رواية حكاية شوق الفصل السادس عشر 16 بقلم رشا منصور
زياد الأنصاري
اتصلت ع رشا وسألتها هى قدمت ل شوق في المدرسة ازاى اتصرفت ازاى في الأوراق الرسمية قالت ليا
متقلقش البنت متسجلة أنها من جنوب أفريقيا.، وده لمصلحتها علشان وليد السخاوي مش يشك فيها وكمان أنا اتصرفت من هناك وكتبت أسم اب وهمي ومعتقدش أن في حد هيسافر جنوب أفريقيا.، علشان يتأكد من بياناتها. المهم هى دلوقتي اتسجلت في نفس مدرسه أبن السخاوي
قولت لها تمام أنا هقدم ل شريف معاها في نفس المدرسة لكنها قالتلي لأ شريف يعرف شوق كويس ومشتركين مع بعض في النادي ووجوده مع أبن وليد هيصعب الدنيا علينا خلي شريف في المدرسة اللي قريبه من الفيلا ومعرفته ب شوق من خلال تدريب النادي وبس ع الأقل لحد ما يكبروا لازم أبعد أى شك ولو بسيط يخلي السخاوي يعتقد أننا متفقين عليه…
لازم يفضل عارف أن معرفتنا مجرد شغل وبس مش أكتر…
واحترمت تفكير رشا وقولت لها هنفذلك رغبتك ونهيت المكالمه.
كان نفسي شرويت تكون عايشه وكنت اتجوزتها وشوق كانت تعيش بينا بس النصيب 😭
شوق…
أنا شوق عندي خمس سنين بس اللي عرفته واتعلمته يخليني عندي فوق الستين ومعايا أكتر من خمسين جنn ومارد كلهم تحت خدمتي، والفضل يرجع ل ماما رشا وخالتوا عيشوش اللي بتيجي كل فترة تطمن عليا وتغرقني بالهدايا وتفضل تكلمني ع ماما شرويت واد إيه كانت طيبه وحنونه وعلمتني بعض الحاجات عن السحرr….
والعجيب إني اشبه ماما جداا وده هيثير الفضول وهيخلي وليد السخاوي أبويا يبحث عن أصلي وأهلي…
بس مش هيعرف يوصل ل حاجه لأن اتعملي شهادة ميلاد مزيفه، بفضل الجنn بإسم أب وأم وهميين وأصل الأب من جنوب أفريقيا….
وتعمدت يوم الانترفيو في المدرسة أروح في نفس ميعاد سامر أبن إيلينا الدهشوري ووليد طبعاً كان معاها وأنا كان معايا رشا.
وأول ما رشا شافتهم القت التحية عليهم وعرفتهم بيا بأني بنت أختها
وأنا بصيت ل سامر وطلعت شيكولاته وقدمتها له وإيلينا قالت ليا أنتي جميلة ولطيفه أوى روح يا سامر ألعب مع شوق لحد ميعاد الانترفيو…
وقولت ل مايستروا الجنn الخاص بي فكروا ب ماما وفجأة لقيت وليد بيقولي يا شرويت ابتسمت وقولت له أنا اسمي شوق يا عمو وليد….يلا يا خالتوا الدور علينا باي يا سامر…
رشامنصور…
كنت كاتمه الضحكة وبرك بيقولي ع اللي طلب شوق من مايستروا واضح أنها بدأت بسرعة أوى وبعد الانتهاء من الانترفيو اللى طبعاً نجحنا فيه من قبل حتى ما ندخل…
خرجت وقولت ل إيلينا أن عيد ميلاد شوق بعد اسبوع وكلكم معزومين عندي وهوجه دعوة للدهشوري بيه وبصيت ل وليد وقولت له وطبعاً السخاوي بيه هيكون موجود هو مش محتاج دعوة
ومشيت وشوق قالت ليا عالم خنيقه يلا نأكل ايس كريم
قولت لها بقيتي لمضة أوى بس بصراحه عندك حق دى أشكال تجيب الضغط….
إيلينا الدهشوري….
