مساءا
ف المضبخ
احلام بتجهز الأطباق ال هتحط فيها الكيك
و رولا قاعده ع طربيزه المضبخ بتقطع الكيك ب السكينه
وقاعد ف ع الطربيزه ال ف البلكونه ادم و سيف وياسين بعد ما رجع من برا
وميرا وفريده قاعدين معاهم
في المضبخ
رولا ابتسمت وهزت راسها بمعني مفيش فايده
احلام ابتسمت وهي بتنظم الطباق/انا مش عارفه بباكي افتكر القصه بتاعتك دي ازاي.. دي قديمه اوي وانتي كنتي صغيره اوي ... انا نفسي كنت نسيت القصه يعني
رولا ابتسمت
احلام/ادم الحديدي طبعا لازم ياخد احتياطات ل كل حاجه علشان بنته الصغيره
احلام بصت ل رولا ال مبتسمه وراحت لها ب الطباق ال هيحطو فيها الكيك
وقعدت ع الكرسي قصادها
احلام ابتسمت/ايه؟زي ما يكون عجبك كلامه
رولا ابتسمت/يعني هقول ايه بس.. بابي خلاص خلاني انا وهو اخوات.. وسيف بقي اخويا الكبير فجأه
احلام ضحكت
احلام/لو ع كدا كويس يعني من غير الكلام دا مكنش سمح ل سيف يفضل هنا ولا ثانيه واحده
رولا/خلاص اعملي زيه انتي كمان ي مامي لو شيفاه صح..كمان ممكن تقوليلي اوعي تزعلي اخوكي ال كبير ي رولا واسمعي كلامه
احلام/ايه الكلام دا ي رولا يعني انتي مش حفظاني ابدا ..وبعدين انا مش متضايقه اصلا
رولا ابتسمت/اشمعنا
احلام/يعني تقدري تقولي مبسوطه بسبب الفرحه ال انتي حاسه بيها دي
رولا/لحظه لحظه انا فهمت صح؟انتي معندكيش مشكله ان انا وسيف بنح
احلام بصدمه ومقاطعه/لالا لحظه مش للدرجه دي متكمليش
رولا ابتسمت
احلام/..مش مستعده اسمع حاجه زي دي دلوقتي.وبعدين انا لازم ابدأ اعود نفسي ع ال بتحسيه اتجاه سيف ..مع ان كدا كدا كل حاجه باينه من وشك
رولا ابتسمت/تعودي نفسك
احلام/اه طبعا الموضوع مش سهل بالنسبه لي يعني
رولا ابتسمت/مامي .انا كأني حاسه انك بدأتي تحبي سيف تاني
احلام ابتسمت/يعني..شايفه بنتي واثقه من ال هي بتعمله وواثقه ف الشخص ال معجبه بيه..وبقيت واثقه ف سيف خلاص..مع اني عارفه ان انتم الاتنين مجانين وممكن تعملو غلطات ف اي لحظه بس لسه هنشوف ربنا يستر
رولا ابتسمت وسابت السكينه والكيك/يعني افهم من كدا ان حضرتك موافقه ع ال بيني وبين سيف
احلام/انا مقولتش اني موافقه
رولا/لالا قولتي موافقه
احلام/لا مقولتش اني موافقه متقولنيش كلام انا مقولتوش
رولا قامت بابتسامه وبتزغزها/لا والله قولتي انك موافقه
احلام وهي بتضحك/رولا لاء انتي عارفه اني بغير..رولا خلاص بجد انا قولت لسه هشوف
رولا ابتسمت وباست خدها/خلاص ماشي..شوفي براحتك زي ما انتي عايزه
احلام ابتسمت/ايوا قولت لسه هنشوف موافقتش انا
رولا بابتسامه قعدت مكانها/خلاص ماشي هنشوف
وابتسمت وهي بتعدل شعرها /تمام
احلام ابتسمت /خلينا نحط الكيك ف الأطباق ونطلعهولهم يلا
في البلكونه
ادم وياسين و سيف وميرا وفريده قاعدين بيشربو شاي
ياسين /يعني هتبدأ تفتح مكانك الجديد من بكره مش كدا
سيف ابتسم/اول حاجه هعملها لما اصحي هبيع المكان القديم واشتري المكان الجديد دا...كدا كدا كان في ناس كتير عارضين عليا مبالغ حلوه علشان يشترو مكان السهر بتاعي دا
ياسين ابتسم/حلو دا..ابقي اجيب صحابي ونيجي نتسلي عندك شويه
سيف ابتسم/ع راسي طبعا ف اي وقت
ميرا بابتسامه/وانا كمان عايزه اجي مع صحابي و فريده ورولا ..انا واثقه انه هيبقي مكان حلو اوي
سيف ابتسم/المكان هينور بيكم طبعا..تعالو اي وقت
فريده ابتسمت/هتوافق عادي ي بابي صح..كدا كدا قريب من المجمع
ادم/هنشوف لسه..لما اشوف المكان كويس ولالا وأمان ولالا
سيف ابتسم /متقلقش ي ادم بيه انا هعمل المكان مناسب جدا حتي للعائلات يجو فيه مش بس للشباب علشان تضمن انه مفيش اي حاجه غلط او حرام
ادم/هنشوف ربنا يسهل
ميرا ابتسمت /بابي هيوافق هيوافق انا عارفه متقلقوش
.ادم/اساسا الترم التاني هيبدأ بكره و الاجازه خلصت خلاص شكلكم ناسيين..خروجات ايه وكافيهات ايه ل بتتكلمو عنها
ميرا اتنهدت/اوف انا مش مستعده للدراسه تاني خالص
ياسين/ع اساس كنتي بتذاكري اوي يعني
ميرا /ايوا طبعا بذاكر وبعدين اتكلم عن نفسك انت وذاكر الاول
احلام ورولا راحو لهم و ف ايدهم اطباق الكيك وحطوها ع الطربيزه قدام كل واحد طبق
ياسين بابتسامه/اااه وصل كيك احلام الشهير بتاعنا
احلام ابتسمت /يعني يارب يعجبكم زي كل مره..حطي قدام سيف ي رولا
واحلام قعدت ورولا حطت طبق قدام سيف
سيف /احم ..تسلم ايدك
ورولا ابتسمت /الف هنا
وقعدت جمب احلام
ميرا ابتسمت/يعني نعتبر الكيك دا احتفال برجوع سيف صح ي مامي
احلام ابتسمت /اكيد طبعا.. اهلا وسهلا بيه تاني
سيف ابتسم/اهلا بيكم
ياسين ابتسم /انا فرحت جدا برجعوك ي سيف
سيف ابتسم/انا ال مبسوط جدا اني معاكم يعني ال انتو بتعملوه معايا دا عيلتي الحقيقه معملتهوش معايا والله
ادم واحلام ابتسمو
في فيلا زين
قاعد ف الجنينه ع الطربيزه وقدامه لاب توب وبيشتغل لانه معرفش يشتغل ف الشركه كويس
زين فتح موبايله اتصل ب فريده بس فريده مردتش
زين اتنهد وقفل الموبايل وقفل الاب توب كمان
فجأه ليلي و ادهم دخلو الجنينه وراحو له
ليلي بابتسامه/مساء الخير
ادهم ابتسم/ايه الاخبار ي اخويا
زين ابتسم وقام/انا زي الفل
وسلم عليهم
زين/عاملين ايه
ليلي سحبت كرسي وقعدت/لقينا مودك النهارده مش احسن حاجه ومشيت من قبل ما نخلص مجموعه الشتا قلنا نيجي نشتغل معاك من البيت
زين ابتسم/كويس انكم عملتو كدا.. في شغل متأخر كنت هسهر عليه
وقعد
ادهم/حيث كدا بقي هدخل المضبخ اجيب لنا حاجه نشربها ونبدأ شغل
ليلي/ماشي ي بيبي
ادهم دخل البيت
ليلي بصت ل زين/احكيلي مالك ايه ال مضايقك؟مودك مكنش احسن حاجه النهارده ف الشركه
