في الكومباوند
مساءا
رولا نايمه ف اوضتها وجمبها ع الكومدينو الرساله ال احلام حطتهالها
واحلام قاعده ف غرفتها بترسم تصاميم وسرحانه
ادم دخل الغرفه بعد ما رجع من الشركه واتفق مع سيف ع الخطه ال هيعملوها بكره
ادم راح باس راس احلام
احلام انتبهت وابتسمت/حمد لله ع السلامه
ادم /الله يسلمك..مالك سرحانه ف ايه؟
وقعد جمبها
احلام ابتسمت/مفيش حاجه انا كويسه ي حبيبي متقلقش
ادم ملس ع شعرها/هو انا مش حافظك يعني ؟قوليلي كنتي بتفكري ف ايه
احلام اتنهدت/بصراحه انا حاسه ان انا ظلمت سيف ..واتضايقت اوي لما مشي من المجمع من هنا مع انه قالي قبل كدا انه بيحس ب الامان فيه..وبيحس ب الامان ف بيتنا..هو دلوقتي الله اعلم فين و ف مكان أمان ولالا؟في حد بيفكر يأذيه ولالا...مش انت ديما بتقول ان اي حد بيستحق فرصه تانيه؟
ادم هز راسه ب اه وهو بيسمعها وسايبها تطلع ال جواها وبيملس ع شعرها ب حنان
احلام/سيف يستحق فرصه تانيه..ويستحق اكتر من فرصه كمان..كفايه انه رمي نفسه قدام الرصاص علشان رولا متتأذيش..انا عارفه من البدايه انه شخص كويس ..وهو لو شخص مش كويس انت مستحيل تسيبه حوالينا انا واثقه من دا..بس انا لما عرفت حقيقته وبباه كان شغال مع مافيا وكمان خد رولا معاه اسكندريه انا غصب عني خوفت
ادم ابتسم من حنيتها ال تغرق دنيا بحالها وجمال قلبها ال مهما يعدي سنين مبيتغيروش..ودي اكتر حاجه ادم بيعشقها فيها
ادم خدها ف حضنه وباس راسها واحلام حضنته بقوه
ادم /متقلقيش..سيف ف مكان أمان وهو كويس دلوقتي
احلام طلعت من حضن ادم
احلام/بجد؟عرفت ازاي؟ هو كلمك
ادم /هحكيلك
في غرفه رولا
رولا نايمه ع السرير
ميرا دخلت الغرفه
ميرا/ايه ي رولا كل النوم دا...انتي نايمه من المغرب لسه بدري اوي
رولا/
ميرا بتحاول تصحي رولا/قومي بقي خلينا نخرج ولا نعمل ايه حاجه
رولا بنوم /انا مش عايزه اخرج..سبيني انام ي ميرا لو سمحتي واقفلي الباب وراكي
ميرا/مفيش الكلام دا يلا قومي
وبصت ع الكومدينو لقت ظرف مكتوب عليه ل رولا
ميرا/ايه دا ..رولا انتي جالك رساله تقريبا
رولا اتنهدت وقعدت ع السرير وهي بتمسح وشها ب ايدها
رولا/رساله ايه ي رولا انا موبايلي مطلعلوش صوت اصلا
ميرا/ي ذكيه رساله ف ظرف اهي..مكتوب عليها (ل رولا)
رولا بصت ع الظرف ال ف ايد ميرا وخدته منها
ميرا/افتحيه كدا جالي فضول اعرف من مين
رولا فتحت الظرف وطلعت منه الرساله
سيف/البنت ال بتفاجئني كل يوم اكتر من اليوم ال قبله.
رولا بفرحه دمعت واتعدلت ع السرير
رولا/ميرا دي من سيف
ميرا ابتسمت
.رولا بتكمل قراءه الرساله
رولا/مش انتي قولتي لي شوفتي النور ال جوايا وشفتي قد ايه انا شخص كويس؟ربنا يسامحك.. بس انا حبيت الوصف ال انتي وصفتهولي بطريقه انتي مش متخيلاها..مش عارف ممكن تفتكريني كل يوم حتي لو مره واحده ولالا..مش عارف ممكن تبتسمي ولالا لو جيت ع بالك من غير ما حد ياخد باله.. ولا عيونك الخضرا ال حلوه دي ممكن تدمع لو افتكرتيني. وتقولي ي تري هو مشي علشان مجبور .. ولا هتنسيني واحده واحده ..مع السلامه ي ام قلب طيب وحنين
...قبل ما تظهري ف حياتي عمري ما كان عندي حلم..انتي ال علمتيني ازاي احلم وازاي ممكن انسان يحس ب انسان تاني ويشوف ال حلو ال جواه..
