ممكن تتفاعلو ع الروايه اكتر من كدا لان التفاعل قليل جدا ودا مش مشجعني اكمل الروايه
مساء في الكومباوند
في اوضه سيف
قاعده ع الكنبه ف الصالون
بقاله ساعات بيفكر هيقول ل ادم بيه الحصل دا ازاي
هيقوله ازاي ان بسببه بنته أتعرضت للخطر ومصطفي راح اتكلم معاها ..خايف يقوله دا ف نفس الوقت مش عايز يخبي عليه حاجه تاني أو يكذب ويخون ثقته تاني .. بدل ما يعمل كل دا ويواجهه ادم قرر يمشي من هنا للابد علشان رولا وبقيت العيله تفضل ف امان زي ما كانو قبل ما يدخلو حياته
ومسك موبايله وبعت رساله ل رولا
عند رولا ف اوضتها
صاحيه بس نايمه ع السرير وباصه ف السقف وسرحانه و اخواتها جمبها نايمين بعد ما اتفرجوا ع الفيلم
رولا جات لها رساله مسكت الموبايل من ع الكومدينو ترد
سيف/صاحيه
رولا /ايوا
سيف/انا عارف ان احلام هانم مانعه انك تقابليني او تكلميني بس ينفع اتكلم معاكي 5 د بس..انا هاجي دلوقتي عند اوضه الرسم بتاعت فريده وانتي افتحيلي
رولا /ماشي
عند رولا قامت براحه من جمب فريده وميرا
وطلعت من الاوضه ونزلت اوضه الرسم بتاعت فريده
وشافت من الباب الازاز سيف ال واقف مستنيها
رولا راحت فتحت له الباب
رولا/تعالي ادخل
سيف/طب وادم بيه واحلام هانم ا
رولا/متقلقش هما نايمين
سيف دخل الاوضه
رولا/ايه بقي ال عايز تتكلم معايا فيه ومينفعش يستني للصبح
سيف من غير مقدمات كتير/ انا همشي من هنا خلاص
رولا بعدم فهم/يعني ايه
سيف اتنهد وقعد
سيف/دا ال كان مفروض هيحصل كدا كدا ي رولا
رولا/يعني تقصد هتمشي للأبد خلاص؟طب ليه
وقعدت جمبه
سيف مقدرش يقولها السبب
الحقيقي/ انا الحاره ال كنت عايش فيها وحشتني .واخواتي وحشوني وحياتي القديمه وحشتني والعشوائيه ال كنت فيها ..كل حاجه وحشتني..وانت بعد ما امشي هترجعي ل حياتك الطبيعيه تاني. وتخلصي مني ومن القلق ال كنت بعملهولك..مش انتي كنتي بتحلمي بكدا من وقت ما جيت ي رولا ؟
رولا بصتله/
سيف بصلها/صح؟
رولا/وانت بقي حلمك ترجع الحاره زي ما كنت ..مش كدا؟
سيف بصلها ف عينها/لاء..دا مش حلمي..لو سألتيني السوال دا من فتره كنت هقولك اه..بس دلوقتي ..يعني الفتره دي حاليا انا حلمي حاجه تانيه خالص..حلمي حاجه مختلفه خالص يعني حاجه مستحيل تحصل..مفيش اي نسبه ل تحقيقه يعني
رولا/
سيف علشان ميضعفش اكتر من كدا
سيف/انا هروح انام...تصبحي ع خير
وكان هيقوم
رولا /خلاص افضل
سيف/ايه؟
رولا /خليك معانا متمشيش
سيف بصلها ف عينها/انتي عيزاني افضل؟
رولا بتوتر/احم..يعني انا قولت كدا ع اساس ان حلمك مرتبط ب الكومباوند هنا..أما الكلام دا ملوش ايه علاقه بيا فاهم قصدي
سيف ابتسم/فاهم
رولا/اما انت ال عايزو اعمله ف الاول و ف الاخر
سيف ابتسم /تصبحي ع خير ي رولا
وقام وكان هيمشي
رولا قامت/ع فكره انت لو عايز تمشي علشان خايف بابي يعرف عن ال اسمه مصطفي دا وخايف يعرف انه بيهددك..متمشيش بسبب الموضوع دا..احنا مش هنجيب سيره ل بابي بالحصل...يعني دا لو كنت عايز تمشي بسبب كدا
سيف قرب منها /طب ليه بتقوليلي الكلام دا دلوقتي ..ليه مش عيزاني امشي ي رولا..ممكن اعرف؟
رولا بصتله/انا قولت اقولك بس علشان لو دا السبب ال مخليك عايز تمشي...وبعدين مين عارف..يمكن لو فضلت هنا جمب بابي وقتها حلمك ممكن يتحقق..الله اعلم
وابتسمت
سيف بصلها ف عينها و ابتسم
سيف/انا كدبت عليكي
رولا/ف ايه
سيف طلع السلسله ال لابسه ف رقبته وكانت ع شكل طلقه
سيف وهو باصص ع السلسله/قولت لك السلسله دي ملهاش حكايه واني لابسها بدون سبب...بس انا كدبت ....مره كنا خارجين ك عيله..انا وامي وابويا..كنا كلنا مبسوطين
رولا بصاله ف عينه وبتسمعه
سيف باصص ل السلسله/وقتها كان عندي ٨ سنين
رولا قدرت تفهم من عيونه ال هيقوله
رولا بحزن/لاء ..اكيد لاء