زين اتنهد/موضوع الصور لسه شاغل بالي
ليلي/صورك مع بتول الهبله؟
زين/اه..لسه مش عارف مين ال صورنا لحد دلوقتي حتي ل سوء الحظ كاميرا المراقبه ال عند مكتبي من برا كانت فاصله
ليلي/
زين/..انا مش هرتاح الا لما أعرف مين..بس مش عارف ابدأ منين ..كنت اقدر اتصل ب مدير النشر واقوله مين ال عمل كدا وصورني ب الطريقه دي بس مش حلوه ف حقي
ليلي ضحكت وهي بتجيب موبايلها/يعني انت شايل هم الموضوع دا ليه
زين/انتي هتتصلي ب مين
ليلي/هتصل ب مدير النشر ال انطبع عنده الخبر ..دا كان حبيب وصديق قديم كمان
وحطت الموبايل ع ودنها وزين ضحك
زين/ادهم عنده حق بقي ع كدا..ديما بيقولي الستات دوا لكل حاجه
ليلي/كلامه مظبوط..بس ستات عن ستات تفرق
زين ابتسم وبيشرب القهوه
ومدير النشر رد
ليلي بابتسامه/oh my love عامل ايه مش متخيل انت وحشتني قد ايه
في اليوم التالي
سيف صحي الصبح بدري وراح باع مكان السهر القديم بتاعه وخد عربيته ال كانت ف بيته القديم قبل ما ادم ياخده امانه عنده
وراح الكافيه ال جمب الكومباوند واشتراه خلاص
هو كان كافيه عادي بس سيف قرر يضبطه ويوسعه ويخليه افخم كافيه موجود هنا
وصحاب المكان ال سيف اشتراه منه عرض عليه يبقي شريك معاه لان المكان دا عزيز عليه ووارثه من بباه وسيف وافق وبدأو يجيبو عمال ويظبطو ف المكان
عند احلام ف العربيه سايقه وجمبها فريده ورايحين الشركه
احلام/مش هتحكيلي بقي
فريده/احكيلك عن ايه ي مامي
احلام/عن الاخبار ال شوفناها امبارح الصبح عن زين..هي الاخبار دي حقيقه ؟
فريده اتنهدت/يعني بما ان الصور ال شفناها ف الاخبار وهما قريبين من بعض كدا ف المكتب مش Ai يبقي الاخبار حقيقه
احلام بصت لها/وانتي متضايقتش؟
فريده ربعت ايدها بغيظ مكتوم/لا طبعا متضايقتش هتضايق ليه..ما يرتبط ولا يعمل ال هو عايزو
احلام ابتسمت وبصت قدامها تكمل سواقه
احلام/بتضحكي عليا و لا ع نفسك ي تري
فريده/
احلام/ ..فريده اعترفي يلا انا مامتك وحفظاكي اكتر من نفسك..وعارفه كمان انك كتومه وبتخبي زعلك جواكي ع عكس بقيت اخواتك..وانا محبتش اتكلم معاكي امبارح علشان مضغطش عليكي بس كنت مضايقه جدا وانا شيفاكي زعلانه كدا
فريده اتنهدت/بصراحه ي مامي اتضايقت ...اكدب يعني؟
احلام ابتسمت/لا ي روح قلبي متكدبيش..احكيلي يلا
فريده بحزن/طالما هو عايز يرجع ل حبيبته القديمه ليه كان بيبصلي بطريقه حلوه اوي كدا ليه يجبلي كل الورد دا ع البيت علشان بس اسامحه ليه حسسني انه بيحبني يعني مش فاهمه..معقوله في حد بيقدر يمثل كل دا؟
احلام/اقولك بصراحه
فريده/ياريت
احلام ابتسمت/معتقدش اصلا انه كان بيمثل
فريده/
احلام/يعني انا قدرت اشوف نظرته ليكي..كانت مختلفه وكلها صدق مفهاش اي كدب او تحوير كان بيبصلك بطريقه حلوه بجد
فريده ابتسمت
فريده/طب ايه الاخبار ال شفناها دي .وايه الصوره دي
احلام/ممكن يكون سوء تفاهم..وبعدين مش انا وبباكي معودينكم متحكموش ع اي حاجه من برا؟
فريده هزت راسها ب اه
احلام/هل بقي انتي سمعتي زين؟ ادتيله فرصه يبرر لك؟معملتيش كدا طبعا..ليه بقي؟علشان انتي عنيده ..زي بقيت اخواتك بالضبط..كلكم اعند من بعض مشاء الله
فريده ابتسمت
فريده/هنجيب العيند دا منين يعني ي مامي كفايه نورثه من حد واحد فيكم انتي وبابي
احلام وهي سايقه/مظبوط برضو
فريده ابتسمت
بعد نص ساعه
في شركه تصميم الأزياء
في الدور ال في مكتب ليلي
ليلي قاعده ع مكتبها وجمبها السكرتيرة ببظبطو مواعيد
وبتول واقفه تتكلم مع ليلي
وفريده واقفه ف جمب مع موظفه بيبصو ع فستان من المتعلقين ع الشماعه
زين طلع من الاسانسير بغضب ومعاه ورقه وراح ل بتول بعد ما عرف ان بتول ال قالت ل الصحفي ينشر الخبر دا
زين بغضب جهوري/بتول
بتول بخضه بصت له بتوتر/احم نعم
زين بصلها بتحذير/مش عايز اشوف وشك هنا تاني انتي فاهمه؟انا عرفت ال انتي عملتيه
ليلي بتتفرج بفضول ع زين وهو بيبهدل بتول وماسكه الهوايه بتهوي ع نفسها
وفريده بصت ل زين ال بيزعق ل بتول ومش فاهمه ايه الحصل
زين بعصبيه/علشان كدا عايزك تغوري دلوقتي من حياتي ومن الشركه
بتول بلعت ريقها بتوتر/طب وال ال العقد
زين بغضب/العقد صح؟ ادي العقد
وقطع العقد ال بين بتول والشركه
ليلي بتتفرج بصدمه وابتسامه
زين بعصبيه/وادي العقد ال بينا انفسخ خلاص..وتعويضاتك هتوصلك..لمي حاجتك وامشي من هنا حالا
ورمي الورق ف وشها ومشي من المكتب بغضب
فريده واقفه بتوتر واتضايقت جدا ع بتول انها اتبهدلت قدام الموظفين وانتطردت
و بتول انهارت من العياط وكل الموظفين اتلمو عليها يهدوها وفريده راحت لها تهديها
في الكافيه بتاع سيف
واقف مع أشرف شريكه بيتكلمو عن التعديلات ال هيعملوها والعمال بيظبطو ف المكان
سيف/عايزين نعمل مكان برضو اوت دور..الكافيه كبير جدا هينفع نعمل قعده جوه وقعده برا
اشرف/ايوا متقلقش بعد ما العمال يظبطو الاضاءه ال هنا هنظبط ال برا..الاضاءه مهمه جدا علشان التصوير الزباين تقدر تتصور براحتها
سيف/ايوا
رولا راحت المكان وف ايدها بوكيه ورد ابيض..وبصت ع سيف ال بيتكلم بشغف ومبسوط ونفسه يظبط المكان دا ف اسرع وقت علشان يحقق حلمو
سيف بص من الباب لقي رولا واقفه برا الكافيه بابتسامه ومعاها ورد
سيف ابتسم وراح ل رولا
سيف /رولا
رولا ابتسمت/جيت اباركلك اول واحده ع المكان الجديد..مبروك
سيف ابتسم ومسك ايدها وباسها
سيف/الله يبارك فيكي
رولا ابتسمت/الورد دا علشانك
سيف ابتسم وخد الورد وشمو
سيف /تعبتي نفسك ليه
رولا ابتسمت/مفيش اي تعب ولا حاجه.