مع السلامه ي احلي حاجه حصلت لي ف حياتي...خليكي زي ما انتي حنينه وحلوه ..اوعي تعيطي او تزعلي
.قولي بس كان في حد ف حياتي اسمه سيف ومبقاش موجود خلاص .واصحي تاني يوم وانسيني اكني مكنتش موجود..مع السلامه ..يارب ديما تفضلي ب خير
رولا بتقرا الرساله بابتسامه ودموع
رولا مسحت دموعها وبصت ب ميرا
رولا ابتسمت/بعتهالي امتي المجنون دا..ليه مش ادهالي وهو ماشي بدل ما انا قاعده مفكره انه مشي من غير ما يودعني
ميرا ابتسمت /كلميه اسأليه
رولا قامت من ع السرير /ايوا صح لازم اكلمه ..بس لو كلمته من تليفوني مش هيرد انا عارفه ..علشان يبعدني عنه
ميرا/طب جربي كدا طيب
رولا مسكت موبايلها وبتحاول ترن ع سيف بس سيف مبيردش
عند سيف
في شركه ادم الرئيسيه
قاعد ف مكتب ادم ع الكنبه بعد ما كل الموظفين خلصت وقت شغلها ومشيو
سيف باصص ف السقف سرحان ف رولا...لو عايز يبقي انسان كويس ف هو هيعمل دا علشانها ..مستعد يبعد عن أي حاجه وحشه ويخاطر ب كل حاجه و يبدا من الصفر حياه نضيفه علشانها...حياته كانت سوده وضلمه بس بعد ما ظهرت ف حياته بقي حابب الحياه علشانها..هي الحاجه الحلوه الوحيده ف حياته كلها تقريبا
وافتكر كل اللحظات ال كانت بينهم وافتكر عيونها وضحتها وابتسم
سيف موبايله رن واتعدل ومسك موبايله يشوف مين ال بيتصل وكانت رولا
نفسه يرد عليها ويسمع صوتها بس حاليا مينفعش لحد ما يكمل خطته ال عملها مع ادم بيه ويخلص من مصطفي وال تبعو
سيف اتنهد
في الكومباوند
في اوضه ادم واحلام
احلام/يعني سيف هيروح يقابل ال اسمه مصطفي دا عادي ومش هيحسسهم ب حاجه وانت والبوليس هتراقبو الوضع من برا وتقبضو عليهم متلبسين صح
ادم/ايوا..وبعدها سيف هيخلص من الناس ال بتسعي ورا و بتهدده.. وهيبقي ف امان خلاص
احلام/ووقتها هيفضل ف الكومباوند هنا ولا هيطلع برا المجمع
ادم اتنهد/والله وقتها هيبقي ف امان خلاص ف الحالتين بعد مايقبضو ع الرجاله دي..هو بقي يختار..عايز يفضل هنا معايا ..عايز يأسس له حياه برا ع نضافه.. هو حر
احلام ابتسمت/بس انت عايزو يفضل هنا
ادم/ايوا
رولا خبطت
ادم/ادخل
رولا دخلت بسرعه و ف ايدها الرساله
رولا بلهفه وبابتسامه/بابي هو حضرتك تعرف سيف فين؟
ادم استغرب من لهفه رولا ع سيف
ادم/سيف مشي خلاص من هنا
رولا/ايوا انا عارفه انه مشي بس هو اكيد كلم حضرتك وقالك هو هيفضل فين صح
ادم /حتي لو قالي يعني انتي فارق معاكي ليه؟مالك ملهوفه كدا ليه
رولا بتوتر/ ها
احلام ابتسمت
رولا بتوتر/احم لاء انا مش فارق معايا حاجه انا بس فكرت ان حضرتك عارفه مكانه.يعني..احم علشان كدا
ادم بجديه/ايوا وانا دلوقتي محتاج اعرف انتي عايزه تعرفي مكانه ليه
رولا بصت ل احلام تنجدها واحلام حاولت تدارك الوضع
احلام/روحي ي رولا اوضتك دلوقتي انا عايزه اتكلم مع بباكي ف حاجه مهمه
رولا/حاضر عن اذنكم
وطلعت برا الاوضه
ادم بص ل احلام/هو انا ال فهمته صح؟
احلام ابتسمت/ادم اهدي خليني افهمك
ادم بغضب وغيره/تفهميني ايه ي احلام ردي عليا انا الأول هو انا ال فهمته دا صح؟
احلام /مفيش اي حاجه من ال ف دماغك دا مجرد اعجاب يعني من بعيد ل بعيد مفيش اي حاجه تانيه والله
ادم بغضب/وانا فين من كل دا انا قاعد نايم ع وداني معرفش
احلام مسكت ايده /ي حبيبي وانت عايزها تقولك ازاي وهي اصلا مش معترفه ل نفسها وبعدين البنت مبقتش صغيره ومن حقها تعجب ب حد وتحب
ادم بغيره وغضب/لالا مفيش الكلام دا ...سيف و رولا لاء مستحيل يتحطو ف جمله واحده اصلا مع بعض..بنتي مينفعش اصلا تفكر ف حاجه زي كدا ولا هو.. الاتنين لو حسو اتجاه بعض ب حاجه ولو 5% هينسو دا
تماما ..انتي فاهمه ي احلام
احلام ابتسمت من غيرته/فاهمه والله خلاص اهدي...انا هفمها دا براحه
ادم بغضب/ايوا فهميها علشان مضطرش انا افهمهم هما الاتنين بطريقتي
ف الطرقه برا
ميرا راحت ل رولا ال واقفه
ميرا/ها عرفتي سيف فين
رولا/لاء بابي مرضيش يقولي حاجه..انا لازم اكلم سيف ي ميرا ب ايه طريقه
ميرا ابتسمت/انا جاتلي فكره..ايه رايك تجربي تتصلي ب تليفون ياسين..هما الاتنين صحاب واول ما سيف يشوف ياسين متصل بيه هيرد ع طول
رولا/طب هناخد التليفون من ياسين ازاي اكيد مش هنقوله عايزين نكلم سيف يعني
ميرا بصوت واطي /تعالي كدا نروح اوضته ونشوف
ميرا و رولا دخلت اوضه ياسين براحه وكانت الاوضه فاضيه..وياسين بياخد شاور ف الحمام
ميرا بصوت واطي/ياسين بياخد شاور..واكيد سايب موبايله ف حته هنا
