رواية بنات طب الفصل الرابع 4 بقلم بسمه فيصل
فلك انخلعت بي كلوو وحيلهاا هبط
اكرم : انا وانتي لوحدناا
فلك في اللحظه دي بقت عاينت براسها لتحت وشعرها المقصوص لحدي كتفها اتفكا وعيونها الكحيله النعسانه حمرت شديد ووعت لنفسها وقالت
فلك : انا بكون فلك انا بكون فلك فلك فلك
اكرم ابتسم ابتسامه سخريه كدا وفلك لسه منزله راسها لتحت وفجاه رفعت راسها وعاينت جو عيونو لاكرم
ومن غير مقدمات فلك جرت على اكرم وبكل غضب بوكس في وشو لمن رجع ورا كم خطوه وقعد على ركبتو في الارض بس بحركه سريعه قام وضرب فلك في بطنها بكفة يدو هنا فلك اتوجعت شديد وقعت في الارض على ظهرها واكرم ابتسم وجا عليها قرب منها
اكرم : تعرفي ي فلك انا مستغرب من حاجه واحده بس كيف انتي وعيتي والعوير دا لسع م واعي شي غريب ...وقاطع كلامو شلوت من فلك برجلينها الاتنين وووقع في الارض وقامت فلك من الارض ونفضت هدومها وضحكت ضحكة انتصار وقالت
فلك : لمعلوميتك ي جميل انا مهما اشرب م بفقد الوعي تماما
وبكل غضب فلك مشت نحو اكرم وبقت بتضرب فيو وتكفت فيو وتشلت فيوو بلا رحمه ودخلت في نوبه غضب وكل م تتذكر انو كان عايز يقرب منها بتضربو اكتر مع انو اكرم غاب عن الوعي لحدي م شافت صحن بتاع فواكهه وجنبو سكيت وفلك مشت شالت السكين وعاينت لي اكرم وابتسمت وطوالي عايزه تطعنو في قلبو بس في زول مسك ايديها
فلك التفت للزول
ياسر اتخلع وما مصدق عينو وقال بصوت عالي
ياسر: ي بنت انتي مجنونه انتي عايزه تقتلي انتي ي بنت نصيحه
هنا فلك دفرت ياسر بي كلو ورجع ورا كم خطوه
فلك بتتكلم بي خوف وغضب في نفس الوقت وبصوت عالي : اياك تلمسني انت فاهم واشرت بالسكين لي ياسرر
ياسر : عايزه توديني جهنم انتي ....ياسر انتبه انو فلك في نوبة غضب وبقى يتكلم برراحه وبي هدوو
ياسر : فلك اهدي مافي شي بستحق انك تغضبي عشانو وياسر بقرب شويه شويه على فلك وبتكلم بصوت واطي فلك انتي في امان مافي داعي تخافي من شي وقرب منها شديد لحدي م حضنها ومسك ايديها وشال منها السكينه واول م حضنها فلك استوعبت ورجعت لوعيها وفجاه دفرت ياسر الكان حاضنها شديد وسمعت دقات قلبو
فلك بغضب : قلت لي م تلمسني ي بشر وما تحاول تتقرب مني
ياسر اتعصب من كلامها وقال بصوت عالي : انتي كنتي في نوبة غضب عايزه اقيف اتفرج فيك ولا دقيقه كان اجيب ليك مرايه عشان تشوفي نفسك عامله كيف وعلى فكره انا خاطب خاطب وخطيبتي ماليه عيني
فلك م اتكلمت معاو ومشت ياسر مشى بي وراها ومسكها من ايديها
ياسر : دا م الطريق الصحيح ي جن الطريق بي جاي الي بيطلع برا المتاهه دي
فلك : فكني طيب 😑
ياسر : صدقيني م حيحصل ☺
وياسر وفلك طلعو من الفله وفي باب الفله قابلت بسمله
بسمله عاينت لي ياسر بي استغرب وقالت
