رواية شفاء قلبي الفصل الثالث عشر 13 بقلم حبيبه سامح
ليذهب الجميع للخارج كان الرجال يحملون الأشياء الثقيله و يدخلونها لداخل المتاجر و النساء يضعون الأشياء الخفيفه
كان الجد يقف في منتصف الطريق بين متجر الخياطه و البقالة وهو يراقب تحركات الجميع بصمت ويديه اليمنى على اليسرى فوق عصاه
حسناء : أفضل نحط الترابيزه التانيه بعيده علشان مش نكون لازقين في بعض و نشتغل براحتنا
حنان : أيوه أفضل فعلاً
حسناء : صحيح هو سيان و حمايا عرف مكان تالا منين ؟
أمينه : تالا قالت لينا بالتأكيد مش هتخرج منغير ما تقول رايحه فين
لتقوم حسناء بهز رأسها لأمينه
ليقوموا بأبعاد الطاولات التي عليها مكنه الخياطه عن بعضهم البعض تاركين مسافه للمرور
يارا بابتسامه : جدو حبيبي
الحاج عبد الجليل بابتسامه : حبيبه جدو أزي رحلتك كانت حلوه ؟
يارا بابتسامه : تجنن يا جدو شكرا علشان حضرتك وافقت
الحاج عبد الجليل بحنان : أنا عيوني ليكم يا حبايبي
لتنظر يارا للأرض بشرود
يارا بحزن : كان نفسي بابا يكون موجود
ليتنهد الجد وهو ينظر للفراغ
الحاج عبد الجليل : ربنا ينتقم منهم بقى الحقد بيعمل أكتر من كده
يارا : بس مش لدرجه القتل يا جدو يعني مش معناه أن بابا و كل أعمامي كانوا ناجحين يدبروا ليهم حادثه ؟
الحاج عبد الجليل بتنهد : ده علشان أنتي طيبه بس يا بنتي بس الكره يعمل أكتر من كده من حسن الحظ أن محمود أبني وفاروق مش راحوا معاهم كان زماني خسرتهم كمان
يارا : يلا أديهم خدوا جزائهم و في السجن الحمدلله
لتدمع عين الجد عندما تذكر أولاده هو مازال متأثر بما حدث لم يكن حدث يسير عليه لقد فقد ثلاثه من أبنائه
كانت تالا تحاول أن تحمل صندوق خشبي لكنه كان ثقيل لينظر الجد بتجاهها ليلاحظ ذلك
الحاج عبد الجليل بصوت عالي : سياااان
لينظر سيان بتجاه الجد
ليقوم الجد بالاشارة على تالا ثم قال
الحاج عبد الجليل : روح ساعد تالا
سيان : حاضر يا جدو
ليذهب سيان بتجاه تالا ثم وقف أمامها
سيان بهدوء : بعد أذنك
لتنظر تالا بخجل لسيان ثم قامت بهز رأسها له
ليحمل سيان الصندوق بسهوله مما جعل تالا ويارا ينظرون بصدمه من قوته
الحاج عبد الجليل بهمس : لو تالا شافتك بتبصي كده على حبيب قلبها مش بعيد تقتلك
يارا بصدمه : هو حضرتك عارف ان تالا بتحبه ؟
الحاج عبد الجليل بضحك : ومين مش عارف ده الحاره كلها عارفه وعاملين زي شعر ما بينهم بيقولوا سيان حبيب تالا سيان مفيش غيره في قلب تالا
لتضحك يارا بقوه ثم نظرت للجد وقالت
يارا : هو حضرتك أسمك عبد الجليل صح ؟
الحاج جليل بضحك : أيوه يا بنتي الجليل أصلا اسم من أسماء الله الحسنى
لتقوم يارا بهز رأسها له ليتذكروا ما تحدثوا عنه في الحاره ليضحكوا مره أخرى
في مكان أخر
هشام : خلينا يا جماعه نبطل الي بنعمله في البنات ده أنا في واحد ضحك على أختي و خلاها تصدق أنه بيحبها وسابها ودلوقتي هي في أكتئاب وحالتها وحشه أوي
نادر بالامبلاه : ملهاش علاقه وأحنا مش بنعمل حاجه ده مجرد لعب
عاصم : أنت ليه مكبر الموضوع أهدى شويه
هشام : معلش بس أنا مضطر أبعد عنكم أنا هدور على شله و أصحاب كويسين يساعدوني أحسن من نفسي و تغيرني وتخليني أقرب من ربنا لحسن أنا بعدت أوي
عاصم بضحك : ماشي يا عم الشيخ أحسن غور
ليبتعد هشام عنهم وهم ينظرون له بسخريه
عاصم : سيبك من عم الشيخ ده قولي عملت أيه مع البت تالا
نادر بهوس : مش هسيبها وهعمل المستحيل علشان تقع في حبي وهتشوفوا وهفوز
عند قصر عبد الجليل
محمود ببرود : مش قولتلك مش تتعاملي مع سيان و تبعدي عنه ؟
تالا بتوتر : هو بس ساعدني يا بابا كتر خيره
ليتقدم الجد وهو ينظر ببرود لمحمود ثم قال
الحاج عبد الجليل ببرود : انا الي قولت لسيان يساعدها علشان كلكم كنتم مشغولين
ليضحك محمود بسخريه ثم نظر بغضب لوالده
محمود بزعيق : على أساس أنا مش عارف نيتك أيه !!
فاروق بعصبيه : أنت ازاي تزعق لبابا كده أحترم نفسك !!
ليتقدم فاروق من محمود ليمسكه من ياقه قميصه ليفعل محمود المثل وهم في أشد غضبهم
لترجع النساء للخلف بخوف و الجد و سيان يحاولون أن يفارقوهم عن بعض
فاروق بزعيق : أنت مضايق جدا من سيان علشان أنه كلمه بطريقه وحشه و رفض يسمع كلامي أنا وبابا ساعه جواز جوانا ومن ساعتها وانت مش طايقه بس أنت بتعامل بابا أسوء معامله
لينظر سيان لمحمود بهدوء لقد علم الآن لماذا كان يكره بشده لكن هل ذلك السبب الوحيد ؟
في الليل
بعد ما هدئ الوضع ذهب كل شخص لغرفته هناك الغاضب و الخائف
تالا : بنات حد شاف جيبتي السوده ؟
يارا بضحك : أنتي كل شويه تضيعي حاجه
ميرا باستغراب : أنا شوفت جيبتك السوده في شنطتك بتاعت السفر ساعه لما كنا مسافرين لهنا
هناء بتفكير : كده هي ضايعه هنا بقى
تالا بزهق : معرفش مره أسكارف و طرحه و دلوقتي جيبه بيروحوا فين بس
يارا : ممكن تكون واقعه هنا ولا هنا يلاهوي دي الساعه ١ !!أنا لازم أنام بدري علشان شغلي
لتستقيم يارا للخارج
هناء : أستنيني أنا جايه
لتذهب هناء خلفها و تالا لتقوم بغلق الباب لكنها
توقفت فجاه عندما سمعت صوت طرق على الباب بشكل هادئ
لتذهب تالا و تقوم بفتح الباب لكنها لم تجد أحد كانت سوف تقوم بغلق الباب لكنها لمحت كيس صغير بلون زهري في الأرض
لتمسكه تالا باستغراب لتقوم بأدخال يديها لتعرف ما بالداخل
تالا بصدمه : نقاب ؟
يتبع٠
سبحان الله وبحمده سبحان الله العظيم 💖.