رولا بصوت واطي/دوري انتي عند السرير وانا هدور ف الكنبه هنا
ميرا بصوت واطي /ماشي
وميرا ورولا بدأو يدورو
ميرا شافت الموبايل عند الكومدينو
ميرا بابتسامه/رولا لقيته
رولا/ششش واطي صوتك
وراحت لها براحه
ميرا/خدي يلا كلمي سيف ف الطرقه وانا هراقب لك الجو هنا علشان لما ياسين يطلع انبهك ع طول
رولا ابتسمت/ماشي
وباست خد ميرا وطلعت برا الاوضه
رولا بصت وراها تشوف حد موجود ولالا و بدأت ترن ع سيف
سيف رد/الو
رولا/لازم اتصل ب رقم اي حد غير رقمي علشان ترد يعني
سيف/رولا
رولا ابتسمت /انا لسه شايفه الرساله بتاعتك دلوقتي
سيف /احلام هانم ادتهالك يعني
رولا/لاء انا لقيتها ف الاوضه ..ليه مدتليش الرساله بنفسك؟
سيف/أنا قولت ل نفسي ان كدا احسن لينا احنا الاتنين
رولا ابتسمت/ايوا ومعناه ايه بقي ال انت كتبته انا مفهمتش
سيف/انا كتبت ال جه ع بالي وقتها وال حسيت بيه...مع السلامه ي رولا انا هقفل
وكان هيقفل
رولا/لا متقفلش ي سيف استني..انا مش موافقه تودعني ب الطريقه دي.. انت لو مصر و عايز تمشي من حياتي للابد علشان ابقي ف امان خلاص انا موافقه بس تشوفني وش ل وش وتودعني
سيف اتنهد/مينفعش ي رولا
رولا/انا مليش دعوه ب الكلام دا ..انا ال عندي قولته..اتفضل قولي انت فين علشان اجيلك ونودع بعض..تمام؟
سيف اتنهد /انا هموت واشوفك بطريقه انتي مش متخيلاها بس مينفعش ي رولا ادم بيه لو عرف انك جيتي الشركه ا
رولا ابتسمت/اه يعني انت ف شركه بابي ..خلاص انا كدا فهمت
سيف /رولا لاء متجيش ي رولا ا
رولا ابتسمت/..نص ساعه وابقي عندك ..يلا سلام
وقفلت المكالمه
ميرا طلعت من اوضه ياسين
ميرا/ياسين قفل المايه تقريبا خلص شاور هاتي الموبايل بسرعه
رولا ادت الموبايل ل ميرا
رولا بابتسامه/انا هلبس واروح له شركه بابي
ميرا بصدمه/متهزريش هو ف شركه بابي؟ وانتي هتروحي له ازاي دلوقتي انتي اتجننتي
رولا ابتسمت/عادي احنا لسه الساعه ٨ وانا اخري برا ١٠ ف قدامي وقت متقلقيش ..هدخل اغير هدومي
ودخلت الدريسنج
ميرا /البنت اتجننت من الحب والله
وميرا انتبهت ان معاها موبايل ياسين ودخلت للاوضه بسرعه وحطت الموبايل ع الكومدينو
في شركه ادم
بعد نص ساعه
رولا وصلت بعد ما نزلت من التاكسي لان لو البودي جارد ال وصلها ممكن يقول ل ادم انها جت الشركه
رولا نزلت من التاكسي وكانت الشركه كلها فاضيه من الموظفين مفيش غير اتنين أمن واقفين عند باب الشركه
رولا راحت لهم
الأمن ب احترام/اهلا وسهلا ب حضرتك ي رولا هانم
رولا ابتسمت/اهلا بيك..بابي نسي ملف مهم فوق وشويه ورق وكنت قريبه من الشركه قالي بالمره اعدي اجيبه
الأمن/اه طبعا اتفضلي
رولا ابتسمت/شكرا
عند سيف
قاعد ف مكتب ادم
هيموت ويشوف رولا بس ف نفس الوقت عايزها تبعد عنه علشان هو حياته ف خطر وخايف حد يفكر يأذيها و وكمان ادم لو عرف ان رولا هنا هيفهم غلط وهيحصل مشكله كبيره
رولا طلعت من الاسانسير وراحت مكتب ادم وشافت سيف قاعد
سيف قام/رولا
رولا راحت له بابتسامه ومسكت ايده/كنت عارفه انك هنا
سيف مسك ايدها وابتسم
رولا ابتسمت وبصتله ف عينه/الرساله ال كتبتهالي دي احلي حاجه شوفتها ف حياتي
سيف /انا كتبت كل حاجه كانت ف قلبي ...انا مستحيل اقدر امشي من غير ما اودعك..بس ودعتك بطريقتي
رولا بصت له ف عينه/انا اسفه
سيف/ع ايه؟
رولا/بسببي انا انت اضطريت تمشي وتبعد عن المجمع وتبقي ف مكان مش امان.. كل دا علشان انت خايف عليا وانا ال وقفت مع مصطفي وادتله فرصه يهددك..انت لو كرهتني دلوقتي هيبقي معاك حق
سيف بصلها ف عينها بحنيه
سيف/كره ايه ال بتتكلمي عنه..انتي تتخيلي ان انا ممكن اكرهك؟ ايه الكلام دا ي رولا..مقدرش
رولا ابتسمت
سيف/بصي متقوليش ل ادم بيه انك جيتي هنا..كفايه انه رجع يوثق فيا تاني و عايز يساعدني ..ويلا ارجعي ع البيت
رولا/تمام متقلقش انا مش هقول ل بابي اي حاجه والله ..قولي بس انت كويس ؟
سيف/انا مكنتش كويس..يعني قبل ما انتي تيجي..بس لما جيتي وشوفتك بقيت كويس خلاص
رولا ابتسمت
سيف ابتسم/يلا روحي ارجعي البيت بقي قبل ما ادم بيه يعرف حاجه
رولا ابتسمت/خلاص همشي
سيف ابتسم/ماشي روحي
رولا/انت كويس اهم حاجه
سيف ابتسم/كويس زي القرد قدامك اهو
رولا /ماشي خلاص انا همشي
وسابت ايده وكانت هتمشي
رولا وقفت
رولا/قولي الاول صحيح انت كلت حاجه النهارده؟
سيف/اه .ايوا..كلت وشبعت
رولا/كلت وشبعت؟سيف متكدبش
سيف/بصراحه مجاش ع بالي
