بقلم نور ربيع
الحمد لله 💚
رحيم دخل الحمام لاقي ريتال واقعه في الارض وسنده بضهرها على الحيطه وقاعده بتبكي بصامت تام
رحيم هنا ، اتخض عليها جامد واتصدم من حالتها
رحيم: ريتاااال ريتال مالك __ ونزل في مستواها وحاوط وشها ما بين ايديه وبقى يمسح في وشها من الدموع اللي ماليه وشها
رحيم بخضه عليها: مالك يا ريتال
ريتال ردي عليا.؟ __
وكانت ساكته تماما ما فيش اي كلام منها ولا رد فعل
حملها رحيم وخرج بيها من الحمام على الغرفه ورقدها على السرير
وقاعد قصادها ومسك ايدها بحنان
رحيم بحزن من نفسه: ردي عليا يا ريتال
ريتال __
رحيم: يا ريتال
ريتال __
رحيم بحزن: حقك عليا يا حبيبت قلبي حقك عليا ، علي قسوتي دي انا عارف اني قاسي وانك ما تستاهلنيش بس والله العظيم ما عاوزك تروحي الانسان القذر ده نهائي علي كده
ـــــــــــــــــــــــــــــــــــــــــــــــــــــــ
في شقه رزان
ام رزان بغضب: في اي يا رزان مالك اي اللي كل شويه مشاكل مشاكل عامل ليكي اي يوسف عاوزه افهم هااا
رزان بعصبيه وحزن: ماما مش عاوزه يوسف وخلاص رني عليه قوليله يجي ياخد دبلته وحاجته عشان هننهي كل حاجه النهارده و حالا
امها بغضب: ليه ليه يا بنتي عامل ليكي اي يوسف دا يوسف مفيش منه أبداً
دارت ضهرها بتجاهل ليها وربعت ايديها وقالت بكل غرور
رزان: اللي خلق ده ما خلقش غيره يا ماما _ كملت بدموع وحزن: احنا مش متفقين مش متفقين يا ماما هو عايز حاجه وانا عاوزه حاجه تانيه خالص خلاص يبقي ننهيها قبل ما نتدبس في بعض ونندم بعض كده
امها بحزن وزعيق فيها: انتي فعلاً هتندمي هتندمي كتير انك عملتي كده و يا خساره يوسف انك سبتي وخسرتي يا بنتي بكره تجي تعيطي و تقولي يا ماما ياريت ما سبت يوسف حب عمري خلي غرورك ينفعك يا بنت بطني وربنا هيعوضه بواحده احسن منك وانضف منك كمان وهو يستاهلها وهي تستاهله كمان بس هتيجي هتعيطي وقتها وهتقولي يا ماما يا ريت يرجع ليا يا ريت وهتشوفي يا ست رزان
بصتلها بغضب وعياط: ماما انا بنتك مش هو اللي ابنك علي فكره المفروض تبقي معايا مش ضدي. اساسا وهو اصلا اللي مغرور ومتكبر مش انا عايز كل حاجه بمزاجه
امها بغضب فيها: هو الراجل مش انتي يا حيوانه
رزان بنرفز وصرخه: مااامااا كفاااايه كفاااايه بقاا وانا مش عايزه ومش هتجوز غصب عنكم كلكم
امها زقتها بغضب: اخص عليكي و علي تربيتك __ وسابتها وراحت دخلت الغرفه وهي قلبها غضبان عليها وزعلانه بسبب تصرفاتها دي كلها اللي من دماغها
وقفت رزان وبقت تبكي ، وغرورها وكبريائها مش مخليها انها تطلع نفسها غلطانه ابدا
( صوتك اللي انتي بتعليه على مامتك وباباكي ده متشليكي عند ربنا وهيترد ليكي وهتلاقي عيالك بيردوا ليكي فيما بعد كما تدين تدان يا غاليه ارجعي عن اللي انتي فيه ورجعي نفسك قولي لنفسك كفايه من هنا وكفايه عشان الام دي جنه وادي اللي انتي هتدخلي بسببها الجنه الدنيا دواره هتلف هتلف وهيترد ليكي كل ده مهما كنتي متعصبه وغضبانه استعيذي من الشيطان وابعدي عنها في وقت اللي انتوا غضبانين فيه عشان ما يحصلش حاجه تندمو عليها في وقت شيطان هو حضر فيها)
ــــــــــــــــــــــــــــــــــــــــــــــــــــــــ
في منزل يوسف
