﷽
ـ،،،، ـــــــ
عمر دخل بجاسر ومازن راح ليه جري واخده بالحضن جاسر خده في حضنه..
مازن بفرحة.. وحشتني قوي يا أبوي.
جاسر.. بحنية.. وانت أكتر يا ولدي كيفك وكيف أحوالك.
مراد كان ورا وبيبص عليهم بابتسامة.
مايا قربت منه ورفعت نفسها عشان تبقى من طوله وهمست في ودانه.. واقف زي الصنم كدا ليه ما تروح تسلم على أبوك.. وبعدين خدت بالها من عمر.. انا شوفت المز ده فين قبل كدا؟
مراد بغيرة لف لها وشه.. مين؟
مايا وهي لسه باصة على عمر.. الدكتور اللي واقف هناك ده حاسة اني شوفته قبل كدا بس فين مش فاكرة.
حسناء راحت سلمت على جاسر.. حمدلله على السلامة يا عمو.
جاسر ابتسم ليها.. مين الصبية الحلوة دي؟
مازن بغيرة واخد حسناء من دراعها في ايده.. مراتي يا عمي وابعد عينك عنيها انت مش مقضيك جليلة وهند عاوز تضم حسناء للفريق ولا ايه؟
الكل ضحكوا على غيرة مازن.. وجاسر استفزه أكتر.. ياخسارة كنت هتجوزها وبعدين يا ولد اني لسه شباب.
مازن بغيظ.. شباب ايه انت ناوي تجيب ضرة تالتة ليهم يا عمي جوز الواد اللي بار جانبك ده وبعدين طلق هند وخد جليلة واطلعوا اعملوا عمرة يمكن تقبلوا وجه كريم وانتم هناك قال حاطط عينه على مراتي.
عمر بضحك.. ياه عشت وشوفت مازن بيغير عملتي فيه ايه؟
حسناء بضحك.. برئ يا بيه معملتش فيه حاجة انا واخداه كدا.
جاسر بضحك.. ربنا يخليكم لبعض وتعمروها عيال.
جاسر..بقلق.. مراد واقف بعيد ليه وبعدين ايه اللي في ايدك وراسك ده يا ولد؟
مازن راح سِند مراد وجابه لحد أبوه..
مراد نزل بصعوبة وقعد قدام رجل أبوه.. ومسك ايده وباسها بحب.. مفيش يا بوي مازن كان بيهزر معايا وحدفني من على السلم.
مازن فتح بقه بصدمة.. وحسناء همست ليه.. بلوة لبساك يا سطا.
جاسر بغضب.. أكيد تعور أخوك يا مازن حد بيهزر أكيد.
مازن وهو بيلعن مراد.. كنت بهزر معاه يا عمي وبعدين ابنك زي القرد اهو محصلش ليه حاجة.. جه بفايدة تلغيغ جليلة فيه.. كيف الدكر البط هه.
مراد بغيظ.. يعني كانت بتلغ فيا لوحدي ومرات عمي الله يرحمها مكنتش بتلغغ فيك انت كمان والتور ده برضو امه كل ما تشوفه تلغغ فيه يعني مش لوحدي يا تور منك ليه.
جاسر.. هه امال جليلة وهند فين؟
مراد.. امي طلعت ترتاح وهند يمكن رايحة في داهية يارب الله أعلم.
جاسر.. خابر انك بتكره هند بس ما تنساش انها مرات أبوك.
مراد نفخ بضيق.
عمر.. عمي اني هروح اجيب باقي العلاج ده من الصيدلية.
مازن.. هات الروشتة اني هروح اجيبها خليك جانب عمي عشان لو قدر الله حصل حاجة تبقى موجود.
عمر.. اوك خد اهي.. ولو ملقتش النوع ده اني كاتب ليك البديل بتاعه ورا.
مازن.. تمام.
اخد الروشتة وخرج مازن وهو خارج لقى كايا وبلال بره.
مازن.. بغضب ومسك بلال من هدومه.. انت بتعمل ايه هنا؟
بلال مكنش فاهم حاجة وليه مازن ماسك في هدومه كدا.. في ايه عملت ايه؟
كايا حاش مازن عنه.. في ايه يا مازن؟
مازن..بتساؤل.. كمال ايه جاب كمال البحيري هنا وازاي جه؟
كايا بلع ريقه بصعوبة ونسي ان بلال قدامهم هو كمال البحيري من عمايله بالانتقام غلط الغلطة دي.. ها.
بلال بصله.. يعني اتصرف.