رولا/يعني ايه مجاش ع بالك انت مكلتش حاجه من الصبح
سيف/رولا لو سمحتي ا
رولا/خلاص وعد همشي بس خليني اتصرف واجيب لك اكل الاول وهمشي والله
ومسكت موبايلها
سيف /انتي اكيد مش هتطلبي اكل هيدخل ازاي والامن تحت موجود ميعرفش اني هنا اصلا
رولا/ايوا صح
سيف/رولا روحي يلا البيت وانا مش جعان انا مش عايز اكل اصلا
رولا/طب بص جتلي فكره..الكافتيريا ال ف الدور ال تحت فيها تقريبا اكل..تعالي معايا كدا نشوف ممكن نعمل ايه
سيف ابتسم وهز راسه بمعني مفيش فايده
رولا/هتطمن انك كلت وهمشي والله..تعالي بقي
ومسكت ايده علشان يطلعو من المكتب
سيف/طب وطي صوتك علشان الامن ميسمعش صوتنا هموت واعرف طلعتي والامن موجود ازاي
رولا/طلعت عادي دي شركه ببايا ف الاول وف الاخر
ونزلو هما الاتنين براحه الكافتيريا
ودخلو المضبخ
رولا/نعمل ايه بقي فين الاكل
وبدأت تفتح الادراج ال ف المضبخ براحه
وسيف واقف مراقبها ومبتسم
رولا فتحت درج ولقت مكرونه و ورز ودقيق
رولا/ايواا..حلو جدا
ومسكت كيس مكرونه وبصت ل سيف
رولا ابتسمت/يلا اتوقع انا هعملك ايه دلوقتي ..هضبخ لك ايه
سيف ضحك
رولا ابتسمت/مكرونه. انا عارفه انك اتفاجئت وانها حاجه مش متوقعه
سيف بصلها و ابتسم
رولا/معقوله كنت هتفضل طول الليل من غير اكل لو انا مكنتش جيت ي سيف صح
سيف بصلها ف عينها/تقريبا اه
رولا/خلاص سبني بقي اعملها بسرعه علشان متاخدش وقت
وطلعت حله من الدرج وحطتها تحت الحنفيه علشان تملاها مايه
رولا بتكلم نفسها/لازم ألم شعري ..فين التوكه بتاعتي كانت ف ايدي
ومسكت توكه الشعر وكانت هتلم شعرها
سيف قرب منها/عنك
رولا /ايه؟
سيف ابتسم/هعمله انا
رولا ابتسمت وادتله توكه الشعر وسيف اخد منها التوكه وبدأ يلم لها شعرها وربطهولها
رولا ابتسمت وبصت ع الحله لقت المايه اتملت وبدأت تكب ع الحوض
رولا/اتملت زياده عن الزوم دي
وبدأت تفضي منها شويه مايه وحطت المايه ع البوتجاز وولعت النار عليه
سيف وقف قصاد رولا وقرب منها وبصلها ف عينها
سيف/زي ما يكون الزمن كان واقف بالنسبه لي قبل ما انتي تيجي
..الزمن بدأ يمشي تاني دلوقتي
رولا بصتله وابتسمت وسيف ابتسم
بعد شويه رولا وسيف قاعدين ف مكتب ادم بياكلو المكرونه قصاد بعض
فجأه سيف كح وهو بياكل
رولا/انت كويس
سيف شرب شويه مايه
سيف/ايوا
رولا بصتله/كأن المكرونه مش عجباك ولا انا بيتهيألي
سيف/لالا دي زي الفل طعمها حلو
رولا بصتله /امال ايه تعابير وشك دي بقي
سيف بصلها/مش عارف ي رولا بس لما انتي قولتي هعملك اكل توقعت اكل بجد يعني
رولا ابتسمت/انت ك واحد المافيا بتسعي وراك ومستخبي دلوقتي ف الشركه المفروض تحمد ربنا ع الاكل ال عملتهولك دا..وخصوصا اني اول مره اعمل مكرونه شوفت احلام وهي بتعملها بس
سيف ابتسم/معاكي حق..وبعدين انا الله اعلم ايه ال هيحصل ف حياتي بعد كدا الناس ال عيزاني دي هي ال هتتسجن ولا انا ال هتسجن ..وقتها هتوحشني المكرونه ال بتريق عليها دي ..معرفش الاكل ال هناك هيبقي عامل ازاي
رولا بصتله/لا ي سيف متقولش كدا..فكر ب ايجابيه لو سمحت..وبعدين بعد ما المشكله دي تخلص ويتقبض عليهم انت هيبقي عندك حياتك ونظامك الخاص بيك
سيف وهو بياكل/صعبه دي شويه ي رولا
رولا/لاء مش صعبه طبعا وبعدين هو الحلم ممنوع؟
سيف/لاء
رولا/خلاص .تخيل معايا كدا مثلا احنا عدي علينا سنه ..تمام؟
سيف/تمام
رولا/وبقيت حر..وكل حاجه اتحسنت..المافيا دول اتقبض عليهم..وانت تقدر تعمل كل ال انت عايزو من غير قلق وخوف..الحياه كلها قدامك ومعندكش اي مشاكل
سيف ابتسم
رولا ابتسمت/..اكيد انت فكرت ممكن تعمل ايه وقتها صح
سيف/فكرت اكيد ف كام حاجه...في حاجات بفكر فيها مع نفسي وانا قاعد
رولا بعد ما خلصت طبقها وخدت شويه مكرونه طبق سيف ب الشوكه
رولا ابتسمت/ايوا كلمني بقي عن الحاجات ال فكرت فيها دي
يلا قول انا سمعاك
سيف بصلها وابتسم
رولا/طب بص انا هقولك انا متخيله ايه عن حياتك قدام لحد ما تخلص اكلك
سيف ابتسم/تمام
رولا سندت راسها ع ايدها و سيف سند راسه ع ايده وبصلها ف عينها وبيسمعها
رولا/بعد سنه مثلا.. هنبقي انا وانت قاعدين زي القعده دي..بناكل من الاكل ال عملتهولك ومبسوطين. وبنشرب شاي كمان..ونفتكر كل الايام ال احنا عايشنها دلوقتي دي
سيف ابتسم/ايوا ووقتها هنفتكر انك كنتي بتعملي اكل وحش جدا
رولا بصتله
سيف ابتسم /بهزر
رولا/والله ي سيف؟
سيف ابتسم /والله بهزر
رولا/تصدق بقي انت متستاهلش المكرونه ال انا وقفت اعملهالك دي
