﷽
ـــــ
عند مراد
مراد بتوتر.. تعالي يا مايا اقعدي وأنا أفهمك؟
مايا بغضب.. تفهمني إيه إنها مش بنتك وإنت كنت بتضحك عليا؟
مراد بصدمة.. إنتي جبتي الكلام ده منين؟
مايا بسخرية.. مفكراني مش عارفة يا أستاذ مراد إن البنت مش بنتك.
مراد.. بهدوء.. مش هكرر كلامي عرفتي منين؟
مايا.. بجدية.. عملت تحليل DNA ليكم والنتيجة سلبية.
مراد عض شفته بغيظ.. بتعملي تحليل لينا من ورايا يا مايا ما إنتي لو كنتي جيتي سألتيني كنت هقولك بدل ما تتعبي نفسك وتعملي تحاليل.
مايا بسخرية.. متأكد إنك كنت هتقولي يا مراد؟ مراد أنا عارفة لو كنت عرفتك بالتحليل ده كان هيتبدل.
مراد بغضب.. لا كنت هروح أعمله معاكي ومش هيتبدل يا مايا أنا مش واحد وسخ للدرجة دي.
مايا بغضب.. وطي صوتك يا مراد ومتتعصبش عليا ليه كل ما أحاول أوثق فيك تكسر الثقة دي.
مراد خد نفس وطلعه بضيق.. أنا ما بحاولش أكسرها يا مايا بس أنا عملت كدا عشان أرجعك ليا مش أكتر.
مايا بغضب.. تقوم تستغل العاطفة عندي وتعمل كدا؟ مراد أنا أصلاً شاكة في الحكاية دي من الأول ما هو مفيش أب بيسيب بنته مع رجالته وبينساها عادي كدا.
مراد..بقلة حيلة.. هي فعلاً بنت يتيمة أبوها وأمها ماتوا وعايشة مع عمها ومرات عمها عمها يبقى واحد من رجالتي ومرات عمها بتتعامل معاها بطريقة مش كويسة قولت أكسب فيها ثواب وأربيها وأرجعك ليا.
مايا.. بشك.. دي تمثيلية جديدة يا مراد؟
مراد بصلها بحزن.. للدرجة دي مفيش ثقة بينا يا مايا.
مايا..ببرود.. مراد ما تلعبش معايا على الثقة أو لا قولي دي الحقيقة ولا بتكدب عليا.
مراد بغضب وعصبية أول مرة يطلعوا عليها هي كل مرة مراد بيحاول يمسك نفسه عشان ما يتعصبش عليها ويزعلها بس المرة دي معرفش.. إنتي ليه ما بتفهميش ها ليييه؟ عمال أقولك بنت يتيمة وبنت أخو واحد من رجالتي وبعمل ده كله عشانك وفي الآخر مش عاوزة تصدقيني؟ مايا إنتي طول عمرك كدا ما بتفهميش غير اللي إنتي عاوزاه وبس لدرجة دي وصلنا؟ برضو قبل كدا حبستيني من غير ما تفهمي على طول متسرعة وأنا بعدي عشان بتنيل بحبك بس المرة دي خلاص صبري نفذ منك مش عاوزة تصدقي براحتك اخبطي راسك في الحيطة أو اشربي من البحر أنا زهقت ومعتش عندي طاقة أستحمل خلاص كدا؟ إيه يا مايا عمال أقول هتتغير هتتغير بس لا ده أنا وقفت قدام أهلي عشانك بعد اللي إنتي عملتيه ومستعد أحارب الدنيا كلها عشانك وفي الآخر إيه يا مايا مفيش تقدير لده كله على طول مراد اللي غلط وإنتي ملاك؟ هو عشان أنا بتنيل بحبك تبقي تيجي على كرامتي؟ لا لسه ما اتخلقش اللي ييجي على كرامتي.
مايا كانت مصدومة من كلامه وهو بيفكر فيها كدا هل هي عملت كدا فعلاً وبتأذيه من غير ما تعرف.
مراد.. كان بيتنفس بغضب.. إنتي ليه مش عاوزة تعرفي إني بعدي كتير عشانك؟ اسألي مين هو مراد وإنتي تعرفي إن الغلطة معايا بفورة وعديت ليكي كتير لكن خلاص زهقت مايا روحي نامي عشان أنا كمان عاوز أرتاح.
مايا بدموع.. مراد.
مراد.. لو سمحتي.. ولف وشه ناحية السرير.