سيف ابتسم
رولا ب ابتسامه/ايه مش هتفرجني ع المكان وتشربني حاجه علشان بابي حذرنا امبارح
سيف ابتسم/معقوله دا كلام برضو ..اكيد هفرجك طبعا..تعالي
ومسك ايدها ورولا بصت ع ايدها ال ماسكه ايده وابتسمت ودخلو الكافيه سوا
في الشركه ف مكتب ليلي
بتول قاعده ع المكتب وف ايدها مناديل وزعلانه وفريده وليلي واقفين معاها
ليلي/خدي اشربي مايه تاني
بتول/
ليلي اتنهدت/خلاص ع راحتك
فريده واقفه باصه ل بتول بحزن
موظفه راحت ل ليلي
الموظفه/ليلي هانم عايزينك علشان مدام الهام وصلت
ليلي/طيب..خدي ي فريده كوبايه المايه دي خليها تشرب مايه وتهدي
فريده خدت منها الكوبايه
ليلي/..لازم امشي هرجع لكم تاني
ومشيت مع الموظفه
فريده سحبت كرسي وقعدت قصاد بتول تواسيها
فريده/ متزعليش نفسك ي بتول لو سمحتي
بتول بصت لها بغضب/ل تكوني زعلانه علشاني؟
فريده/طبعا زعلت علشانك ي بتول ومش انا بس كل البنات هنا زعلو علشانك.
بتول باصه لها بغيظ
فريده/ياريت الحصل دا مكنش حصل ..انا معرفش هو زين عمل كدا ليه بس ايا كان ال عملتيه ميستاهلش يحصلك كدا أبدا
بتول بغضب/بقولك ايه انا مش هيمشي عليا حركاتك دي زي ما وقعت هقدر أقف ع رجلي تاني..عندي تجارب مع الرجاله ع قد شعر راسك..واصبري بس الزمن بينا وهتشوفي
فريده قامت بغضب /انتي بجد ؟يعني انا زعلانه ع ال حصلك وبتكلم معاكي اواسيكي وانتي لسه بتخططي وبتهددي؟
بتول/بتواسيني اه...ل تكوني فكراني صدقت؟
فريده اتنهدت وحطت كوبايه المايه بغضب ع المكتب ومشيت
فريده راحت مكتبها وهي متعصبه من بتول
ادهم طلع من مكتب زين وراح لها
ادهم/سمعتي ال حصل طبعا
فريده /ايوا.. كنت موجوده وشوفت
ادهم/وانتي مضايقه نفسك ليه بتول زودتها بصراحه وتستاهل
فريده/هي عملت ايه تاني ؟
ادهم حكالها عن ال عملتو
فريده بصدمه/بتهزر؟
ادهم/اه والله زي ما بقولك كدا..انا كمان مستغرب منها اوي
فريده ابتسمت وفرحت ان مفيش بينها وبين زين حاجه
فريده /يعني هي جابت المصور وقربت من زين قصدا علشان يصورهم وينزلها
ادهم/أيوا..انا شوفت زين ب عيني وهو بيسند بتول لانها كانت دايخه.. زين كان بس بيساعدها من باب الإنسانيه
فريده/مش قادره اصدق ال هي بتعمله بجد
ادهم/زودتها المره دي جدا فعلا
فريده مع انها فرحت ان مفيش بينها وبين زين حاجه فنفس الوقت اتضايقت من نفسها انها ظلمت زين ومدتلوش فرصه حتي يبرر لها
في مكتب زين
قاعد ع مكتبه بيشتغل
فريده راحت مكتب زين
ووقفت عند المكتب والباب مفتوح
زين بص ل فريده ال واقفه ع الباب بتوتر
زين ابتسم/ممكن اعرف مستنيه ايه علشان تدخلي
فريده بتوتر/لحظه هاجي دلوقتي
زين/طيب
فريده /طيب ايه
زين ابتسم/انتي قوليلي مستنيه ايه
فريده/بصراحه مستنيه استجمع شجاعتي الاول
وراحت له
زين ابتسم وقام وراح لها وقف قصادها وقرب منها
فريده بتوتر/انا جايه علشان اقولك حاجه
زين قرب منها/قولي انا سامعك
فريده بتوتر وخجل بترجع ل ورا وزين ببقرب منها لحد ما خبطت ف الحيطه
فريده بتوتر وخجل /انا ا
زين بصلها ف عينها/انتي ايه
فريده بصت له ف عيونه وسرحت
فريده بتوتر/بصراحه انا كنت جايه اقولك ا
زين/اقولك انا انتي جايه تقولي ايه؟
فريده بصتله/ ايه
زين/جايه تقولي انك اسفه علشان صدقتي بتول والإعلان ومصدقتنيش صح؟
فريده/عرفت منين اني هقول كدا
زين/علشان انا حافظك ي فريده ..بس انتي طلعتي مش حفظاني خالص...وبتصدقي كل الناس الا انا..صح؟
فريده بحزن/لا مش صح
زين/لا صح ي فريده انتي لسه مبتثقيش فيا
فريده بغيره/لاء انا بثق فيك بس انا غيرت عليك ي زين
زين بصلها ف عينها وابتسم
فريده بغيره وغيظ/لما شوفت صوركم ف الإعلان انا غيرت جدا واتضايقت وا
زين بمقاطعه/انا بحبك
فريده بصت له بصدمه وابتسمت ومش مصدقه نفسها
زين باصص ف عيون فريده/انا عمري ما حبيت ب الطريقه دي قبل كدا..انا بعشقك ي فريده مش بس بحبك..ومش متخيل حياتي من غيرك
