رواية بنات طب الفصل الاول 1 بقلم بسمه فيصل
قامت من الصباح حوالي الساعه ٧ صباحاً وولعت سيجاره واخدت نفس عميق كدا دخلت استحمت ولبست بنطلون لونو اسود وبلوزه اسود وجاكيت اسود وطلعت
ام فلك : بينتي ماشه ووين
فلك :مشوار سرريعع
ام فلك :يعني ما ماشه الجامعه🧐
فلك:باي ي امي يااخ😐
طلعت وساقت عربيتها بسرعه ووصلت مكان شقه كدا طلعت دفرت الباب ودخلت عااادي لقت ولد نايم على السرير مشت على المطبخ شالت مويه بارده وعملت قهوه دخلت الاوضه وكبت المويه على الولد الرااقد في السرير والي اسمو ياسرر
ياسر:انتي مجنونه ولا شنو انتي منو ودخلتي هنا كييف وكابه فيني مويه ليه ودخلتي مطبخي كييف ي بنت هوووي😡😡
فلك : بكل برود عاينت ليو من فوق لي تحت وهيي بتشرب في القهوه عشان م شربتها في بيتهم تحت واتجهت على الدولاب طلعت بنطلون اسود وقميص رمادي
ياسر : ي بنت الناس انتي بكماء ولا شنو بتكلم معاك انا انتي بتعملي في شنو 😐
فلك: عاينت ليو بحميره كدا وقالت ليو خمسه دقايق وتكون تحت ي ود الناااس وانا م بعيد كلامي مرتين🔥
فعلا لبس سرررعه ونزل ليها وهو متجه على عربيتو
فلك : احم حتركب معاي
ياسر : اركب معاك ويين عايني انتي دايره شنو
فلك : عاصم مجدي يبقى اخوي وهو مختفي من امبارح وانت صحبوو الوحيد والي عارفه عنوانو واكيد عارف هو ووين ف سرريع ارح وريني هو ووين
ياسر: اووه انتي اخت عاصم اكيد انتي هتلرر الكان بيحكي عنها😂😂 معليش معليش انا اسمي ياسرر
فلك: وانا م سالتك عن اسمك😒اتفضل اركب وما تطلع ميتيني يااخ
ياسرر: الفاظك ي اخت😑
فلك : انا م اختك وم عندي النهاار كلوو عشان اتكلم معااك ف اتفضل
ركبووو العربيه ووصلو شقه تانيه كدا وطلعوا
ياسر: اصبري م تدخلي في مناظر م حتعجبك 🙄
فلك : زح من وشي احسن ليك 🙂
دخلو الشقه وكانت عباره عن كميه من الاولاد نامين في الارض مشت فلك وبقت تفتح وش واحد واحد لحدي م دخلت غرفه كدا ولقت اخواهااا وطوالي كففف في وشو
عاصم : فللللك بسم الله حتى في الاحلام طالعه لي
فلك: انا ح اخليك تتمنى لو دا حلم
وطوالللي شلوووت في بطنو
فلك : قووم ي وسخ واستعدل كدا والبس هدومك وحسابك معاي عسير دقيقتين بس والقاك قدامي
طبعا زولنا ياسر واقف بعااين ساي ومستعجب .جات طالعه من الغرفه وطوالي اشتغلت شلاليييت في الاولاد النامين في الصاله لحدي م مرقت من الشقه جاء ياسر بي وراها
ياسر : ما قلنا م تدخلي اخيير دي شقه شمال
فلك : بكل غضب تحب اتم بيك الضرب وارتكب فيك جريمه
ياسر : اكيد لا😶
فلك : يبقى تقفل خشمك دا سامع
وجاء اخوها وطواليي ساكتوو وركبو ومشو
ياسر: بتكلم مع نفسو والحيووان المصحنو من الصباح دا ولا بقولو ليهو شكرا ساي حسبي الله فيك ي عاصم على اليوم العرفتك فيوو😣😣
في الجامعه
جات من وراهم وقالت
فلك : احلى ثنائي في الوطنيه كلهااا
بسمله : اووه الانسه فلك وصلللت💃🏻
امجد : فااتت عليك محاضره ي مززه 😁
فلك : م مشكله م انتو بتشرحو😂😂 ليي
طبعا امجد وبسمله ديل مرتبطين وديل مع بعض كدا حاجه رهيببه وثنائي حلو شديد
( بسمله بنت حلبيه كدا عيونها كبار وشعرها يقول ي ليل سمحه م شاء الله )
( امجد زول طويلل كدا وشاب م شاء عليوو راقي شديد وفاهم وواعي )
طبعا نحنا كلنا في سنه اولي وامجد سينير تالت
رواء : مبرووووك حبيبيتي وربي فرحته ليك
ساره : الله يبارك فيييك يااخ اخيرا خطبته م مصدقه والله 😂😂
امنيه : البوره يادوب فكت حبه كدا 😂😂😂
فلك : دي منو الخطبت دي
ساره : الشمااار بجيب الحمااار 😂😂
فلك : خلاص مدام الحمار جاء قولو ليو الشمار اوعك تقولي لي بس الي في باللي
امنيه: ياهوو زاتووو
فلك : مبرووك ليك ي سرو يااخ😂😂😂
ساره الله يبارك فيك 😍
رواء : دقيقه انتي جيتني ناطه من ووين وبعدين ليه اتاخرتي
فلك : اخووي الززفت دا يااخ المهم ح اخليكم باي
امنيه : باي ياا
