت چتوفه حوالية
لفّني كللني وصدگ حسّيت عظامي تشتكي
من ضغطة إيده من شدة حضنه
شمّني مو مثل واحد مشتاق مثل
واحد خاف ما يشوفني بعد مثل
واحد مختنك وگدر يتنفس من جديد.
صوته نزل صار نفاسه ع بخدي
وگلامه بهمس
أيهم : هسه يلا رجعت روحي
رفع وجهي بيده وباوعلي بنضره
ماعرف عيون احسها تحجي لي
غركانه بيه بس ليش داينكر
أيهم : شلونج بويه شمسي
شمس : الحمدلله زينة.
سكت شوي حسيت دگات گلبي عاليه
وضغطت يدي ع صدرة حتى دفعه أبعده
عني
شمس : شو وخر عني خنكتني شكبرك
هاي مو أول مرة اضوج من حضنه
من قربه راجعت خطوة لليوراه
وعيوني بعينه
شمس :بعدين بس سلامك مو مثل الناس
لا تلزمني بهل طريقة لا تحضني مراهقه
وبسرعه تعلق مثلا متعرف
صدمه جانت ع وجهه حت مارد
عفته ومشيت
ذاك الوقت چنت خايفة وانت
خلتني أخاف أكثرهالبشر خلني
ضايعه ومحتارة حجيه شي
وتصرفاته وياي شي ثاني
بس آني لا عايشه ولا ميته ضيّعتني نظرته
وحضنه وكلامه اللي لايشبهه
ولايشبه كلامه وياي
دخلت للبيت وكلت الامي يمة اجه
ايهم برة امي كبل كامت وكالت
الام : يا دخلي شكو صالبته برة.
رحت امي له وحسن يباوعلي
وخزرني
حسن : شوكت اجه هذا
باوعتله من فوك ليفوك بنضرات
معناها ميخصك انت دخلت امي
وايهم وهما يحجون
الأم :هلا بيك يمه شلونك أيهم
أيهم : و بيچ أكثر يمه شخبارچ
شلونكم كلكم
الأم : الحمدلله زينين
بس شعجب اجيت هسه ما گالت
من حچيتني صبح جان حضرنا
لك غده
أيهم يضحك ويباوع جهة حسن
صارلي شغل قريب يمّكم وگلت
أمر أشوفكم
_اي حسن شلونك يابه
حسن : بخير اذا انت بخير
الأم : وينج يالفاهيه صدگ جذب
گومي جيبي مي الأخوج جيبله
شي يشربه حارة
اني بتسمت من كالت اخوج
واشوف حسن يلعب بجهازوبتسامة.
شاكه حلكه كلت بكلبي دصبر لي
اذا ماطلعتها سم عليك
اني اريد اروح طلعت نور وسارة
ماردت اضيع عليه شي رجعت
اشوف
سارة راحتله سلمت عليه حچت
وياه شويه وانسحبت بس نور
ضلت بكعدتها ولا چأن شافته.
أيهم باوع عليها بنظرة سريعة
حادةنبرة صوته صاح بيها
أيهم :لج نور تعاي بويه.
نور ترفع حجابها شويه بنبرة
عصبية تحجي وياه
نور : ما أجي وما أحچي وياك.