بتوحشيني لما برجع البيت بعد الشغل مع اننا طول اليوم ف الشركه سوا...كل يوم الصبح ببقي مبسوط وانا رايح الشركه علشان هشوفك...هشوف عيونك ال حلوه ال بعشقها وهشوف ضحتك ال مبقدرش اعيش من غيرها..بتجنن من الغيره لو حد من الموظفين فكر يتكلم معاكي حتي لو هيتكلم ف شغل بس..لما جالك الورد امبارح انا منمتش طول الليل وبفكر مين الاستجرأ يبعت لك الورد دا وكمان النوع ال انتي بتحبيه
فريده ابتسمت بحب ومش مصدقه انها بتسمع الكلام الحلو اوي دا من زين
في مكتب ليلي
ليلي قاعده ع مكتبها وادهم قاعد قصادها وفي موظفه بتلم من ع الارض ال ورق ال زين رماه ف وش بتول
ليلي وهي بتهوي ع نفسها/لو تشوف ي ادهم زين عمل ف البنت ايه.. رمي ف وشها العقد بعد ما قطعه حتت قدام كل الموظفين
ادهم ابتسم
ليلي/هي اكيد تستاهل دا بس ربنا يحمينا من غضب زين والله..كان زي الاعصار والعاصفه ب الضبط
ادهم/هي اكيد حاجه مش سهله بس بتول تستاهل الصراحه..طلعت هي ال مخططه كل دا وجايبه الصحفي
ليلي/تخطيط بس؟ دا انا ليلي ال ذكيه ال مفيش حاجه بتفوتني مكنتش متوقعه منها تعمل حاجه شبهه كدا
ادهم/بصراحه مكنش باين عليه الخبث دا كله
ليلي/بالظبط ..المظاهر فعلا خداعه
في كافيه سيف
بيفرج رولا ع المكان ورولا ماسكه فنجان قهوه من ال جارسون الشغاله ف المكان عملته
سيف ابتسم/لسه في حاجات كتير هتتغير ولسه في اضاءه كتير مجتش..بس الموضوع دا مش هياخد اكتر من يومين متقلقيش
رولا بتتفرج ع المكان بابتسامه
رولا ابتسمت/يعني لو المكان خلص بكره ممكن نعمل بعد بكره حفله ونعمل افتتاح للمكان صح
سيف ابتسم/ايوا
رولا حطت الفنجان ع الطربيزه
رولا ابتسمت/طب بص هقولك ع حاجه..مش الدراسه بدأت وانا رايحه الجامعه النهارده
سيف/ايوا
رولا/هقول ل كل صحابي ف الجامعه ع الافتتاح..يعني لو قولنا لكل صحابنا واصحابنا قاله ل صحابهم ع المكان دا هيتملي يوم الافتتاح ومش هيبقي ولا في كرسي فاضي..وكمان ممكن اقول ل هايدي..هايدي عندها فلورز كتير يعني لو صورت ستوريز وتنزلها ع الاكونت بتاعها كدا الكل هيعرف المكان هنا وهيجو..يعني اعتبرها زي دعايه للمكان كدا ويوم الافتتاح..ايه رايك
سيف اتنهد/ممكن
رولا فهمت تفكير سيف هو مش عايز رولا تيجي المكان من ورا ادم
رولا اتنهدت/بس انا كدا كدا مقدرش اجبرك طبعا تعزمني ع يوم الافتتاح
سيف/انتي عارفه ي رولا بعد ال حصل امبارح دا انا ا
رولا بمقاطعه/خلاص تمام..مش لازم اجي يوم الافتتاح مش مشكله..بس برضو هقول لكل صحابي يجي يحضرو هما..انا ماشيه
سيف /رولا
رولا راحت خدت شنطتها وكانت هتمشي سيف راح مسك دراعها ووقفها
سيف/رولا لو سمحتي متعمليش فيا كدا ..لو سمحتي
رولا بصتله/انا عملت ايه ي سيف قولي؟اقولك ع حاجه الكلام دا ملوش لزوم..ربنا معاك انا همشي
وكانت هتمشي سيف اتنهد وراح وقفها
سيف/استني ي رولا
رولا/
سيف/افهميني ي رولا ومتمشيش بالطريقه دي وانتي زعلانه لو سمحتي...بباكي حط حدود بينا زي ما شوفتي امبارح وسمعتي كل ال قاله..انا هعمل ايه دلوقتي هكسر كلام ادم بيه ازي قوليلي؟انا هنا ووصلت ل هنا بفضله هو
رولا/ماشي ي سيف انا عارفه ان بابي قال كدا امبارح..بس بابي قال كدا قصدا علشان يأثر ع مشاعرك وضميرك يأنبك
سيف اتنهد/ايوا وقدر يأثر عليا فعلا ..اعمل ايه طيب اعمل ايه انا هتجنن..انا مش عايز اكسر ثقه ادم بيه فيا تاني وفنفس الوقت انا مقدرش اتنفس من غيرك
رولا ابتسمت
سيف بصلها ف عينها/متمشيش وانتي زعلانه مني كدا.. خليكي وهنحاول نلاقي حل سوا..انا فكرت طول الليل ف حاجات بس ملقتش اي حلول. انا في حاجات كتير نفسي انا وانتي نعيشها سوا بس مفيش حل.الوضع غريب اوي عليا
رولا ابتسمت/تمام.. انا عندي حل
سيف/حل ايه
رولا ابتسمت/مش بابي قال لنا امبارح انتو اخوات وأننا كلنا عيله ولازم تاخد بالك مني وابقي امانه عندك.