سيف /والله الاكل ال عملتيه حلو اوي وانا اصلا خلصت الطبق بتاعي كله حتي شوفي؟
رولا/لا مش انت ال كلتها انا ال كلتها كلها
سيف/ايوا ماشي انت ساعدتني ف الاكل بس ف الأصل انا ال كلت طبقي كله وبعدين مهما كانت وحشه كنت هاكل وانا مبسوط برضو لأنك انتي ال عملاها ب ايدك
رولا ابتسمت/خلاص ماشي اقتنعت
سيف ابتسم
رولا/يلا احكي بقي دورك..نتخيل ان عدي سنه..انت هتكون فين
سيف بصلها ف عينها/هنا
رولا بصتله ف عينه/يعني انت هتفضل
سيف ابتسم /هفضل
رولا/وهتفضل ليه؟ايه السبب
سيف/طبعا انتي متعرفيش انا كنت بعمل ايه ف حياتي قبل ما اجي المجمع بس انا اكتر حاجه بفهم فيها الاداره يعني حتي كان عندي مكانين للسهر واحد فيهم سبته ل احمد والتاني ممكن ابيعه وابدأ ع نضافه يعني..شوفت مكان قريب من المجمع ينفع كافيه
رولا ابتسمت/يعني هتفضل ف المجمع وتعمل مشروعك يعني
سيف ابتسم وهو بيتخيل/ايوا..المكان جمب المجمع مفهوش كافيهات كتير ولا أماكن سهر..هعمل واحد.. حلو جدا وكبير..الناس كلها هتنبهر بيه واسمه هيبقي مشهور ف كل حتي...وكل الناس المشاهير هتبقي مستنيه تدخله ب الحجز وبالدور.. ويبقي ليه فروع كتير اوي ف كل حتي..ويجيلي عروض من برا مصر علشان افتح فرع عندهم ووقتها انا أرفض
رولا ابتسمت/عايز تبقي مشهور يعني
سيف/لا مش انا ال هبقي مشهور انا هبقي ورا الكواليس بس المكان بتاعي هو ال هيبقي مشهور ..اسمي هيبقي معروف بس شكلي لاء
رولا/و في سلاح ف ضهرك وفي بنات ف كل حتي حواليك ف حضنتك مش كدا
سيف بصلها/لاء السلاح لاء..بس هيبقي في بنات ف حضني
رولا مسكت الشوكه بتهديد وبصتله
سيف ضحك
رولا/قولتلي بنات مش كدا..حلو اوي واكتر من واحده كمان مش كدا
سيف /مش احسن ما يكون في معايا سلاح
رولا بغيره/تمام ..براحتك يعني خلي البنات حواليك وانبسط معاهم ..انت حر...بس اهم حاجه تكون مبسوط يعني
سيف ابتسم/جدا
رولا /جدا قولتلي
سيف بصلها ف عينها/انا نقلت حلمي ل الكومباوند بتاعكم ي رولا.. علشان ال ناس ال بحبها تشوف ان انا اقدر اتغير
رولا ابتسمت وبصاله ف عينه وبتسمعه
سيف/وابقي بني ادم كويس..يعني تخيلي ان محدش هيقلق من اسمي ال مربوط ب اسم ابويا تاني ..الناس هتفتكرني ع اساس اني صاحب مكان محترم و رجل أعمال حر مش ابن واحد كان شغال مع المافيا
رولا ابتسمت
سيف ابتسم/..وادم بيه يشوف كل دا ..يشوف اني اتغيرت وبقي عندي شغلي الخاص بيا وبقيت راجل محترم ويبقي مبسوط مني كمان
رولا ابتسمت من سيف ال ادم بالنسبه له حاجه كبيره ونفسه يبقي مبسوط منه وفخور بيه
سيف ابتسم/هينبسط مني صح؟
رولا ابتسمت/اكيد طبعا هينبسط منك
سيف ابتسم
رولا/بعد ما تفتح المشروع الخاص بيك وبابي ينبسط منك الخطوه ال بعدها ايه بقي
سيف اتنهد/ال جاي دا المرحله الصعبه والموضوع هيبقي متعقد شويه..خلينا نمشي ف الموضوع واحده واحده
رولا بغيظ/طب وبالنسبه للبنات ال لسه متكلم عنهم وهتبقي حواليك..راحو فين ؟طارو
سيف ابتسم/يعني انا حكيت كلام قد كدا وانتي علقتي ع الموضوع دا بس..حاسس ف كلامك في شويه غيره كدا...ها ي رولا ادم الحديدي
رولا خبطته ف كتفه/اسكت..مفيش غيره والكلام دا
سيف ابتسم وفجأه موبايل رولا رن و سيف بص ع موبايلها وكان يحيي
سيف بغيره شاور ع التليفون/صح ال انا شايفه دا..يحيي ال بيتصل بيكي
رولا ابتسمت/صح ال انت شايفه واه يحيي ال بيتصل بيا بس انا لازم ارد علشان اكيد في حاجه مهمه والا مكنش اتصل دلوقتي
سيف بغيره وغضب مكتوم/اه طبعا طبعا ردي..معقوله مترديش يعني؟ردي ردي
وبدأ يلم الأطباق ال كلو فيها بغضب
رولا ابتسمت وبصتله/ايه ال حصل؟مش كنت من شويه عمال تقولي غيره ومش عارف ايه
سيف ضحك وبيحاول يسيطر ع غضبه/طب ردي ع التافهه دا علشان انا عايز اعرف هو عايز منك ايه دلوقتي
رولا /لا مفيش داعي ارد عليه دلوقتي ملوش لزوم
سيف بغيره/باين طبعا انه مش قادر يستحمل تبقو بس مجرد صحاب.. عمال يفرك يعني
رولا ابتسمت/تعالي طيب نودي الأطباق دي المضبخ قبل ما حد ييجي يشوفهم ويشك فينا
وخدو الطبقين ال كلو فيهم وقاموا وطلعو برا المكتب وراحو المضبخ
سيف /يلا ي رولا روحي انتي ارجعي البيت علشان متتاخريش وانا هغسل الطبقين دول علشان محدش ياخد باله اننا استخدمناهم
رولا/خليني كمان شويه طيب ي سيف
سيف/محنا قعدنا كتير اهو وكلنا مع بعض كمان الحصل دا كويس اوي ف الوضع ال احنا فيه دا
