﷽
ـــــــــ
عند ورد
صحيت من النوم على رزع جامد على الباب قامت مخضوضة.. وكانت ثنية مش في البيت.
لبست الطرحة وراحت ورا الباب بخوف.. مين؟
مغاوري.. أنا مغاوري افتحي.
ورد بخوف.. لا مش هفتح وعاوز إيه؟
مغاوري بغضب.. قولتلك افتحي ولا هكسر الباب على دماغك أنا خابرة زين إن أمك مش موجودة وإنتي لوحدك في الدار افتحي عاوزة أتحدث معاكي.
ورد بغضب.. مفيش بينا حديث امشي أحسن ما هصوت وألم علي الخلق.
مغاوري بسخرية.. مفكرة إذا صوتي حد هيلحقك مني لا كل اللي هنا بيخافوا مني افتحي بقولك.
ورد بغضب.. مش هفتح و هصوت وهروح أعمل فيك بلاغ.
مغاوري بسخرية.. بلاغ يومين وهتمسكيهم وهرجع ليكي تاني مش أول مرة أدخل الحبس أنا.
ورد.. امشي أحسنلك والا.
مغاوري بسخرية.. والا إيه يا بت الخياطة؟
ورد طلعت على السطح بتاعهم وبدأت تصوت.. الحقوووووني يا خلق الحقووووني جاي يتهجم عليا وأنا لوحدي الحقوووني.
الناس اتلمت بس كانوا واقفين بعيد عنه وخايفين منه وهو واقف بيبص ليهم بغضب.. كان في شاب صغير في السن واقف فيهم سابهم وطلع يجري على بيت العزايزي.
قابل الغفير بتاعهم والشاب كان بينهج من كتر الجري.. عاوز جاسر بيه.
الغفير.. مالك يا ولدي خد نفسك الأول.
الشاب.. مش وقته عاوز أقابل جاسر بيه بسرعة مسألة حياة أو موت.
الغفير.. تعال معايا... ودخلوا جوه.
ــــــــــ
عند مراد
جليلة.. عروسة مراد موجودة.. وتبقي شربات بنت عمه.
مراد بزهق.. إنتم ما بتزهقوش أنا نفسي زهقت إنتم ملبسنها ليا وخلاص اعملوا حسابكم إني مش هتجوزهاا وخلصت الحكاية.
جليلة بغضب.. بتقول إيه يا مراد البت مكتوبة على اسمك من زمان.. معروفة مراد لشربات.
مازن.. مرات عمي على ما أذن شربات دي لفت علينا واحد إذا أنا ولا مراد ولا كايا الله يرحمه ولا عمر كدا كتير بصراحة.
شوق كانت واقفة وبتبص بتركيز بتحاول تفهم في إيه؟
جليلة كانت هتتكلم بس الغفير دخل وهو خايف.. يا جاسر بيه.
جاسر.. باستغراب.. في إيه يا ولد؟
الغفير.. تعال يا حازم يا ولدي قول ليه؟
حازم بخوف.. مغاوري يا كبير.
كايا قام وقف بخوف على ورد.. لأنه عارف إن قدام في مغاوري يبقي في ورد.
جاسر.. بغضب.. مال زفت البرك؟
حازم.. واقف عند بيت الست ثنية الخياطة وعاوز يدخل البيت بالعافية وبنتها بس لوحدها هناك والبنت عاملة تصوت والبلد كلها خايفة تقرب منه.
جاسر بغضب.. الواد ده عدى الحدود كلها.
مراد بغضب.. ده عاوز يتربى من جديد.
كايا بهمس.. وبخوف.. ورد.
مراد.. مازن خليك هنا أنت وعمر وأنا هروح أشوف في إيه؟
كايا.. وأنا كمان هاجي معاك.
مراد بصله.. وكايا حمحم.. عشان أنت تعبان يعني وأكون معاك لو حصل حاجة.
عمر.. مراد كمال معاه حق وأنا كمان هاجي معاك.
شوق.. وأنا خدوني أتفرج.
عمر بقلة حيلة.. بتموتي في الخناقات.
كايا بغضب.. إنتم لسه هتتكلموا البنت محتاجانا هناك.
مراد.. معاك حق يلا.
كايا في سره.. ما تخافيش مش هسيبه يلمس شعرة منك.
جليلة بخوف.. استر يارب على ولادي.