سيف /اه
رولا/بس مقالش منتكلمش مع بعض او منشوفش بعض
سيف ابتسم/يعني قصدك هنكلم بعض عادي ونتقابل لان احنا ف الاول و ف الاخر عيله
رولا ابتسمت/بالضبط
سيف ابتسم/يعني ف الوضع دا لازم تيجي الافتتاح لاني محتاج مساعدتك ف كذا حاجه
رولا ابتسمت/مظبوط وكمان اكيد هتحتاج صحابي يبقو هنا ف المكان
سيف/يعني الواحد لو مطلبش مساعده من حد من عيلته هيطلبها من مين يعني
رولا ابتسمت/هتطلبها مني انا طبعا
سيف ابتسم
رولا/اذا كان كدا بقي هستاذن واروح علشان اعزم الكل تمام؟
سيف ابتسم وقرب منها/ع فين
رولا ابتسمت/ع الجامعه
سيف/اذا كان كدا بقي يبقي تعالي يلا علشان انا اوصلك الجامعه..ف الاول وف الاخر انتي امانه عندي يعني
رولا ابتسمت/انا بقول كدا برضو
سيف ابتسم ومسك ايدها وراحو عند عربيه سيف
رولا بابتسامه/ايه دا ...دي عربيتك؟
سيف ابتسم/ايوا..كانت معايا قبل ما ادم بيه ياخدني اعيش معاكم
رولا ابتسمت/سيف دي حلوه اوي وغاليه كمان
سيف عدل البدله/عيب عليكي ي بنتي.. احنا مش فقرا اوي برضو عندنا برضو شويه حاجات زيكم
رولا ضحكت/ايوا ايوا واضح
سيف ابتسم وفتح لها باب العربيه ورولا ركبت وسيف راح ركب جمبها يسوق
بعد نص ساعه سيف ورولا ماشيين ف الجامعه لحد ما وصلو الدور ال رولا هتخش المدرج فيه
سيف ابتسم /كدا مهمتي خلصت...وصلتك لحد باب المدرج
رولا ابتسمت وبصت له/ع فكره كان ممكن توصلني عند باب الجامعه بس
سيف/اديني شوفت الجامعه بتاعتك من جوه بالمره
رولا /يعني شكرا والله عزبناك معانا..وصلتني لحد الجامعه ومشيت معايا لحد المدرج كمان ..لو بابي شافك كان افتخر فيك
سيف ابتسم وقرب منها/انا حبيت اللعبه دي ع فكره
رولا بصتله ف عينه/ربنا يسامحك ي سيف..فين اللعبه دي مفيش لعبه..احنا بنعمل زي ما قلنا بابي بالضبط مش كدا ؟
سيف ابتسم وسرحان ف جمال عيونها
سيف/طب يلا روحي...علشان بالطريقه دي وانتي حلوه كدا مش هقدر امشي واسيبك..هفضل معاكي هنا للمغرب
ومسك ايدها وباسها ورولا ابتسمت
رولا /ماشي باي..انا همشي
سيف/مع السلامه
رولا مشيت ف الطرقه وشافت شابين من زمايلها
شاب ١ ابتسم/ايه دا رولا عامله ايه
رولا ابتسمت/الحمد لله انتو عاملين ايه
وسلمت عليهم بالأيد
سيف واقف باصص عليهم بغيره
سيف بغيره بيكلم نفسه/رولا انتي بتسلمي عليهم ب ايدك ليه دلوقتي
شاب ٢/احنا زي الفل انتي اخبارك ..مبسوطين جدا اننا شفناكي بعد الاجازه
رولا ابتسمت/انا اكتر بجد
سيف بغيره واقف باصص لهم وهما بيتكلمو
سيف بغيره/شوف مبسوط وبيهزر معاها ازاي بكل بجاحه..لا لا كدا زودوها اوي
ورايح لهم
والشابين خلصو كلام مع رولا ودخلو المدرج رولا كانت هتمشي بس تليفونها رن
سيف راح ل رولا/رولا
رولا ابتسمت وبصت له/انت لسه ممشتش
سيف/احم..يعني قولت اقعد اتطمن ع الأجواء هنا. بالمره اتطمن انك دخلتي المدرج وبعدين امشي
وبص بغيره ع المدرج
رولا ابتسمت/لو حابب بالمره تعالي اتكلم مع الدكتور بتاعي..وقوله ياخد باله مني كويس.. وصيه عليا يعني
سيف بغيره بيحاول يخفيها/لا مش كدا بس انا كنت عايز اشوف صحابك واجوائهم يعني وبالمره نعزمهم سوا انا وانتي ع الافتتاح ايه رايك
رولا ابتسمت/فكره حلوه..يلا تعالي نروح لهم الكافتيريا
سيف/يلا
وخدت سيف وراح الكافتيريا
وكان قاعد ميرا وغزل وهايدي وصحبتهم مي
وع وطربيزه تانيه يحيي وصحابه
هايدي ابتسمت/الحقي اختك داخله مع مين
ميرا وغزل بصو ع سيف ورولا ال داخلين الكافتيريا سوا
ميرا بصدمه/ينهارك ابيض ي رولا
غزل ابتسمت بصدمه/دا بجد؟ومن ورايا ي ميرا؟
مي صاحبه رولا/هما ارتبطو؟
ميرا ابتسمت/والله ع حد علمي اخر مره مكنوش مرتبطين
مي ابتسمت/بس بصراحه شكله قمور اوي
سيف ورولا راحو للبنات
رولا بابتسامه/بنات ازيكم
ميرا/اهلا اهلا
غزل ابتسمت/اهلا وسهلا
سيف ابتسم/عاملين ايه
هايدي ومي ابتسمو/احنا زي الفل
في طربيزه يحيي قاعد باصص ع رولا وسيف بغيره
ميرا ابتسمت/بالمناسبه ي جماعه سيف صحاب الكافيه الجديد ال جمب المجمع عنده ال اسمه زوم اكس
مي ابتسمت/انا شوفت له كام صوره كدا النهارده ع فيس بوك حاسه انه هيبقي مكان حلو اوي
سيف /فرحت جدا ب رأيكم..وكمان هنستناكم تنورنا بعد بكره ف الافتتاح.. ال معاه كارنيه الجامعه ايه حاجه هيطلبها ف اليوم دا هتبقي ببلاش
غزل ابتسمت/لالا دا كرم كبير دا والله
رولا ابتسمت
هايدي ابتسمت/حلو دا
مي ابتسمت/دا كدا عداك العيب..كدا كدا جايين متقلقش
سيف رفع صوته يكلم باقي الموجودين
سيف/الكل معزوم ع افتتاح الكافيه بعد بكره ..وهنجيب لكم المغنيه ميليسا تغني ف الافتتاح
البنات ال ف الكافيه ابتسمو وبيكلمو بعض وبيتفقو يروحو علشان بيحبو المغنيه دي
و يحيي قاعد متضايق ومتعصب
هايدي ابتسمت/متقلقش احنا بنوعدك كلنا جايين
سيف ابتسم/هتنورونا والله
سيف ل رولا/انا كدا مضطر امشي .