أيهم : تعاي أني اجيت أصلحج
أصلا وندار ع أمي وغمزلها
نور تباوعله بنظره مابيها أي
رضا وكالت
نور : هم مارضه
أيهم يحچي بثكل يحاول
يقنعها
ايهم : لعد بويه شنو لي يرضيج
هيه ساعة عصبية واعتذرت منج
بس مو معناها انتي الصح بكلشي
لا
أولا خاطر خالتي لان مايصير
اتصرف هيج وهيه موجودة
وثانيا ما أحب واحد يضل بخاطره
مني وهذا درس لج للمستقبل تعلم
منه مايصير لي سويتي غلظ
نور :زين راضيني بطلعة
أيهم ضحك ويهز راسه
ايهم :صاربويه باچر نطلع بس
توعديني هاي تصرفات ماريدها
نور : ي بعد ماعيدها بس اني
جنت خايفه عليها
من نفتح موضوع كلت خل اروح
احسن رحت اجيت مي جبت مي وسمعته
يحجي
أيهم : سارة تجي ويانه
أيهم ندارع أمي وهو يكول
_ يمه باچر نطلع نغير جو نور وسارة
وشمس ويانا
أمي :بس نور وسارة شمس منو يضل بالبيت
هيه شمس رجلي ويدي تضل ترتب وتنتبه
للبيت اني مكدر وحسن يمنه هم منكدرة
نعوفه
هو سكت ميحب يلح و اني رحت
اشوف غده نور شويه واجتي
نور :امي تكول يلا جيبي الغدة
صار العصر
شمس : اي دقايق وجهزه
بديت أرتب السفرة وأحط الماعين
ريحة الأكل مع البخار متصاعدة
كأني أحاول أدفن راسي بالشغل
حتى مماحجي وياه ولا لتقي بي
اسمع حجيهم وضحكهم ماشركت
بشي ولا كعدت يمهم اجتي مرت
اخوية
ساره :: اساعدج بشي
شمس: لا شكراً… كملت.
أخذت الماعين وأبديت أوزعها ع
السفرة وأحس نظراته تمشي وياي
بكل خطوة نظرات تحفر بوجهي
وأني متعمدة ما ألتفت حتى لما
يحجي ما أرد وكأني ما أسمع
كلشي أسوي عادي أجيبلهم اللي
يطلبوه وأرجع راسآ للشغل
حسن من بعيد عيونه بيها بريق
رضا فرحان من تصرفي باله أني
أسوي هيچ علمودة خايفه منه
خلصوا الغدةكمت أسوي جاي
بالمطبخ فجأة حسيت بيه وراي
أجه يغسل إيده بسنك
إيهم : صابونة
بدون ما أعلق مددت إيدي وأنطيته
الصابونة ورجعت أكمل شغلي فجأة
حسيت بيده تلزم يدي بقوة سحبني
بخطوة وحدة صوبه
شمس: يدي شبيك ليش تسحبني
هيچ هو قريب صوته ناصي لكنه
مليان غضب
إيهم : قسم بالله تعيدي هاي
تصرفتج وياي ويصير خير
شمس لا تجبريني أطلع من طوري انتِ
تعرفين شكد أتحمل بس مو هيچ
مو تجاهليني وتمشين وكأن ما شايفتني
رفعت حواجبي وضحكت بسخرية خطيت
خطوة لليوراه
شمس: ليش هالدراما وليش مهتم
حجيت اولا مثلا متعرف اتعلق بسرعه
افضل ابتعدوانت اعرف بالمراهقات بعد
ايهم. :زين فهميني ليش تحركين
كلبي بهل الطريقةأعرف إنج متقصدة
ومجلبه بحجايه حجيتها
شمس:احرك كلبك ههه واخر همي
انت وكلبك
ايهم : ممكن أكون كل دنيتج بس
إني خفت عليج و انتي اختاريتي
تدوسين عليه وع كلبج
ماهتميت لحرف حجه ولا باوعت
له اخذت صينه ولكلاصات وطلعت
وديتها يم امي ورجعت للغرفه فتحت
تلفزيون وكعدت واسمع هوستهم حسن
والبنات وبس هو سكته
شويه وامي صحتني
أمي: فرشي لهم خل يتمددون
تعبانين رحت أفرش دخل حسن
فجأة كلت بيني وبين نفسي
استغفر الله ما خلص أني
حسن : شكلنا تعبانج
حجيته ببرود
شمس : ما يخصك
حسن :ما راح أحجيج لان اليوم
طبقتي اللي أريده خليني فرحان
سكتت ما رديت خليته يحجي
بكيفه
حسن : مو أحجي وياج شمس
شمس :شتريد شبيك أنت يلا
نطمر فرشت
سحبني من إيدي جرني له بقوة
حسن : على منو تصيحين إنتي
شمس : هد إيدي يمعود
ضغط عليها أكثر وجعتني دمعت
عيني
شمس : عوف إيدي شبيك
حسن : لا تعاندني ترى أحجي
خالتي وخليها تعزف عليج معزوفه
لي نركص عليه دا ئما.
