﷽
ــــــــــــ
عند الست..
مغاوري بغضب.. ماشي بس اعرفي حاجة إن بنتك مش هتكون لوحدها تاني غيري.. وهقطع رجل أي حد هيقرب عليها.. اللي كان بيحميكم مني خلاص مات وهي هتكون بتاعتي.
وسابها ومشي.
كانت البنت واقفة على باب الأوضة وسامعة صوته وكانت بتعيط بقهر.
أمها شافتها.. وراحت عندها خدتها في حضنها.. بحنية.. متخافيش يا حبيبتي محدش هيقدر يقربلك طول ما أنا عايشة.
البنت بقهر.. إحنا مش قده يا أما الكل عارف هو مين ده واحد رد سجون وغير كدا البلد بتخاف منه يعني محدش هيحلقنا من تحت إيده.
الست بحزن.. محدش هيقربلك يا ضنايا طول ما أنا عايشة هحميكي حتى لو هخسر حياتي.
البنت.. بعد الشر عليكي يا أما مليش غيرك في الدنيا دي كلها.
الست خدتها وراحوا قعدوا.. إنتي صحيح مش بنتي من لحمي ودمي بس إنتي بقيتي حتة من روحي.
البنت بقهر.. أهلي الحقيين رموني في الترعة عشان يخلصوا مني بس ربنا بعتك إنتي وأبويا عشان تلحقوني وينكتب ليا عمر جديد وسطكم.
الست.. إحنا ربنا حرمنا من الخلفة وإن يكون لينا ضنا بس عوضنا بيكي عوض ربنا كبير يا بنتي.
البنت.. حضنتها وفضلت تعيط وفي سرها.. روحت وسبتني ليه لوحدي خليتني ملطشة للكل من بعدك يا قلبي. وقعدت تعيط.
الست.. قومي ننام وسيبيها على ربنا يحلها من عنده.
قاموا وراحوا ناموا.
ــــ
عند هند وصلت البيت وكانت داخلة تتسحب بس اتفاجأت إن مراد بيكلمها...كنتي فين يا مرات أبويا في الوقت ده؟
هند اتصدمت ولفت لقت الكل بيبصلها وحتى جاسر إنه بقى موجود في البيت واللي زاد أكتر دخول مازن يعني هي في موقف ما يتنحسدش عليه.
مراد كان بيبصلها بشك.. سألتك ما تجاوبي يا مرات أبويا؟
هند بتوتر... أنا أنا كنت بشوف أختي.
جاسر بغضب.. وخرجتي من غير إذني.
هند برعب.. لا يا خوي بس هي تعبت خالص وكان لازم أروح أزورها حقك عليا إني مكنتش خابرة إنك هترجع على البيت دلوقت.
مازن بسخرية.. كنتي عاوزة يرجع إمتى يا مرات عمي.
عمر بشك.. وإنتي إيه اللي وسخ هدومك أكيدة يا مرات عمي كأنك واقعة أو في مكان كان فيه تراب كتير..؟
هند كانت الأسئلة كلها نازلة ترف على دماغها ومكنتش عارفة ترد على مين فيهم.
اتصنعت الصعبانية.. وراحت عند جاسر وخدته في حضنها.. شوفت ولدك بيقول إيه بيسألني وإنت لسه عايش حتى مهتمش إنك موجود.. محدش أهنا ليه الحق إنه يسألني غير راجلي جوزي حبيبي كبيركم وكبير البلد.
واتصنعت العياط.. مراد بصلها بسخرية واتأكد إنها وراها بلوة بتحضر لها عشان اللي عملته ده ماخلش عليه.
جاسر.. بغضب.. معاكي حق يا هند أنا لسه الكبير وبسألك كنتي فين وإيه وسخ هدومك أكيدة؟
هند اتلجمت ومراد بصلها بشماتة وابتسامة سخرية.
مازن بسخرية.. ما تجاوبي الكبير يا مرات عمي؟
هند.. بغيظ منهم.. وقعدت وأنا جاية في الطريق.
عمر.. ليه خرجتي من غير عربية كيف والموضوع يستدعي إنك تخرجي بسرعة أوي كدا من غير ما تاخدي السواق وفي نص الليل وبعدين بتقولي أختك عيانة تعالي يا مرات عمي أكشف عليها ولا مرنتيش عليا ليه وخربتيني وأنا كنت جيت ليكم أو حتى بعت ليكم دكتور.
كايا وبلال خدوا نفسهم براحة وفضلوا واقفين وهما شايفين إن هند خلاص اتكشفت.
كايا في سره..بشماتة.. خلاص وقعتي يا هند ومحدش سمي عليكي تستاهلي اللي إنتي عملتيه إنتي خربتي بيتنا وقهرتي أمي سنين طويلة دوقي بقا من اللي إنتي عملتيه.
هند بعياط.. مانا كنت هعمل أكيدة بس لقيت ولدها كان جاب دكتور وأنا من الخضة عليها روحت جري لها إنت خابر يا بو مراد إن مليش غير أختي دي وإنها بتتعب وأنا أعمل أي حاجة في الدنيا ولا يجري لها حاجة واصل.
محدش كان خايل عليه الحكاية دي بس جاسر.. خلاص اسكتي واطلعي غيري هدومك ويلا يا ولد إنت وهو طلعوني عشان أرتاح وإنت يا مراد شوف ضيوفك واكرمهم يا ولدي.
مراد.. حاضر.
عمر ومازن خدوا جاسر وطلعوا عشان يرتاح في أوضته.