رولا راحت معاه يقفو ف جمب يتكلمو
رولا/طيب ماشي انا كمان عندي محاضرات كتير النهارده
سيف بصلها/هنعمل ايه طيب هنفضل نتقابل كل مره بالطريقه دي
رولا /مش دا ال هما عايزيننا نعمله ؟
سيف ابتسم وبص لها ف عنيها
سيف/طب وهنعمل ايه ف المشاعر ال جوايا ال بتخليني عايزه اشوفك ديما وعايزك جمبي ف كل لحظه دي ي رولا هانم ها؟
رولا ابتسمت/المشاعر دي هنخليها انا مبسوطه منها
سيف ابتسم/ماشي.. بالتوفيق ف محاضراتك النهارده..انا همشي
ومسك ايدها وباسها
ويحيي باصص لهم بغضب وهما قريبين من بعض وبيبوس ايدها
رولا ابتسمت/ماشي باي
وسيف مشي وطلع برا الكافتيريا
ورولا راحت للبنات تاني
وسحبت كرسي وقعدت معاهم
غزل ابتسمت/ارتبطتو ببعض ي رولا ي جزمه من غير ما تحكي ل بنت عمك
رولا ابتسمت/ايه ال خلاكي تقولي كدا يعني مفيش حاجه من ال بتقولوها دي هو كان بيوصلني عادي
هايدي ابتسمت/لا والله؟يعني موصلك لحد الجامعه ودخل معاكي ع الكافتيريا علشان يقول للكل بطريقه غير مباشره البنت دي تخصني
رولا ابتسمت/خلاص بقي غيرو الموضوع لو سمحتو الحفله عليا النهارده ولا أيه
ميرا قربت ع رولا تهمس لها /يعني بابي يقولكم امبارح انتو ذي الاخوات وانتو النهارده جايين الجامعه والضحكه من هنا ل هنا..اصبر بس لما نرجع البيت هنشوف الموضوع دا
رولا ابتسمت
بعد ساعه ف الكافيه
سيف واقف مع أشرف بيكلمو العمال ال بتظبط المكان وعايزين يجهزو المكان للافتتاح ف اسرع وقت
قدام الكافيه
ادم نزل من عربيته بعد ما ركن قدام الكافيه
وراح للشاب ال واقف أمن عند بوابه الكافيه
ادم/ادم الحديدي
الحارس باحترام/اهلا وسهلا بحضرتك ي فندم
ادم/انت حارس هنا
الحارس /ايوا ي فندم
ادم/جاي تبع شركه امن؟
الحارس /ايوا مظبوط
ادم/معاك سلاح؟
الحارس/لا مبنستخدمهوش ي ادم بيه
ادم/كويس اوي..برافو عليك
ودخل الكافيه وسيف كان واقف بيتكلم مع العمال
سيف/خلي كل الاضاءه ل تحت مش لفوق...علشان تبين ال ع المسرح برضو
العامل بيعدل الاضاءه/كدا مظبوطه ؟
سيف /ايوا كدا ظبطت بيتهيألي..ايه رايك ي أشرف
اشرف/ايوا كدا زي الفل ..ع الاقل متجيش ف عيون الناس وهما قاعدين
ادم ابتسم/لو هتشتغل كل حاجه بنفسك هنا يبقي فين الاداره ف الموضوع
سيف بص وراه وراح ل ادم بابتسامه
سيف/ادم بيه..اهلا وسهلا
ادم/أهلا
سيف ابتسم/لازم طبعا ف البدايه اشتغل كل حاجه بنفسي علشان الحاجه تطلع مظبوطه..حضرتك مقولتليش ليه انك هتنورنا علي الاقل كنا جهزنا لك حاجه
ادم/ملوش لزوم انا كنت جاي اشوفك بس واشوف المكان..ايه كل الزحمه دي بتجهزو ل ايه
سيف ابتسم/الافتتاح بعد بكره ع طول والمغنيه ميليسا هتيجي ف بنظبط المكان بسرعه قبل الافتتاح
ادم/مين دي بقي دي شخص مهم؟
سيف/لا دي مغنيه معروفه بين الشباب كدا بيحبوها
ادم/قولتلي عندك شريك..هو فين
سيف بيدور بعينه ع أشرف/شريكي فين
ونده ع اشرف ال بيتكلم مع العمال
سيف/أشرف تعالي
أشرف راح ل ادم وسيف
سيف/دا أشرف شريكي هنا ودا ادم بيه الحديدي ي أشرف
أشرف سلم عليه ب احترام و بابتسامه/اه طبعا غني ع التعرف اهلا وسهلا بيك ي ادم بيه نورتنا
ادم سلم عليه/اهلا بيك
اشرف/المكان نور والله ..تحب نضيف حضرتك ايه..شاي قهوه او كحول
سيف بصوت واطي/كحول ايه الله يخربيتك.. سيبنا لوحدنا شويه نتكلم لو سمحت ي أشرف
أشرف /احم اه طبعا.. عن اذنكم
ومشي
سيف/تعالي اتفضل نقعد ي ادم بيه واضايف حضرتك حاجه
ادم/لاء انا جاي اشوف المكان الجديد بتاعك واتكلم معاك كلمتين وامشي..انا لو سمعت ان المكان دا حصل في اي حاجه حرام او مش كويسه مش هيحصلك خير ابدا
سيف/طبعا ي آدم بيه انا وعدتك ان مش هيحصل اي حاجه مش كويسه هنا
ادم/انت الوحيد ال مسؤول عن المكان دا..وانت ال مسؤول عن شريكك..اول غلطه تحصل هنا هتبقي اخر غلطه ب النسبه لي
سيف بتوتر /طبعا
ادم/والكلام والمعامله هتتغير من بعدها وانت فاهم قصدي كويس...انك تمشي صح دا أصعب بكتير من انك تعمل حاجه غلط..انك تختار الحلال دا صعب وانك تحاول متغلطش وتبذل كل جهدك علشان متغلطش دا صعب..وانت لازم تكون قدو
سيف /متقلقش ي ادم بيه صدقني مفيش اي غلطات هتحصل او اي حاجه وحشه
ادم/اتمني ..يلا انا همشي..ربنا يوفقك ف شغلك
سيف/مع السلامه ي ادم بيه
ادم سابه وطلع برا الكافيه وسيف اتنهد وسحب كرسي وقعد
المغرب
في الصالون التاني
البنات قاعدين بعد ما غيرو هدومهم ل بيجامات
وفريده حكت لهم زين عمل ايه مع بتول
ميرا/اوف بتهزري..يعني رمي العقد ف وشها قدام كل الموظفين وطردها
فريده/ايوا
رولا /تستاهل ..والله زين مقصرش فيها الحربايه دي
ميرا ابتسمت/طبعا كلنا عارفين عمل كدا ليه
رولا ابتسمت/بالضبط.. يعني كان ممكن يقول الاخبار دي مجرد اشاعات وخلاص بس هو مسكتش ودور ورا الموضوع واول ما عرف ان بتول ورا الموضوع وقفها عند عندها
ميرا بابتسامه/اها
فريده ابتسمت/في حاجه تانيه عايزه اقولها
ميرا ابتسمت/ايه
فريده/زين قالي انه بيحبني
رولا ميرا بفرحه وصدمه/ايههه؟
فريده ابتسمت/ششش وطو صوتكم
ميرا ضحكت بفرحه/فريده بتهزري
فريده ابتسمت/والله قالي كدا بجد...وقالي كمان انه بيغير عليا اوي ومبيقدرش يتخيل حياته من غيري
ميرا بابتسامه /الله دا رومانسي فوق ما احنا تخيلنا
فريده ابتسمت/ايوا
رولا ابتسمت/هاا وبعدين..انتي قولتي له ايه
فريده/قولت ايه ف ايه
ميرا/يعني قولتي له وانا كمان بحبك
فريده ابتسمت/بصراحه مقولتش
رولا /ليههه مقولتيش ليه ي متخلفه
فريده ابتسمت بخجل/اتكسفت انا ..اتكسفت.. عمري ما ارتبطت قبل كدا واتوترت ومعرفتش اقول ايه