اتفاجئت بوجود رشامنصور أنا أعرفها لأن عمو السخاوي له شغل معاها وكلنا شاكين أنه متجوزها في السرr وحتى بابا كان بيكلم عنها ب إعجاب بس لما عرف اللي بينها وبين السخاوي مرضيش يعمل شغل معاها…
وكانت معاها طفله واضح أنها لطيفه وطلبت من سامر يلعب معاها ع الأقل ضمنت أن في أول أيام المدرسة هيلاقي بنت يعرفها أكيد ده هيخفف الخوف، والتوترr اللي بتشعر به الأطفال في بداية المدرسة.
وعزمتنا ع عيد ميلاد البنت ووافقنا طبعاً وبعد الانترفيو سامر قالي يا مامي يلا نجيب هديه ل شوق ههههههههههه يا شقي من أولها كدا شكلك طالع زيي مبتحبش تضيع وقت 🤣
وليد السخاوي…
مش عارف ليه أول ما شوفت الطفلة افتكرت شرويت دى نسخه منها شبها بشكل غريب حتي لون عنيها وصوتها وقررت بعد ما نزلت إيلينا وسامر المول علشان يعملوا شوبنج ويختاروا هديه ارجع للمدرسة تاني وطلبت من سيارة الحر'اسة تفضل مع إيلينا وابني
وأول ما دخلت المدرسة سألت عن الإدارة وسألتهم عن الأطفال اللي هيكونوا مع أبني والمستوى الاجتماعي وطمنوني واعطوني ملف بالاسماء وشوفت أسم شوق… إيه ده جنوب أفريقيا..
إسمها شوق فواز بيسولا إيان 🤔🤔
صحيح رشا شكلها مش مصري، بس لهجتها مصريه جدا أنا محتاج افهم من بابا حاجات عن رشا دى أنا مش مطمن لها. ظهرت فجأة هى والطفلة وقت إعلان وفاة شرويت ودلوقتي البنت نسخه من شرويت وغير أن من وقت وفاة الحناوي اختفت شرويت تماماً لحد ما اعلنوا عن وفاتها… ممكن تكون سافرت جنوب أفريقيا.،
وكمان آية صاحبتها اتجوزت زياد الأنصاري خطيب شرويت وفي فيلا الحناوي… الموضوع ده محتاج شرح وتوضيح…
مش بعيد شوق دى تكون بنتي من شرويت وتكون رشا دى كانت معرفة شرويت أو الحناوي وشرويت هربت، عندها في افريقيا علشان متتفضحش.، بسبب الحمل…
برك….
كل اللي عمله وليد حتى اللي بيفكر فيه قولته ل رشا وشوق وقولت لهم تؤمروا ب إيه…
شوق…
ولا حاجه يا برك سيبني استمتع ب الآيس كريم بتاعي…
رشامنصور…
وبعدين يا شوق وليد مرة واحدة شافك فيها قدر يستنتج كل حاجه ما بالك بعد كدا إيه اللي هيحصل أنا لازم انسيه كل ده ولسه هنادي ع سوزان لقيتها بتقولي وليه ينسي خليه يدور ويقرب أكتر واكتر ويقع في الفخ. برجله….
وكمان ده أنا هكون صديقة أبنه وحبيبته يعني لازم يطمن ليا….
وفضلت أكل الآيس كريم وبفكر هعمل ايه في عيد الميلاد واتصلت ع السخاوي وعزمته طبعاً وعرفته اني قابلت وليد وسامر أبنه وبالصدفة شوق بنت اختى هتكون مع سامر في نفس الكلاس….
