في بيت حنين.. قاعده سارة وسما بيعيطوا.. فجاة الباب يخبط تقوم بسرعه وهي بتقول
سما
دي اكيد حنين وعامر يارب استرها.
سما تفتح الباب تلاقي احلام شيله شنطة كبير
سما بصدمة
ماما…
احلام
مالك يا بت شوفتي عفريت ولا اي.
سما تحضنها جامد وهي بتعيط
سما
كنتي فين من الصبح قلقتني عليكي وحنين كانت هتموت من الخوف.
سارة تجي جري وهي بتقول
سارة
ماما حبيبتي الحمدلله انك رجعتي بالسلامه كنا هموت من الخوف عليكي.
احلام بحب وحزن
ما تخافوش ياحبيبي انا الحمدلله بخير بس فين حنين مش شايفه.
سما
حنين كانت هتموت من خوفها عليكي لما واحد اتصل وقال انك موتي بعد الشر عليكي ومن ساعتها نزلت مع عامر لسه ما رجعتش لحد دلوقتي
احلام تبص لها بصدمة والشنطة تقع منها وهي بتقول
احلام
يا مصبتي نزلت مع عامر ولسه ما رجعتش.
سارة وسما يبصوا لبعض باستغراب وسارة تقول بشك وهي بتبص لشنطه..
سارة
مالك يا ماما في ايه وانتي كنتي فين والشنطة اللي معاكي ده فيها اي؟
احلام برعب تجري علي بره تاني
احلام
مش وقت انتي واسألك هروح اشوف اختكم حصل لها اي.. يارب استرها والمجنونة دي ما تكنش عملت فيها حاجه؟
سما وسارة يبص لبعض باستغراب والاتنين يقولوا في صوت واحد
_هو اي اللي بيحصل…
—-----------
في الاوضه اللي فيها حنين… حنين قاعده علي الارض في الضلمة عامله تعيط وهي ضمة رجليها لصدرها.
حنين بدموع
هونت عليك يا عامر تسبني وتروح تتجوز المجنونة دي ولا هونت علي امي اللي تاجرت بسعادتي وضحة بيا عشان شويه فلوس انا بجد مصدومة ومش مصدقه ازاي امي وعامر قدروا يعملوا فيا كده.
فجاة الباب ينفتح ويدخل عامر وهو بقول بجمود
عامر
تعالي يا بني انت وهو خدوها من هنا؟
حنين تبص له بدموع وتقوم وهي بتقول.
حنين
هتاخدني علي فين يا عامر لا تكون هتشغلني خدامة للهانم.
عامر بحزن
انتي بتقولي ايه يا حنين… لو سمحتي يا حنين عيشي حياتك وانسي احنا مالناش نصيب في بعض.
حنين بدموع
انت هتقدر تنساني يا عامر.
عامر يبص لها بحزن وتدخل مليكة فجاة وهي بتقول بدلع.
مليكة
اي يا حبيبي هتفضل واقفين كده كتيرر ما تنساش اننا لسه عرسان وانا لسه ماشبعتش من عريسي حبيبي.
حنين تبص لعامر بحزن وقهر وهي بتقول.
حنين
انت قربت منها يا عامر انت لمست واحده غيري.
مليكة بغيظ
اي يابت البجاحة اللي عندك واي لمست واحده غيري دي ما تنسيش ياما اني انا دلوقتي اللي مراته ويلا غوري في داهيه من هنا وحسك عينك اشوفك تقربي من جوزي انتي فاهمه.
حنين بدموع تمسك عامر من قميصه وهي بتقول
حنين
رد عليا يا عامر انت لمستها.
عامر بحزن
ايوه يا حنين لمستها وعشرتها وده حقها غصب عني وعنك هي دلوقتي اللي مراتي وانتي مالكيش حق تسألني سؤال زي ده انتي كنتي خطبتي مش مراتي.
حنين ترجع لوري بصدمة وهي بتقول.
حنين
هو ده حبك ليا فكرتك بتعمل كده بس علشان تنقذني بس مش مصدقه انك طلعت انسان قذر كده. ولما انت بتحبها بدخلني حياتك ليه..
عامر يديها ظهره وهو بيقول بحزن
عامر
اتفضلي امشي من هنا يا حنين واحد بره هيوصلك لحد باب بيتك ويا ريت تنسي كل حاجه وتنسني انا شخصين.
حنين بكره
بواعدك هنساك وغلطه ومش هتتعاد تاني يا استاذ عامر
حنين تخلع دبلتها وترميها علي الارض وهي بتقول.
حنين
واتفضل دبلتك اهي ومش محتاجه حد يوصلني عارفة الطريق اللي جيت منه.