شمس : إي خوش ترك إيدي توجعني
مارد
هو زاد الضغط حسيت اصابيعه
يوصلن للعظم أنا دموعي نزلت
من الوجع
حسن : هاي حتى تحترمين الكبر منج
ولسانج تكصري
سمعت صوت من ورانا هو
لازم ايدي
إيهم : حسن شداتسوي
التفت عليه شفته وجهه ملامحه
مثل السيف
حسن : داشاقه ويا شموسه
إيهم: : وليش تبجي
أحسن : زعلت دارضيها
ايهم : شكو لازمها بهل الطريقة
هدها
شمس : يجذب ما جنت أشاقه
وياه
هو ضغط على إيدي حيل.
حسن : كتلج من تحجين وياي
لا تصيحين صوتتجج
ايهم : تخبلت انت هاي كدامي
وهيج تسوي وياها
حسن : لا تدخل اني داعلمها صار
فترة متغيرة مادري شسامعه اريد
اعيد نضامها
ما شفت غير رجدي يفر وجهه
قوي كبل هد إيدي
ايهم : دعلم روحك الاحترام اني هيج
ترد عليه سكط
وأني أفلتت كلت هسه يرجع عليه
من الخوف شردت أخاف منه حيل
صحيح أحبه بس الخوف يطغي لما
اشوفه ضايج أو أحد يغلط ما يرحمه
رحت لغرفتنه يم البنات نور جانت
تباوع بجهازها وأنا فتحت التلفزيون
أحاول ألهي نفسي
ضلّيت أكلب وأمي نامت وهما هم
ماجان لهم حس سئلت سارة كالت
ايهم طلع وحسن نام
أني رحت تمددت ما حسّيت
إلا بعد ما نمت كعدت ع صوت
سمعت صوت أمي تصيح عليه
بصوت عالي
الام : شمسسسس.....
غيث : ششش هذا آني آسف ما چنت
أريد أدخل بهالطريقة بس ضل بالي
يمچ ضل صوتج براسي نضرتج لي
چانت إيده تمشي بشعري وصدره يدفيني
ونفسه ينزل على راسي مثل أمان ناسيه
غيث بدأ يحچي بصوت خافت كل كلمة
تطلع من حلكه وياها يتحسر
غيث : غزل والله آسف ما چنت
أقصد شي والله فهمتيني غلط
آني مو شاك بس
سكت لحظة ورجع كمل بس إنتي
مترددة من الزواج كل مرة تگولين
شويه خل نأجل بعدني مو مستعدة
غيث : غزول إذا أكو شي أي شي
حچيلي آني أتحمل بس لا تخليني
تفكير يموتني
ما گدرت أرد بس دموعي نزلت
بصمت
إيده بعدها ع راسي وصوته
يهمس:
غيث :غزل آني مو ضدچ آني وياچ
غزل: :والله والله مالمسني
وما سوه إلي شي ليش متصدگون
چنت بالمستشفى آني وليش
ما سويتوا تقرير ما سويتوا شي
ليش تخلوني بهذا عذاب
جان يباوعلي نظرته بوجهي
ودموعي دا تنزل بلا توقف
غزل : فضيتوها بمشيه
خليتوني آني اللي لازم أتحمل
آني الغلطانة
– ليش تموتوني بهاي الأسئلة
ليش من كلشي صرتوا تسألوني
وكأني مذنبةوالله العظيم ما سويت
شي من قررت اترك واعيد نضر
بنفسي طلعت هاي سالفه
گعدت وضميت روحي بذراعاني
بس آني بعد ما عاد بيه حيل أبرر
ولا حتى أتنفس
غيث چان ساكت شويه
بس بعدين كعد كبالي عيونه عليه
غيث : غزل آني ما شكيت بيچ
لو شاك ما آخـذچ وخليج بسمي
معليه بالي سويتي قبل
– وإذا عالتقرير
المستشفى كله أهلنا كرايبنه كلشي
يصير بيه يطلع وهمه يضلون يحچون
علينه علـيـچ على شرفچ
نزل راسه صوته انخفض أكثر وحجه
إنتي خايفة كلما أقرب منج تتراجعين
مو لأن بيچ غلط بس لأن صاير بيچ خوفه
واني عودج عليه ليش تصديني عنج