سيف بيقول الكلام بصعوبة/ف اليوم دا أعداء ابويا ضربو نار علينا..انا وبابا طلعنا بخير من غير ما نتأذي..بس امي ا
رولا بدموع/سيف
سيف دمع/دخلت ف قلبها وطلعت من الناحيه التانيه..موتتها ..الكلام دا وانا عندي ٨ سنين بالضبط.. مقدرتش ارمي الطلقه ..ولا عمري جه ف بالي ارميها اصلا..ومن وقتها وهي متعلقه ع رقبتي كدا
رولا بدموع مسكت وشه ب ايدها وبصتله ف عينه
رولا /سيف ..القصه دي وحشه اوي وبتوجع...ازاي مخبي كل دا ف قلبك وساكت
سيف باس ايدها ال ع وشه و ومسح لها دموعها
سيف مسح دموعه وبصلها ف عيونها وابتسم
سيف/هيجي يوم و تفتكريني..وتقولي عمره ما حكي القصه دي غير ليا انا وبس
رولا/سيف ليه بتتكلم كدا اكنك بتودعني ..مش احنا اتفقنا هتتكلم مع بابي وهتفضل هنا
سيف اتنهد وابتسم/انا لازم امشي..وانتي يلا روحي نامي تصبحي ع خير
وباس راسها وطلع من الاوضه ومشي ورولا دمعت
في اليوم التالي صباحا
ادم قاعد ف الصالون ع الكنبه وجمبه ياسين وقدامهم لاب توب فاتحين صوره فيلا ع البحر ف الجونه وجمبه يخت
ياسين ب انبهار/ادم انا منبهر...ايه الحلاوه دي
ادم /حلو صح
ياسين وهو بيقلب ف الصور
/حلو بس؟ ..دا رهيب
ادم/بفكر اشتريهم واكتبهم ب اسم مامتك
ياسين ابتسم/ي ادم دا احلام بقي عندها قد نص ثروتك تقريبا بسبب الحاجات ال انت بتكتبهالها.. شويه شويه وهتبقي معاها املاك قد املاك ب الضبط..اهدي الشويه علشان ستات البلد كلها بتغيير منها دلوقتي
ادم ابتسم/انا لو أطول اجيب لها الدنيا كلها تحت رجلها هعمل كدا من غير ما افكر ي ابني
ياسين ابتسم/ايوا يعم الرومانسي انت..الله يسهلو.. بس احلام تستاهل والله كدا كدا ..تستاهل كل الدلع دا..امي مفيش منها
ادم ابتسم/مفيش منها طبعا
ياسين شاف احلام نازله ع السلم وبتعمل شعرها كعكه عشوائيه
ياسين/استني ما نخلي احلام تغيير عليك شويه
ياسين قفل الاب توب بسرعه بتمثيل/بابا ...احلام جايه
احلام بصت لهم بشك وراحت لهم
احلام/انتو بتعملو ايه؟
ياسين/مفيش ي احلام كنا قاعدين عادي بندردش يعني
احلام بغيره/بس انت قفلت الاب توب بسرعه قبل ما اجي وريني بتعملو ايه ع لاب توب بباك
وعايزه تفتح الاب توب ياسين منعها
ياسين/احلام والله بلاش علشان متزعليش انتي بس
احلام بغيره وغيظ/ياسين وريني بجد انا مبهزرش ..كنتو بتعملو ايه بتتفرجو ع مين
ادم ابتسم /مبنتفرجش ع حاجه متقلقيش الواد بيرخم عليكي
وفتح الاب توب ل احلام
ادم/دي صوره فيلا ويخت عادي
ياسين/ما تسبنا نتسلي شويه ي ادم بتقول لها الحقيقه ع طول ليه..انت قلب ضعيف خلي بالك
احلام ضربت ياسين ف كتفه بغيظ
احلام/تصدق ان انا معرفتش اربي بقي..الاب وابنه قاعدين بيتفقو عليا
ياسين ضحك
وادم ابتسم ومسك ايدها قعدها جمبه وباس راسها/مقدرش والله
احلام ابتسمت
ادم باس ايدها/وبعدين ابنك هو ال عايز يوقع بينا
ياسين /انا حاولت اجرب حظي ي احلام والله بس ادم قلبه ضعيف قصادك حتي خاف ع زعلك وفتح لك الاب توب يوريكي انه مبيعملش حاجه من وراكي
احلام ابتسمت وباست خد ادم/حبيبي دا
ادم ابتسم وباس خدها وراسها
ياسين/طب وانا ي احلام
احلام بغيظ/لا انت لاء..علشان ال عملته من شويه
ياسين/لالا مقدرش والله.. والله ما هطلع اكمل نوم غير لما اخد بوسه انا كمان .وبعدين انا بهزر معاكي يعني
ومسك ايدها وباسها وباس خدها واحلام ابتسمت وباست خده
ادم/و انت طالع تنام تاني ليه مش فاهم
ياسين/منا ف اجازه ي ادم لو مش واخد بالك .خلصت امتحانات اخيرا
ادم/خلاص تعالي معايا اتدرب ف الشركه ولا اشتغل واعمل اي حاجه مفيده
ياسين/لاء انا مش محتاج تدريب ي ادم انا ان شاء الله اول ما اتخرج هشتغل معاك ع طول زي ما انت عايز
ادم /طيب ي ياسين انا مش عايز اغصب عليك وسايبك براحتك تعيش سنك بس اصبر عليا بس اول ما تتخرج محدش هيرحمك من تحت ايدي ..دا انت حتي لحسن الحظ معندكش جيش هتتخرج وهتيجي عليا علطول
