في بيت زياد… في اوضة حنين نايمه علي السرير راسها ملفوف بشاش.. تصحي بوجع وتعب تبص حوليها باستغراب وهي بتقول.
حنين
انا فين ومين جبني هنا؟
حنين تقوم بتعب وهي بتتسند علي اي حاجة تقبلها وتطلع من الاوضه
في الصاله
واقف زياد لبس مريلة مطبخ وقاعد طفل صغير مهد علي السفرة.. زياد بيحط الفطار لمهد وبقول.
زياد
اخلص افطر يا عم مهد هتتاخر علي مدرستك وانا هتنيلي اتاخر علي شغلي.
مهد يبص ناحية حنين ويغمز لزياد وهو بيقول
مهد
الموزة اللي جبتها امبارح وقفه وراك.
زياد يعقد حاوجبة باستغراب وهو بيقول
زياد
موزة اي؟
يبص وراها يلاقي حنين
حنين بكسوف
ممكن اعرف مين حضرتك وانا بعمل اي هنا.
زياد بتوتر
انتي طلعتي ليا زي القضي الاعمي وانا راجع من الشغل وخبطك بالعربية من غير قصد اقسم بالله.
مهد
دي طريقه جديده لتشقيط ما تصدقيش.
زياد يحط ايده علي فم مهد وهو بيقول بصوت واطي
زياد
اسكت الله يخربيت ابوك هدوتني في داهيه.
مهد يعض زياد زياد يبعد عنه وهو بيقول.
زياد
يا ابن ستين عضاضة كان يوم اسود يوم ما سبتك معايا.
مهد
ما انا عارف انك زعلان علشان مش واخد رحتك في التشقيط.
زياد بغضب يرفع مهد من كفه وهو بيقول
زياد
في ايه ياض ما تحترم اهلك شويه وتاخد بالك انك بتكلم عمك مش واحد صاحبك.
مهد
هو انت تطول تكون صحبي يا هبل ده انت حتي الحاجه الوحيدة اللي فالح فيها مش عارف تعملها صح بلا خيبه.
حنين بتبرق وهي بتبص لهم باستغراب وبتكلم نفسها.
حنين
مجانين دول ولا ايه.
تبص لمهد وهي بتقول
حنين
الود ده قليل الادب وما ترباش ازاي سيبه يقول الكلام ده. وانت عيب الكلام اللي بتقوله ده العيال المحترمين ما ينفعش يتكلم بالشكل ده.
مهد بغرور
الاحترام متبني مني وتبرعتلك بيه ياحجة خلي ينفعك.
زياد يحط ايده علي فم مهد وهو بيقول بكسوف
زياد
معلش ما تزعلش ده عيل قليل الادب ما ترباش وطالع جيل متنيل بستين نيله.
حنين
ما هو واضح انه ما ترباش فعلاً.(ترفع كوم فستانه وهي بتقول بغيظ) سيبه ليا بس خمس دقايق وانا هربي تربيه نضيفة.
زياد يناوله مهد زي ما يكون ماسك فار وهو بيقول.
زياد
شوفي شغلك يا ست.
مهد
طول عمرك وانت واطي يازيزوا.
زياد بغضب
عنك انا اللي هربيه الواد ده ومين الواطي يا معفن ده انت اخرك تتحط في سلة زباله.
مهد يرفس زياد برجله ويطلع يجري.. وزياد وحنين يجروا وراه ولاتنين عاوزين يضربوه.. وفجاة يدخل عصاي ابو مهد. اسود عيونه بني شعر اسود ماسك تليفون بيكم حد.. وحنين بتجري وري مهد مش وخده بالها تخبط في عصاي والاتنين يقعوا علي الارض حنين فوق عصاي. زياد ومهد يبصوا بصدمة.
حنين بكسوف
انا بجد اسفه اوى ما خدش بالي والله
تبعد بسرعه وعصاي يقوم وهو بيقول باستغراب.
عصاي
عادي حصل خير بس مين حضرتك.
مهد
اخوك المحترم مشقطها من الشارع بحجة خبطها بالعربية
حنين بغضب
واد انت انا هديك بالشبشب ما تحترم نفسك.
زياد بكسوف
انا اسف والله يا انسه حقك عليا انا ده عيل ابوه نسي يربيه
عصاي
انت بتقول اي يا حيوان انت.
حنين بغيظ
ما هو بصراحه معه حق ابوه لو كان متربي كان ربي عياله بدل ما طلقهم علي النااس كده.