– خوفچ من قربي هو اللي جبرني
أسئلچ مو شكي…
تقرب مني وكال
– آني آسف
بس شگد أتحمل أشوفچ تنسحبين
مني بدون ما أعرف ليش أردت أفتهم
ما أردت اجرحج
بقيت أباوعه بعد كلشي كاله
غزل : غيث آني ما خفت منك
بس خفت من الماضي ردت اتعود
عليك وتقربلك من حبي ومو غصب
هذا لي ردته
غيث : وعد زلمة ماتقرب لج اذا
اشفتج ما رغبة
بس قبل كلشي نعقابج ع هالعناد
يوم ولج انتي ماتوبين من هذا العناد
التفت أباوع عيوني اتوسع
حاولت أتحرك أگوم أتهرب
بس هو سبقني سحبني من إيدي
كعدني بحضنه
غيث : مااااااااكو هروب غزل
رأسي رجع استقر على صدره
إيده تمشي بشعري وضحكته
الهادية طلعت
غيث :: عنيدة بس روحي انتي
وآني أحب روحج حتى لو تعبتني
مررت دقايق نزل راسه ركبتي
وأني أحس كل شي بداخلي يتحرك
له جسمي كله يحچي
قرب علي قريب كلش صوته بأذني
وكال
غيث : مانسه ثاري وخاصه هيج
ثار بي ردة روح لي
أعصابي بعدما بقت بيه كلها
انحرگت منچ حركتي كلبي حرك
سحبني له چنت حس نفسي جسد
بدون دفاع ويده وراه ظهري قشعر
جسمي وراح صوتي من قربه
همس باذني ونفسه حارشفايفه
قربت وباسني ع ركبتي بهدوء
ما حسيت بنفسي سلمت روحي
حبيت هل شعور وياه ماجنت
خايف اول مره احس بهيج شعور
بس فجأة…
صار أقوى ضغطه على ركبتي كأنه
راح يشلع لحم منهادفعت صدره
بخوف وگلت بصوت موجوعه
غزل : مو هيج غيث داتاذيني
غيث : هاي علمود علمود ماتعاندين
بعد
بعيونه تعب ولهفة بس ضحك
وهمسلي بصوت
– يلا أروح لا يجيني أخوج ويظل
يحچي أبو غيرة
ضحكت هوكام طلع بسرعة
طلع من الشباج بهدوء كأنه هوا
ضليت واكفه بمكاني
ممصدگة حچي ويا روحي
غيث عده هيج سوالف معقوله
گعدت على حافة جربايه وجسمي
بعدها بيه رجفه خفيفةچفوفي ع
ركبتي شوية أتنفس وشوية أحتار
حبيت شعوري وياه رحت للحمام
غسلت وچهي فتحت الحنفية
بس وأنا أرفع نضري للمرايه شفت
ركبتي بيها اثر خفيف احمر
– الصبح تخف رجعت للغرفة الدنيا
ساكته تمددت ع فراشي غمضت عيوني
الصبح…
الدنيا هدوء بس بجسمي فوضى.
دخلت وغسلت وجهي بس أول
ما نزلت عيوني
شفتهاركبتي زركه واضحة
وكفت صرت أباوعها بالمراية
أحچي ويا روحي عزه غيث
شمسوي
اطلع هيج لحيدر يموتني يمه
– شراح ألبس وخليها ما تبين دورت
شي يغطي الركبة طلعتلي بلوزة طويلة
شتوي كلت خل أكول حسيت بالبرد
وهي تمشي
نزلت للصالةعلي كاعده كدام
التلفزيون وجاي بيدي ولفه أول
ما شافني حيدرباوعلي من راسي
لرجلي ورفع حاجبه
حيدر : هاااا غزل تخبلتي
شتلابسةشو شتا صارو عبر تره
گلت وأنا أحاول أبتسم طبيعي
غزل :أحس باردنه ما أدري يتهيألي.
علي نزل صوته باوع على حيدر
وهمسله:
علي : هي يمكن مريضة
من بارحه مو مرتاح لها نوديها
دكتور
حيدر باوع له مره ثانية وكاله
حيدر : حرارتها مرتفعه
_شو تعاي
گلت بصوت عادي:
غزل : لا تخبصوني آني بردانة
مو مريضة.