رولا بصتله/انا مش عارفه ايه ال ممكن يحصل بعد كدا..ممكن بابي ياخدك وتروحو مكان تاني انا معرفهوش ..يمكن دي تكون اخر مره اشوفك فيها..علشان كدا متعاملنيش المعامله الجافه دي علشان انت غيرت من يحيي
سيف قرب منها وملس ع شعرها/انا اعاملك معامله جافه ي رولا؟مقدرش ..انا بس خايف ادم بيه يعرف انك هنا وقتها هتحصل مشكله كبيره ليا وليكي
فجأه سمعو حد طالع ع السلم
سيف خد رولا بسرعه وطلعو من المضبخ وراحو مكتب حد ميعرفهوش ودخلو بسرعه وسيف ساب الباب متوارب علشان يشوف مين ال طالع
رولا بتوتر بصوت واطي/هنعمل ايه..لو طلع بابي هتبقي مصيبه
سيف بتوتر/مش عارف
وبيحاول يبص من الباب المتوارب ورولا وقفت عند الباب جمبه بتحاول تسمع
سيف بصوت واطي/تفتكري بباكي
رولا بصوت واطي/مش عارفه بس لو كان بابي اكيد كان نده عليك
سيف بص من الباب المتوارب لقي الأمن بيتمشي ف الطرقه يتطمن ع المكان
سيف بصوت واطي وهو بيبص ع الامن/دا الامن..اكيد جاي يشوفك اتأخرتي كل دا ليه
رولا بصوت واطي/استني شويه لما ينزل من الدور دا وأنا هظهر قدامه واقوله اي حجه ...وريني كدا اتفرج
وقربت منه علشان تشوف الامن من الباب
رولا/وصل اخر الطرقه اهو شويه ويطلع الدور التاني
سيف بصوت واطي/اول ما يمشي هتمشي وراه ع طول ماشي
رولا قربت منه وبصت له وقالت بصوت واطي/ل تكون فاكرني همشي من غير ما تقولي ال حصل مع مصطفي دا وهتقابله ازاي وهتعمل ايه
سيف بص ف عينها وسرحان من قربها/هعمل ايه
رولا/ايه ال بتخطط له ي سيف اعترف
سيف بصوت واطي/ولا اي حاجه
رولا بصوت واطي/سيف متكدبش عليا انا حافظه نظراتك دي كويس اوي..البصه دي بتبصهالي لما بتكون مخبي عليا حاجه
سيف علشان يغير الموضوع قرب منها وشم شعرها
رولا ابتسمت بخجل
سيف بصلها/انتي غيرتي نوع الشامبو ال بتستخدميه؟
رولا/ايه؟
سيف/الأول كان بجوز الهند دلوقتي حاجه تانيه
رولا ابتسمت /انت كلب ولا حاجه؟
سيف ابتسم/حاسه الشم عندي قويه شويه
وقرب منها تاني يشم ريحتها
سيف /حلوه اوي..ريحتك زي ما هي..بس الشامبو متغير
رولا بصتله/سيف متعملش حركاتك دي علشان توترني وتغير الموضوع
سيف بص ف عينها/لا انا مبحاولش اغير الموضوع ولا حاجة
رولا /ا
وفجأه سمعو الامن بيدخل الاسانسير والاسانسير طلع
رولا/مشي صح؟
وبصو من الباب لقو الامن فعلا مشي
رولا/أخيرا مشيي.. كدا نقدر نتكلم بشكل طبيعي
سيف/يلا روحي انتي كمان ارجعي البيت علشان اتاخرتي
رولا سندت ع الباب وبصتله/ماشي همشي بس بشرط ي سيف
سيف/شرط ايه
رولا/متعملش ف حد من الناس ال هتقابلها دي حاجه ممكن تأذيك او تحط حياتك ف خطر
سيف بصلها ف عينها/انتي تأمري
رولا ابتسمت/مش هتعمل حاجه يعني
وقربت منه وسيف سرح ف جمالها
سيف وهو سرحان ف عيونها/مش انتي متعملش حاجه؟مستحيل اعمل
رولا ابتسمت/طالما كدا بقي يبقي انا همشي
وبعدت عنه وطلعت من المكتب وسيف ابتسم واتنهد
رولا نزلت ع السلم لقت الامن ف الدور ال تحت
الامن/رولا هانم انا كنت بدور ع حضرتك ..حضرتك اتاخرتي جدا وقلقت عليكي
رولا/متقلقش انا كويسه انا بس كنت بدور ع ورق مهم وخدت وقت بس..انا همشي خلاص خلصت
الامن بص ع ايدها ال مفهاش ورق
الامن/وحضرتك مخدتيش الورق ليه
رولا بتوتر/ايه؟ اه ما الورق ف شنطتي دي
الامن/ااه
رولا ابتسمت/معقوله امشي من غير الورق يعني..يلا عن اذنك ربنا معاك
الامن/شكرا
ورولا مشيت
في اليوم التالي
صباحا
في بيت سالم أبو زين
قاعد ع السفرا ف الجنينه و ادهم قاعد جمبه و ف وشهم عمتهم اسماء هي ال مربياهم يعتبر بعد موت مامتهم
زين دخل البيت وراح لهم عند السفرا
زين/صباح الخير
سالم وادهم/صباح النور
زين/خير ي عمتو جيباني بدري كدا وبتقوليلي عيزاك ضروري
وبص ل ادهم
زين/انت عكيت قدامها ف الكلام ب ايه تاني
ادهم/متبصليش كدا والله العظيم ما عملت حاجه
اسماء وهي ماسكه الجرايد/ كدا ينفع ترتبط من غير ما تقول ل عمتك حبيبتك ..متتخيلش انا زعلت منك قد ايه ي زين
واعطته الجرايد
زين
بعدم فهم/ارتباط ايه
زين قرأ الخبر ال ف الجنرال وكان موجود صورته وهو وبتول قريبين من بعض ومكتوب ع الخبر ان زين سالم المحمدي ارتبط تاني ب عارضه الأزياء المعروفه بتول ياسر
زين بص ع الاخبار بصدمه
ف الكومباوند ع السفرا
ادم واحلام وياسين ورولا وفريده وميرا قاعدين بيفطرو والخادمه صبت لهم الشاي
ياسين وهو بيفطر/بابا هو سيف مش هيرجع يعيش معانا هنا تاني ؟
رولا اول ما سمعت سيره سيف شرقت