والده يوسف بحزن: اي اللي حصل طيب لكل ده
يوسف راح على الدولاب بتاعه بقى يطلع كل هدومه ويحطها في الشنطه وهو قلبه مليان حزن وغضب
يوسف: روحي اسالي رزان هانم هي هتقولك
والدته بهدوء : فهمني بس فهمني ايه اللي حصل و مالكم اي اللي حصل يا يوسف
بصلها يوسف بحزن شديد: امي بالله عليكي اقفلي علي الموضوع ده وسيره البنت دي تقفلي عليها على كده وما تجيبيش سيرتها قدامي ولا حتي في البيت ده ابدا من بعد النهارده
ولدته بحزن: ولا حول ولا قوة الا بالله
اهدي يا يوسف طيب و الفرح والاتفاقات والعزومات بتاع الناس والقاعه وكتب الكتاب اللي كان هيتكتب خلاص الاسبوع ده كل ده خلاص يا بني راح علي كده
يوسف حدف غرض من الاغراض بتاعته في شنطة
و راح قاعد وهو حزين جدا جواه و مصدوم انه خلاص علاقته انتهت بــ رزان للابد
خلع الدبله من ايده وحطها على الكوميدينه
يوسف بحزن مالي قلبه: خلاص انتهت انتهت علشان الست رزان ترتاح _ كمل بغضب وصوت عالي: دي مش بتاع عمار دي بتاع خراب اقسم بالله
قعدت جنبه بحزن امه و حطت ايدها علي كتفه وقالت بوسيه
والدته: معلش يا بني معلش قدر الله ماشاء فعل ربنا يعوضك بالاحسن منها يا حبيبي دا خير ليك والله رب الخير لا ياتي الا بالخير
رضا بنصيبك اللي ربنا كاتبه ليك. وما تعترضش ابدا
يوسف بتنهيده حزينه جدا: ونعمه بالله وانا رضي باللي مكتوب ليا وهي ما تستاهلش فعلا اتحملتها كتير بس لحد كده وطفح الكل
ـــــــــــــــــــــــــــــــــــــــــــــــــــــــــ
في منزل احمد
في جنينه المنزل خديجه خرجت من البيت وراحت قعدت على الكرسي اللي في الجنينه ...
وفضلت ترن على ايشان لقيت الفون اتقفل
خديجه: طارت خلاص الطياره _ و اتنهدت و فتحت الواتس اب لقيت رساله منه
خديجه: ايشان بعت رساله من ساعه ازاي ما شوفت رساله دي ياربي عليا
وكانت رساله فيها: صباح الخير والسعادة عليكي يا قمر الساعه كمان وطير في السماء اكيد لما تصحي باذن الله هتلاقي التليفون مقفول فبلاش تقلقي عليا لان تلفون هيتقفل اول ما اطلع
خديجه بابتسامة حب: ربنا معاك يا اغلى حاجه بقت في حياتي
و قامت دخلت غرفتها علشان تذاكر لان الاجازه خلصت دراستها بدات و دي اخر السنه ليها في كليتها
ــــــــــــــــــــــــــــــــــــــــــــــــــــــــــ
في شقه أمنه
وعد كانت قاعده عندها في شقتها
أمنه بقلق عليها: مالك يا وعد
وعد بصتلها بدموع: أمنه انا مخنوقه اوي
أمنه: من اي يا حبيبتي مالك احكيلي
فتحت في العياط وعد وبقت تعيط جامد
أمنه بعدم فهم من حالتها: ولا حول ولا قوه الا بالله مالك بس استهدي بالله بتعيطي ليه دلوقتي ليه العياط ده كله بس يا وعد احكيلي مالك
وعد بعياط شديد: ياسين ياسين يا وعد بعد العشره اللي ما بينا دي كلها عايز يتجوز عليا علشان خاطر الخلفه
أمنه بصدمه: يتجوز يتجوز ايه، انتي عارفه انتي بتقولي ايه يا وعد
وعد بعياط: والله العظيم زي ما بقولك كده امبارح بالليل اتخانق معايا وقالي انا هتجوز عليكي
أمنه بدهشه من تصرفاته: هو تجنن ولا ايه جواز ايه اللي عايز يتجوزه ده
وعد بعصبيه وعياط: اه تجنن تجنن علي الاخر كمان ، وزادت في العياط اكتر وجواها حزين جدا منه
أمنه اخدتها في حضنها بحنان وبتهدي فيها