حيدر : شكو لبسه بطانيه لعد
علي : خبالات خذتها من غيث
يمكن
حيدر خزره بهل اثناء دخل بابا
وماما حمدلله خلصوني رحت
بابا حضنته
بابا : هلا بريحت اهلي
غزل : حبيبي تريد ريوك اسويلك
بابا : فدوة ايدج لا حبيبتي راح
اطلع معزوم ع غده
ماما : اني مالي حصة بوسه شي
رحت عليه انتي ست لكل بستها
بخدها
ماما :شو لبسه شتائي خيرج
غزل. :يمه بردانه بس مخلي
عيوني بعينها تعرفني
شويه وخلصنه بابا طلع وحيدر
وباقي خواني هم راحوا وياه
عدهم كعده شويه ودخلت ماما
للغرفتي
اني اول مادخلت غرفة نزعت لبوز
متت حر لبست شي خفيف بس
ركبتي بمينه لبست شال لفيته عليه
اول مدخلت ماما ضلت تباوع وع
شال بركبتي وحجت
ماما : متفقين مانجذب بعد وتحجيلي
كلشي انتضر تبرير ع تصرفتج هاي
شدايصيرليش ضامه ركبتج
غزل : ماما كعد افهمج حجيت لها
كلشي ماضميت حرف لان اخر مرة
وعدتهااحجي لها وهيه مو بس امي
صديقتي واختي
انتبهت ال ماما ضلت مصدومه
ماتقل عن صدمتي ب غيث
وبتسمت وحجت
ماما : طلع غيث مصيبه واني بالي
من دكه قديمة وشلت همج كلت
شلون تعيش وياه وهيه تدلال هواي
غزل :حتى اني والله شويه
ضربتني ع يدي وصحت
موجوعه
ماما : من يجي ويتقرب منج شكو تموعين
ضربي راجدي سطري وكليله اذا حيدر دره
يموتني
غزل : يمه تحجين صدك هو هذا
ينضرب راجدي ينفخ عليه اطير
ماماضحكت وكالت
ماما: بس لا تخلي يتقرب منج قبل زواج
رسمي وركبتج اذا شافوها اخوتج يذبحونه
غزل: ليش عزه غير عقدين
ماما : ولج غير بعدج يمنه لا تخلي
يتقرب بعد لج
غزل: صار ماما توبه
ماما :عفيه بنتي يلا موتنسين
لفيها زين واني هم عرف شحجي
وياه
طلعت ماما كعدت رتب بغراضي
وذكرت حيدر كالي اخذج شمس
تصلت عليه
حيدر : ها الو
غزل : كتلي وديج شمس
حيدر : عصر
غزل. : كول والله
حيدر : مكدر حجي هسه بعدين
من اجي لكاج متحضره
عرفت احد يمه كوة يحجي حت
مذكر اسمي كمت فرحان طايرة
من فرحة راح شوف شمس صار
هواي ماشايفتها حضرت صايه
وشال وكعدت انتصر يصير عصر
علمود نطلع لعصر وخابرني حيدر
رديت كبل حجه
حيدر : بس خمس دقايق اذاأتأخرتي
اروح لشغلي
ضحكت مخلصه وانتضرك
حيدر : يلا إذا تأخرتي أعوفج
وأرجع بسرعة بدلت بالغرفة فتحت
الكنتور لبست صاية سوداء ناعمة
وشال لفيته بألف دنبوس كِلشي بيه مرتب
وعيوني تلمع فرحان اشوف شموسسسه
نزلت بسرعة…
علي واكف يصفن بيه جأنه شاف
جني وكال بعيونه المصدومات
علي : غيث هيچ رباج
واحنا ل كل مانطلع چنتي طالعة
كوه لفه شال نص صماخج طلع
وهسه حاطه الف دنبوس ضحكت
و مارديت
سمعت صوت هورن طلعت اركض
نفس صدمة بعيون حيدركبل كتله ا
دري ادري شالي لفته عدل
حيدر : هههههههههه زلمة غيث
رباج
غلست ماريد اخرب مودي
طلعنه من حينه شفت مجموعة
أسواق
گلتله بنبرة خفيفة وأنا أباوع يمه
غزل : حيدري نزل جيب وياك
شموسةما أطب يم البنية ويدي
فارغة وشوف جيب كومة حلويات
واحدة لي اكلهااني وياها وحدة
ضمهاهو ظل يباوعلي وضحك
وكال
حيدر : عندج رجل وطلبي منه
شمس عود آخذهم من المهر عادي
گلتله وأنا أبتسم
حيدر : تنحسب هدية لشمس مالتج
مو لج
نزل بسرعة وجاب أشكال وألوان حلويات
ونمنيات
وصلنه بيت شمس
حيدر كال ساعتين واجي وميت
الف مرة كتله ماعدهم ولد يلا خلني
ساعتين احجي وذكرت ماكلت غيث
ع جيه غلست حيدر اذا دره مايدري
غيث يرجعني ماصدكت اجيت
ممصدگة راح أشوفهاشمسوس نزلت
دكيت الباب مرتين
طلعت امها سلمت علي وصاحت
شمس
الام : تعاااااااالي شمس هاي غزل
إجتي..