واتصلت ع الدهشوري بيه ووافق والبركة في سوزان 🤣🤣
إيلينا الدهشوري…
عدي الاسبوع وروحنا أنا وبابا ووليد وطبعاً سامر كان مستعجل يشوف شوق وكانت الحفلة لطيفه جدا وفيها مطربين وفقرات استعراضية وفقرة الساحرr وأثناء تقطيع التورته حسيت بتعب شديد جدا والغريب أن رشا بس اللي لحظت ده وقالتلي أن في دكتور من ضمن المدعوين وكشف عليا وقالي غالباً أنتي حامل ومحتاجة تعملي تحليل للتأكيد وبابا وعمو السخاوي فرحوا جدا حتى وليد
بس أنا من جوايا اللي كنت عارفه أنه مش أبن وليد…
صحيح علاقتي مع وليد كانت طبيعية جدا بس كان الشغل رقم واحد عنده وده اللي خلاني فكرت إني كل فترة اكسرr الملل واسافر يومين مع اصحابي وآخر مرة شربت كتير وعملت علاقة مع واحد معرفوش كان في السويت اللي جانبي وكنت في البلكونه بشرب لوحدي ولقيته بيعرض عليا يشاركني وعدي الحاجز اللي بين الغرفتين وقعد ومعاه زجاجه نبيذ، وفضلنا نشرب وشغلنا موسيقى ورقصنا وبعدها حصل اللي حصل أنا حتي معرفش إسمه إيه…
وليد السخاوي…
مجرد فكرة أن إيلينا ممكن تكون حامل فرحتني أخيراً هكون أب وليا أبن من صلبي،.. ولقيت رشا بتبارك ليا وقالت واضح أن وشنا حلو عليك…
وحضنت إيلينا وقولت لها يلا حالا ع المستشفى اطمن عليكي ونشوف إيه الفيتامينات وايه المفروض نعمله…
والدهشوري فرح جدا وقالي أنا سعيد واطمنت أن حياتكم اخدت الشكل الطبيعي.. دلوقتي أنا اطمنت ع بنتي..
سوزان….
أثناء الحفلة كان دوري أنا وبرك وبرقوش أننا نراقب، ونعرف كل واحد من المدعوين بيفكروا في إيه وأول ما عرفت بتعب إيلينا وعرفت أنه حمل قولت ل رشا…
وساعتها طلبت مني اخلي حد من الجنn يتشكل في صورة إنسان طبيب بشري ورشا اخدت إيلينا ل غرفة وقام الطبيب المزيف،. بالكشف وإعلان الحمل بس للتأكد يفضل عمل تحليل…
وفرح وليد ولقيت رشا بتقولي خلي السخاوي والدهشوري يفرحوا
وطبعاً كانت نهاية سعيدة للحفلة…
الدهشوري….
روحنا كلنا المستشفى والدكتور أكد الحمل وأنها في الشهر التاني ويلزم الراحه ولقيت وليد بيقول ل إيلينا أنا هفضل جانبك علشان لو حسيتي بأي حاجة اطلب الدكتور فوراً…
قولت له تبقي روح الشركة ولو ساعتين إيلينا مش بتصحي من نومها قبل الظهر وتبقي اقعد جانبها براحتك وفرحت من جوايا أن بنتي اخيرا حياتها استقرت….
شوق….
كانت حفله ظريفه واعتقد أن وليد هيعيش كام شهر في سعادة وهينسي يفتش ورايا مؤقتاً…
واعتقد لازم استعد كلها شهر وهدخل المدرسة وطلبت من الجنn يجهز طلبات المدرسة وتاني يوم رشا وديتها لهم واخدت الزي المدرسي والكتب واشتركت ليا في الباص..
وطلبت من رشا تتصل ع فيلا الدهشوري وتطمن ع إيلينا وطبعاً كلمت سامر وقالت لهم أنها هتزورهم ومعاها هديه الحمل..
وطلبت من الجنn خاتم الماظ،. وخدتني معاها وتعمدنا نروح ووليد مش هناك والدهشوري كان موجود وطبعاً رحب جدا بينا وخصوصاً لما شاف سامر جري عليا وقالي يلا يا شوق نلعب سوي في الجنينه….
وطلب الدهشوري الدادة،. تكون معانا وأحنا بنلعب علشان محدش يقع في حمام السباحه….
وقدرت ألعب في عقل سامر بسهولة وأصبح طوع أمري…
يتبع...