بسمله بكل عصبيه وفي عيونها الدموع : م عارفه اقول عليك شنو بس انتي وحده خاينه ما حقول ليك غير كدا وامجد دا م اشوفك واقفه معاو ولا بعرف ليك صديقه طفوله ولا ززفت ...فلك بتعاين لي بسمله وعيونها حمرا من الغضب وعايزه تضربها بس ياسر ماسك يدينها وبراقب ....انتي عارفه انو انا وامجد حنخطب قريب يعني سلام م تسلمي عليهو وانا عارفه انك انتي الخلتيه يشرب لانو عارفه انو امجد مستحيل يشرب ابعدي عن طريق امجد طريقو ما من طريقك ولا اخلاقو زي اخلاقك ..بسمله بكت ومشت
ياسر : م تشتغلي بيها كتتير ارح
جات نوران من بعييد
نوران : فلك ي فلك
ياسر: صحباتك ديل م بخلصو
نوران : نسيتي شنطتك دي ..ياسر شال من نوران الشنطة بيد وماسك فلك بيد تانيه وطلعو برا الفله
صاحب ياسر : ي ياسرر تعال نتم شغلنا دا
ياسر : عندي مشوار كدا وبرجع ...وفلك بتراقب ...وقفوا جنب عربية ياسرر
ياسر : ممكن افهم انتي دايره تتجننيني انتي الليله كنت حتقتلي انتي فاهمه حتقتلي
فلك ولعت سيجاره : لا م كنت حاقلتو طبعا
ياسر بكل سخريه : حابه نرجع الزمن ونعرف حتقتلي ولا لا فلك انتي مجنونه كنتي حتموتي ود الناس يعني انا بعرف في المواقف دي لمن يتشاكلو ولد وبنت بمكسو الولد من البنت بس سبحان الله التقول انتي مرة جون سينا بس نفسي اعرف سبب الشكله دي كلها شنو
فلك :.......
ياسر : خلاص اتبكمتي انا م عارف الخلاني امسكك شنو كان اخليك تموتي الولد ونتقابل في سجن كوبر هنااك
فلك : خلصت خلاص انتهيت
ياسر نفسو قام وهو بتكلم ويكورك
فلك : هدي نفسك وارح
ركبو الاتنين عربيه ياسر ومشو
فلك : انت ماشي ووين
ياسر : ماشي جهنم تحبي تمشي معاي ☺ حكون ماشي وين يعني حوصلك بيتكم
فلك : لا مستحيل امشي البيت بالحاله دي ؟
ياسر : حاضر يستي
....فلك فجاه عاينت لي ياسرر وحمرت ليو شديد
فلك : انت م خايف على نفسك
ياسر اول م شافها كده وشاف شعرها المنكوش المغطي عيونها ..ياسر فرمل العربيه وخاف منها وقال
ياسر : اقسم بالله ببول في هدومي وبقوم جاري في الشارع عريااان مالك ياااخ
....هنا فلك ماتتتتت من الضحك بقت تضحك بي كلوو
ياسر بعاين ليها : اياك
فلك : شنو
ياسر : م تضحكي قدامي تاني عشان خايف اقع في حبكك
فلك عاينت ليو بسخريه
فلك : سوق يززفت وبطل استظراف
......ياسر ساق العربيه وبقى بتونس معاها
ياسر : بالله عليك انتي بتضحكي زينا كدا عادي 😂😂
مشو الاتنين شقه ياسر ودخلو الشقه
فلك : الحمام بي وين
ياسر : المره الفاتت لقيتي المطبخ القى المره دي الحمام
فلك : 😑😑
فلك مشت الحمام وغسلت وشها وطلعت لقت ياسر حضر اليها القهوه قعدو في الصالون الاتنين وشربو قهوتهم وفي صمت
ياسر : ممكن سوال
فلك : اتفضل
ياسر : الحصل شنو هناك
فلك : انا اتاخرت الصرراحه ماشه
ياسر عرف انو فلك م دايره توريه حاجه
ياسر : طيب اوصلك
فلك : لا بمشي برراي شكرا لحدي هنا
ياسر : شنو م سامع قلتي شنو
فلك ابتسمت : باي وطلعت
مشت البيت واول م دخلت لقت امها واخوها في وشها
عاصم : ممكن اعرف انتي وين لحدي الزمن دا ووين ي هانم 😡......