أمنه بحزن عليها: طيب استهدي بالله يا حبيبتي اهدي بلاش تعملي في نفسك كده. والله يمكن بيقولك كده يا وعد تقومي انتي تاخدي على كلامه
وعد بعياط وحزن: لا والله عارفه انه مش بيقولي كده دي حقيقه مش بايدي برضو اني اخلف بس هو اللي مش عايز يصبر علي ابتلاء ربنا لينا
أمنه: ولا حول ولا قوة الا بالله العلي العظيم ربنا يهديه ربنا يهديه انا هتكلم معاه انا و رامي بس انتي اهدي
ــــــــــــــــــــــــــــــــــــــــــــــــــــــــ
في شقه رحيم
رحيم بحنان: ريتال ردي عليا اتكلمي معايا
ريتال زقت ايده رحيم بعيد عنها وعيطت بصوت
رحيم اخدها في حضنه بحنان: حقك عليا يا عمري صدقيني انا خوفت عليكي قلقت اوي واتخضيت لما ما لقيتكيش في شقه
ريتال بعياط شديد وعتاب: ليه كده يا رحيم ليه بتعمل معايا كده
رحيم بندم: حقك عليا يا ست البنات انا بحبك زياره عن عن اللزوم يمكن بسبب حبي ليكي الزايد ده هو اللي بيخليني اعمل كده
ريتال بعياط وزعيق: ده حب ده اللي بيحب مش بيعمل كده في اللي بيحبه
رحيم: عندك حق مش هتتعاد تاني سامحيني
ريتال بعياط وحزن: لا مش مسامحاك والله
رحيم مسح دموعها بحنان: خلاص بقا حقك عليا وبعدين انا مش عاوزك تروحي عند الراجل الجاحد ابدا دا ما يستاهلكيش يا ريتال
ريتال افتكرت لما راحت عنده واقسى عليها ومشاها .. عيطت اكتر وحزنت
رحيم بعتاب فيها: انا اللي من حقي اعاتبك مش انتي اللي من حقك تعاتبيني لاني انا اللي خايف عليكي منه مش عايزك تروحي لي نهائي لاني عارف قلبه الاسود وقسوته عليكي مش عايزك تنسي هو عمل فيكي ايه ابدا كل ما يوحشك. تقولي لا هو ما يستاهلنيش ابدا
ريتال عيطت بشهاقه: و و والله العظيم كنت قلقانه عليه اوي بس الاحلام اللي بتجي ليا عنه كنت خايفه عليه و و كمان هو وحشني اوي وانا غلطانه اني راحت لي
رحيم بحزن: انسي. يا ريتال انسي على كده ما تفكريش فيه لان هو اللي خسرك من زمان
رفع ايديه وبقي يمسح وشها من الدموع بحنان عليها وقال بحب
رحيم: اي رايك اخدك و نروح انهارده عند ام سيف اهو حتى اطمن على الواد سيف
ريتال بحزن منه: بس علشان انا زعلانه منك علي فكره مش ناسيه ضربك ليا بتاع امبارح
باس راسها بندم جواه وقال: حقك عليا والله العظيم ما اعيدها تاني انتي حته من قلبي يا ريتال و عاوزك تبطلي تعملي كل حاجه بــ مزاجك تمام اسمعي الكلام بقى وبلاش تنطش فيا
ريتال بطاعه: حاضر
رحيم بحب: قلبي دي اللي بحبها اللي بتسمع الكلام يلا قومي بقى خدي دش كده وتوضي بنيه الصلاه وتعالي عشان نصلي انا وانتي صلاة ضحي
ريتال بكسل: لا لا مش عاوزه والله
رحيم بزعل وعتاب: ليه ليه يا ريتال مالو الصلاة بس انتي احمدي ربنا ان ربنا اداكي واحد بيصلي وقريب من ربنا كان ممكن ربنا يبتليك بــ واحد.بعيد عن ربنا خالص و كل حياته معصيه ومعذبك في دنيتك انا عاوزك تصلي و تقربي من ربنا يلا خليكي شاطره
ريتال بحزن: مش عارفه مش مش بقدر اصلي ليه و ليه بكسل كده والله
رحيم شد ايدها وقام: انتي من النوعيه اللي بعيده عن ربنا خالص وانا غصب عنك هخليكي تتمسكي بدينك وبصلاتك
يا ريتال قامت معاه بتعب: يا ريت يا ريت والله نفسي