هند باستغراب.. شادين الهمة ورايحين على فين العيال دي؟
جليلة بخوف.. الجدع اللي اسمه مغاوري الشبح ده بيتهجم على دار الخياطة والبت لوحدها هناك و طلعت تصوت وجه واحد وعرفنا ومراد وعمر وكايا راحوا يشوفوا في إيه؟ ربنا يسترها.
هند بخوف.. في سرها.. يا لهوي ورد ومراد يارب لا غبي يا مغاوري غبي مكنش لازم أعتمد عليك.
ــــ،،،
عند مايا.
دخلت المطبخ لقت حسناء فعلاً لايصة وحسناء أول ما شافتها اتكلمت بغيظ.. أهلا ست الحسن لسه فاكرة تيجي أنا لايصة من الصبح وإنتي لسه جاية.
مايا كان باين عليها الزعل.
حسناء راحت عندها وضربتها في كتفها بخفة.. مالك يا بت أكنك مضروبة علقة موت كدا.
مايا بحزن.. مفيش هقولك بعدين.
حسناء بغيظ.. لو كانت العقربة هند قالتلك حاجة هخرج أغزها.. وكانت خارجة تتخانق مع هند بس مايا مسكتها من إيديها.
مايا.. اهدي مش هند وإنتي عارفة لو هند هعمل فيها إيه أصلاً بعد العلقة بتاعت امبارح معتقدش إنها هتقرب مننا تاني بس اللي مضايقني مراد متجاهلني و غير إن طنط جليلة مش حابة وجودي أصلاً في البيت.
حسناء.. باستغراب.. متجاهلك ليه ابن الورمة ده؟ هو الواد ده بحالات.. أنا كنت عارفة إنه ملبوس بس ده عدى المراحل.
مايا بدموع .. المرة دي مراد اتفجر فيا أنا بس كنت عاوزة أعرف الحقيقة مكنش قصدي إني أشكك فيه أو أجرحه أو زي ما هو مفكر إني أجرح كرامته بس أنا اللي حصل معايا مش شوية يا حسناء.
حسناء حضنتها.. اهدي بس ده سوء تفاهم وبعدين مراد بيحبك مش هيقدر يكمل تجاهلك سيبيه وهو هيروق لوحده إنتي هتجددي على مراد يعني لا مش أول مرة نعرف مراد وعفاريته وأنا لما يجي ابن الورمة ده هاخدلك حقك منه أشطا.. روقي بقا.
دخلت بنت وكان باين عليها الغرور وأول لما شافت حسناء بصلتها بغرور وحسناء جابتها من فوق لتحت بقرف.
البنت.. وهي بتشاور لمايا.. إنتي يا بتاعة إنتي اعملي عصير.
مايا مسحت دموعها وبصتلها برفع حاجب.. بتاعة.
البنت.. أيوة بتاعة أمال مفكرة نفسك مين يعني مش إنتي واحدة من الخدم هنا.
مايا بزهق وغضب.. احترمي نفسك واتكلمي بأسلوب كويس عشان والله هتطلع فيكي اللي فيا.
حسناء بقرف.. اتظبطي يا شربات إنتي عشان مش أنا اللي أظبطك.
البنت.. اسمي شربات مش شركات يا مرات ابن عمي.. يا بت البندر.
حسناء باستفزاز.. صح يا شربات أنا مرات مازن اللي ساب وبنات العيلة يبوروا ويقعدوا كدا يلفوا على الشباب بتوع العيلة كلهم واحد وميرضوش بيهم وجالي وقالي شوبك لوبيك تتجوزيني يا حسناء.
حسناء كانت بتكيدها وكانت قصدها عليها.
شوق كانت واقفة وراهم وصقفت بإعجاب لحسناء.. وصفرت.. برافو جوون وفي نص المرمي 😂.
شربات بغيظ.. إنتي مين إنتي كمان؟
شوق بغرور.. أنا أبقي الدكتورة شوق اللي بتشرف على حالة عمو جاسر.
شربات بغرور وقرف.. يعني شغالة عندنا.
شوق وهي بتشمر كمها وبتبص لشربات بغيظ.. ولسه هتهجم عليها تضربها.. إيه ده عندكم فين هو إنتي من أهل البيت ده ولا إيه؟
حسناء.. لا بنت ابن عمهم يعني ملهاش علاقة بالبيت ده اضربيها.
شوق.. والله حتى لو بنت عمو جاسر نفسها لأعضها.. ومسكت شربات من دراعها ونزلت فيها عض وشربات فضلت تصوت.