مايا خرجت من عنده وراحت على الأوضة جري ودخلت واترمت على السرير وقعدت تعيط.
مراد كان مضايق منها ومن نفسه وقد إيه هي وجعته.. قعد على السرير ومسح على وشه بغضب.. استغفر الله العظيم.
ـــــــ
عند كايا وورد.
كايا زق ورد ونط من الشباك وخرج قبل ما أمها تدخل.
ثنية.. بقلق.. في إيه مالك يا بتي ووقعة على الأرض ليه؟
ورد بخوف.. مفيش يا أما بس شوفت برص وإنتي خابرة زين إني بخاف منهم.
ثنية.. خضتيني يا بتي فكرت في حاجة تعالي نامي معايا في الأوضة.
ورد.. ماشي وراحت معاها بس متعرفش ليه خبت على أمها حوار الشاب اللي كان معاها ومين هو وليه طريقة كلامه شبه طريقة كايا معاها لما كانت بتعانده ويقولها اتظبطي لعدلك بس كايا مات مين ده وليه جاي في نص الليل أكيدة.
طول الليل ورد مقدرتش تنام خايفة ليكون واحد من رجالة الشبح بس ليه مخافتش منه؟ حست معاه بالأمان.
ورد في سرها.. مستحيل يكون من رجالة الشبح لأنه باين عليه ابن ناس مش زي التانين رد سجون وشكلهم لوحده يخوف وباين عليه مش من البلد بطريقة كلامه أول مرة أشوفه في البلد.. نامي يا ورد الصبح قرب يطلع.. ونامت بس كانت صورة كايا في راسها وأسئلة كتير.
ـــــــــ
عند هند راحت أوضتها بغيظ.. بقى أنا ست الدار كلها أتأسف للبت دي؟ وربنا لأطلعك من هنا بفضيحة يا بت البندر وأربيكي وقعدت تاكل في نفسها بغيظ.
هند بغيظ.. أنا هلاقيها منك ولا من ورد ولا من مراد؟ لو عرف يوصل لورد وعرف الحقيقة وقتها مراد مش بعيدة يدبحني قدام البلد كلها.
كانت خايفة من فكرة إن مراد يعرف السر ورا ورد.
هند بخوف.. يا رب ده أنا غلبانة وإنت خابر زين إني دخلت العيلة دي ليه واتجوزت جاسر وأنا ما بحبوش ده لو جاسر عرف مش هيسمي عليا ولازم حكاية الساعي دي كلها تخلص أول ما مغاوري يخلص من ورد حكاية الساعي هتتقفل نهائي وبكدا أكون كسبت على عيلة العزايزي وزي ما هما قتلوا ضنايا قبل سابق وحرقوا قلبي أنا كمان هحرق قلوبهم كلهم على ولادهم.
كانت بتتكلم بشر وقهر كبير.
ــــ
عند جاسر وشوق.
جاسر بجدية.. إنتي بتحبي خطيبك؟
شوق بتوتر.. أيون يا عمو.
جاسر بشك.. ربنا يكملك على خير.
شوق بحزن.. تسلم يا عمو.
جاسر.. تعرفي عمر من إمتى؟
شوق.. دكتور عمر كان زميلي في الكلية ولما اتخرجنا أنا اتعينت في مستشفى في القاهرة وهو جه هنا الصعيد ومن فترة هو كان عندنا انتداب في المستشفى اللي أنا فيها وشوفنا بعض صدفة ولما عرف إن حضرتك في المستشفى طلب مني إني أجي المستشفى عشان أتابع الحالة معاه وبس.
جاسر.. عمر ابن حلال وغلبان بس نصيبه مفيش حاجة بتكمل ليه عيل فقر من يومه.
شوق ضحكت.. هو من جهة إنه فقر فهو فعلاً كدا.
جاسر باستغراب.. عرفتي كيف؟
شوق بتوتر.. ها؟ قولتلك كان زميلي يا عمو.
جاسر بخبث.. معندكيش عروسة ليه؟
شوق بصتله بغيظ.. وإنتم عاوزين تجوزوه ليه؟
جاسر بخبث.. إيه يا بتي عاوزين نجوزه مش هيفضل قاعد لينا زي شوال الرز أكيدة عاوزين نخلص منه.
شوق بغيظ مكتوم.. لا والله يا عمو معنديش.
جاسر.. خلاص أنا هتصرف وأجوزه الواد يتيم لا عنده أب ولا أم ولا حتى إخوات هو ابن أخوي صحيح بس أمه وأبوه جابوه واتكلوا على الله.