مايا.. أنا هروح أكلم المستشفى أطمن على ماما مراد رن على مايا كلمها كانت خايفة عليكي.
مراد.. مايا مين؟
مايا باستغراب.. مايا بنتك إنت نسيتها.
مراد.. بتذكر.. آه معلش المشاكل كتيرة راحت عن بالي.
مايا.. أوك.. وراحت تكلم أمها.
على الأكل كانوا قاعدين الكل ما عادا هند وجاسر وجليلة.
عمر.. إيه رأيكم نعمل حفلة على القد أكيدة بمناسبة رجوع عمي ومراد وتجمعنا من تاني.
مراد كانت عيونه على كايا.. وماله.
مازن.. فكرة حلوة إيه رأيكم نعملها بكرة.
مراد.. معنديش مانع.
عمر.. خلاص أنا هرتب كل حاجة ومازن اتفق مع الناس إنهم هيشتغلوا بكرة تمام على المغرب عاوزين كل حاجة جاهزة والبنات بتعرفوا تتطبخوا ولا هتعكوا الدنيا.. أنا فاكر مايا مرة عملت لينا صينية كيكة من غير شكولاتة بقت هي والشكولاتة واحد حرقتها 🤣.
مايا بغيظ.. اتلم يا عمر.. وحدفته بالمعلقة.
عمر.. بصدمة.. يا بنت المجانين.
حسناء.. بضحك.. ناوية تعملي له عاهة مستديمة طيب سيبيه يتجوز الأول وبعدين اعملي.
عمر بتصنع الحزن.. آه ياني زهقت من حضن المخدة عاوز مزة بقا يارب اوعدني بأمزة حلوة كدا.
مازن بخبث.. شكلك إنت وأحدهم هتقعوا في بعض.
كايا بسرعة.. أحدهم مين؟
مراد بغيرة.. مازن هقطعك كدا لو متلمتش إنت وهو هي مش بتاعت حد غيري.
مازن بضحك.. وأنا مالي يا لمبي الواد عاوز يتجوز وهي مش عاوزة تتجوزك بقا هيفضلوا كدا وهما عاملين زي ناقر ونقير زي الفراخ ما بيتجمعوش في مكان غير لما يكونوا هيولعوا في بعض فيه هه.
مايا بخبث.. تصدق صح يا مازن موري حلو هفكر في الموضوع ده.
عمر بضحك.. شكلكم عاوزني أموت بدري 😂.
مراد بغيرة.. مفيش منه الكلام ده أنا أخلص عليه وأرميه للكلاب 😒.
كايا.. شكلك مش أول مرة تخلص على حد بسببها.
مراد رفع عينه ليه ورفع حاجبه.. أنا عشانها أحرق الأخضر واليابس.
كايا.. بخبث.. شكلك بتحبها أوي؟
مراد.. بنفس النظرات بتاعت كايا.. اللي يحط عينه عليها مستعد أقلعهم له.
مازن لقى الدنيا هتشيط بينهم.. اهدوا يا جدعان صلوا على النبي كدا.
الكل.. عليه أفضل الصلاة والسلام.
مازن مسك فونه وبعت رسالة لمراد.. هدي اللعب شوية.
حسناء.. كمال مالك قاعد مبتاكلش ليه؟
بلال.. أنهي كمال فين؟
حسناء.. نسيت صح إنكم إنتوا الاتنين بنفس الاسم إنت واحد وهو اتنين 😂.. بس قصدي على كمال بتاعنا مش البحيري.
كايا.. مانا باكل أهو.
مازن قسم البطة واداه حتة.. كل يا بني اعتبر البيت بيتك.
كايا..لا لا أنا ماباكلش البط مابحبوش.
مراد.. مسك طبقه وداه لمازن.. مازن هات طبق كمال واديه ده.
كايا بصله.. وافتكر زمان لما كانت أمه بتعمل بط وتجبره ياكله وهو بيتعب وكان مراد بيبدل الطباق كدا عشان يعرف ياكل لأن مراد برضو ما بياكلش البط.
مازن باستغراب.. بس إنت ما بتاكلش البط؟
مراد.. مش ليا نفس أكل اديه يا عم هو جاي من سفر طويل.
مازن.. تمام وخده منه.
بعد الأكل.
مراد خدهم على أوضهم عشان يعرفوا يناموا.
وراح أوضته.
عند كايا وبلال.
بلال.. إنت كنت هتكشفنا انهارده؟
كايا.. مكنتش أعرف إن ده هيحصل وأهي عدت على خير اهدا.
بلال بخوف.. أنا خايف من مراد ليكون كشفنا.
كايا.. معتقدش إن مراد يكون كشفنا عشان لو كشفنا فعلاً كان زمانا عند ربنا.
بلال.. قلبي مش مستريح أبداً.
كايا.. بلاش خوف إحنا لسه في الأول بلاش تحسهم إنك خايف عشان إنت بكدا هتكشفنا.
بلال.. ربنا يسترها.. أنا هدخل الحمام عشان أجاي أنام عشان تعبت من السفر.
كايا.. تمام.
بلال خرج ونام جنبه.
كايا فضل طول الليل يفكر وافتكر حد وابتسم وقام من جانب بلال واتسحب لحد ما خرج بره البيت كله.
كانت في عيون بتراقبه وأنيابه باينة.
عند هند
راحت عشان تلعب على جاسر وتشيل الشك من دماغه بس اتصدمت و... يتبع.