امنيه ورواء ساره اصحاب شديد ( امنيه بنت طويله كدا وحلاتها شديد ظرريفه لمن بهنااك )
رواء ( بنت بريئه كدا مبالغه يااخ لا طويله ولا قصريه ومزه )
ساره ( دي البنت الزووق والراسطه في نفس الوقت حلوه م شاء الله واستايلل شديد )
دي الشلة الثلاثه بتاعت سنه اوله😂😂
في حوش الجامعه ☺
مؤيد : يزوول تجيب البقره دي اسي م بعرف
سامرر : بقرة شنو والله عشرين بس
طبعا بقره دي قصدهم خمسين جنيه مؤيد فاز في الكوتشينه عشان كده واترهنو انو البفوز بياخد بقره
مؤيد : حنكك م كويس ي صحبي جيب القروش سرريع ي زول
سامر: يزول انا لاقي اكلل عشان اديك خمسين جنيه كامله كدا
فلك : كالعاده شكله عشان خمسين جنيه اسمعوني ي شباب هاكم دي عشره جنيه جيب انت عشرين وانت عشرين وكدا تبقى خمسين وياخد نصيبي اربعين ومبروك عليكم كل واحد خمسه جنيه 😊😊
سامر ومويد : قولي والله بلاااي عليك ي عباااس
طبعا سامر ومؤيد بقولو لي فلك عباس عشان اسم فلك م راكب ليهم في راسهم
فلك : مدام بقى فيها عباس جيب سيجاره ي ولد
سامر : م عندي لييك حاجه 😁
فلك : وانت من متين عنك حاجه يززفت😂😂
مؤيد : هااك وحده
فلك : تسلم لي انت
سامر : ي مؤيد م تديها يااخ البنت دي بتموت لينا هنا يااخ انتي يززفته حتبطلي السجاير متين
فلك : لما انت تبطل تعاين ليها واشرت على بنت كدا اسمها نادين يعني ب اختصار دي مزة الجامعه كلهاا كل الاولاد بيتمنو منها كلمه بس وسامرر دا مكسرر فيها شديد
سامر : مززتي جات دقيقه اعقم عيوني واجيكم
فلك : لا تجينا ولا نجيكم عندي محاضره عقم عيونك بررراحتك
مؤيد : انتي غيرتي ولا شنو😂😂
فلك : طاااخ شلوت في مؤيد وانا من متين عندي شغله بالاولاد ي ولد انا عبااس وانتو عارفين انو البنت دي م بحبها خاالص بااي مشيت
# فلاش بااالك
ليه فلك بتكره نادين
نادين دي سينير وبرملة فلك اول يوم ليها في الجامعه
نادين دخلت القاعه حقت طب اوله صررخت هدووو ي ناسس وقالت لي فلك قومي انتي اطلعي براا
فلك : ليه ي دكتوره
نادين : اطلعي بررا سررعه
قامت فلك طلعت وكان دا احراج بالنسبه ليها في القاعه كلهااا ولما طلعت قعدت كدا في بينش
بعديها جوو نادين والشله حقتها وقعدو يضحكوو فيهااا كلهم عشان برملوهاا على اساس نادين دي دكتوره وكدا 😂😂 ومن الزمن دااك فلك بتكرهاا شوديد
فلك خلصت محاضره وخلاص دوامها انتهى ومشت الاستراحه تبع البنات وصلت واي شي وجات نادين داخله الاسترراحه وعاينت لي فلك من فوق لي تحت كدا وقالت بصووت عالي الجوو كتم يااخ
فلك : بصوت عالي اكيد لازم يكتم في ناس جو داخلين اسمعيني ي صفاء انتي وهميه كدا مالك
نادين : وهمي البتكلم انا الجامعه كلها بتجري وراي ي صفاء شربتي سجارتك ولا لسه
هنا فلك عيونها حمررت شديد للن كل الجامعه مستغربه كيف بنت وبتشرب سجاير عاادي في حوش الجامعه ومع الاولاد وفلك م شغاله اصلن بزول كتتير ولا عندها حاجه لزوول ولا لاي ولد
نادين : عيونك حمرت ي صفاء كدا لييه
بس فلك قومي اهجمي على نادين وهوووب شلوت وهووب كففف وجر شعر وبهدله شديده البناتتت الي في الاسترراحه كلهم جو يحاجزوو وجات صفاء تحاجز فلك ادتها ليك كففف طيرتها بعييد بقت تبكي 😂😂
نادين : ي مجنونه فكيني ونفسها متقطع
فلك بتضرب بي كلو وكانو غضبها من الصباح من اخوها طلعتووو في نادين طبعا نادين دي دلوعه شديد وم بتستحمل هبشه
لحدي الموضوع م ووصل العميد طوالي استتدعوهم
وطلع قرار .....
نسيت م وصفت ليكم فلك
بنت بين صفراء سمراء وسط في الطول م بتضحك كتتير غامضه ومتعصبه عندها واحد زايد واحد بيساوي خمسه حياتها كلها اسود بي رمادي ما بتلبس غيرهم وبتكره الاولاد شديد اصحابه امجد وسامر ومؤيد بس وصاحب الطفوله امجد وم عندها حاجه لزول عايشه هي وامها واخوها بس .
اي قررار حياخذ العميد مع العلم انو العميد خال نادين اخو ابوها
يتبع...