ياسين بلع ريقه/استر يارب
ادم قام وخد الجاكيت بتاعه
ادم باس راس احلام/انا هروح الشركه محتاجه حاجه
احلام ابتسمت/لا ي حبيبي عايزه سلامتك
وباسته خده وادم باس ايدها وخد موبايله ومفتاح العربيه ومشي
ياسين/احلام ما تجيبي بيبي ولد كمان علشان اقدر ادخل الجيش
احلام ابتسمت وهزت راسها بمعني مفيش فايده
في اوضه سيف قاعد ع الكنبه
سرحان ومنامش طول الليل بيفكر
وقدامه ع الطربيزه ال رسالتين ال كتبهم ل ادم ورولا ال هيدهالهم قبل ما يمشي
فجأه شاف من الشباك ادم طالع من البيت ورايح يركب العربيه علشان يروح الشركه
سيف طلع من الاوضه بسرعه ونده ع ادم
سيف/ادم بيه
ادم وقف وبصله
سيف/ممكن اخد من وقتك بس ٥ د قبل ما تمشي
ادم قفل باب العربيه تاني وراح ل سيف
ادم/في ايه؟في حاجه حصلت؟
سيف/لا لا ابدا .انا بس محتاج اتكلم مع حضرتك شويه ف الاوضه عندي ..ممكن تيجي؟
ادم/ماشي تعالي
ودخلو الاوضه سوا
بعد شويه
ادم وسيف قاعدين قصاد بعض وادم بيشرب الشاي ال سيف عملهوله
سيف قاعد سرحان
عايز يحكي ل ادم ويعترف له عن مصطفي واحمد وال بيسعو وراه بس مش عارفه يجبهاله ازاي
ادم حط كوبايه الشاي ع الطربيزه /قولت لي عايز اقولك ع حاجه ضروري وبقالك تلت ساعه قاعد قدامي مفتحتش بوقك ب كلمه
سيف /انا ا
ادم/انت ايه
سيف /انا هقوم اعمل ل حضرتك كوبايه شاي تاني لان شايك خلص
ادم/دي تاني كوبايه شاي اشربها!
سيف/ما كله من خيرك ي ادم بيه ..هعمل ل حضرتك واحده كمان
وقام وراح عند كورنر الشاي والقهوه
وبص ع جاكيت ادم ال حاطه ع الكنبه جمبه
ادم موبايله رن وقام يرد جمب الشباك
ادم/ايوا..لاء انا تلت ساعه واكون ف الشركه
وادم بيتكلم ف التليفون ومدي سيف ضهرو سيف طلع من جيبه الرساله ال كتبها ل ادم وحطها ف الجاكيت
ادم خلص كلام ف الموبايل
ادم/بقولك ايه انجز علشان انا ورايا شغل ومش فاضيلك
سيف/احم..تمام اتفضل اقعد هحكيلك
ادم اتنهد وقعد وسيف قعد قصاده
سيف /ادم بيه انا عايز ارجع اعيش ف الحاره تاني ف بيتنا القديم مع اخواتي ..انا مش عايز اعيش هنا
ادم/هو احنا مش اتكلمنا ف الموضوع دا كتير قبل كدا
سيف/ايوا ي ادم بيه بس انا خلاص مبقتش عايز اقعد هنا يعني تعبت خلاص
ادم/انت معندكش نيه نهائي تبقي راجل صح؟
سيف/يعني ايه
ادم/هو ايه ال يعني ايه؟ ...انا اقدر اسجلك ف الجامعه وترجع تكمل تعليمك تاني..قولت لك تقدر تفضل عايش معانا هنا وتشغل معانا هنا..قولت لك هعمل ال اقدر عليه علشان تعيش مرتاح وتقدر تصرف ع اخواتك بفلوس حلال بعيدا عن شغلك ال كنت بتشتغله.. وانت لسه عمال تقولي عايز امشي
سيف اتنهد/جامعه ايه بس ي ادم بيه دا عدي وقت كتير اوي ع اليوم ال سبت فيه الجامعه ..جامعه ايه ال هترضي تقبلني تاني لو فكرت ارجع ادرس وبعدين انا مبقاش ليا لازمه هنا اساسا بالعكس انا بعملك مشاكل يعني
اصلا درست كتير قبل كدا يعني كفايه انا استكفيت علام خلاص
ادم/ايوا يعني ناوي تعمل ايه يعني؟
سيف/هعمل ايه يعني ايه؟
ادم/سؤالي واضح..هتعمل ايه بعد ما تمشي من هنا ..فاكر يعني أنك هترجع ل حياتك القديمه تاني والعك ال كنت بتعمله وشغلك ف أماكن السهر والبارات؟ فاكر اني هسمح لك بحاجه زي كدا يعني بعد كل دا
سيف/هشتغل بقي اي حاجه وخلاص وبعدين مش حضرتك فكتلي الكلبشات ورجعتني حر يعني زي ما كنت؟ يعني اقدر اعمل ال انا عايزه .انا خدت قراري الاخير خلاص وعايز امشي
ادم اتنهد/ماشي..طالما انت عايز تمشي للدرجه دي وانت مُصر للدرجه دي..اصبر بقي لحد ما اشوف لك بيت امان وكويس تعيش فيه..مينفعش تروح تعيش جمب أخواتك تاني علشان خطر عليك
سيف/طيب كويس هتدور ع البيت وتمشيني امتي بقي؟
ادم/اه للدرجه دي يعني!