شوق بغيظ.. ربنا يرحمهم.
جاسر.. خلاص تقدري ترتاحي يا بتي وأنا هنام.. ومتخافيش في بالك من هند لو قربت عليكي عرفيني أو عرفي أي حد في الدار وهما هياخدوا حقك منها وبلاش مراد يعني عشان هو أصلاً ما بيطقهاش هههه.
شوق.. تمام يا عمو وبعدين عاوزة أسأل حضرتك سؤال ممكن؟
جاسر.. اتفضل.
شوق بقت تتلفت حواليها.. وجاسر استغرب.. إنت إيه عجبك في أم أربعة وأربعين دي؟ أكيد مجبور عليها؟
جاسر اتفجر في الضحك.. هههه. هههههههه هقولك بس لما تبقي صادقة معايا وتقوليل الحقيقة.
شوق بتوتر.. حقيقة إيه يا عمو؟
جاسر.. عليا يا عمو بتحبي عمر؟
كان بيبصلها بخبث وهي التوتر بان على وشها.
جاسر.. خلاص قدام مش عاوزة تجاوبي تقدري تقومي ترتاحي.
شوق شالت المحلول من إيد جاسر وراحت تنام ما صدقت هربت من قدامه.
جاسر.. هههه شكل ولاد البيت ده كبروا ومفكرني إني نايم على وداني وإني مش خابر إيه اللي بيحصل معاهم.
ـــــــــــ
كايا رجع البيت وهو متوتر ومبسوط في نفس الوقت إنه شافها وقد إيه هي وحشته وفعلاً هي لسه بتحبه زي ما هو بيحبها رجع ضهره على السرير وبص للسقف وابتسم وافتكر إيه كانت قريبة منه وإنها لسه حلوة زي ما هي.
كايا بابتسامة.. rosy "وردي"
ونام وهو فرحان 😃.
ــــــــــ
الصبح جه و مايا صحيت على زعيق مازن تحت.
قامت بكسل وغسلت وشها وأخدت دش ولبست ونزلت تشوف مازن عامل غلبة من الصبح ليه.
لقت البيت كله في ناس وعمال مازن يزعق شيل دي وحط دي ومراد كان قاعد تحت وجنبه أمه وأبوه والبيت كله كان مشغول وعمر اللي اتكلم بغيظ.
عمر بغيظ.. لسه صاحية يا هانم إيه مصحيكي بدري كدا؟ إحنا بقينا بعد الظهر والله أنا قولت منكم مفيش منفعة.
مراد رفع عينه يشوف بيكلم مين ولما لقاها مايا اتجاهلها وهي حست بده وبصتله بحزن.
مايا.. سوري يا عمر محدش صحاني ليه؟ وبعدين فين حسناء؟
مازن.. حسناء لسه جوه مع البنات ادخلي الحقيها.
مايا نزلت وسلمت على جاسر وجليلة بس جليلة مردتش عليها وده أحرجها أوي.
مايا..بتوتر.. صباح الخير يا عمو حضرتك عامل إيه النهاردة؟
جاسر بهدوء..مع ابتسامة.. الحمدلله يا بنتي صباحك ورد.
مايا بدلته الابتسامة.. يارب دايماً بخير. . وكملت.. عاملة إيه يا طنط؟
جليلة مردتش مايا حست بإحراج.. أنا هروح أشوف حسناء محتاجة إيه؟
مازن.. تمام روحي شكلها بتصوت هناك.
مايا بابتسامة.. ماشي.
ومايا مشيت بس عيونها عليه كان قاعد وماسك الفون في إيده ومتجاهلها تماماً.
شوق باستغراب.. إيه إنتم ناويين تهاجروا ولا إيه؟
جاسر.. بخبث.. لا عاملين حفلة وأهو نشوف عرايس للجدعان دول.
شوق بغيظ.. جدعان مين؟
جاسر.. مراد وعمر والجدعان دول كان قصده على بلال وكايا.
بلال بضحك.. ياريت أنا سنجل بائس.
جاسر لكايا.. وإنت خاطب ولا متجوز؟
كايا.. أنا لا ده ولا ده سنجل.
جاسر.. يعني هنشوف 3 عرايس.
كايا.. 3 ليه؟ إحنا 4.
جليلة.. لا عروسة مراد موجودة.
جاسر.. مين هي؟
جليلة و... يتبع.