( والله يا جماعه المسلم اللي سايب صلاته ده يعتبر كافر ودي من اكبر الكبائر انك تترك الصلاه يا ريت كل واحد بيكسل عن الصلاه يطلع الشيطان اللي جواه ده ويبطل كسل ويقرب من ربنا شويه و يقول ادعيه اللي تخليه يقرب من ربنا ويستعيذ من الشيطان وسيبكم بقى من كل ده لان عذاب القبر هيبقى عذاب شديد والله)
ــــــــــــــــــــــــــــــــــــــــــــــــــــــــــ
في شقه ورده
ورده كانت قاعده في البلكونه بتاعتها وماسكه كتاب تقرا فيه
وحاسه انها كانت مخنوقه جدا من جواها ومش مركزه في الكتاب من كتر خنقتها
قفلت الكتاب وحطيته قدامها على الترابيزه وهي بتحطه وخبطته جامد من الخنقه اللي جواها
ورده بدموع وخنقه: يا رب تركت كل اموري ليك فانت حلها من عندك ليا يا رب
ورده لنفسها بحزن شديد: مخنوقه طيب ما تقربي من ربنا قربي من ربنا بدل ما انتي ضايعه كده يا ورده
حاسه عقلها مشتت جدا ، وقلبها موجوع وجواها كلها خنقه وهموم كبيره وزاد عليها اكتر لما افتكرت ايشان لما قالها اخر مره في المكالمه
" لازم تنسيني لاني فتره وهسيبك يا ورده"
ورده بندم شديد وحزن: مش عايزك مش بيحبك عايز واحده غيرك وبيحبها وبيفكر فيها انتي ليه تتمسكي فيه ليه ليه تلجئي لي قالك انسيني فسيبيه سيبيه يا ورده
قامت ورده دخلت جوه الشقه وراحت على الحمام وقررت انها لازم تصلي
وتبدا فرصه جديده مع نفسك وتبطل تفكر في ايشان بالفعل وكان الدموع بتنزل منها وهي مقهوره جدا وزعلانه علي نفسها
ــــــــــــــــــــــــــــــــــــــــــــــــــــــ
في شقه وعد
كانت قاعده وعد تفكر في كلام
ياسين المؤلم ليها وكان جواها مقهور جدا وتعبانه ومصدوم من رد فعله من ليله امبارح
وعد بدموع وحزن شديد: ازاي اهون عليك يا ياسين ازاي ازاي تدخل وحده تانيه علي حياتك وتشاركها كل حياتك وانا اترمي كده بالسهل معقول انا خلاص يتملي مني لدرجه انك تروح تتجوز عليا ليه ليه يا اخي حرام عليك لا انا ما استاهلش كل ده منك _ عيطت جامد من قلبها بوجع؛ زهقت زهقت لان ما فيش خلفه اومال انا ما زهقتش ليه ما زهقتش من ابتلاء ربنا ليه ولا انت اللي زهقت مني ومش عايزني يا ياسين
واخدت نفس بتنهيده كلها هم وحزن شديد جواها
وعد بهموم جواها: يارب يارب قويني يا رب قويني من عندك يا رب ارزقني العيل اللي انا طالباه منك من سنين يا رب يا رب
بصيت حواليها في الشقه حست انها مخنوقه ما عادش ليها مكان ما عادش ليها اي قيمه اصبحت لوحدها من اللحظه دي كارهه عيشتها وكارهه ياسين اكتر
ـــــــــــــــــــــــــــــــــــــــــــــــــــــــــ
رحيم و ريتال كانو جم عند أمنه
ريتال بابتسامة: انتي وحشاني اوي اوي يا طنط
أمنه بحب: يا حبيبتي ربنا يباركلي فيكي يارب طمنيني عليكي عامله ايه انتي يا قمر
ريتال بابتسامة: الحمدلله والله
أمنه بابتسامة: رحيم عامل ايه معاكي اوعي تكون بتزعل ريتال يا رحيم ها
ريتال بصتله بابتسامة: لا طبعاً ده عمري والله
رحيم بتريقه: والله هي اللي مزعلاني ما انا
ريتال بغيظ: والله
أمنه ضحكت: ابتدينا بقى اهو
رحيم رفع ايديه لفوق وضحك: انا ساكت اهو مليش دعوه
سيف طلع من غرفته في وقت ده وسلم على رحيم
رحيم: عامل ايه يا معلم طمني عليك
سيف: الحمدلله يا ابو الصحاب
رحيم بصله نظره لاقي الحزن ظهر في عيونه وباين عليه جدا