زياد يفتح فمه بصدمة وهو بيقول.. وعصاي يبص لها بغضب
زياد
انا في المطبخ لو حد عاوز حاجه.
مهد بخوف
استنى يا عمو انا جاي معاك.
الاتنين يجروا وحنين تبص لهم باستغراب وهي بتقول.
حنين
هم مالهم دول مش فاهمه..
تبص لعصاي اللي باصص لها بغضب وتقول بخوف.
حنين
خير مالك يا استاذ انت بتبص ليا ليه كده؟
عصاي بحنق
عادي اصلا انا ابوه اللي ما ترباش.
حنين بصدمة
لا يراجل انت ابو الواد الزفر ده..
—----------
في فيلا مليكة
مليكة وقفه في المطبخ بتبص لشريط برشام وهي بتبتسم بخبث.. تحط من البرشام في القهوة بتاعت عامر وهي بتقول.
مليكة بخبث
بعد البرشامه دي ورني بقا يا عامر هتفكر في وحده غيري ازاي؟
تضحك بشر.. بعدين تاخد فنجان القهوة وتطلع من المطبخ.
في الصاله عامر قاعد علي الكنبة ماسك التلفون وبيتفرج علي صور حنين بحزن.. مليكة تجي وهي بتقول.
مليكة بدلع
احلي فنجان قهوة لأحلي عمورة في الدنيا
عامر يتوتر ويقفل التلفون بسرعه. مليكة تبص له بشك وهي بتقول؟
مليكة
مالك وشك قلب ليه كده؟
عامر ياخد منها القهوة وهو بيقول بتوتر
عامر
وهخاف من اي يعني وماخلاص انتي حكمتي عليا بالموت.
عامر يشرب القهوة ومليكة تقعد جنبه وتقول بزعل.
مليكة
ليه كده يا عامر انا لو كنت عملت اي حاجه فعملتها علشان بحبك والله ومش عاوزه غيرك
عامر
صدقني انتي مريضه يا مليكة ومحتاجة علاج مكثف علشان خاطري اسمعي مني وانزلي اتعالجي. اللي انتي فيه ده هوس مش حب الحب عمرها ما كان بالاجبار ولا الغصب يا مليكة.
عامر يشرب القهوة وسيبها ويمشي ومليكة تبتسم وهي بتبص الفنجان الفاضي.
مليكة بخبث
من النهارده انت اللي هتتهوس بيا يا عمورة بحبك موت (تعمل بوسه في الهو لعامر وهو ماشي) اموووه.
—----------
في بيت أهل حنين… في اوضة احلام…
احلام قاعده علي السرير عمال تعيط وهي مسكة صورة حنين.
احلام
سامحني يا حنين يا حبيبتي علشان خاطري انا وديتك للموت بأيدي والله العظيم عملت كل ده علشانك انتي وخواتك…
فجاة ينفتح الباب وتدخل ساره وسما.
ساره
ماما انا كلمت كل صحبها ما حدش شافها ولا راحت لحد.
سما
وانا مزلت اسال عليها عند طنط فاطمه ما حدش شافها.
احلام بدموع
طيب انزلي انتي وهي علي جمعتكم يلا وانا هدور عليها وشوفها راحت فين.
سما بشك
ماما في حاجه انا مش فاهمه لحد دلوقتي انتي ازاي تتخطفي كده وترجعي عادي وحنين تختفي بعد ما ترجعي انتي في حاجه مخبيها علينا.
احلام تقوم بغضب وهي بتقول بزعيق.
احلام
ما سمعتيش قولتلك اي انتي وهي يلا علي جامعتكم مش ناقص غير المصاغيط ويحققوا معايا.
ساره بزعل
ماما حبيبتي اهدي ما حصلش حاجه و سما اكيد مش قصدها حاجه.
سما بحنق
لا انا قصدي كتير وصدقني يا ماما لو اللي انا شكه فيه ده صح انا مش هسامحك طول عمري.
سما تسبهم وتطلع ودموعها نزله. ساره تبص لامها باستغراب وبعدين تطلع جري وري سما.. واحلام تقول بعياط
احلام
هو اي اللي انا عملته في نفسي وعيال ده ياربي ما كنا عايشين ومستورين ليه الطمع انا دمرت بنتي وممكن كنت السبب في موتها وكله بسبب الطمع والفلوس ينعل ابو الفلوس اللي خلتني اعمل في بنتي كده.
احلام تبص لشنطة الفلوس اللي كانت معها بغضب وبعدين تجيب جاز وكببريت وتولع في الفلوس والشنطة مع بعض.