ميرا ابتسمت/ولا يهمك لسه الايام جايه كتير مش هيسيبك الا لما تقوليها انا واثقه
رولا ابتسمت/علشان كدا راجعه من برا مبسوطه وتبتسمي وانتي سرحانه وحركات
فريده ابتسمت/انا كنت مبسوطه اوي اوي وهو كان مستني مني اقوله وانا كمان بحبك بس لما اتوترت واتكسفت هو تفهم دا وقالي مش مضطره تقوليها دلوقتي قوليها وقت ما تبقي جاهزه وخدني نتغدي سوا ووصلني كمان لحد الكومباوند ..مكنش عايز يسبني اروح خالص وبيتحجج ب اي حاجه علشان نفضل سوا وانا كمان كنت مبسوطه ومش عايز امشي
رولا ابتسمت/لا مش رومانسي بس دا متفهم كمان
ميرا بابتسامه ومبسوطه وهي بتسمع
ميرا/جنتل مان موت والله
فريده ابتسمت
فريده /صحيح سيبكم مني بقي ايه الكلام ال ميرا قالتهولي وانا بغير هدومي دا ي رولا ايه ال حصل بينك وبين سيف
رولا ابتسمت/ايه الحصل بيني وبين سيف محصلش حاجه
فريده ابتسمت/كل الابتسامه دي ومحصلش حاجه ؟انا اول مره اشوفك مبسوطه بالطريقه المختلفه دي..يعني احنا الحمد لله ع طول مبسوطين بسبب بابي ربنا يخليهولنا بس وقت ما سيف ظهر فرحتك وانبساطك دول مختلفين
ميرا ابتسمت/بالضبط ..حتي مامي لما لاحظت دا مؤخرا لمحت لك انها مش متضايقه من مشاعرك تجاه سيف
رولا ابتسمت
فريده/اتفضلي احكيلي ي جزمه ايه الحصل..احنا لسه كنا بنتعشي كلنا سوا وبليل وبابي قال لكم مقدمه قد كدا علشان يلمح لكم ان انتو مينفعش تكونو غير اخوات
ميرا/لاء ورولا وسيف يفتكرو الكلام دا مثلا ويعملو بيه لاء ازاي؟يجو الجامعه وهما مع بعض ومبسوطين وسيف بطريقه غير مباشره جايه يقول البنت دي تبعي ويبوس ايدها ومش عارف ايه
رولا ابتسمت/بصو هو مفيش اي حاجه بينا لسه حتي محدش فينا قال للتاني حقيقه مشاعرو بس كل ال انا عرفاه ان انا مبسوطه اوي ومش عايزه ابعد عنه واعمل زي ما بابي قال..عايزه اشوفه ديما جمبي وناجح ومبسوط
فريده ابتسمت
ميرا/ايوا يعني انتو مستنين ايه هيقولك بحبك امتي
فريده/بصو من وجهه نظري شايفه ان سيف مش هيقول ل رولا كلمه زي دي الا لما يصارح بابي بكل حاجه
ميرا/اشمعنا
فريده/يعني هو اكيد شايف ان لو قال ل رولا بحبك وارتبط بيها كدا هيخذل ثقه بابي
رولا اتنهدت/فريده معاها حق..وهو دلوقتي بيحارب نفسه اصلا وكل ساعه بيفكر يروح يقول ل بابي كل حاجه ف نفس الوقت خايف بابي يمنع اننا نشوف بعض حتي لو زي الاخوات زي ما قال
ادم نزل من فوق بعد ما غير هدومه وراح لهم الصالون التاني
ادم/بتتكلمو ف أيه بقالكم ساعه
رولا ابتسمت بتوتر/ها ؟ولا حاجه ي ادم
ميرا ابتسمت بتوتر/بالضبط يعني كنا بنفكر نخرج بس فريده راجعه تعبانه من التدريب ومش عايزه
فريده بتوتر/ايوا مظبوط
ادم/طب يلا تعالو علشان نتغدي الخدم بيحطو الاكل ع السفرا اهو
فريده/حاضر
وقامو وراحو ل ادم
ميرا باست خد ادم
وفريده كمان
ادم ابتسم وباس خدهم
وراحو السفرا
ادم ل رولا/تعالي انتي كمان
وباس خد رولا وخدها ف حضنه ورولا ابتسمت
ادم/احنا متخاصمين ولا حاجه؟
رولا ابتسمت وباست خده/هو انا اقدر اخاصم ادم حبيب قلبي ..ليه بتقول كدا
ادم/يعني علشان الكلام ال اتفقنا عليه ع السفرا امبارح ..انتي عارفه اني بعمل اي حاجه علشان مصلحتك صح؟
رولا ابتسمت/عارفه طبعا.. و متقلقش ي حبيبي انا مقدرش ازعل منك..انت تقول ال انت عايزو
ادم ابتسم وباس راسها
في اليوم التالي العصر
في الكومباوند في اوضه سيف
لابس بدله كحلي وجرافتا لأول مره ف حياته وواقف بتوتر وقرر يحكي ل ادم حقيقه مشاعره ل رولا ويطلب ايدها وال يحصل يحصل..لانه مش قادر يرتبط ب رولا من وراه ويخبي عليه اي حاجه ...وحب يلبس جرافتا زي ادم علشان لما يتكلم معاه يبقي مهندم
سيف واقف بيعدل بدلته بتوتر ومستني ادم يرجع من الشركه لانه اتصل بيه وقاله انه ف الطريق
تليفون سيف ورن وكان رولا
سيف رد بتوتر/رولا لو مفيش حاجه مهمه هتصل بيكي تاني
رولا/لاء مش حاجه مهمه بس انا ف الجامعه وكنت جيالك الكافيه بتاعك لو انت هناك
سيف بتوتر/لا انا مش ف الكافيه دلوقتي انا ف البيت هكلمك تاني ماشي
رولا/طيب هو حصل حاجه؟ انت ف البيت ومش ف الكافيه ليه
سيف/لالا انا جاي اخد حاجه وراجع تاني بس مفيش حاجه
رولا ابتسمت /طيب ينفع نتقابل بليل حتي
سيف بتوتر/طبعا ي روح قلبي ينفع نتقابل بليل بس خليني اكلمك وقت تاني ماشي
رولا ابتسمت/ماشي
وقفلو مع بعض ورولا ابتسمت من كلمه روح قلبي وطلعت من الجامعه علشان تركب وتروح البيت
عند سيف شاف ادم بينزل من عربيته ورايح بتجاه اوضه سيف وسيف عدل هدومه بتوتر
ادم دخل الغرفه وهو بيتكلم ف التليفون بغضب
ادم بغضب/يعني ازاي بعد ما مشيت من الشركه تقولي العملا قرروا يعملو الميتنج النهارده هما مين دول ال قرروا..الغي الزفت الاجتماع دا انا مش هقابل حد
وقفل السكه
سيف واقف بتوتر وتقريبا الوقت ال قررت يتكلم في مع ادم مش مناسب تماما لان موده مش حلو
سيف /اهدي ي ادم بيه حضرتك كويس؟
ادم بغضب/مش كويس انت عايز ايه وبترن من الصبح بتقولي عايز اتكلم معاك عايز تتكلم ف ايه
سيف بلع ريقه/ايوا كنت عايز اتكلم ف حاجه بس ا
ادم تليفونه رن /اصبر هرد ع تليفون الشغل دا واجيلك نتكلم...الموضوع مش مستعجل مش كدا؟
سيف بتوتر/لا ي ادم بيه رد براحتك بس احنا محتاجين نقعد نتكلم ضروري بعدها
ادم كان هيروح يرد ع التليفون
ادم بص ع بدله سيف والجرافتا اول مره يشوفه لابسها
ادم/ايه ال انت عامله ف نفسك دا
سيف بتوتر/لا مفيش حاجه دي حالتي ع طول
ادم/حالتك ع طول ازاي يعني..انت لابس بدله وجرافتا كمان..ع طول بتبقي ماشي ب البدله وفاتح اول كام زرار من القميص
سيف/ا
ادم/بس شكلك حلو..بقيت شبهه رجال الأعمال فعلا.