سيف بص لريتال بابتسامة بسيطه: عامله ايه يا غاليه
ريتال بابتسامة: الحمدلله بخير دامك بخير يا خويا
سيف: ربنا يجعلك دايما بخير يارب
ريتال: يارب انا وانت
أمنه جبت كوبايه العصير اديتها لريتال
أمنه بابتسامة: يلا اشربي يروحي
ريتال اخدت منها بابتسامة: تسلميلي يروحي
رحيم قام: تعال ننزل انا وانت تحت في الجنينة عاوز اتكلم معاك
ريتال قامت بسرعه: انت رايح فين اجي معاك
سيف: هيروح فين يا بنتي بيقولي هنروح ننزل الجنينه تحت مش رايح هو مش راجع
رحيم ضحك بصوت عالي: اهدي بقول هقعد تحت و جاي
مسكت ايدها أمنه وضحكت: اقعدي اقعدي يا ريتال صلي على النبي في قلبك يا بنتي
ريتال قعدت وضحكت بضيق: عليه افضل الصلاة والسلام افتكرته هيمشي ويسيبني في مكان
رحيم: لا متخافيش انا تحت ابقي نادمي عليا او رني لو عاوزه حاجه او ان زهقتي و عاوزه تمشي
ريتال: حاضر
ونزل بالفعل الشباب هما الاتنين وفضلو ريتال و أمنه مع بعض
أمنه: نورتني يا قمر
ريتال: بنورك يا طنط يا قلبي
ريتال بصتلها وقالت بضيق شديد: عاوزه اقولك حاجه يا طنط بس اوعي تقولي لرحيم احسن خايفه منه والله
أمنه: قولي يا حبيبتي متخافيش
ريتال: انا حامل لسه في أوائل الحمل
أمنه فرحت: حبيبتي مبارك يا قمر؛ ثم كملت بقلق عليها: بس ازاي حامل مش الدكتوره منعتك من الحمل دلوقتي في سنك ده عشان الرحم بتاعك ضعيف و الجنين ممكن لقدر الله ينزل مره تانيه
ريتال بحزن: انا خايفه من كده انا هتعب بجد اووي زي مره الاولانيه كنت هموت انا كنت باخد برشام منع الحمل الدكتوره كتبتلي من زمان
امنه بحيره: مش عارفه اقولك ايه يا حبيبتي سيبيها على الله ادعي ربنا يكمل على خير وانا هدعيلك يا قمر و متخافيش
ريتال بتنهيده: ان شاءلله خير
أمنه: ما تقولي لرحيم طيب
ريتال بسرعه: لا استنى شويه ان شاءلله خير بقا
أمنه: ريتال رحيم هيزعل من كده قوليله هو هيفرح من كده مش هيتضايق ولو اتضايق او زعق ليكي هو خايف عليكي
ريتال بضيق: حاضر يا طنط هحاول اقوله
أمنه بابتسامة: ما تقلقيش خير باذن الله وهيكمل يا قمر
ريتال: يارب يارب
باب الشقه كان مفتوح واسيل في الوقت ده دخلت
اسيل: ريتال
ريتال قامت بابتسامة: قلبي اللي وحشاني
اسيل راحت حضنتها جامد بابتسامة
ريتال بألم: يا غبيه ضلوعي هتتكسر
اسيل ضحكت: اصلك وحشاني جدا جدا والله
ريتال بوجع في جسمها زقتها: يا غبيه جسمي وجعني ابعدي كده بقى
امنه ضحكت بابتسامة: براحه عليها شويه يا اسيل اصلها حامل
اسيل فرحت جدا ليها: بجد مبارك يااا قلبي
ريتال بسرعه: هششش وطي صوتك احسن رحيم هنا يسمع صوتك مش عاوزه اقوله تمام
اسيل: اها قصدك عامله مفاجأة لي
ريتال: حاجه زي كده
اسيل: اه تعالي بقا علشان عايزين نتكلم انا وانتي في موضوع برن عليكي من يومين مش بتردي ليه يا بت
ـــــــــــــــــــــــــــــــــــــــــــــــــــــــــ
في جنينه المنزل تحت
كان قاعد رحيم و سيف
رحيم بص ليسف: سيف طمني عليك عامل ايه
سيف بتنهيده: الحمدلله يا غالي
رحيم: مش باين عليك أبداً
سيف بصله بضيق: في اي يا رحيم؟
رحيم بعتاب: زعلان عليك ليه بتعمل كده في نفسك
سيف: يا سيدي وانا كويس ما فيش اي حاجه
رحيم: اقسم بالله ما باين عليك ابدا