هند باستغراب.. في إيه؟
جليلة.. ده صوت شربات.
جاسر ببرود.. شكلها حسناء كلتها ولا حاجة.
جليلة.. يا برودك يا أخي دي بنت أخوك.
جاسر.. تصحيح بنت ابن عمي مش بنت أخويا وبعدين هي اللي تلاقيها عملت حاجة فيهم... أصلهم مش هيضربوها من الباب للطاق كدا.. سيبك منها.
جليلة سكتت......
وهند.. بغيظ.. الواد مازن ده مش خابرة جايب البت دي منين بتاكل في الكل.
ــــــــــ
عند مراد وصلوا وكايا كان أول واحد نازل من العربية.
لقوا مغاوري واقف وفاتح مطوة للناس واللي هيقرب هخلص عليه وورد بتصوت فوق والناس واقفين وخايفين.
كايا بغضب.. إنت محدش هامك ولا إيه شغل السرسجية ده انساه.
عمر كان عيدخل بس مراد مسك إيده ومنعه.
مغاوري بغضب.. وإنت مين يا روح أمك عشان روحك جايباك.
كانت ورد واقفة فوق وشايفة اللي بيحصل..
ورد.. مش ده نفس الجدع بتاع امبارح هو عبيط جاي للأهبل ده مش بعيدة يخلص عليه.. بس دقيقة بتركيز في كلامه وحركاته.. دموعها نزلت ده بيعمل زي ما كايا كان بيعمل.
مغاوري رفع المطوة على كايا وإنه يضربه بيها مراد دخل في الوقت ده ومسكه بإيده السليمة.. وكايا بصله بصدمة.
مراد بغضب.. شغل البلطجة ده ما يتعملش في بلد فيها عيلة العزايزي ولو مفكر إن عيلة العزايزي هيسكتولك تبقي أهبل و فين الرجولة إنك تدخل على بيت مفيش فيه راجل عاوز إيه منها..؟
مغاوري بغضب.. دي خطيبتي.
ورد من فوق.. كداااب مفيش بيني وبينه حاجة والله يا كبير.. ورد نزلت من فوق وفتحت الباب ونزلت في قلب الشارع.. وضربت مغاوري بالقلم وتفت في وشه.
كايا في سره.. بابتسامة.. روزي ومش هتغيري.
مغاوري بغضب.. أه يا بنت 🐕 وكان هيمد إيده عليها بس كايا مسكها بغضب.. هقطعها ليك لو فكرت تمدها عليها إنت فاهم ويلا غور من البلد دي بدل ورب العزة ما هتكون موجود لبكرة يلا مش عاوز أشوف وشك هنا.
مغاوري.. إنت مفكرني هخاف منك يا ده ولا إيه؟ إنت واحد غريب وملكش صالح بينا عشان تتحدث معايا أكيدة.
مراد بغضب.. هو مش غريب ويعمل اللي هو عاوزه ويلا من هنا بدل ما أمشيك على نقالة آخرك في البلد النهاردة وبعد كدا أنا اللي هطلعك منها على نقالة غور في داهية.
مغاوري مشي وكل ده وعمر واقف مصدوم.
كايا.. إنتي كويسة؟
ورد.. الحمدلله شكراً.
مراد.. مفيش شكر على واجب أهم حاجة تكوني بخير.
عمر.. بغضب.. إنتم بجد بلد فيها رجالة كيف لما تشوفوا واحد كيف ده بيهدد في بنت لوحدها من غير ما تدخلوا مفيش فيكم نخوة ولا رجولة فكرتم إن اللي حصل ده مش ممكن يحصل مع بنت من بناتكم وهو واحد كيف ده
زي ما عمل مع بنت الست ثنية هيعملها عادي مع بناتكم بجد ما شاء الله اللي واقفين كلهم حريم في توب الرجالة... يا خسارة يا بلد.
واحد.. ما هو يا دكتور كان فاتح علينا مطوة.
كايا بغضب.. ده إنتم لو كنتم اتلميتوا عليه كنتم قطعتوه بس إزاي الخوف والجبن اللي جواكم هما اللي خلوه يتمادى أكتر وأكتر عشان إيه عشان بتاع مشاكل بكرة ترضوها تتعمل كدا في بناتكم وإنتم مش موجودين في البيت لو ترضوها تبقي مش رجالة.