سيف/اه والله هي وصلت معايا لهنا خلاص ي ادم بيه اعذرني
ادم/خلاص ماشي ..البيت هيبقي جاهز خلال يومين تقدري تمشي ع طول
سيف/طب الحمد لله..كل ما كان بدري كل ما كان احسن بالنسبه لي
ادم/ماشي...انا همشي انا بقي
وقام
سيف/حضرتك رايح فين طيب يعني هتبدا تشوفلي البيت من النهارده ولا هتعمل ايه
ادم/لاء منا مش هقول انا رايح فين وبعمل ايه ل واحد هيمشي من حياتي بكره
سيف/ايه العلاقه بقي
ادم خد جاكيته
ادم/زي ما سمعت كدا
وراح بتجاه الباب
سيف/عيب والله ي ادم بيه يعني كلنا وشربنا مع بعض قد كدا
ادم طلع من الاوضه
وسيف اتنفس بهدوء واتنهد
ومسك دماغه ب ايده
سيف قام وراح دخل اوضته وقفل الباب وقعد ع السرير
ومتضايق انه لسه بيخبي عليه ال حصل بعد ما ادم رجع يثق فيه
سيف /كله بسببك ي مصطفي ال *** انت واحمد ..كلهم بسببكم...لازم امشي من هنا ف اسرع وقت قبل ما حد من مصطفي ورجالته يفكر يأذي ادم بيه او حد من عيلته
في شركه تصميم الأزياء
عند زين
قاعد بيشتغل ف مكتبه
بتول راحت عند مكتب زين تبص عليه من غير ما ياخد باله لقته قاعد مندمج ف الشغل
بتول راحت للصحفي ال واقف بعيد عن مكتب زين
بتول/زين قاعد بيشتغل جوه والحمد لله يارا السكرتيرة مع سالم بيه عايزها ف شغل..انا دلوقتي هدخل اتكلم معاه وانت هتصورنا من غير ما ياخد باله وتنزلها ف الاخبار..زي ما اتفقنا..ماشي؟
الصحفي ابتسم/متقلقيش هنعمل كل ال احنا اتفقنا كدا كدا
بتول ابتسم/طب كويس اوي
وعدلت نفسها وشعرها وراحت خبطت ع مكتب زين
بتول ابتسمت/ممكن اتكلم معاك؟
زين بصلها/لو تخص الشغل اكيد طبعا
بتول دخلت
والصحفي وقف جمب الباب مستني يجي الوقت المناسب علشان يصور
بتول راحت عند مكتب زين
بتول/انا كنت جايه اعتذر لك ي زين
زين/
بتول/يعني انا كنت سخيفه جدا و عملت حاجات مش كويسه و بسببي علاقتك ب فريده اتوترت بس انا بجد ندمانه ع كل دا
زين/حصل خير ي بتول مفيش داعي للكلام ف الموضوع دا
بتول/انا بس كنت عايزه افهمك قد ايه انا ندمانه وا
مثلت انها تعبانه وبتدوخ
بتول بتعب/اه
زين قام بسرعه يسندها
زين/انتي كويسه؟
بتول بتعب مزيف قربت منها وشبهه حضناه
بتول بتعب مزيف/ا انا تعبانه جدا
والصحفي بدأ يصور
زين/تعالي اساعدك تقعدي هنا
وقعدها ع كرسي المكتب
والصحفي مشي بعد ما خد الصور ال هو عايزها
وادهم كان رايح ل زين وخبط ف الصحفي وهو ماشي من غير ما ياخد باله
ادهم/خلي بالك
الصحفي وهو ماشي بسرعه/بعتذر
ادهم ب استغراب/ماله دا
ادهم دخل المكتب
بتول /ااه..انا مش عارفه ايه ال حصلي فجأه تقريبا علشان اشتغلت من غير ما اكل
زين/انتي كويسه دلوقتي؟ بتول ابتسمت/حاسه نفسي احسن متقلقش
ادهم/في ايه؟انتي كويسه ي بتول
بتول/اه انا كويسه دوخت شويه بس بقيت كويسه.عن اذنكم همشي انا
وقامت
ادهم/تحبي اوصلك ؟
بتول ابتسمت/لا ميرسي ي ادهم صدقني انا كويسه ..عن اذنكم
زين/اتفضلي
وبتول طلعت من المكتب بخبث
العصر ف الكومباوند
بعد ما سيف اتكلم مع ادم الصبح فضل قاعد مكانه بيفكر وسرحان ومتضايق جدا لدرجه ان اتخنق وقرر يطلع يتمشي ف المجمع شويه وبالمره يودعو للمره الاخيره
عند رولا ف البلكونه شافت سيف وهو طالع من باب الاوضه وبيقفل الباب
رولا طلعت من البيت وراحت له
رولا/ازيك
سيف /الحمد لله انتي عامله ايه
رولا بصتله ف عينه/بس مش باين عليك انك كويس
اتكلمت مع بابي زي ما اتفقنا؟
سيف/اه انا ماشي خلاص..انا اتفقت مع ادم بيه ع كدا
رولا بحزن حاولت اخفاءه/بجد؟
سيف/
رولا/.يعني بابي قال ايه يعني زعل منك علشان خبيت عليه موضوع مصطفي ولا ايه الحصل؟
سيف/ملهاش داعي الاسئله دي والله ي رولا
رولا/طيب انا بس عايزه اعرف بابي قال ايه..فهمني زعل منك يعني واتعصب؟