سيف/بجد ي ادم بيه حلو
ادم/اه لايقه عليك ..بقيت زي الرجاله المحترمين..برافو عليك خليك كدا
سيف /شكرا ي ادم بيه
ادم/هخلص مكالمه الشغل وارجع لك
ادم راح يتكلم ف التليفون جمب الشباك
سيف بتوتر بدأ يوسع الجرافتا ويتنفس براحه
سيف/استر يارب
في بيت ادم
احلام ف المضبخ بتجهز الغدا مع الخدم
رولا رجعت من الجامعه ودخلت البيت وراحت المضبخ ل احلام بابتسامه
رولا ابتسمت/احلام انا جيت..عامله ايه
احلام ابتسمت/حمد لله ع السلامه
رولا /ينهار ابيض ايه الحلاوه ال انتي فيها دي بس ياربي.. وايه الاكل الحلو دا
وباست خد احلام
احلام ابتسمت/الاكل علشانكم ..قرب يجهز اهو يلا غسلي ايدك
رولا علشان بتتحجج علشان ناويه تقابل سيف
رولا/انا هغير هدومي وهخرج انا هبقي اكل لما ارجع ماشي
احلام وهي بتجهز السلطه/ع فين كدا
رولا/احم ..هخرج انا وهايدي .هروح فين يعني
احلام/خلاص ماشي
رولا ابتسمت/ماشي
وباست خد احلام بابتسامه
رولا/روح قلبي والله قمر..والله يبخت ادم زي القمر
احلام مستغربه فرحتها وانبساطها النهارده
رولا/بصي هنتكلم عن جمالك اكتر لما ارجع ماشي؟
احلام ابتسمت/ايه ال حصلك ي رولا
رولا وهي بتطلع من المضبخ/بعدين بعدين.. يلا باي
وطلعت اوضتها احلام ابتسمت وهزت راسها بمعني مفيش فايده
رولا طلعت اوضتها وحطت شنطتها ع السرير وطلعت موبايلها تبعت رساله ل سيف
رولا ابتسمت/انا وصلت البيت وهغير هدومي ايه رايك نتقابل ف المجمع برا
سيف رد عليها/ماشي
رولا سابت الموبايل ع السرير بابتسامه وراحت الدريسنج تغير هدومها
عند سيف
ف الاوضه قاعد ع طرف الكرسي وماسك الجرافتا بعد ما خلعها ومستني ادم يخلص تليفون الشغل
ادم راح ل سيف بعد ما خلص المكالمه وسيف قام
ادم/انا خلصت اخيرا
سيف/ماشي ي ادم بيه وانا مش هعطلك وهخرج ف المجمع شويه
ادم/ايه ال حصل خلعت الجرافتا ليه؟
سيف/خلعتها علشان خارج ورايا مشوار كدا ع السريع
ادم/انت مجنون ي ابني بتلبس الجرافتا ف البيت وبتخلعها وانت خارج؟
سيف/لاء مش كدا بالضبط بس لما لبستها النهارده كان لسبب
ادم/هات هات
سيف اداله الجرافتا
ادم/قرب تعالي ارفع الياقه دي
سيف قرب من ادم ورفع ياقه القميص وادم بدأ يلبسه الجرافتا
سيف/ماشي بس ملوش داعي البسها تاني والله ي ادم بيه
ادم وهو بيعدلهاله/ملهاش داعي ازاي كان شكلك حلو ولايقه ع البدله..متتحركش خليني اعرف اعدلها
سيف/حاضر
ادم/لازم كل يوم تلبس جرافتا كدا علشان لايقه عليك مبتلقش ع اي حد خلي بالك...بس خلصت
سيف/حاسس انها خنقتني شويه
ادم وهو بيعدلهاله/ولا خنقتك ولا حاجه هي زي الفل اهي..متخلعهاش تاني بقي .يلا خلينا نطلع
وطلعو هما الاتنين من الاوضه
ادم/صحيح انت مقولتش كنت عايز تتكلم معايا ف ايه
سيف/بعدين بقي ي ادم بيه لما تبقي رايق اكتر من كدا هنقعد ونتكلم مع بعض
ادم/لو في حاجه مستعجله تقدر تقولي دلوقتي
سيف/انا رأيي نتكلم لما نقعد سوا احسن انا مش مستعجل اوي
احلام طلعت من البيت
احلام/ادم يلا انتو فين كل دا الاكل ع السفرا
ادم/يلا انا جاي اهو
احلام ابتسمت ل سيف/ازيك ي سيف
سيف ابتسم/الحمد لله ي مدام احلام انتي اخبارك
احلام ابتسمت/الحمد لله
سيف/هستاذن انا ي ادم بيه
ادم/طيب ماشي
احلام/ع فين انت كمان انت هتتغدي معانا
سيف/انا اسف والله خارج ورايا مشوار نخليها مره تانيه
احلام/ادم معقوله تسيبه يمشي من غير ما تقوله يجي يتغدي معانا
ادم/الشغل مش هيطير اسمع الكلام وتعالي
سيف/يعني انا مش عايز ازعجكم
ادم/انت هتعمل فيها غريب كمان..تعالي اتغدا بسرعه وروح مشوارك
سيف/ماشي
احلام/يلا الاكل هيبرد
ودخلو البيت سوا
احلام دخلت وبصت ع ادم وسيف ال داخلين بالبدله والجرافتا شبهه بعض
احلام ابتسمت/داخلين انتو الاتنين زي الاب وابنه كدا ليه ب البدل دي
ادم/ايه محبتهاش ولا ايه ...الشاب حب ياخدني قدوه ويهتم ب لبسه شويه ويمشي زي الرجاله المحترمين
احلام ابتسمت/ادم قول الصراحه يعني انت ملبستوش الجرافتا زيك غصب عنه
ادم /لا ابدا هو ال اختار بنفسه بس لو عليا هحب طبعا يلبس زيي وياخدني قدوه ع طول بس هو حر طبعا مقدرش اجبره
سيف/ايوا طبعا ي احلام هانم دا كان اختيار مني ادم بيه ملوش علاقه ..يعني فتحت المكان بتاعي وبدأت شغل جديد قررت بعد كدا امشي ب طقم رسمي.
وعجبت ادم بيه برضو
احلام ابتسمت/بس برافو والله ..حلوه جدا عليك ع فكره
سيف ابتسم/شكرا جدا
رولا نزلت من غرفتها بعد ما غيرت هدومها
رولا ب استغراب/سيف
ادم/ايوا سيف مستغربه ليه
رولا بتوتر/لالا مستغربتش..بس لما شوفته لابس جرافتا ل اول مره استغربت..في عندك حاجه مهمه ولا حاجه؟ عندكم مناسبه
احلام ابتسمت/ غير استايله ..صحيح انتي مش المفروض خارجه وهتقابلي صحابك
سيف بصلها ورولا بصت ل سيف
رولا/ايوا هشوفهم بس خليني اكل لقمتين قبل ما امشي مش مستعجله يعني
احلام ابتسمت وفهمتهم وهما بيبصو ل بعض/طيب ماشي يلا الاكل هيبرد