مراد بغضب برضو.. يا خسارة كنت مفكر إن بلدي كلهم رجالة مش حريم بس الحريم بتاعتهم هي اللي بقت رجالة الحال اتدهور لحد كدا فوقوا اللي زي مغاوري ده كتير قوي افرضوا إنه كان دخل على البنت واتهجم عليها قدامكم محدش كان هيعرف يلحقها منه ما الكل خايف يقرب من واحد زبالة زي ده فين المرجلة اللي اتربينا عليها الكل عاد بيخاف يوم الحق لما تقفوا قدام ربنا هتقولوا ليه إيه خوفنا أصله كان ماسك علينا مطوة هيكون ليكم عين تتحدثوا قدامه وعشان ربنا كبير ومبيرضاش بالظلم والبنت قالت تستنجد بحد بعت شاب صغير زي حازم يقولنا ولا كان زمان البنت حصل لها حاجة.
الناس كانوا واقفين ومنزلين رؤوسهم في الأرض مكنوش عارفين يعملوا إيه ولا عندهم كلام يقولوه هما فعلاً معاهم حق.
مراد.. يلا من هنا كل واحد يروح يشوف عباية من بتوع الحريم يلبسها ويقعد في بيته.
الناس مشت
ورد.. شكراً يا كبير إنكم لحقتوني بجد مكنتش خابرة هطلع من الحوار ده كيف؟
كايا.. البيت هنا خطر عليكم لازم تشوفوا مكان تاني حتى يكون قريب مننا لأنه اللي زي الأشكال دي مش هيسكت وهيرجع تاني.
عمر.. كمال معاه حق ولا إنت إيه رأيك يا مراد..؟
مراد.. لمي حاجاتك إنتي وأمك وتعالوا هتقعدوا عندنا لحد ما الدنيا تهدى وبعدين ابقوا ارجعوا بيتكم تاني وأهو يكون شفت صرفة ليه.
ورد.. بس يا كبير إحنا مش عاوزين نتقل عليكم.
ثنية جات تجري عليهم بخوف.. ورد بنتي جرى ليكي حاجة سمعت إن الزفت ده كان هنا والله يا بنتي جيت جري من خوفي ليكون عملك حاجة فيكي حاجة؟
ورد.. أنا بخير الحمدلله حازم ابن خالتي عواطف راح قال ليهم وجم لحقوني.
كايا.. طنط لازم تيجوا معانا مش هنسيبكم هنا مينفعش نسيبكم هنا ممكن يرجع تاني.
ثنية.. دي مش أول مرة يا ولدي ده جه لينا امبارح بالليل واللي عاوز يدخل وإحنا ولايا لوحدينا.
مراد بغضب.. ابن 🐕 ده طيب ليه ما جيتيش عرفتينا يا خالتي.
ثنية.. يا ولدي اللي فيكم مكفيكم وبعدين سلامتك مال إيدك؟
عمر.. مفيش مراد زي القرد أهو بس المهم دلوقتي إنتم تلموا حاجاتكم وهتيجوا تقعدوا عندنا هو ده المكان الوحيد اللي مغاوري ميقدرش يقرب منه.
ثنية.. بس يا ولدي.
مراد بحنية.. ما بسش وبعدين إنتي خابرة زين كيف المرحوم كان بيحبكم وإن ورد دي كيف أختي بالظبط وهو كان بيقف لمغاوري لما كان بيقرب على ورد هتيجوا معانا حتى عشان خاطره ونريحه في تربته.
ورد دموعها نزلت وكل ده وكايا كان واقف مستغرب.. هو فعلاً مراد ده ولا دي تمثيلية منه.
ثنية.. ماشي يا ولدي.
لموا هدومهم وراحوا معاهم البيت.
في البيت.
مازن كان مش عارف يعمل إيه ولا إيه وكان قلقان عليهم ورايح جاي ومش عارف يعمل إيه وشوق قاعدة على أعصابها عاوزاهم يجوا عشان يحكوا ليها إيه اللي حصل الفضول هيموتها.
مازن.. أنا هروح أشوفهم في إيه وليه اتأخروا أكيدة ربنا يسترها.
شوق.. وأنا هاجي معاك.
وكان لسه رايح لقوهم داخلين ومعاهم ورد وثنية.
قلب هند وقع في رجليها وخوفها إن مراد عرف السر وإنها خلاص مش قادرة وهب ويتبع