رواية بنات طب الفصل الثاني والعشرون 22 بقلم بسمه فيصل
ياسر: فلك مجدي تم القبض عليه انتهت اللعبه ...وطوالي جاء وكلبش يديها ودخلها في العربيه ..وفلك صامته وما اتكلمت ولا عملت اي شي و وصلو قسم
....امجد اول ما شاف المنظر وقف وراقب وعرف انو دي كلها خطه من ياسر ورجع لعند مراد وساره
امجد : اسمعوني فلك اتقبض عليها وما اظن هي الكانت مستهدفه عشان كدا لازم نغير مكانا وبسرعه
ساره : وما حنحاول ننقذها
مراد : اكيد ي ساره حننقذها لازم الاول ننقذ نفسنا عشان نقدر ننقذها
امجد : عين القعل يلاا بينا
في مكتب التحقيق ....
...فلك والمحقق قاعدين في غرفه عازله للصوت وياسر متوتر وواقف براا هو ومعاو عميلين سودانين وواحد تركي
...المحادثه بالانجليزي بس حترجم ليكم طوالي بالعربي
المحقق : فلك مجدي هل تعترفي بتهمة تجارة المخدرات
فلك : ابدا انا بريئه من التهمه
المحقق بحده : حسناً ما علاقتك ب امجد محمد ومراد عباس وساره عمر
فلك : كنت اسكن معهم ولا ادري غير ذاك
المحقق : ما سبب مجيك الي تركيا
فلك : زياره اماكن سياحيه
المحقق : لماذ كنتي تركضين خلف النقيب ياسر
فلك : كنت اركض فحسب ولم اركض خلف ذلك النقيب
المحقق بملل : لن تعجبني اقولك
فلك : وانا لست اتيه لانيل اعجابك
المحقق : انا اعلم انكي مهربه مخدرات ولكن لماذا لا تنكثين في بلدك وتثيري المتاعب انتم السودانين تكرهون وطنكم بشده
...فلك رجعت رجلينا في طاولة التحقيق وياسر بعاين ليها وابتسم عشان عرف انو فلك حتكون استفزت المحقق ..
فلك : نعم انا اكره وطني بشده واريد ان امكث في سجنكم وكما تعلم سجنكم احلى من منزلنا في السودان
المحقق بغضب : سيتم حبسك في السجن مع التحقيق المستمر في اقولك
فلك : اووك وقالت بالسوداني " دا مالو الزعاط دا " وهو عاين ليها كانو فهم الكلام وابتسمت في وشو وساقو فلك وختوها في زنزانه موقته كدا وهي دخلت وقاالت بصوت عالي
فلك : ي سلااام على دي زنزانه على الاقل حنوم مرتاحه هووي ي ولدنا اقفل الباب دا كويس وطبعا الحارس عاين ليها وما فاهم شي غير انها مبسوطه وابتسم ليها بي استغراب وفلك رقدت نامت .....
نص الليل ...
جاء داخل واخد ملثم ما ظاهر من شكلو شي دخل القسم برراحه بيتسحب وبعديها خنق الحارس والحارس اغمى عليه ودا كلو في هدو شال من الحارس المفاتيح ودخل لي فلك وفلك صحت على صوتو
فلك : انت منو وداير مني شنو
ياسر : انا ياسر اطلعي معاي سرعه ما داير كلام كتير
فلك : وانا ما طالعه وعاجبني السجن دا اطلع برا عايزه اكمل نومتي ممكن
ياسر : فلك م عندي وقت لعنادك اخلصي
فلك : انا قلت ليك ما داير...وياسر قفل ليها نخرتها وخشمها لحدي م اغمى عليها وشالها طلع بيها برا وركبها العربيه وكان شايل في يدو مسدس الحارس قام وبقي يقول بصوت عالي عشان يصحي القسم كلوو " لقد هربت هربت امسكوها اسرعوو " وفعلا القسم كلووو صحى وطلع لقى ياسر متحرك بالعربيه ومن غير تردد طلع مسدسو وبقى يضرب في لستك العربيه لحدي ما العربيه فقدت توزانها ودخلت في شجره...