طلعت تركض وأنا قبل لا أشوفها
بعيوني روحي راحت لها ركضت
عليها حضنتها
_حضن أم
–حضن أخت
–حضن كلشي فقدته.
غزل :: مشتاقتــــــــلج
چنت أبچي شبعت بجي وهيه
تبوس بيه وتگلي
شمس :: ولج يا علـيـمـن هالبچي
شبيج حبيبتي
غزل :: مشتاقتلج
شمس :: اني هم ميت ع شوفتج
همزين اجيتي تعاي
دخلتنه الاستقبال نزلت علكتي مال الشموسة
بس علكت شمس بعدهه ما نزلتهاأدري
إذا نزلتها ياخذوهامنها گلت من طلع
نطيها لها بعدين
كعدنا سوا سوالف وضحك والدمع
بعده بطرف عيوننا شكد احبها ياربي
چانت تمسح دمعتي وتگلي
شمس :يلااا خلصينا إنسي انتي
يمه هسه
كعدناسوالفنا رجعنه من جنه
بالمدرسة شمس باوعتلي
شمس :: ولج غزل انزعي الشال منو
يمج قابل نسيتي نفسج اني من يمي
اختنكت
غزل :چنت ناسيه والله.نزعت الشال
نسيت الركبتي شمس باوعتلي
ورفعت حاجبها وعيونها نص جد
شمس :: ولج عِــزة بعينچ شبيها
ركبتچ
وكعدت وحچيت حچيتلها عن غيث
عن اللي صارعن الخوف رائد عن زوجي
بغيث عن ما بيني وبين الهروبي من نفسي
حجيت كلشي لها وهيه جانت تصنت لي بكل
اهتمام حت ماقطعتني چنت أحچي وشمس
تسمع ما قطعتني ما استعجلت
بس ضلت تسمع وعيونها على
وجهي تسمعني مو بس بأذنها بكلبها
كلت كلشي حتى الخجل وخوف
حچيته وكأني أتعرى من الخوف
اللي ساكن بيه من اشهر
وبس سكتت هيه ما علقت كبل
تنهدت وگالت بصوت
شمس : غزل…
رفعت عيني عليها
وهيه باوعتلي نص عتب نص
طبطبة
شمس :الله عوضج بس إذا ظليتي تبعدين
راح تخسرينه وإنتِ ما تتحملين تخسرين بعد.
سكتت شافتني متوترة گالت بهدوء
شمس:غيث زوجچ ما دام يباوعلچ
هيچ ويحضن خوفچ ويعذر وجعج
فحاولي حاولي تكسبي
مو تبقين تدفعي وتروحين وترجعين
ع ماضي غلطتي حسبي حلم وانتهى
أني نزلت عيني بس عيوني دمعت
گالت لي وهيه تمد إيدها تمسح
دمعة طاحت
شمس : هو ما دا يطلب اهتمامج
هو يريدج متقبلج وحابج وإذا
ماچنتي راح تخلينه يحس إنه رجلج راح
يشك بروحه مو بيج
نوب باوعت عليه وكرصتني
شمس : ماتريد مو وهاي ركبتجح
ضحكت وضميتها احسها اختي
لي ماجتي ع دنيا عوض ربي بيها
شمس ضحكت گالت
شمس :اجيبلنا كلاصات من المطبخ
وگامت.ثواني
ولگيت نور واكفة على الباب دخلت.