سيف/انا اصلا معنديش الجرأه اني اقوله ي رولا..أنا مقولتلهوش..انا بس همشي من هنا واسيبكم تعيشو ف طمئنينه زي ما كنتم وخلاص..دا ال كان لازم يحصل وخلاص بيحصل اهو
رولا /فعلا؟ بس انت كنت عايز تفضل امبارح..وكان عندك حلم
سيف/زي ما قولتي ..حلم..وفي احلام معينه لازم تفضل حلم زي ما هي..كدا بتبقي احلي
رولا/تمام..انا عارفه انك ممكن تكون شايف الموضوع متعقد وعايز تمشي علشان انت متخيل انك بتعرض حياتنا للخطر بس صدقني انا ممكن اتكلم مع بابي ونحل القصه دي وا
سيف بمقاطعه/رولا انا مش عايز..انا مش عايز أفضل هنا خلاص..والسبب ملوش علاقه بباكي ولا ب الخطر ..دا قراري الاخير
رولا/
سيف/وبعد القرار دا مبقاش في حاجه ينفع تتقال بينا تاني خلاص ...والكلام ال قولتيه دا قبل كدا انا عارف انه كان طالع من قلبك.. بس لا ي رولا انا خلاص مبقتش قادر اقعد هنا ..انا تعبت
رولا اتنهدت
سيف/كل واحد لازم يبقي عارف نفسه وعارف هو بينتمي ل ايه ..وانا مبنتميش للمكان دا
رولا بحزن حاولت اخفاءه/وهتمشي امتي طيب؟
سيف/ع حسب اتفاقي انا وادم بيه المفروض امشي كمان يومين بس انا همشي من غير ما أقوله دلوقتي
رولا/وانا لو مكنتش جيت اتكلمت معاك دلوقتي مكنتش عرفت انك ماشي وكنت عرفت بالصدفه من اي حد..هي دي القيمه ال انتي مدهالي؟
سيف ابتسم/اه لو تعرفي القيمه ال انا مدهالك ي رولا
رولا بصتله ف عينه/قولي..قولي ايه القيمه ال انتي مدهالي
سيف وهو سرحان ف جمال عيونها/متبصليش كدا ب عيونك ال خضرا ال حلوه دي...صدقيني انا معنديش اي حاجت اقولها
رولا/انت كل مره بتهرب مني ب لطريقه دي ي سيف
سيف بص ف الارض/طيب اعمل ايه؟هي طبيعتي كدا..مبحبش الوداع ابدا وحاجه صعبه عليا ..ومبعرفش اقول ايه ..علشان كدا بهرب من غير ما اقول حاجه..كدا اريح وأسهل من اللحظات دي بالنسبه لي
رولا بحزن/انا بس عايزه اعرف مشاعرك وعايزه اعرف حاسس ب ايه
سيف وهو باصص ف الارض/اقولك ايه ي رولا؟مقدرش اعمل حاجه شبهه كدا
رولا دمعت/تمام. تروح ب السلامه..وان شاء تحقق كل ال بتتمناه
ومشيت وسيف كان عايز يوقفها بس منع نفسه
مش عايز اخر حديث بينهم يبقي كدا..عايز يقولها انها اجمل واحلي حاجه حصلت له ف حياته ..وانه بيتمني يفضل جمبها طول العمر..بس للاسف وجوده ف حياتها هيعرضها للخطر وهو مستحيل يقدر يعيش لو حد مس شعرها منها.. ودا السبب الرئيسي ال مخليه عايز يمشي من هنا وف اسرع وقت..حتي لو رولا هتوحشه..حتي لو هيفكر فيها كل دقيقه وكل ثانيه بس كفايه انها تبقي ف امان وبخير
عند رولا
دخلت البيت تاني وهي بتدمع
احلام طلعت من المضبخ وشافت رولا وهي متضايقه وطالعه اوضتها
احلام وقفتها بسرعه قبل ما تطلع
احلام بقلق/رولا مالك ي حبيبتي ..ايه الحصل؟
رولا /مفيش حاجه ي مامي
احلام بقلق مسكت وشها ب ايدها/مفيش حاجه ازاي ي روح قلبي انتي بتعيطي
رولا مسحت دموعها وبصت لها وسكتت
احلام حضنتها و رولا حضنتها بقوه
احلام اتنهدت/انتي متضايقه بسبب الحاجه ال انا منعتك منها صح؟متضايقه بسبب كدا صح؟انا فهماكي ي رولا والله
رولا طلعت من حضن احلام واحلام مسحت لها دموعها
رولا/انا متلخبطه وكل حاجه داخله ف بعضها جوه دماغي وحتي مش قادره اعترف لنفسي ب ال انا حساه
احلام/يعني لو الموضوع علشان سيف انا ا
رولا/خلاص ي مامي سيف كدا كدا ماشي يعني مش هيضايق حضرتك تاني..انا طالعه اوضتي
وطلعت غرفتها واحلام اتنهدت
بعد ساعه
احلام قاعده ع طربيزه ف الجنينه وسرحانه
بتفكر ف الحصل وف سيف ي تري هي ظلمته وجت عليه زياده عن اللزوم ولالا..هي كانت صح ولالا لما منعت رولا تشوفه مع انها حافظه بنتها كويس وعارفه انها معجبه بيه
حكمت عليه ل مجرد انه اتولد ل اب اشتغل مع ناس مش كويسه