حنين تسبهم وتطلع وهي حزينه ومكسورة وعامر يفضل واقف دموعه بتنزل بحزن.. ومليكة بتبتسم بسعادة.
—-----------
في الشارع
حنين ماشية وهي بتعيط.. وما تاخدش بالها من الطريق عربية اخبطها.. تقع علي الارض غرقانه في دمها.. ينزل من العربيه زياد شاب جميل جداً ابيض عيونه زرقاء شعر اسود طويل لبس بدله.
زياد بخوف
يا لهوي ده اللي كان ناقصني.
زياد يقعد جنب حنين ويهزها وهو بيقول
زياد بقلق
يالهوي هي ماتت ولا ايه انتي يا حاجه انا في عرضك مش ناقص نصيب وحياة عيالك يا شيخة.
زياد يشلها ويجري بيها علي العربيه.
—-----------
الصبح… في فيلا مليكة
احلام تدخل جري وهي بتقول بتقول بزعيق
احلام
فين بنتي يا مجرمين عملتوا فيها ايه.
مليكة تنزل من على السلم وهي بتقول
مليكة
انتي تاني جايه تعملي اي مش خدي اللي انتي عاوزه وصرفتي الشيك جايه تعملي هلاله ليه علي الصبح.
احلام بغضب
انتي ليه كذابتي وخلفتي بواعدك وعدني انك مش هتأذي حنين بنتي فين انطق لا هبلغ عنك وهودكي في ستين مصيبة.
مليكة تضحك بسخرية وهي بتقول.
مليكة
هتبلغي عن مين عن نفسك ده انتي اللي جيبها لحد عندي ثم انتي مش قبضي حقها زعلانه ليه.
احلام بصدمة
حقها ازاي؟
مليكة
انتي نسيتي انك تاجرتي ببنتك ولا ايه علي العموم انا قولتلك انا مش عيله عشان ارجع في كلامي واللى كنت عاوزه من بنتك انا خلاص خدها وما بقتش عاوزه منها حاجه علشان اىذيها وبنتك رجعتهالك من امبارح.
احلام بدموع
احلام ما رجعتش انتي اكيد عملتي فيها حاجه.
مليكة بزهق
اوووف بقا انتي بترغي كتير وانا مش فاضية لك وقولتلك وهرجع اقولك اللي كنت عاوزه من بنتك انا خلاص اخده مابقاش له لزوم اتعب دماغي بيها ويلا اتفضلي علي بره احسن ما نادي علي الامن يرموكي زي الكلبه.
فجاة عامر يدخل احلام تجري عليه وهي بتقول بدموع.
احلام
فين حنين بنتي يا عامر فين بنتي عملت فيها اي.
عامر يبص لها بقرف وهو بيقول
عامر
انتي ليكي عين تسالي عليها بعد اللي عملتي انا بجد مصدومة فيكي كنت عارفه انك مادية بس عمري ما تخيلتلك رخيصة لدرجة دي انا بسببك ضحيت بحب حياتي علشان انقذ حنين من الموت انا عمري ما هسامحك انتي فاهمه.
احلام بدموع وكسوف
خدوا كل الفلوس مش عاوزه بس قولولي فين بنتي انا عاوزه حنين.
عامر باستغراب
فين بنتي هي حنين ما رجعتش البيت؟
احلام
ولو هي رجعت انا هجيلك اعمل ايه.
عامر يبص لمليكة بشك وهو بيقول.
عامر
اي الكلام اللي بسمعه ده احنا اتفقنا ما تأذيش حنين.
مليكة ببرود
وانا ههأذيها ليه ما انت معايا ومعايا وصل امانه.
عامر باستغراب
يعني ايه
مليكة
يعني انا ماعرفش حاجه عنها ولا ليا دعوة بيها طول ما انت شاطر وبتسمع الكلام (تبص لاحلام وهي بتقول) وانتي يا ماما يلا غوري من هنا احنا من النهارده مالناش دعوه بناس زيك انتي وبنتك وروحي دوري علي بنتك ممكن تكون شافتلك عريس جديد تحلبي منه الفلوس اللي انتي عاوزه اصلا العريس القديم فلس وقف علي الحديدة.
احلام تبص لعامر بحزن وندم وتمشي وهي بتعيط.. عامر يبص لمليكة وهو بيقول.
عامر
صدقني لو تطلعي عامله حاجه في حنين انا هطلقك واللي تعملي اعملي.
عامر يسبها ويمشي ومليكة تنفخ بزهق وهي بتقول.
مليكة
اوووف شكلي مش هخلص من أم حنين وهتفضل وجعه دماغي كان يوم اسود يوم ما شغلتها في الشركة والله.