رواية بين الحاضر والماضي الفصل الثالث عشر 13 بقلم ايته عبدو
صحيت الصباح لقيت أني نمت والدفتر في حضني عاينت ليه كده ده اليوم التاني ما افتحه ما نفسي بس ما عندي غيره هو انيسي الوحيد ف فتحته وأنا عايزه القى الطاقه الفقدتها فيه
________________________
في الماضي
صحيت بهزت كتفي لقيتها دي سعاد ما صدقة حضنتها وأنا بالجد محتاجه ليها بادلتني الحضن وهي بتمسد على ظهري
سعاد:حصل خير أنا عارفة انك خايفه على واكيد ما قصدك انك ما تدافعي عنه أنا سمعته إنو كويس بس للأسف في كليه اضررت لانه الطنه كانت في اتجاها
فكيتها بسرعه وأنا بستوعب إنو هو حصل ليه شنو بسببي أنا عارفه أنا السبب لو ما جاء هنا عشانا علشان علاقتنا ما تنتهي بسبب المشروع الشوم داك ما كان أيوب طعنه بقيت ابكي لمن جسمي اتهزاء أنا السبب
ست البنات: أنا السبب يا سعاد أنا السبب غبيه كلامك صح أنا جبانه وما استاهلو أنا سكته بس هو دافع وانطعن هو الوحيد الضحى وأنا دفاع عنو ما قدرته كلامك صح أنا استاهل يعرسني موسى واتعذب ويحصل لي كل شئ سيء بس هو هو ما يستاهل
كنت بتنهد وبقطع في الكلام سعاد حضنتني وبكت أول مره حصون اختي سعاد القويه تنهار وتبكي وهي ضرب ابوي وايوب ما حصل بكوها
سعاد: أنا اسفه أني امبارح قلت ليك كده إنتي ما ذنبك إنو يكونوا ديل اهلك وانك اتربيتي على إنو حتى النفس مكتوم خلي الصوت والحق بس أنا كنت زعلانه سامحيني يا اختي
بكينا اي واحده بتبكي هماها اي واحده بتبكي ألمها الما قادره تعبر عنه لحدي ما سعاد زحت مني وهي بتمسح دموعها بقوه وبتقول لي
سعاد:خلاص وقت البكى انتهى خلينا نكون اقويه أنا اسي جيت اقول ليك ارح أبوي قال نسرح بالبهايم
عاينت ليها بصدمه لا سعاد جنت نحن في شنو وهي تقول لي بهايم ضربتني في رأسي وهي بتهمس بصوت واطي شديد يادوب أنا اسمعه
سعاد:ما تكوني خوافه وغبيه دي فرصتنا علشان نطلع وأنتي تمشي تشوفي حسب الرسول وأنا ح اسرح بالبهايهم علشان ابوي وايوب ما يشكوا فينا تمام
عاينت ليها بخوف لو مشيت وعرفوني قبل ما اكمل التفكير في رأسي أو اتخيل أي شئ سعاد اتكلمت وقطعت حبل افكاري
سعاد:نحن قلنا ح نكون أقوياء وأنا معاك ما تخافي مافي زول باذيك ما دام أنا معاك ما تخافي قمتا وطلعنا وأنا خايفه من المنتظرنا هل اسوء من الفات ولا احسن
________________________
رفعت رأسي بدخول لبنى وهي بتقول لي
لبنى: أنت قاعده مع دفترك وما جايبه خبر للدنيا
عاينت ليه وأنا ساكته حتى الكلام غالبني
لبنى:عمرك ما ح تتغيري المهم طبعا عمر اتقدم لي نمارق
قعدته على حيلي ونسيت همي للحظه اصلا أنا من زمان عارفه إنو عمر معجب بنمارق إنسان زوق ومحترم و الوحيد البتعامل بطريقته بدون قيود الرجال والكلام الفارغ ده بس للاسف نمارق ما تستاهلوا هو طيب وهي حربويه .
يتبع..