كايا.. بسرعة وتوتر.. هو اه كان جاي الشركة عند مايا وانا استقبلته وكدا ولما عرفت ان مراد عمل الحادثة
الراجل كتر خيره حب يطمن عليه وجه معايا.
مازن بصله بشك ورفع حاجب... وانتم ايه عارفكم بالحادثة؟ وبيعمل ايه في الشركة؟ ايه عاوز تسرق تصميم جديدة؟
خلص كلامه بسخرية.
بلال بتوتر.. لا طبعاً بس كنت جاي اعتذر من الانسة مايا على طريقتي معاها في الحفلة بتاعت المسابقة كنت وقح معاها اوي.
مازن مش مصدقهم الاتنين ولسه علامات الشك على وشه.
كايا بسرعة.. هو مراد كويس؟
سأل أول سؤال جه على باله عشان يخرج الشك من دماغ مازن.
مازن نادى على حد.. يا نبيل دخلهم جوة لحد ما ارجع.
نبيل اخدهم ودخلوا وكل ده ومازن واقف بيبص عليهم بشك الاتنين.
خبط على الباب وفتحوا ليه ودخلوا.
كايا أول ما رجليه دخلت البيت شريط حياته في البيت مع اخواته وضحكه وكل حاجة كانت بتمشي قدام عينه كان الحنين ليهم وان الذكريات كلها متجمعة مع بعضها.
جاسر..بغموض.. اني واخد بالي من حد واقف ورا مراد كأني شوفتك قبل سابق.
الكل لفوا وشهم ناحيتها وهي كانت واقفة بتفرك في ايدها من التوتر..
مراد مد ايده ليها عشان يطمنها.. تعالي واقفة بعيد ليه؟
جاسر.. قربي يا بتي شكلك مكسوفة.
مراد قام براحة وراح لعندها ومسك ايدها وبصلها بابتسامة هادية.. تعالي ما تخافيش اني جانبك.
مايا قربت معاه لعند جاسر وبتوتر.. حمد لله على السلامة يا عمو.
جاسر بابتسامة.. الله يسلمك يا بتي واقفة بعيد ليه؟
مايا بتوتر.. انتم أهل في بعضكم وانا واحدة غريبة بينكم.
مراد بحب.. انتي مش غريبة انتي مننا وهتفضلي جزء مني حتى لو الدنيا كلها وقفت قدامنا مش هسيب ايدك وهحارب الدنيا كلها عشانك يا مايا.
جاسر باستغراب.. مايا.
عمر بصدمة.. احيه.
مايا خافت من جاسر واستخبت ورا مراد مراد كان واقف في النص بينها وبين أبوه وكانت علامات التحدي على وشه وانه فعلاً موافق انه يخسر أهله عشانها.
مراد بعند.. ايون مايا.
جاسر باسترجاع الذاكرة.. مايا دي بنت البندر صح يا مراد.
علامات الغضب اترسمت على وش جاسر.
مراد بقوة.. صح لو انتم مش موافقين عليها انسوا ان ليكم ولد اسمه مراد.
جاسر بغضب.. دي اللي رمتك في الحبس من غير ما تفهم حتى.. وبعد ده كله لسه عاوزها.
مراد بعند وقوة.. ايون عاوزها ولآخر نفس فيا عاوزها وهاخدها حتى لو هموت على ايديها هاخدها يعني هاخدها.
عمر بيحاول يسيطر على الوضع.. اهدي يا عمي وانت يا مراد وبعدين مايا بنت حلال ووقفت جانبه كتير يا عمي ما تنساش ده هي غلطت صحيح وقتها بس هي كل اللي كانت عاوزاه ان حق كايا ما يضيعش حتى لو كان المجرم زي ما كانت مفكرة مراد ده تصرف اي حد مكانها لو انت مكانها كنت هتعمل كدا يا عمي او مراد او انا او مازن نفسه.. كان بيتكلم بهدوء.
حسناء.. بهدوء.. عمو والله مايا اتعذبت كتير وحط نفسك مكانها لما تلاقي جوزها بيتجوز أختها وبيرميها هي وبيرمي عليها يمين الطلاق هي كان هدفها في ده كله انها تحقق العدالة وبس.
عمر.. بهدوء.. طول عمرك يا عمي معروف بالعدل حرام تتعاقب تاني وهي اتعاقبت كتير مراد وهي الاتنين اتعاقبوا خلاص نفتح صفحة جديدة مع بعض أحسن من الخلاف.
الخدمة.. مراد بيه في اتنين جايين ليك بره.
مراد.. دخليهم.
الخدمة دخلتهم وهنا الصدمة وقعت على الكل.
مايا بصدمة... كمال البحيري.... ويتبع.