سيف بحزن شديد: ما فيش حد في الدنيا ما بيزعلش ما فيش حد في الدنيا دي ما بيفكرش فسيبني بالله عليك
رحيم بــ آمـل: مش يمكن ما يتفقوش وتبقى ليك في يوم من الايام
سيف باستغراب من كلامه: ايه ليه بتقول كده؟
رحيم بتنهيد: ياما مخطوبات كتيره جدا بتتفشكل وبتتفقوش مع بعض
سيف بحزن: مش عارفه اقولك ايه مش عايز ربنا يغضب عليا بسبب اني اتمنى لحد زيي زيو يوم من الايام حياته تكون في الخراب بسبب اني عايز الحاجه دي تكون ليا
رحيم: انا مش بقولك اتمنى لحد حاجه وحشه. بقولك يمكن لان مش شايف انها مناسبه لايشان
سيف بتنهيده حزينه: مستني الايام هي اللي تكشف كل واحد على حقيقته يا رحيم
رحيم بدهشه: اوعي تقول انه كدب عليها في اي حاجه عن حياته
سيف بخنقه جواه: ده اللي حصل اومال هما اتخطبوا ازاي
رحيم بعصبيه: هو عمك ايشان ده عايش ازاي بالظبط بــ حياته دي اي مش بــ يخاف من ربنا
بصله سيف بهموم جواه وحزن
رحيم اتنهد وقال : حاول متزعلش نفسك يا سيف واشغل روحك بعيد عنها و عن تفكيرك فيها دا علشان خاطر نفسك يا صاحبي نصيحه مني ليك وسيبها على الله متعرفش بكره في اي او مكتوب فيه اي
ـــــــــــــــــــــــــــــــــــــــــــــــــــــــ
في يوم جديد
في الكافتيريا وعد ورده كانوا متقابلين في الكافتيريا سوا
ورده بحزن: مالك يا وعد انتي ليه زعلانه و ليه من وقت ما قابلتك عماله تعيطي يا قلبي قوليلي مالك بس
وعد بحزن وهموم الدنيا: ورده انا وياسين قرر اننا هننفصل خلاص عن بعض
ورده بصدمه: ايه ليه طيب ليه يا وعد اي اللي حصل لكل ده
وعد بدموع وعصبيه: ياسين بيه قال عايز يتجوز يا ورده شوفتي شوفتي اللي هيعملو بعد العمر ده كله
ورده بعدم صدق: يتجوز اي بس دا يمكن بيقولك كده يا وعد مش صادق في كلامه يا حبيبتي
وعد بدموع وقهره:لا صادق صادق يا ورده والله في كل كلمه بيتكلم من جده
ورده بحزن شديد: طيب هتعملي ايه دلوقتي يا وعد هتعملي ايه يا ختي
وعد بــ نار غيره جواها وحقد: يعمل اللي يعمله براحته وانا براحتي هو عمل حاجه بــ دماغه وانا اعمل اللي يريحني بقا يبقي كل واحد فينا يعمل اللي علي مزاجه من هنا ورايح
ورده بعدم فهم: هتعملي ايه مش فاهمه يعني؟؟
وعد بصتلها بغل جواها: بقولك ايه ايشان دلوقتي في السفريه بتاعته من يومين اهو باقي كمان ساعات و يجي عايزاكي تفضلي وراه لحد ما تخربي عليه الجوازه دي انا هخربها عليه وعلى اخوه ياسين
ورده بدهشه: انتي بتقولي ايه بس وبعدين انا ايشان خلاص مش اتكلم معاه و نهيت علاقتي بيه لانه هو مش عايزني و قالي انه بيحبها كمان وانتي قولتي حرام و فعلاً حرام لازم انسي بقا
ورده بغل: اعملي اللي بقولك عليه انا وانتي مش هنسيب الاخوات تعيش بالسهل كده مبسوطين مع كل واحده هما مختارينهم اللي مختارينهم دول مش احسن مننا يا غبيه افهمي بقا
ورده بغيره: يعني ايه يعني؟؟
وعد بحقد: يعني تعملي اللي بقولك عليه و لازم نحط ايدينا في ايدينا بعض انا هرد لاياسين الوجع وانتي تخربي علي ايشان الجوزاه دي
مدت ايدها ورده وقالت: وانا معاكي يا وعد من دلوقتي في اللي انتي عايزه
مدت ايدها هي ايضأ وعد بحقد جواها وغيره ماليه قلبها
وعد: هقولك تعملي اي من اول ما ايشان يجي من السفريه دي يا ورده
يتبع …