عند سيف رجع من الكومباوند ياخد شنطته ويمشي لانه قرر يمشي النهارده خلاص ويقابل احمد ومصطفي..مش هيقدر يستحمل يقعد ليله كمان هنا ل رولا او حد من عيله ادم يتاذي وقتها مستحيل يسامح نفسه
سيف طلع من اوضته بعد ما خد شنطته الصغيره وشاف احلام قاعده ع الطربيزه وسرحانه
سيف كان عايز يروح يسلم عليها ل اخر مره قبل ما يمشي بس متردد
سيف راح لها بس مقربش منها اوي علشان ميخوفهاش /احلام هانم
احلام انتبهت واتعدلت ف قعدتها بخضه
سيف/ا انا اسف لو بزعجك مقصدتش اخضك بعتذر
احلام/
سيف/انا بس حبيت اتطمن ع حضرتك قبل ما امشي بس باين ع حضرتك انت بخير الحمد لله...خلاص انا اسف انا همشي ..ازعجتك
احلام هزت راسها بموافقه/ولا يهمك
سيف بصلها/انا اسف ي احلام هانم..علشان انا الشخص ال انتي شيفاه قدام حضرتك دا..انا فاهم حضرتك جدا والله..بتفكري ف ولادك...عندك عيال خايفه عليهم .عايزه تبعديهم عني..عايزه ميفضلوش معايا ف نفس المكان..انا لو كنت مكانك تقريبا كنت هفكر ف نفس الحاجه..اخد احتياطي يعني..انا كدا كدا ماشي خلاص..ان شاءالله ترجعي تعيشي ف طمئنينه زي زمان بعد ما انا امشي
احلام /احم .انا اليومين ال فاتو دول كانو صعبين عليا جدا لما عرفت ال حصل..يعني افتكرت حاجات حصل زمان مش كويسه.. علي العموم شكرا ..يعني ع كلامك
سيف/ادم بيه حكالي حاجه شبه كدا يعني ع الحضرتك عشتيه زمان يعني حاجه شبهه التروما علشان كدا دا مأثر ع حضرتك دلوقتي لما افتكرتي
احلام هزت راسها ب اه/ايوا..حتي ولادنا ميعرفوش حاجه عن الموضوع دا.. الكلام دا حتي قبل ما يتولدو
علشان كدا هما بيتصرفو ب استهتار
سيف/تعرفي انا لما بشوف حضرتك بفتكر امي الله يرحمها ...انتو الاتنين بتشبهو بعض ف حاجات كتير ف الحنيه والتفهم حتي ف العصبيه وخوفها عليا لما بيحصلي حاجه..ولما كان شغل ابويا بيعرضني للخطر زمان كانت بتجنن عليا..حضرتك بتشبهيها جدا ف حاجات كتير
احلام بصاله ف عينه وبتسمع ال بيقوله لان باين عليه الكلام طالع من جوه قلبو وبيحاول يغصب ع نفسه ميدمعش وهو بيتكلم عن امه
سيف/كنت بشوفها ديما سرحانه وتايهه وخايفه بسبب شغل ابويا برضو الله لا يسامحه...بس متفهميش غلط انا امي مكنتش وحشه ومكنتش موفقاه علي ال بيعمله خالص لدرجه انها ف مره بلغت عن ابويا حضرتك متخيله..(وابتسم بفخر )امي ام قلب حنين بلغت عنه علشاني .انا فاكر ان دي اخر حاجه هي قالتهالي
ومسح دموعه بسرعه
واحلام دمعت ومسحت دموعها
سيف طلع من جيبه ظرف الرساله ال كتبها ل رولا
سيف/انا كتبت رساله ل ادم بيه و رولا .. ادم بيه خد رسالته وانا كنت هدي دي ل رولا قبل ما امشي بس فكرت ان اديها ل حضرتك و انتي تدهالها ف الوقت ال تحسيه مناسب
وحط الرساله ع الطربيزه
سيف/هحطها ل حضرتك هنا
احلام هزت راسها بموافقه
سيف/انا كدا مضطر امشي..مع السلامه
ومشي وطلع برا الكومباوند
عند ادم في الشركه ال شريك فيها مع فراس و مراد
ادم دخل اوضه الاجتماع مع السكرتيرة ولقي مراد قاعد ع طربيزه الاجتماعات
مراد قام اول ما شاف ادم
مراد ابتسم/تعالي اتفضل ي خالو
ادم ابتسم/مراد ازيك
مراد /انا زي الفل حضرتك عامل ايه
ادم /انا زي الفل ي حبيبي
السكرتيرة/انا هروح اجيب الفايلات ال الوفد هيوقع عليها النهارده ي ادم بيه.. هما كمان ٥ د ويبقو ع وصول
ادم/تمام
السكرتيرة استأذنت ومشيت
ادم حط الجاكيت بتاعه ع الكرسي
ادم قعد/بباك فكرني ان في اجتماع مع الوفد الجديد علشان كدا جيت
مراد قعد/ايوا وفي اجتماع كمان ساعه برضو مع الوفد الايطالي. بس لو حضرتك عايز تروح الشركه الرئيسيه مفيش اي مشكله انا هحضر الاجتماع مع الوفد وابلغك انت وبابا ب ال هيحصل لانه عايز يروح الشركه التانيه برضو
ادم ابتسم/لو تعرف انا فخور بيك قد ايه.