لبسها مال.... باوعت لي بعيونها باردة
من فوك ليجوة
وگالت بابتسامة
نور :مسكين ابن عمچ تورط بيچ
بعدچ تدورين ضل رجال داتوبي
اخذي خل يستر عليج هسه شكو
جايتنه وهيج منضرج تريدين
تعلميها وياج
رفعت راسي باوعت عليها ببرود
غزل :: نور
انتي لو حچيتي عني من هسه
للسنه الجاية ما راح تكبرين بعين
نفسچ لأن اللي ينشغل بحچي غيره
غالباً لغيره موته
هي ضحكت بس ضحكتها مصطنعة
چنت أشوف رعشة عيونها قبل ما تحچي
نور : تره أني بس دا أگول الصدگ
ضحكت وگلتلها وأنا واكفه
غزل : لو تشوفينه الصدك مو هذا
حالج وانتي واحدة ميته غيره مني
لأن اللي يغار يقلد واللي مو واصل
يعيراني سكتت مو لأن انتي قوية
لأن بعدني محترمة المكان والان شمس
بي بس بعد عيب عليچ هههه نسيت
هو انتي تعرفين عيب
نور : وأني أحچي الصدگ ليش تنجرحين
منو شنو اغار
غزل : مو لأنچ تحچين الصدگ
بس لأنچ تحچين بلا إحساس مجرد ذبين
سمج وبس
صوت باب يندفع
شمس رجعت شايله الگلاصات
بوجهها ملامح الشك
شمس : خير
نور ابتسمت وكالت بمكر:
نور :: لا لا…گعدين نسولف
شمس رفعت حاجبها
وباوعتلي من عيوني قرت كلشي.
ما گلت ولا كلمة بس حطت الكلاصات
وكعدت يمي حاطة إيدها على إيدي
وكالت بكل هدوء
شمس :السم من يذوب بالهوى
ماينعرف بس أني أشمه من بعيد
لان دروب حيايه حفضتهن
خطية شمس كعدت تعتذر مني
واني عرف طبع نور كتلها مويمج
حيدر نطاني وقت لازم يجي هايه
ع جيه لفيت شالي وطلعت هيه هم
لبست صايه وشال
وطلعت تودعني للباب وتاخذ
من خاطري واني حلف لها
ماضايجه منها
حيدر اجه وسلمت ع شموس
وطلعت صعدنا بسياره بعدنا بيت
نتبهت ع كرسي لي يمي شفت علكة
شمس صاحت يااا حيدر
حيدر بخوف : شبيج غزل
غزل : نسيت علكت شمس روح
وديها حباب بسرعه دك باب كول
لها غزل درتها لج حباب
كوة عليه نزل بس اني مانزلت لان
كوة لزمه دموعي من كلام نور بس اشوفها
ابجي راح حيدرواني بسيارة مقابيل بيتهم
اباوع عليه وصل
للباب دكه لباب طلعت شمس
ما تقبل تاخذهن وهو يقنع بيها
حيدر: شنو هدية لج غزل دزتها نسيتها بسياره
ما أعرف شنو بيها داخذيها هاي غزل شوفيها
اشار عليه كبل حركت ايدي له
ابتسمت لي مدت ايدها تاخذها
وفجأة…
تاكسي يوكف كدام الباب
عيوني راحت عليه
شخص نزل…
طويل ضخـم ملامحه طاغية بشرته
سمره مبين دنيا اذا حجته يركعها كله
نزل بخطوات سريعه
وكف كدام شمس ضاعت شمس
مامبينة بس أشوفها
نقاش صار بينه وبين حيدر
ما سمعت شنو
بس كلشي صار فجأة.
ضرب بوكس صرخت
شمس : لا ااا تضربه
حيدر وكع عالأرض لازم راسه
ولرجل دفع الباب بقوة ودخل
شمس للبيت بدفعه قوية
وسد الباب…..
لقراءة جميع فصول الرواية من هنا