احلام صبت مايه ل رولا بسرعه وفريده خدت المايه وادتهالها
ادم بص ل رولا ال اتوترت اول ما جت سيره سيف
رولا بتشرب المايه وبتتجاهل تبص ل ادم ال باصص لها بغضب مكتوب وحاسس ان في حاجه بينها وبين سيف وهو مستحيل يقبل ب دا
ادم وهو بيبص ل رولا/مش عارف ي ياسين لسه هنشوف هيرجع ولالا
ميرا ال قاعده جمب رولا
ميرا بتهمس بصوت واطي/انتي عملتي ايه خليتي بابي يركز معاكي انتي وسيف كدا
رولا بصوت واطي/سألته بغبائي امبارح سيف فين علشان كان لازم اشوفه بعد الرساله ال كتبهالي
فريده بصوت واطي/ابقي قابليني لو بابي رجع سيف تاني المجمع بعد ما شك فيكم كدا..مش هيحط الجاز جمب النار اكيد
ميرا ابتسمت/لاء ونار قويه كمان
رولا بصوت واطي/لو مسكتوش انتو الاتنين هفطسكم والله العظيم
ادم ل البنات ال قاعده بتهمس بين بعضها
ادم/كلو ..مبتاكلوش ليه
ميرا/احم ..بناكل اهو ي بابي
احلام ل ادم بصوت واطي /ممكن تهدي شويه علشان خاطري..والله العظيم مفيش بينهم اي حاجه
ادم /بس ي احلام علشان انا ماسك نفسي بالعافيه ومتضايق منك جدا انتي كمان علشان عارفه من بدري ومخبيه عني
احلام /والله ي حبيبي رولا مقالتليش اي حاجه هما بس صحاب ب حكم أنهم ساكنين جمب بعض وكان بيوصلها و اغلب الوقت كان معاها ف اكيد حصل انجزاب بسيط بينهم وبين بعض يعني الموضوع موصلش للحب حتي
ادم /انا بقي مش هستني لحد ما يوصل للحب ...رولا وسيف مستحيل يكون بينهم حاجه مستحيل والكلام خلص خلاص
احلام/طب ممكن نكمل كلامنا بعدين علشان رولا متحسش بحاجه وانت متركزش ف الموضوع دا معاها علشان انت عارف الممنوع مرغوب
ادم بصلها/يعني ايه
احلام ابتسمت/يعني لو فضلت تركز وتبصلها ب شك ع اساس في بينها وبين سيف حاجه وتقول لها مش عايز يكون في بينكم حاجه كدا يمكن تعجب بيه اكتر..مين عارف
ادم اتنهد بغيظ وغيره واحلام ابتسمت وهزت راسها بمعني مفيش فايده
ادم قام/انا رايح الشركه..عايزين حاجه
وخد الجاكيت بتاعه وباس راس احلام
احلام ابتسمت/عايزين سلامتك ي حبيبي
ميرا وهي بتاكل/شكرا ي بابي
ياسين/مع السلامه ي أدوم
ادم /مع السلامه ي اخويا
ومشي
ياسين وهو بياكل بص ع ايباد ادم ال ع السفرا ال بيشوف عليه الأخبار الصبح
ياسين/ايه دا
احلام /ايه
ياسين شغل الفديو وكان مزيعه ف الأخبار طالعه بتتكلم وعارضه صوره زين و بتول وهما قريبين من بعض ف المكتب
ياسين /هو دا زين ال معاكي ف الشركه ي احلام انتي وفريده
فريده ب استغراب بصت ع الفديو
فريده/اه هو
احلام/ارفع صوت الفديو كدا
ياسين رفع الصوت
المذيعه /خبر حصري ومفاجئ النهارده هيزعل بنات كتير معجبات دلوقتي..رجوع زين سالم المحمدي صاحب اكبر شركه ازياء ف مصر. ل حبيبته القديمه
فريده وهي بتشوف الفديو مصدومه ومخضوضه وبتحاول تمسك دموعها
رولا وميرا بصو ل بعض بحزن وبصو ل فريده
المذيعه/كان في اخبار كتير من سنه ونص ع انفصالهم بس طالما شفناهم مع بعض مؤخرا يبقي اكيد في رجوع بينهم
وجابو صوره كتير ل بتول وعرضوها
ياسين/ايه الاخبار التافهه ال ناشرينها ع النت دي الصحفيين مبقوش عارفين يعملو ايه علشان يلمو ريتش..بس البت موديل وجامده والله
رولا بغضب/جامده ايه دي رفيعه قد عصايه المقشه بالضبط
احلام بصت ع فريده ال سرحانه ف الفديو وساكته مبتتكلمش والمذيعه ال بتتكلم لسه بتتكلم عن علاقه زين ب بتول وبتتمني لهم السعاده
احلام اتنهدت بحزن لانها حاسه من زمان ان هي وزين معجبين ببعض
احلام بصت ل فريده/فريده حبيبتي..انتي كويسه
فريده انتبهت وقامت/ا اه اه ي مامي انا كويسه..انا هطلع اوضتي
وطلعت اوضتها وهي بتحاول متعيطش
ورولا وميرا قامو وطلعو وراها علشان يروحو لها
في بيت سالم
زين واقف بغضب وبيحاول يسيطر ع اعصابه وكل ال بيفكر فيه فريده هتحس ب ايه لما تشوف الاخبار وهتفهم غلط
زين بغضب/مفيش حاجه حصلت من الاخبار دي ي عمتو واصلا لو انا فكرت ارتبط او اتجوز اكيد هقول لكم يعني مش هكدب
اسماء بزعل/انت بالذات متتكلمش معايا خالص لان انت عادي تعملها وممكن تروح تخطب من ورانا كمان مش بس ترتبط...ليه كل حاجه عنك بعرفها من الجرايد مش منك ها
ادهم ضحك وهو بياكل
سالم/مش للدرجه دي ي اسماء زين اكيد ميعملش كدا من ورانا يعني
اسماء/لاء ل يكون فاكرني كبرت وعجزت خلاص مش هقدر عليكم يعني
زين باس راس اسماء/دا انتي الملكه بتاعتنا روح قلبي..معقوله ازعلك قصدا يعني
ادهم ساب الشوكه والسكينه بغضب كاذب
ادهم/كفايه بقي ي زين
زين بصله/عايز ايه انت كمان