مراد ابتسم
ادم/.بتشتغل ف الشركه مع بباك من وانت ف الجامعه وعملت اسمك وكيانك لوحدك بعيدا عن اسم بباك واسمي. وشغال ف الشركه طول اليوم ب ايدك وسنانك علشان تكبر اسمك واسم الشركه
مراد ابتسم/انا مبسوط اوي ان حضرتك شايفني حاجه كبيره اوي كدا..بس انا تربيتك وبتعلم منك..لو مطلعتش ليك انت وبابا بحب الشغل وناجح فيه هطلع ل مين
ادم ابتسم/طبعا شايفك حاجه كبيره..دا انا ال مربيك ..كان نفسي ياسين يطلع بيحب الشغل زيك كدا ..بس هنعمل ايه بقي
واتنهد
مراد /هيحصل والله ي خالو متقلقش..اديله بس شويه وقت وهو هيعقل ويفكر ف مصلحته ومصلحتك
ادم /يارب
وفجأه الرساله ال سيف كاتبها ل ادم وقعت من الجاكيت
مراد وطي جابها من ع الارض
مراد/خالو الرساله دي وقعت من ال جاكيت
ادم خد الرساله من مراد ب استغراب
ادم/ايه دا
وبص ع الظرف من برا ومكتوب عليها ل ادم بيه
فجأه فراس و الوفد دخل
ادم حط ال ظرف ف جيب بنطلونه وقام يسلم ع الوفد
قبل المغرب
احلام قاعده ف الصالون وماسكه الرساله ال سيف كاتبها ل رولا ومتردده تديهالها ولالا
رولا نزلت من فوق بعد ما صحيت من النوم
احلام خبت الرساله ف جيب بنطلونها بسرعه
رولا/ازيك ي مامي
احلام ابتسمت/ الحمد لله
رولا قعدت جمبها بتعب وارهاق
وسندت ضهرها ع الكنبه
احلام بصت لها/انتي كويسه؟
رولا /اه انا كويسه..لسه صاحيه بس تقريبا مفوقتش كويس
احلام/انا وسيف اتقابلنا قبل ما يمشي
رولا بصت لها/اه .اتكلمتو سوا
احلام/اتكلمنا سوا
رولا بصت قدامها/كويس
احلام/
رولا/اشمعنا يعني اتكلمتو مع بعض بمناسبه أيه
احلام/هو ال جه اتكلم معايا وانا سمعته ومتكلمتش ف حاجه
رولا/
احلام/معندكيش فضول تعرفي هو قالي ايه؟
رولا بصت لها/معنديش فضول
احلام/ومزعلتيش؟
رولا/لاء زعلت شويه. بس ع الاقل انبسطت علشانك يعني علشان ارتاحتي من وجود سيف خلاص
احلام/
رولا اتنهدت وبصت لها/سيف قالك ايه ي مامي
احلام ابتسمت/ع اساس معندكيش فضول تعرفي قال ايه
رولا/ايوا عندي فضول بس ايا كان ال قاله ف خلاص هو جه وراح ل حاله تاني
احلام/راح ل حاله قولتيلي..يعني انتي ولا زعلانه ولا متضايقه حتي موحشكيش كمان؟
رولا بغيظ وكذب/موحشنيش لاء
احلام /طيب ودعتو بعض او حاجه؟
رولا بصت لها /مامي انتي ال منعانا نتكلم مع بعض ولا نسيتي؟
احلام/مودعتوش بعض يعني
رولا/عادي يعني..قولت له مع السلامه وهو قالي يارب تفضلي بخير ..لاء حتي قالها بطريقه مختصره ورسميه عن كدا ..حتي ممدش ايده يسلم عليا نودع بعض
احلام بصالها وبتسمعها وسيباها تطلع ال جواها
رولا/تصدقي كمان استكتر عليا يقولي كلمتين قبل ما يمشي
احلام /طب كويس يعني سيف طلع من حياتك وخلصتي منه خلاص
رولا بغيظ مكتوم/اه حظي حلو والله
وسندت ضهرها تاني ع الكنبه وبصت ف السقف
احلام كانت هتطلع الرساله من جيبها تديها ل رولا بس الباب خبط
الخادمه راحت تفتح
ميرا رجعت من برا بعد ما كانت ف كلاس اليوجا ف الجيم
ميرا بابتسامه/اهلا ازيكم
احلام ابتسمت/اهلا ..حمد لله ع السلامه
ميرا باست خد احلام/الله يسلمك ي مامي
وباست خد رولا
ميرا/رولا يلا هاخد شاور واغير هدومي ونروح النادي زي ما اتفقنا امبارح
رولا /انا مش قادره خالص والله ي ميرا انا هطلع اكمل نوم
وقامت
رولا/عن اذنكم
وطلعت فوق
ميرا/مالها ي مامي ايه الحصل
احلام اتنهدت
في الشركه عند ادم
دخل مكتبه وطلع الرساله من جيبه
وقعد ع المكتب بتاعه
وفتح الظرف يقرأ الرساله
ادم بدأ يقرا الرساله
سيف/ادم بيه..انا معنديش الشجاعه اقولك الكلام دا قدامك..علشان كدا اخترت اقول ب الطريقه دي..حضرتك لما تعرف اني خدت شنطتي ومشيت من الكومباوند من غير ما اقولك هتضايق مني..مع انك قولتلي اصبر كام يوم تظبط لي الوضع الاول.. انا برضو ك العاده خذلتك..بعد ما احتوتني حرفيا وحضنتني وقولت لي( ابني) مع اني شخص غريب عنك ...صدقني انا نفسي من كل قلبي احضنك اكنك ابويا بالضبط..بس بدل ما اعمل كدا اضطريت اكتب الرساله دي وامشي من حياتك للابد..انا اضطريت اعمل كدا لان في ناس من ال كانو شغالين مع ابويا هددوني..انا الأول مكنش فارق معايا حاجه ومبخافش ع حاجه لأنهم كدا كدا ميعرفوش ان ابويا عنده ولاد غيري ودا ال مطمني ع اخواتي..بس طالما هما وصلو للمجمع وعرفو اني مع حضرتك مقدرش استحمل يأذوك او يأذو ولادك
ف انا قررت امشي حتي لو هما هيوصلولي وياخدوني بس يكفي ان محدش يحصله حاجه بسببي.
ادم قام بسرعه من ع المكتب ومسك موبايله يرن ع سيف
سيف مبيردش
وادم رن عليه تاني
ادم بغضب /رد ي سيف رد
سيف مردش ادم رن ع احلام
احلام/نعم ي حبيبي
ادم بقلق/احلام سيف فين ؟العيال فين العيال كويسين؟
احلام/اه متقلقش ولادنا كويسين ميرا ورولا ف اوضتهم وفريده لسه راجعه من التدريب...وياسين ف المجمع مع صحابه..وبعدين انت معرفتش ان سيف مشي؟
ادم اتنهد/مشي امتي
احلام/من ساعه حتي سلم المفتاح للبودي جارد وهو ماشي
ادم/ماشي ي حبيبتي هكلمك تاني..خلو بالكم من نفسكم
احلام /حاضر
وقفل المكالمه وحاول يرن ع سيف تاني
وخد جاكيته ومفاتحيه وكان هيطلع من المكتب بسرعه لقي سيف ف وشه
سيف/دورت ع النت اشوف عنوان شركتك لقيت مشاء الله شركات قد كدا ف اتصلت ب مراد وهو قالي انك هنا
ادم بغضب/انت عايز تجنني يالا؟ايه ال انت بتعمله دا وخطر ايه ال بتتكلم عنه ومين ال بيسعي وراك فهمني
سيف/ خلينا نقعد نتكلم وانا هشرح ل حضرتك كل حاجه
ادم بغضب/اتزفت اقعد قدامي
سيف راح قعد ع كرسي المكتب وادم قعد قصاده
في الكومباوند بعد المغرب
فريده وميرا قاعدين مع رولا ف اوضتها
ورولا قاعده سرحانه
ميرا/رولا متعمليش كدا علشان خاطري
رولا/
ميرا/رولا
رولا انتبهت/نعم
فريده/عيطي ..زعقي اعملي اي حاجه طلعي ال جواكي بس متفضليش قاعده ساكته كدا والله ما هيون علينا زعلك دا
رولا/جماعه متبصوليش كدا انا مش متضايقه للدرجه دي
ميرا/ماشي احنا فهمنا ان سيف راح ومش راجع تاني..بس عادي يعني تتواصلي معاه اي وقت
رولا ب انكار/انا مش متضايقه علشان هو مشي
فريده/لاء انتي متضايقه علشان هو مبقاش موجود ..بتضحكي ع نفسك ولا علي مين..وبعدين ميرا معاها حق تقدرو تتواصلو بعض تقدري تتقابلوا برا المجمع
ميرا/وممكن كمان تتكلمو فديو كول..كدا كدا تقدرو تتواصلو مع بعض ف الاول وف الآخر
رولا/ايه ال انتو بتقولو دا..الراجل خد بعضه ومشي من غير ما يقولي كلمه واحده مشي من غير حتي ما يودعني ورجع ل حياته القديمه زي ما كان ..لو هو كان عايز يشوفني وميقطعش التواصل بينا كان يقدر يعمل كدا مش صعبه عليه يعني
ميرا وفريده اتنهدو
رولا/خلاص تمام..خلينا نقفل الموضوع دا لو سمحتو..انا هنسي كل حاجه بتخصو
فريده ملست ع شعرها/خلاص ماشي..ال انتي عيزاه..اهم حاجه متفضليش متضايقه
ميرا قربت منها بحزن وحضنتها و فريده قربت منهم وحضنتهم
في الشركه ف مكتب ادم
سيف حكي ل ادم كل ال حصل
سيف/زي ما قولت ل حضرتك ف الاول انا مكنتش خايف منهم و لا فارق معايا حاجه بس دلوقتي طالما قربو من المجمع وعرفوا اني عايش مع حضرتك انا هنا اتجننت ومقدرتش استحمل يفكرو يأذو حد من عيلتك ف خدت بعضي ومشيت...انا فعلا كنت ماشي مكنتش عارف هروح فين بالضبط لاني حتي مينفعش اروح ل إخواتي علشان ميتعرضوش هما كمان للخطر بس كنت هتصرف واروح اي مكان..بس انا مقدرتش امشي وانا بقول ل حضرتك الكلام دا ف مجرد ورقه ..مقدرتش امشي واسيب ف دماغك مليون سؤال ..انت واثقت فيا تاني بعد ما خذلتك ..مقدرش اعمل ف حضرتك كدا تاني.. انت عملت معايا ال ابويا معملهوش معايا ...كنت حنين عليا و احتوتني جمب ولادك و بسببكم انا فعلا حسيت يعني ايه عيله..انا كنت مبسوط جدا بدفا العيله ال حسيته معاكم.. مرات حضرتك اعتبرتني زي ولادها ومن غير ما تقصد لمست جوايا جرح امي. حضرتك حاولت تعمل مني بني ادم وكنت عايزه تدخلني الجامعه وتشغلني معاك ...انا مستاهلش منك كل دا ي ادم بيه
ادم قام وقف وراح له
سيف بص ف الارض/يعني لو حضرتك هتضربني اضربني ع طول علشان امشي
ادم/قوم أقف
سيف قام وهو باصص ف الارض وادم حضنه
سيف ابتسم وحضنه بقوه
ادم/انت لو بني ادم مش كويس وقلبك نضيف انا مستحيل كنت اقربك من عيالي ..انت تستاهل كل ال عملتو وتستاهل اكتر من كدا كمان
سيف ابتسم ودمع وادم طلع من حضنه
ادم ربط ع كتف سيف/انا اعتبرتك زي ياسين ابني ومش ندمان ع دا
سيف ابتسم/انا مش عارف اقول ل حضرتك ايه.
انا كل ال عايزه انك تسامحني قبل ما امشي
ادم /مفيش الكلام دا انت مش هتشمشي .قولي انت المفروض تقابل ال اسمه مصطفي دا امتي
سيف/المفروض بكره
ادم وهو بيفكر وناوي ع حاجه/هشوف لك مكان تنام فيه لحد بكره علشان لو بيراقبوك يصدقو فعلا انك مشيت من عندي ..وبعدها انا هقولك هنعمل ايه
مساءا
ف الكومباوند عند احلام
قاعده ف اوضتها بتفكر و
قررت تدي الرساله ل رولا
احلام طلعت من اوضتها ودخلت اوضه رولا لقت رولا نايمه ع السرير
احلام قربت منها وغطتها كويس وباست راسها وخدها
و حطت الرساله جمبها ع الكومدينو واتنهدت وطلعت برا الاوضه