ادهم/تصرفاتك كلها غلط ف غلط
زين/ليه؟
ادهم/وبعد دا كله بتسألني تصرفاتك غلط ليه؟حضرتك قاعد بتكدب ع بتول و عمتو حبيبه قلبنا ..ينفع كدا
زين/انت بتهزر صح؟دا وقت هزار
ادهم/ي زين انت عارف ان عمتو لما تعرف حاجه زي كدا هتزعل منك ..بتخبي عليها ليه كل حاجه بتحصل معاك ..قول الحقيقه وخلاص
اسماء ربعت ايدها بزعل
زين بيحاول يسيطر ع اعصابه/ادهم صدقني انا ماسك نفسي بالعافيه ..هندمك ع كلامك دا صدقني
ادهم/مش انت قبل كدا قولت لي انك بتحب البنت دي وعايز تتجوزها وتجيب منها عيال
اسماء ل سالم/اتفضل..اتفضل شوف ابنك
زين بغضب كان هيروح يضرب ادهم ادهم قام من ع السفرا بسرعه وجري ع البيت وهو بيضحك
سالم ضحك وهز راسه بمعني مفيش فايده
في شركه ادم
طلع من الاسانسير ورايح بتجاه مكتبه والسكرتيره راحت له بسرعه
السكرتيرة وهي بتحاول تلحق خطواته/صباح الخير ي ادم بيه
ادم/صباح النور
السكرتيرة/مواعيد النهارده ا
ادم/الغي اجتماعات النهارده كلها
السكرتيرة/امر حضرتك ..تحب اجيب القهوه ل حضرتك
ادم/لا قولي ل حد من الكافتيريا يعمل فطار يبعته ع مكتبي
السكرتيرة /حاضر..انا عايزه اقول حاجه ل حضرتك..احم ..حاجه غريبه حصلت
ادم وقف/خير
السكرتيرة/اول ما وصلت كنت بحط ورق ل حضرتك ف المكتب لقيت في واحد نايم ع الكنبه ف سابع نومه ف الاول فكرته ياسين بيه ابن حضرتك بس طلع لاء مش هو
ادم/ايوا انا عارف ..روحي اعملي ال قولت لك عليه ومتنسيش الفطار
السكرتيرة/امر حضرتك
وادم دخل مكتبه
السكرتيرة/يبقي الفطار دا للشاب القمور ال ف اوضة ادم بيه
عند ادم
دخل المكتب وراح ل سيف ال نايم ع الكنبه بعمق
سيف وهو نايم كان بيحلم ب رولا وابتسم
سيف ابتسم وبيتكلم وهو نايم/رولا
ادم باصص ل سيف بغضب
وخبطه ف رجله علشان يصحي
سيف صحي بخضه وقام/ادم بيه
ادم /ادم بيه اه...انت كنت بتحلم ولا حاجه؟
سيف/ها ؟لا ابدا
ادم بغضب/اصل سمعتك بتقول رولا وانت نايم
سيف بتوتر/لالا طبعا..انا ا ..آه كنت بقول رولها..كان في بتاعه ف الحلم كدا ومسدس وضرب نار ف كنت بقوله رول المسدس كدا علشان نعرف نضرب بيه نار وحاجات..يعني كابوس كابوس ي ادم بيه والله ربنا ما يوريك
ادم بغضب/اه كابوس..اصل فكرتك قصدك رولا بنتي..قولت مش معقوله يعني
سيف بلع ريقه بتوتر/مستحيل لاء..رولا بنت حضرتك ايه..اكيد لاء طبعا
ادم/طب قوم يلا.. قولت لهم يجيبو لك فطار..هتفطر ونروح ل محل بدل نشتري لك كام بدله علشان لما تقابلهم ونقبض عليهم هنروح قسم الشرطه ومحكمه وحوارات
سيف قام/حاضر...يعني ملوش لزوم الفطار لو حضرتك عايزنا نمشي دلوقتي تمام
ادم/لاء ازاي.. افطر الاول.. انا اصلا اتضايقت لما نسيت ابعت لك حد ب الاكل امبارح..اكيد نمت جعان دلوقتي
سيف افتكر المكرونه ال رولا عملتهاله وابتسم
سيف/لا متضايقش نفسك ي ادم بيه انا نمت ع طول محستش بنفسي اصلا
ادم/طيب
في الكومباوند
ف اوضه فريده
رولا وميرا قاعدين جمب فريده ال قاعده سرحانه ومتضايقه وزعلانه
رولا/متزعليش علشان خاطري ي فيرو
ميرا بحزن/والله هتلاقي الموضوع كله سوء تفاهم وهيتحل ...زين اكيد مرتبطش ب ال اسمها بتول دي
فريده وهي سرحانه/انا ازاي كنت غبيه كدا..ازاي سامحته ع الاتهامات ال اتهمهالي قبل كدا وازاي وثقت في وصدقته..النظرات طلعت بتتمثل عادي والكلام الحلو بيتمثل عادي وانا ال كنت مغفله اوي طلع لسه بيفكر ف حبيبته القديمه
رولا ملست ع شعرها/فريده روح قلبي..انتي اصلا محدش ف الدنيا دي يستاهلك.. زين ولا يستاهل حنيتك ولا جمال قلبك ولا حلاوتك دي..هو زي زي معظم الرجاله..آخره يتجوز واحده زي بتول دي..انتي كتيره ع اي حد والله
فريده دمعت
ميرا بحزن مسحت دموعها/لا ي فريده متعيطيش علشان خاطري ..والله الموضوع هيكون سوء تفاهم انا واثقه..انتي مشوفتيش كان بيبص لك ازاي لما جه عندنا البيت ..اكيد في حاجه غلط
رولا/بطلي الطيبه ال انتي فيها دي ي ميرا بالله عليكي ..الاخبار واضحه اوي وباين انهم رجعو ل بعض .واحنا بقي هنعلم زين دا الادب وهنندمه. يلا ي فريده علشان تغسلي وشك وتلبسي وتروحي الشركه
فريده مسحت دموعها/لا انا مش هروح النهارده
رولا/مفيش الكلام دا..انتي هتروحي لابسه احلي حاجه عندك ك العاده و حاطه ميكب وريحتك حلوه ك العاده وهتعرفي زين دا ان انتي مش فارق معاكي ال حصل دا ابدا.. هو بيرن عليكي وفاكر انه زعلك ب الحصل...بنتنا محدش يقدر يزعلها ابدا
ميرا ابتسمت/رولا معاها حق